Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/sgom sde tshig mdzod chenmo/4408  + (སྤྲིས་མ་དང་དོན་འདྲ། ལུང་རྣམ་འབྱེད་༼ ཅ ༽༤༨བ … སྤྲིས་མ་དང་དོན་འདྲ། ལུང་རྣམ་འབྱེད་༼ ཅ ༽༤༨བ༥ལས། ས་ཆེན་པོ་ཆུ་འབའ་ཞིག་དང་། རྒྱ་མཚོ་འབའ་ཞིག་ཏུ་གྱུར་པའི་སྟེང་དུ་རླུང་གིས་པྲིས་མ་ཀུན་ཏུ་འཆགས་པར་བྱེད། ཀུན་ཏུ་འཐས་པར་བྱེད། ཀུན་ཏུ་ཁྱབ་པར་བྱེད་དེ་འདི་ལྟ་སྟེ། དཔེར་ན་འོ་མ་བསྐོལ་བ་གྲངས་པར་གྱུར་པའི་སྟེང་དུ་རླུང་གིས་པྲིས་མ་ཀུན་ཏུ་འཆགས་པར་བྱེད། ཅེས་གསུངས་པ་ལྟར་རོ། །ཀུན་ཏུ་འཆགས་པར་བྱེད། ཅེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/12952  + (སྦྱིན་སྲེག་དུས་ཚོད་ནམ་ཡིན་ལ་འབུལ་མི་རུང་བར … སྦྱིན་སྲེག་དུས་ཚོད་ནམ་ཡིན་ལ་འབུལ་མི་རུང་བར་མེ་ལྷ་ཡོད་མེད་བརྟག་དགོས་པ་འདི་ལྟར། སྲེག་བླུག་བྱེད་པར་འདོད་པ་ན། །མེ་ལྷ་དྲང་སྲོང་ས་གསུམ་དུ། །གང་བཞུགས་བརྩད་པར་བྱ་དགོས་པ། ། གང་བརྩིས་ཉིན་གྱི་ཉིན་གྲངས་ལ། །དེ་ཡི་རེས་གཟའི་གྲངས་ཀྱང་བསྲེས། །དེ་སྟེང་གཅིག་སྣོན་བཞིར་བགོས་པས། །གསུམ་དང་ཐིག་ཤར་ས་སྟེང་གནས། །སྲེག་བླུག་བྱེད་ན་དངོས་གྲུབ་ཐོབ། །གཉིས་ཤར་ས་འོག་ལ་གནས་པས། །སྦྱིན་སྲེག་སྲེག་བླུག་བྱ་མི་རུང༌། །གཅིག་ཤར་སུམ་ཅུ་རྩ་གསུམ་གནས། །དེ་ཡང་སྲེག་བླུག་མི་རུང་ངོ༌། །ཞེས་སོགས་ཀྱིས་བརྟག་དགོས་པས། གོང་གི་ཚིག་དེ་དག་གི་འགྲེལ་བཤད་མདོ་ཙམ་བརྗོད་པ་ལ། བོད་ཟླ་དྲུག་པའི་ཚེས་༡ ཉིན་སྦྱིན་སྲེག་བྱེད་པར་འདོད་ན། ཚེས་ ༡ ལ་གྲངས་གཅིག་བགྲང༌། དེ་ཉིན་རེས་གཟའ་མིག་དམར་ཡིན་ན། ༡ ཉི་མ། ༢ ཟླ་མ། ༣ མིག་དམར་ཞེས་གསུམ་བགྲང༌། དེའི་སྟེང་ཡང་འཕྲེང་བ་གཅིག་བསྣན་པས། བསྡོམས་པའི་གྲངས་ལྔར་གྱུར་ཅིང༌། དེ་ནས་བཞི་ཕྲི་པས་གཅིག་ལྷག་གོ། གྲངས་གཅིག་ལ་མེ་ལྷ་དྲང་སྲོང་སུམ་ཅུ་རྩ་གསུམ་དུ་བཞུགས་ཡོད་པས། སྦྱིན་སྲེག་འབུལ་མི་རུང་ཞེས་པའི་དོན་དང༌། དེས་གཞན་ལའང་རིགས་འགྲེའོ། །ཡང༌། ཚེས་ ༣ ཆད་པའི་ ༤ ལ་སྦྱིན་སྲེག་བྱེད་འདོད་ན། ཚེས་གཅིག གཉིས། བཞི་ཞེས་གསུམ་བགྲང༌། དེའི་ཉིན་རེས་གཟའ་སྤེན་པ་ཡིན་ན། ༡ ཉི་མ། ༢ ཟླ་བ། ༣ མིག་དམར། ༤ ལྷག་པ། ༥ ཕུར་བུ། ༦ པ་སངས། ༧ སྤེན་པ་ཞེས་བདུན་བགྲང༌། དེའི་སྟེང་གཅིག་བསྣན་པས། ཁྱོན་བསྡོམས་གྲངས་བཅུ་གཅིག་ཏུ་གྱུར། དེ་ལས་བཞི་ཚན་གཉིས་ཕྲི་པས། གསུམ་ལྷག་མ་ལུས་སོ། །དེ་ལ་མེ་ལྷ་དྲང་སྲོང་ས་སྟེང་དུ་གནས་པས་སྦྱིན་སྲེག་བྱ་རུང་ཞིང༌། བྱས་ན་ཕན་ཡོན་བསམ་གྱིས་མི་ཁྱབ་པ་འཐོབ་བོ། །གསུམ་དང་ཐིག་ཤར་ས་སྟེང་གནས། །ཞེས་པའི་ཐིག་ནི་ཐིག་ལེ་སྟེ། སྟོང་པ་བབས་ནའང་གོང་དང་འདྲ་བར་སྦྱིན་སྲེག་འབུལ་རུང་ཞེས་པའི་དོན་ནོ། །ཚེས་ ༤ ལྷག་པ་ལྟ་བུ་ལའང༌། ཚེས་གཅིག་༡ གཉིས། ༢ གསུམ། ༣ བཞི། ༤ བཞི། ༥ ཞེས་གྲངས་ལྔ་འདྲེན་དགོས།མ། ༣ བཞི། ༤ བཞི། ༥ ཞེས་གྲངས་ལྔ་འདྲེན་དགོས།)
• Dictionaries/sgom sde tshig mdzod chenmo/8925  + (སྦྱོར་བའི་ཆོས་དྲུག་གི་གཉིས་པ་མཆོད་པ་གཡོ་མེ … སྦྱོར་བའི་ཆོས་དྲུག་གི་གཉིས་པ་མཆོད་པ་གཡོ་མེད་ཅིང་བཀོད་པ་མཛེས་པར་བཤམ་པ་ལ། དང་པོ་ (ཡོན་ཆབ་ཀྱི་ངོ་བོ) ནི། ཡོན་ཆབ་ནི་ཆུའི་མཆོད་པ་ལ་ཟེར། གཉིས་པ་ (སྒྲ་བཤད) ནི། ཡོན་ནི་འདིར་འབུལ་བའམ་མཆོད་པའི་དོན་དང་། ཆབ་ནི་ཆུའི་ཞེ་ས་སྟེ། སྐྱབས་ཡུལ་ལ་དྭངས་ཤིང་གཙང་བའི་ཆུའི་མཆོད་པ་འབུལ་བ་ལ་ཟེར་རོ། །དྭངས་ཤིང་བསིལ་བའི་ཡོན་ཆབ་གཙང་མ་ཕུལ་ན་ཤེས་རྒྱུད་ཀྱི་སྡིག་ལྟུང་སྦྱངས་ཏེ་ས་ལམ་གྱི་རྟོགས་པ་སྐྱེ་བའི་དགོས་པ་ཆེ་ཞིང་བསྒྲུབ་སླ་ལ་སེར་སྣ་སོགས་ཀྱི་ཉེས་པ་མི་འཇུག་པས་བླ་མ་གོང་མ་རྣམས་ཀྱིས་གཙོ་བོར་མཛད། ཅེས་རྗེ་གུང་ཐང་པ་གསུང་། གསུམ་པ་ (ཡོན་ཆབ་འབུལ་བའི་སྲོལ་དར་ཚུལ) ནི། ཇོ་བོ་རྗེ་དཔལ་ལྡན་ཨ་ཏི་ཤ་བོད་དུ་ཕེབས་དུས། ཇོ་བོ་ཆེན་པོས། བོད་ཀྱི་ཆུ་འདི་ཐམས་ཅད་ཡན་ལག་བརྒྱད་ལྡན་ཡིན་པས་བོད་ན་མཆོད་པ་ཡོན་ཆབ་གཅིག་པུས་ཆོག་པར་འདུག་ཅེས་གསུངས་པ་ལ་བརྟེན་ནས་བོད་དུ་ཡོན་ཆབ་འབུལ་བའི་སྲོལ་དར་བར་བཤད། སྤྱིར་བཏང་མཆོད་ཏིང་མང་པོ་སྟར་བསྒྲིགས་ནས་ཆུའི་མཆོད་པ་འབུལ་བའི་སྲོལ་འདི་སྔོན་རྒྱ་གར་དུ་ཐེག་པ་ཆེན་པོའི་བསྟན་པ་དར་བའི་སྐབས་དར་བ་ཡིན་མོད། ཕྱིས་སུ་ཉམས་སོ། །བྷར་མའི་གཙུག་ལག་ཁང་རྣམས་སུ་ཡང་རང་རེ་བོད་ཀྱི་ཡུལ་ལྟར་ཉིན་ལྟར་ཏིང་བརྒྱ་ཕྲག་ཁ་ཤས་ནང་དུ་ཡོན་ཆབ་འབུལ་བའི་སྲོལ་ཡོད་པར་དགེ་འདུན་ཆོས་འཕེལ་གྱིས་གཏམ་རྒྱུད་གསེར་གྱི་ཐང་མ་ལས་བཤད་དེ། བྷར་མའི་གཙུག་ལག་ཁང་རྣམས་སུ་ཉིན་རེ་བཞིན་ཏིང་བརྒྱ་ཕྲག་རེ་གཉིས་ཀྱི་ནང་དུ་ཆུའི་མཆོད་པ་བོད་བཞིན་དུ་འབུལ་བའི་སྲོལ་མཆིས། འདི་སིདྒ་ལ་སོགས་ཉེ་བའི་ཡུལ་གང་ན་ཡང་མེད་པས་སྔོན་ཐེག་ཆེན་པའི་དུས་སུ་དར་བ་ཞིག་ཡིན་ཟེར། རང་རེ་རྣམས་ཀྱིས་ཡོན་ཆབ་ཀྱི་སྲོལ་ཇོ་བོ་བྱོན་ནས་བོད་ཀྱི་ཆུ་གཟིགས་ཏེ་གསར་དུ་མཛད་པ་འདྲ་བ་ཞིག་བཤད་མོད། དོན་ལ་རྒྱ་གར་ལ་སྔ་མོ་ནས་དར་བར་མངོན། ཞེས་དགེ་འདུན་ཆོས་འཕེལ་གསུང་ངོ་། །བཞི་པ་ (ཡོན་ཆབ་འབུལ་ཚུལ) ནི། ཡོན་ཆབ་འབུལ་བའི་ཚེ་ཐོག་མར་གནས་ཁང་བྱི་དོར་བྱ་བ་སོགས་སྤྱི་འགྲེ་ལྟར་སྔོན་དུ་བཏང་། དེ་ནས་ལག་པ་ལེགས་པར་བཀྲུས་ལ་གཙང་སྦྲ་དང་ལྡན་པའི་སྒོ་ནས་ཏིང་རྣམས་ལེགས་པར་ཕྱིས། ཏིང་ཆེ་ཆུང་ལ་གཞིགས་ཏེ་བར་ཐག་ཀྱང་ཆེ་ཆུང་འཚམ་པ་ཞིག་བཞག ཏིང་ཆུང་ཆུང་ཡིན་ན་ནས་འབྲུ་ཞིག་འཕྲད་སྟབས་སུ་བཞག་པའི་བར་ཐག་འཇོག བར་ཐག་རིང་ན་བླ་མ་དང་འབྲལ་བ་དང༌། ཅིག་གིས་ཅིག་ལ་ཐུག་ན་དབང་པོ་རྟུལ་བ་དང༌། སྒྲ་འབྱིན་ན་སྨྱོ་བ་སོགས་འབྱུང་བར་ཡང་བཤད། དེ་ཡང་སྣོད་སྟོང་པ་བསྒྲིགས་ན་རྟེན་འབྲེལ་འཕྱུག་པས་ཏིང་རྣམས་བརྩེགས་པའི་སྟེང་མར་ཆུ་ཅུང་ཟད་བླུགས། ཆུ་དེ་འོག་མ་འོག་མར་བགོ་བཞིན་དུ་སྟོང་པ་མིན་པར་རིམ་བཞིན་མཆོད་ཁྲིའི་སྟེང་འགྲེམས། དེ་ནས་འབུལ་བའི་ཚེ་ལག་པ་ཡ་གཅིག་གིས་འབུལ་བར་བྱེད་པ་སོགས་མ་གུས་པ་མི་བྱ་བར་རྒྱལ་པོ་ཆེན་པོ་ཞིག་ལ་གསོལ་ཇ་ཞུ་བ་ལྟར་བྱེད་དགོས། དེ་ཡང་ནས་འདྲ་མ་ཞེས་ནས་འབྲུའི་དབྱིབས་ལྟར་ཐོག་མཐའ་གཉིས་ཕྲ་ཞིང་དཀྱིལ་སྦོམ་པ་བྱས་ནས་འབུལ། ཕྱིར་བོ་ཞིང་ལུད་ན་ཚུལ་ཁྲིམས་འཆལ་ཞིང༌། མ་ཁེངས་ན་ལོངས་སྤྱོད་དབུལ་བ། ཡ་ཡོར་སོང་ན་ལམ་ལོག་པར་གོལ་བ་སོགས་ཀྱི་ཉེས་པ་འབྱུང་བར་བཤད། རྩྭ་ཀུ་ཤ་ལྟ་བུའི་རྩེར་ཡོན་ཆབ་ཀྱི་ཆུ་ལས་ཆུའི་གཟེགས་མ་བླངས་ཤིང་། ངག་ནས་ༀ་ཨཱཿཧཱུྃ་ལན་གསུམ་བརྗོད་པ་དང་མཉམ་དུ། ཡོན་ཆབ་ལ་སིལ་གཏོར་བྱས་ཏེ་བྱིན་གྱིས་བརླབ་དགོས། ལྔ་པ་ (ཡོན་ཆབ་བྱིན་གྱིས་རློབ་ཚུལ) རྡོ་རྗེ་གསུམ་སྟེ་སངས་རྒྱས་ཀྱི་སྐུ་གསུང་ཐུགས་ཀྱི་ངོ་བོ་མཚོན་པའི་ༀ་ཨཱ་ཧཱུྂ་གསུམ་གྱི་ཡིག་འབྲུའི་ཚོགས་དཔག་ཏུ་མེད་པ་གནམ་མཁའ་ལས་ཁ་བ་འབབ་པ་ལྟར་བབས་ཏེ་དངོས་སུ་བཤམས་པ་དང་ཡིད་ཀྱིས་སྤྲུལ་པའི་ཡོན་ཆབ་སོགས་ཡིད་དུ་འོང་བའི་མཆོད་པའི་དངོས་པོ་ནམ་མཁའི་མཐའ་ཀླས་པ་དེ་དག་ལ་སིམས་ཏེ་བྱིན་གྱིས་བརླབས་པར་མོས། དེ་ཡང་ཧཱུྂ་ཡིག་ཐུགས་རྡོ་རྗེའི་ས་བོན་ཡིན་པས་ཁ་དོག་དང་དྲི་དང་ནུས་པ་སོགས་ཀྱི་སྐྱོན་ཐམས་ཅད་སྦྱངས་པར་བསམ། ཨཱ་ཡིག་གསུང་རྡོ་རྗེའི་ས་བོན་ཡིན་པས་ཐ་མལ་གྱི་ཆུ་དེ་ཉིད་བདུད་རྩིར་བསྒྱུར་བར་བསམ། ༀ་ཡིག་སྐུ་རྡོ་རྗེའི་ས་བོན་ཡིན་པས་ཡེ་ཤེས་ཀྱི་བདུད་རྩི་དེ་ཉིད་མང་པོར་སྦར་ཞིང་སྤེལ་བའི་མོས་པ་བྱའོ། །དེ་ནས་ༀ་ན་མོ་བྷ་ག་ཝ་ཏེ། བཛྲ་སཱ་ར་པྲ་མརྡྷ་ནི། ཏ་ཐཱ་ག་ཏཱ་ཡ། ཨརྷ་ཏྱེ་ས་མྱཀ་སཾ་བུདྡྷ་ཡ། ཏདྱ་ཐཱ། ༀ་བཛྲེ་བཛྲེ་མཧཱ་བཛྲེ། མཧཱ་ཏེ་ཛ་བཛྲེ། མཧཱ་བིདྱཱ་བཛྲེ། མཧཱ་བོ་དྷི་ཙིཏྟ་བཛྲེ། མཧཱ་བོདྷི་མཎྜོ་པ་སཾ་ཀྲ་མཎ་བཛྲེ། སརྦ་ཀརྨྨ་ཨ་ཝ་ར་ཎཱ་བི་ཤོ་དྷ་ན་བཛྲེ་སྭཱཧཱ། ཞེས་དེ་བཞིན་གཤེགས་པ་རྡོ་རྗེ་རབ་འཇོམས་ཀྱི་གཟུངས་སམ་མཆོད་པའི་སྤྲིན་གྱི་གཟུངས་བརྗོད་བཞིན་པར་ཕུལ་ན་ཕྱོགས་བཅུའི་སངས་རྒྱས་ཐམས་ཅད་ཀྱི་སྤྱན་སྔར་མཆོད་པའི་སྤྲིན་གྱི་ཕུང་པོ་ནམ་མཁའ་གང་བ་འབྱུང་བར་གསུངས་པས་ཤིན་ཏུ་ཕན་ཡོན་ཆེའོ། །དྲུག་པ་ (མཆོད་ཏིང་གི་རྒྱུའི་ཁྱད་པར) མཆོད་ཏིང་ལ་རྫ་ཁོག་སོགས་རུང་ངམ་ཞེ་ན། བྱ་བྲལ་བ་ལྟ་བུའི་དབུལ་ཕོངས་ལ་ནི་རུང་ངོ་། །དབུལ་པོ་བྱ་བྲལ་བ་ལྟ་བུ་སྦྱོར་བ་མེད་ན་རང་གི་ཕོར་པ་ཡང་རུང་བར་གསུངས་ཏེ། རྗེ་སྒྲུབ་ཁང་པ་དགེ་ལེགས་རྒྱ་མཚོ་དེ་ཉིད་ཐོག་མར་སེ་ར་རྩེར་རྗེའི་སྒྲུབ་ཁང་དུ་ཕེབས་འཕྲལ་སྐབས་སྐུ་ཆས་དང་ཡོ་བྱད་བཀྲེན་པས། ཡོན་ཆབ་འབུལ་བའི་ཏིང་ཙམ་ཡང་མེད་པར། ཡོན་ཆབ་འབུལ་སྐབས་ཁོང་རང་གི་བཞེས་སྤྱད་ཆུས་ཡག་པོ་བཀྲུས་ནས་དེ་ལ་ཡོན་ཆབ་འབུལ་བར་གསུངས་པའི་ལོ་རྒྱུས་ཡོད་དོ། །འོ་ན་གསེར་དངུལ་ཟངས་སོགས་བྱེད་པ་རྒྱུ་མཚན་ཅི་ཡིན་ཞེ་ན། རང་གི་སྦྱོར་བས་ལྕོགས་ན་སྣོད་ཇི་ཙམ་རིན་ཆེ་བ་དེ་ཙམ་གྱིས་ཕན་ཡོན་ཡང་ཆེ་བ་ཡིན་ནོ། །བདུན་པ་ (ཡོན་ཆབ་ཕུལ་བའི་ཕན་ཡོན) ཕན་ཡོན་བཤད་པ་བཤད་པ་ལ། ཐོག་མར་ཡན་ལག་བརྒྱད་ལྡན་གྱི་ཆུ་ངོས་གཟུང་བ་ནི། མཆིམས་མཛོད་ལས། བསིལ་དང་ཞིམ་དང་ཡང་བ་དང༌། །འཇམ་དང་དྭངས་དང་དྲི་ང་མེད། །འཐུངས་ན་མགྲིན་དང་ལྟོ་བ་ལ། མི་གནོད་ཡན་ལག་བརྒྱད་ལྡན་ཆུ། །ཞེས་གསུངས་པ་ལྟར་རོ། །ཡན་ལག་བརྒྱད་ལྡན་གྱི་ཆུ་འབུལ་བའི་ཕན་ཡོན་ནི། དྭངས་ཤིང་བསིལ་བའི་ཡོན་ཆབ་གཙང་མ་ཕུལ་ན་ཤེས་རྒྱུད་ཀྱི་སྡིག་ལྟུང་སྦྱངས་ཏེ་ས་ལམ་གྱི་རྟོགས་པ་སྐྱེ་བའི་དགོས་པ་ཡོད་པར་གསུངས་ཤིང་། ཁྱད་པར་དུ་ཡན་ལག་བརྒྱད་ལྡན་གྱི་ཆབ་ཕུལ་བས་ནི། ཆུ་བསིལ་བ་ཕུལ་བས་ཚུལ་ཁྲིམས་དག་པ་དང༌། ཆུ་ཞིམ་པ་ཕུལ་བས་ཟས་ཀྱི་རོ་མཆོག་རྙེད་པ་དང༌། ཆུ་ཡང་བ་ཕུལ་བས་ལུས་སེམས་ལས་སུ་རུང་བ་དང༌། ཆུ་འཇམ་པ་ཕུལ་བས་ཤེས་རྒྱུད་འཇམ་པ་དང༌། ཆུ་དྭངས་བ་ཕུལ་བས་རིག་པ་དྭང་བར་འགྱུར་བ་དང༌། ཆུ་དྲི་མི་ང་བ་ཕུལ་བས་སྒྲིབ་པ་སྦྱོང་བ་དང༌། ཆུ་ལྟོ་ལ་མི་གནོད་པ་ཕུལ་བས་ལུས་ལ་ནད་མི་འབྱུང་བ་དང༌། ཆུ་མགྲིན་པ་ལ་མི་གནོད་པ་ཕུལ་བས་ངག་སྙན་པ་བཅས་ཀྱི་ཕན་ཡོན་བརྒྱད་འབྱུང་བར་གསུངས་སོ། །གཞན་ཡང་ཆུ་ཕུལ་བས་ཕན་ཡོན་ཅི་ཐོབ་སྙམ་པ་སྲིད་ཀྱང་། དེ་ནི་དེ་ལྟར་མ་ཡིན་ཏེ། དབུལ་ཞིང་ཕོངས་པའི་བྲན་མོ་རྒན་མོ་ཞིག་གིས་འཕགས་པ་ཀཱ་ཏྱཱ་ཡ་ན་ལ་ཆུ་གཙང་མ་ལྷུང་བཟེད་གང་ཕུལ་བའི་དགེ་བའི་རྩ་བས་སུམ་ཅུ་རྩ་གསུམ་དུ་སྐྱེས་པའི་ལོ་རྒྱུས་ཡོད་དེ། མདོ་མཛངས་བླུན་༼མདོ་སྡེ་ཨ་པ༽༡༩༢བ༥ལས། བཙུན་པ་ཀཱ་ཏྱཱ་ཡ་ན་ཆེན་པོ་ཡུལ་ཨ་པ་དེ་ན་འདུག་པ་ལས། ཡུལ་དེ་ན་ཁྱིམ་བདག་ལོངས་སྤྱོད་དང་ལྡན་པ་སེར་སྣ་ཅན་སྙིང་རྗེ་མེད་པ་ཞིག་ལ་བྲན་མོ་རྒན་མོ་ཞིག་ཡོད་དེ། བྲན་མོ་དེ་ངན་ལས་ཐམས་ཅད་བྱེད་ཀྱང་གོས་ནི་ལུས་ལ་མི་གཡོགས། ཟས་ནི་ཁར་མི་མྱོང་སྟེ། རྟག་ཏུ་བརྡུང་བཙོགས་པས་རྒན་མོས་མ་བཟོད་ནས། སྲོག་འདོར་དུ་འགྲོའོ་སྙམ་ནས་བུམ་པ་ཐོགས་ཏེ་ཆུ་འཆུར་སོང་བ་དང་། ཆུ་འགྲམ་དུ་སྐད་ཆེན་པོ་ཕྱུང་སྟེ་ངུས་སོ། །ཀཱ་ཏྱཱ་ཡ་ན་དེར་འོངས་ཏེ། རྒན་མོ་ཅིའི་ཕྱིར་འདི་ལྟར་མི་དགའ་ཞེས་དྲིས་པ་དང་། འཕགས་པ་བདག་རྒས་པའི་སྟེང་དུ་ལས་ནི་ཆེ། བགོ་བ་དང་བཟའ་བ་ནི་མེད། དབུལ་ཕོངས་པས་ཅིའི་ཕྱིར་མི་འགུམ་སྙམ་བསམས་མི་དགའ་སྟེ་ངུའོ། །ཀཱ་ཏྱཱ་ཡ་ནས་སྨྲས་པ། རྒན་མོ་ཁྱོད་དབུལ་པོ་བཙོང་ན་ཅི་ཉེས། རྒན་མོས་སྨྲས་པ། དབུལ་ཇི་ལྟར་བཙོང་སུ་ཞིག་དབུལ་ཉོ་ཞེས་སྨྲས་པ་དང་། ཀཱ་ཏྱཱ་ཡ་ནས་དབུལ་བཙོང་དུ་རུང་ངོ་། །ཞེས་ལན་གསུམ་གྱི་བར་དུ་བསྒོ་བ་དང་། དབུལ་འདི་ཇི་ལྟར་བཙོང་དྲིའོ་སྙམ་ནས། དབུལ་ཇི་ལྟར་བཙོང་དུ་རུང་ཞེས་དྲིས་པ་དང་། ཀཱ་ཏྱཱ་ཡ་ནས་སྨྲས་པ། ཇི་སྟེ་དབུལ་བཙོང་བར་འདོད་ན་ངས་བསྟན་པ་བཞིན་དུ་གྱིས་ཤིག ཅེས་བསྒོ་བ་དང་། འཕགས་པ་དེ་བཞིན་དུ་བགྱིའོ་ཞེས་གསོལ་ཏོ། །ཀཱ་ཏྱཱ་ཡ་ནས་སྨྲས་པ། ཁྱོད་སྔར་ཁྲུས་གྱིས་ཤིག་བཀྲུས་པའི་འོག་ཏུ་སྦྱིན་པ་གྱིས་ཤིག རྒན་མོས་སྨྲས་པ། བདག་ལ་ལྷན་པ་ཙམ་གྱི་རྒྱུ་ཡང་མེད་ན་ཅི་ཞིག་སྦྱིན་པར་བྱ་བུམ་པ་འདི་ནི་ཇོ་མོའི་ཡིན་ཏེ། དབང་མ་མཆིས་སོ། །ཀཱ་ཏྱཱ་ཡ་ནས་སྨྲས་པ། ཁྱོད་ལྷུང་བཟེད་ཀྱི་ནང་ན་ཆུ་གཙང་མ་ཁོང་ལ་ང་ལ་ཕུལ་ཅིག ངས་སྦྱིན་པའི་ཚིགས་སུ་བཅད་པར་བྱའོ། །ཀཱ་ཏྱཱ་ཡ་ནས་ཆུ་བླངས་ཏེ་སྦྱིན་པའི་ཚིགས་བཅད་ཀྱང་བྱས་བསླབ་ཚིག་ཀྱང་བྱིན། སངས་རྒྱས་ཀྱི་མཚན་བརྗོད་དུ་བཅུག་སྟེ། ཡོན་ཏན་རྣམ་པ་སྣ་ཚོགས་བསྔགས་ནས་རྒན་མོ་ཁྱོད་ལ་འདུག་པའི་གནས་ཡོད་དམ། རྒན་མོས་སྨྲས་པ། བདག་ལ་འདུག་པའི་གནས་མ་མཆིས་ཏེ། འཐག་པ་དང་གཏུན་བརྡུངས་པ་དང་། ལས་བྱེད་པའི་གནས་ཉིད་ལ་ཉལ་ལོ། །བར་འགའ་ནི་ལུད་ཕུང་གི་སྟེང་དུ་ཡང་ཉལ་ལོ། །ཀཱ་ཏྱཱ་ཡ་ནས་སྨྲས་པ། ཁྱོད་ངན་ལས་བྱེད་པ་ལ་འགྱོད་པ་དང་། མི་དགའ་བར་མ་བྱེད་པར་བརྩོན་འགྲུས་སུ་ལས་བྱོས་ལ། ཇོ་མོ་བསྙལ་བའི་འོག་ཏུ་དལ་གྱིས་ཇོ་མོའི་སྒོ་ཕྱེ་སྟེ། སྒོ་ཕག་གམ་གྲབ་གཙང་ཞིག་ཏུ་རྩྭ་གཙང་མ་བཏིང་བ་ལ་འདུག་ནས་གཞན་མ་སེམས་པར་སངས་རྒྱས་ཡིད་ལ་བྱོས་ལ་དྲན་པར་གྱིས་ཤིག དེ་ནས་རྒན་མོས་ཀྱང་བསྟན་པ་བཞིན་དུ་བྱས་ནས་རིང་པོ་མ་ལོན་པར་མཚན་མོ་འདུག་བཞིན་དུ། ཚེ་འཕོས་ནས་སུམ་ཅུ་རྩ་གསུམ་གྱི་ལྷར་སྐྱེས་ནས། དེའི་ཇོ་མོ་ནང་པར་སྔར་ལངས་ནས། ཁྱིམ་གྱི་ནང་ན་བྲན་མོ་ཚེ་འཕོས་པ་མཐོང་ནས། ཁྲོས་ཏེ་རྒན་མོ་འདི་ཁྱིམ་གྱི་ནང་དུ་མ་བཏང་ན་ཅིའི་ཕྱིར་འདིར་ཚེ་འཕོས། ཞེས་གཤེ་ནས་རྐང་པ་ལ་རྩྭ་ཐག་གིས་བཏགས་ཏེ་བཤལ་ནས་དུར་ཁྲོད་དུ་བསྐྱལ་ལོ། །དེའི་ཚེ་ལྷའི་སྲས་པོ་ཞིག་ལ་ལྷའི་བུ་མོ་ལྔ་བརྒྱས་བསྐོར་ཏེ་རྩེ་བར་དགའ་བ་ལས་ཚེ་འདས་ནས་རྒན་མོ་དེ་ལྷའི་སྲས་མོ་དེའི་གནས་སུ་སྐྱེས་སོ། །ལྷར་སྐྱེས་པ་དག་དབང་པོ་རྣོན་པོས་ནི་བདག་ཅིའི་རྐྱེན་གྱིས་ལྷར་སྐྱེས་པ་ཤེས་སོ། །དབང་པོ་རྟུལ་པོ་དེ་དག་གིས་མི་ཤེས་ཏེ། རྒན་མོ་དེས་ཅིའི་ཕྱིར་ལྷར་སྐྱེས་པ་མི་ཤེས་ཀྱི་བདེ་བ་འབའ་ཞིག་ལ་ཆགས་སོ། །དེའི་ཚེ་ཤཱ་རིའི་བུ་སུམ་ཅུ་རྩ་གསུམ་ན་འདུག་པ་དེས་ཁྱོད་ཅིའི་རྐྱེན་གྱིས་ལྷར་སྐྱེས་པ་ཤེས་སམ་ཞེས་དྲིས་པ་དང་། བདག་གིས་མི་ཤེས་སོ་ཞེས་སྨྲས་ནས། ཤཱ་རིའི་བུས་ལྷའི་མིག་གིས་བལྟས་ཏེ། ཇི་ལྟར་ལྷར་གྱུར་པ་མཐོང་བར་བྱས་སོ། །དེ་ནས་ལྷའི་སྲས་མོ་ལྔ་བརྒྱ་ཙམ་དང་། དུར་ཁྲོད་དུ་ལྷགས་ཏེ། རུས་བུ་ལ་ལྷའི་མེ་ཏོག་གིས་གཏོར། སྤོས་ཀྱི་མཆོད་པ་བྱས་སོ། །ལྷའི་འོད་ཀྱིས་གྲོང་ཁྱེར་དེ་དག་སྣང་བ་ཆེན་པོས་སྣང་བར་གྱུར་ནས། དེའི་ཇོ་མོ་ལ་སོགས་པ་ཡ་མཚན་དུ་གྱུར་ཏེ། མི་མང་པོ་ཡང་བལྟར་དོང་བ་ལས། ལྷ་མང་པོ་རྒན་མོའི་རུས་བུ་ལ་མཆོད་པ་བྱེད་པར་མཐོང་ནས་ལྷ་རྣམས་ལ་ཁྱོད་ཅིའི་ཕྱིར་རུས་བུ་འདི་ལ་མཆོད་པ་བྱེད། འདི་ནི་གསོན་པོའི་ཚེ་ན་ཡང་བཙོག་པས་ཀུན་གྱིས་མི་འདོད་ན། ད་ཚེ་འཕོས་པའི་རུས་བུ་ལྟ་ཅི་སྨྲོས་ཞེས་སྨྲས་སོ། །དེའི་ཚེ་ན་ལྷའི་སྲས་མོ་རྣམས་ཀྱིས་ཇི་ལྟར་ལྷར་སྐྱེས་པའི་གཏམ་རྒྱས་པར་བྱས་ནས། ཀཱ་ཏྱཱ་ཡ་ན་གང་ན་བ་དེར་སོང་ངོ་། །ཀཱ་ཏྱཱ་ཡ་ནས་ལྷའི་སྲས་མོ་དེ་དག་ལ་སྦྱིན་པ་དང་། ཚུལ་ཁྲིམས་དང་། མཐོ་རིས་སུ་སྐྱེས་པ་ལ་སོགས་ཏེ། དམ་པའི་ཆོས་ཀྱི་གཏམ་རྒྱས་པར་བྱས་ནས། མི་གཙང་བའི་ཆོས་དང་འབྱུང་བའི་ཆོས་བསྟན་པས། ལྷའི་སྲས་མོ་དེ་དག་རྡུལ་དང་བྲལ། དྲི་མ་དང་བྲལ་ཏེ་ཆོས་ལ་ཆོས་ཀྱི་མིག་རྣམ་པར་དག་པར་གྱུར་ནས་ཕྱིར་ལྷའི་གནས་སུ་དོང་ངོ་། །འཁོར་མང་པོ་རྣམས་ཀྱང་ཆོས་བསྟན་པ་ཐོས་ནས་སོ་སོ་ནས་འབྲས་བུ་དང་པོ་ནས་འབྲས་བུ་བཞི་པའི་བར་དུ་ཐོབར་གྱུར་ནས། རྗེས་སུ་ཡི་རངས་ནས་མངོན་པར་དགའོ། །བྲན་མོ་དབུལ་མོས་ཀཱ་ཏྱཱ་ཡ་ན་ལ་དབུལ་བཙོངས་པའི་ལེའུ་སྟེ་བཅུ་དགུ་པའོ། །ཞེས་གསུངས་སོ། །བརྒྱད་པ་ (ཡོན་ཆབ་ལ་བདུན་ཚར་རམ་བདུན་ཚར་རམ་བདུན་ཚན་དུ་བྱེད་པའི་རྒྱུ་མཚན) ནི། ཆུ་གཉིས་དང༌། ཉེར་སྤྱོད་ལྔ་སྟེ་བདུན་མཚོན་བྱེད་ཡིན། ཆུ་གཉིས་ནི། མཆོད་ཡོན་དང་ཞབས་བསིལ་ལོ། །ཉེར་སྤྱོད་ལྔ་ནི། མེ་ཏོག བདུག་སྤོས། མར་མེ། དྲི་ཆབ། ཞལ་ཟས་དང་ལྔའོ། །དེ་ལྟ་བུའི་མཆོད་པ་བདུན་པོ་དེ་འབུལ་བའི་དོད་དུ་ཡོན་ཆབ་ལ་བདུན་ཚར་བྱེད་པ་རེད། དེ་ཡང་། ༡ (མཆོད་ཡོན) ནི། ཞལ་ལ་འཐུང་རྒྱུའི་ཆུ། ༢ (ཞབས་བསིལ) ཞབས་འཁྲུད་བྱེད་ཀྱི་ཆུ། ༣ དབུ་ལ་འབུལ་རྒྱུའི་ (མེ་ཏོག) ༤ ཤངས་ལ་འབུལ་རྒྱུའི་ (བདུག་སྤོས) ༥ སྤྱན་ལ་འབུལ་རྒྱུའི་ (མར་མེ) ༦ ཐུགས་སམ་སྙིང་ཁར་འབུལ་རྒྱུའི་ (དྲི་ཆབ) ཞལ་ལ་འབུལ་རྒྱུའི་ (ཞལ་ཟས) སོ། །འདི་ནི་སྔར་རྒྱ་གར་འཕགས་པའི་ཡུལ་དུ་དར་བའི་གོམས་སྲོལ་ཞིག་སྟེ། ཚ་བ་ཆེ་བས་ཐོག་མར་འགྲོན་པོར་སྐོམ་པ་བསལ་བའི་ཕྱིར་ཆབ་འབུལ་བ་དང་། དེ་ནས་ (སྔོན་རྒྱ་གར་བ་མང་ཆེ་བ་ཞབས་རྗེན་མར་ཕེབས་པས) ཞབས་དཀྲུ་བ། དེ་ནས་མེ་ཏོག་འབུལ་བ། དེ་ནས་བདུག་སྤོས་ཀྱིས་བདུག་པ། མར་མེ་འབུལ་བ། (རྒྱ་གར་བ་རྣམས་སྡེར་མའི་མཆོད་རྫས་དང་མར་མེ་འགྲོན་པོ་སོགས་ཀྱི་མདུན་དུ་སྐོར་ཙམ་བྱེད་པ་དེའི་དོད་ལྟ་བུ་ཡིན་ནམ་སྙམ) དེ་ནས་ལུས་པོའི་ནང་ནས་ཚ་དྲོད་ཆེ་ཤོས་སྙིང་ཁའི་ཐད་ཡིན་པས། དེ་ལ་ཙནྡ་གྱི་ལྡེ་གུ་བསིལ་བ་སྟེར་བའི་བྱུག་པའི་རིགས་སྙིང་ཁར་བྱུག་པ། དེ་ནས་ཞལ་ཟས་སམ་གསོལ་སྟོན་འབུལ་བ་ཡིན་ནོ། །མདོར་ན་ཆུ་གཉིས་ཉེར་སྤྱོད་ཀྱི་རིམ་པ་འདི་ཡང་རྒྱ་གར་བའི་ཡུལ་སྲོལ་དང་མཐུན་པར་བྱས་སོ། །ཇོ་བོ་ཆེན་པོ་སྐུ་ན་ཤིན་ཏུ་མཐོ་བའི་སྐབས་ཀྱང་སྒྱིད་པ་འདར་ཕྲི་ལི་ལི་ཡོན་ཆབ་འབུལ་བར་མཛད་པས། གཞན་གྱིས་ཇོ་བོ་འོ་བརྒྱལ་བར་འདུག་པས་བདག་ཅག་གིས་འབུལ་ཞེས་ཞུས་པ་ན། ཇོ་བོ་ཆེན་པོས། འོ་ན་ངས་ཟས་ཟ་བའི་ཚེ་ནའང་ཇོ་བོ་འོ་བརྒྱལ་བར་འདུག་ཅེས་ངོས་ཀྱི་ཟས་སྐལ་ཁྱོད་ཚོས་ཟའམ་ཞེས་གསུངས་པའི་ལོ་རྒྱུས་ཡོད་པས་འུ་ཅག་སོ་སོའི་སྐྱེ་བོ་ཐ་མལ་པ་དག་གིས་ཅིས་ཀྱང་འབད་པར་རིགས་སོ། །དགུ་པ་ (ཡོན་ཆབ་འབུལ་བའི་རྒྱུ་མཚན) ཇ་དང་འོ་མ་སོགས་མི་འབུལ་བར་ཆུ་འབུལ་བའི་རྒྱུ་མཚན་གང་ཡིན་ནམ་སྙམ་ན། དེ་ལ་རྒྱུ་མཚན་མང་དུ་ཡོད་ཀྱང་གཙོ་བོ་ནི། ཆུ་ནི་རིན་སྤྲད་ནས་ཉོ་སྒྲུབ་བྱེད་མི་དགོས་པས་དབུལ་ཕྱུག་ཀུན་གྱིས་བསྒྲུབ་ནུས་ཤིང་། ཆུ་འབུལ་བའི་ཚེ་སེར་སྣ་དང་ང་རྒྱལ་སོགས་ཀྱི་སྐྱོན་གྱིས་གོས་པའི་ཉེས་པ་མི་འབྱུང་བས། ཀུན་སློང་གི་ཆ་ནས་མཆོད་པ་རྣམ་པར་དག་པ་ཞིག་ཏུ་འགྱུར་བས། རྒྱུ་མཚན་དེ་དག་ལ་བརྟེན་ནས་ཡོན་ཆབ་བམ་ཆུའི་མཆོད་པ་འབུལ་བ་ཡིན་ནོ། །བཅུ་པ་ (ཏིང་གི་སྒྲ་བཤད) སྒྲ་ཡི་ཁྱད་པར་གྱི་སྒོ་ནས་བཏགས་པར་སེམས་ཏེ། ལི་ཏིང་ལྟ་བུར་དབྱུག་གུས་བསྣུན་པའམ་ཕུ་བརྒྱབ་ན་ཏིང་ཞེས་པའི་སྒྲ་འབྱུང་བས་དེའི་ཆ་ནས་བཏགས་པར་སེམས་སོ། །་སྒྲ་འབྱུང་བས་དེའི་ཆ་ནས་བཏགས་པར་སེམས་སོ། །)
• Dictionaries/sgom sde tshig mdzod chenmo/13003  + (སྨིན་པའམ་སྨིན་བྱེད་བརྒྱད་ནི། ལུས་ཅན་བྲལ་བར … སྨིན་པའམ་སྨིན་བྱེད་བརྒྱད་ནི། ལུས་ཅན་བྲལ་བར་སྨིན་བྱེད། ཡོངས་སུ་སྨིན་བྱེད། རབ་ཏུ་སྨིན་བྱེད། མཐུན་པར་སྨིན་བྱེད། ལེགས་པར་སྨིན་བྱེད། རྟོགས་པར་སྨིན་བྱེད། རྟག་ཏུ་སྨིན་བྱེད། གོང་དུ་སྨིན་བྱེད་དང་བརྒྱད་དོ། །མདོ་སྡེ་རྒྱན་ལས། ལུས་ཅན་བྲལ་བར་སྨིན་བྱེད་དེ་བཞིན་དུ། །ཡོངས་སྨིན་རབ་སྨིན་མཐུན་པར་སྨིན་བྱེད་གཞན། །ལེགས་པར་སྨིན་བྱེད་རྟོགས་པར་སྨིན་བྱེད་དང༌། རྟག་སྨིན་གོང་དུ་སྨིན་བྱེད་བཤད་པར་འདོད། །ཅེས་གསུངས་པ་ལྟར་རོ། །འདིའི་སྐོར་རྒྱས་པ་རྗེ་གུང་ཐང་པའི་མདོ་རྒྱན་སྦྱར་བའི་ཟིན་བྲིས་སུ་གཟིགས།ང་པའི་མདོ་རྒྱན་སྦྱར་བའི་ཟིན་བྲིས་སུ་གཟིགས།)
• Dictionaries/sgom sde tshig mdzod chenmo/5472  + (སྨོན་ལམ་དང་དགེ་བའི་རྩ་བའི་དབང་གིས་བར་བསྐལ་ … སྨོན་ལམ་དང་དགེ་བའི་རྩ་བའི་དབང་གིས་བར་བསྐལ་དང་བསྐལ་ཆེན་རྣམས་ལས་ཀྱང་དུས་ཡུན་ཤིན་ཏུ་རིང་བའི་བསྐལ་པ་ཞིག་སྟེ། དེའི་འགྲིབ་པའི་དུས་ཡུན་གཅིག་པུ་ལའང་བར་བསྐལ་སྟོང་ཕྲག་ཉི་ཤུ་ཡོད་པར། སློབ་དཔོན་ཨ་བྷྱ་ཀ་རས་གསུངས། བསྐལ་པ་སྐར་མ་ལྟ་བུ་ཞེས་བྱ་བ་འབྱུང་བའི་དུས་ནི། བསྐལ་བཟང་པོ་འདིའི་འོག་ཏུ་སངས་རྒྱས་མེད་པའི་བསྐལ་པ་དྲུག་ཅུ་འབྱུང་ངོ་། །དེའི་འོག་ཏུ་བསྐལ་པ་སྙན་པ་ཆེན་པོ་ཞེས་བྱ་བ་འབྱུང་སྟེ། བསྐལ་པ་དེ་ལ་སངས་རྒྱས་ཁྲི་འབྱུང་ངོ་། །དེའི་འོག་ཏུ་སངས་རྒྱས་མེད་པའི་བསྐལ་པ་བརྒྱད་ཁྲི་འབྱུང་ངོ་། །དེའི་འོག་ཏུ་བསྐལ་པ་སྐར་མ་ཞེས་བྱ་བ་འབྱུང་ཞིང་། དེ་ལ་སངས་རྒྱས་བརྒྱད་ཁྲི་འབྱུང་ངོ་། །དེ་ནས་མུན་བསྐལ་སུམ་བརྒྱ། དེ་ནས་སྒྲོན་བསྐལ་ཡོན་ཏན་བཀོད་པ་ལ་སངས་རྒྱས་བརྒྱད་ཁྲི་བཞི་སྟོང་འབྱུང་བར་མདོ་སྡེ་བསྐལ་བཟང་ལས་གསུངས་པ་ལྟར་རོ། །ང་བར་མདོ་སྡེ་བསྐལ་བཟང་ལས་གསུངས་པ་ལྟར་རོ། །)
• Dictionaries/sgom sde tshig mdzod chenmo/13027  + (སྨོན་ལམ་བདུན་ཅུ་པ་འདི་སློབ་དཔོན་དཔའ་བོས་མཛ … སྨོན་ལམ་བདུན་ཅུ་པ་འདི་སློབ་དཔོན་དཔའ་བོས་མཛད་ཟེར་བ་དང་། སྡེ་དགེ་བསྟན་འགྱུར་སོགས་ཀྱི་དཀར་ཆག་ཏུ་འཁོད་པ་ལྟར། སློབ་དཔོན་དཔའ་བོ་ལས་ཕྱིས་བྱོན་པའི་སློབ་དཔོན་གཞན་ལ་ཕན་པའི་དབྱངས་དགོན་པ་བས་མཛད་ཟེར་བའི་བཤད་ཚུལ་གཉིས་སྣང་ངོ་། །སྨོན་ལམ་འདི་སྟོན་པ་ལ་ལྷག་པར་དད་དེ་རང་གི་ཁྲག་གིས་བྲིས་པར་ཏཱ་ར་ནཱ་ཐའི་རྒྱ་གར་ཆོས་འབྱུང་༡༠༠ལས་བཤད།པར་ཏཱ་ར་ནཱ་ཐའི་རྒྱ་གར་ཆོས་འབྱུང་༡༠༠ལས་བཤད།)
• Dictionaries/sgom sde tshig mdzod chenmo/13077  + (སྲིད་པ་ཆགས་པའི་ལྷ་དགུ་ནི། ཡབ་འོ་དེ་གུང་རྒྱ … སྲིད་པ་ཆགས་པའི་ལྷ་དགུ་ནི། ཡབ་འོ་དེ་གུང་རྒྱལ་དང༌། དེ་ཡི་སྲས་བརྒྱད་ལ་ཟེར་རོ། །སྲས་བརྒྱད་ནི། །ཡར་ལུང་ཡར་ལྷ་ཤམ་པོ། བྱང་གི་གཉན་ཆེན་ཐང་ལྷ། རྒ་སྟོད་ཇོ་བོ་རྒྱོགས་ཆེན། ཤར་གྱི་རྨ་ཆེན་སྤོམ་ར། ཇོ་བོ་གཡུལ་རྒྱལ། ཤེའུ་མཁའ་རི། སྐྱིད་ཤོད་ཞོགས་ལྷ་ཕྱུག་པོའམ་འགའ་ཞིག་གིས་སྨུག་པོ་ཟེར་བ་དང་དགུའོ། །ཞེས་ཀློང་རྡོལ་བླ་མ་གསུངས་པ་ལྟར་རོ། །ུའོ། །ཞེས་ཀློང་རྡོལ་བླ་མ་གསུངས་པ་ལྟར་རོ། །)
• Dictionaries/sgom sde tshig mdzod chenmo/6009  + (སྲིད་པ་འཁོར་ལོའི་དཔེ་རིས་འདི་བཞིན་ནང་པའི་བ … སྲིད་པ་འཁོར་ལོའི་དཔེ་རིས་འདི་བཞིན་ནང་པའི་བྲིས་སྐུ་བཞེངས་པའི་ཐོག་མ་ཡིན་པར་བཤད་དེ། དེ་ཡང་རྒྱལ་བ་རང་ཉིད་ཞལ་བཞུགས་པའི་དུས་སུ་རྒྱལ་པོ་ཨུ་ཏྲ་ཡས་རིན་པོ་ཆེ་བཻ་ཌཱུརྱའི་ཁྲབ་རིན་ཐང་གཞལ་དུ་མེད་པ་ཞིག་སྐྱེས་སུ་བསྐུར་བའི་ལན་དུ། རྒྱལ་པོ་གཟུགས་ཅན་སྙིང་པོས་སྟོན་པ་ལ་གནང་བ་ཞུས་ཏེ། སྟེང་དུ་སངས་རྒྱས་མྱ་ངན་ལས་འདས་པའི་དཀྱིལ་འཁོར་དཀར་པོ་ཉེ་བར་སྟོན་པའོ། །བར་དུ་རྟེན་འབྲེལ་ལུགས་འབྱུང་ལྡོག་རྣམས་གསལ་བར་མཚོན་པའི་སྲིད་པ་འཁོར་ལོའི་དཔེ་རིས། འོག་ཏུ་བརྩམ་པར་བྱ་ཞིང་འབྱུང་བར་བྱ། །ཞེས་སོགས་ཀྱི་ཚིགས་བཅད་གཉིས་པོ་བཀས་གནང་བ་ལྟར་བྲིས་ཏེ་བསྐུར་བར་མདོ་ལས་གསུངས་ཞེས་འབྱུང་ངོ་། །་ཏེ་བསྐུར་བར་མདོ་ལས་གསུངས་ཞེས་འབྱུང་ངོ་། །)
• Dictionaries/sgom sde tshig mdzod chenmo/13124  + (སྲེད་མེད་ཀྱི་བུ་ནི་ཁྱབ་འཇུག་ཡིན་ལ་དེའི་སྟོ … སྲེད་མེད་ཀྱི་བུ་ནི་ཁྱབ་འཇུག་ཡིན་ལ་དེའི་སྟོབས་ཤུགས་ཀྱི་ཚད་ཅེས་པའི་དོན་ནོ། །འདི་ལ་གླང་ཆེན་ཕལ་པ་ས་ཡ་གཅིག་གི་ཤུགས་ཚད་ཡོད་པར་བཤད་དོ། །དེ་ཡང་གླང་ཆེན་ཕལ་པ་དང༌། སྤོས་ཀྱི་གླང་པོ་ཆེ། ཚན་པོ་ཆེ་ཆེན་པོ། རབ་གནོན། ཡན་ལག་མཆོག སྟོབས་མཆོག སྲེད་མེད་ཀྱི་བུ་རྣམས་ཏེ་བདུན་པོ་དེ་དག་སྔ་མ་སྔ་མ་ལས་ཕྱི་མ་ཕྱི་མ་བཅུ་བསྒྱུར་གྱིས་ལྷག་པའོ། །སངས་རྒྱས་ཀྱི་སྐུའི་རུས་པའི་ཚིགས་རེ་རེ་ལའང་སྲེད་མེད་ཀྱི་བུའི་སྟོབས་མངའ་བར་གསུངས་སོ། །མཛོད་རྩ་འགྲེལ་གྱི་གསུང་ཚུལ་ལོ། །ཡང་། འདུལ་བ་ལུང་གཞི་༼ ཁ་པ ༽༥༩བ༣ ལས། གནས་འཇོག་དག་མི་བཅུའི་སྟོབས་གང་ཡིན་པ་དེ་ནི་གླང་ཕལ་པ་ (འདི་གླང་ཞེས་པ་བ་གླང་ལ་གོ་དགོས) གཅིག་གི་ཡིན་ནོ། །གླང་ཕལ་པ་བཅུའི་སྟོབས་གང་ཡིན་པ་དེ་ནི་བ་མེན་སྔོན་པོ་གཅིག་གི་ཡིན་ནོ། །བ་མེན་སྔོན་པོ་བཅུའི་སྟོབས་གང་ཡིན་པ་དེ་ནི་གླང་པོ་ཆེ་ཕྲུ་གུ་གཅིག་གི་ཡིན་ནོ། །གླང་པོ་ཆེ་ཕྲུ་གུ་བཅུའི་གང་ཡིན་པ་དེ་ནི་གླང་པོ་ཆེ་མོ་གཅིག་གི་ཡིན་ནོ། །གླང་པོ་ཆེ་མོ་བཅུའི་གང་ཡིན་པ་དེ་ནི་གླང་པོ་ཆེ་ཕལ་གཅིག་གི་ཡིན་ནོ། །གླང་པོ་ཆེ་ཕལ་བཅུའི་གང་ཡིན་པ་དེ་ནི་གླང་པོ་ཆེ་མཆེ་བ་མེད་གཅིག་གི་ཡིན་ནོ། །གླང་པོ་ཆེ་མཆེ་བ་མེད་བཅུའི་གང་ཡིན་པ་དེ་ནི་སྔོན་པོ་གཅིག་གི་ཡིན་ནོ། །སྔོན་པོ་བཅུའི་གང་ཡིན་པ་དེ་ནི་སེར་པོ་གཅིག་གི་ཡིན་ནོ། །སེར་པོ་བཅུའི་གང་ཡིན་པ་དེ་ནི་དམར་པོ་གཅིག་གི་ཡིན་ནོ། །དམར་པོ་བཅུའི་གང་ཡིན་པ་དེ་ནི་དཀར་པོ་གཅིག་གི་ཡིན་ནོ། །དཀར་པོ་བཅུའི་གང་ཡིན་པ་དེ་ནི་འབིགས་བྱེད་ཀྱི་གླང་པོ་ཆེ་གཅིག་གི་ཡིན་ནོ། །འབིགས་བྱེད་ཀྱི་གླང་པོ་ཆེ་བཅུའི་གང་ཡིན་པ་དེ་ནི་སྤོས་ཀྱི་གླང་པོ་ཆེ་གཅིག་གི་ཡིན་ནོ། །སྤོས་ཀྱི་གླང་པོ་ཆེ་བཅུའི་གང་ཡིན་པ་དེ་ནི་ཚན་པོ་ཆེ་གཅིག་གི་ཡིན་ནོ། །ཚན་པོ་ཆེ་བཅུའི་གང་ཡིན་པ་དེ་ནི་ཚན་པོ་ཆེ་ཆེན་པོ་གཅིག་གི་ཡིན་ནོ། །ཚན་པོ་ཆེ་ཆེན་པོ་བཅུའི་གང་ཡིན་པ་དེ་ནི་རབ་གནོན་གཅིག་གི་ཡིན་ནོ། རབ་གནོན་བཅུའི་གང་ཡིན་པ་དེ་ནི་སྟོབས་མཆོག་གཅིག་གི་ཡིན་ནོ། །སྟོབས་མཆོག་བཅུའི་གང་ཡིན་པ་དེ་ནི་སྲེད་མེད་ཀྱི་བུའི་སྟོབས་ཕྱེད་དོ། །སྲེད་མེད་ཀྱི་བུའི་སྟོབས་ཕྱེད་གཉིས་གང་ཡིན་པ་དེ་ནི་སྲེད་མེད་ཀྱི་བུའི་སྟོབས་ཡིན་ཏེ། དེ་དེ་བཞིན་གཤེགས་པའི་ཚིགས་ཕྲན་དག་ན་ཡོད་པས་གནས་འཇོག་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་སྲེད་མེད་ཀྱི་བུའི་སྟོབས་ཀྱི་ཚོགས་ཅན་ཡིན་ནོ། །བར་སྡོམ་ལ། མི་དང་གླང་དང་བ་མེན་དང་ནི་དེ་བཞིན་གླང་ཆེན་ཕྲུ་གུ་དང༌། །གླང་ཆེན་མོ་དང་ཕལ་དང་མཆེ་བ་མེད་དང་དེ་བཞིན་བཞི་ཚན་དང༌། །འབིགས་བྱེད་གླང་ཆེན་སྦོས་ཀྱི་གླང་ཆེན་དང་ནི་ཚན་པོ་ཆེ་གཉིས་དང༌། །རབ་གནོན་དང་ནི་སྟོབས་མཆོག་དག་དང་སྲེད་མེད་བུ་ཡི་སྟོབས་གཉིས་སོ། །ཞེས་གསུངས་སོ། །་མེད་བུ་ཡི་སྟོབས་གཉིས་སོ། །ཞེས་གསུངས་སོ། །)
• Dictionaries/sgom sde tshig mdzod chenmo/11281  + (སྲོག་དབང་འགགས་པ། ཤི་བའི་མཚན་ཉིད་ཡིན། མིང་ག … སྲོག་དབང་འགགས་པ། ཤི་བའི་མཚན་ཉིད་ཡིན། མིང་གི་རྣམ་གྲངས་ནི། སྐུ་མྱ་ངན་ལས་འདས་པ། སྐུ་ཚེའི་འདུ་བྱེད་གཏོང་བ། སྐུ་ཚེའི་འདུ་བྱེད་རྫོགས་པ། སྐུ་ཚེའི་འཕེན་པ་རྫོགས་པ། སྐུ་གཤེགས་པ། སྐུའི་བཀོད་པ་བསྡུས་པ། སྐྱེ་བོ་རྣམས་ཆོས་ལ་བསྐུལ་བའི་ཕྱིར་གཟུགས་སྐུ་རགས་པའི་བཀོད་པ་བསྡུས་ཏེ། ཡིད་ཀྱི་ལུས་བྱང་ཕྱོགས་ལྕང་ལོ་ཅན་གྱི་ཕོ་བྲང་དུ་གཤེགས་པ། ཁམས་མ་འཚོ་བ། དགོངས་པ་ཆོས་དབྱིངས་སུ་གཤེགས་པ། དགོངས་པ་ཞི་དབྱིངས་སུ་གཤེགས་པ། དགོངས་པ་གཞན་དོན་དུ་གཤེགས་པ། དགོངས་པ་རྫོགས་པ། (དགོངས་པ་རྫོགས་པ་ཞེས་པའི་ཆེ་བརྗོད་ཀྱི་ཐ་སྙད་འདི་དེང་སང་གསར་ཤོག་དང་རླུང་འཕྲིན་སོགས་སུ་རབ་བྱུང་མ་ཡིན་པའི་སྐྱ་བོའི་རིགས་ལ་སྦྱོར་བ་མཐོང་ཞིང་། དེ་ནི་བླ་མ་སྐྱེས་ཆེན་དམ་པ་མ་གཏོགས། སྲིད་འཛིན་དང་སྲིད་བློན་ལའང་མི་རན་ཞིང་མི་འཚམ་པས་སྦྱོར་མི་རིགས་ལ་སྦྱར་ན་མི་མཛེས་ཏེ། དགོངས་པ་རྫོགས་ཞེས་པ་བསྟན་འགྲོའི་དོན་བྱེད་པའི་ཐུགས་བཞེད་ཟབ་མོ་རྣམས་ཡོངས་སུ་གྲུབ་ནས་རང་དབང་གིས་སྐྱེ་འཆི་བྱེད་པ་ལ་གོ་བའི་ཕྱིར་རོ) གྲོངས་པ། འཆི་འཕོས་པ། འཆི་བ། འཇིག་རྟེན་འདི་ནས་ཁ་གྱེས་པ། འཇིག་རྟེན་ཕྱི་མའི་ལྔ་ལམ་དུ་གྱུར་པ། འཇིག་རྟེན་འདི་ནས་ཞལ་གྱེས་པ། དག་ཞིང་དུ་གཤེགས་པ། དུས་ཀྱི་ཆོས་དང་ལྡན་པར་གྱུར་པ། (གོང་གི་ཐ་སྙད་འདི་འདུལ་བ་ལུང་གི་ནང་མང་དུ་སྣང) དུས་བྱས་པ། (ལུང་ཕྲན་ཚེགས་ལས། ང་ལ་དད་པས་དུས་བྱས་པ་དེ་ཐམས་ཅད་ཀྱང་བདེ་འགྲོ་མཐོ་རིས་ཀྱི་འཇིག་རྟེན་དུ་འགྲོའོ། །ཞེས་གསུངས་པ་ལྟར་རོ) དུས་ལས་འདས་པ། འདས། འདས་པ། (དུས་ཀྱི་ཆོས་ད་ལྡན་པར་གྱུར་པ། དུས་བྱས་པ། དུས་ལས་འདས་པ། འདས། འདས་པ་རྣམས། དུས་ལ་བབས་ནས་འཆི་བའི་མིང་སྟེ། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༦བ༤ལས། དུས་ལས་འདས་པ་ཞེས་བྱ་བ་ནི་ཚེ་ཟད་ཅིང་འཆི་བས་ཤི་བའོ། །ཞེས་གསུངས་པས་ཤེས་སོ) ཕྱི་མའི་ལྔ་ལམ་དུ་གྱུར་པ། ཕྱི་མའི་ལམ་ཆེན་དུ་ཐེགས་པ། དབུགས་ཆད་པ། མྱ་ངན་ལས་འདས་པ། ཚེ་བརྗེས་པ། ཚེ་འདིའི་སྣང་བ་ནུབ་པ། ཚེ་ལས་འདས་པ། ཚེའི་འདུ་བྱེད་རྫོགས་པ། ཞལ་དབུགས་ཀྱི་རྒྱུ་བ་འགགས་ཏེ་རགས་པའི་སྐུ་ལུས་མ་དག་པའི་ཞིང་འདིར་ཡོངས་སུ་བོར་ནས། དགའ་ལྡན་ཡིད་དགའ་ཆོས་འཛིན་དུ་རྒྱལ་བ་མི་ཕམ་མགོན་པོའི་མདུན་སར་གཤེགས་པ། ཞི་བའི་དབྱིངས་སུ་གཞོལ། ཞི་བར་གཤེགས་པ། ཞི་དབྱིངས་སུ་གཤེགས་པ། ཞིང་འཕོས། གཟུགས་སྐུའི་བཀོད་པ་ཉེ་བར་བསྡུས་པ། གཟུགས་སྐུའི་བཀོད་པ། གཟུགས་སྐུའི་བཀོད་པ་བསྡུས་ཏེ་ཆོས་དབྱིངས་སུ་གཤེགས། ལུས་བརྗེས། ལུས་སྤངས། ལུས་ཞིག་པ། སྲོག་གི་རྒྱུན་ནུབ་པ། སྲོག་ཆད་པ། སྲོག་དོར་བ། སྲོག་དབང་འགགས་པ་སོགས་ཤིན་ཏུ་མང་ངོ་། །ཐ་སྙད་སྤྱོད་ཚུལ་ནི། མི་དཀྱུས་མ་ཞིག་ཡིན་ན་ཤི་བ། དེ་ལས་ཅུང་ཟད་དྲག་པར་གྲོངས། སྐུ་དྲག་དང་རྒྱལ་ཁབ་ཁག་གི་དབུ་འཛིན་རྣམ་པར་སྐུ་གཤེགས། བླ་མ་སྐྱེས་ཆེན་དམ་པར་དགོངས་པ་རྫོགས་ཞེས་ཐ་སྙད་སྦྱར་ན་ཤིན་ཏུ་འོས་ཤིང་མཛེས་པར་མཐོང་ངོ་། །་སྦྱར་ན་ཤིན་ཏུ་འོས་ཤིང་མཛེས་པར་མཐོང་ངོ་། །)
• Dictionaries/sgom sde tshig mdzod chenmo/10775  + (སྲོང་བཙན་འཁྲུངས་ནས་ལོ་སུམ་བརྒྱ་དང་ཉི་ཤུ་རྩ … སྲོང་བཙན་འཁྲུངས་ནས་ལོ་སུམ་བརྒྱ་དང་ཉི་ཤུ་རྩ་དགུ་འདས་པ་ས་ཕོ་རྟའི་ལོ་ལ་ལོ་ཙཱ་བ་རིན་ཆེན་བཟང་པོ་འཁྲུངས། དགུང་གྲངས་བཅུ་གསུམ་བཞེས་པའི་ཚེ་མཁན་པོ་ཡེ་ཤེས་བཟང་པོ་ལས་རབ་ཏུ་བྱུང༌། ལོ་ཙཱ་བ་རབ་ཏུ་བྱུང་བའི་ལོ་དེ། གླང་དར་གྱིས་བསྟན་པ་བསྣུབས་པའི་ལྕགས་བྱ་ནས་ལོ་བདུན་ཅུ་པ་ཡིན་ཏེ། བསྟན་པ་བྱུང་བ་ཡང་དབུས་གཙང་ལས་མངའ་རིས་སྔ་བར་མངོན་ནོ། །ལོ་ཙཱ་བས་བརྒྱད་ཅུ་རྩ་ལྔ་བཞེས་པ་ལ་ཇོ་བོ་རྗེ་ཇོ་བོ་དེ་དུས་དགུང་གྲངས་སུམ་ཅུ་སོ་གཅིག་ཡིནབོད་དུ་བྱོན། ལོ་ཙཱ་བས་མཇལ། སྤྱིར་ལོ་ཆེན་འདི་སྐུ་གཞོན་པ་ནས་ཁ་ཆེར་བྱོན། སྔགས་མཚན་ཉིད་ཀྱི་གཞུང་ལུགས་མང་པོ་བསྒྱུར། མཁྱེན་པ་ཤིན་ཏུ་ཆེ་བས་མདོ་སྔགས་ཀྱི་ཆོས་མང་པོ་བསྒྱུར། ཇོ་བོ་ཨ་ཏི་ཤ་ཐོག་མར་བོད་དུ་ཕེབས་ནས་མཇལ་བའི་ཚེ། ལོ་ཙཱ་བ་རིན་ཆེན་བཟང་པོའི་དགོངས་པ་ལ། པཎྜི་ཏ་ཡོན་ཏན་ཁོ་བོ་བས་ཆེ་བ་དཀའ་མོད་ཀྱི། ལྷ་བླ་མས་སྤྱན་དྲངས་པས་ཞབས་ཏོག་ཅིག་བྱ་དགོས་དགོངས་ནས། རང་གི་གནས་མཐོ་ལྡིང་གི་གཙུག་ལག་ཁང་དུ་སྤྱན་དྲངས། དེ་ན་རྒྱུད་སྡེ་གོང་འོག་གི་ལྷ་རྣམས་ཐོག་གི་རིམ་པ་བྱས་ནས་བྲིས་ཡོད་པ་དེ་རྣམས་ལ། ཇོ་བོས་སོ་སོར་བསྟོད་པ་ཚིགས་སུ་བཅད་པ་རེ་མཛད་དེ། སྟན་ལ་བཞུགས་པ་ན། ད་ཅི་ནས་མཛད་པའི་བསྟོད་པ་དེ་རྣམས་སུས་མཛད་ཅེས་ལོ་ཙཱ་བས་དྲིས་པས། དེ་ཁོ་བོ་རང་གིས་འཕྲལ་དུ་བགྱིས་པ་ལགས་གསུངས་པས། ལོ་ཙཱ་བ་འཇིགས་ཤུམ་སྟེ་སོང༌། ཇོ་བོས་ལོ་ཙཱ་བ་ལ། ཁྱེད་ཀྱིས་ཆོས་ཅི་དང་ཅི་མཁྱེན་གསུངས་པ་ན། རང་གིས་མཁྱེན་པ་རགས་རིམ་ཞིག་ཞུས་པས། ཇོ་བོའི་ཞལ་ནས། ཨེ་ཁྱེད་ལྟ་བུ་བོད་ན་བཞུགས་ནས་སྣང་བས། ཁོ་བོ་བོད་དུ་འོང་མི་དགོས་པར་འདུག་པ་ལ་ཞེས་གསུང་ཞིང༌། ཐུགས་ཀར་ཐལ་མོ་སྦྱར། ལོ་ཙཱ་བ་ཤིན་ཏུ་ཐུགས་ཆེས་པར་གྱུར་ནས་འདི་ནི་མཁས་པ་ཆེན་པོ་ལས་ཀྱང་ཆེན་པོའི་སྙམ་དུ་དགོངས་ནས། བརྒྱད་སྟོང་པ་དང༌། ཉི་ཁྲི་སྣང་བ་དང༌། བརྒྱད་སྟོང་འགྲེལ་ཆེན་ལ་སོགས་པ་སྔར་བསྒྱུར་བ་མང་པོ་ལ་ཞུས་དག་ཞུས། ཇོ་བོས་ཁོ་བོ་དབུས་སུ་འགྲོ། དེར་ངེད་ཀྱི་ཕྱི་ལ་ལོ་ཙཱ་བྱེད་པ་ལ་འབྱོན་དགོས་གསུངས་པས། ལོ་ཙཱ་བ་ཆེན་པོ་དེའི་ཚེ་དགུང་ལོ་བརྒྱད་ཅུ་རྩ་ལྔ་པ་ཡིན་པས། དབུ་ཞྭ་ཕུད་ནས་ཁོ་བོའི་མགོ་བོ་འདི་བཞིན་དུ་སོང་བས་ཕྱགས་ཕྱི་མ་ནུས་ཞེས་ཞུས། ཕ་རོལ་ཏུ་ཕྱིན་པ་དང་རྒྱུད་ཀྱི་ཕྱོགས་གཉིས་ཀའི་བཤད་པ་རྒྱ་ཆེར་མཛད། དབང་དང་སྒྲུབ་པའི་ལག་ལེན་མང་དུ་བསྟན་ཅིང༌། བསྟན་པ་སྔ་དར་ལས་ཕྱི་དར་སྔགས་ཀྱི་བསྟན་པ་བོད་དུ་དར་བ་ཡང་ཕལ་ཆེར་ལོ་ཙཱ་བ་འདི་ཁོ་ནའི་བཀའ་དྲིན་ཡིན། པཎྜི་ཏ་བདུན་ཅུ་རྩ་ལྔ་བསྟེན་ནས་དམ་པའི་ཆོས་མང་དུ་གསན། བླ་ཆེན་པོ་ལྷ་ལྡེ་བཙན་གྱིས་དབུའི་མཆོད་གནས་དང་རྡོ་རྗེ་སློབ་དཔོན་དུ་བཀུར། པུར་ཧྲངས་ཀྱི་ཞེར་གྱི་གནས་གཞི་ཕུལ། གཙུག་ལག་ཁང་ཡང་བཞེངས། ཁྲ་ཙའི་གཙུག་ལག་ཁང་དང༌། རོང་གི་གཙུག་ལག་ཁང་ལ་སོགས་པ་གནས་གཞི་དང་གཙུག་ལག་ཁང་དང་མཆོད་རྟེན་མང་དུ་བཞེངས། གུར་ཤིང་བརྩོན་འགྲུས་རྒྱལ་མཚན་ལ་སོགས་པའི་སློབ་མ་མཁས་གྲུབ་མང་པོ་དང༌། ཞུས་ཆེན་ཕེར་བའི་ལོ་ཙཱ་བ་ཡང་བཅུ་ལྷག་ཙམ་ཐོན། འཕྲལ་གྱི་མཛད་པ་ཡང་སྐུ་གཟུགས་བཞེངས་པ་དང་འགྱུར་མཛད་པ་ལ་སོགས་རེ་རེའི་རྗེས་ཀྱང་གཞན་གྱིས་མི་སྙོགས་པ་དང༌། མཚན་ཡང་དག་པར་བརྗོད་པ་ཡང་སཾ་སྐྲྀ་ཏའི་སྐད་དུ་འབུམ་ཕྲག་གཅིག བོད་ཀྱི་སྐད་དུ་འབུག་ཕྲག་གཅིག གཞན་ལ་ཡོན་བྱིན་ཏེ་འབུམ་ཕྲག་གཅིག་རྣམས་བཏོན། མཐར་ཇོ་བོ་རྗེས་སྒྲུབ་པ་ལ་བཙུད་དེ། སྒྲུབ་ཁང་གི་ཕྱི་རོལ་ན་སྒོ་སུམ་རིམ་ཡོད་པ་ལ། ཕྱི་མ་ལ་སྒོ་འདིའི་ནང་དུ་འཁོར་བ་ལ་ཞེན་པའི་བློ་སྐད་ཅིག་མ་གཅིག་སྐྱེས་ན། བསྟན་སྲུང་རྣམས་ཀྱིས་མགོ་བོ་ཁོས་བྱ་བ་དང༌། བར་པ་ལ། རང་དོན་ཡིད་བྱེད་ཀྱི་བློ་སྐད་ཅིག་མ་གཅིག་སྒོ་འདིའི་ནང་དུ་སྐྱེས་ན་བསྟན་སྲུང་རྣམས་ཀྱིས་མགོ་ཁོས་བྱ་བ་དང༌། ནང་མ་ལ། སྒོ་འདིའི་ནང་དུ་ཐ་མལ་གྱི་རྣམ་རྟོག་སྐད་ཅིག་མ་གཅིག་སྐྱེས་ན། བསྟན་སྲུང་རྣམས་ཀྱིས་མགོ་བོ་ཁོས་བྱ་བ་རྣམས་བྲིས་ནས། ཇོ་བོ་ཐེགས་རྗེས་ལོ་བཅུའི་བར་སྒྲུབ་པ་རྩེ་གཅིག་ཏུ་མཛད། དགུང་ལོ་དགུ་བཅུ་རྩ་བརྒྱད་པ་ཤིང་མོ་ལུག་ལ་ཁྲ་ཙེ་ཝིང་གིར་དུ་མྱ་ངན་ལས་འདའ་བའི་ཚུལ་བསྟན་པའི་ཚེ། ནམ་མཁའ་གང་བའི་ལྷ་རྣམས་ཀྱིས་རོལ་མོ་རྒྱ་ཆེན་པོ་སྒྲོག་པ་དང༌། མེ་ཏོག་གི་ཆར་འབེབས་པ་ལ་སོགས་པ་གྲོང་པའི་བྱིས་པ་ལ་སོགས་པ་སྐྱེ་བོ་ཐམས་ཅད་ཀྱི་མངོན་སུམ་དུ་གྱུར། མདུང་གཏན་མ་བྱུང་བས་མཁའ་སྤྱོད་དུ་གཤེགས་ཞེས་གྲགས། རིང་བསྲེལ་འོལ་མ་སེའི་མདོག་ལྟ་བུ་ཤིན་ཏུ་དམར་བ་གསུམ་བྱུང་བ་ཡང༌། ཡུན་མི་རིང་བ་ཞིག་ན་འབྲུག་གི་སྒྲ་དང་བཅས་ཏེ་ནམ་མཁར་སོང་ཞེས་གྲགས་སོ། །ཞེས་དེབ་སྔོན་༩༦སོགས་ལས་འབྱུང་བ་ལྟར་རོ། ། །ཞེས་དེབ་སྔོན་༩༦སོགས་ལས་འབྱུང་བ་ལྟར་རོ། །)
• Dictionaries/sgom sde tshig mdzod chenmo/326  + (སློབ་དཔོན་ཀླུ་སྒྲུབ་ཀྱི་མཚན་གྱི་རྣམ་གྲངས་ཤིག གྲུབ་ཆེན་བརྒྱད་ཅུ་རྩ་བཞིའི་གསོལ་འདེབས་ལས། དགེ་སློང་ལུས་ལ་དངོས་གྲུབ་བརྙེས། །ནགས་ཀྱི་ལྷ་མོས་བདུད་རྩི་ཕུལ། །ཀླུ་སྒྲུབ་སྙིང་པོ་ཞེས་བྱ་བའི། །བླ་མ་དེ་ལ་ཕྱག་འཚལ་ལོ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/324  + (སློབ་དཔོན་ཀླུ་སྒྲུབ་ཀྱིས་མཛད་པའི་བསྟོད་པ་ས … སློབ་དཔོན་ཀླུ་སྒྲུབ་ཀྱིས་མཛད་པའི་བསྟོད་པ་སྣ་ཚོགས་པའི་སྐོར། ཆོས་དབྱིངས་བསྟོད་པ། དཔེ་མེད་པར་བསྟོད་པ། འཇིག་རྟེན་ལས་འདས་པར་བསྟོད་པ། སེམས་ཀྱི་རྡོ་རྗེའི་བསྟོད་པ། དོན་དམ་པར་བསྟོད་པ། སྐུ་གསུམ་ལ་བསྟོད་པ། བསམ་གྱིས་མི་ཁྱབ་པར་བསྟོད་པ། ཤེར་ཕྱིན་གྱི་བསྟོད་པ། སེམས་མགུ་བར་བྱ་བའི་བསྟོད་པ། བསྟོད་པ་ལས་འདས་པར་བསྟོད་པ། རྗེ་བཙུན་འཇམ་དཔལ་གྱི་དོན་དམ་པའི་བསྟོད་པ། འཕགས་པ་འཇམ་དཔལ་གྱི་སྙིང་རྗེ་ལ་བསྟོད་པ། གནས་ཆེན་པོ་བརྒྱད་ཀྱི་མཆོད་རྟེན་ལ་བསྟོད་པ། ཡང་གནས་ཆེན་པོ་བརྒྱད་ཀྱི་མཆོད་རྟེན་ལ་བསྟོད་པ། མཛད་པ་བཅུ་གཉིས་ཀྱི་ཚུལ་ལ་བསྟོད་པ། ཕྱག་འཚལ་བའི་བསྟོད་པ། དམྱལ་བ་ནས་འདོན་པའི་བསྟོད་པ་རྣམས་སོ། །བསྟན་འགྱུར་པོད་༼ ཀ ༽པར་བཞུགས།་པ་རྣམས་སོ། །བསྟན་འགྱུར་པོད་༼ ཀ ༽པར་བཞུགས།)
• Dictionaries/sgom sde tshig mdzod chenmo/429  + (སློབ་དཔོན་ངག་གི་དབང་ཕྱུག་གྲགས་པས། ལོངས་སྤྱ … སློབ་དཔོན་ངག་གི་དབང་ཕྱུག་གྲགས་པས། ལོངས་སྤྱོད་རྫོགས་དང་ཁ་སྦྱོར་བདེ་ཆེན་རང་བཞིན་མེད། །སྙིང་རྗེ་ཡོངས་གང་རྒྱུན་མི་ཆད་དང་འགོག་པ་མེད། །ཡན་ལག་བདུན་བཤད་དོན་དང་ལྡན་པ་བསྒྲུབ་བྱ་འདར།། བདག་འདོད་ཚད་མས་ཡོངས་སྒོམ་བློ་ཆེན་གྱིས་ཀྱང་སྔགས། །ཞེས་གསུངས་པ་ལྟར། ༡ མཚན་དཔེས་བརྒྱན་པའི་ལོངས་སྤྱོད་རྫོགས་པའི་སྐུའི་ཡན་ལག་དང་། ༢ རང་སྣང་གི་ལྷ་མོ་དང་མཉམ་པར་སྦྱོར་བར་ཁ་སྦྱོར་གྱི་ཡན་ལག་དང་། ༣ གྱ་ནོམ་པ་དང་། ཟག་པ་མེད་པ་དང་། འཁོར་བ་ཇི་སྲིད་པའི་བདེ་བ་ཆེན་པོའི་ཡན་ལག་དང་། ༤ ནམ་མཁའི་པདྨོ་ལྟར་ཡེ་མེད་ཀྱི་སྟོང་པ་མ་ཡིན། བུམ་པ་བདེན་སྟོང་ལྟར་ཐབས་དང་བྲལ་བའི་སྟོང་པ་མ་ཡིན་པའི་རང་བཞིན་མེད་པའི་ཡན་ལག་དང་། ༥ དམིགས་པ་མེད་པའི་བརྩེ་བ་ཆེན་པོས་རྣམ་པར་མི་རྟོག་བཞིན་དུ་སེམས་ཅན་གྱི་དོན་བྱེད་པའི་སྙིང་རྗེ་ཡོངས་སུ་གང་བའི་ཡན་ལག་དང་། ༦ སྲིད་ཞིའི་མཐའ་ལ་མི་གནས་པས་རྒྱུན་མི་ཆད་པའི་ཡན་ལག་དང་། ༧ སྐུ་གཅིག་པུ་དེའི་རྣམ་པ་ནམ་མཁའ་ཇི་སྲིད་གནས་ཀྱི་བར་དུ་མྱ་ངན་ལས་འདའ་ཚུལ་མི་སྟོན་པར་བཞུགས་པའི་འགོག་པ་མེད་པའི་ཡན་ལག་བདུན་དང་ལྡན་པའི་གོ་འཕང་མངོན་དུ་བྱེད་པའོ། །རྗེ་ཙོང་ཁ་པ་ཆེན་པོའི་རིམ་ལྔ་གསལ་སྒྲོན་ལས། རྨད་བྱུང་མཚན་དཔེའི་དཔལ་འབར་ལོངས་སྤྱོད་རྫོགས། །ཁ་སྦྱོར་བདེ་སྟོང་རོ་ལ་རྟག་རོལ་ཞིང༌། །དམིགས་མེད་ཐུགས་རྗེས་ཞི་བའི་མཐའ་སྤངས་པ། །རྒྱལ་བ་ཡན་ལག་བདུན་ལྡན་ལ་ཕྱག་འཚལ། །ཞེས་གསུངས་པ་ལྟར་རོ། །བདུན་ལྡན་ལ་ཕྱག་འཚལ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/6110  + (སློབ་དཔོན་དབྱིག་གཉེན་གྱི་རང་མཁས་ཀྱི་སློབ་མ … སློབ་དཔོན་དབྱིག་གཉེན་གྱི་རང་མཁས་ཀྱི་སློབ་མ་བཞིའི་ཡ་གྱལ། མངོན་པ་རང་ལས་མཁས་པ་སློབ་དཔོན་བློ་གྲོས་བརྟན་པ་ནི། སྔོན་དབྱིག་གཉེན་བྷ་ག་བི་ཏཱ་ར་ཞེས་བྱ་བ་ན། འབྲུ་མར་གྱིས་བཀང་བའི་ཟངས་ནང་བཞུགས་ཏེ། འབུམ་སྡེ་བརྒྱད་ཅུ་ཞལ་འདོན་མཛད་པའི་ཚེ། ཕུག་རོག་ཞིག་རྒྱུན་དུ་ཉན་པ་ཞིག་ཡོད་པ་དེ་ཤི་སྟེ། མཐའ་ཁོབ་འདྲ་མ་ཞེས་བྱ་བར་དམངས་རིགས་ཀྱི་བུར་སྐྱེས་མ་ཐག་ངའི་སློབ་དཔོན་གང་ན་བཞུགས། ཞེས་འདྲི་བ་ལ་ཕས་ཁྱོད་ཀྱི་སློབ་དཔོན་སུ་ཡིན་བྱས་པས་དབྱིག་གཉེན་ཡིན་ཟེར། གཞན་ལ་དྲིས་པས་བཞུགས་པར་ཐོས་ཏེ། ཕྱིས་དབྱིག་གཉེན་དང་མཇལ་ནས་ཡི་གེ་ཕྱི་མོ་སློབ་པ་ནས་བཟུང༌། རིག་པའི་གནས་ཐམས་ཅད་ལ་མཁས་པར་བསླབ། ཆུང་ངུའི་དུས་ནཱ་ལེནྡྲ་ན་སྒྲོལ་མའི་རྟེན་ཁང་ཞིག་ཏུ་ཕྱག་ལ་སྲན་མའི་ཕུད་བཟུང་ནས་སྒྲོལ་མའི་ཞལ་ལ་ཕུལ་བས་འདྲིལ་ནས་བྱུང༌། སྲན་མ་ཟད་ཟད་དུ་ཕུལ་ཡང་སྒྲོལ་མས་མ་གསོལ་བར་འདྲིལ་བས་བྱིས་པ་ངུས་སོ། །དེ་ནས་འཕགས་མས་ཞལ་དངོས་སུ་བསྟན་ཏེ་ངུ་མི་དགོས། ངས་ཁྱོད་ལ་བྱིན་གྱིས་བརླབས་ཀྱི་ཁྱི་མ་དུ་སོང་གསུངས། དེ་ནས་མཁྱེན་རབ་ཐོགས་མེད་དུ་གྱུར་ཏེ་སྒྲོལ་མའི་རྟེན་དེ་ལ་སྲན་མའི་སྒྲོལ་མ་ཞེས་གྲགས་སོ། །ི་རྟེན་དེ་ལ་སྲན་མའི་སྒྲོལ་མ་ཞེས་གྲགས་སོ། །)
• Dictionaries/sgom sde tshig mdzod chenmo/2330  + (སློབ་དཔོན་ཕྱོགས་ཀྱི་གླང་པོའི་སློབ་མ་རིགས་པ … སློབ་དཔོན་ཕྱོགས་ཀྱི་གླང་པོའི་སློབ་མ་རིགས་པའི་དབང་ཕྱུག་དཔལ་ཆོས་ཀྱི་གྲགས་པ་ནི། རྒྱ་གར་ལྷོ་ཕྱོགས་རྒྱལ་དབང་གཙུག་གི་ནོར་བུ་ཞེས་བྱ་བའི་མུ་སྟེགས་ཀྱི་བྲམ་ཟེའི་རིགས་སུ་སྐུ་འཁྲུངས། ཆུང་ངུ་ནས་སྒྲ་ལེགས་པར་འབྱོངས། ནང་པའི་བསྟན་པ་ལ་རབ་ཏུ་བྱུང་ནས་སྦྱངས་པ་མཛད་ཅིང་། སློབ་དཔོན་དབང་ཕྱུག་སྡེ་ལ་ཚད་མ་ཀུན་ལ་བཏུས་པ་ལན་གསུམ་གསན། དེ་ནས་སློབ་དཔོན་གྱིས་གྲངས་ཅན་གྱི་གྲུབ་མཐའི་གསང་ཚིག་རྣམས་རྟོགས་པའི་དོན་དུ་བྲན་དུ་བརྫུས་ཏེ། ཞང་པོའི་ཆུང་མའི་གཡོག་བྱས་ནས་མགུ་བར་བྱས་ཏེ། གྲུབ་མཐའི་གནད་ལ་འདི་འདྲ་འདྲི་དགོས་བྱས་པས། འདོད་པ་སྤྱོད་པའི་ཚེ་དྲི་ཡི་ཁྱོད་རང་ཡིད་ལ་ཟུངས་ཤིག་ཟེར་ནས། མོའི་རྐང་པ་ལ་ཐག་པ་བཏགནས་ནས་གང་དཀའ་བ་དེ་ལ་ཐག་པ་ནས་འཐེན་ནས་ལེགས་པར་ཤེས་པར་བྱས་ཏེ་རྩོད་པས་མུ་སྟེགས་ཐམས་ཅད་ཚར་བཅད་དེ་ཆོས་ལ་བཀོད། བསྟན་བཅོས་ཀྱང་། ཚད་མ་རྣམ་འགྲེལ། རྣམ་ངེས། རིགས་ཐིག གཏན་ཚིགས་ཐིག་པ། འབྲེལ་བ་བརྟག་པ། རྒྱུད་གཞན་གྲུབ་པ། རྩོད་པའི་རིགས་པ་བཅས་ཚད་མ་སྡེ་བདུན་དང་། རྣམ་འགྲེལ་ལེའུ་དང་པོའི་རང་འགྲེལ་བཅས་བརྩམས་སོ། །བསྟན་བཅོས་རྣམས་མཁས་པའི་གྲྭ་སར་འགྲིམས་པས་ཕལ་ཆེར་གྱིས་མ་ཤེས་སོ། །ལ་ལས་ཤེས་ཀྱང་ཕྲག་དོག་གིས་ཉེས་སོ་ཞེས་བསྒྲགས་ཏེ་ཁྱིའི་མཇུག་མ་ལ་བཏགས་པས། སློབ་དཔོན་གྱིས། ཁྱི་གྲོང་དང་སྲང་ལམ་ཀུན་ཏུ་རྒྱུ་བ་བཞིན་བསྟན་བཅོས་ཀྱང་དར་བར་འགྱུར་རོ། །ཞེས་གསུངས་ནས་རྣམ་འགྲེལ་གྱི་འགོར། སྐྱེ་བོ་ཕལ་ཆེར་ཕལ་ལ་ཆགས་ཤིང་ཤེས་རབ་རྩལ་མེད་པས་ན་ལེགས་བཤད་རྣམས། །དོན་དུ་མི་གཉེར་ཁོ་ནར་མ་ཟད་ཕྲག་དོག་དྲི་མ་དག་གིས་སྡང་བར་ཡང་། །ཡོངས་གྱུར་དེས་ན་བདག་ལ་འདི་ནི་གཞན་ལ་ཕན་པ་ཡིན་ཞེས་བསམ་པའང་མེད། །སེམས་ནི་ཡུན་རིང་ལེགས་བཤད་གོམ་པ་ལྷུར་ལེན་བསྐྱེད་ཕྱིར་འདི་ལ་དགའ་བ་བསྐྱེད། །ཅེས་པ་བཅུག་གོ་ཞེས་གྲག་གོ།ལ་དགའ་བ་བསྐྱེད། །ཅེས་པ་བཅུག་གོ་ཞེས་གྲག་གོ།)
• Dictionaries/sgom sde tshig mdzod chenmo/2071  + (སློབ་དཔོན་འཕགས་པ་ལྷས་མཛད། ཆ་ཤས་ཀྱི་ཡན་ལག་ཅེས་བྱ་བའི་རབ་ཏུ་བྱེད་པ་སློབ་དཔོན་འཕགས་པ་ལྷས་མཛད་པ་དང་། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང། བོད་ཀྱི་ལོ་ཙཱ་བ་རིན་ཆེན་བཟང་པོའི་འགྱུར་རོ། །འདི་ལ་ཚིག་བཅད་བདུན་མ་གཏོགས་མེད། བསྟན་འགྱུར་༼ ཙ་པར ༽བཞུགས།)
• Dictionaries/sgom sde tshig mdzod chenmo/13182  + (སློབ་དཔོན་སངས་རྒྱས་ཡེ་ཤེས་ཞབས་ཀྱི་སློབ་མའི་མཆོག་བཅོ་བརྒྱད་བྱུང་བའི་ནང་ནས་གཅིག་སྟེ། ཚེ་དེ་ཉིད་ལ་རྡོ་རྗེ་འཆང་ཆེན་པོའི་གོ་འཕང་མངོན་དུ་མཛད་པར། དེབ་སྔོན་སྟོད་ཆ་༤༥༡ན་གསལ་ལོ། །)
• Dictionaries/sgom sde tshig mdzod chenmo/11539  + (སློབ་དཔོན་སེང་གེ་བཟང་པོའི་སློབ་མ་སངས་རྒྱས་ … སློབ་དཔོན་སེང་གེ་བཟང་པོའི་སློབ་མ་སངས་རྒྱས་ཡེ་ཤེས་ཞབས་ནི། ཨོཌྜི་ཡ་ནའི་ཡུལ་དུ་བྱོན་ནས། ལཀྵྨཱི་ཆེན་མོ་མཉེས་པར་བྱས། གཞན་ཡང་སྲུང་བའི་ཞབས་དང་འཇམ་དཔལ་བཤེས་གཉེན་སོགས་ལས་གསང་བ་འདུས་པའི་དབང་རྒྱུད་མན་ངག་དང་བཅས་པ་མནོས་ནས་བསྒོམས་པས་ཀྱང་གྲུབ་སྟེ། བི་ཀྲ་མ་ཤཱི་ལར་སྔགས་ཀྱི་རྡོ་རྗེ་སློབ་དཔོན་ཆེན་པོ་མཛད་དེ་ཀྲི་ཡོག་སྡེ་གསུམ་དང༌། ནང་རྒྱུད་སྡེ་ལྔ་སྟེ། འདུས་པ། སྒྱུ་འཕྲུལ་དྲ་བ། སངས་རྒྱས་མཉམ་སྦྱོར། ཟླ་གསང་ཐིག་ལེ། འཇམ་དཔལ་ཁྲོས་པ་རྣམས་དང༌། ཁྱད་པར་གསང་བ་འདུས་པའི་རྒྱུད་གཙོ་བོར་བཤད་པས་རྡོ་རྗེ་ཐེག་པའི་བསྟན་པ་རྒྱ་ཆེར་རྒྱས་པར་མཛད། སྒྲུབ་ཐབས་ཀུན་བཟང༌། རྫོགས་རིམ་གྲོལ་བའི་ཐིག་ལེ་སོགས་མཛད་ཅིང་འདུས་པ་ཡེ་ཤེས་ཞབས་ལུགས་ཞེས་སྲོལ་ཆེན་གཅིག་ཏུ་གྲགས། འཇམ་དཔལ་གྱི་གསུང་ལ་ཟིན་བྲིས་སུ་མཛད་པ་འཇམ་དཔལ་ལུང་སོགས་གཞུང་བཅུ་བཞི་དང་གཞན་ཡང་གཞུང་མང་པོ་མཛད། སློབ་མ་ཤིན་ཏུ་མང་ཡང་གཙོ་བོར་རྒྱལ་ཚབ་ཀྱི་ས་ལ་གནས་པ་བཅོ་བརྒྱད་དང༌། མཐོང་བའི་ཆོས་ལ་མྱ་ངན་ལས་འདས་པ་མར་མེ་མཛད་བཟང་པོ། རབ་ཞི་བཤེས་གཉེན། སྒྲ་གཅན་འཛིན་བཟང་པོ། རྡོ་རྗེ་བདེ་བ་ཆེན་པོ་སྟེ་མཆོག་བཞི་སོགས་བྱོན་ནོ། །་བདེ་བ་ཆེན་པོ་སྟེ་མཆོག་བཞི་སོགས་བྱོན་ནོ། །)
• Dictionaries/sgom sde tshig mdzod chenmo/3087  + (སློབ་མ་གང་དུ་དབང་བསྐུར་སའི་དཀྱིལ་འཁོར་ལ་སྤ … སློབ་མ་གང་དུ་དབང་བསྐུར་སའི་དཀྱིལ་འཁོར་ལ་སྤྱིར་བདུན་ཡོད་དེ། ༡ རྡུལ་ཚོན་གྱི་དཀྱིལ་འཁོར། ༢ རས་བྲིས་ཀྱི་དཀྱིལ་འཁོར། ༣ ལུས་དཀྱིལ། ༤ བསམ་གཏན་གྱི་དཀྱིལ་འཁོར། ༥ ཀུན་རྫོབ་བྱང་ཆུབ་ཀྱི་སེམས་ཀྱི་དཀྱིལ་འཁོར། ༦ བྷ་གའི་དཀྱིལ་འཁོར། ༧ དོན་དམ་བྱང་ཆུབ་ཀྱི་སེམས་ཀྱི་དཀྱིལ་འཁོར་དང་བདུན་ནོ། །རྗེའི་སྔགས་རིམ་ཆེན་མོ་ལས། བྲིས་སྐུ་དང་རྡུལ་ཚོན་དང་ལུས་ཀྱི་དཀྱིལ་འཁོར་གསུམ་གསུངས་སོ། །གདུལ་བྱའི་ཁྱད་པར་འགའ་ཞིག་ལ་བསམ་གཏན་གྱི་དཀྱིལ་འཁོར་ཡང་གསུངས་པས་དཀྱིལ་འཁོར་དུ་གཞུག་པའི་སྐབས་ཀྱི་དཀྱིལ་འཁོར་ལ་སྤྱིར་ནི་བཞི་ཡོད་དོ། །བྱང་ཆུབ་སེམས་ལ་དོན་དམ་དང་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་གཉིས་དང༌། བྷ་གའི་དཀྱིལ་འཁོར་གསུམ་དུ་དབང་བསྐུར་བ་གསུངས་པ་ནི་དབང་གོང་མ་གསུམ་གྱི་སྐབས་ཡིན་གྱི། ཆུ་ལ་སོགས་པའི་དབང་གི་སྔོན་དུ་དཀྱིལ་འཁོར་དུ་འཇུག་པའི་དཀྱིལ་འཁོར་མིན་ནོ། །དེ་ལ་ལུས་དཀྱིལ་དུ་དབང་བྱེད་པ་ནི་སྔོན་དུ་དབང་མ་ཐོབ་པ་ལ་བསྐུར་དུ་མི་རུང་ལ། བསམ་གཏན་གྱི་དཀྱིལ་འཁོར་དུ་དབང་བསྐུར་བ་ཡང་སློབ་དཔོན་དང་སློང་མ་མཚན་ཉིད་ཁྱད་པར་བ་དང་ལྡན་པ་ཞིག་དགོས་པས་སྤྱིའི་དབང་དུ་བྱས་པ་མིན་ཏེ་འཆད་པར་འགྱུར་རོ། །ཞེས་གསུངས་སོ། །པ་མིན་ཏེ་འཆད་པར་འགྱུར་རོ། །ཞེས་གསུངས་སོ། །)
• Dictionaries/sgom sde tshig mdzod chenmo/13024  + (ཧ་ཅང་འདྲིས་ཤས་ཆེ་བའི་མཛའ་གྲོགས་ཀྱི་མིང་། ས … ཧ་ཅང་འདྲིས་ཤས་ཆེ་བའི་མཛའ་གྲོགས་ཀྱི་མིང་། སྨོན་འདྲིན་ནམ་སྨོས་འདྲིན་ནི། བསྟན་དར་ལྷ་རམས་པས། མིང་རུས་ལ་སོགས་པ་ཤེས་པའི་སྒོ་ནས་འདྲིས་ཆེ་བའི་གྲོགས་པོའི་མིང༌དུ་བཤད་པ་ལྟར་རོ། །སྒྲ་བཤད་ནི། སྨོན་ནི་སྨོན་པ་སྟེ་མོས་པའམ་དགའ་བའི་དོན་དང་། འདྲིན་ནི་འདྲིས་པའམ། མཐུན་པའམ་མཛའ་བའི་དོན་ནོ། །མདོར་ན། དགའ་ཞིང་མཛའ་བའི་དོན་ནོ། །འདུལ་བ་གཞིི་རྒྱ་ཆེར་འགྲེལ་ལས། སྨོན་འདྲིན་ཞེས་བྱ་བ་ནི་ངོ་ཤེས་ཤིང་མིང་དང་རུས་ལ་སོགས་པ་འཛིན་པས་སྙིང་དུ་སྡུག་པར་གྱུར་པའོ། །ཞེས་གསུངས། དོགས་གཅོད། འདྲིན་དང་འདྲིས། འདྲེན་དང་འདྲེས་རྣམས་རེས་མོས་ཀྱིས་འབྲི་སྲོལ་ཡོད་དེ། དཔེར་ན་དཀར་ནག་འདྲེས་མའི་ལས་ལ། དཀར་ནག་འདྲེན་མའི་ལས་ཞེས་པ་ལྟ་བུ། ས་པཎ་གྱི་སྡོམ་གསུམ་རབ་དབྱེ་སོ་ཐར་གྱི་སྡོམ་པ་བཤད་པའི་ཐད་ལས་ཀྱང་། གཞན་ཡང་གཅིག་ཏུ་དཀར་བ་དང་། །གཅིག་ཏུ་གནག་དང་འདྲེན་མའི་ལས། །རྣམ་པ་གསུམ་དུ་ཐུབ་པས་གསུངས། །གཅིག་ཏུ་དཀར་བས་བདེ་བ་བསྐྱེད། །གཅིག་ཏུ་གནག་པས་སྡུག་བསྔལ་བསྐྱེད། །འདྲེན་མའི་ལས་ཀྱིས་བདེ་བ་དང་། །སྡུག་བསྔལ་འདྲེན་མ་བསྐྱེད་པར་གསུངས། །ཞེས་གསུངས་པ་ལྟར་རོ། །དགེ་འདུན་ཞེས་པ་ཡང་ལེགས་སྦྱར་གྱི་སྐད་དོད་དང་བསྟུན་ན་དགེ་འདུས་ཟེར་བ་ཨེ་ཡིན་སྙམ་ཡང་དཔྱད་དོ། །འོན་ཀྱང་ལེགས་སྦྱར་ལ་ “སཾགྷ” སྟེ་ “ འདུས་པ” ཞེས་པ་ཙམ་ལས་དགེ་ཞེས་ཚིག་ལ་མི་གསལ་ཡང་། ལོ་ཙཱ་བ་ཆེན་པོ་རྣམས་ཀྱིས་དགོས་པ་དང་རྒྱུ་མཚན་ལ་བརྟེན་ནས་དགེ་ཞེས་བླ་ཐབས་སུ་བསྣན་པར་སེམས་ཡང་དཔྱད་དོ། །ེ་ཞེས་བླ་ཐབས་སུ་བསྣན་པར་སེམས་ཡང་དཔྱད་དོ། །)
• Dictionaries/sgom sde tshig mdzod chenmo/13252  + (ཧྭགས་ཞེས་པ་ཤེལ་ཀ་ར་དང་བྱེ་མ་ཀ་ར་སོགས་ལས་ཅུ … ཧྭགས་ཞེས་པ་ཤེལ་ཀ་ར་དང་བྱེ་མ་ཀ་ར་སོགས་ལས་ཅུང་ཟད་སྤུས་ཁ་ཞན་པའི་བུ་རམ་གྱི་དྭངས་མ་ལ་ཟེར། འགྲེལ་པ་ཟླ་ཟེར་༼ ཀོ་པ ༽༦༠བ་༧ལས། ཧྭགས་ཞེས་བྱ་བ་ནི་བུ་རམ་གྱི་དྭངས་མའི་ཤ་ཁ་སྟེ། ག་ལ་ཞེས་མིང་དུ་གྲགས་པའོ། །འགྲེལ་པ་དེ་ལས་ཀྱང་དྭངས་ཤིང་དྲི་མ་མེད་པ་ལ། ཁཎྜ་ནི་དེ་ལས་ཀྱང་དྭངས་ཤིང་དྲི་མ་མེད་པའོ། །ཁ་ར་དཀར་པོ་ནི་དེ་བས་ཀྱང་ཆེས་དྭངས་ཤིང་རྙོག་མ་མེད་པའི་ཁ་ར་དཀར་པོའོ། །དེ་ལྟར་ན་རིམ་གྱིས་ཡོན་ཏན་ཆེ་བའོ། །ཞེས་གསུངས་སོ། །འོན་ཀྱང་འདུལ་བ་ལུང་གཞི། བམ་པོ་ལྔ་བཅུ་བརྒྱད་པ་ལས། མར་དང་། བུ་རམ། ཧྭགས། ཤ་ཁ་ར་དང་། བཏུང་བ་དག་གོ་ཞེས་དེ་གཉིས་ཐ་དད་དུ་གསུངས་ཡོད་པས་དཔྱད་པར་འོས་སོ། །ཉིས་ཐ་དད་དུ་གསུངས་ཡོད་པས་དཔྱད་པར་འོས་སོ། །)
• Dictionaries/sgom sde tshig mdzod chenmo/5868  + (ཨ་ཊེ། བ་ཊེ། ན་ཊེ། ཀུ་ན་ཊེ། ཊེསྐེ། ཋསྐེ་ཐ་ར … ཨ་ཊེ། བ་ཊེ། ན་ཊེ། ཀུ་ན་ཊེ། ཊེསྐེ། ཋསྐེ་ཐ་རཀྐེ། ཨུ་རུ་མ་ཏི། རུ་རུ་མ་ཏི། ཏུ་རུ་ཧི་ལི་མི་ལི། སབྦ་ཛྙཱུ་དུ་པ་དགྒ། ན་མས་སབྦཱ་སམྦུ་ཛྙྷཱ་ཎཱཾ། སི་ཛྙྷཱནྟུ་མེ་མནྟྲ་པཱ་དཱཿསྭཧཱ། (སྔགས་འདི་ལ་ཞུས་དག་ངེས་པར་དགོས) ཞེས་བཅངས་པ་ཙམ་གྱིས་སྐྱེ་བ་དྲན་པའི་གསང་སྔགས་ཡི་གེ་ལྔ་བཅུ་རྩ་བདུན་པ་ཞེས་བྱ་སྟེ་སྐྱ་རེངས་ཤར་བའི་ཚེ་ཅི་རིགས་བཟླས་པས་དུས་མ་ཡིན་པར་འཆི་བ་སེལ་ཞིང་ཚེ་སྲིང་བར་བྱེད་དོ། །ཞེས་དཔའ་བོ་གཙུག་ལག་ཕྲེང་བའི་སྤྱོད་འཇུག་འགྲེལ་པར་གསལ།་གཙུག་ལག་ཕྲེང་བའི་སྤྱོད་འཇུག་འགྲེལ་པར་གསལ།)
• Dictionaries/sgom sde tshig mdzod chenmo/3574  + (ཨི། ཨུ། ཨེ། ཨོ་དང་བཞིའོ། །ཡང་ན། གི་གུ། ཞབས … ཨི། ཨུ། ཨེ། ཨོ་དང་བཞིའོ། །ཡང་ན། གི་གུ། ཞབས་ཀྱུ། འགྲེང་བུ། རྣ་རུའམ་གནའ་རུ་ད་བཞིའོ། །སུམ་ཅུ་པའི་རྩ་བར། ཡི་གེ་ཨཱ་ལི་ཀཱ་ལི་གཉིས། །ཨཱ་ལི་གསལ་བྱེད་ཨི་སོགས་བཞི། །ཀཱ་ལི་སུམ་ཅུ་ཐམ་པ་འོ། །ཞེས་གསུངས་སོ། །༼ གི་གུ ༽ ( ི ) བོད་ཡིག་དབྱངས་བཞིའི་དང་པོ་ཨི་ཡིག་མཚོན་བྱེད་ཡིན། དབྱངས་ཀྱི་གོ་དོན་ནི། ང་རོའི་རྣམ་པ་ཅན་གྱི་ཆ་ནས་བཞག་པའི་ཡི་གེ་དེ། དབྱངས་ཀྱི་མཚན་ཉིད། གསེར་ཏོག་སུམ་འགྲེལ་༢༩ལས། གནས་དང་བྱེད་པའི་རྣམ་འགྱུར་མི་གསལ་ཞིང་སྒྲའི་གདངས་ཙམ་དང་ང་རོ་ཙམ་ཤས་ཆེ་བའི་ཆ་ནས་བཞག་པས། ཡི་གེ་གཞན་ལ་མ་ཞུགས་པར་རང་སྟོབས་ཀྱིས་བརྗོད་པ་གསལ་བར་མི་ནུས་པས་ན་འདིར་བསྟན་དབྱངས་རྐྱང་ཞེས་བྱའོ། །ཞེས་གསུངས་སོ། །སྒྲ་བཤད་ནི། དབྱིབས་གུག་གུག་ཡིན་པའི་ཆ་ནས་གི་གུ་ཞེས་བཏགས། འདི་ལ་ “གི་གུ” དང་ “གུ་གུ” “གུག་གུ” ཞེས་ཀྱང་བྲིས་པ་ཡོད། ༼ ཞབས་ཀྱུ ༽ ( ུ ) བོད་ཡིག་གི་དབྱངས་གཉིས་པ་ཨུ་ཡིག་མཚོན་བྱེད། དབྱིབས་ལྕགས་ཀྱུ་ལྟར་གུག་ནས་ཡོད་པའི་ཆ་ནས་ཞབས་ཀྱུ་ཟེར། སྒྲ་བཤད་ནི། ཞབས་ནི་རྐང་པ། ཀྱུ་ནི་ཀྱོག་ཀྱོག་གི་དོན་ནོ། །ཀྱུ་དང་། ཀྱོ། ཀྱོག་ཀྱོག་རྣམས་དོན་གཅིག དཔེར་ན་ལྕགས་ཀྱུའམ། ལྕགས་ཀྱོ་ཞེས་པ་ལྟ་བུའོ། །༼ འགྲེང་བུ ༽ ( ེ ) བོད་ཡིག་གི་དབྱངས་གསུམ་པ་ཨེ་ཡིག་མཚོན་བྱེད། དབྱིབས་འགྲེང་བའམ་ཀེ་རེར་ལངས་ནས་ཡོད་པའི་རྣམ་པར་ཡོད་པས། འགྲེང་བུའམ་འགྲེང་པོ་ཟེར། འགྲེང་པོ་ཞེས་བྲིས་པའང་ཡོད།༼ རྣ་རུ ༽ ( ོ ) བོད་ཡིག་གི་དབྱངས་བཞི་པ་ཨོ་ཡིག་མཚོན་བྱེད། འདི་ལ་ཡོངས་གྲགས་སུ་ “ན་རོ” ཞེས་འབྲི་བར་བྱེད་ཀྱང་ “རྣ་རུ” དང་ “གནའ་རུ” ཞེས་བྲིས་ན་བཟང་ངོ་། །རྣ་རུའམ་གནའ་རུ་ཞེས་པ་ནི། རི་དྭགས་གནའ་བའི་རྭ་ཅོ་དང་དབྱིབས་འདྲ་བས་ན་དེ་སྐད་ཅེས་བཏགས་པའོ། །དེ་ཡང་ “རྣ” ནི་གནའ་ཡི་འབྲི་ཚུལ་གཞན་ཡིན་ལ། “རུ” རྭ་ཅོའི་མིང་ངོ་། །དཔེར་ན་བ་གླང་གི་རྭ་ཅོ་ལ། གླང་རུ་ཞེས་པ་ལྟ་བུའོ། །བསྟན་དར་ལྷ་རམས་པས། དེ་བཞིན་དུ་དབྱངས་བཞིའི་ཐ་མ་ན་རོ་ཞེས་བྲིས་པ་ལས་གནའ་རུའམ་རྣ་རུ་ཞེས་བྲིས་ན་སྒྲ་བཤད་དང་ལྡན་ནོ། །ཞེས་གསུངས་སོ། །དབྱངས་ལ་བཞིར་གྲངས་ངེས་པའི་ཁུངས་ནི། སུམ་ཅུ་པའི་རྩ་བ་ལས། ཡི་གེ་ཨཱ་ལི་ཀཱ་ལི་གཉིས། །ཨཱ་ལི་གསལ་བྱེད་ཨི་སོགས་བཞི། །ཞེས་གསུངས་ཤིང་། སི་ཏུ་འགྲེལ་ཆེན་ལས་ཀྱང་། འདི་སྐབས་འགྲེལ་བྱེད་སྔ་མ་ཁ་ཅིག་གིས། ཨ་ཡིག་ཨཱ་ལིར་བགྲངས་པའི་ཨཱ་ལི་ལྔ་དང་ཀཱ་ལི་ཉེར་དགུར་འདོད་པ་བྱུང་མོད་ཀྱི་མཁན་པོའི་དགོངས་པ་མ་རྟོགས་པར་གཟུ་ལུམ་བྱས་པར་སྣང་སྟེ་རྩ་བ་ལས་དངོས་འགལ་དུ་སྨྲས་པའི་ཕྱིར། ཞེས་གསུངས་སོ། །ལེགས་བཤད་ལྗོན་དབང་ལས་ཀྱང་། །དབྱངས་ཀྱི་བྱ་བ་གསལ་པོ་རུ། །བྱེད་པ་ཨི་ཨུ་ཨེ་ཨོ་བཞི། །ཞེས་གསུངས་པའི་ཕྱིར་རོ། །ས་པཎ་དང་དཔལ་ཁང་ལོ་ཙཱ་བ་སོགས་ཀྱིས་ཨ་ཡིག་བསྣན་ནས་དབྱངས་ལྔ་རུ་བཞེད་པའང་ཡོད་དེ། དེའི་སྐོར་གོང་དུ་དབྱངས་ལྔ་ཞེས་པའི་ཐད་དུ་གཟིགས།་སྐོར་གོང་དུ་དབྱངས་ལྔ་ཞེས་པའི་ཐད་དུ་གཟིགས།)
• Dictionaries/sgom sde tshig mdzod chenmo/11964  + (“པཱཎ་ཌཝ” (पाण्डव) སྟེ་སྐྱ་སེང་བུ་ལྔ་མདོར་བ … “པཱཎ་ཌཝ” (पाण्डव) སྟེ་སྐྱ་སེང་བུ་ལྔ་མདོར་བསྡུས་ཏེ་བཤད་ན། ༡ “ཡུ་དྷིཥ་ཊར” युधिष्ठिर, yudhiṣṭhira (གཡུལ་བརྟན) (གཡུལ་ངོར་བརྟན་པས་མིང་དེ་ལྟར་ཐོགས) ༢ “བྷིམ་སེ་ན” भीमसेन, Bhimasena (འཇིགས་སྡེ) ༣ “ཨརྫུ་” अर्जुन, Arjun (སྲིད་སྒྲུབ) (འདི་རྣམ་འགྲེལ་གྱི་འགྲེལ་པ་རྣམས་སུ་སྲིད་སྒྲུབ་འཕོང་སྐྱེན་ཞེས་པའི་སྲིད་སྒྲུབ་དེ་རེད) ༤ “ན་ཀུ་ལ” नकुल, naküla (ནེའུ་ལེ། སྲེ་མོང་། འདི་ལ་རྒྱ་ཆེར་རོལ་པའི་མདོར། རིགས་མེད་ཅེས་བསྒྱུར་ཡོད། དེ་ཡང་ “ན” ཞེས་པ་ལེགས་སྦྱར་གྱི་དགག་ཚིག “ཀུ་ལ” རིགས་ཀྱི་དོན་ཡིན་པས། རིགས་མེད་ཅེས་སོ) ༥ “སཧ་དེ་ཝ” सहदेव, sahadéva (ལྷར་བཅས) སོ། །རྒྱས་པར་བཤད་ན། “མཧཱ་བྷ་ར་ཏ” Mahābhārata महाभारत ནི་རགས་འགྱུར་བྱས་ན། “བྷ་ར་ཏ་ཆེན་པོའི་གཏམ་རྒྱུད” ཞེས་པའི་དོན་ནོ། ། “མཧཱ་བྷ་ར་ཏའི་བྱུང་བ” ནི། “ཀཱཽ་ར་ཝ” (कौरव) འམ་དམག་བརྒྱ་པའི་བུ་དང་། “པཱཎ་ཌཝ” (पाण्डव) འམ་སྐྱ་སེང་བུ་ལྔ་སྟེ། ཕ་མ་རྒན་གཞོན་གྱི་བུ་སྤུན་ cousins གྱི་དབར་རྒྱལ་སྲིད་ཀྱི་དོན་དུ་ཁ་མ་འཆམས་པར་རྩོད་པ་བྱུང་སྟེ། མཐར་དམག་འཐབ་བྱུང་བའི་དཔའ་བོའི་ལོ་རྒྱུས་ཀྱི་མིང་ཞིག་རེད། སྤྱིར་བཏང་ “མཧཱ་བྷ་ར་ཏ” ཞེས་པ་ནི། བྷ་ར་ཏ་ཆེན་པོ་ཟེར་བའི་དོན་དང་། དེ་ཡང་རྒྱལ་བརྒྱུད་འདིའི་རྒྱལ་པོ་དང་པོའི་མིང་ཡིན། དེང་སང་རྒྱ་གར་ལ་མིང་གཞན་བྷ་ར་ཏ་ཞེས་པའང་རྒྱལ་པོ་འདིའི་མིང་ཡུལ་ལ་ཐོགས་པ་ཡིན། དམག་བརྒྱ་པ་དང་སྐྱ་སེང་བུ་ལྔ་པོ་ཡང་རྒྱལ་པོ་བྷ་ར་ཏའི་རྒྱལ་རྒྱུད་ཉིད་དོ། །གཡུལ་འཐབ་འདི་ལ་ནག་ཕྱོགས་པ་དང་དཀར་ཕྱོགས་པ་གཉིས་ཡོད་ཅིང་། ནག་ཕྱོགས་པ་ནི། ཡབ་རྒྱལ་པོ་ “དྷཏ་རཱཥྚྲ” धृतराष्ट्र dhritarāshtra (དམག་བརྒྱ་པ) དང་། བཙུན་མོའི་མིང་ལ། “གཱཾ་དྷཱ་རཱི” गांधारी, Gāndhārī ཟེར། རྒྱལ་པོ་འདི་མིག་ལོང་བ་ཡིན་ལ། འདི་ལ་ “འཐབ་དཀའ” ལ་སོགས་པ་སྲས་བརྒྱ་བྱུང་ཞིང་། འདི་སྐྱ་སེང་བུ་ལྔའི་ཨ་ཁུ་ཡང་ཡིན། འདི་ལ་བུ་བརྒྱ་ཡོད་པས་དམག་བརྒྱ་པ་ཞེས་མིང་ཐོགས། བུ་རྒན་ཤོས་ཀྱི་མིང་ལ། “དུརྱཱོ་དྷན” दुर्योधन, Duryodhana (འཐབ་དཀའ) ཟེར། འདི་སྐྱ་སེང་བུ་ལྔའི་དགྲ་ཟླའི་གཙོ་བོ་དང་རྙོག་ཁྲ་སློང་མཁན་གྱི་གཏེ་དཔོན་ཡིན། དེའི་འོག་མ་དེར། “དུཿཤཱ་སན” दुःशासन; Duḥśāsana ཟེར་རོ། །དཀར་ཕྱོགས་པ་ནི། “པཱཎ་ཌུ” पांडु Pandu (སྐྱ་སེང) དང་། བཙུན་མོའི་མིང་ལ། “ཀུཾ་ཏཱི” कुंती, Kunti ཟེར། རྒྱལ་པོ་འདི་ “དྷཏ་རཱཥྚྲ” གྱི་གཅུང་པོ་ཡིན་ཞིང་། འདི་ལ་བུ་ལྔ་ཡོད། དེ་དག་ལ་ “སྐྱ་སེང་བུ་ལྔ” ཟེར། གོང་གི་བུ་སྤུན་བརྒྱ་པོ་རྣམས་དང་། སྐྱ་སེང་བུ་ལྔའི་དབར་གཡུལ་འཐབ་བྱུང་ཞིང་། ཐ་མ་དམག་བརྒྱ་པ་ཕམ་ནས་ཐམས་ཅད་སྐྱ་སེང་བུ་ལྔའི་མཚོན་འོག་ཏུ་ཤོར་རོ། །སྔོན་གྱི་བྱུང་བ་འདིའི་ཐོག་ནས་བློ་སྐྱེད་ཆེན་པོ་མང་པོ་བླང་རྒྱུ་ཡོད་མོད། འོན་ཀྱང་དེ་དག་འདིར་སྐབས་སུ་མ་བབས་པས་བཤད་པར་མི་སྤྲོ་ལ། ཁོ་བོས་བཤད་འདོད་པ་ནི་ “གཉའ་ཁྲི་བཙན་པོ་ནི་སྐྱ་སེང་བུ་ལྔའི་ “གཡུལ་བརྟན” ཞེས་པ་དེ་ཡིན” པར་འདོད་དེ། “བྷ་ར་ཏ་ཆེན་པོའི་གཏམ་རྒྱུད” འདི་ལ་གླེགས་བམ་བཅོ་བརྒྱད་ཙམ་ཡོད་པའི་ནང་ནས། འདིའི་མཇུག་བསྡུའི་ལེའུར་ “འགྲུལ་བཞུད་ཆེན་མོ” (The Great Journey) ཟེར་བ་ཞིག་དང་། “ལྷ་ཡུལ་དུ་གཤེགས་པ” (Ascent to Heaven) ཞེས་པའི་ལེའུ་གཉིས་ཡོད་པའི་ནང་ནས་ཕྱི་མ་དེ་ཡིན། སྐྱ་སེང་བུ་ལྔ་གཡུལ་ལས་རྒྱལ་ཏེ་མཐར་ “གཡུལ་བརྟན” གྱིས་རྒྱལ་སྲིད་བསྐྱངས་ནའང་། སྔར་གྱི་སྡིག་པ་ལ་ཡིད་ཕྱུང་ནས་རྒྱལ་སྲིད་རང་གི་གཅུང་པོ་སྲིད་སྒྲུབ་ཀྱི་བུ་ལ་བཏད་དེ་हिमालय,ཧི་མཱ་ལ་ཡའི་རི་བོ་བརྒྱུད་དེ་ལྷ་ཡུལ་དུ་གཤེགས་པའི་ལོ་རྒྱུས་ཡོད་པ་དེ་ཡིན། དངོས་ཡོད་གནས་ཚུལ་ལ་ “གཡུལ་བརྟན” ལྷ་ཡུལ་དུ་ཕྱིན་ཡོད་མེད་བཤད་པར་དཀའ་ཡང་། རི་བོ་གངས་ཅན་ཅན་གྱི་ཕྱོགས་སུ་བསྐྱོད་པ་ནི་དངོས་ཡོད་གནས་ཚུལ་ཡིན་པར་འདོད་ཅིང་། བོད་ཀྱི་རྒྱལ་རབས་རྣམས་སུ་ཕྱུགས་རྫི་རྣམས་ཀྱིས་གཉའ་ཁྲི་བཙན་པོ་ཐོག་མར་མཐོང་བ་ན། གང་འོང་ཞེས་དྲིས་པ་ན། མཛུབ་མོ་གནམ་ལ་ཀེར་ཟེར་བ་དང་ཡང་འགྲིག་སྟེ། ཁོང་རྒྱ་གར་བ་ཡིན་པས་སྐད་བརྡ་མ་འཕྲོད་པར་མཛུབ་མོ་གནམ་ལ་ཀེར་བ་ཡིན་པ་ངེས་སོ། །དེས་ན་སྐྱ་སེང་བུ་ལྔའི་བུ་རྒན་ཤོས་རྒྱལ་པོ་ “ཡུ་དྷིཥ་ཊར” རམ་ “གཡུལ་བརྟན” ཉིད་ངེད་ཅག་བོད་ཀྱི་རྒྱལ་པོ་དང་པོ་གཉའ་ཁྲི་བཙན་པོ་ཡིན་ནོ་ཞེས་སྐད་གསང་མཐོན་པོས་སྨྲ་བར་འདོད་དོ། །ལུང་རིགས་ཀྱི་ལམ་ནས་གནོད་བྱེད་རྣམ་དག་ཅིག་མ་བྱུང་གི་བར་ཁོ་བོ་ནི་འདི་རང་ལ་ཡིད་རྟོན་བྱེད་དོ། །ཧིནྡཱུའི་ལོ་རྒྱུས་ནི་ང་ཚོ་བོད་པ་དང་ནང་པས་འོལ་ཚོད་བྱེད་པ་ལས་ཁོང་ཅག་གི་གཞུང་ལུགས་ཉིད་ལ་ཁུངས་བཅོལ་ན་ལེགས་ཤིང་། ལོ་རྒྱུས་འདི་ནི་ཞལ་ནས་ཞལ་བརྒྱུད་དང་སྙན་ནས་སྙན་བརྒྱུད་མིན་པར་མི་ལོ་སུམ་སྟོང་ཙམ་གྱི་སྔོན་ནས་ཁོང་ཅག་གི་ཡིག་ཐོག་ཏུ་འཁོད་ནས་ཡོད་པས་སོ། །སྤྱིར་བཏང་ང་ཚོ་བོད་པ་ཚོ་དགུ་ཐུག་ལ་མཉེས་ཤིང་། བོད་ཀྱི་ལོ་རྒྱུས་སྨྲ་བ་ཚོས་ཀྱང་འདིའི་སྐོར་ལ་དགུ་ཐུག་མགོ་ཡུ་འཁོར་ཞིང་གྲོད་ཁོག་ན་དགོས་པ་ཞིག་བསྐོལ་འདུག་གོ། ༼ སྐྱ་སེང་བུ་ལྔའི་སྐོར་རྒྱ་ཆེར་རོལ་པའི་མདོར་ཡང་ཟུར་ཙམ་གསལ་ཏེ ༽དེ་ཉིད་ལས། ལ་ལ་ན་རེ། གྲོང་ཁྱེར་ཧསྟི་ན་པུ་ར་འདིའི་རྒྱལ་པོ་ནི་སྐྱ་བསེང་གི་བུའི་རིགས་ཀྱི་རྒྱུད་ལས་སྐྱེས་པ། དཔའ་ཞིང་རྟུལ་ཕོད་པ་དང་ལྡན་པ། ཡན་ལག་མཆོག་གི་གཟུགས་ཕུན་སུམ་ཚོགས་པ་གཞན་གྱི་སྡེ་འཇོམས་པ་སྟེ། རིགས་དེ་ནི་བྱང་ཆུབ་སེམས་དཔའ་དེ་ཡུམ་གྱི་ལྷུམས་སུ་འཇུག་པའི་གནས་ཀྱི་འོས་ཡིན་ནོ་ཞེས་ཟེར་རོ། །ལ་ལ་ན་རེ། དེའང་ཚུལ་དང་མཐུན་པ་མ་ཡིན་ཏེ། དེ་ཅིའི་ཕྱིར་ཞེ་ན། འདི་ལྟར་སྐྱ་བསེང་གི་བུའི་རིགས་སུ་སྐྱེས་པ་དག་གིས་ནི་རིགས་ཀྱི་རྒྱུད་རྣམ་པར་འཁྲུགས་པར་བྱས་ཏེ། གཡུལ་ངོར་བརྟན་པ་ལ་ནི་ཆོས་ཀྱི་བུ་ཞེས་ཟེར། འཇིགས་སྡེ་ལ་ནི་རླུང་གི་བུ་ཞེས་ཟེར། སྲིད་སྒྲུབ་ལ་ནི་དབང་པོའི་བུ་ཞེས་ཟེར། རིགས་མེད་དང༌། ལྷར་བཅས་ལ་ནི་ཐ་སྐར་གྱི་བུ་ཞེས་ཟེར་ཏེ། དེའི་ཕྱིར་རིགས་དེའང་བྱང་ཆུབ་སེམས་དཔའ་དེ་ལྷུམས་སུ་འཇུག་པའི་གནས་ཀྱི་འོས་མ་ཡིན་ནོ་ཞེས་ཟེར་རོ། །ཞེས་གསལ་ལོ། །ྱི་འོས་མ་ཡིན་ནོ་ཞེས་ཟེར་རོ། །ཞེས་གསལ་ལོ། །)

• Dictionaries/sgom sde tshig mdzod chenmo/10134  + (རྣམ་སྣང་གི་ཆོས་བདུན་གྱི་སྟེང་དུ། དབུགས་བགྲང་བ་བསྣན་པས་བརྒྱད་དོ། །)

• Dictionaries/sgom sde tshig mdzod chenmo/2305  + (( ཕར་ཕྱིན) སྟོང་ཉིད་ཀྱི་མིང་གི་རྣམ་གྲངས་ཤི … ( ཕར་ཕྱིན) སྟོང་ཉིད་ཀྱི་མིང་གི་རྣམ་གྲངས་ཤིག སྒྲ་བཤད་ནི། སྣོད་བཅུད་ཀྱི་ཆོས་ཀུན་གྱི་དབྱིངས་སམ་ཁམས་ཏེ། རྩ་བ་མཐར་ཐུག་པ་ཡིན་པས་དེ་སྐད་ཅེས་བྱ་སྟེ། རྗེའི་འགྲེལ་པ་བཞི་སྦྲགས་ལས། དྷརྨ་ནི་ཆོས་ཏེ། སྔར་བཤད་པའི་སྣོད་བཅུད་ཀྱི་ཆོས་ཀུན་གྱི་དྷ་ཏུ་ནི་དབྱིངས་སམ་ཁམས་ཏེ། མཐར་ཐུག་པའི་རྩ་བའོ། །ཞེས་གསུངས་པ་ལྟར་རོ། །ཡང་ན་ཐེག་པ་གསུམ་གྱི་གང་ཟག་གི་ཐུགས་རྒྱུད་ཀྱི་རྟོགས་པའི་ཡོན་ཏན་གྱི་ཆོས་རྣམས་ཀྱི་དབྱིངས་ཏེ་རྒྱུ་ཡིན་པས་ཆོས་དབྱིངས་ཞེས་བྱའོ། །བརྒྱད་སྟོང་པའི་དཀའ་འགྲེལ་སྙིང་པོ་མཆོག་དང་། རྗེ་གུང་ཐང་པའི་གསུང་གཉིས་ཀ་གསལ། དེས་ན་ཆོས་རྣམས་ཀྱི་དབྱིངས་ཏེ་ཁམས་སམ་འཛིན་བྱེད་དམ་འབྱུང་ཁུངས་མཐར་ཐུགས་ཡིན་པས་ཆོས་ཀྱི་དབྱིངས་ཞེས་སམ། (ཁམས་དང་། འཛིན་བྱེད། འབྱུང་ཁུངས་རྣམས་དོན་ཕལ་ཆེར་འདྲ་བར་སེམས) ཡང་ན་ཆོས་རྣམས་ཀྱི་རང་བཞིན་མཐར་ཐུག་ཡིན་པས་ཆོས་ཀྱི་དབྱིངས་ཞེས་བྱའོ། །སྟོང་ཉིད་ཆོས་རྣམས་ཀྱི་འབྱུང་ཁུངས་ཡིན་ཞེས་པ་ནང་པའི་ལྟ་གྲུབ་འཛིནཔ་རྣམས་ཀྱིས་རྨོངས་ཚོད་ཀྱིས་བཤད་པ་མིན་པར། མཚན་རིག་པ་དང་མཐུན་ཞིང་དངོས་ཡོད་གནས་ཚུལ་དང་ཡང་མཐུན་པ་ཞིག་སྟེ། དཔེར་ན་ཤིང་སྡོང་ཆེན་པོ་ཞིག་ལ་དཔྱད་ཞིབ་བྱེད་ན། སྡོང་པ་དེ་ཐོག་མར་འབྲུ་རྡོག་ཆུང་ཆུང་ཞིག་ཡིན་པ་དང་། དེ་ཡང་དེའི་སྔ་ལོགས་ཀྱི་རྒྱུ་རྫས་ཕྲ་མོ་ཞིག་གི་ངོ་བོར་གནས། དེ་ཡང་དེའི་སྔ་ལོགས་ཀྱི་རྒྱུ་ཞེས་དཔྱད་ན་ཕྲ་རུ་ཕྲ་རུ་སོང་སྟེ་མཐར་སྟོང་ཉིད་ལ་ཐུག་འགྲོ་བར་རང་གི་ཉམས་མྱོང་གིས་ཀྱང་ལམ་ཙམ་གྲུབ་བོ། །བར་རང་གི་ཉམས་མྱོང་གིས་ཀྱང་ལམ་ཙམ་གྲུབ་བོ། །)
• Dictionaries/sgom sde tshig mdzod chenmo/4879  + (( འདུལ་བ) བཀའ་བསྡུ་གསུམ་པ་འདི་ལུང་ཕྲན་ཚེགས … ( འདུལ་བ) བཀའ་བསྡུ་གསུམ་པ་འདི་ལུང་ཕྲན་ཚེགས་ན་མ་གསུངས་པས། འདི་ལ་བཤད་ཚུལ་མི་མཐུན་པ་ཅི་རིགས་སུ་བྱུང་ངོ་། །འོན་ཀྱང་རང་ལུགས་ནི། སྟོན་པ་མྱ་ངན་ལས་འདས་ནས་ལོ་བརྒྱ་དང་དྲུག་ཅུ་ལོན་པ་ན་གྲོང་ཁྱེར་མེ་ཏོག་གིས་རྒྱས་པ་ཞེས་བྱ་བར་དགེ་འདུན་གནས་བརྟན་བཞི་སྐད་རིགས་མི་མཐུན་པ་ལེགས་སྦྱར་དང་། ཟུར་ཆག་དང་། ཡུལ་གྲུ་རང་བཞིན་པ་དང་། ཤ་ཟའི་སྐད་ཀྱིས་ལུང་འདོན་པ་ན་སློབ་མ་རྣམས་མི་མཐུན་པར་གྱུར་ཏེ་རྩ་བའི་སྡེ་བཞིར་གྱེས་སོ། །དེ་དག་ཀྱང་ནང་གསེས་ཀྱི་དབྱེ་བས་སྡེ་པ་བཅོ་བརྒྱད་དུ་གྱེས་ནས་ཕན་ཚུན་རྩོད་པར་གྱུར་ཏེ། ནམ་ཞིག་ན་རྒྱལ་པོ་ཀྲྀ་ཀྲྀའི་རྨི་ལྟས་ལུང་བསྟན་པའི་མདོ་རྙེད་ནས་བལྟས་པས་སྡེ་པ་བཅོ་བརྒྱད་དུ་གྱུར་ཀྱང་རྣམ་པར་གྲོལ་བའི་འབྲས་བུ་ཉམས་པ་མེད་པར་གསུངས་པ་མཐོང་ནས་ཕན་ཚུན་མཐུན་པར་གྱུར་ཅིང་། སངས་རྒྱས་ཀྱི་བསྟན་པར་གཅིག་ཏུ་བསྡུས་པ་ལ་བསྡུ་བ་གསུམ་པ་ཞེས་བྱའོ། །བཀའ་བསྡུ་གསུམ་པའི་ལོ་ཚིགས་ནི་བུ་སྟོན་ཆོས་འབྱུང་དུ། འདི་ལ་ཁ་ཅིག་གིས་ལོ་བརྒྱ་དང་སུམ་ཅུ་རྩ་བདུན་ལོན་པ་ན་བསྡུས་ཟེར་བ་དང་། ཡང་གཞན་དག་གིས་ལོ་བརྒྱ་དང་དྲུག་ཅུ་ན་བསྡུས་ཟེར། ཡང་ཁ་ཅིག་གིས་སུམ་བརྒྱ་ལོན་པ་ན་བསྡུས་ཞེས་གཞན་ལུགས་བསྐྱར་བ་མ་གཏོགས་བུ་སྟོན་རང་ལུགས་ཀྱི་གསལ་ཁ་མ་མཛད་དོ། །མཆིམས་མཛོད་དེབ་གཟུགས་༧༦༣ལས་བཀའ་བསྡུ་གསུམ་པ་ལོ་བརྒྱ་དང་དྲུག་ཅུ་ན་བསྡུས་པར་གསུངས་སོ། །ཡང་ས་པཎ་གྱི་སྡོམ་གསུམ་རབ་དབྱེ་ལས། ལྷ་ཆེན་ཞེས་བྱའི་དགེ་སློང་ཞིག །བསྟན་པ་འདི་ཡི་ཆོམ་རྐུན་བྱུང་། །དེ་ཡིས་རང་གི་ཕ་མ་བསད། །སློབ་དཔོན་ཡིན་པའི་དགྲ་བཅོམ་བཀྲོངས། །མཁན་སློབ་མེད་པའི་དགེ་སློང་བྱས། །ཕྱི་ནས་དགོན་པར་བསྡད་ནས་ནི། །སྦྱིན་བདག་རྣམས་ཀྱི་དད་རྫས་ཟོས། །བླུན་པོ་རྣམས་ཀྱི་མཁན་སློབ་བྱས། །བླུན་པོ་ལོངས་སྤྱོད་ཅན་རྣམས་ཀྱིས། །ཕུལ་བའི་ཟས་ནོར་ཆར་བཞིན་བབ། །སྐལ་མེད་དད་ཅན་འདུས་པ་ཡི། །དགེ་འདུན་འབུམ་ཕྲག་དུ་མས་བསྐོར། །དེ་ནས་བརྫུན་རླབས་ཆེན་པོ་དེ། །དགྲ་བཅོམ་ཡིན་པར་ཁས་བླངས་སོ། །འཁོར་གྱིས་རྫུ་འཕྲུལ་ཞུས་པ་ན། །རྫུ་འཕྲུལ་ཐོ་རངས་ཉམས་ཞེས་ཟེར། །རང་གི་སྡིག་པ་དྲན་པ་ཡིས། །སྨྲེ་སྔགས་ཆེན་པོ་བཏོན་པ་ལ། །སྡུག་བསྔལ་བདེན་པ་བོས་ཞེས་བསྒྲགས། །དེ་ལ་སོགས་པའི་བརྫུན་ཚིག་གིས། །ཚོགས་པ་རྣམས་ཀྱི་མགོ་བོ་བསྐོར། །འཕགས་པ་རྣམས་ལ་འབུལ་རྒྱུ་ཡི། །དད་རྫས་རྣམས་ཀྱང་དེ་ལ་འགྱུར། །རབ་བྱུང་བླུན་པོ་ཕལ་ཆེར་གྱིས། །དགྲ་བཅོམ་བོར་ནས་དེ་ལ་འདུད། །སངས་རྒྱས་མྱ་ངན་འདས་འོག་ཏུ། །སོ་སོ་སྐྱེ་བོས་འཁོར་བསྡུས་པ། །དེ་ལས་མང་བ་མེད་ཅེས་གྲགས། །དེ་ཡི་ཆོས་ལོག་བཤད་པ་ཡི། །རྗེས་སུ་སློབ་མ་རྣམས་འབྲངས་ནས། །འཁྲུལ་བའི་གྲུབ་མཐའ་དུ་མ་བྱུང་། །ལྷ་ཆེན་བླུན་པོ་དེ་ཤི་ནས། །སེམས་ཅན་དམྱལ་བར་གྱུར་ཅེས་གྲག །དེ་ཡི་ལོག་པའི་ཆོས་དེ་དག །དགྲ་བཅོམ་རྣམས་ཀྱིས་སུན་ཕྱུང་ནས། །བསྡུ་བ་གསུམ་པ་བྱས་ཞེས་ཐོས། །འོན་ཀྱང་དེ་ཡི་ལེ་ལན་གྱིས། །སྡེ་པ་བཅོ་བརྒྱད་རྣམས་ལ་ཡང་། །ཅུང་ཟད་བསླད་པ་ཡོད་ཅེས་ཟེར། །མཁས་པའི་གཙུག་རྒྱན་དབྱིག་གཉེན་གྱིས། །ཡང་དག་བསྡུས་པའི་གཞི་ཉམས་ཕྱིར། །མཐའ་དག་མིན་པར་རྟོགས་པ་ཡིན། །ཞེས་གསུངས་པ་ཡང་དེ་ལ་དགོངས། །ཞེས་གསུངས་སོ། །བཀའ་བསྡུ་གསུམ་པའི་སྐོར་གོང་དང་བཤད་ཚུལ་མི་འདྲ་བ། ཏཱ་ར་ནཱ་ཐའི་རྒྱ་གར་ཆོས་འབྱུང་༦༦ན་གཟིགས།བ། ཏཱ་ར་ནཱ་ཐའི་རྒྱ་གར་ཆོས་འབྱུང་༦༦ན་གཟིགས།)
• Dictionaries/sgom sde tshig mdzod chenmo/4878  + (( འདུལ་བ) བཅོམ་ལྡན་འདས་མྱ་ངན་ལས་འདས་ནས་ལོ་ … ( འདུལ་བ) བཅོམ་ལྡན་འདས་མྱ་ངན་ལས་འདས་ནས་ལོ་བརྒྱ་དང་བཅུ་ལོན་པ་ (སྡེ་པ་གཞན་དག་གིས། སྟོན་པ་མྱ་ངན་ལས་འདས་ནས་ལོ་ཉིས་བརྒྱ་ཉི་ཤུ་ལོན་པ་ན་བཀའ་བསྡུ་གཉིས་པ་མཛད་ཟེར་བ་ནི། རྒྱ་གར་ན་ལོ་ཕྱེད་ལ་ལོར་བརྩི་བའི་སྲོལ་ཡོད་པས་དེའི་དབང་དུ་བྱས་ནས་བཤད་པས། ལོ་བརྒྱ་དང་བཅུར་བཤད་པ་དང་དགོངས་པ་གཅིག་ཏུ་གནས་སོ) ན། དགོས་པ་རུང་མིན་གྱི་གཞི་བཅུ་བསལ་བའི་ཕྱིར། གནས་ཡངས་པ་ཅན་གྱི་ཀུསྨ་པཱུ་རིའི་གཙུག་ལག་ཁང་དུ། སྦྱིན་བདག་ཆོས་རྒྱལ་མྱ་ངན་མེད་ཀྱིས་ (བཀའ་བསྡུ་གཉིས་པ་འདི་ཆོས་རྒྱལ་མྱ་ངན་མེད་ཀྱིས་སྦྱིན་བདག་མཛད་ཟེར་བ་དང་། ཡང་ཏཱ་ར་ནཱ་ཐའི་ཆོས་འབྱུང་དུ་ལི་ཙ་བཱིའི་རིགས་ལས་བྱུང་བའི་རྒྱལ་པོ་དགའ་བྱེད་ཀྱིས་སྦྱིན་བདག་བྱས་ཟེར་བ་གཉིས་འདུག་པས། ད་དུང་དཔྱད་པར་འཚལ་ལོ) མཛད་དེ། དགྲ་བཅོམ་པ་གྲགས་པ་ལ་སོགས་པ་བདུན་བརྒྱས་བསྡུ་བ་གཉིས་པ་མཛད་དོ། །བཀའ་བསྡུ་གཉིས་པ་འདི་སྟོན་པའི་གཏད་རབས་བདུན་གྱི་ལྔ་པ་དྷི་དྷི་ཀ་དང་། དྲུག་པ་ནག་པོ་གཉིས་ཀྱི་སྐུ་དུས་སུ་བྱུང་བ་ཡིན་ནོ། །འདི་འཕགས་པ་དྷི་དྷི་ཀས་འཕགས་པ་ནག་པོ་ལ་བསྟན་པ་མ་གཏད་པའི་སྔོན་རོལ་ཞིག་ཏུ་འཕགས་པ་དྷི་དྷི་ཀ་ལོ་མང་པོ་སྙུན་གཞི་བཞེས་ཏེ་མ་ལ་ཝའི་ཡུལ་གྱི་བྱེ་བྲག་ཀཽ་ཤམྦྷི་ཁོ་ནར་བཞུགས་ནས། གནས་དེའི་གདུལ་བྱ་ཙམ་ལས། ཡངས་པ་ཅན་པའི་དགེ་སློང་དག་ལ་ཆོས་གསུངས་མ་ཐུབ་པས། ཡངས་པ་ཅན་པའི་དགེ་སློང་དག་གིས་མི་རུང་བའི་གཞི་བཅུ་སྤྱོད་བཞིན་དུ་འདི་ནི་ཆོས་ཡིན། འདུལ་བ་ཡིན། སྟོན་པའི་བསྟན་པ་ཡིན་ནོ་ཞེས་བསྒྲགས་ཤིང་མ་རུངས་པར་བྱས་པ་ལ་བརྟེན་ནས། དགྲ་བཅོམ་པ་གྲགས་པ་ལ་སོགས་པ་དགྲ་བཅོམ་པ་བདུན་བརྒྱས་དེ་སུན་ཕྱུང་སྟེ། ཀུསྨ་པ་རི་ཞེས་བྱ་བའི་གཙུག་ལག་ཁང་དུ་ལི་ཙ་བཱིའི་རིགས་ལས་བྱུང་བའི་རྒྱལ་པོ་དགའ་བྱེད་ཅེས་བྱ་བས་སྦྱིན་བདག་བྱས་ཏེ། བཀའ་བསྡུ་གཉིས་པ་མཛད་པར། ཏཱ་ར་ནཱ་ཐའི་རྒྱ་གར་ཆོས་འབྱུང་ན་གསལ་བ་ལྟར་རོ། །འདིའི་ལོ་རྒྱུས་དངོས་འདུལ་བ་ལུང་ཕྲན་ཚེགས་གླེགས་བམ་གཉིས་པ་༣༢༣བ༤ལས་གསུངས་སོ། །ན་ཚེགས་གླེགས་བམ་གཉིས་པ་༣༢༣བ༤ལས་གསུངས་སོ། །)
• Dictionaries/sgom sde tshig mdzod chenmo/4880  + (( འདུལ་བ) སྟོན་པ་མྱ་ངན་ལས་འདས་པའི་ཕྱི་ལོ་ད … ( འདུལ་བ) སྟོན་པ་མྱ་ངན་ལས་འདས་པའི་ཕྱི་ལོ་དེར་གནས་རྒྱལ་པོའི་ཁབ་ཀྱི་བདེ་ཅན་མའི་ཕུག་ཏུ་རྒྱལ་པོ་མ་སྐྱེས་དགྲས་སྦྱིན་བདག་བྱས་ནས། འཕགས་པ་འོད་སྲུང་ཆེན་པོས་དགེ་འདུན་གྱི་གནས་བརྟན་མཛད་དེ་དགྲ་བཅོམ་པ་ལྔ་བརྒྱས་དབྱར་གནས་པར་ཁས་བླངས་སོ། །དེའི་ཚེ་སེངྒའི་ཁྲི་ལ་དགྲ་བཅོམ་པ་ལྔ་བརྒྱས་སྣམ་སྦྱར་བཏིང་བའི་སྟེང་དུ་འཕགས་པ་ཀུན་དགའ་བོས་བཞུགས། ཞལ་མཉན་ཡོད་དུ་ཕྱོགས་ཏེ་ཐལ་མོ་སྦྱར་གདོང་མཆི་མས་གང་བཞིན་དུ་སྙན་པའི་གདངས་དང་བཅས། འདི་སྐད་བདག་གིས་ཐོས་པ་དུས་གཅིག་ན། ཞེས་བྱ་བ་ལ་སོགས་པས་མདོ་སྡེའི་སྡེ་སྣོད་བསྡུས་སོ། །དེ་ནས་ཀུན་དགའ་བོ་སྟན་ལས་བབས་ཏེ་འཁོད་པ་དང་། འཕགས་པ་ཉེ་བར་འཁོར་གྱིས་སྔ་མ་བཞིན་དུ་བྱས་ཏེ་འདུལ་བའི་སྡེ་སྣོད་བསྡུས་སོ། །དེ་ནས་འཕགས་པ་འོད་སྲུང་ཆེན་པོས་མངོན་པའི་སྡེ་སྣོད་བསྡུས་སོ། །བཀའ་བསྡུ་མཛད་སའི་རྒྱལ་པོའི་ཁབ་ཀྱི་བདེ་ཅན་མའི་ཕུག་ཅེས་པ་ “འོད་སྲུང་ཕུག” ཅེས་པ་འདི་ཡིན་ལ། དེ་ནི་བྱ་རྒོད་ཕུང་པོའི་རིར་འགྲོ་བའི་ལམ་དུ་ཆུ་ཚན་ཞིག་ཡོད་པ་དེའི་ཐག་ཉེ་ལ་ཡོད་པར། དགེ་འདུན་ཆོས་འཕེལ་གྱི་རྒྱ་གར་གནས་ཆེན་ཁག་གི་གནས་ཡིག་ན་གསལ་བ་ལྟར་རོ། །གར་གནས་ཆེན་ཁག་གི་གནས་ཡིག་ན་གསལ་བ་ལྟར་རོ། །)
• Dictionaries/sgom sde tshig mdzod chenmo/7322  + ((གསང་སྔགས) (དགེ་ལུགས) ཟུང་འཇུག་གི་དོན་ཚིག་ … (གསང་སྔགས) (དགེ་ལུགས) ཟུང་འཇུག་གི་དོན་ཚིག་གིས་ངོ་སྤྲོད་པ་ལ་ཚིག་དབང་ཟེར། དེ་ཡང་དབང་བཞི་པའི་སྐབས་སུ་དབང་གསུམ་པ་དཔེར་བླངས་ཏེ། མཐར་རླུང་སེམས་ཙམ་ལས་གྲུབ་པའི་ལོངས་སྤྱོད་རྫོགས་པའི་སྐུ་རང་སྣང་གི་རིག་མ་དང་ཁ་སྦྱོར་བའི་ལུས་ཅན་དང༌། ཐུགས་ལྷན་ཅིག་སྐྱེས་པའི་དགའ་བས་སྟོང་པ་ཉིད་ངེས་པར་ཟུང་དུ་འབྲེལ་བའི་ཁ་སྦྱོར་བདུན་ལྡན་གྱི་སྐུ་མངོན་དུ་བྱས་པ་ཡིན་ནོ་ཞེས་ཚིག་གིས་བརྡ་སྤྲད་པ་ལ་ཟེར། བྱེད་ལས་ནི། བདེན་གཉིས་དབྱེར་མེད་ཟུང་འཇུག་གི་རྫོགས་རིམ་བསྒོམ་པ་ལ་དབང་བ་དང༌། འབྲས་བུ་ཟུང་འཇུག་རྡོ་རྗེ་འཆང་གི་གནས་ལུགས་ཇི་ལྟ་བ་བཞིན་མངོན་དུ་འགྱུར་བ་ཡིན་ནོ། །རྗེའི་དབང་དོན་དེ་ཉིད་རབ་གསལ་ལས། དེས་ན་དབང་གསུམ་པ་བསྐུར་བས་མཚོན་པར་མི་ནུས་པ་དབང་བཞི་པ་བསྐུར་ནས་མཚོན་དགོས་པ་ཅིག་གི་སྟེང་ནས་དབང་བཞི་པ་ཤེས་དགོས་སོ། །འདི་ལ་འཕགས་པ་ཡབ་སྲས་ཀྱི་བཞེད་པས། དབང་བཞི་པ་ཚིག་གིས་སྐུར་བ་ན། ཟུང་འཇུག་གི་གདམས་ངག་གི་སྣོད་རུང་དུ་སྒྲུབ་པ་ཡིན་ཞིང་ཟུང་འཇུག་གི་དོན་ལ་ངོ་སྤྲད་དགོས་སོ། །ཞེས་གསུངས། རྗེ་ཙོང་ཁ་པ་ཆེན་པོའི་གསང་འདུས་སྨོན་ལམ་ལས། བཞི་པ་ཟུང་འཇུག་དོན་ལ་ངོ་སྤྲད་པས། །མཐར་ཐུག་དོན་ལ་སྒྲོ་འདོགས་ཆོད་པར་ཤོག ཅེས་གསུངས་པ་ལྟར་རོ། ། (བཀའ་བརྒྱུད) ཚིག་དབང་ནི། དབང་གསུམ་པའི་ཡེ་ཤེས་ཀྱིས་མཚོན་པའི་དོན་གྱི་ཡེ་ཤེས་ཕྱག་རྒྱ་ཆེན་པོ་ལ་ཟེར། མར་མེ་མཛད་ཀྱིས། རླུང་སེམས་ཙམ་ལས་གྲུབ་པའི་རང་ལུས་ལོངས་སྐུའི་རྣམ་པ་ཅན་ཟུང་འཇུག་གི་སྐུ་ལ་བཤད་དོ། །སྒྲ་བཤད་ནི། ཟབ་ཅིང་རྒྱ་ཆེ་བའི་སྐལ་བ་ཅན་ལ་ཚིག་ཙམ་གྱིས་བསྐུར་བའི་དབང་ཡིན་པས་དེ་སྐད་ཅེས་བྱའོ། །བྱེད་ལས་ནི། སྒོ་གསུམ་གའི་དྲི་མའི་བག་ཆགས་འཁྲུད་ཅིང་རྡོ་རྗེ་གསུམ་མམ་སྐུ་གསུམ་དབྱེར་མེད་པ་ངོ་བོ་ཉིད་ཀྱི་སྐུ་འགྲུབ་པའི་ནུས་པ་འཇོག་པའོ། །ཞེས་འབྱུང་བ་ལྟར་རོ། །པའི་ནུས་པ་འཇོག་པའོ། །ཞེས་འབྱུང་བ་ལྟར་རོ། །)
• Dictionaries/sgom sde tshig mdzod chenmo/9960  + ((གསང་སྔགས) (བཀའ་བརྒྱུད) རྡོ་རྗེ་འཆང་ལ་སོགས … (གསང་སྔགས) (བཀའ་བརྒྱུད) རྡོ་རྗེ་འཆང་ལ་སོགས་པ་བཀའ་བརྒྱུད་ཀྱི་བླ་མ་གོང་མ་རྣམས་ཀྱི་གསོལ་འདེབས་ཐུང་ངུ་ཞིག་གི་མིང་། བན་སྒར་བ་འཇམ་དཔལ་བཟང་པོས་མཛད། ཁོང་ནི་དགེ་བཤེས་གླང་རི་ཐང་པ་རྡོ་རྗེ་སེང་གེའི་རྣམ་འཕྲུལ་དང་ཀརྨ་པ་བདུན་པ་ཆོས་གྲགས་རྒྱ་མཚོའི་རྩ་བའི་བླ་མ་ཡིན་པར་བཤད། སྒྲ་བཤད་ནི། འདི་ལ་རྡོ་རྗེ་འཆང་ཐུང་མ་ཞེས་བརྗོད་པའི་རྒྱུ་མཚན་ནི། རྡོ་རྗེ་འཆང་གི་གསོལ་འདེབས་ཐུང་ངུ་ཡིན་པའི་ཆ་ནས་དེ་སྐད་ཅེས་བརྗོད་དོ། །འདི་ལ་ཤློ་ཀ་བདུན་དང་ཚིག་རྐང་གཅིག་ཡོད།དོ། །འདི་ལ་ཤློ་ཀ་བདུན་དང་ཚིག་རྐང་གཅིག་ཡོད།)
• Dictionaries/sgom sde tshig mdzod chenmo/12375  + ((གསང་སྔགས) 1 (དགེ་ལུགས) སྙིང་ག་ཆོས་ཀྱི་འཁོ … (གསང་སྔགས) 1 (དགེ་ལུགས) སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་པ་གདུགས་ཁ་སྦུབས་པ་ལྟ་བུ། དེ་ནི་སྙིང་གའི་བྲང་གི་རུས་པ་སུམ་ཕྲག་གི་ཐད་ཀྱི་དབུ་མ་ལས་གྱེས་པས་སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་པའོ། །སྒྲ་བཤད་ནི། ཆོས་ཐམས་ཅད་ཀྱི་རྩ་བ་ཤིན་ཏུ་ཕྲ་བའི་རླུང་སེམས་མི་ཤིགས་པའི་ཐིག་ལེ་སྙིང་གར་གནས་པས་དེ་སྐད་ཅེས་བྱའོ། །2 (བཀའ་བརྒྱུད) སྙིང་གའི་ཐད་ན་གནས་ཤིང་ཡིད་ཀྱི་རྣམ་ཤེས་ཆོས་རྣམས་ལ་སྐྱེ་ཞིང་མཆེད་པའི་གནས་དང་རྩའི་དབྱིབས་འཁོར་ལོ་ལྟ་བུར་ཡོད་པས་སམ། དེ་ལ་གནད་དུ་བསྣུན་པས་གཉིད་མཐུག་གི་གནས་སྐབས་འོད་གསལ་ཆོས་ཀྱི་སྐུའི་དགོངས་པ་འཆར་ཞིང་སྤང་བྱ་མི་མཐུན་ཕྱོགས་འཇོམས་པར་བྱེད་པས་སྙིང་ག་ཆོས་ཀྱི་འཁོར་ལོ་ཞེས་བྱ་བ་ཡིན་ལ། ཞེས་ཟབ་མོ་ནང་དོན་གྱི་འགྲེལ་པར་གསལ།་ཡིན་ལ། ཞེས་ཟབ་མོ་ནང་དོན་གྱི་འགྲེལ་པར་གསལ།)
• Dictionaries/sgom sde tshig mdzod chenmo/9971  + ((གསང་སྔགས) 1 (རྗེ་ཙོང་ཁ་པ་ཆེན་པོ) ཕྱོགས་གཉ … (གསང་སྔགས) 1 (རྗེ་ཙོང་ཁ་པ་ཆེན་པོ) ཕྱོགས་གཉིས་ཀྱི་རྭ་བརྒྱད་དང་དབུས་རྭ་སྟེ་དགུ་དང་ལྡན་པའི་རྡོ་རྗེ་ལ་ཟེར་ཏེ། རྗེའི་སྔགས་རིམ་ཆེན་མོ་ལས། རྡོ་རྗེ་རྩེ་དགུ་པ་ཞེས་པའི་དོན་ནི། རྩེ་ལྔ་པ་ཡིན་ཀྱང་སྟེང་འོག་གི་རྩེ་བརྒྱད་དང་དབུས་མ་དང་བཅས་པས་རྩེ་དགུ་པའོ་ཞེས་བཤད་དོ། །ཞེས་གསུངས། ཚིག་གིས་བརྗོད་ཚུལ་ཙམ་ལས་རྡོ་རྗེ་རྩེ་ལྔ་པ་དང་དོན་གཅིག་པར་བཞེད། ཡང་རྗེ་ཙོང་ཁ་པ་ཆེན་པོའི་བདེ་མཆོག་འགྲེལ་པ་འདོད་འཇོ་ལས། མངོན་བརྗོད་ལེའུ་དགུ་པར་དཔའ་བོ་གཅིག་པ་ལ། རྡོ་རྗེ་རྩེ་དགུ་པར་བཤད་ཀྱང༌། འདིར་རྩེ་ལྔ་པར་བྱ། ཞེས་གསུངས་པར་བརྟགས་ན་རྩེ་དགུ་པ་དང་ལྔ་པ་ཐ་དད་ཡིན་པ་ལྟ་བུར་གསུངས་པས་དཔྱད་དོ། །2 (མཁས་པ་འགའ་ཞིག) ཕྱོགས་གཅིག་ལ་དབུས་རྭ་དང་བཅས་ཏེ་རྩེ་མོ་དགུ་དང་ལྡན་པའི་རྡོ་རྗེ་ལ་བཞེད། ཕྱོགས་གཉིས་ཀ་བསྡོམས་ན་བཅོ་བརྒྱད་ཡོད་ཀྱང༌། རྩེ་དགུ་པ་ཞེས་པ་ནི་དགུ་ཚན་དུ་འདྲ་བས་དགུ་པ་ཞེས་བཏགས་ཏེ། ཤིང་མོ་ལ་བདུན་པ་བཞིན་ནོ། །རྡོ་དྲིལ་གྱི་མཚོན་དོན་ལ་གཟིགས།པ་བཞིན་ནོ། །རྡོ་དྲིལ་གྱི་མཚོན་དོན་ལ་གཟིགས།)
• Dictionaries/sgom sde tshig mdzod chenmo/1415  + ((གསང་སྔགས) <གུཧྱ་ས་མཱ་ཛ> 1 བླ་མེད་ཀྱ … (གསང་སྔགས) <གུཧྱ་ས་མཱ་ཛ> 1 བླ་མེད་ཀྱི་ཡང་རྩེའི་རྒྱུད་སྡེ་ཞིག འདིའི་བླ་བརྒྱུད་ནི། རྗེའི་རིམ་ལྔ་གསལ་སྒྲོན་ལས། །རྨད་བྱུང་མཚན་དཔེའི་དཔལ་འབར་ལོངས་སྤྱོད་རྫོགས། །ཁ་སྦྱོར་བདེ་སྟོང་རོ་ལ་རྟག་རོལ་ཞིང༌། །དམིགས་མེད་ཐུགས་རྗེས་ཞི་བའི་མཐའ་སྤངས་པ། །རྒྱལ་བ་ཡན་ལག་བདུན་ལྡན་ (རྒྱལ་བ་རྡོ་རྗེ་འཆང) ལ་ཕྱག་འཚལ། །གསང་བ་ཀུན་འདུས་སྡུད་མཛད་གསང་བའི་བདག །རྒྱུད་རྒྱལ་འདུས་པའི་ལམ་གྱིས་མཆོག་བརྙེས་པ། །ཨིནྡྲ་བྷུ་ཏི་ཀླུ་ཡི་མཁའ་འགྲོ་མ། །བི་སུ་ཀལྤ་དཔལ་ལྡན་ས་ར་ཧ། །ཀླུ་སྒྲུབ་རྡོ་རྗེ་ཅན་དང་འཕགས་པ་ལྷ། །ཀླུ་བྱང་ཤཱཀྱ་བཤེས་གཉེན་མ་ཏང་གི། ཟླ་བའི་ཞབས་སོགས་བླ་མ་བརྒྱུད་པ་ལ། །ཤུགས་དྲག་དང་བའི་ཡིད་ཀྱིས་ཕྱག་འཚལ་ལོ། །ཞེས་གསུངས་པ་ལྟར་རོ། །2 བླ་མེད་ཀྱི་ཡི་དམ་ཞིག་སྟེ། ཞེ་སྡང་རྡོ་རྗེ་ཡང་ཟེར། དགེ་ལྡན་པའི་ཡི་དམ་གྲགས་ཆེ་གསུམ་གྱི་ཡ་གྱལ་ཞིག 3 རྒྱལ་བ་རྡོ་རྗེ་འཆང༌། སྒྲ་བཤད་ནི། རྡོ་རྗེ་འཆང་ནི་སངས་རྒྱས་ཐམས་ཅད་ཀྱི་གསང་གསུམ་དབྱེར་མི་ཕྱེད་པའམ་འདུས་པའི་ངོ་བོ་ཡིན་པས་དེ་སྐད་ཅེས་བྱའོ། །རྗེའི་རྣམ་གཞག་རིམ་པའི་རྣམ་བཤད་ལ་གཞི་བྱས་ཏེ་བཀོད།རྗེའི་རྣམ་གཞག་རིམ་པའི་རྣམ་བཤད་ལ་གཞི་བྱས་ཏེ་བཀོད།)
• Dictionaries/sgom sde tshig mdzod chenmo/9963  + ((གསང་སྔགས) <བཛྲ་བྷཻ་ར་ཝ> རྡོ་རྗེ་འཇི … (གསང་སྔགས) <བཛྲ་བྷཻ་ར་ཝ> རྡོ་རྗེ་འཇིགས་བྱེད་ལ་ཡུམ་བཅས་དང་དཔའ་བོ་གཅིག་པ་གཉིས་ལས། ཡུམ་བཅས་ཀྱི་སྐུ་མདོག་ཕྱག་མཚན་སོགས་ཀྱི་ཁྱད་པར་ནི། སྐུ་མདོག་མཐིང་ག་རྩ་ཞལ་མ་ཧེའི་གདོང་། །གཡས་ན་དམར་སྔོ་སེར་བའི་ཞལ་གསུམ་དང་། །གཡོན་ན་མཐིང་དཀར་ནག་པའི་ཞལ་གསུམ་བསྒྲིག །སྟེང་ན་དམར་དང་སེར་བའི་ཞལ་གཉིས་བརྩེགས། །གཡས་ཀྱི་མདུན་ཕྱག་བརྒྱད་ཀྱིས་སྟེང་རིམ་ནས། །གྲི་གུག་བྷི་དྷི་པ་ལ་ལ་གཏུན་ཤིང་དང་། །ཆུ་གྲི་གདུང་ཐུང་དགྲ་སྟ་གདུང་རིང་མངའ། །རྒྱབ་ཕྱག་བརྒྱད་ཀྱིས་སྟེང་ནས་རིམ་པ་བཞིན། །ལྕགས་ཀྱུ་དབྱུག་ཐོ་ཁ་ཊཱཾ་འཁོར་ལོ་དང་། །རྡོ་རྗེ་ཐོ་བ་རལ་གྲི་ཅང་ཏེའུ། །གཡོན་གྱི་མདུན་ཕྱག་བརྒྱད་ཀྱིས་སྟེང་རིམ་ནས། །ཐོད་ཁྲག་ཚངས་མགོ་ཕུབ་དང་རྐང་པ་དང་། །ཞགས་པ་གཞུ་དང་རྒྱུ་མ་དྲིལ་བུ་དང་། །ལག་པ་རོ་རས་གསལ་ཤིང་སྐྱེས་བུར་བཙུག །མེ་ཐབས་ཐོད་ཚལ་སྡིགས་མཛུབ་འཕན་རླུང་རས། །སྟེང་གི་ཕྱག་གཉིས་གླང་པགས་བརྐྱང་སྟེ་འཛིན། །གཡས་ཀྱི་ཞབས་བརྒྱད་བསྐུམས་པས་མདུན་རིམ་ནས། །མི་དང་མ་ཧེ་གླང་དང་བོང་བུ་དང་། །རྔ་མོ་ཁྱི་དང་ལུག་དང་ཝ་ཡི་འོག །ཚངས་པ་དབང་པོ་ཁྱབ་འཇུག་དྲག་པོ་དང་། །གཡོན་གྱི་ཞབས་བརྒྱད་བརྐྱངས་པས་མདུན་རིམ་ནས། །བྱ་རྒོད་འུག་པ་བྱ་རོག་ནེ་ཙོ་དང་། །ཁྲ་དང་བྱ་ཆེན་ཁྱིམ་བྱ་བཞད་ཀྱི་འོག །གདོང་དྲུག་ཚོགས་བདག་ཟླ་ཉི་ཁ་སྦུབས་མནན། །སྐུ་མདོག་སྔོན་པོ་ཞལ་གཅིག་ཕྱག་གཉིས་ཀྱིས། །གྲི་ཐོད་འཛིན་ཅིང་ཞབས་གཡོན་ཡབ་ལ་འཁྲིལ། །གཡས་པ་བརྐྱངས་པའི་རོ་ལངས་མ་ལ་འཁྱུད། །དབུ་སྐྲ་གྱེན་བརྫེས་རུས་པའི་རྒྱན་གྱིས་བརྒྱན། །པད་ཉིའི་སྟེང་དུ་སྐུ་ལས་འཕྲོས་པ་ཡི། །ཡེ་ཤེས་མེ་དཔུང་འབར་བའི་ཀློང་དཀྱིལ་ན། །རྔམས་བརྗིད་ཁྲོས་པའི་ཚུལ་གྱིས་བཞུགས་པ་ཡི། །རྡོ་རྗེ་འཇིགས་བྱེད་ཡུམ་བཅས་ལ་ཕྱག་འཚལ། །ཞེས་གསུངས། སྙིང་པོ་ནི། ཡ་མནྟ་ཏ་ཧཱུྃ་ཕཊ། །ལས་སྔགས་ནི་ཧྲཱིཿཥྚྲིཿ རྩ་སྔགས་ནི། ཡ་མ་རཱ་ཛ། ཞེས་ལྕང་སྐྱ་ངག་དབང་བློ་བཟང་ཆོས་ལྡན་གྱི་ལྷ་མང་པོའི་སྐུ་མདོག་ཕྱག་མཚན་སོགས་གསལ་བར་ཡི་གེར་བཀོད་པ་ལས་གསུངས་པ་ལྟར་བཀོད།ན་སོགས་གསལ་བར་ཡི་གེར་བཀོད་པ་ལས་གསུངས་པ་ལྟར་བཀོད།)
• Dictionaries/sgom sde tshig mdzod chenmo/10431  + ((གསང་སྔགས) ༡ གསང་བ་འདུས་པའི་རྫོགས་རིམ་རིམ་ … (གསང་སྔགས) ༡ གསང་བ་འདུས་པའི་རྫོགས་རིམ་རིམ་ལྔ་གདན་རྫོགས་ཀྱི་དམར་ཁྲིད། ༢ སྦྱོར་བ་ཡན་ལག་དྲུག་གི་ཁྲིད་ཡིག ༣ ནཱ་རོ་ཆོས་དྲུག་གི་ཁྲིད་ཡིག ༤ འཁོར་ལོ་སྡོམ་པའི་རྫོགས་རིམ་རྣལ་འབྱོར་ཆེན་པོའི་ཁྲིད་ཡིག ༥ འཁོར་ལོ་སྡོམ་པའི་རྫོགས་རིམ་རིམ་ལྔའི་ཁྲིད་ཡིག ༦ རྡོ་རྗེ་འཇིགས་བྱེད་ཀྱི་རྫོགས་རིམ་རྣལ་འབྱོར་བཞིའི་ཁྲིད་ཡིག་བཅས་སོ། །སྤྱིར་བཏང་རྫོགས་རིམ་ཁྲིད་ཆེན་བརྒྱད་ཅེས་པ་གྲགས་ཆེ་བ་ཡིན་ནོ། །རྒྱུད་སྨད་གྲྭ་ཚང་ཞེས་པའི་ཐད་ཀྱི་དུང་དཀར་བློ་བཟང་འཕྲིན་ལས་ལགས་ཀྱི་ཚིག་མཛོད་ཆེན་མོར་བཞུགས།ང་འཕྲིན་ལས་ལགས་ཀྱི་ཚིག་མཛོད་ཆེན་མོར་བཞུགས།)
• Dictionaries/sgom sde tshig mdzod chenmo/10436  + ((གསང་སྔགས) ༡ ངག་དབེན་གྱི་རིམ་པ། ༢ སེམས་དབེ … (གསང་སྔགས) ༡ ངག་དབེན་གྱི་རིམ་པ། ༢ སེམས་དབེན་གྱི་རིམ་པ། ༣ སྒྱུ་ལུས་ཀྱི་རིམ་པ། ༤ འོད་གསལ་གྱི་རིམ་པ། ༥ ཟུང་འཇུག་གི་རིམ་པ་དང་ལྔའོ། །ལུས་དབེན་ལ་བསྐྱེད་རིམ་གྱི་ཆ་ཡང་ཡོད་པས་མ་དྲངས ཡང་ན། ༡ རྡོར་བཟླས་ཀྱི་རིམ་པ། ༢ དགོངས་པ་བླ་ན་མེད་པའི་རིམ་པ། ༣ བདག་བྱིན་རླབས་ཀྱི་རིམ་པ། ༤ མངོན་པར་བྱང་ཆུབ་པའི་རིམ་པ། ༥ ཟུང་འཇུག་གི་རིམ་པ་དང་ལྔའོ། །རྫོགས་རིམ་རིམ་པ་ལྔའི་ཐ་སྙད་འདི་གསང་འདུས་ཀྱི་ལུགས་ཡིན་ཞིང༌། །འཇིགས་བྱེད་ལྷ་བཅུ་གསུམ་མ་དང༌། དཔའ་པོ་གཅིག་པ། དགྲ་ནག གཤེད་དམར། རོ་ལངས་བརྒྱད་སྐོར། ཞེ་དགུ་མ་རྣམས་ལ་རྫོགས་རྣལ་འབྱོར་བཞིའི་ཐ་སྙད་བྱེད་པར་གསུངས་སོ། །རྫོགས་རིམ་རྣལ་འབྱོར་བཞི་ལ་གཟིགས།སུངས་སོ། །རྫོགས་རིམ་རྣལ་འབྱོར་བཞི་ལ་གཟིགས།)
• Dictionaries/sgom sde tshig mdzod chenmo/1438  + ((གསང་སྔགས) ༡ རྒྱལ་བ་རྡོ་རྗེ་འཆང༌། (འདི་རྒྱ … (གསང་སྔགས) ༡ རྒྱལ་བ་རྡོ་རྗེ་འཆང༌། (འདི་རྒྱུད་གསུང་པ་པོ་ཡིན། དེས་གསང་འདུས་རྩ་རྒྱུད་ལེའུ་བཅུ་བདུན་པ། རྒྱུད་ཕྱི་མ་ལེའུ་བཅོ་བརྒྱད་པ། བཤད་རྒྱུད་རྡོ་རྗེ་འཕྲེང་བ། དགོངས་པ་ལུང་སྟོན། ཡེ་ཤེས་རྡོ་རྗེ་ཀུན་ལས་བཏུས་པ། ལྷ་མོ་བཞིས་ཞུས་པ། རྡོ་རྗེ་སྙིང་པོ་རྒྱན་གྱི་རྒྱུད། དཔལ་གསང་བ་འདུས་པའི་བཤད་རྒྱུད་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ། ཐམས་ཅད་གསང་བ་བཅས་གསུངས) ༢ གསང་བདག (འདི་རྒྱུད་སྡུད་པ་པོ་ཡིན) ༣ ཨིནྡྲ་བྷུ་ཏི། (འདིས་གཞུང་མཛད་པ་མི་སྣང་ཞེས་རྗེ་ཙོང་ཁ་པ་ཆེན་པོ་གསུང) ༤ ཀླུའི་མཁའ་འགྲོ་མའམ། ཀླུའི་རྣལ་འབྱོར་མ་ཡང་ཟེར། (འདིས་གཞུང་མཛད་པ་མི་སྣང་གསུང) ༥ ས་བདག་བི་སུ་ཀལྤ། (འདིས་གཞུང་མཛད་པ་མི་སྣང་གསུང) ༦ དཔལ་ལྡན་ས་ར་ཧ། (འདིས་གཞུང་མཛད་པ་མི་སྣང་གསུང) ༧ སློབ་དཔོན་ཀླུ་སྒྲུབ། (འདིས་བསྐྱེད་རིམ་སྟོན་པ། འདུས་པའི་སྒྲུབ་ཐབས། མདོ་བསྲེ། དཀྱིལ་ཆོག་ཉི་ཤུ་པ། རྫོགས་རིམ་སྟོན་པ། རིམ་པ་ལྔ་པ་ལ་སོགས་པ་མཛད་དོ། །ཞེས་རྗེ་ཙོང་ཁ་པ་ཆེན་པོ་དང་བུ་སྟོན་རིན་པོ་ཆེ་གཉིས་ཀ་གསུང) ༨ འཕགས་པ་ལྷ། (འདིས་རིམ་ལྔའི་དོན་འགྲེལ་སྤྱོད་བསྡུས་སྒྲོན་མ། བདག་བྱིན་གྱིས་བརླབ་པའི་རིམ་པ་གཉིས་མཛད) ༩ ཀླུའི་བྱང་ཆུབ། (འདིས་རྣམ་གཞག་རིམ་པ་མཛད། འདི་བསྐྱེད་རིམ་གཙོ་བོ་དང་རྫོགས་རིམ་ཡང་སྟོན་ཞེས་རྗེ་རིན་པོ་ཆེའི་རིམ་ལྔ་གསལ་སྒྲོན་དུ་གསུངས་སོ) ༡༠ ཤཱཀྱ་བཤེས་གཉེན། ༡༡ མ་ཏང་གི། ༡༢ དཔལ་ལྡན་ཟླ་བ་གྲགས་པ། (འདིས་གསང་འདུས་འགྲེལ་པ་སྒྲོན་གསལ་མཛད) ༡༣ སློབ་དཔོན་སྒེག་པའི་རྡོ་རྗེ། (འདིས་རྒྱུད་ཀྱི་གླེང་གཞིའི་བཤད་པ་ཙམ་མཛད་ཅེས་རྗེ་ཙོང་ཁ་པ་ཆེན་པོ་གསུང) ༡༤ སྒེག་རྡོར་གྱི་སློབ་མ་སློབ་དཔོན་སངས་རྒྱས་ཡེ་ཤེས་ཞབས། (སློབ་དཔོན་འདིས་གསང་འདུས་བསྐྱེད་རིམ་གྱི་སྐོར་ལ། སྒྲུབ་ཐབས་ཀུན་བཟང་དང༌། བཞི་བརྒྱ་ལྔ་བཅུ་པ་གཉིས། རྫོགས་རིམ་གྱི་སྐོར་ལ། གྲོལ་བའི་ཐིག་ལེ་བཅས་གསུངས་སོ)་གྱི་སྐོར་ལ། གྲོལ་བའི་ཐིག་ལེ་བཅས་གསུངས་སོ))
• Dictionaries/sgom sde tshig mdzod chenmo/1436  + ((གསང་སྔགས) གསང་འདུས་རྩ་རྒྱུད་ལེའུ་བཅོ་བརྒྱད་པ། ལྷ་མོ་བཞིས་ཞུས། དགོངས་པ་ལུང་སྟོན། རྡོ་རྗེ་ཕྲེང་བ། ཡེ་ཤེས་རྡོ་རྗེ་ཀུན་ལས་བཏུས་པ། ལྷའི་དབང་པོས་ཞུས་པ་རྣམས་སོ། །ཕྱི་མ་འདི་བོད་དུ་མ་འགྱུར་ཞེས་རྗེ་ཙོང་ཁ་པ་ཆེན་པོ་གསུང༌།)
• Dictionaries/sgom sde tshig mdzod chenmo/1419  + ((གསང་སྔགས) གསང་འདུས་རྩ་རྒྱུད་ལེའུ་བཅུ་བདུན … (གསང་སྔགས) གསང་འདུས་རྩ་རྒྱུད་ལེའུ་བཅུ་བདུན་པ། (ལོ་ཙཱ་བ་རིན་ཆེན་བཟང་པོའི་འགྱུར) རྒྱུད་ཕྱི་མ་ལེའུ་བཅོ་བརྒྱད་པ། (ལོ་ཙཱ་བ་རིན་ཆེན་བཟང་པོའི་འགྱུར) བཤད་རྒྱུད་རྡོ་རྗེ་ཕྲེང་བ། (ལྷ་བླ་མ་ཡེ་ཤེས་འོད་ཀྱི་འགྱུར) དགོངས་པ་ལུང་སྟོན། (ལོ་ཙཱ་བ་རིན་ཆེན་བཟང་པོའི་འགྱུར) ཡེ་ཤེས་རྡོ་རྗེ་ཀུན་ལ་བཏུས་པ། (ཁུ་དངོས་གྲུབ་དང་ཚུལ་ཁྲིམས་རྒྱལ་བའི་འགྱུར) ལྷ་མོ་བཞིས་ཞུས་པ། (སྨྲ་ཏིའི་འགྱུར) རྡོ་རྗེ་སྙིང་པོ་ཅན་གྱི་རྒྱུད། (ལྷ་ཡེ་ཤེས་རྒྱལ་མཚན་གྱི་འགྱུར) དཔལ་གསང་བ་འདུས་པའི་བཤད་རྒྱུད་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ། (ཆོས་ཀྱི་བློ་གྲོས་ཀྱི་འགྱུར) ཐམས་ཅད་གསང་བ། (ལོ་ཙཱ་བ་རིན་ཆེན་བཟང་པོའི་འགྱུར)ཅད་གསང་བ། (ལོ་ཙཱ་བ་རིན་ཆེན་བཟང་པོའི་འགྱུར))
• Dictionaries/sgom sde tshig mdzod chenmo/9943  + ((གསང་སྔགས) གྲུབ་ཆེན་བརྒྱད་ཅུའི་གསོལ་འདེབས་ལས། བུ་སྨད་བཅས་ཤིང་དངོས་གྲུབ་བརྙེས། །བྷཾ་ག་ལ་རུ་ལུང་བསྟན་ཐོབ། །རྡོ་རྗེ་དྲིལ་བུ་ཞེས་བྱ་བའི།། བླ་མ་དེ་ལ་ཕྱག་འཚལ་ལོ། །ཞེས་གསུངས་པ་ལྟར་རོ། །རྒྱས་པ་དྲིལ་བུ་པ་ཞེས་པའི་ཐད་དུ་གཟིགས།)
• Dictionaries/sgom sde tshig mdzod chenmo/2927  + ((གསང་སྔགས) ཐུན་མོང་གི་དངོས་གྲུབ་བརྒྱད་ལ་གཟིགས།)
• Dictionaries/sgom sde tshig mdzod chenmo/2928  + ((གསང་སྔགས) ཐུན་མོང་གི་དངོས་གྲུབ་བརྒྱད་ནི། … (གསང་སྔགས) ཐུན་མོང་གི་དངོས་གྲུབ་བརྒྱད་ནི། མཁའ་སྤྱོད་རལ་གྲི་རི་ལུ་དང༌། །རྐང་མགྱོགས་བུམ་པ་གནོད་སྦྱིན་ཁོལ། །བཅུདལེན་དང་ནི་མིག་སྨན་ནོ། །དེ་ཡང་མཁའ་སྤྱོད་ནི། མ་འཆི་བར་ནམ་མཁའ་ལ་གནས་ནུས་པའོ། །རལ་གྲི་ནི། དེ་དགྲའི་དཔུང་དུ་མ་འཇོམས་ནུས་པའོ། །སྨན་གང་ཞིག་བསྒྲུབས་པ་དེ་ལག་ཏུ་ཐོགས་པས་ལུས་མི་སྣང་བའོ། །རྐང་མགྱོགས་ནི། མཆིལ་ལྷམ་གྲུབ་སྟེ་གྱོན་པས་ཡུད་ཙམ་ལ་རྒྱ་མཚོའི་མཐའ་འཁོར་བའོ། །བུམ་པ་ནི། དེའི་ནང་དུ་ཟས་ནོར་གོས་ལ་སོགས་པ་ཡོ་བྱད་ཟད་མི་ཤེས་པ་འབྱུང་ངོ༌། །གནོད་སྦྱིན་ཁོལ་པ་ནི། དེས་བྲན་བྱེད་པས་ཅི་བསྒོ་བ་སྒྲུབ་ཅིང༌། མི་འབུམ་ཕྲག་གི་བསྒྲུབ་དགོས་པའི་བྱ་བ་ཉིན་གཅིག་ལ་འགྲུབ་པའོ། །བཅུད་ལེན་ནི། ཚེ་ཉི་ཟླ་དང་མཉམ། སྟོབས་གླང་པོ་དང་མཉམ། མདངས་པདྨ་དང་མཉམ། ལྡང་བ་ཤིང་བལ་ལས་ཡང་བའོ། །མིག་སྨན་ནི། མིག་ལ་བྱུག་པས་ས་འོག་གི་གཏེར་ལ་སོགས་པ་མཐོང་བའོ། །བྱུག་པས་ས་འོག་གི་གཏེར་ལ་སོགས་པ་མཐོང་བའོ། །)
• Dictionaries/sgom sde tshig mdzod chenmo/1437  + ((གསང་སྔགས) དཔལ་གསང་བ་འདུས་པའི་བསྐྱེད་རིམ་ག … (གསང་སྔགས) དཔལ་གསང་བ་འདུས་པའི་བསྐྱེད་རིམ་གྱི་ཆོ་ག་རྒྱས་པ་ལ་ཆིངས་བཞི། བསྐྱེད་རིམ་གྱི་ཆོ་ག་བསྡུས་པ་ལ་ཆིངས་གཉིས་ཏེ་ཆིངས་དྲུག་གོ། དང་པོ་ཆིངས་བཞི་ནི། ༡ བསྙེན་སྒྲུབ་ཡན་ལག་བཞིའི་ཆིངས། ༢ རྣལ་འབྱོར་དྲུག་གི་ཆིངས། ༣ ཏིང་ངེ་འཛིན་གསུམ་གྱི་ཆིངས། ༤ དེ་ཉིད་ཞེ་དགུའི་ཆིངས་ཏེ་བཞིའོ། །བསྙེན་སྒྲུབ་ཡན་ལག་བཞི་ནི། བསྙེན་པ། ཉེར་སྒྲུབ། སྒྲུབ་པ། སྒྲུབ་ཆེན་དང་བཞིའོ། །རྣལ་འབྱོར་དྲུག་ནི། རྣལ་འབྱོར། རྗེས་སུ་རྣལ་འབྱོར། ཤིན་ཏུ་རྣལ་འབྱོར། རྣལ་འབྱོར་ཆེན་པོ། དཀྱིལ་འཁོར་རྒྱལ་མཆོག ལས་རྒྱལ་མཆོག་གི་རྣལ་འབྱོར་དང་དྲུག་གོ། ཏིང་ངེ་འཛིན་གསུམ་ནི། དང་པོ་སྦྱོར་བའི་ཏིང་ངེ་འཛིན། དཀྱིལ་འཁོར་རྒྱལ་མཆོག་གི་ཏིང་ངེ་འཛིན། ལས་རྒྱལ་མཆོག་གི་ཏིང་ངེ་འཛིན་དང་གསུམ་རྣམས་སོ། །དེ་ཉིད་ཞེ་དགུ་ནི། ༡ གང་དུ་བསྒོམ་པ་གནས་ཀྱི་དེ་ཉིད། ༢ ཚོགས་ཞིང་སྤྱན་དྲངས་ནས་སྡོམ་པ་བཟུང་བ་སྙིང་རྗེ་ཆེན་པོ་ལ་དམིགས་པའི་དེ་ཉིད། ༣ སྲུང་འཁོར་གྱི་གཙོ་བོ་བསྐྱེད་པའི་དེ་ཉིད། ༤ འཁོར་གྱི་ཁྲོ་བོ་བསྐྱེད་པའི་དེ་ཉིད། ༥ བགེགས་ལ་ཕུར་བུ་གདབ་པའི་དེ་ཉིད། ༦ ར་བ་སོགས་བསྲུང་བའི་དེ་ཉིད། ༧ ཡེ་ཤེས་ཀྱི་ས་བསྒོམ་པའི་དེ་ཉིད། ༨ རྡོ་རྗེའི་ས་ཡི་ཆ་བསྐྱེད་པའི་དེ་ཉིད། ༩ རྟེན་གཞལ་ཡས་ཁང་བསྐྱེད་པའི་དེ་ཉིད། ༡༠ བརྟེན་པ་ལྷག་མོས་ཀྱི་ལྷ་ཡི་འཁོར་ལོ་འགོད་པའི་དེ་ཉིད། ༡༡ ལྷག་མོས་ཀྱི་དཀྱིལ་འཁོར་ལུས་ལ་སྡུད་པའི་དེ་ཉིད། ༡༢ འཆི་བ་ཆོས་སྐུར་འཁྱེར་བའི་ལམ་འཁྱེར་ལྷག་མོས་འོད་གསལ་དུ་འཇུག་པའི་དེ་ཉིད། ༡༣ ཉི་མ་སོགས་ལ་དམིགས་པ་ལྡང་བའི་དེ་ཉིད། ༡༤ ཟླ་བ་ལ་ང་རྒྱལ་འཛིན་ནས་ཟླ་བ་ལ་དམིགས་པའི་དེ་ཉིད། ༡༥ ཡེ་ཤེས་ཙམ་ལ་སྙོམས་པར་འཇུག་པའི་དེ་ཉིད། ༡༦ ཟླ་ཉི་ས་བོན་ཕྱག་མཚན་སྐུ་རྫོགས་པ་སྟེ་མངོན་བྱང་ལྔ་ལས་བར་དོ་ལོངས་སྐུར་འཁྱེར་བ་དང་པོའི་མགོན་པོ་བསྐྱེད་པའི་དེ་ཉིད། ༡༧ སྐྱེ་བ་སྤྲུལ་སྐུར་འཁྱེར་བའི་ལམ་འཁྱེར་དང་པོའི་མགོན་པོ་སྤྲུལ་སྐུ་རྡོར་སེམས་སུ་བསྒྱུར་བའི་དེ་ཉིད། ༡༨ ལུས་རྟེན་གཞལ་ཡས་ཁང་དུ་བསྒོམ་པའི་དེ་ཉིད། ༡༩ ཕུང་པོ་ལྔ་གཤེགས་པར་བསྒོམ་པའི་དེ་ཉིད། ༢༠ ཁམས་བཞི་གཤེགས་མར་བསྒོམ་པའི་དེ་ཉིད། ༢༡ མིག་སོགས་སེམས་པར་བསྒོམ་པའི་དེ་ཉིད། ༢༢ གཟུགས་སོགས་སེམས་མར་བསྒོམ་པའི་དེ་ཉིད། ༢༣ ཡན་ལག་ཁྲོ་བོར་བསྒོམ་པའི་དེ་ཉིད། ༢༤ སྐུ་བྱིན་གྱིས་བརླབས་པའི་དེ་ཉིད། ༢༥ གསུང་བྱིན་གྱིས་བརླབས་པའི་དེ་ཉིད། ༢༦ ཐུགས་བྱིན་གྱིས་བརླབས་པའི་དེ་ཉིད། ༢༧ སྐུ་གསུང་ཐུགས་ཐུན་མོང་དུ་བྱིན་གྱིས་བརླབས་པའི་དེ་ཉིད། ༢༨ དམ་ཚིག་སེམས་དཔའི་ཐུགས་ཀར་ཡེ་ཤེས་སེམས་དཔའ་བསྒོམ་པའི་དེ་ཉིད། ༢༩ དེ་ཡི་ཐུགས་ཀར་ཏིང་ངེ་འཛིན་སེམས་དཔའ་བསྒོམ་པའི་དེ་ཉིད། ༣༠ རིག་མ་འདུ་བྱ་བའི་དེ་ཉིད། ༣༡ རྗེས་སུ་ཆགས་པའི་དེ་ཉིད། ༣༢ མཆོད་པའི་དེ་ཉིད། (འདི་ཡན་དེ་ཉིད་སུམ་ཅུ་སོ་གཉིས་དང་པོའི་སྦྱོར་བའི་ཏིང་ངེ་འཛིན་ནོ) བསྐྱེད་པའི་སྒོ། སྤྲོ་བའི་སྒོ། སྤྱི་སྒོས་ཀྱི་མཛད་པ་མཛད་པའི་སྒོ། བསྡུ་བའི་སྒོ། དབྱེར་མེད་དུ་འདྲེས་པའི་སྒོ། དབང་བསྐུར་བའི་སྒོ། ༣༣ རང་གནས་སུ་འཁོད་པའི་སྒོ་སྟེ་སྒོ་བདུན་གྱིས་གཤེགས་པ་དབྱུང་བའི་དེ་ཉིད། ༣༤ གཤེགས་མ་དབྱུང་བའི་དེ་ཉིད། ༣༥ སེམས་མ་དབྱུང་བའི་དེ་ཉིད། ༣༦ སེམས་དཔའ་དབྱུང་བའི་དེ་ཉིད། ༣༧ ཁྲོ་བོ་དབྱུང་བའི་དེ་ཉིད། (འདི་ཡན་དེ་ཉིད་ལྔ་དཀྱིལ་འཁོར་རྒྱལ་མཆོག་གི་ཏིང་ངེ་འཛིན་ནོ) ༣༨ སྟེང་སྒོར་ཕྱག་མཚན་བསྒོམ་པའི་དེ་ཉིད། ༣༩ འོག་སྒོར་ཐིག་ལེ་ཕྲ་མོ་བསྒོམ་པའི་དེ་ཉིད། ༤༠ ཡིད་བཟླས་ཀྱི་དེ་ཉིད། ༤༡ ངག་བཟླས་ཀྱི་དེ་ཉིད། ༤༢ གཙོ་བོ་འོད་གསལ་དུ་ཞུགས་པའི་དེ་ཉིད། ༤༣ འོད་གསལ་ལས་ལྡང་བའི་དེ་ཉིད། ༤༤ མཆོད་བསྟོད་ཀྱི་དེ་ཉིད། ༤༥ ཉེ་བར་བསྡུ་བའི་དེ་ཉིད། ༤༦ ཁ་ཟས་ཀྱི་དེ་ཉིད། ༤༧ ལུས་བརྟས་པར་བྱེད་པའི་དེ་ཉིད། ༤༨ དངོས་གྲུབ་ཆུང་ངུ་ཞི་རྒྱས་དབང་དྲག་གི་ལས་བཞི་སྒྲུབ་པའི་དེ་ཉིད་དང་དེ་ཉིད་ཞེ་དགུའོ། ། (འདི་ཡན་གྱི་དེ་ཉིད་བཅུ་གཉིས་ནི་ལས་རྒྱལ་མཆོག་གི་ཏིང་ངེ་འཛིན་ནོ) ཆོ་ག་བསྡུས་པའི་ཆིངས་གཉིས་ནི། ༡ རྡོ་རྗེ་བཞི་ཡི་ཆིངས། ༢ རྣལ་འབྱོར་བཞི་ཡི་ཆིངས་ཏེ་གཉིས་སོ། །རྡོ་རྗེ་བཞི་ནི། སྟོང་ཉིད་བྱང་ཆུབ་རྡོ་རྗེ། ས་བོན་བསྡུས་པའི་རྡོ་རྗེ། གཟུགས་ཉིད་རྫོགས་པའི་རྡོ་རྗེ། ཡི་གེ་འགོད་པའི་རྡོ་རྗེ་དང་བཞིའོ། །རྣལ་འབྱོར་བཞི་ནི། རྣལ་འབྱོར། རྗེས་སུ་རྣལ་འབྱོར། ཤིན་ཏུ་རྣལ་འབྱོར། རྣལ་འབྱོར་ཆེན་པོ་དང་བཞིའོ། །དངོས་གྲུབ་ཆེན་པོ་མཆོག་གི་དངོས་གྲུབ་སྒྲུབ་པའི་ཐབས་ནི་གསང་འདུས་རྫོགས་རིམ་ཡོངས་རྫོགས་ལ་བྱེད་པ་ཡིན་ནོ། །གོང་གི་དེ་གསང་འདུས་འཕགས་ལུགས་ཀྱི་བསྐྱེད་རིམ་གཞིར་བཞག་བྱས་སོ། །ཕགས་ལུགས་ཀྱི་བསྐྱེད་རིམ་གཞིར་བཞག་བྱས་སོ། །)
• Dictionaries/sgom sde tshig mdzod chenmo/1420  + ((གསང་སྔགས) དཔལ་གསང་བ་འདུས་པའི་རྒྱུད་ཀྱི་འག … (གསང་སྔགས) དཔལ་གསང་བ་འདུས་པའི་རྒྱུད་ཀྱི་འགྲེལ་པ་རྒྱ་གར་མཁས་པའི་མཛད་པ་ལ། (སློབ་དཔོན་ཀླུ་སྒྲུབ་ཀྱིས་མཛད་པའི་འདུས་པའི་འགྲེལ་པ་བརྒྱད་ནི) གསང་བ་འདུས་པའི་རྒྱུད་ཀྱི་འགྲེལ་པ། (མནྟྲ་ཀ་ལ་ཤའི་རང་འགྱུར) སྒྲུབ་ཐབས་མདོར་བྱས། མདོ་བསྲེ། དཀྱིལ་འཁོར་ཆོ་ག་ཉི་ཤུ་པ། (གཞོན་ནུ་བུམ་པའི་རང་འགྱུར) རིམ་ལྔ། (རིན་ཆེན་བཟང་པོའི་འགྱུར) བྱང་ཆུབ་སེམས་ཀྱི་འགྲེལ་པ་ཚིགས་བཅད་མ། (པ་ཚབ་ཀྱི་འགྱུར) ཚིག་ལྷུག (མདོ་སྡེ་འབར་གྱི་འགྱུར) བཅས་བརྒྱད་པོ་རྣམས་སོ། ། (སློབ་དཔོན་འཕགས་པ་ལྷས་མཛད་པའི) སྤྱོད་པ་བསྡུས་པའི་སྒྲོན་མ། (རིན་ཆེན་བཟང་པོའི་འགྱུར) དེའི་བཤད་པ། (སློབ་དཔོན་ཤཱཀྱ་བཤེས་གཉེན་གྱི་མཛད་པ། པ་ཚབ་ཀྱི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) དཀྱིལ་ཆོག (པ་ཚབ་ཀྱི་འགྱུར) (སློབ་དཔོན་འཕགས་པ་ལྷས་མཛད་པའི) སེམས་ཀྱི་སྒྲིབ་སྦྱོང་། (ནག་ཚོའི་འགྱུར) བདག་བྱིན་གྱིས་བརླབ་པའི་རིམ་པ་དང༌། མངོན་པར་བྱང་ཆུབ་པའི་རིམ་པ། (རིན་ཆེན་བཟང་པོའི་འགྱུར) ཡ་ར་ལ་ཝ་ལ་སོགས་པ་ཚུལ་བཞིར་བཤད་པ། གསང་བ་འདུས་པའི་རོ་སྲེག་གི་ཆོ་ག (རིན་ཆེན་བཟང་པོའི་འགྱུར) (སློབ་དཔོན་སྒྲ་གཅན་འཛིན་དཔལ་བཤེས་གཉེན་གྱིས་མཛད་པའི) དཀྱིལ་འཁོར་ཆོག་ག་ཟུང་འཇུག་གསལ་བ། (ས་ལོའི་འགྱུར) (སློབ་དཔོན་ཀླུའི་བློས་མཛད་པའི) བསྐྱེད་རིམ་རྣམ་གཞག་རིམ་པ། (རིན་ཆེན་བཟང་པོའི་འགྱུར) ལས་ཀྱི་མཐའ་རྣམ་པར་འབྱེད་པ། (ཆོས་རྗེ་དཔལ་གྱི་འགྱུར) (སློབ་དཔོན་སྒྲ་དབྱངས་བཅུ་གཅིག་པས་མཛད་པའི) རྡོ་རྗེ་འཆང་ཆེན་པོའི་ལམ་གྱི་རིམ་པ། (རིན་ཆེན་བཟང་པོའི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) རིམ་ལྔའི་འགྲེལ་པ་ནོར་བུའི་ཕྲེང་བ། (ནག་ཚོའི་འགྱུར) (སློབ་དཔོན་ཀླུའི་བློས་མཛད་པའི) རིམ་པ་ལྔ་ཁོངས་སུ་བསྡུ་བ། (པ་ཚབ་ཀྱི་འགྱུར) (ནག་པོ་དམ་ཚིག་རྡོ་རྗེས་མཛད་པའི) རིམ་ལྔའི་དཀའ་འགྲེལ། (ནག་ཚོའི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) རིམ་ལྔའི་དཀའ་འགྲེལ་དོན་གསལ་བ། (འདི་ཐེ་ཚོམ་གྱི་གཞིའོ་གསུང) (སློབ་དཔོན་བྷ་བྱ་ཀིརྟིའམ་སྐལ་ལྡན་གྲགས་པས་མཛད་པའི) རིམ་ལྔའི་དཀའ་འགྲེལ། (ཤཱཀྱ་བརྩོན་འགྲུས་ཀྱི་འགྱུར) (སློབ་དཔོན་ཨ་བྷྱ་ཀ་རས་མཛད་པའི) རིམ་ལྔའི་འགྲེལ་པ་ཟླ་བའི་འོད་ཟེར། (བི་བྷཱུ་ཏི་ཙནྡྲའི་རང་འགྱུར) (སློབ་དཔོན་བརྩོན་འགྲུས་བཟང་པོས་མཛད་པའི་) རིམ་ལྔའི་དཀའ་འགྲེལ་དོན་གསལ་བ། (ཤེས་རབ་བརྩོན་འགྲུས་ཀྱི་འགྱུར) (སློབ་དཔོན་ཟླ་བ་གྲགས་པས་མཛད་པའི) གསང་འདུས་འགྲེལ་པ་སྒྲོན་མ་གསལ་བ། (རིན་ཆེན་བཟང་པོའི་འགྱུར) རྡོ་རྗེ་སེམས་དཔའི་སྒྲུབ་ཐབས། (གཞོན་ནུ་འབར་དང་བ་རིའི་འགྱུར) (སློབ་དཔོན་ལེགས་ལྡན་འབྱེད་ཀྱིས་མཛད་པའི) སྒྲོན་གསལ་གྱི་དཀའ་གནད་བཤད་པ། (ཤཱཀྱ་བརྩོན་འགྲུས་ཀྱི་འགྱུར) (སློབ་དཔོན་སྒེག་པའི་རྡོ་རྗེས་མཛད་པའི) གསང་འདུས་གླེང་གཞིའི་བཤད་པ། བདེ་བ་ཆེན་པོའི་སྒྲུབ་ཐབས། (སློབ་དཔོན་ནག་པོ་པས་མཛད་པའི) གསང་འདུས་ཀྱི་དཀྱིལ་ཆོག་དང་རབ་གནས་གཉིས། (འགོས་འགྱུར) (ཤྲདྡྷཱ་ཀ་ར་ཝརྨས་མཛད་པའི) རྒྱན་བདུན་རྣམ་པར་དགྲོལ་བ། (རིན་ཆེན་བཟང་པོའི་འགྱུར) (ནག་པོ་པའི) རྡོ་རྗེ་སེམས་དཔའི་མཆོད་ཆོག (འགོས་འགྱུར) གསང་འདུས་གཏོར་ཆོག སྒྲུབ་ཐབས་མདོར་བྱས་ཀྱི་འགྲེལ་པ། (སློབ་དཔོན་ཤཱནྟི་པས་མཛད་པའི) རིན་ཆེན་ཕྲེང་བ་ (ཀརྨ་བཛྲའི་རང་འགྱུར) (སློབ་དཔོན་ཤྲདྡྷཱ་ཀ་ར་ཝརྨས་མཛད་པའི) དགོངས་པ་ལུང་སྟོན་གྱི་རྡོ་རྗེ་བཟླས་པའི་འགྲེལ་པ་དང༌། རྒྱུད་ཀྱི་དོན་ལ་འཇུག་པ་གཉིས། (རིན་ཆེན་བཟང་པོའི་འགྱུར) (སློབ་དཔོན་བྷ་བྱ་ཀིརྟིས་མཛད་པའི) སྒྲོན་གསལ་གྱི་ཊཱི་ཀ་དགོངས་པ་རབ་གསལ་སྟོང་ཕྲག་བཅུ་དང་དྲུག་པ། (ཀུ་མཱ་རའི་རང་འགྱུར) (སློབ་དཔོན་ཀུ་མཱ་རས་མཛད་པའི) སྒྲོན་མ་གསལ་བ་མདོར་བཤད་པ་སྙིང་གི་མེ་ལོང་། (ཤཱཀྱ་བློ་གྲོས་ཀྱི་འགྱུར) (སློབ་དཔོན་ཟླ་བ་གྲགས་པས་མཛད་པའི) གསང་བ་འདུས་པའི་མངོན་པར་རྟོགས་པ་རྒྱན་གྱི་འགྲེལ་པ་དང༌། སྒྲོན་གསལ་གྱི་འགྲེལ་བཤད། (སློབ་དཔོན་འཕགས་པ་ལྷས་མཛད་པ་འདི་གཉིས་ཐེ་ཚོམ་གྱི་གཞིའོ་གསུང) གསང་འདུས་འགྲེལ་པ། (སྨྲ་ཏིས་མཛད་ཅིང་རང་འགྱུར) སངས་རྒྱས་ཡེ་ཤེས་ཞབས་ཀྱི་འཇམ་དཔལ་གྱི་ཞལ་གྱི་ལུང་། (ལྷ་ཡེ་ཤེས་རྒྱལ་མཚན་གྱི་འགྱུར) ཞལ་ལུང་ཆུང་ངུ་དང༌། སྒྲུབ་ཐབས་ཀུན་བཟང་གཉིས། (རིན་ཆེན་བཟང་པོའི་འགྱུར) ཀུན་ཏུ་བཟང་མོའི་སྒྲུབ་ཐབས། (སྨྲ་ཏིའི་རང་འགྱུར) བདག་གྲུབ་པ་ལ་འཇུག (འགོས་འགྱུར) གྲོལ་བའི་ཐིག་ལེ། (ལྷ་ཡེ་ཤེས་རྒྱལ་མཚན་གྱི་འགྱུར) ཧེ་རུ་ཀའི་སྒྲུབ་ཐབས། (ཏེ་བདུན་སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་དོ) འཇམ་དཔལ་ཞལ་ལུང་གི་འགྲེལ་པ། (སློབ་དཔོན་སྨན་པའི་ཞབས་ཀྱིས་མཛད་པ) མཛེས་པའི་མེ་ཏོག (ལྷ་ཡེ་ཤེས་རྒྱལ་མཚན་གྱི་འགྱུར) སྒྲུབ་ཐབས་ཀུན་བཟང་གི་འགྲེལ་པ། (སློབ་དཔོན་དཔལ་འབྲས་རྡོ་རྗེ་དང༌། ཐ་ག་ནས་མཛད་པ་གཉིས་ རིན་ཆེན་བཟང་པོའི་འགྱུར) ཀུན་ཏུ་བཟང་པོའི་སྒྲུབ་ཐབས་ཀྱི་འགྲེལ་པ། (སློབ་དཔོན་ཀུན་ཏུ་བཟང་པོས་མཛད་པའི) སྙིང་པོའི་སྙེ་མ། (བློ་ལྡན་ཤེས་རབ་ཀྱི་འགྱུར) གྲོལ་བའི་ཐིག་ལེའི་འགྲེལ་པ། (སྨན་ཞབས་ཀྱིས་མཛད་པ་དང༌། དེས་མཛད་པའི) སྒྲུབ་ཐབས་དངོས་གྲུབ་འབྱུང་གཏེར་གཉིས། (ལྷ་ཡེ་ཤེས་རྒྱལ་མཚན་གྱི་འགྱུར) (སློབ་དཔོན་སྣང་མཛད་རྡོ་རྗེའི) སྦྱོར་བ་ཡན་ལག་དྲུག་གི་སྣང་བའི་རིམ་པ། (གཡུང་དྲུང་འོད་ཀྱི་འགྱུར) ཧེ་རུ་ཀའི་སྒྲུབ་ཐབས་ཀྱི་འགྲེལ་པ། (སློབ་དཔོན་མར་མེ་མཛད་བཟང་པོས་མཛད་པའི) དཀྱིལ་འཁོར་གྱི་ཆོ་ག (བཞི་བརྒྱ་ལྔ་བཅུ་པ་དང) དེའི་འགྲེལ་པ། (སློབ་དཔོན་དྲི་མེད་དཔལ་གྱིས་མཛད་པ་གཉིས་རིན་ཆེན་བཟང་པོའི་འགྱུར) (སློབ་དཔོན་སྨན་པའི་བུ་རྒྱལ་བས་བྱིན་གྱིས་མཛད་པའི) གསང་བ་འདུས་པའི་དཀའ་འགྲེལ། (སློབ་དཔོན་དྲི་མེད་སྦས་པས་མཛད་པའི) གསང་བ་འདུས་པའི་རྒྱུད་ལེའུ་བཅུ་བདུན་གྱི་འགྲེལ་པ་དང༌། (དེའི་སློབ་མ་སློབ་དཔོན་ཟླ་འོད་ཀྱིས་མཛད་པའི) ལེའུ་བཅོ་བརྒྱད་པའི་འགྲེལ་པ་དང༌། (དཔལ་རྒྱན་པས་མཛད་པའི) དེ་ཉིད་བཅུ་པ་དང་གསུམ། (དར་མ་གྲགས་ཀྱི་འགྱུར) (སློབ་དཔོན་རབ་ཏུ་ཞི་བའི་ཡེ་ཤེས་ཀྱིས་མཛད་པའི) གསང་འདུས་ཀྱི་འགྲེལ་པ་སློབ་མ་ལ་ཕན་པ། (སློབ་དཔོན་ཟླ་བའི་འོད་ཟེར་གྱིས་མཛད་པའི) རབ་ཏུ་གནས་པའི་ཆོ་ག (བསོད་ནམས་རྒྱལ་བའི་འགྱུར) (སློབ་དཔོན་སྣང་བྱེད་ཟླ་བས་མཛད་པའི) ཨརྐའི་ཆོ་ག་སྙིང་པོ་བསྡུས་པ་དང་རབ་ཏུ་གནས་པའི་ཆོ་ག་ཡེ་ཤེས་སྣང་བ་དང༌། (དཔལ་ཏིང་ངེ་འཛིན་རྡོ་རྗེས་མཛད་པའི) དུས་ཐ་མའི་ཆོ་ག་དང༌། གཤིན་པོ་བདེ་བར་གཤེགས་པའི་གནས་ལ་འགོད་པ་དང་གསུམ། (ཤེས་རབ་གྲགས་ཀྱི་འགྱུར) (སློབ་དཔོན་ཤཱནྟི་པས་མཛད་པའི) གསང་འདུས་བཤད་སྦྱར་སྙིམ་པའི་མེ་ཏོག (འགོས་འགྱུར) (སློབ་དཔོན་བི་ཤྭ་མི་ཏྲས་མཛད་པའི) ལེའུ་བཅོ་བརྒྱད་པའི་འགྲེལ་པ། (སློབ་དཔོན་ཙི་ལུ་པས་མཛད་པའི) གསང་འདུས་འགྲེལ་པ་རིན་པོ་ཆེའི་ལྗོན་ཤིང་། (ལྷ་ཡེ་ཤེས་རྒྱལ་མཚན་གྱི་འགྱུར) (སློབ་དཔོན་ཐ་ག་ནས་མཛད་པའི) གསང་འདུས་འགྲེལ་པ། (རིན་ཆེན་བཟང་པོའི་འགྱུར) (སློབ་དཔོན་རྡོ་རྗེ་བཞད་པས་མཛད་པའི) གསང་འདུས་ལེའུ་བཅུ་བདུན་གྱི་འགྲེལ་པ། (བཻ་རོ་ཙ་ནའི་འགྱུར) གསང་འདུས་རྒྱུད་ཕྱི་མ་དང་བཅས་པའི་འགྲེལ་པ། (སློབ་དཔོན་ཀུན་དགའ་སྙིང་པོས་མཛད་པའི) གསང་འདུས་དཀའ་འགྲེལ། (རིན་ཆེན་བཟང་པོའི་འགྱུར) འགྲེལ་ཆེན། (ཕྲ་རིང་གི་རང་འགྱུར་དུ་གྲགས་པ) ལྷ་མོ་བཞིས་ཞུས་ཀྱི་འགྲེལ་པ། (སློབ་དཔོན་ཡེ་ཤེས་སྙིང་པོས་མཛད་པ། སྨྲ་ཏིའི་རང་འགྱུར) ཀུན་ཏུ་བཟང་པོའི་སྦྱིན་སྲེག་གི་ཆོ་ག (མར་མེ་མཛད་ཡེ་ཤེས་ཀྱིས་མཛད་པའི) གསང་འདུས་སྒྲུབ་ཐབས། (རིན་ཆེན་བཟང་པོའི་འགྱུར) དེའི་རྣམ་བཤད། (ཀུན་ཏུ་བཟང་པོས་མཛད་པ། སུ་ག་ཏའི་རང་འགྱུར) (སློབ་དཔོན་བསོད་སྙོམས་པས་མཛད་པའི) གསང་འདུས་ཀྱི་དཀྱིལ་ཆོག་དང་སྒྲུབ་ཐབས་དང༌། (ཁ་ཆེ་རིན་ཆེན་རྡོ་རྗེས་མཛད་པའི) མི་བསྐྱོད་རྡོ་རྗེའི་སྒྲུབ་ཐབས་རྣམས། (རིན་ཆེན་བཟང་པོའི་འགྱུར) (སློབ་དཔོན་ངག་གི་དབང་ཕྱུག་གྲགས་པས་མཛད་པའི) གསང་འདུས་ཀྱི་དཀྱིལ་ཆོག་མདོར་བསྡུས། (ཆོས་ཀྱི་དབང་ཕྱུག་གི་འགྱུར) (སློབ་དཔོན་རྒྱལ་བས་བྱིན་གྱིས་མཛད་པའི) དཔལ་དགའ་བའི་སྒྲུབ་ཐབས། (སུ་ནྱ་ཤྲཱིས་མཛད་པའི) འཇམ་དཔལ་རྡོ་རྗེའི་སྒྲུབ་ཐབས་ (གཞོན་ནུ་འབར་གྱི་འགྱུར) གསང་འདུས་མི་བསྐྱོད་པའི་སྒྲུབ་ཐབས། (སྨྲ་ཏིའི་རང་འགྱུར) དཔལ་དགའ་བའི་རྡོ་རྗེའི་དབང་རབ་བྱེད། (བ་རིའི་འགྱུར) (སློབ་དཔོན་ངག་གི་དབང་ཕྱུག་གྲགས་པས་མཛད་པའི) ཡན་ལག་བདུན་ལྡན་དེ་ཁོ་ཉིད་རིན་པོ་ཆེ་སྣང་བ་རྩ་འགྲེལ། (འགོས་འགྱུར) (སློབ་དཔོན་འཕགས་པ་ལྷས་མཛད་པའི) དུག་ལྔ་སྦས་པའི་ལམ་མཆོག་ཏུ་གསང་བ་བསམ་གྱིས་མི་ཁྱབ་པ། རྡོ་རྗེ་སེམས་དཔའི་སྒྲུབ་ཐབས་ (ཨནྡྲི་བྷཱུ་ཏིས་མཛད་པ) དཔལ་བདེ་མཆོག་ཆེན་པོ་རྡོ་རྗེ་སེམས་དཔའི་སྒྲུབ་ཐབས། (སློབ་དཔོན་ཐུ་བོ་རཱ་ཧ་ཏིས་མཛད་པའི) རྡོ་རྗེ་སེམས་དཔའ་རྗེས་སུ་དྲན་པའི་ཆོ་ག (སློབ་དཔོན་རབ་འཇིགས་རྡོ་རྗེས་མཛད་པའི) སྦྱིན་སྲེག་གི་ཆོ་ག (རིན་ཆེན་བཟང་པོའི་འགྱུར) (སློབ་དཔོན་རཏྣ་ཀིརྟིས་མཛད་པའི) བསྟན་པའི་ནོར་ཐམས་ཅད་པའི་སྒྲུབ་ཐབས། རྡོ་རྗེ་སེམས་དཔའི་གསང་དོན། རྣམ་པར་སྣང་མཛད་ཀྱི་གསང་དོན། ཧེ་རུ་ཀའི་གསང་དོན། པདྨ་གར་དབང་གི་གསང་དོན། རིན་ཆེན་ཉི་མའི་གསང་དོན། རྟ་མཆོག་རོལ་པའི་གསང་དོན་རྣམ་པར་འགོད་པ་རྣམས། (སློབ་དཔོན་ཀུ་ཀུ་རཱ་ཛས་མཛད་པར་གྲགས་པ། ལྷ་རིན་པོ་ཆེའི་འགྱུར) (སྨྲ་ཏིས་མཛད་པའི) ལྷ་མོ་བཞིས་ཞུས་ཀྱི་འགྲེལ་པ། (དེའི་རང་འགྱུར) (སློབ་དཔོན་སྨན་པའི་ཞབས་ཀྱིས་མཛད་པའི) གསང་འདུས་ལེའུ་བཅོ་བརྒྱད་པའི་འགྲེལ་པ་ཡང་དག་རིག་བྱེད། (ལྷ་ཡེ་ཤེས་རྒྱལ་མཚན་གྱི་འགྱུར) སྦྱོར་བ་ཡན་ལག་དྲུག་པའི་འགྲེལ་པ། (སློབ་དཔོན་ཟླ་བ་གྲགས་པས་མཛད་པ་རིན་ཆེན་བཟང་པོའི་འགྱུར) སངས་རྒྱས་ཡེ་ཤེས་ཞབས་ཀྱི་སྦྱོར་བ་ཡན་ལག་དྲུག་གི་འགྲེལ་པ། (སྨྲ་ཏིས་མཛད་པ) ཡེ་ཤེས་ཞབས་ལུགས་ཀྱི་སྦྱོར་བ་ཡན་ལག་དྲུག་པ། (སློབ་དཔོན་མི་གནས་རྡོ་རྗེས་མཛད་པའི) གསང་འདུས་ལྷ་སུམ་ཅུ་རྩ་གཉིས་ཀྱི་བསྟོད་པ། (རིན་ཆེན་བཟང་པོའི་འགྱུར) (མར་མེ་མཛད་ཡེ་ཤེས་ཀྱིས་མཛད་པའི) གསང་བ་འདུས་པའི་བསྟོད་པ་ (རིན་ཆེན་བཟང་པོའི་འགྱུར) (སློབ་དཔོན་དགའ་བའི་རྡོ་རྗེས་མཛད་པའི) དབང་གི་བྱ་བ་མདོར་བསྡུས་པ་ལ། (མཻ་ཏྲི་པས་མཛད་པ) བཞི་པ་བཏགས་པ། (མཚུར་གྱི་འགྱུར) དབང་དེར་གཏད་པ་མདོར་བསྡུས་པ་སྟེ་ (བརྒྱ་དང་བཅུ་བཞིའོ) ཕྱི་མ་གཉིས་མ་ཚུད་དོ། །སློབ་དཔོན་སངས་རྒྱས་ཡེ་ཤེས་ཀྱིས་མཛད་པའི་ཡན་ལག་བཞི་པའི་སྒྲུབ་ཐབས་དང༌། དེའི་འགྲེལ་པ་གནས་ལྡན་དང༌། ཀུན་ཏུ་བཟང་པོས་སྦྱར་བ་དང་གསུམ་རྔོག་འགྱུར་མ་རྙེད་དོ། །ཞེས་བུ་སྟོན་རིན་པོ་ཆེའི་ཆོས་འབྱུང་ལས་གསུངས་པ་ལྟར་བཀོད།རིན་པོ་ཆེའི་ཆོས་འབྱུང་ལས་གསུངས་པ་ལྟར་བཀོད།)
• Dictionaries/sgom sde tshig mdzod chenmo/1421  + ((གསང་སྔགས) དཔལ་གསང་བ་འདུས་པའི་རྫོགས་རིམ་ལ་ … (གསང་སྔགས) དཔལ་གསང་བ་འདུས་པའི་རྫོགས་རིམ་ལ་ལྔ། སྡིག་སྒྲིབ་དག་པར་བྱེད་པ་རྡོ་རྗེ་སེམས་དཔའི་སྒོམ་བཟླས་ཀྱི་ཁྲིད། བྱིན་རླབས་འཇུག་པར་བྱེད་པ་བླ་མའི་རྣལ་འབྱོར་གྱི་ཁྲིད། གཞི་དངོས་པོའི་གནས་ཚུལ། ལམ་བགྲོད་པའི་རིམ་པ། འབྲས་བུ་མངོན་དུ་བྱེད་ཚུལ་དང་ལྔའོ། །གཞི་དངོས་པོའི་གནས་ཚུལ་ལ། ལུས་ཀྱི་གནས་ཚུལ། སེམས་ཀྱི་གནས་ཚུལ། ལུས་སེམས་ཐུན་མོང་བའི་གནས་ཚུལ་དང་གསུམ། ལུས་དངོས་པོའི་གནས་ཚུལ་ལ། རགས་པ། ཕྲ་བ། ཤིན་ཏུ་ཕྲ་བ་དང་གསུམ། ཕྲ་བ་ལ། གནས་པ་རྩ། གཡོ་བ་རླུང་། བཀོད་པ་བྱང་ཆུབ་ཀྱི་སེམས་རྣམས་སོ། །ལམ་བགྲོད་པའི་རིམ་པ་ལ་དྲུག་སྟེ། (བསྐྱེད་རིམ་ནི་སྔགས་ལམ་གྱི་ཚོགས་ལམ་ཡིན་ལ) ༡ ལུས་དབེན་སྐུ་རྡོ་རྗེའི་ཏིང་ངེ་འཛིན། (ལུས་དབེན་སྔགས་ལམ་གྱི་སྦྱོར་ལམ་དྲོད) ༢ ངག་དབེན་གསུང་རྡོ་རྗེའི་ཏིང་ངེ་འཛིན། (ངག་དབེན་སྦྱོར་ལམ་རྩེ་མོ) ༣ སེམས་དབེན་ཐུགས་རྡོ་རྗེའི་ཏིང་ངེ་འཛིན། (སེམས་དབེན་སྦྱོར་ལམ་བཟོད་པ) ༤ ཀུན་རྫོབ་སྒྱུ་ལུས་ཀྱི་རྫོགས་རིམ། (མ་དག་པའི་སྒྱུ་ལུས་སྦྱོར་ལམ་ཆོས་མཆོག) ༥ དོན་དམ་འོད་གསལ་གྱི་རྫོགས་རིམ། (དོན་གྱི་འོད་གསལ་ཐེག་ཆེན་གྱི་མཐོང་ལམ) ༦ དབྱེར་མེད་ཟུང་འཇུག་གི་རྫོགས་རིམ་དང་དྲུག་གོ། (སློབ་པའི་ཟུང་འཇུག་སྒོམ་ལམ་དང་། མི་སློབ་པའི་ཟུང་འཇུག་མི་སློབ་ལམ་ཡིན་པ་བཅས་སོ) རྫོགས་རིམ་རིམ་ལྔ་ནི་ལུས་དབེན་ངག་དབེན་དུ་བསྡུས་ནས་ལྷག་མ་ལྔ་ལ་རིམ་ལྔ་ཟེར་རོ། །ལུས་དབེན་ལ་བསྐྱེད་རིམ་པའི་ལུས་དབེན་དང་། རྫོགས་རིམ་པའི་ལུས་དབེན་གཉིས་ཡོད། བསྲེ་བ་སྐོར་དགུ་ནི། སད་དུས་ཀྱི་བསྲེ་བ་སྐོར་གསུམ། གཉིད་དུས་ཀྱི་བསྲེ་བ་སྐོར་གསུམ། འཆི་དུས་ཀྱི་བསྲེ་བ་སྐོར་གསུམ་དང་དགུའོ། །དེ་ཡང་སད་དུས་ཀྱི་འོད་གསལ་ཆོས་སྐུ་དང་བསྲེ་བ། སད་དུས་ཀྱི་སྒྱུ་ལུས་ལོངས་སྐུ་དང་བསྲེ་བ། སད་དུས་ཀྱི་ལོངས་སྐུ་ལས་ལངས་པ་སྤྲུལ་སྐུ་དང་བསྲེ་བ་དང་གསུམ། གཉིས་པ་ལ་གཉིད་དུས་ཀྱི་འོད་གསལ་ཆོས་སྐུ་དང་བསྲེ་བ། རྨི་ལམ་ལོངས་སྐུ་དང་བསྲེ་བ། གཉིད་སད་པ་སྤྲུལ་སྐུ་དང་བསྲེ་བ་དང་གསུམ་མོ། །གསུམ་པ་ལ་འཆི་བ་འོད་གསལ་ཆོས་སྐུ་དང་བསྲེ་བ། བར་དོ་ལོངས་སྐུ་དང་བསྲེ་བ། སྐྱེ་བ་སྤྲུལ་སྐུ་དང་བསྲེ་བ་དང་གསུམ་མོ། །༼རིམ་པ་དང་པོ་ལུས་དབེན་ནི༽ སྙིང་གའི་སྣ་རྩེར་ (སྙིང་གའི་སྣ་རྩེ་ཞེས་པ་སྙིང་གའི་རྩ་འཁོར་གྱི་རྩ་མདུད་ཀྱི་དབུས་ལ་ཟེར) སྔགས་ཀྱི་ཐིག་ལེའི་སྲོག་རྩོལ། གདོང་གི་སྣ་རྩེར་ (གདོང་གི་སྣ་རྩེ་ཞེས་པ་སྨིན་མཚམས་ཀྱི་དབུས་ཀྱི་རྩ་དབུ་མའི་ཡར་སྣེ་ལ་ཟེར) འོད་ཀྱི་ཐིག་ལེའི་སྲོག་རྩོལ། གསང་བའི་སྣ་རྩེར་ (གསང་བའི་སྣ་རྩེ་ནི་རྩ་དབུ་མའི་མར་སྣེའམ་ཕོ་མོའི་རྟགས་ཀྱི་རྩེ་ལ་ཟེར) རྫས་ཀྱི་ཐིག་ལེའི་སྲོག་རྩོལ་དང་གསུམ་མོ། །༼ རིམ་པ་གཉིས་པ་ངག་དབེན་ནི ༽ ཕྱིའི་རྐྱེན་ལས་རྒྱ་དང་། ནང་གི་རྐྱེན་ཁྱབ་བྱེད་ཀྱི་རླུང་ལ་རྡོར་བཟླས་དང་། རྗེས་གཞིག་འདྲ་བའི་རླུང་གི་དུས་རིམ་དང་སྙིང་ཁའི་བུམ་པ་ཅན་ནོ། །༼ རིམ་པ་གསུམ་པ་སྒྱུ་ལུས་ནི ༽ ཀུན་རྫོབ་སྒྱུ་ལུས་ཀྱི་དཔེ་བཅུ་གཉིས་ཏེ། སྒྱུ་མ་ཆུ་ཟླ་མིག་ཡོར་གསུམ། །རྨི་ལམ་སྨིག་སྒྱུ་བྲག་ཆ་དྲུག །དྲི་ཟ་མིག་འཕྲུལ་འཇའ་མཚོན་དགུ། །ཆུ་བུར་གློག་དང་སྐུ་བརྙན་ཏེ། །སྒྱུ་མའི་དཔེ་ནི་བཅུ་གཉིས་སོ། །རིམ་པ་བཞི་པ་དོན་གྱི་འོད་གསལ་གྱི་རྫོགས་རིམ་ཐོབ་པ། མ་དག་པའི་སྒྱུ་མའི་སྐུ་འོད་གསལ་དུ་དག་པ། གང་ཟག་དེ་འཕགས་པར་སོང་བ། ས་དང་པོའམ་ཐེག་ཆེན་མཐོང་ལམ་ཐོབ་པ། ཉོན་སྒྲིབ་ཀུན་བཏགས་ལྷན་སྐྱེས་གཉིས་ཀའི་དངོས་གཉེན་བར་ཆད་མེད་ལམ་ཐོབ་པ། འོད་གསལ་ཕྱག་རྒྱ་ཆེན་པོའི་ཡེ་ཤེས་ཐོབ་པ་དྲུག་དུས་མཉམ་པ་ཡིན་ནོ། །རིམ་པ་བཞི་པའི་དོན་གྱི་འོད་གསལ་དེ་ལས་ལུགས་ལྡོག་གི་ཉེར་ཐོབ་གྲུབ་པ། དག་པའི་སྒྱུ་མའི་སྐུ་ཐོབ་པ། ཉོན་སྒྲིབ་སྤངས་པའི་སྤངས་པ་ཟུང་འཇུག་ཐོབ་པ། གང་ཟག་དེ་དགྲ་བཅོམ་པར་གྱུར་པནམ་མཁའ་ཇི་སྲིད་བར་དུ་གནས་པའི་འཇའ་ལུས་རྡོ་རྗེའི་སྐུ་ཐོབ་པ་དྲུག་དུས་མཉམ་མོ། །༼ རིམ་པ་ལྔ་པ་ཟུང་འཇུག་ནི ༽ དེ་འདྲའི་མཉམ་བཞག་དེ་ལས་ལྡང་ནས། ཡང་སྨིག་སྒྱུ་དེ་ནས་འོད་གསལ་བར་དུ་འཆར། འོད་གསལ་དེ་ནི་རྟོགས་པ་ཟུང་འཇུག་ཡིན་པས། སྐུ་དག་པ་སྒྱུ་མའི་སྐུ་དང་ཐུགས་དག་པ་དོན་གྱི་འོད་གསལ་གཉིས་སྐུ་ཐུགས་ངོ་བོ་ཟུང་དུ་འཇུག་པའི་སློབ་པའི་ཟུང་འཇུག་ཕྱག་རྒྱ་ཆེན་པོ་མཆོག་གི་དངོས་གྲུབ་པའོ། །དེ་ནས་སྤྲོས་བཅས། སྤྲོས་མེད། ཤིན་ཏུ་སྤྲོས་མེད་ཀྱི་སྤྱོད་པ་གང་རུང་ཞིག་ཟླ་བ་དྲུག་གསུམ་བཅོ་བརྒྱད་གང་རུང་སྤྱོད་ཅིང་། སློབ་པ་མཐའ་ཡི་དོན་གྱི་འོད་གསལ་གྱིས་ཤེས་སྒྲིབ་སྤངས་ཏེ། ཁ་སྦྱོར་ཡན་ལག་བདུན་ལྡན་ནམ། དབང་ཕྱུག་བརྒྱད་ལྡན་མི་སློབ་པའི་ཟུང་འཇུག་གི་གོ་འཕང་མངོན་དུ་བྱེད་པ་ཡིན་ནོ། །ཡན་ལག་བདུན་ནི། ལོངས་སྤྱོད་རྫོགས་དང་ཁ་སྦྱོར་བདེ་ཆེན་རང་བཞིན་མེད། །སྙིང་རྗེས་ཡོངས་གང་རྒྱུན་མི་ཆད་དང་འགོག་པ་མེད། །ཅེས་གསུངས་སོ། །དབང་ཕྱུག་བརྒྱད་ནི། སྐུ་དང་གསུང་དང་ཐུགས་ཀྱི་དབང་ཕྱུག་དང་། །རྫུ་འཕྲུལ་ཀུན་འགྲོ་གནས་ཀྱི་དབང་ཕྱུག་དང་། །ཅི་འདོད་བསྐྱེད་དང་ཡོན་ཏན་དབང་ཕྱུག་བརྒྱད། །ཅེས་གསུངས་སོ། །དཔལ་གསང་འདུས་འཕགས་ལུགས་ཀྱི་རྫོགས་རིམ་གྱི་ས་བཅད་བསྡུས་དོན་རྫོགས་སོ། །་རྫོགས་རིམ་གྱི་ས་བཅད་བསྡུས་དོན་རྫོགས་སོ། །)
• Dictionaries/sgom sde tshig mdzod chenmo/9952  + ((གསང་སྔགས) དཔལ་གསང་བ་འདུས་པའི་སྒྲུབ་ཐབས་ཀྱ … (གསང་སྔགས) དཔལ་གསང་བ་འདུས་པའི་སྒྲུབ་ཐབས་ཀྱི་ཆིངས་སམ་སྡོམ་བཞི་ནི། སྟོང་ཉིད་བྱང་ཆུབ་ཀྱི་རྡོ་རྗེ། ས་བོན་བསྡུས་པའི་དེ་ཉིད། གཟུགས་ཉིད་རྫོགས་པའི་དེ་ཉིད། ཡི་གེ་འགོད་པའི་རྡོ་རྗེ་དང་བཞིའོ། །དེ་ཡང་གནས་ཀྱི་དེ་ཉིད་ནས། དེ་བཞིན་ཉིདམི་ལས་བྱང་ཆུབ་པའི་དེ་ཉིད་ཀྱི་བར་ནི། སྟོང་ཉིད་བྱང་ཆུབ་ཀྱི་རྡོ་རྗེ་དང༌། ཉི་མ་སོགས་ལ་དམིགས་ནས་ལྡང་བའི་དེ་ཉིད་ནས། ཕྱག་མཚན་ལས་བྱང་ཆུབ་པའི་དེ་ཉིད་ཀྱི་བར་ནི། ས་བོན་བསྡུས་པའི་རྡོ་རྗེ། སྐུ་རྫོགས་པ་ལས་བྱང་ཆུབ་པའི་དེ་ཉིད་ནས། ཡག་ལག་ཁྲོ་བོར་བསྐྱེད་པའི་དེ་ཉིད་ཀྱི་བར་ནི། གཟུགས་ཉིད་རྫོགས་པའི་རྡོ་རྗེ། སྒྲུབ་ཐབས་བསྡུས་པ་ལྟར་ན། སྐུ་བྱིན་གྱིས་རློབ་པ་ནས། མཆོད་པའི་དེ་ཉིད་ཀྱི་བར་དང༌། རྒྱས་པ་ལྟར་ན། སྐུ་བྱིན་གྱི་རློབ་པ་ནས། སྟེང་སྒོར་ཕྱག་མཚན་ཕྲ་མོའི་དེ་ཉིད་ཀྱི་བར་ནི། ཡི་གེ་འགོད་པའི་རྡོ་རྗེ་ཡིན་ནོ། །རྗེའི་གསང་འདུས་ཀྱི་གསུང་ཟིན་བློ་གསལ་བུང་བའི་རེ་སྐོང་ལས་གསུངས་པ་ལྟར་བཀོད།ོ་གསལ་བུང་བའི་རེ་སྐོང་ལས་གསུངས་པ་ལྟར་བཀོད།)
• Dictionaries/sgom sde tshig mdzod chenmo/10438  + ((གསང་སྔགས) དཔལ་རྡོ་རྗེ་འཇིགས་བྱེད་ཀྱི་རྫོག … (གསང་སྔགས) དཔལ་རྡོ་རྗེ་འཇིགས་བྱེད་ཀྱི་རྫོགས་རིམ་གྱི་ལམ་བགྲོད་པའི་རིམ་པ་ལ་རྣལ་འབྱོར་བཞིའི་ཐ་སྙད་བྱེད་དེ། ༡ སྔགས་ཀྱི་རྣལ་འབྱོར། (འདི་གསང་འདུས་ཀྱི་ལུས་དབེན་ངག་དབེན་གཉིས་ཀྱི་དོན་ཐུབ་ཡིན) ༢ དམ་ཚིག་གི་རྣལ་འབྱོར། (སེམས་དབེན་གྱི་དོད་ཐུབ) ༣ དབྱིབས་ཀྱི་རྣལ་འབྱོར། (དག་མ་དག་གི་སྒྱུ་ལུས་ཀྱི་དོད་ཐུབ) ༤ རྣམ་དག་ཡེ་ཤེས་ཀྱི་རྣལ་འབྱོར། (སེམས་དབེན་མཐར་ཐུག་དཔེ་ཡི་འོད་གསལ་དང༌། རིམ་པ་བཞི་པའི་དོན་གྱི་འོད་གསལ་གྱི་དོད་ཐུབ་ཡིན་པར་བཤད) དང་བཞིའོ། །འཇིགས་བྱེད་ལྷ་བཅུ་གསུམ་མ། དཔའ་གཅིག དགྲ་ནག གཤེད་དམར། རོ་ལངས་བརྒྱད་སྐོར། ཞེ་དགུ་མ་རྣམས་ལ་རྫོགས་རྣལ་འབྱོར་བཞིའི་ཐ་སྙད་བྱེད་པར་གསུངས། གསང་འདུས་ཀྱི་རྫོགས་རིམ་གྱི་ལམ་བགྲོད་པའི་རིམ་པ་ལ། དབེན་པ་གསུམ་གྱི་རྣལ་འབྱོར། སྒྱུ་ལུས་དང་འོད་གསལ་ཟུང་འཇུག་སྟེ་རྫོགས་རིམ་རིམ་པ་ལྔའམ་དྲུག་གི་ཐ་སྙད་བྱེད།ེ་རྫོགས་རིམ་རིམ་པ་ལྔའམ་དྲུག་གི་ཐ་སྙད་བྱེད།)
• Dictionaries/sgom sde tshig mdzod chenmo/1430  + ((གསང་སྔགས) དབང་གསུམ་པའི་རྟོགས་པ་བདེ་སྟོང་ད … (གསང་སྔགས) དབང་གསུམ་པའི་རྟོགས་པ་བདེ་སྟོང་དབྱེར་མེད་ཀྱི་ཡེ་ཤེས་ཧཱུྃ་ཡིག་གི་རྣམ་པར་སྤྲོས་པ་ཡོངས་སུ་གྱུར་པ་ལས་རི་རབ་གླིང་བཞི་མཁོ་དགུའི་དཔལ་འབྱོར་སོགས་ཀྱི་རྣམ་པར་བསྒྱུར་ནས་འབུལ་བ་ལ་ཟེར། རྒྱལ་མཆོག་བདུན་པ་ཆེན་པོས། ཐབས་མཆོག་བདེ་ཆེན་རྡོ་རྗེའི་རོལ་རྩེད་ཀྱིས། །སྟོང་ཕྱོགས་ཤེས་རབ་པདྨར་རོལ་པ་ལས། །ཟག་མེད་ལྷན་སྐྱེས་དགའ་བའི་རང་བཞིན་གྱི། །སྣོད་བཅུད་དཀྱིལ་འཁོར་བཀོད་པས་མཉེས་གྱུར་ཅིག །ཅེས་གསུངས་པ་ལྟར་རོ། །གཞན་ཡང༌། ཀུན་གཟིགས་ལྔ་པ་ཆེན་པོས། རྡོ་རྗེའི་ལུས་ཀྱི་གསེར་ལྡན་ལྟོ་བ་ན། །མཉམ་སྦྱོར་རྡོ་རྗེ་པདྨའི་ལྷུན་པོ་མཆོག །བཅུ་དྲུག་དགའ་བའི་རི་མཚོ་གླིང་བཞིས་བསྐོར། །དབུ་མ་བཅུ་གཉིས་ཁྱིམ་གྱི་རྒྱུ་ལམ་དུ། །རོ་རྐྱང་རླུང་གི་ཉི་ཟླའི་དཀྱིལ་འཁོར་འཆར། །སྒྱུ་མའི་ལུས་སུ་ལྡང་བའི་རིན་ཆེན་བདུན། །ཟུང་འཇུག་བུམ་བཟང་ཡོངས་འདུ་ས་བརྟོལ་སོགས། །དཀྱིལ་འཁོར་མགོན་པོ་དཔལ་ལྡན་བླ་མར་འབུལ། །ཞེས་གསུངས་པ་ལྟར་རོ། །དཔལ་ལྡན་བླ་མར་འབུལ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/1446  + ((གསང་སྔགས) དེ་བཞིན་གཤེགས་པ་ཐམས་ཅད་ཀྱི་སྐུ་ … (གསང་སྔགས) དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་ཆེན་གསང་བ་འདུས་པ་ཞེས་བྱ་བ་བརྟག་པའི་རྒྱལ་པོ་ཆེན་པོ་ཞེས་བྱ་བ་ལེའུ་བཅུ་བདུན་གྱི་བདག་ཉིད་ཅན་ཞིག ལེའུ་བཅུ་བདུན་ནི། དང་པོ་ཏིང་ངེ་འཛིན་གྱི་དཀྱིལ་འཁོར་བྱིན་གྱིས་རློབ་པའི་ལེའུ། གཉིས་པ་བྱང་ཆུབ་ཀྱི་སེམས་ཀྱི་ལེའུ། གསུམ་པ་རྡོ་རྗེ་བཀོད་པའི་ཏིང་ངེ་འཛིན་ཞེས་བྱ་བའི་ལེའུ། བཞི་པ་ཐུགས་ཀྱི་དཀྱིལ་འཁོར་གྱི་ལེའུ། ལྔ་པ་ཀུན་དུ་སྤྱོད་པའི་མཆོག་གི་ལེའུ། དྲུག་པ་ཐུགས་བྱིན་གྱིས་རློབ་པའི་ལེའུ། བདུན་པ་སྔགས་ཀྱི་སྤྱོད་པ་མཆོག་གི་ལེའུ། བརྒྱད་པ་བཤང་གཅིའི་དམ་ཚིག་གི་ལེའུ། དགུ་པ་དོན་དམ་པའི་དག་པ་དེ་ཁོ་ན་ཉིད་ཀྱི་དོན་གྱི་དམ་ཚིག་གི་ལེའུ། བཅུ་པ་ཐུགས་བསྐུལ་བ་ཞེས་བྱ་བའི་ལེའུ། བཅུ་གཅིག་པ་སྔགས་ཀྱི་དམ་ཚིག་དེ་ཁོ་ན་ཉིད་རིག་པའི་སྐྱེས་བུ་མཆོག་གི་ལེའུ། བཅུ་གཉིས་པ་རྡོ་རྗེའི་སྦྱོར་བ་དམ་ཚིག་སྒྲུབ་པ་མཆོག་ངེས་པར་བསྟན་པའི་ལེའུ། བཅུ་གསུམ་པ་རྡོ་རྗེའི་དམ་ཚིག་བཀོད་པ་དེ་ཁོ་ན་ཉིད་ཀྱི་དོན་སྒོམ་པ་མངོན་པར་རྫོགས་པར་བྱང་ཆུབ་པ་ཞེས་བྱ་བའི་ལེའུ། བཅུ་བཞི་པ་སྐུ་དང་གསུང་དང་ཐུགས་རྨད་དུ་བྱུང་བ་སྔགས་ཀྱིས་འགུགས་པ་རྣམ་པར་སྤྲུལ་པའི་རྒྱལ་པོ་ཞེས་བྱ་བའི་ལེའུ། བཅོ་ལྔ་པ་སེམས་ཅན་ཐམས་ཅད་ཀྱི་དམ་ཚིག་གི་སྙིང་པོ་རྡོ་རྗེ་འབྱུང་བ་ཞེས་བྱ་བའི་ལེའུ། བཅུ་དྲུག་པ་དངོས་གྲུབ་ཐམས་ཅད་ཀྱི་དཀྱིལ་འཁོར་རྡོ་རྗེ་མངོན་པར་རྫོགས་པར་བྱང་ཆུབ་པ་ཞེས་བྱ་བའི་ལེའུ། བཅུ་བདུན་པ་དམ་ཚིག་དང་སྡོམ་པ་རྡོ་རྗེའི་བྱིན་གྱི་རླབས་ཀྱི་རྒྱལ་པོ་ཞེས་བྱ་བའི་ལེའུ་བཅས་སོ། །དེ་ཡང་གསང་འདུས་རྩ་རྒྱུད་ལས། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་དཀྱིལ་འཁོར་བྱིན་གྱིས་རློབ་པའི་ལེའུ་སྟེ་དང་པོའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་བྱང་ཆུབ་ཀྱི་སེམས་ཀྱི་ལེའུ་སྟེ་གཉིས་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་རྡོ་རྗེ་བཀོད་པའི་ཏིང་ངེ་འཛིན་ཞེས་བྱ་བའི་ལེའུ་སྟེ་གསུམ་པའོ། །དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་དཀྱིལ་འཁོར་གྱི་ལེའུ་སྟེ་བཞི་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་ཀུན་དུ་སྤྱོད་པའི་མཆོག་གི་ལེའུ་སྟེ་ལྔ་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་སྐུ་དང་གསུང་དང་ཐུགས་བྱིན་གྱིས་རློབ་པའི་ལེའུ་སྟེ་དྲུག་པའོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་སྔགས་ཀྱི་སྤྱོད་པ་མཆོག་གི་ལེའུ་སྟེ་བདུན་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་བཤང་གཅིའི་དམ་ཚིག་གི་ལེའུ་སྟེ་བརྒྱད་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས། དོན་དམ་པའི་དག་པ་དེ་ཁོ་ན་ཉིད་ཀྱི་དོན་གྱི་དམ་ཚིག་གི་ལེའུ་སྟེ་དགུ་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་དེ་བཞིན་གཤེགས་པ་ཐམས་ཅད་ཀྱི་ཐུགས་བསྐུལ་བ་ཞེས་བྱ་བའི་ལེའུ་སྟེ་བཅུ་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་དེ་བཞིན་གཤེགས་པ་ཐམས་ཅད་ཀྱི་སྔགས་ཀྱི་དམ་ཚིག་དེ་ཁོ་ན་ཉིད་རིག་པའི་སྐྱེས་བུ་མཆོག་གི་ལེའུ་སྟེ་བཅུ་གཅིག་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་སྦྱོར་བ་དམ་ཚིག་སྒྲུབ་པ་མཆོག་ངེས་པར་བསྟན་པའི་ལེའུ་སྟེ་བཅུ་གཉིས་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་རྡོ་རྗེའི་དམ་ཚིག་བཀོད་པ་དེ་ཁོ་ན་ཉིད་ཀྱི་དོན་སྒོམ་པ་མངོན་པར་རྫོགས་པར་བྱང་ཆུབ་པ་ཞེས་བྱ་བའི་ལེའུ་སྟེ་བཅུ་གསུམ་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་སྐུ་དང་གསུང་དང་ཐུགས་རྨད་དུ་བྱུང་བ་སྔགས་ཀྱིས་འགུགས་པ་རྣམ་པར་སྤྲུལ་པའི་རྒྱལ་པོ་ཞེས་བྱ་བའི་ལེའུ་སྟེ་བཅུ་བཞི་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་སེམས་ཅན་ཐམས་ཅད་ཀྱི་དམ་ཚིག་གི་སྙིང་པོ་རྡོ་རྗེ་འབྱུང་བ་ཞེས་བྱ་བའི་ལེའུ་སྟེ་བཅོ་ལྔ་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་དངོས་གྲུབ་ཐམས་ཅད་ཀྱི་དཀྱིལ་འཁོར་རྡོ་རྗེ་མངོན་པར་རྫོགས་པར་བྱང་ཆུབ་པ་ཞེས་བྱ་བའི་ལེའུ་སྟེ་བཅུ་དྲུག་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་དང་སྡོམ་པ་རྡོ་རྗེའི་བྱིན་གྱི་རླབས་ཀྱི་རྒྱལ་པོ་ཞེས་བྱ་བའི་ལེའུ་སྟེ་བཅུ་བདུན་པའོ། །ཞེས་གསུངས་སོ། །འདི་ལ་ཤོག་ལྡེབ་༡༣༨ཙམ་ཡོད། སྡེ་དགེ་བཀའ་འགྱུར་རྒྱུད་༼ ཅ་པ ༽ཤོག་གྲངས་༩༠ན༡ནས་མཇུག་༡༤༨ན༦ན་རྫོགས་སོ། །པ ༽ཤོག་གྲངས་༩༠ན༡ནས་མཇུག་༡༤༨ན༦ན་རྫོགས་སོ། །)