phyag rgya rgya chen

om rje btsun ma 'phags ma sgrol ma la phyag 'tshal lo/

/phyag 'tshal sgrol ma myur ma dpa' mo/ /spyan ni skad cig glog dang 'dra ma/ /'jig rten gsum mgon chu skyes zhal gyi/ /ge sar bye ba las ni byung ma/

/phyag 'tshal ston ka'i zla ba kun tu/ /gang ba brgy ni btsegs pa'i zhal ma/ /skar ma stong phrag tshogs pa rnams kyis/ /rab tu phye ba'i 'od rab 'bar ma/

/phyag 'tshal gser sngo chu nas skyes kyi/ /padmas phyag ni rnam par brgyan ma/ /spyin pa brtson 'grus dka' thub zhi ba/ /bzod pa bsam gtan spyod yul nyid ma/

/phyag 'tshal de bzhin gshegs pa'i gtsug tor/ /mtha' yas rnam par rgyal bar spyod ma/ /ma lus pha rol phyin pa thob pa'i/ /rgyal ba'i sras kyis shin tu bsten ma/

/phyag 'tshal tutt'a ra h'uM yi ges/ /'dod dang phyogs dang nam mkha' gang ma/ /'jig rten bdun po zhabs kyis mnan tu/ /lus pa med par 'gugs par nus ma/

/phyag 'tshal brgya byin me lha tshangs pa/ /rlung lha sna tshogs dban phyug mchod ma/ /'byung po ro langs dri za rnams dang/ /gnod sbyin tshogs kyis mdun nas bstod ma/

/phyag 'tshal trad ces bya dang phaT kyis/ /pha rol 'khrul 'khor rab ru 'joms ma/ /gyas bskums gyon brkyangs zhabs kyis mnan te/ /me 'bar 'khrugs pa shin tu 'bar ma/

/phyag 'tshal tu re 'jigs pa chen mo/ /bdud kyi dpa' bo rnam par 'joms ma/ /chu skyes zhal ni khro gnyer ldan mdzad/ /dgra bo thams cad ma lus gsod ma/

/phyag 'tshal dkon mchog gsum mtshon phyag rgya'i/ /sor mos thugs kar rnam par brgyan ma/ /ma lus phyogs kyi 'khor los brgyan pa'i/ /rang gi 'od kyi tshogs rnams 'khrugs ma/

/phyag 'tshal rab tu dga' ba brjid pa'i/ /dbu rgyan 'od kyi phreng ba spel ma/ /bzhad pa rab bzhad tutt'a ra yis/ /bdud dang 'jig rten dbang du mdzad ma/

/phyag 'tshal sa gzhi skyong ba'i tshogs rnams/ /thams cad 'gugs par nus ma nyid ma/ /khro gnyer gyo ba'i yi ge h'uM gis/ /phongs pa thams cad rnam par sgrol ma/

/phyag 'tshal zla ba'i dum bus dbu brgyan/ /brgyan pa thams cad shin tu 'bar ma/ /ral pa'ikhrod nas 'od dpag med las/ /rtag par shin tu 'od rab mdzad ma/

/phyag 'tshal bskal pa tha ma'i me ltar/ /'bar ba'i phreng ba'i dbus na gnas ma/ /gyas brkyangs gyon bskums kun nas bskor dga'i/ /dgra yi dpang ni rnam par 'joms ma/

/phyag 'tshal sa gzhi'i ngos la phyag gi /mthil gyis bsnun cing zhabs kyis brdung ma/ /khro gnyer can mdzad yi ge h'uM gis/ /rim pa bdun po rnams ni 'gems ma/

/phyag 'tshal bde ma dge ma zhi ma/ /mya ngan 'das zhi spyod yul nyed ma/ /sw'a h'a oM dang yang dag ldan pas/ /sdig pa then po 'joms pa nyid ma/

/phyag 'tshal kun nas bskor rab dga' ba'i/ /dgra yi lus ni rab tu 'gems ma/ /yi ge bcu pa'i ngag ni bkod pa'i/ /rig pa h'uM las sgrol ma nyid ma/

/phyag 'tshal tu re'i zhabs ni brdabs pas/ /h'uM gi rnam pa'i sa bon nyid ma/ /ri rab mand'a radang 'bigs byed/ /'jig rten gsum rnams gyo ba nyid ma/

/phyag 'tshal lha yi mtsho yi rnam pa'i/ /ri dwags rtags can phyag na bsnams ma/ /t'a ra gnyis brjod phaT kyi yi ges/ /dug rnams ma lus par ni sel ma/

/phyag 'tshal lha yi tshos rnams rgyal po/ /lha dang mi'am ci yis bsten ma/ /kun nas go cha dga'i ba'i brjid kyis/ /rtsod dang rmi lam ngan pa sel ma/

/phyag 'tshal nyi ma zla ba rgyas pa'i/ /spyan gnyis po la 'od rab gsal ma/ /ha ra gnyis brjod tutt'a ra yis/ /shin tu drag po'i rims nad sel ma/

/phyag 'tshal de nyid gsum rnas bkod pas/ /zhi ba'i mthu dang yang dag ldan ma/ /gdon dang ro langs gnod sbyin tshogs rnams/ /'joms pa tu re rab mchog nyid ma/

/rtsa ba'i snags kyi bstod pa 'di dang/ /phyag 'tshal ba ni nyi shu rtsa gcig/

/lha mo la gus yang dag ldan pa’i/ /blo ldan gang gis rab dang brjod pas/ /srod dang tho rangs langs par byas nas/ /dran pas mi ‘jigs thams cad rab ster/

/sdig pa thams cad rab tu zhi ba/ /ngan ‘gro thams cad ‘joms pa nyid do/ /rgyal be bye ba phrag bdun rnams kyis / /myur du dbang ni bskur bar ‘gyur la/

/’di las che ba nyid ni thob cing/ /sangs rgyas go ‘phang mthar thug der ‘gro/ /de yi dug ni drag po chen po/ /brtan gnas pa’am gzhan yang ‘gro ba/

/zos pa dang ni ‘thungs pa nyid kyang/ /dran pas rab tu sel ba nyid thob/ /gdon dang rims dang dug gis gzir ba’i/ /sdug bsngal tshogs ni rnam par spangs te/

/sems can gzhan pa rnams la yang ngo/ /gnyis gsum bdun du mngon par brjod na/ /bu ‘dod pas ni bu thob ‘gyur zhing / /nor ‘dod pas ni nor rnams nyid thob/

/’dod pa thams cad thob par ‘gyur la/ /bgegs rnams med cing so sor ‘joms ‘gyur//