Search by property

Jump to navigation Jump to search

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

Search by property

A list of all pages that have property "definition" with value "འཛིན་གྱི་མ་འོངས་པ།". Since there have been only a few results, also nearby values are displayed.

Showing below up to 26 results starting with #1.

View (previous 50 | next 50) (20 | 50 | 100 | 250 | 500)

    

List of results

  • Dictionaries/Monlam Grand/58338  + (འཛར་བུའམ་ཚར་ཚར་གྱི་མིང་།)
  • Dictionaries/Monlam Grand/67955  + (འཛི་ཀའི་ལྷ་མོ་དར་ཐང་དང་ཉེ་བའི་ཡུལ་འབའ་མདའ་ … འཛི་ཀའི་ལྷ་མོ་དར་ཐང་དང་ཉེ་བའི་ཡུལ་འབའ་མདའ་ཞེས་པ་ན་ཡབ་དགྲ་བླ་ལྕགས་ལོ་དང་། ཡུམ་སྐྱིད་ཀོ་མ་གཉིས་ཀྱི་སྲས་སུ་ཤིང་ཕོ་འབྲུག་གི་ལོར་ཉིད་སྐུ་འཁྲུངས། དགུང་ལོ་བཅོ་བརྒྱད་སྐོར་དུ་དམ་པ་འདི་ཆོས་གྲྭ་ཆེ་བ་ཁམས་སྡེ་དགེ་ཕྱོགས་སུ་བྱོན་ཏེ། མཁན་ཆེན་དམ་པ་ཨ་དཀོན་སོགས་ཀྱི་མདུན་ནས་ཐུན་མོང་རིག་གནས་ཀྱི་སྐོར་སྣ་ཚོགས་དང་། ཐུན་མིན་མདོ་ཕྱོགས་གཞུང་དཀའ་པོད་ལྔ་ལ་ཐོས་བསམ་གྱིས་སྦྱང་བརྩོན་རྒྱ་ཆེར་མཛད། དགུང་ལོ་ཉེར་གཅིག་སྐོར་དུ་འཛམ་ཐང་ནས་རྡོ་རྗེ་འཆང་ངག་དབང་ཆོས་འཕེལ་རྒྱ་མཚོའི་སྐུ་དྲུང་ནས་ཟབ་ཆོས་ཀྱི་སྒོ་རྡོ་རྗེ་འཆང་དབང༌། རྡོར་སེམས་བཟླས་ལུང༌། སོགས་ཆོས་བཀའ་ཅི་རིགས་དང་། འཛམ་ཐང་གཙང་ཆེན་ཕོ་བྲང་དུ་ངག་དབང་ཆོས་ཀྱི་འཕགས་པའི་ཞལ་སྔ་ནས། དཔལ་དུས་ཀྱི་འཁོར་ལོའི་བསྐྱེད་རྫོགས་ཀྱི་ཟབ་ཁྲིད་མཐོང་བ་དོན་ལྡན་གྱི་ཁྲིད་ཡིག་རྩ་བ་དང༌། ལྷན་ཐབས་འོད་བརྒྱ་འབར་བ། ཕྱོགས་རྒྱལ་གྱི་སྦྱོར་དྲུག་ཐོག་མཐའ་བར་དགེ ལོ་ཆེན་རཏྣ་བྷ་དྲའི་སྦྱོར་དྲུག སྦྱོར་དྲུག་གི་འཁྲུལ་འཁོར་ལག་ལེན་སོགས་ཆ་ལག་ཡོངས་སུ་རྫོགས་པ་དང༌། ཤངས་ཆོས་སྐོར། བདེ་མཆོག་ལྷ་ལྔའི་བསྐྱེད་རིམ། དེའི་རྫོགས་རིམ་ནཻ་གུའི་ཆོས་དྲུག་ཡོངས་རྫོགས་ཀྱི་ཟབ་ཁྲིད་ས་བཅད་ལག་ལེན་བཅས་ཆ་ཚང༌བ། ཀུན་མཁྱེན་ཇོ་ནང་པ་ཡབ་སྲས་བརྒྱུད་འཛིན་དང་བཅས་པའི་བཀའ་ཐ་མ་ཕྱིར་མི་ལྡོག་པ་ངེས་དོན་དབུ་མ་ཆེན་མོའི་རང་ལུགས་ལས་བརྩམས་ཏེ་མདོ་ཕྱོགས་ལམ་རིམ་རྒྱས་འགྲེལ་ཆེན་མོ་དང་སྔགས་ཕྱོགས་རྒྱུད་སྡེ་སྤྱིའི་དབང་ཆོག་རྡོ་རྗེ་ཕྲེང་བ། བདེ་མཆོག་རབ་འབྱམས། དུས་འཁོར་དབང་ཆེན་སོགས་མདོ་དང་སྔགས་ཀྱི་ཟབ་མོའི་བཀའ་རྒྱ་ཆེར་ལེགས་གསན་མཛད་དོ། །སློབ་ཚོགས་མཐའ་ཡས་པར་མདོ་དང་སྔགས་ཀྱི་ཆོས་ཁྲིད་དུས་ནས་དུས་སུ་གནང་མུས་ལ། དགུང་གྲངས་རེ་གཅིག་སྟེ་རབ་བྱུང་བཅོ་ལྔ་བའི་ནང་ཚན་ཤིང་ཕོ་འབྲུག་གི་ལོའི་ཟླ་བ་བཅུ་པའི་ཚེས་ཉེར་ལྔའི་ཉིན་སྔར་རྒྱུན་དུ་ཉིད་ཀྱི་སྐུ་ཆོས་གོས་རྣམ་གསུམ་རྟག་པར་མནབ་སྲོལ་ཡིན་ན་དེའི་ཉིན་ནངས་སྔ་མོ་ནས་གཟིམས་ཁྲིའི་ནང་གི་མལ་སྟན་སོགས་གཙང་དག་བྱེད་དུ་བཅུག ཁོང་གིས་མནབ་ཤམ་པང་སྟེང་དུ་བཞག་སྟེ་ཚུལ་དེ་ཀའི་ངང་ཉིན་དེར་བཞུགས་མཐར་ནུབ་མོའི་བཟའ་བཏུང་གི་བྱ་བ་ལེགས་པར་མཛད་རྗེས་ཕཊ་སྒྲ་ཆུང་འབྲིང་ཆེ་གསུམ་གྱི་མ་མཐའ་ཧིག་སྒྲ་ཆེས་སངས་མོ་ཞིག་གི་ངང་ནས་གཟུགས་སྐུ་གཡོ་བ་མེད་པར་དགོངས་པ་ཆོས་དབྱིངས་སུ་ལེགས་བཞུགས་མཛད་དོ། །སྦྱོར་དྲུག་ཡིག་དང་། གཞུང་ཆེན་དཀའ་འགྲེལ། རིགས་གནས་སྤྱི་བཤད་སོགས་གསུང་རྩོམ་པོད་བཅུ་ཕྲག་གཉིས་ལ་བཞུགས།ད་སོགས་གསུང་རྩོམ་པོད་བཅུ་ཕྲག་གཉིས་ལ་བཞུགས།)
  • Dictionaries/Monlam Grand/69468  + (འཛི་ཆེན་པོ་ཡོད་པའི་གནག་ཕྱུགས་ཀྱི་མིང་།)
  • Dictionaries/Monlam Grand/14893  + (འཛི་ཡུལ་ཉིན་ཕྱོགས་ཀྱི་སྨད་གྲོང་སྡེ་བྱ་ཡུར་ … འཛི་ཡུལ་ཉིན་ཕྱོགས་ཀྱི་སྨད་གྲོང་སྡེ་བྱ་ཡུར་ཞེས་པར་ཡབ་ཝ་ཤུལ་འབྲུག་སྐྱབས་དང༌། ཡུམ་ཀྱ་བཟའ་པོ་ཀྱ་གཉིས་ཀྱི་སྲས་སུ་ཤིང་ཕག་ལོར་སྐུ་འཁྲུངས། དགུང་ལོ་བཅུ་དགུའི་སྐོར་ནས་བཟུང་ལོ་རེ་བཞིན་ནས་བསྐྱེད་རིམ། འབྱུང་འདུལ། རྟ་མགྲིན། འཇིགས་བྱེད་འབྲུ་མནོན། མི་འཁྲུགས་པ་སོགས་ཀྱི་བསྙེན་སྒྲུབ་ཚད་ལྡན་དང༌། བསྙེན་རྫོགས་ཀྱི་སྡོམ་པའང་ལེགས་མནོས་མཛད་ཅིང༌། གཞན་བསྐྱེད་རིམ་སྣ་ཚོགས་དང་ཤངས་ཆོས་སྐོར་ལའང་ཉམས་ལེན་གནད་སྨིན་གྱིས་རང་དོན་རྟོགས་པ་ཆེས་ཆེར་འཕེལ་བར་བྱས་པ་ནས་དགུང་ལོ་ཉེར་ལྔ་སྐོར་དུ་ལྷ་བཟོ་རྡོ་རྗེ་འཆང་དག་ཞིང་དུ་གཟིགས་ཏེ་ཚོགས་བསགས་ཀྱི་སྒོ་རྒྱ་ཆེར་བགྱིས་ཤིང༌། དེ་ནས་ཀྱང་རིམ་པར་ཁོང་གིས་འཛམ་ཐང་གཙང་བའི་སྒྲུབ་ཁང་དུ་སྦྱོར་དྲུག་ལོ་གཅིག་ཏུ་ཉམས་ལེན་དང༌། སྐྱེས་ཆེན་དམ་པ་གཞན་ཐུབ་བསྟན་དགེ་ལེགས་རྒྱ་མཚོ་དང༌། ཀུན་དགའ་མཁས་གྲུབ་དབང་པོ། ཀུན་དགའ་མཉམ་ཉིད་སོགས་སྐྱེས་ཆེན་དུ་མའི་དྲུང་ནས་ཀྱང་མདོ་སྔགས་ཀྱི་ཆོས་བཀའ་ཟབ་མོ་ཆེས་མང་ལེགས་གསན་མཛད་པས་ཐུགས་མཚོར་ལུང་རྟོགས་ཀྱི་ནོར་བུས་ལེགས་པར་གཏམས་སོ། །དགུང་ལོ་ང་དྲུག་སྟེང་ནས་སྐྱབས་མགོན་སྐུ་ཞི་དབྱིངས་སུ་ཐིམ་པའི་རྐྱེན་གྱིས་ཁོང་གིས་རང་ཡུལ་དགོན་གྱི་ཆོས་གཞི་སྔར་ལྟར་སྐྱོང་བའི་ཐུགས་ཁུར་བཞེས་དགོས་བྱུང་བས་འདི་ནས་བཟུང་དགོན་དེའི་སྦྱོར་དྲུག་པ་དང་བསྐྱེད་རིམ་པ་གང་ཡོད་དག་ཐུགས་སློབ་ཏུ་བྱས་ནས་རང་རང་ལ་གང་འཚམས་ཀྱི་ཆོས་བཀའ་རྗེས་སུ་བཟུང་རིམ། སྦྱོར་དྲུག་ཆོས་ཚན་བླ་མ་བློས་ཕྲིན་སོགས་དང༌། བླ་མ་བློ་གྲོས་བཟང་སོགས། ངག་བློས་སོགས། བླ་རིག་སོགས། ངག་དབང་བཀྲ་ཤིས་སོགས། ཀུན་སྨོན་སོགས། ཀུན་དགའ་བཟང་སོགས། བླ་མ་མཁས་གྲུབ་དཔལ་སོགས། ཡར་ཐང་རྒྱ་སྤྲུལ་སོགས། གང་ཤར་སོགས། ཤེས་རབ་བཟང་སོགས། མཁས་ཚུལ་སོགས། འཇམ་དབྱངས་སོགས། དབྱངས་སྙན་སོགས། བླ་མ་བྱང་བཟང་སོགས། མཁས་དཔལ་སོགས་ཏེ། དེ་འདྲའི་ཆོས་ཚན་སོ་སོ་དང༌། དེ་དག་དང་དུས་མཉམ་པར་ནཻ་གུ་དང༌། བསྐྱེད་རིམ་སྣ་ཚོགས་སོགས་མཚམས་སྒྲུབ་པ་ཚན་སྔ་ཕྱི་མང་པོ་དང༌། ལོ་བསྟར་གྱི་དབྱར་གནས་པ་སོགས་དེ་ཀུན་ལ་རང་འཚམས་ཀྱི་ཆོས་བཀའ་དབང་ལུང་ཟབ་ཁྲིད་ཅི་དགོས་དང་དགེ་ཚུལ་སློང་གི་སྡོམ་པའང་སྔ་ཕྱིར་ལན་དུ་མར་གནང་། མཐར་ལོ་དེའི་ཟླ་བ་བརྒྱད་པའི་ཚེས་ཉི་ཤུའི་དགོང་མོ་ཙམ་ན་ཉིད་སྐུ་སེང་གེ་ཉལ་སྟབས་ཀྱིས་བཞུགས་ཏེ་སྤྱན་གཉིས་ནམ་མཁར་གཟིགས་བཞིན་སྐུ་ཆོས་དབྱིངས་སུ་ཐིམ་ནས་ཐུགས་དམ་ལ་ཞག་དྲུག་ཏུ་བཞུགས་རྗེས་སུ་དཀར་དམར་ཇི་བཞིན་འབབ་པའི་རྟགས་དང་བཅས་ཐུགས་དམ་ལེགས་པར་བཀྲོལ་ཏེ་སློབ་ཚོགས་ཀྱིས་དགོངས་མཆོད་གདུང་རྟེན་སོགས་བསོད་ནམས་ཀྱི་བསགས་སྒོ་རྒྱ་ཆེར་བགྱིས་སོ། །་བསོད་ནམས་ཀྱི་བསགས་སྒོ་རྒྱ་ཆེར་བགྱིས་སོ། །)
  • Dictionaries/Monlam Grand/14876  + (འཛི་ཡུལ་རབ་ཁ་ཞེས་པར་ཡབ་མགོ་ལོག་རྡོ་རྗེ་འབུ … འཛི་ཡུལ་རབ་ཁ་ཞེས་པར་ཡབ་མགོ་ལོག་རྡོ་རྗེ་འབུམ་དང་། ཡུམ་ལྕགས་ཟ་ཀླུ་མོ་རྒྱལ་གཉིས་ཀྱི་སྲས་སུ་ཕྱི་ལོ་ ༡༧༨༨ ས་སྤྲེལ་ལོར་སྐུ་འཁྲུངས། སྐུ་ན་ཕྲ་བའི་སྐབས་སུའང་ཆོས་སྒྲུབ་འདོད་ཆེ་ཞིང་དགུང་ལོ་བཅུ་སྐོར་ཞིག་ཏུ་ལྐོག་བྲོས་ཀྱིས་འཛམ་ཐང་གཙང་ཆེན་སྤྲུལ་སྐུ་དཀོན་མཆོག་འཇིགས་མེད་རྣམ་རྒྱལ་གྱི་དྲུང་དུ་སླེབས་ནས་སྐྱབས་འགྲོ་དང་ཚངས་སྤྱོད་དགེ་བསྙེན་གྱི་སྡོམ་པ་ཞུས་ཏེ་མཚན་ལ་ངག་དབང་ཆོས་འཕེལ་རྒྱ་མཚོ་ཞེས་གསོལ། དེ་ནས་བཟུང་གཙང་བ་ཉིད་བླ་མར་བསྟེན་ནས་དུས་འཁོར་དབང་མོ་ཆེ་ཡོངས་རྫོགས། རྒྱུད་སྡེའི་བཤད་ཁྲིད་ཟབ་ཁྱད་ཅན་དུ་མ་ཞུས་ལ། སྐུ་དབོན་ལྷུན་གྲུབ་རྒྱ་མཚོའི་དྲུང་ནས་སྦྱོང་རྒྱུད་དང་། རྒྱུད་སྡེ་ལྔ་པ། དུས་འཁོར་དབང་དང་མགོན་པོའི་རྗེས་གནང་དེའི་མན་ངག་པོ་ཏི་མེ་འབར་གྱི་ལུང་བཅས་གསན། དགུང་ལོ་ཉེར་གཉིས་སྐོར་ལྷ་ཚེ་བླ་མ་ངག་དབང་རྒྱལ་མཚན་གྱི་མདུན་ནས་སྦྱོར་དྲུག་གི་ཟབ་ཁྲིད་ཞུས། གཞན་ཡང་དབོན་སངས་རྒྱས་རྒྱ་མཚོ། ཡོངས་འཛིན་དྲི་མེད་ཟུང་། རྫོགས་ཆེན་པདྨ་ཀློང་གྲོལ། བོ་ཆུང་མཚན་བཟང་། ཀླུ་སྒྲུབ་པ། ཀརྨ་དྲི་མེད་སོགས་རིས་མེད་ཆོས་བརྒྱུད་ཀྱི་བཤེས་གཉེན་ལ་བསྟེན་ཏེ་ཆོས་གསན་མཛད། སློབ་དཔོན་གང་ཉིད་སྐབས་འགར་མ་གཏོགས་གཙང་བ་སྐུ་ཕྲེང་གསུམ་པའི་སྐུ་ཞོགས་སུ་རྒྱུན་འབྲང་གིས་ཞབས་ཕྱི་གནང་ཞིང་། དགུང་ལོ་ལྔ་བཅུའི་སྟེང་ཙམ་ན་གཙང་ཆེན་བླ་མ་ཉིད་ཀྱི་རྒྱལ་ཚབ་ཏུ་མངའ་གསོལ་མཛད་ནས་ཁོང་ཉིད་དགོངས་པ་རྫོགས་རྗེས་ལོ་གསུམ་ལ་ནེེ་གུའི་ཟབ་ལམ་ཉམས་བཞེས་དང་བཅས་དེ་ནས་རིམ་པར་གཙང་བའི་གདན་ས་ལེགས་པར་བསྐྱངས་གནང་མཛད། བར་སྐབས་འདུས་པ་ཆེས་མང་པོ་ལ་མི་འཁྲུགས་པ་སོགས་ཀྱི་ཁྲོམ་དབང་མཛད་སྐབས་དབང་ཉན་པ་ཞ་བོ་དང་། ལོང་བ། སྒུར་བོ་སོགས་གདོན་ནད་ཅན་སོགས་རང་རང་ཉེར་འཚེ་མི་འདོད་པ་ལས་ཐར་བ་བསྙོན་མེད་བྱུང་། རྔ་ཡུལ་ཕྱོགས་ཀྱི་ཇོ་ནང་ས་སྐྱ་དགེ་ལུགས་སོགས་མ་ཟད་བོན་པོ་ཚུན་གྱི་ཆོས་སྡེ་ནས་འོང་བའི་འདུས་པ་སྟོང་ཕྲག་བདུན་ལྷག་ལ་ཐམས་ཅད་རིག་པ་དང་། ཚེ་ཆོག་སོགས་ཀྱི་དབང་བཀའ་བསྐུར་གནང་། སློབ་དཔོན་གང་ཉིད་ཨ་སྐྱོང་གོང་མས་གདན་དྲངས་ཏེ་དོམ་ཚ་བླ་མ་རིག་འཛིན་སོགས་འདུས་སྡེ་མང་པོ་ལ་དུས་འཁོར་དབང་ཆེན་སོགས་ཟབ་བཀའ་རེ་འདོད་བཞིན་དུ་ཚིམ་པར་མཛད། མཐར་ཕྱི་ལོ་ ༡༨༦༥ ཤིང་མོ་གླང་གི་ལོར་དགོངས་པ་རྫོགས། ཁོང་གི་ཐུགས་སློབ་ཀྱི་གཙོ་བོ་ཝ་འབྲོ་མགོའི་བླ་མ་ངག་དབང་ཆོས་འཕགས་རྒྱ་མཚོ་དང་། ལྷ་བ་བླ་མ་ཀུན་དགའ་དཔལ་ལྡན། ལྷ་བཟོ་བླ་མ་ངག་དབང་ཆོས་འཛིན། ཁྱི་ལོ་མའི་བླ་མ་ངག་དབང་ཆོས་འབྱོར། ཨ་སྐྱོང་རྒྱ་བླ་མ་ངག་དབང་དཀོན་མཆོག་སོགས་རང་ལུགས་ཀྱི་གསང་ཆེན་རྡོ་རྗེ་འཛིན་པ་དུ་མ་དང་། རྫོགས་ཆེན་དཔལ་སྤྲུལ། གཞི་ཎེན་བེེ་རོ། གུ་རུ་རྡོ་རྗེ། དཔལ་ཆེན་རྡོ་རྗེ་སོགས་སྔགས་རྙིང་ཕྱོགས་ཀྱི་སྐྱེས་ཆེན་མང་པོ་དང་། འཇམ་མགོན་ཀོང་སྤྲུལ། བླ་མ་དམ་པ་ནོར་བཟང་སོགས་རིས་མེད་བསྟན་པའི་མངའ་བདག་ཕྱོགས་ཀྱི་ཐུགས་སྲས་མང་པོ་བྱོན་ཡོད།མངའ་བདག་ཕྱོགས་ཀྱི་ཐུགས་སྲས་མང་པོ་བྱོན་ཡོད།)
  • Dictionaries/Monlam Grand/14869  + (འཛི་ཡུལ་སྨད་ཀྱི་ཆར་གཏོགས་པ་མུ་མདའི་ཞེས་པའི … འཛི་ཡུལ་སྨད་ཀྱི་ཆར་གཏོགས་པ་མུ་མདའི་ཞེས་པའི་ཡུལ་གྲོང་དེར་ཡབ་རིག་མཆོག་དང་ཡུམ་བསོ་སྐྱིད་གཉིས་ཀྱི་སྲས་སུ་ཤིང་ཕོ་རྟ་ལ་སྐུ་འཁྲུངས། འཛམ་ངོས་རྡོ་རྗེ་འཆང་ཀུན་དགའ་ངག་གི་དབང་པོ་དང༌། གཙང་བའི་རྡོ་རྗེ་སློབ་དཔོན་ངག་དབང་བསྟན་པ་གསལ་བྱེད། དེ་རྗེས་མི་རིང་བར་སྔགས་པ་རྡོ་རྗེ་འཆང་དང་། མཁས་དབང་ཚོགས་གཉིས་རྒྱ་མཚོ། ཀུན་དགའ་མཁས་གྲུབ་དབང་ཕྱུག ས་དམར་བླ་མ་སྙན་གྲགས། བླ་མ་བསྟན་པ་རབ་རྒྱས། ཨ་མགོན་བླ་མ་སོགས་ཀྱི་དྲུང་ནས་སྦྱོར་དྲུག་ཐེངས་གཉིས་དང་། འབྱུང་འདུལ། རྟ་མགྲིན། འཇིགས་བྱེད་འབྲུ་ནོན། སྙན་བརྒྱུད་གཉིས་དང༌། ཨུཥྞི་ཥ་རྭ་ལུགས། གཅོད་ཚོགས་རིན་ཆེན་ཕྲེང་བ། པ་པཾ་ཚོགས་བརྒྱ། དུས་འཁོར་ལྷ་དགུ། མགོན་པོ་བྲག་རྫོང་མ། རྡོ་རྗེ་ཤུགས། དུས་འཁོར་ཡོངས་རྫོགས་རྒྱས་པའི་བསྙེན་སྒྲུབ་སོགས་ལེགས་པར་གསན་བཞེས་གནང་། ཀུན་མཁྱེན་དོལ་པོའི་བཀའ་པོད་ཆ་ཚང་གི་བཀླག་ལུང༌། དུས་འཁོར་དབང་ཆེན། ནཻ་གུ་བཀའ་ཕྱི་ནང་ཡོངས་རྫོགས། རྡོ་རྗེ་ཕྲེང་བ་ཆ་ཚང༌། སྦྱོང་རྒྱུད་བཅུ་གཉིས། གཅོད་དབང་ནམ་མཁའ་སྒོ་འབྱེད་སོགས་མདོ་སྔགས་རིགས་གནས་དང་བཅས་པར་གསན་བསམ་མ་བྱས་པ་གཅིག་ཀྱང་མེད་པ་ལྟ་བུ་གནང་། དགུང་ལོ་ང་བདུན་ནས་ང་དགུའི་སྟེང་ཚུན་ལ་ཇོ་ནང་བྱ་ཡུར་དགོན་གྱི་རྡོ་རྗེ་སློབ་དཔོན་ངག་དབང་བསྟན་པ་རབ་རྒྱས་གང་གི་བཀའ་ལུང་བཞིན་དགོན་དེའི་སྒྲུབ་སྡེ་བ་དག་ལ་ཆོས་ཁྲིད་མཛད་པའི་ཐུགས་ཁུར་ལེགས་བཞེས་ཀྱི་ངོས་ནས་བཞུགས་ཏེ། དགོན་དེའི་ཐུན་པ་ཆོས་ཚན་གང་ཡོད་རྣམས་དང༌། གཞན་བསྐྱེད་རིམ་པ་ཅི་ཡོད་ཐམས་ཅད་ཟབ་ཁྲིད་གང་དགོས་ཀྱིས་ལེགས་བསྐྱང་མཛད། དམ་པ་འདི་ཉིད་གྲུབ་ཆེན་ཐང་སྟོང་རྒྱལ་པོའི་སྤྲུལ་པར་ལུང་གིས་བསྔགས་ཤིང༌། སྔོན་སྐུ་ན་གཞོན་དུས་ཤིག་མི་ཁྱིམ་དུ་སྲུང་རིམ་ལ་བཞུགས་དུས་ཁྱིམ་དེའི་སྟེང་དུ་འཇའ་གུར་གྱི་ནང་ལ་རྒྱ་གར་གྱི་གྲུབ་ཐོབ་ཅིག་གི་རྣམ་པ་བཞུགས་ཚུལ་འགའི་མཐོང་སྣང་ལ་གསལ་བོར་ཤར། ཁོང་ཉིད་དགུང་གྲངས་ལྔ་བཅུ་ང་དགུ་ཆུ་འབྲུག་གི་ལོ་འདིར་སྐུ་ཁམས་ཅུང་ཟད་མ་སྙོམ་པའི་སྟབས་ཀྱིས་ར་ཤུག་རི་ཁྲོད་དུ་ཕེབས་ནས་དེར་རེ་ཞིག་གི་བར་བཞུགས་གནས་མཛད་ཅིང་རེ་ཞིག་གདུལ་བྱ་རྫོགས་ཚུལ་གྱིས་ལོ་དེའི་ཟླ་བ་ལྔ་པའི་ཚེས་བཅུའི་ཉིན་གྱི་མཚན་མོར་སྐུ་གན་རྐྱལ་དུ་གཟིམས་ཏེ་ཞབས་སེམས་སྐྱིལ་གྱི་རྣམ་པ་དང་བཅས་ཕྱག་གཉིས་ཁུ་ཚུར་རྡོ་རྗེ་བསྡམ་པ་ཐུགས་ཀར་བསྣོལ་བཞིན་སྐུ་གཤེགས་པའི་ཚུལ་མཛད་དེ་ཞག་གསུམ་ཙམ་ལ་ཐུགས་དམ་དུ་བཞུགས་སོ། །མཛད་དེ་ཞག་གསུམ་ཙམ་ལ་ཐུགས་དམ་དུ་བཞུགས་སོ། །)
  • Dictionaries/Monlam Grand/69481  + (འཛི་སྒར་དང་པོ་མཁས་གྲུབ་བསོད་ནམས་རྒྱ་མཚོ་མཆ … འཛི་སྒར་དང་པོ་མཁས་གྲུབ་བསོད་ནམས་རྒྱ་མཚོ་མཆོག་ནི། མདོ་སྟོད་ལྷོ་ཚ་བ་སྒང་དུ། ཡུམ་ཁྲོམ་བཟའ་མེ་ཏོག་མ་ཞེས་པའི་སྲས་སུ། རབ་བྱུང་བཅུ་པའི་ས་སྤྲེལ་ ༡༦༠༨ ལོར་འཁྲུངས། སྐུ་ན་ཤིན་ཏུ་ཕྲ་བའི་དུས་ནས། ས་སྐྱ་བོ་ལུང་པ་ཤར་བསྟན་ཞིག་ལ། དགོན་པ་ཡོད་པ་རྗེས་སུ་དྲན། རྗེ་རྒོད་ཚང་པའི་སྐྱེ་བར་ཞལ་གྱིས་བཞེས། བཅུ་གསུམ་པར། ཁམས་གྲུབ་དབང་ཀརྨ་བསྟན་འཕེལ། ཟླུམ་པོ་ཐང་དུ་ཅོག་སྒར་གྱི་དབུས་སུ་མཇལ་བས། མི་ཕྱེད་པའི་དད་པ་ཐོབ། གཞུང་ཤོད་བྱང་རར་ཡོངས་རྫོགས་དགེ་བསྙེན་གྱི་སྡོམ་པ་གནང་སྟེ། མཚན་བསོད་ནམས་རྒྱ་མཚོར་བཏགས། དབང་ཆོས་བུམ་པ་གང་བྱོ་གནང་བས། ཉམས་རྟོགས་ཁྱད་པར་ཅན་འཁྲུངས། བཅུ་དགུ་ཙམ་ལ་ལྷོ་སྟོད་ལྕང་ར་དཔལ་འབར་དུ། ཀུན་མཁྱེན་གྱི་དངོས་སློབ། རྗེ་ལོ་ཙཱ་བ་སངས་རྒྱས་དཔལ་བཟང་གི་མདུན་ནས། སྒྲ་ཀ་ཙན་ནས་བཟུང་ཐུན་མོང་གི་རིག་གནས་ཀུན་དང༌། ཐུན་མིན་སྡེ་སྣོད་གསུམ་དང་རྒྱུད་སྡེ་བཞིའི་དགོངས་འགྲེལ་དང་ནཱ་རོའི་བསྲེ་འཕོ། སྙན་རྒྱུད་ནོར་བུ་སྐོར་གསུམ་སོགས་ཁྲིད་ཆེན་ཕལ་མོ་ཆེ་རྣམས་གསན། ཀུན་མཁྱེན་གྱི་དཀྱིལ་ཆོག་ཉི་ཤུ་རྩ་གཅིག་གི་ཕྱག་ལེན་ཞལ་ཤེས་དང་བཅས་པ་བསླབས་ཏེ། མདོ་རྒྱུད་རིག་གནས་ཀུན་ལ་མཁས་པའི་ཕུལ་དུ་ཕྱིན། སླར་ཁམས་ཀརྨ་བསྟན་འཕེལ་གྱི་དྲུང་དུ་བྱོན། ཁྱོད་ཐ་སྙད་བསླབ་སྦྱང་ལ་ཡེངས་ནས། དགེ་སྦྱོར་བསྐྱུར་འདུག་ན། འོ་སྐོལ་གཉིས་ཁ་མཆུ་ལ་འགྲིག་ཐབས་མེད་པ་ཡོང༌། གཞན་རྟེན་འབྲེལ་འགྲིགས་བྱུང་གསུངས་པར། རྟོགས་འབུལ་མཛད་པས། དགེ་སྦྱོར་ལ་འཕེལ་བསྐྱེད་བྱུང་འདུག་གསུང་ནས་ཤིན་ཏུ་མཉེས། ཁོ་བོར་དབང་བའི་ཆོས་ཀྱི་བདག་པོ་ཁྱོད་ཡིན་གསུང་ནས། གཟེངས་བསྟོད་མཛད། བྱམས་མདུན་དགོན་གསར་དུ། སློབ་དཔོན་ལོ་གསུམ་ཙམ་བཞུགས། བེ་རྒྱལ་གྱི་འཚེ་བ་ཆེ་གཤིས། སྟོད་ཕྱོགས་སུ་ཕེབས་ནས་སྒྲུབ་པ་གཙོར་འདོན་མཛད་ཅིང་བཞུགས། རྨི་ལམ་དུ་བླ་མ་གཤེགས་པ་གཟིགས་པས། ཐུགས་ཡུས་ཀྱིས་བརྒྱལ་བ་ཙམ་བྱུང༌། རབ་བྱུང་བཅུ་གཅིག་པའི་མེ་ཁྱི་ ༡༦༤༦ ལོར་ཚོགས་བརྒྱའི་དགོན་པ་བཏབ། ཁམས་སྤྲུལ་ཡང་སྲིད་བརྩལ་འདོན་གནང་ནས། དབུས་སུ་སྤྱན་དྲངས། སླར་ཁམས་སུ་ཕེབས། རྒྱ་སྟོན་བསོད་ནམས་རིན་ཆེན། མགར་སྤྲུལ་སྐུ་བསྟན་འཛིན། སྒམ་པོ་བ་བཟང་པོ་རྡོ་རྗེ། སྟག་ལུང་བཀྲ་ཤིས་དཔལ་གྲུབ། ནང་སོ་དཀོན་མཆོག་རྒྱལ་པོ། རིག་འཛིན་འཇའ་ཚོན་སྙིང་པོ་སོགས་ལ་ཆོས་འབྲེལ་གསན། གསུང་རྩོམ། རང་རྣམ་ཚིགས་སུ་བཅད་པ་ཐར་པ་དང་ཐམས་ཅད་མཁྱེན་པའི་འཇུག་ངོགས། ཕྱག་ཆེན་རྣལ་འབྱོར་བཞིའི་ངེས་དོན་ཟིལ་དངར་རྒྱས་བྱེད། ཕྱག་ཆེན་སྔོན་དངོས་ཀྱི་ཁྲིད་རིམ་དེ་ཁོ་ན་ཉིད་ཀྱི་ཐེམ་སྐས་བཅས་པོད་གཅིག་ཙམ་ཡོད། རེ་གཉིས་པ་ས་བྱ་ ༡༦༦༩ ལོ་གསར་གྱི་ཚེས་ལྔ་ལ་སྐུ་གཤེགས་ཚུལ་བསྟན་ཏོ། །སྐུ་གདུང་ལ་ལྷ་སྐུ་རིང་བསྲེལ་སོགས་ངོ་མཚར་བ་བྱུང༌། སློབ་མ་ཡང༌། རྒྱ་མཚོ་རྣམ་ལྔའམ་མཚོ་ལྔ་པ་དང་། གཞན་ཡང་ཁམས་སྤྲུལ་གཉིས་པ་ཀུན་དགའ་བསྟན་འཕེལ། བླ་མ་ཀརྨ་རྒྱ་མཚོ། སྤྲུལ་སྐུ་མེ་འབར་རྡོ་རྗེ། ཨ་མཁར་སྤྲུལ་སྐུ་མི་ཕམ་ཀརྨ་ཕྲིན་ལས། འཁྲུལ་ཞིག་ཕྲིན་ལས་རྒྱ་མཚོའི་དབོན་ཕྲིན་ལས་རིན་ཆེན། སྟོང་ནག་དབོན་པོ་སོགས་ཁམས་འབྲུག་ཕལ་ཆེར་གྱི་དབུ་བླར་འཛིན་པ་བྱུང་ངོ་། །བྲུག་ཕལ་ཆེར་གྱི་དབུ་བླར་འཛིན་པ་བྱུང་ངོ་། །)
  • Dictionaries/Monlam Grand/69485  + (འཛི་སྒར་བཞི་པ་རིག་འཛིན་རྡོ་རྗེ་དྲག་པོའམ་ཀར … འཛི་སྒར་བཞི་པ་རིག་འཛིན་རྡོ་རྗེ་དྲག་པོའམ་ཀརྨ་ཕྲིན་ལས་རྣམ་རྒྱལ་མཆོག་ནི། སྒ་བེ་རི་ཞེས་པར། དཔོན་ཇོ་བོ་འབུམ་གྱི་སྲས་སུ་རབ་བྱུང་བཅུ་གཉིས་པའི་ལྕགས་སྤྲེལ་ ༡༧༤༠ ལོར་འཁྲུངས། སྨྲ་མཁྱེན་ཙམ་ནས་ང་འབྲུག་པ་བསོད་ནམས་རྒྱ་མཚོ་ཡིན་ཞེས་སྔོན་གནས་རྗེས་དྲན་དུ་མ་གསུང༌། དཀར་བརྒྱུད་ཕྲིན་ལས་ཤིང་རྟ་དང༌། ཀཿཐོག་རིག་འཛིན་ཆེན་པོ་དགོངས་མཐུན་གྱིས་གོང་མའི་སྐུ་སྐྱེ་འཁྲུལ་མེད་དུ་ལུང་བསྟན། མཚན་མི་ཕམ་ཕྲིན་ལས་རྒྱ་མཚོར་གསོལ། དགུང་ལོ་བརྒྱད་ལ་ཁྲིར་མངའ་གསོལ་ཞུས། བཅུ་གསུམ་ལ་དབུས་སུ་འབྲུག་ཐམས་ཅད་མཁྱེན་པའི་ཞལ་སྔ་ནས་སྨིན་གྲོལ་གྱི་རིམ་པ་གསན་བཞེས་དང༌། ཁྲོ་ཕུ་མཁན་ཆེན་ཤེས་རབ་རྒྱ་མཚོའི་མདུན་ནས་རིག་གནས་ལ་སྦྱངས། བཅོ་ལྔ་ལ་ཙ་རི་ཏྲར་སྐུ་མཚམས་ཀྱི་དུས་སུ་མཚན་ལྟས་དང་ལུང་བསྟན་མང་དུ་བྱུང་། བཅོ་བརྒྱད་ལ་དགོངས་གཏེར་སེང་གེ་སྒྲའི་ཆར་ཆོག་གཏན་ལ་ཕབ། ཉེར་གསུམ་ལ་དཔལ་སྤུངས་སུ་བྱོན། རྗེ་རིག་འཛིན་རྟ་མགྲིན་མགོན་པོའི་ཞལ་ཐོག་མར་མཇལ། རཏྣ་གླིང་ཕུར་པ་ཡང་གསང་བླ་མེད་ཀྱི་དབང་ལུང་གསན། གསང་མཚན་རྡོ་རྗེ་དྲག་པོ་ཕྲིན་ལས་འདུས་པ་ལས་རབ་བདེ་བ་རྩལ་ཞེས་གསོལ། སྨིན་གྲོལ་དཔག་ཏུ་མེད་པ་ཞུས། སི་ཏུ་པཎ་ཆེན་ཆོས་ཀྱི་འབྱུང་གནས་ལས་དགེ་ཚུལ་སློང་བསྒྲུབས། མཚན་ཀརྨ་བཀའ་བརྒྱུད་ཕྲིན་ལས་རྣམ་རྒྱལ་རྒྱས་པའི་སྡེ་ཞེས་གསོལ། མདོ་རྒྱུད་རིག་གནས་དང་བཅས་པའི་བཀའ་དྲིན་བསྐྱངས། གུ་རུ་པདྨ་ཀཱ་རས་རྗེས་སུ་བཟུང་ནས་མཁྱེན་བརྩེ་ནུས་གསུམ་ལ་དབང་ཐོབ། མཐུ་སྟོབས་ཆེ་བས་གདུག་འདྲེ་མ་རུངས་པ་དམ་ལ་བཞག་ཅིང༌། སྤྲིངས་ཡིག་ཙམ་གྱིས་ཀྱང་ཞི་བ་དང་སྲུང་བའི་ལས་གྲུབ། གཏེར་ཆེན་བརྒྱ་རྩའི་ཡ་གྱལ་དུ་གྲགས། འབྲུག་ཆེན་བརྒྱད་པ་ལས་ཀྱང་སྨིན་གྲོལ་དུ་མ་དང་། ཀརྨ་པ་བདུད་འདུལ་རྡོ་རྗེ་དང་ཞྭ་དམར་བཅུ་པར་ཕན་ཚུན་དབང་ལུང་གསན་བཞེས་མཛད། ང་བརྒྱད་པ་མེ་སྦྲུལ་ ༡༧༩༧ ལོར་གཤེགས་སོ། །སློབ་མའི་གཙོ་བོ་ནི། སྲས་ཀྱི་ཐུ་བོ་ཉི་མའི་དཀྱིལ་འཁོར་ལྟ་བུ་གཉིས། ཉེ་སྲས་ཉ་རྒྱས་ཟླ་བ་ལྟ་བུ་གསུམ། མཆོག་སྤྲུལ་སྐར་ཆེན་ལྟ་བུ་ལྔ། ལྷུན་པོའི་ལྕོག་ལྟ་བུ་བཞི། དཔག་བསམ་ལྗོན་པ་ལྟ་བུ་གསུམ། སེང་ཆེན་ལྟ་བུ་བཅུ། དེད་དཔོན་ལྟ་བུ་བདུན། རྟ་མཆོག་བ་ལ་ཧ་ལྟ་བུ་གསུམ། གཞན་ཡང་འབྲུག་པ་ཆོས་ལུ་སྤྲུལ་སྐུ། ལོ་རི་སྤྲུལ་སྐུ། གྲུ་གུ་ཆོས་རྒྱལ་སྤྲུལ་སྐུ། ཁྲ་ལེབ་ཉི་མ་འགྱུར་མེད་ཀྱི་སྤྲུལ་སྐུ་ཕྲིན་ལས་ཉི་མ། མཉན་པ་སྤྲུལ་སྐུ། བྱ་བཏང་དཀོན་མཆོག་བསྟན་སྲུང༌། རབ་འབྱམས་པ་ཚེ་དབང་ཀུན་ཁྱབ་སོགས་སྐྱེས་ཆེན་རྣམས་དང༌། ལ་དྭགས་རྗེ་བཙུན་མ། རི་བོ་ཆེའི་ཇོ་མོ་ཀུན་བཟང་སྒྲོལ་མ། རྗེ་ཉིད་ཀྱི་སྣག་དབོན་མ་པདྨ་ས་ག་ར། མ་ཧཱ་སུ་ཁ་ཏཱ་རེ་སོགས་དང་། བཀའ་བློན་ཆེན་པོ་ཕ་ཇོ་ལྷ་ཁང་པ། སྡེ་དགེ་གཉེར་ཆེན་སྟག་རྒྱལ། ལྷ་སྲས་དཔལ་སྐྱོང་རྣམ་རྒྱལ། དགེ་རྒྱས་དཔོན་ཁག གོ་འཇོའི་དཔོན་ཁག་སོགས་དེ་དུས་ཀྱི་ཀར་འབྲུག་རྙིང་གསུམ་གྱི་བླ་སྤྲུལ་དང་མི་ཆེན་ཕལ་མོ་ཆེ་རྗེ་འདི་དང་ཆོས་འབྲེལ་བའི་སློབ་རིགས་སུ་གྱུར་པར་གསུངས་སོ། །འབྲེལ་བའི་སློབ་རིགས་སུ་གྱུར་པར་གསུངས་སོ། །)
  • Dictionaries/Monlam Grand/69486  + (འཛི་སྒར་བརྒྱད་པ་རིག་འཛིན་ཌོམྦྷི་ལྷ་མཆོག་རྡ … འཛི་སྒར་བརྒྱད་པ་རིག་འཛིན་ཌོམྦྷི་ལྷ་མཆོག་རྡོ་རྗེ་མཆོག་ནི། ཁམས་ལྷ་ཐོག་ཏུ་རྒྱལ་པོའི་བློན་པོར་གཏོགས་པའི་ཐ་ག་ཚང་ཞེས་པར། ཡབ་དགེ་ལེགས་དང༌། ཡུམ་ནོར་བུ་སྒྲོལ་མའི་སྲས་སུ་རབ་བྱུང་བཅུ་དྲུག་པའི་ས་སྟག་ ༡༩༣༨ ལོར་སྐུ་འཁྲུངས། ཀརྨ་པ་རིག་པའི་རྡོ་རྗེ་དང༌། དྲུང་རམ་རྒྱལ་སྤྲུལ་ཟུང་ནས། རྡོ་རྗེ་དྲག་པོའི་ཡང་སྤྲུལ་དུ་ལུང་བསྟན་ཏེ། གདན་ས་འཛི་སྒར་དུ་ཁྲི་གསོལ་ཞུས། ཡོངས་འཛིན་དུ་ཆོས་འཛིན་སྤྲུལ་སྐུ་བསྐོས་ནས་དགུང་ལོ་དྲུག་བདུན་བར་སློབ་གཉེར་གནང༌། དགུང་ལོ་བདུན་དང་བཅུ་གཉིས་ལ། དྲུང་རམ་རྒྱལ་སྤྲུལ་མདུན་ནས། གཏེར་མཛོད་དང་བཀའ་མཛོད་ཀྱི་དབང་ལུང་རྣམས་གསན། སི་ཏུ་པདྨ་དབང་མཆོག ཉག་བླ་བྱང་ཆུབ་རྡོ་རྗེ་སོགས་བླ་མ་མང་པོ་བསྟེན། ལྡེམ་ཆེན་གཡུ་རུའི་སྒྲུབ་སྡེ་སོགས་སུ། བཅད་རྒྱར་ཡུན་རིང་བཞུགས་པས། གུ་རུ་དངོས་སུ་བྱོན་ཏེ། གསང་མཚན་རིག་འཛིན་ཌོམྦྷི་ལྷ་མཆོག་རྡོ་རྗེ་བདེ་ཆེན་འདུས་པ་རྩལ་ཞེས་གསོལ། བཅོ་བརྒྱད་ལ་གཙང་གཤིས་རྡོ་རྗེ་གྲོ་ལོད་དུ། འཕགས་ཡུལ་རིག་འཛིན་རྣམ་དགུའི་ཆོས་སྨན་གཏེར་དུ་བཏོན་པས། སྨན་དྲིས་ཕྱོགས་ཀུན་ཁྱབ་པ་བྱུང༌། འགོར་རྒྱལ་དཔལ་འཛོང་དབང་ཕུག་ནམ་མཁའ་རྫོང་དུ་བཞུགས་ནས་རྟོགས་པའི་གདེང་བརྙེས། གནས་འདི་གུ་རུའི་གནས་ཆེན་བརྒྱ་རྩའི་གཙོ་བོ། སྒྲུབ་གནས་ཉེར་ལྔའི་མཆོག་གྱུར་ཡིན་ཚུལ་གྱི་གནས་ཡིག་རྒྱས་པར་མཛད། ཉེར་གཅིག་ལ་གོ་འཇོ་སྟག་གཡག་རི་ཁྲོད་རྟེན་བརྟེན་པར་བཅས་གསར་དུ་བཞེངས་ནས། གོ་འཇོ་སྡེ་ཡུལ་སྟོད་སྨད་དུ་མར། དབང་ཆོས་ཟབ་མོས་རེ་འདོད་བསྐངས། རིས་མེད་ཀྱི་རྗེ་བཙུན་གོང་མ་དུ་མས་ཞལ་གཟིགས་ཤིང་། མགོན་ལྷ་ཇག་གསུམ་སོགས། ཆོས་སྐྱོང་རྣམས་ཀྱིས་ཕྲིན་ལས་སྒྲུབ་པར་ཁས་བླངས། ནག་ཕྱོགས་གདུག་འདྲེ། འབྲོང་པ་བན་ཐུང་མ་དང་། རྒྱལ་པོ་ཤུགས་ལྡན་སོགས། འབྱུང་པོའི་ཚོགས་རྣམས། ལྷ་སྔགས་ནུས་པ་ཆེན་པོས་ཟིལ་འོག་ཏུ་མནན། མཁྱེན་རབ་ཆེ་བས། སྡེ་དགེའི་རྒྱལ་བློན་སོགས་ཆེ་དགུ་ཀུན་གྱིས་བཏུད། མཐར་ཉེར་གཉིས་པ་ས་ཕག་ ༡༩༥༩ ལོའི་དབྱར་ཀ་ལ། མདོ་སྟོད་རག་ཤུལ་ཕྱོགས། འབེ་ར་ཆེན་སྒང་ཞེས་པར་རྒྱ་དམར་གྱི་དྲག་པོའི་མཚོན་འོག་ཏུ་སྐུ་སྲོག་ཤོར། དགོངས་གཏེར་སྐོར་བཅས་གསུང་འབུམ་པོད་འགའ་ཞིག་བཞུགས། སློབ་མ་ཡང༌། སྨར་ཁམས་གཙང་གཤིས་ནས་བླ་མ་བསྟན་བཟང་དང་རྒྱལ་སྲས་སྤྲུལ་སྐུ། བསམ་འགྲུབ་གཞུང་ནས་ཀར་བཀྲ་བླ་མ། བྲག་གཡབ་མཁན་ཆེན་བློ་གྲོས། སྟག་གཟིག་རྫོང་རྩ་ནས་རེ་ཁེ་མཁན་པོ། རྫ་རྒྱུད་ནས་སཱཙྪ་སྒྲུབ་རྒན། པད་སྙིང་མཆོག་སྤྲུལ། གནས་མདོ་རྟ་པ་ཆོས་རྒྱལ། གནས་ཀེ་བླ་མ་ཡེ་ཤེས་རང་གྲོལ། ཨ་མདོ་བླ་མ་སོགས་དང༌། འཛི་སྒར་རང་དུ་ལྕི་སྤྲུལ་སྐུ་ཕྲེང་བཞི་པ། ཐུགས་སྲས་ངག་དབང་འགྱུར་མེད། ཆོས་སྐྱོང་དཔལ་སྤྲུལ་སྐུ་ཕྲེང་དྲུག་པ། རྒྱལ་སྲས་པདྨ་དབང་དྲག་སྐུ་ཕྲེང་གསུམ་པ། རོལ་མོ་སྤྲུལ་སྐུ་རྡོར་རྩ་ཀརྨ་གུ་རུ། འགོར་ཕུ་སྒྲུབ་སྡེ་སྤྲུལ་སྐུ། སྒ་བདེ་རྟོགས་ལྡན་བསྟན་པ་རབ་རྒྱས། དྲག་སྔགས་པ་ཚེ་དབང་བདུད་འདུལ། སྒྲུབ་དཔོན་ཨ་བསྟན་རྒྱ་མཚོ་སོགས་དང༌། ཟུར་མང་ནས་གར་དྲུང་རྣམ་གཉིས། སྐུ་མཆེད་འཇོ་ཕུ་ཆོས་ལུ་རྒྱ་མཚོ་དང་ཝཾ་དགོན་བླ་རྒན་ངག་ཆོས་སྤྲུལ་སྐུ་སོགས་ཀྱང་ཐུགས་ཡིད་འདྲེས་པའི་བླ་སློབ་ཡིན་ནོ། །ས་ཀྱང་ཐུགས་ཡིད་འདྲེས་པའི་བླ་སློབ་ཡིན་ནོ། །)
  • Dictionaries/Monlam Grand/69488  + (འཛི་སྒར་མཁན་ཆེན་ནོར་གཡང་ངམ་མཁྱེན་རབ་དྲི་མེ … འཛི་སྒར་མཁན་ཆེན་ནོར་གཡང་ངམ་མཁྱེན་རབ་དྲི་མེད་ཟླ་ཟེར་མཆོག་ནི། ཁམས་གོ་འཇོ་ཧ་ཚ་བླ་མ་འབྲོག་པར། ལས་གྲུབ་ཚང་དུ་ཡབ་ཨ་རྡོར་དང༌། ཡུམ་དཔལ་མཚོ་གཉིས་ཀྱི་སྲས་སུ། རབ་བྱུང་བཅོ་ལྔ་པའི་ལྕགས་ཁྱི་ ༡༩༡༠ ལོར་འཁྲུངས། ཆུང་ངུ་ནས་འཛི་སྒར་ཆོས་སྡེར་སྒྲིགས་ཞུགས་མཛད། དགོན་པའི་འདོན་ཆོག་སོགས་སློབ་གཉེར་གནང༌། ཉི་ཤུ་རྩ་གྲངས་སུ་འབྲུ་འཇམ་དབྱངས་གྲགས་པའི་མདུན་བསྙེན་པར་རྫོགས། མཚན་མཁྱེན་རབ་དྲི་མེད་ཟླ་ཟེར་ཞེས་སྩལ། འཛི་སྒར་བཤད་གྲྭར་ལོ་མང་བཞུགས་ཏེ། ཟུར་མང་མཁན་པོ་མཆོག་གསལ་དང་མཁན་པོ་ཚོགས་གཉིས། ཀཿཐོག་མཁན་པོ་དོན་ལྡན་སོགས་བསྟེན་ནས་ཐུན་མོང་དང་ཐུན་མིན་གྱི་རིག་གནས་ཀུན་ལ་སྦྱངས་མཐར་ཐོན། མདོར་ན་མཁས་པའི་གཏུག་ས། བཙུན་པའི་མིག་དཔེ། བཟང་པོའི་ཚད་འཛིན་ས་ཞིག་ཡིན། བཀའ་རྙིང་སྐྱེས་ཆེན་དུ་མ་ལས་སྨིན་གྲོལ་གྱི་གདམས་པ་དཔག་མེད་གསན་བསམ་གནང་། རྒྱ་དམར་གྱི་དུས་འགྱུར་བྱུང་ཉེའི་ས་ཁྱི་ལོར་སྟོན་འཁོར་བྱར་གསང་གླིང་དུ་ཕེབས། དེར་རྒྱལ་དབང་འབྲུག་པ་བཅུ་གཅིག་པས་མཁན་པོའི་མཚན་གནས་ཕུལ་ཅིང༌། རྟེན་འབྲེལ་མཛད་སྒོ་ཟབ་རྒྱས་གནང༌། ཐུགས་སྲས་རིན་པོ་ཆེའི་བཀའ་དགོངས་བཞིན་གདན་ས་དེར་བཤད་གྲྭ་གསར་འཛུགས་ལ་དཔེ་ཁྲིད་དང༌། གཞན་ཡང་སྐུ་དྲག་ཁག་ལ་བརྡ་སྙན་བཤད་ཁྲིད་གནང་། ས་ཕག་བོད་ཟླ་གཉིས་པའི་ཚེས་ལྔ་དྲུག་ཙམ་ལ། ཀློ་ཡུལ་བརྒྱུད་རྒྱ་གར་བཙན་བྱོལ་དུ་ཕེབས་ཨ་སམ་ཕྱོགས་སུ་བྱོན། ནུབ་བྷངྒ་ལའི་སྦག་ས་རིས་མེད་ཆོས་སྒར་ཆེན་མོར་ལོ་གཅིག་ཙམ་བཞུགས། རིམ་བཞིན་རྒྱ་བལ་ས་མཚམས་སྐྱིད་གཏེར་དགོན། མིམ་ཀ་མང་དགོན། རྡོ་རྗེ་གླིང་ཐུབ་བསྟན་གསང་སྔགས་ཆོས་གླིང་དུ་གཙོ་བོར་བཞུགས་ཤིང༌། དབྱར་གནས་མཁན་པོའང་མཛད། བློ་གསལ་རྣམས་ལ་ངག་སྒྲོན། སྙན་ངག སོར་མདོ། བཤེས་སྤྲིངས། མཁས་འཇུག སྤྱོད་འཇུག དབུ་མ་རྩ་འཇུག་སོགས་གཞུང་རིག་གནས་སྐོར་དང༌། ཀུན་མཁྱེན་སྡོམ་གསུམ་རང་འགྲེལ་ཟླ་བ་དྲུག་རིང་ཞིབ་ཁྲིད་བསྩལ། གཞན་ཡང་ཟབ་མོ་ནང་དོན། རྒྱུད་བརྟག་གཉིས། བདེ་མཆོག་བསྙེན་ཁྲིད་སོགས་ཀྱང་གནང༌། རྗེ་ཁྲི་ཟུར་བསྟན་འཛིན་དོན་གྲུབ་བམ་ཀུན་ལེགས་རིན་པོ་ཆེས་འབྲུག་ཏུ་གདན་ཞུས་མཛད་པ་ལྟར། རྟ་མགོ་བཤད་གྲྭར་རང་ལུགས་ཀྱི་གཞི་ལམ་འབྲས་གསུམ་གྱི་སྐོར་བཀའ་ཁྲིད་སྩལ་བས་མཚོན་འབྲུག་དང་ལ་དྭགས་སོགས་སུའང་ཕེབས་བཞུགས་ཅི་རིགས་མཛད། ཞལ་སློབ་གཙོ་བོ་ནི། འབྲུག་པ་བཅུ་གཉིས་པ། གྲུབ་སྲས་ཨ་བོ་རིན་པོ་ཆེ། རྗེ་མཁན་པོ་སྤྲུལ་སྐུ་འཇིགས་མེད་ཆོས་གྲགས། སེང་བྲག་ཆོས་ཀྱི་རྒྱལ་མཚན། རྙིང་མའི་སྤྲུལ་སྐུ་པདྨ་དབང་རྒྱལ། བླ་མ་ཕྲིན་ལས་རྣམ་རྒྱལ། མཁན་པོ་འཇིགས་མེད་རྡོ་རྗེ། དབུ་མཛད་བླ་མ་ཤེས་རབ་རྒྱ་མཚོ། རྒན་བཀྲ་ཤིས་རྣམ་རྒྱལ་སོགས་དང༌། རྒྱུད་བརྟག་གཉིས་གསན་ཅིང་འཆད་ཁྲིད་ཀྱི་རྒྱུན་སྤེལ་བར་མཛད་པའི་འབྲི་གུང་སྐྱབས་མགོན་རིན་པོ་ཆེ། སྐྱབས་རྗེ་འབོ་དཀར་རིན་པོ་ཆེ། འབོ་དཀར་མཁན་ཆེན་བློ་གྲོས་དོན་ཡོད་རྣམས་བྱུང༌། དགུང་ལོ་དོན་གསུམ་པ་ཆུ་ཁྱི་ ༡༩༨༢ ལོའི་བོད་ཟླ་བཅུ་གཅིག་པའི་ནང་གཟིམ་ཤག་ཏུ་ལུས་གནད་ཙོག་པུའི་ངང་ཞི་བར་གཤེགས་སོ། །ཐུགས་ལྗགས་སྤྱན་གསུམ་མ་ཉམས་པའི་གདུང་རྟེན་ད་ལྟ་རྡོར་གླིང་ན་བཞུགས་ཡོད།་པའི་གདུང་རྟེན་ད་ལྟ་རྡོར་གླིང་ན་བཞུགས་ཡོད།)
  • Dictionaries/Monlam Grand/69487  + (འཛི་སྒར་མཁན་ཆེན་འཇམ་དཔལ་དོན་བརྒྱུད་ཉི་མ་མཆ … འཛི་སྒར་མཁན་ཆེན་འཇམ་དཔལ་དོན་བརྒྱུད་ཉི་མ་མཆོག་ནི། ཁམས་ལྷ་ཐོག་ཀེ་རེ་གོང་པའི་འབྲོག་སྡེར། ཡབ་ཉ་ཤུལ་ཚང་ཚེ་རིང་བཀྲ་ཤིས་དང༌། ཡུམ་རུས་ལེགས་ཚང་ཨ་ཆོས་གཉིས་ཀྱི་སྲས་སུ་བོད་རབ་བྱུང་བཅོ་ལྔ་པའི་ཤིང་བྱི་ ༡༩༢༤ ལོར་འཁྲུངས། སྐུ་དུས་འཛི་སྒར་སྒྲུབ་དཔོན་བླ་མ་དཔག་བསམ་རྒྱ་མཚོས་རྗེས་སུ་བཟུང་སྟེ། མཚན་དགེ་ལེགས་རྒྱ་མཚོར་གསོལ། ཡི་གེའི་ཕྱི་མོ་སློབ་པ་ནས་བརྩམས་ཐུགས་བརྩེ་ཆེན་པོས་བསྐྱངས། འཛི་སྒར་དགོན་དུ་ཚོགས་སྒྲིགས་སུ་ཞུགས། འདོན་ཆོག་ཆོས་སྤྱོད་བློ་འཛིན་དང་། རིམ་གྱིས་དྲུང་རམ་རྒྱལ་སྤྲུལ་རིན་པོ་ཆེའི་མདུན་ནས། བསྙེན་པར་རྫོགས། མཚན་བློ་བཟང་བསམ་གཏན་མཆོག་གྲུབ་བཏགས། ཉི་ཤུ་ལ་དཔག་བསམ་རྒྱ་མཚོའི་མདུན་ནས་གདམས་ངག་རྣམས་བུམ་པ་གང་བྱོར་བསྩལ། རྫོང་རྒྱལ་ཆོས་དཔལ་གྱི་མདུན་ནས་འཁྲུལ་འཁོར་དང་། དེར་ལོ་མང་རིང་སྐུ་མཚམས་དམ་པོར་བཞུགས། བཤད་གྲྭ་གསར་དུ་ཚུགས་སྐབས། བཤད་གྲྭར་ཞུགས་ནས། ཟུར་མང་མཁན་པོ་ཚོགས་གཉིས། མཁན་པོ་མཆོག་གསལ། བོད་སྤྲུལ། གསེར་ལྗོངས་མཁན་པོ་དྲི་མེད་སོགས་ཀྱི་མདུན་ནས་ལོ་མང་མདོ་སྔགས་རིག་གནས་དང་བཅས་པ་གསན། བྱང་རྫ་སྟོད་ལྕང་མ་རི་ཁྲོད་དུ་བཤེས་གཉེན་བ་ཐར་ཐུབ་དགའ་དང༌། སླར་འཛི་སྒར་དུ་ཕེབས། མཁན་པོའི་མཚན་གནས་བཞེས། སོ་དྲུག་པ་ས་ཕག་ལོར་རྒྱ་བོད་དུས་ཟིང་སྐབས། གང་སར་བྲོས་བྱོལ་དུ་ཕེབས། ལོ་མང་རིང་འོ་བརྒྱལ་བཟོད་པར་དཀའ་བ་དུ་མ་མྱངས་པའི་མཐར། ཉེས་མེད་ལོ་ཉི་ཤུ་ཙམ་ཆབ་མདོའི་བཙོན་ཁང་དང་སྤོ་བོའི་བཙོན་ཁང་དུ་བཞུགས་དགོས་བྱུང༌། ང་དྲུག་པ་ས་ལུག་ ༡༩༧༩ ལོར་བཙོན་ནས་གློད་བཀྲོལ་ཐོབ་མ་ཐག་དགོན་པའི་ནང་དུ་བཞུགས་ཏེ། ཉམས་ཉེས་གྱུར་པའི་གསུང་རབ་ལྷག་མ་རྣམས་མ་དཔེ་བསྡུ་རུབ་གང་ཐུབ་ཀྱིས་ཤིང་སྤར་གྱི་སྤར་ཁང་བཟང་པོ་ཞིག་གྲུབ། རེ་ལྔ་པ་ས་འབྲུག་ ༡༩༨༨ ལོར་བཤད་གྲྭའི་ཚོགས་ཁང་ཉམས་གསོ་གྲུབ་འཕྲལ་ནས་བཟུང་། མཁན་ཁྲིར་ལོ་བཅུ་གསུམ་བཞུགས་པའི་རིང༌། ཞལ་སློབ་མང་དུ་བྱུང་། འབྲུག་པའི་བཤད་སྒྲུབ་ཀྱི་བསྟན་པར་ཕྱག་རྗེས་བླ་མེད་བཞག་གནང་བའི་མཐར། དགུང་ལོ་གྱ་ལྔ་ས་བྱི་ ༢༠༠༩ ལོའི་བོད་ཟླ་བཅུ་གཉིས་པའི་ཉེར་ལྔ་ཉིན་གློ་བུར་དུ་གཤེགས། སྐུ་གདུང་ལ་རིང་བསྲེལ་དང་། གསེར་གདུང་ད་ལྟ་འཛི་སྒར་དུ་བཞུགས། བུ་སློབ་གཙོ་བོ་ནི། ཀརྨ་དགོན་མཁན་རྣམ་སྲས་བསོད་ནམས། འཇོ་ཕུ་དགོན་དགེ་ལེགས་དར་རྒྱས་དང་། བློ་བཟང་ཕྲིན་ལས། འབྲུ་ཚེ་བྷྲུཾ་དགོན་སྤྲུལ་རྡོ་རྗེ་ཚེ་རིང༌། དཔལ་ཆེན་དགོན་དབང་ཆེན་སྟོབས་རྒྱལ་དང༌། ཧ་དགེའི་ཆོས་རྣམ། བསྟན་པ་རབ་རྒྱས། གུ་ཕུ་དགོན་འགྱུར་མེད་རྣམ་རྒྱལ། འཛི་སྒར་དགོན་རང་དུ། བསྟན་པ་རབ་རྒྱས། འཆི་མེད་སྟོབས་རྒྱལ། བསོད་ནམས་བཀྲ་ཤིས། འཇམ་དབྱངས་ཉི་མ། དངོས་གྲུབ་ཕུན་ཚོགས། སྐལ་བཟང་རྡོ་རྗེ། བཀྲ་ཤིས་ཚེ་རྡོར། བསོད་ནམས་རྡོ་རྗེ། མགོན་པོ་རྣམ་རྒྱལ་བཅས་མཁན་པོ་བཅོ་བརྒྱད་དང། མཁས་བཙུན་ཚེ་དབང་གྲགས་པ། སྒྲུབ་བླ་བསོད་དར། སྐུ་མཚམས་པ་སྣང་གསལ་སོགས་དང༌། ཕྱོགས་གཞན་ནས་གསེར་རྟ་མཁན་སྤྲུལ་འཆི་མེད་རིག་འཛིན། སྐྱབས་ཆེ་སྤྲུལ་སྐུ་བཀྲ་ཤིས་ནོར་བུ། སྐྱོག་བྲག་མཁན་དམ་ཆོས་ཟླ་བ་དང་མཁན་དགའ་དབང་སོགས་མང་པོ་བྱུང་ངོ༌། །ཟླ་བ་དང་མཁན་དགའ་དབང་སོགས་མང་པོ་བྱུང་ངོ༌། །)
  • Dictionaries/Monlam Grand/69478  + (འཛི་སྒར་སྐུ་ཕྲེང་གསུམ་པ་མི་ཕམ་ཕྲིན་ལས་དཔལ་ … འཛི་སྒར་སྐུ་ཕྲེང་གསུམ་པ་མི་ཕམ་ཕྲིན་ལས་དཔལ་འབྱོར་མཆོག་ནི། ལྷ་ཐོག་དཔོན་པདྨ་དབང་གི་སྲས་སུ་རབ་བྱུང་བཅུ་གཉིས་པའི་ལྕགས་བྱི་ ༡༧༢༠ ལོར་འཁྲུངས། དགུང་ལོ་བཞིར་ཕེབས་སྐབས། རྒྱལ་དབང་བདུན་པ་དཀར་བརྒྱུད་ཕྲིན་ལས་ཤིང་རྟས་གོང་མའི་ཡང་སྲིད་དུ་ངོས་འཛིན་གསལ་པོར་མཛད། དགུང་ལོ་བདུན་པ་ལ་གདན་སར་སྤྱན་དྲངས་ཤིང་མངའ་གསོལ། རིམ་གྱིས་དབུས་སུ་ཕེབས་ནས་རྒྱལ་དབང་བདུན་པ་དཀར་བརྒྱུད་ཕྲིན་ལས་ཤིང་རྟའི་ཞབས་དྲུང་དུ་དབང་ཆོས་ཀྱི་རིམ་པ་མང་པོ་གསན། ཙ་རི་ཅིག་ཅར་དུ་སྐུ་མཚམས་ལ་བཞུགས་དུས། གཏོར་སྒམ་གྱི་ཐོག་ཏུ་དཔལ་ལྡན་ལྷ་མོ་སྐུ་རྒྱན་རྣམས་ཀྱི་ཁྲོབ་སྒྲ་དང་བཅས་མངོན་སུམ་དུ་བཞུགས་པའི་གཟིགས་སྣང་བྱུང༌། མཚན་ལམ་དུའང་དག་པའི་ཞིང་གཟིགས་པ་བྱུང་ཚུལ་གསུངས་པ་རྣམས་ནི་བརྗོད་ཀྱིས་མི་ལང༌། གཞན་གྱིས་མཐོང་བ་ཡང་སེར་བ་བྱུང་བའི་ཚེ། སྐུ་སྲུང་གི་ཕུར་པ་གདེང་བར་མཛད་པ་ལས་ཧྲེམ་སྒྲ་དང་བཅས་ཏེ་མེ་འབར་བར་མཐོང་བ་སོགས་ངོ་མཚར་ཅན་ཞིག་ནའང༌། སྐུ་གཅོང་དམ་པོས་ཟིན་པ་རིམ་ཐུ་ནས། སྒ་ཉག་ཏུ་ཕེབས་རྩིས་ཀྱིས་ཆིབས་ཁ་བསྒྱུར་བའི་ལམ་དུ་དགུང་ལོ་ཉེར་གཅིག་པ་ལྕགས་སྤྲེལ་ ༡༧༤༠ ལོའི་བོད་ཟླ་བཞི་པའི་ཉི་ཤུ་ལ་སྐུ་གཤེགས་སོ། །གདུང་བཞུ་བའི་ཚེ་འཇའ་སྤྲིན་དར་ཁྲ་བརྐྱངས་པ་ལྟར་རི་རྩེ་ཕན་ཚུན་སྒྲེལ་ཉེ་ཤར་བ་སོགས་ངོ་མཚར་བ་བྱུང་ངོ༌། །ུན་སྒྲེལ་ཉེ་ཤར་བ་སོགས་ངོ་མཚར་བ་བྱུང་ངོ༌། །)
  • Dictionaries/Monlam Grand/69489  + (འཛི་སྒར་སྐུ་ཕྲེང་ལྔ་བ་མི་ཕམ་ཆོས་ཀྱི་ཉི་མ་མ … འཛི་སྒར་སྐུ་ཕྲེང་ལྔ་བ་མི་ཕམ་ཆོས་ཀྱི་ཉི་མ་མཆོག་ནི། ཁམས་ཀརྨ་དགེ་རུ་རྗེ་གཏུག་ཚང་དུ། རབ་བྱུང་བཅུ་གསུམ་པའི་ས་རྟ་ ༡༧༩༨ ལོར་སྐུ་འཁྲུངས། ཀུན་གཟིགས་ཆོས་ཀྱི་སྣང་བས་འཁྲུལ་མེད་རྡོ་རྗེའི་ཚིག་གིས་ངོས་འཛིན་མཛད། སྐུ་འཁྲུངས་པ་ནས་བཟུང་རྒྱལ་སྲས་བྱང་ཆུབ་སེམས་དཔའི་རྣམ་པར་ཐར་པའི་ངང་ཚུལ་དང་ལྡན་ཞིང༌། ཡི་གེའི་ཕྱི་མོ་ནས་བཟུང་རིག་པའི་གནས་ཀུན་ལ་སྦྱངས། འབྲུག་ལུགས་ཀྱི་ཆོ་གའི་ཕྱག་ལེན་འདོན་དབྱངས་རོལ་མོ་ཕྱག་རྒྱ་གར་ཐིག་སོགས་ཐུགས་ལ་ངེས་པར་མཛད། ཀུན་གཟིགས་ཆོས་ཀྱི་སྣང་བ་རིགས་བདག་ཏུ་བསྟེན་ནས། འབྲུག་ལུགས་ཕྱག་ཆེན་དང་ཆོས་དྲུག་སོགས་ཀྱི་གདམས་པ་དཔག་མེད་གསན་བསམ་མཛད། སི་ཏུ་པདྨ་ཉིན་བྱེད་ལས་རྒྱལ་བའི་བཀའ་འགྱུར་གྱི་ལྗགས་ལུང་སོགས་སྨིན་གྲོལ་རྒྱབ་རྟེན་གྱི་རིམ་པ་མང་པོ་གསན། ཆགས་མེད་མཆོག་སྤྲུལ་རིན་པོ་ཆེ་སོགས་མཁས་གྲུབ་ཀྱི་བཤེས་གཉེན་དུ་མར་གཏུགས་ཏེ་དབང་ཁྲིད་མན་ངག་དང་བཅས་པ་གསན་ཅིང༌། ཉམས་བཞེས་མཛད་པས་དངོས་ཅན་དངོས་མེད་ཐམས་ཅད་དབང་དུ་འདུས་པའི་ནུས་པ་མངའ། དབུས་ཀྱི་གདན་ས་གསང་སྔགས་ཆོས་གླིང་དུ་ཐེངས་མང་ཕེབས་ཤིང༌། འབུལ་བསྙེན་གྱིས་མཉེས་པར་མཛད། གདན་ས་འཛི་སྒར་ཕྱོགས་དང་ས་ཡུལ་སྟོད་སྨད་མང་པོར་ཞབས་ཀྱིས་བཅགས་ཤིང༌། གདུལ་བྱའི་རེ་བ་ཡིད་བཞིན་དུ་བསྐངས་ནས་སྐལ་ལྡན་མང་པོ་སྨིན་གྲོལ་ལ་བཀོད། གདན་སར་རྟེན་གསུམ་གསར་བཞེངས། སྒྲུབ་མཆོད་གསར་འཛུགས། དགེ་འདུན་གྱི་དར་སྤེལ་སོགས་བསྟན་པ་འཛིན་སྐྱོང་དང་འགྲོ་བའི་དོན་རྒྱ་ཆེར་གནང་བའི་མཐར། དགུང་ལོ་ལྔ་བཅུ་ང་གསུམ་པ་ལྕགས་ཁྱི་ ༡༨༥༠ གཟུགས་སྐུའི་བཀོད་པ་བསྡུས་སོ། །རྗེ་འདི་ལ་འཇམ་མགོན་ཀོང་སྤྲུལ་རིན་པོ་ཆེས་བཀའ་འདུས་དང་གསོ་རིག་རྒྱུད་བཞིའི་བཤད་ལུང་གསན་པས་མཚོན་ཆོས་ཀྱིས་འབྲེལ་བའི་ཞལ་སློབ་མང་ངོ༌། །་མཚོན་ཆོས་ཀྱིས་འབྲེལ་བའི་ཞལ་སློབ་མང་ངོ༌། །)
  • Dictionaries/Monlam Grand/69491  + (འཛི་སྒར་སྒྲུབ་དཔོན་བླ་མ་མཁས་གྲུབ་སངས་རྒྱས་ … འཛི་སྒར་སྒྲུབ་དཔོན་བླ་མ་མཁས་གྲུབ་སངས་རྒྱས་ཕྲིན་ལས་མཆོག་ནི། ཁམས་འཛི་སྒར་སྒྲིས་སྟོད་ནོར་ཆུང་དུ། ཡབ་ཚེ་དབང་མཆོག་གྲུབ་དང༌། ཡུམ་ཚེ་རིང་ལྷ་སྐྱིད་ཀྱི་སྲས་སུ་བོད་རབ་བྱུང་བཅུ་དྲུག་པའི་ཆུ་བྱ་ ༡༩༣༣ ལོར་སྐུ་བལྟམས། འཛི་སྒར་བདུན་པས་མཚན་སངས་རྒྱས་ཕྲིན་ལས་གསོལ། གཙུག་ཕུད་ཕུལ་སྐབས་ཤེས་བྱ་རབ་རྒྱས་བསྩལ། དགུང་ལོ་ལྔ་པར་རྫོང་རྒྱལ་ཆོས་དཔལ་གྱི་མདུན་ནས་ཀློག་བསླབས་པས། ཐུགས་སྟོབས་ཆེ་བས་ཉིན་གསུམ་ལ་བྱང་ཆུབ། བཅུ་དྲུག་ལ་འཛི་སྒར་ཚོགས་སྒྲིགས་སུ་ཞུགས། བློ་འཛིན་དགོས་རིགས་ལོ་གཅིག་གི་ནང་དུ་རྫོགས་པས། ཀུན་ངོ་མཚར་ཅིང་དེ་སྔོན་དགོན་པར་བྱུང་མྱོང་མེད་པར་གླེང་། ཕྱག་བཞེས་དང་གར་སྟབས་རྣམས་ཀྱང་མྱུར་བར་ཐུགས་སུ་ཆུད། བཅོ་བརྒྱད་ལ་འཛི་སྒར་བཤད་གྲྭར་ཞུགས་ཏེ། མཁས་གྲུབ་དམར་གཡང་ཆོས་མཆོག མཁན་པོ་མི་འགྱུར། མཁན་པོ་མཁས་གྲུབ། མཁན་པོ་དྲི་མེད། མཁས་གྲུབ་ཀརྨ་ཚེ་བརྟན། འབྲུག་པ་སྤྲུལ་སྐུ། མཁན་པོ་ནོར་གཡང་སོགས་ཀྱི་མདུན་ནས། མདོ་སྔགས་གཞུང་ཆེན་སོགས་ལ་གསན་བསམ་མཛད། ཐུགས་སྲས་རིན་པོ་ཆེ་མཆོག་གི་མདུན་ནས། སྨིན་གྲོལ་གྱི་གདམས་པ་ཟབ་མོ་མནོས་པས། རྩ་བའི་བླ་མར་འཛིན། ཉེར་གཅིག་ལ་རྒྱལ་སྤྲུལ་མདུན་ནས། བསྙེན་པར་རྫོགས། བ་ཐར་ཐུབ་བསྟན་མཆོག བོད་པ་སྤྲུལ་སྐུ། རྫོགས་ཆེན་ལྷ་པ་སྤྲུལ་སྐུ་སོགས་ལས་གཞུང་དང་རིག་གནས་རྒྱ་ཆེར་གསན། ཉེར་བདུན་རྒྱ་བོད་དུས་ཟིང་སྐབས། དགོན་པ་རྩ་འཐོར་དུ་སོང་ཀྱང་ཉེས་མེད་གཞིས་སུ་བཞུགས་ཆོག་པ་བྱུང༌། སོ་བརྒྱད་ལ་རྡོ་རང་བླ་མ་ཀརྨ་མདུན་ནས། དགོངས་གཏེར་བཅུད་ལེན་སྐོར་སོགས་གསན་བཞེས་མཛད། ཤིང་བྱི་ ༡༩༨༤ ལོར་གདན་ས་སླར་གསོའི་ཆོག་མཆན་ཐོབ་ནས་དགོན་པར་ཕེབས། མེ་ཡོས་ ༡༩༨༧ ལྡེམ་ཆེན་གཡུ་རུའི་སྒྲུབ་སྡེ་ཐོག་མར་སྒྲུབ་གྲྭ་དབུ་ཚུགས་པ་ནས་བཟུང༌། སྒྲུབ་སྡེ་ཁག་བཅུ་གྲངས་ཀྱི་སྒྲུབ་དཔོན་མཛད། སྒྲུབ་བླ་ཉིས་བརྒྱ་ཙམ་ལ། གདམས་པའི་ཆོས་ཆར་བསྩལ། ཉམས་རྟོགས་ལྡན་པའི་སློབ་མ་མང་། འཛི་སྒར་དང་། གུ་ཕུ། འཇོ་ཕུ། དྷིཿཕུ། སྐྱོག་བྲག་དགོན། འབྲུག་པ་དགོན་སོགས་ཀྱི་གྲྭ་གསར་བརྒྱ་སྟོང་མང་པོར་དགེ་ཚུལ་སློང་གི་སྡོམ་པ་གནང་། དོན་བརྒྱད་ལྕགས་སྟག་ ༢༠༡༠ ལོའི་བོད་ཟླ་དང་པོའི་ཚེས་ཉི་ཤུ་ལ་གཟུགས་སྐུའི་བཀོད་པ་བསྡུས་སོ། །སློབ་མར། རྒྱལ་སྲས་པདྨ་དབང་དྲག་སྐུ་ཕྲེང་བཞི་པ། འཇོ་ཕུ་ལྗང་མེ་བླ་མ། རྟོགས་ལྡན་ཀརྨ་བཀྲ་ཤིས། སྒྲུབ་བརྩོན་མི་ཕམ་བློ་གསལ། འཇོ་ཕུ་སྒྲུབ་དཔོན་དཀར་གཡང༌། ཁམས་སྒར་རྙིང་མ་སྤྲུལ་སྐུ། ཆོས་འཛིན་སྤྲུལ་སྐུ་ཆོས་ཉི། དྷཱིཿཕུ་སྤྲུལ་སྐུ། སྤོས་སྤྲུལ་བསྟན་པའི་རྒྱལ་མཚན། གནམ་འབྲུག་སྒྲུབ་བླ་ཕྲིན་ལས་དང་བློ་བཟང་བརྩོན་འགྲུས། སྟག་ཡག་དགོན་སྒྲུབ་བླ་ཟབ་བསྟན་སོགས་དང༌། གཞན་ཡང་མཁན་པོ་བཀྲ་ཤིས་ཚེ་རྡོར། མཁན་པོ་དངོས་གྲུབ་ཕུན་ཚོགས། མཁན་པོ་འཇམ་དབྱངས་ཉི་མ། མཁན་པོ་སྐལ་བཟང་རྡོ་རྗེ། མཁན་པོ་བསོད་ནམས་རྡོ་རྗེ། མཁན་པོ་ཕུན་ཚོགས་དགེ་ལེགས། སྒྲུབ་བླ་བསོད་དར། མཁས་བཙུན་ཚེ་དབང་གྲགས་པ། སྐུ་མཚམས་པ་སྣང་གསལ་སོགས་དང༌། རྟེན་ཁྱིམ་པའི་རིགས་གདོང་ངེ་ལྷ་རྗེ་འཆི་མེད་དབང་པོ་དང༌། ཨ་ཐམ་ཚང་བསོད་ནམས་དོན་གྲུབ། གཞན་ཡང་གསེར་རྟ་མཁན་སྤྲུལ་འཆི་མེད་རིག་འཛིན་དང༌། ཁྲི་ཚོ་མཁན་པོ་འཇམ་སེང་སོགས་མདོ་དབུས་ཁམས་གསུམ་ནས་དབང་ཆོས་གསན་པ་མང་པོ་བྱུང་ངོ༌། །མས་གསུམ་ནས་དབང་ཆོས་གསན་པ་མང་པོ་བྱུང་ངོ༌། །)
  • Dictionaries/Monlam Grand/14911  + (འཛི་སྲིབ་ཝ་འབྲོ་མགོ་ཞེས་པར་ཡབ་ལྷ་ཚེ་ལྷ་ཆུང … འཛི་སྲིབ་ཝ་འབྲོ་མགོ་ཞེས་པར་ཡབ་ལྷ་ཚེ་ལྷ་ཆུང་དང་ཡུམ་སོག་བཟའ་བསོ་འགྱུ་གཉིས་ཀྱི་སྲས་སུ་ལྕགས་ཡོས་ལོར་སྐུ་འཁྲུངས། ཆུང་མིང་འཇིག་ལི་ཟེར་ཞིང་དགུང་ལོ་བདུན་པར་སོག་པོ་བདེ་མཆོག་གི་ཟུར་དུ་ཡི་གེ་བསླབས་དུས་ནས་རིག་པ་གསལ་ཞིང་གསུང་སྐད་བཟང་བ་སོགས་ཡོན་ཏན་ཕལ་བ་ལས་ཁྱད་འཕགས་ཡོད་ལ། དགུང་ལོ་བཅུ་གཉིས་སྐོར་དུ་གཙང་བའི་གཟིམས་ཁང་དུ་སོང་ནས་ངག་དབང་ཆོས་འབྱོར་ཞབས་པའི་མདུན་དྲུང་དུ་སྦྱོར་བ་ཡན་ལག་དྲུག་གི་དབང་ཁྲིད་ཡོངས་རྫོགས་ཞུས་ཏེ་ཉམས་ལེན་ལོ་གསུམ་དུ་མཛད་དེ་མཚན་ངག་དབང་རིན་ཆེན་བཟང་པོ་ཞེས་གསོལ། འདི་སྐོར་དུ་འབའ་མདའ་བླ་མའི་མདུན་ནས་ཟབ་ཁྲིད་མཐོང་བ་དོན་ལྡན་ཀྱང་གསན། དེ་ནས་རིམ་པར་ལོ་འགའི་མཚམས་ཤིག་རེར་གཙང་པའི་སྒྲུབ་གྲྭ་གོང་མར་ལོ་གཅིག་ཏུ་སྦྱོར་དྲུག་སླར་ཡང་བསྒོམ། དེ་རྗེས་ཙམ་ན་གཟིམས་ཁང་དུ་འཁྲུལ་འཁོར་འགབ་མར་ལོ་གཅིག་བཞུགས་སྐབས་ཉམས་ལེན་བཟང་རབ་ཏུ་གྲགས། དགུང་ལོ་ཞེ་ལྔའི་སྟེང་ཙམ་ན་བླ་མ་ཟླ་བ་ཞིང་དུ་གཤེགས་ཁར་ཁོང་ཉིད་རྒྱལ་ཚབ་མཆོག་ཏུ་མངའ་གསོལ་མཛད་ནས་དེ་ཕན་ཆད་དུ་འཛི་སྲིབ་དགོན་གྱི་སྒྲུབ་སྡེ་ལེགས་བསྐྱངས་ཀྱི་ཐུགས་ཁུར་བཞེས་ནས་རྡོ་རྗེ་སློབ་དཔོན་ཉིད་ཀྱིས་མཛད་དེ་ལོ་ཉེར་དྲུག་བར་ཆོས་ཚན་སྔ་ཕྱི་རིམ་པས་རྗེས་སུ་བཟུང་སྟེ་ཟབ་ཁྲིད་མན་ངག་དབང་ལུང་ཅི་དགོས་མཐའ་དག་མཛད་ཡུལ་གྱི་ཆོས་ཚན་པ་རིམ་པས་དེ་ཕན་དུ་བྱུང་ཚུལ་ཐོག་མར་སྦྱོར་དྲུག་པ་བླ་མ་རིན་ཆེན་འོད་སོགས་ཀྱི་སྐོར་དང༌། དེ་ནས་རིམ་པ་བཞིན་སོག་པོའི་སྣང་བྱེད་སོགས་བཅུ་གཅིག བླ་མ་ཆོས་དབྱིངས་སོགས་དགུ། བླ་མ་ཚུལ་ཁྲིམས་བཟང་སོགས་ལྔ། ཆོས་རྡོར་སོགས་གཉིས། བླ་མ་ཡོན་ཏན་རིན་ཆེན་སོགས་བཅུ། བདེ་ཆེན་སོགས་བདུན། རིན་ཆེན་འོད་སོགས་དགུ། དེའི་བར་མཚམས་གྲྭ་པ་ལྔ་ཙམ་འབུམ་ལྔ་དང༌། ཡང་བར་སྐབས་སུ་གྲྭ་པ་ལྔ་སྦྱོར་དྲུག་པ་སོགས་དེ་ཐམས་ཅད་ཆོས་བཀའ་ཟབ་མོ་གང་འཚམས་ཀྱིས་བསྐྱངས། མཐར་དགུང་ལོ་བདུན་ཅུ་བའི་ལོ་དེའི་ཧོར་ཟླ་གཉིས་པའི་ཚེས་དགུའི་སྔ་དྲོ་ཙམ་ན་ཉེ་གནས་སློབ་བུ་འགའ་ལ་ཞལ་ནས། ད་ནི་ཁྱེད་ཅག་གིས་བྱིན་རྟེན་གང་དག་སྦྱོང་ལ་ཁོ་བོར་ལུད་ཅིག་གསུངས། དེ་ལྟར་བྱས་ནས་སློབ་ཚོགས་ཀྱིས་ཉིད་མདུན་དུ་ཡན་ལག་བདུན་པ་རེ་ཕུལ་མཐར་ཉིན་དེའི་ཕྱེད་ལ་ཐོན་ཙམ་ན་ཁོང་གི་ཞལ་འཛུམ་པ་དང་བཅས་ཨ་མཚར་གྱི་ཚིག་རེ་གསུང་བཞིན་སྤྱན་གཉིས་ལྟ་སྟངས་མཛད་དེ་རླུང་ཕྱིར་བུས་པ་ནང་དུ་རྔུབས་ནས་དགོངས་པ་རྫོགས་ཚུལ་དུ་བཞུགས་ཏེ་སྐུ་གཤེགས།ས་དགོངས་པ་རྫོགས་ཚུལ་དུ་བཞུགས་ཏེ་སྐུ་གཤེགས།)
  • Dictionaries/Monlam Grand/14874  + (འཛི་སྲིབ་ཝ་འབྲོ་མགོ་རུ་ཡབ་དགྲ་བླའམ་རུས་ཨ་ས … འཛི་སྲིབ་ཝ་འབྲོ་མགོ་རུ་ཡབ་དགྲ་བླའམ་རུས་ཨ་སྐྱབས་ལུག་འུ་དང་ཡུམ་སྨོན་ཟ་ཀླུ་སྐྱིད་གཉིས་ཀྱི་སྲས་སུ་ཕྱི་ལོ་ ༡༨༠༨ ས་འབྲུག་ལོར་སྐུ་བལྟམས། དགུང་ལོ་དྲུག་བདུན་ཙམ་ནས་དགེ་རྒན་ངག་དབང་ཚུལ་ཁྲིམས་ཀྱི་མདུན་ནས་ཀློག་སོགས་རིག་པའི་གནས་དུ་མར་ཐུགས་བློ་རྒྱས། དགུང་གྲངས་བཅུ་བདུན་པར་གཙང་ཆེན་སྤྲུལ་སྐུ་དཀོན་མཆོག་འཇིགས་མེད་རྣམ་རྒྱལ་གྱི་དྲུང་ནས་རབ་ཏུ་བྱུང་ནས་མཚན་ལ་ངག་དབང་ཆོས་འཕགས་རྒྱ་མཚོ་ཞེས་གསོལ། དེ་ནས་བཟུང་སྐུ་ཚེ་གང་བོར་ཤ་ཆང་སྤངས་ཤིང་གཙང་ཆེན་མཆོག་གི་དྲུང་ནས་དུས་འཁོར་དབང་ཆེན། ནེེ་གུའི་ཟབ་བཀའ་ཡོངས་རྫོགས་སོགས་ཟབ་ཆོས་ལེགས་པར་གསན་ནས་ཉམས་ལེན་མཐའ་རྒྱས་མཛད། དགུང་ལོ་ཉེར་ལྔའི་ཐོག་པཎྜི་ཏ་ཆོས་དབྱིངས་རྡོ་རྗེའི་དྲུང་ནས་རྒྱུད་སྡེའི་དཀྱིལ་འཁོར་བརྒྱ་ལྷག་ཙམ་གྱི་བྲི་ཐིག་དང་བློས་བསླངས་སོགས་བསླབས། སློབ་དཔོན་གང་གི་མཛད་རྗེས་ཆེ་ཤོས་ཤིག་ནི་རྗེ་སྒྲོལ་མགོན་ཞབས་ཀྱི་ཕྱག་བཞེས་ཇི་བཞིན་ཚེ་དབང་མཆོག་གྲུབ་ནས་གོས་པཎྜི་ཏ་ལ་གསུངས་པའི་ཞལ་རྒྱུན་མ་ཉམས་པ་ཐུགས་ལ་བཟུང་ནས་ཡི་གེར་བཀོད་དེ་འཚོགས་ཀྱི་ཀུན་སྤྱོད་ཆེས་གཙང་ལེགས་དང་བཅས་སྒྲུབ་མཆོད་རྒྱུན་འཛུགས་ཀྱི་བླ་མ་མཆོག་སྒྲུབ་ཨ་སྐྱོང་གོང་མར་བླ་ཚབ་ཏུ་ཞལ་བཀོད་མཛད་པ་སོགས་སྒོ་ཀུན་ནས་འཚོགས་རྒྱུན་ད་བར་ཆད་མེད་པ་དེ་ཡིན། སློབ་དཔོན་ཁོང་གིས་གཙང་བ་དགེ་སློང་གི་གདན་ཚབ་བྱས་ཏེ་ཟབ་ཆོས་ཀྱིས་སློབ་ཚོགས་རྗེས་སུ་བཟུང་བ་ཟབ་ལམ་སྒོམ་པ་ལྔ་བཅུ་རེ་ལས་མི་ཉུང་བ་སོགས་དང་། ཕྱོགས་ནས་འོང་བའི་མདོ་སྨད་ཀྱི་ཆོས་ལུགས་སོ་སོའི་གྲྭ་སྡེ་བརྒྱ་སྟོང་མང་པོ་སོགས་ལ་རང་རང་དང་འཚམས་པའི་ཟབ་བཀའ་རྒྱ་ཆེ་བས་སློབ་མ་གང་དག་གི་རྒྱུད་ལ་གནད་ཁེལ་གྱི་མཛད་སྒོ་གནང་། དགུང་ལོ་རེ་དགུའི་དུས་ཙམ་ན་རྒྱ་བླ་མ་དང་ལྷ་རྩེེ་སྐྱབས་མགོན་གཉིས་ཀྱིས་སྦྱོར་དྲུག་གི་སྒྲུབ་གྲྭ་བཙུགས་ཏེ་གཙང་བ་སྐུ་ཆེན། ཁྱི་ལོ་མ་སོགས་སྒྲུབ་པོ་བཅུ་གསུམ་གྱིས་ཐོག་མ་བྱས་ནས་དེ་དག་ཟབ་ཁྲིད་ཀྱིས་ལེགས་བསྐྱངས་མཛད་ནས་བཟུང་ད་བར་དུ་སྒྲུབ་གྲྭ་ཡོད་པ་དེ་ཡིན། དགུང་ལོ་བདུན་ཅུར་སླེབས་ཚེ་སློབ་བུ་གང་དག་ལ་ཉིད་ཀྱི་ཞལ་ནས། ད་ལོ་ངེས་པར་འཆི་རྒྱུ་ཡིན། ཁྱེད་ཅག་ཚོས་ཚུལ་ཁྲིམས་གཙང་མས་གཞི་བཟུང་སྟེ་ལམ་བསྐྱེད་རྫོགས་ལ་ཉམས་སུ་ཅི་ལོན་གྱིས། ཁྱིམ་པའི་ཁ་འཛིན་སྤངས་ནས་ལས་འབྲས་ལ་བླང་དོར་ཇི་བཞིན་རེ་ཨེ་ཡོང་ལྟོས། དཔལ་ཇོ་ནང་པའི་རིང་ལུགས་ལ་སྒོ་གང་ཐད་ནས་རང་བཟོས་སླད་མེད་ཀྱིས་འཛིན་སྐྱོང་སྤེལ་ཐབས་ཤིག་མ་འཆུགས་སོགས་གསུངས་ནས་ཕྱི་ལོ་ ༡༨༧༧ མེ་ཕོ་གླང་ལོའི་ནག་ཟླའི་སྒྲུབ་མཆོད་ཀྱི་ཚོགས་དཔོན་ཞག་གསུམ་མཛད་ནས་ཁོང་གིས་ཉིད་ཀྱི་རྒྱལ་ཚབ་ཏུ་ཀུན་དགའ་དཔལ་ལྡན་ཞབས་པ་བསྐོ་བཞག་དང་བཅས། ད་ནི་ཁོ་བོ་སྒྲུབ་གྲྭར་འཆི་འགྲོ་བ་ཡིན། ཞེས་གསུངས་ཏེ། ནག་ཟླའི་ཚེས་བཅུ་དགུ་ལ་ཁོང་ཉིད་ཀྱི་སྐུ་ལ་སྙུང་ཟུག་གང་ཡང་མེད་པར་ཀུན་རྫོབ་གཟུགས་སྐུ་ལེགས་པར་བསྡུས་སོ། །་པར་ཀུན་རྫོབ་གཟུགས་སྐུ་ལེགས་པར་བསྡུས་སོ། །)
  • Dictionaries/Monlam Grand/69498  + (འཛིང་གི་འདས་པ་དང་སྐུལ་ཚིག)
  • Dictionaries/Monlam Grand/69498  + (འཛིང་གི་འདས་པ།)
  • Dictionaries/Monlam Grand/65162  + (འཛིང་རེས་སམ་འཐབ་པའི་བྱ་སྤྱོད་ཀྱི་མིང་སྟེ།)
  • Dictionaries/Monlam Grand/81275  + (འཛིངས་ནས་ཕྱིང་བ་ལྟར་གྱུར་བ།)
  • Dictionaries/Monlam Grand/35547  + (འཛིངས་པ།)
  • Dictionaries/Monlam Grand/72103  + (འཛིངས་པའམ་འཕྱངབའི་དོན།)
  • Dictionaries/Monlam Grand/71524  + (འཛིངས།)
  • Dictionaries/Monlam Grand/71598  + (འཛིངས།)
  • Dictionaries/Monlam Grand/11258  + (འཛིན་ཁྲི།)
Retrieved from "https://rywiki.tsadra.org/index.php/Special:SearchByProperty/:definition/འཛིན་གྱི་མ་འོངས་པ།"