Search by property
Jump to navigation
Jump to search
This page provides a simple browsing interface for finding entities described by a property and a named value. Other available search interfaces include the page property search, and the ask query builder.
List of results
- Dictionaries/sgom sde tshig mdzod chenmo/10058 + (སྙོམས་འཇུག་གི་སྒྲིབ་པ་དང་དོན་གཅིག ལེ་ལོ་དང … སྙོམས་འཇུག་གི་སྒྲིབ་པ་དང་དོན་གཅིག ལེ་ལོ་དང༌། དམིགས་པ་བརྗེད་པ། བྱིང་བ་དང་རྒོད་པ། རྩོལ་བ་དང་མི་རྩོལ་བའི་ཉེས་པ་ལྔ་ལ་སོགས་པ་སྟེ། ཊཱིཀ་བྱེད་དག་གིས་རྣམ་པར་ཐར་པའི་སྒྲིབ་པ་ནི་གང་གིས་རྣམ་པར་ཐར་པ་དང༌། བསམ་གཏན་དག་སྐྱེད་པར་མི་ནུས་པ་སྟེ་ལུས་དང་སེམས་ལས་སུ་མི་རུང་བ་ཉིད་དོ། །ཞེས་མཆིམས་མཛོད་ན་གསལ། མཆིམས་མཛོད་དུ་རྣམ་པར་ཐར་པའི་སྒྲིབ་པ་དང༌། སྙོམས་འཇུག་གི་སྒྲིབ་པ་གཉིས་ཁྱད་པར་ཕྲན་བུའི་ཡོད་པ་ལྟ་བུར་གསུངས་པས་དཔྱད་དོ། །་ཕྲན་བུའི་ཡོད་པ་ལྟ་བུར་གསུངས་པས་དཔྱད་དོ། །)
- Dictionaries/sgom sde tshig mdzod chenmo/7858 + (སྟག་ཚང་ལོ་ཙཱ་བའམ་སྒྲ་པ་ཤེས་རབ་རིན་ཆེན་གྱིས … སྟག་ཚང་ལོ་ཙཱ་བའམ་སྒྲ་པ་ཤེས་རབ་རིན་ཆེན་གྱིས། རྗེ་ཙོང་ཁ་པ་ཆེན་པོའི་ལྟ་བའི་ཕྱོགས་ལ་ནང་འགལ་གྱི་ཁུར་ཆེན་པོ་བཅོ་བརྒྱད་འདུག་ཅེས་ཆོས་མཐུན་གྱིས་རྒོལ་ཚུལ་འདི་ལྟར། གང་དག་དཔལ་ལྡན་ཟླ་བའི་རྗེས་འབྲངས་ནས། །མ་དག་འཁྲུལ་བའི་སྣང་བ་ཚད་གྲུབ་ཏུ། །རིགས་པ་དུ་མས་དཔྱད་ནས་ཁས་ལེན་པ། །འདི་ལ་འགལ་བའི་ཁུར་ཆེན་འདི་ལྟར་ཡོད། །༡ ཡུལ་ཀུན་བརྫུན་དང་ཡུལ་ཅན་བསླུ་མེད་འགལ། །༢ ཡུལ་དེར་འཁྲུལ་དང་དེ་ལ་ཚད་མ་འགལ། །༣ རྗེས་དཔག་ཡོད་དང་སྒྲུབ་ངག་མེད་པ་འགལ། །༤ མཐུན་སྣང་མེད་དང་ཆོས་ཅན་ཚད་གྲུབ་འགལ། །༥ ཕྱི་དོན་ཚད་གྲུབ་རྡུལ་ཕྲན་ཆ་བཅས་འགལ། །༦ རིགས་དྲུག་ཚད་མ་རྡོས་བཅས་ཚད་གྲུབ་འགལ། །༧ སྐྲ་ཤད་མེད་དང་ཀླུང་རྣག་ཡོད་པ་འགལ། །༨ རྫས་གྲུབ་མེད་དང་དངོས་པོ་ཡོད་པ་འགལ། །༩ གཞན་སྐྱེ་མེད་དང་ས་མྱུག་རྫས་གཞན་འགལ། །༡༠ བདེན་བརྫུན་ཡོད་དང་ཡང་ལོག་མེད་པ་འགལ། །༡༡ ཡན་ལག་ལ་དཔྱད་བུམ་པ་མི་རྙེད་དང་། །སྐད་ཅིག་ལ་དཔྱད་ཞིག་པ་རྙེད་པ་འགལ། །༡༢ རང་རྒྱུད་སྨྲ་བས་རང་བཞིན་སྨྲས་པ་དང་། །རང་བཞིན་མེད་བློ་དེ་ངོར་གྲུབ་པ་འགལ། །༡༣ ཉོན་མོངས་ཅན་མིན་མ་རིག་ཡོད་པ་དང་། །ཤེས་པར་གྱུར་པའི་ཤེས་སྒྲིབ་མེད་པ་འགལ། །༡༤ གཞུང་གཞན་ནས་བཤད་ཀུན་གཞི་རང་རིགས་སོགས། །འགོག་ན་དེ་དག་རང་ལུགས་མི་འདོད་དང་། །སྡེ་བདུན་ནས་གསུངས་ཚད་མ་མི་འདོད་ཀྱང་། །རང་ལུགས་ཚད་མའི་རྣམ་གཞག་ཤེས་པ་འགལ། །༡༥ མི་རྟག་སོགས་རྟོགས་རྣལ་འབྱོར་མངོན་སུམ་དང་། །དེ་ཡིས་སྦྱོར་ལམ་རྟོགས་པར་མི་སླེབ་འགལ། །༡༦ གཞན་སེམས་ཤེས་པ་ཡིད་མངོན་ཡིན་པ་དང་། །བདེན་བཞི་ཤེས་པ་རྣལ་འབྱོར་མངོན་སུམ་འགལ། །༡༧ ཀུན་མཁྱེན་ཡེ་ཤེས་ཆོས་ཀུན་འཇལ་བ་དང་། །ཤེས་བྱ་ཕྱེད་ལ་ཚད་མ་མིན་པ་འགལ། །༡༨ རྫས་ཡོད་བདག་སྨྲ་གནས་མ་བུར་ངེས་དང་། །རྣམ་ཤེས་བདག་སྨྲའི་དབུ་སེམས་ཡོད་པ་འགལ། །དེ་ལྟར་འགལ་བའི་ཁུར་ཆེན་ཡོད་པའི་རྒྱུ། །རྣམ་དཔྱད་མེད་པར་འཇིག་རྟེན་ཉིད་ལས་ཞེས། །ཡང་ཡང་སྨྲས་ཀྱང་རྟོག་གེར་གོམས་པས་མཐུས། །འཐད་པ་བཅུག་ནས་དཔྱད་ཅིང་བསྒྲུབས་པས་སོ། །ཞེས་པ་ལྟར་རོ། །སྟག་ཚང་པས་ཕྱིས་སུ་རྗེ་བླ་མའི་ཕར་ཕྱིན་འགྲེལ་པ་ལེགས་བཤད་གསེར་གྱི་ཕྲེང་བ་གཟིགས་ནས་མི་ཕྱེད་པའི་དད་པ་ཐོབ་སྟེ། ཁྱོད་བློའི་ཉི་མ་གཞོན་ནུའི་དུས་ཀྱི་ཚེ། །མདོ་དང་རྒྱན་གྱི་པད་ཚལ་རྒྱས་མཐོང་ནས། །བདག་བློ་ཁེངས་པའི་ང་རྒྱལ་ཀུ་མུད་ཟུམ། །ཟབ་ཡངས་མཁྱེན་པའི་གཏེར་ལ་གསོལ་བ་འདེབས། །ཞེས་དང་། མདོ་སྔགས་མཐའ་དག་ཁྱད་པར་རྡོ་རྗེ་ཐེག །རྒྱུད་སྡེ་མཐའ་དག་ཁྱད་པར་བླ་མེད་དོན། །རིམ་གཉིས་མཐའ་དག་ཁྱད་པར་སྒྱུ་ལུས་ལ། །སྔོན་མེད་ལེགས་བཤད་གཏེར་ཆེན་ཁྱོད་ལ་འདུད། །ཅེས་སོགས་ཀྱིས་དོན་མཐུན་གྱི་བསྔགས་པ་མཛད་པས་གོ་ཤཱཀ་སོགས་ལས་ཁྱད་པར་ཆེ་བར་གསུངས་སོ། །འགལ་བའི་ཁུར་ཆེན་བཅོ་བརྒྱད་ཀྱིས་རྗེའི་ལྟ་བ་ལ་ལུང་རིགས་ཀྱི་སྒོ་ནས་རྒོལ་བའི་གཞུང་འདི་བློ་གཟུ་བོར་གནས་ཤིང་། དེ་ལས་མི་ཉུང་བ་ཞིག་རྟོག་དཔྱོད་འོས་པའི་རྣམ་དཔྱོད་ཅན་གྱི་དོགས་སློང་དུ་སྣང་བས་འདིར་བཀོད་པ་ཡིན། གཞན་དུ་ན་མཁས་པ་གཞན་དག་གིས་རང་གི་བླ་མ་དང་གྲུབ་མཐའ་ལ་ལུང་རིགས་ཀྱི་སྒོ་ནས་རྒོལ་བ་ལ། སྙིང་མི་དགེ་བ་བྱེད་ན་བློ་སྐྱེད་འབྱུང་བའི་སྒོ་འགེགས་ཤིང་རིགས་པ་སྨྲ་བའི་ཞེས་བྱ་བའི་གྲངས་ནས་རང་འབུད་དུ་འགྲོའོ། །བཅོམ་ལྡན་འདས་ཀྱི་རིང་ལུགས་སྤྱི་དང་ལྷག་པར་རིགས་པ་སྨྲ་བ་ཞེས་བྱ་བའི་གྲལ་དུ་འཁོད་པ་ལ་ནི་བློ་གཟུ་བོར་གནས་པ་ཞིག་རྨང་གཞིར་དགོས་ཤིང་། ལར་ནས་དངོས་ཡོད་བདེན་པ་འཚོལ་བ་ནི་ནང་པ་སངས་རྒྱས་པའི་ཐུན་མོང་མ་ཡིན་པའི་ཁྱད་ཆོས་ཡིན་པས་དེ་དང་ཡང་འགལ་ལོ། །རྣམ་དཔྱོད་ཀྱི་རྩལ་ལས་ཐོན་ཞིང་རིགས་ལམ་དཔང་པོར་བཞག་པའི་རྩོད་ཡིག་དང་རྩོད་ལན་སོགས་ནི་ཇི་ཙམ་མང་ཡང་བློ་གྲོས་གོང་དུ་འཕེལ་བའི་རྒྱུ་དང་བསྟན་པའི་བྱི་དོར་དུ་སྣང་ངོ་། །དེ་མིན་གྲུབ་མཐའ་ཕན་ཚུན་ངན་མཚང་འདོན་རེས་བྱེད་པ་ལྟ་བུའི་རྩོད་ཡིག་དང་རྩོད་ལན་དག་ནི་རང་གི་གྲུབ་མཐའི་ཞབས་འདེགས་སུ་རློམ་ཡང་ཞབས་འདྲེན་དུ་གྱུར་པ་མང་ངོ་། །སྟག་ཚང་པའི་རྩོད་ལན་པཎ་ཆེན་བློ་བཟང་ཆོས་ཀྱི་རྒྱལ་མཚན་དང་། ཕུར་ལྕོག་ངག་དབང་བྱམས་པ། ལི་ཐང་མཁན་པོ་ཉག་རེ་ཆོས་གྲགས་སོགས་དགེ་ལྡན་པའི་མཁས་པ་མང་པོས་དགག་ལན་དཔྱིས་ཕྱིན་པ་མཛད་འདུག་པ་དེ་དག་ལ་བལྟ་བར་བྱའོ། །ས་ཕྱིན་པ་མཛད་འདུག་པ་དེ་དག་ལ་བལྟ་བར་བྱའོ། །)
- Dictionaries/sgom sde tshig mdzod chenmo/6532 + (སྟོང་པ་ཉིད་དང་དོན་གཅིག རྗེའི་ལྷག་མཐོང་ཆེན་ … སྟོང་པ་ཉིད་དང་དོན་གཅིག རྗེའི་ལྷག་མཐོང་ཆེན་མོ་ལས། རིགས་པའི་ཤེས་པས་ཆོས་ཅན་སྣང་བ་ལ་སྐྱེ་འགག་སོགས་ཀྱི་རང་བཞིན་རྣམ་པར་བཅད་པ་ཙམ་གྱི་སྟོང་པ་ལ་ནམ་མཁའ་ལྟ་བུའི་སྟོང་ཉིད་དང༌། ཞེས་གསུངས་པ་ལྟར་རོ། །སྒྲ་བཤད་ནི། མཉམ་བཞག་གི་ཡུལ་ཡིན་པ་དང༌། ནམ་མཁའ་དེ་ཐོགས་རེག་བཀག་ཙམ་གྱི་མེད་དགག་ཡིན་པ་ལྟར་འདི་ཡང་དགག་བྱ་བདེན་གྲུབ་བཀག་ཙམ་གྱི་མེད་དགག་ཡིན་པས་ནམ་མཁའ་ལྟ་བུའི་ཐ་སྙད་བྱས་སོ། །་དགག་ཡིན་པས་ནམ་མཁའ་ལྟ་བུའི་ཐ་སྙད་བྱས་སོ། །)
- Dictionaries/sgom sde tshig mdzod chenmo/12524 + (སྟོད་འགག་ནི། ༧གོང་ས་༧རྒྱལ་དབང་ཐམས་ཅད་མཁྱེན … སྟོད་འགག་ནི། ༧གོང་ས་༧རྒྱལ་དབང་ཐམས་ཅད་མཁྱེན་པ་བསྟན་འཛིན་རྒྱ་མཚོས་ཕྱི་ལོ་༢༠༠༨-༦-ཚེས-༦དང༧ལ་དྷ་སྟེང་བོད་ཁྱིམ་སློབ་གྲྭར་བོད་ཀྱི་གཞོན་སྐྱེས་ཚོར་ནང་ཆོས་ངོ་སྤྲོད་ཀྱི་གསུང་ཆོས་བཀའ་དྲིན་ཆེ་སྐབས། སྟོད་འགག་འདི་བཞིན་མཁན་ཆེན་ཞི་བ་འཚོ་བོད་ལ་ཕེབས་དུས་བྱུང་བ་རེད་ཅེས་བཤད་མཁན་འདུག་ཅེས་གསུངས། དེ་ཡང་མཁན་ཆེན་ཞི་བ་འཚོ་རྒྱ་གར་ཚ་བའི་ཡུལ་ནས་བོད་གནམ་གཤིས་གྲང་ངར་ཆེ་བའི་ནང་ཕེབས་སྐབས་སྐུ་བསིལ་ནས་གདིང་བ་མནབས་པས། འདིང་བའི་ཟུར་དེ་སྟོད་འགག་ཀྱི་ཟུར་དེ་རེད་ཅེས་བཤད་སྲོལ་འདུག་ཅེས་བཀའ་བསྩལ། ཡང་ཞྭ་སྒབ་པ་དབང་ཕྱུག་བདེ་ལྡན་གྱི་རྒྱལ་རབས་ནང་། ས་སྐྱ་པཎྜི་ཏ་ཀུན་དགའ་རྒྱལ་མཚན་ཡན་གྱི་བྲིས་ཆ་རྙིང་པ་རྣམས་སུ་མེད་པས་དེ་ཙམ་ནས་སྟོད་འགག་བཞེས་པའི་སྲོལ་བྱུང་བ་མིན་ནམ་སྙམ། ཞེས་གསུངས། སྟོད་འགག་གི་འགྲེལ་བཤད་ནི་སེར་བྱེས་མཁས་སྙན་གྲྭ་ཚང་གི་ཚོགས་གཏམ་ཆེན་མོའི་ནང་འདི་ལྟར་གསལ། སྟོད་འགག་ལ་སེངྒེ་དཔུང་པ་མེད་པ་མ་ཡིན་པ། གླང་ཆེན་མཆེ་བ་མེད་པ་མ་ཡིན་པ། ཁྲིས་སྐུད་སྔོན་པོ་མེད་པ་མ་ཡིན་པ་ཞིག་དགོས། སེངྒེའི་དཔུང་པ་ནི་ཉོན་མོངས་པ་དང་འཆལ་ཚུལ་གྱི་ཉེས་པས་མ་གོས་ཤིང་འཁོར་ཚོགས་ཀྱི་དབུས་སུ་མི་འཇིགས་ཤིང་བག་མི་ཚ་བའི་སེངྒེ་ལྟ་བུའི་ལྷག་པ་ཚུལ་ཁྲིམས་ཀྱི་བསླབ་པའི་མཚོན་དོན་དང་། གླང་ཆེན་མཆེ་བ་ནི་མི་རྟག་པའི་མཚོན་དོན་ཏེ། དེ་ཡང་སྟོད་འགག་གྱོན་རེས་བཞིན་འཆི་བདག་གཤིན་རྗེའི་ཁར་ཚུད་ནས་ཡོད་སྙམ་དུ་བསམས་ནས། འཆི་བ་དྲན་པའི་ཆེད་དུ་ཡིན། དེ་ཡང་སྟོད་འགག་གི་རྒྱབ་ལ་ཞིབ་ཏུ་བལྟས་ན་གླང་ཆེན་གྱི་མཆེ་བ་འདྲ་བ་གཉིས་མཐོང་རྒྱུ་ཡོད། ཁྲིས་སྐུད་སྔོན་པོ་ནི་རྒྱ་ནག་གི་ཧ་ཤང་གི་བཀའ་དྲིན་དྲན་པའི་ཆེད་དུ་ཡིན། དེའི་ལོ་རྒྱུས་ནི། སྔོན་གླང་དར་གྱིས་བསྟན་པ་བསྣུབས་རྗེས། དམར་ (ཤཱཀྱ་མུ་ནེ) གཡོ་ (གཡོ་དགེ་བྱུང) གཙང་ (གཙང་རབ་གསལ) གསུམ་གྱིས་དགེ་བ་རབ་གསལ་ལམ་དུས་ཕྱིས་བླ་ཆེན་དགོངས་པ་རབ་གསལ་དུ་གྲགས་པ་དེ་ཉིད་དགེ་ཚུལ་དུ་བསྒྲུབས། བསྙེན་རྫོགས་སུ་བསྒྲུབ་པར་བཞེད་པ་ན་ཁ་སྐོང་གི་གྲངས་མ་ཚང་བས། ལྷ་ལུང་དཔལ་གྱི་རྡོ་རྗེས་བཙལ་ཏེ། རྒྱ་ནག་གི་ཧ་ཤང་ཀེ་བང་དང་། གྱི་བན་བྱ་བ་གཉིས་རྙེད་དེ་ཁོང་གཉིས་ཀྱིས་ཁ་སྐོང་མཛད་དེ་ལྔ་ཚོགས་ཀྱི་སྒོ་ནས་བསྙེན་པར་རྫོགས། དེ་ནས་བཟུང་བོད་ཀྱི་ཡུལ་དུ་དགེ་སློང་གི་སྡོམ་རྒྱུན་སླར་ཡང་དར་བ་ཡིན་པས། དེའི་བཀའ་དྲིན་རྗེས་སུ་དྲན་པའི་ཆེད་དུ་རྒྱའི་ཧ་ཤང་གི་ན་བཟའི་ཁ་དོག་དང་མཚུངས་པའི་ཁྲིས་སྐུད་སྔོན་པོ་བྱེད་པའི་སྲོལ་དར་བ་ཡིན། བླ་སྤྲུལ་དང་གྲྭ་ཚང་གི་ཆོས་མཛད་སོགས་ཀྱིས་སྐུ་འགག་རྒྱབ་ཤ་མཐེར་འདྲ་མ་བསླན་ཆོག་པ་དང་། དེ་མིན་ཚང་མའི་སྤུ་ཕྲུག་གི་སྐུ་འགག་གམ། ཡང་ན་སྟོད་འགག་གོང་དཔུང་ (གོང་བ་དང་དཔུང་པ) དམར་པོ་ལ་གྲྭ་ལྷན་སེར་པོ་རྒྱུད་སྨད་གྲྭ་ཚང་གི་སྐུ་འགག་ལྟར་མནབ་ཆོག་པ་བཅས་སོ། །སྟོད་འགག་ནི་སྒྲ་བཤད་ནི། ལུས་ཀྱི་སྟོད་ལ་གྱོན་རྒྱུའི་ན་བཟའ་ཡིན་པས་སྟོད་འགག་ཅེས་བྱའོ། །དེ་ཡང་སྟོད་ནི་ལུས་ཀྱི་སྟོད་དང་འགག་ནི་གྱོན་པའི་དོན་དུ་ཡུལ་སྐད་འགར་ཐོས་སོ། །ག་ནི་གྱོན་པའི་དོན་དུ་ཡུལ་སྐད་འགར་ཐོས་སོ། །)
- Dictionaries/sgom sde tshig mdzod chenmo/9652 + (སྟོན་པ་སངས་རྒྱས་ཀྱིས་གསུངས་པའི་གསང་སྔགས་ཀྱ … སྟོན་པ་སངས་རྒྱས་ཀྱིས་གསུངས་པའི་གསང་སྔགས་ཀྱི་གཞུང་། འདི་ལ་རྡོ་རྗེ་ཐེག་པའི་གཞུང་ཞེས་ཀྱང་ཟེར། སྒྲ་བཤད་ནི། གཞི་ལམ་འབྲས་བུའི་རྒྱུད་གསུམ་ནི་བརྗོད་བྱ་དོན་གྱི་རྒྱུད་དང་། དེ་དག་བརྗོད་བྱར་བྱེད་པའི་གཞུང་རྣམས་རྗོད་བྱེད་ཚིག་གི་རྒྱུད་ཡིན་པས་རྒྱུད་ཅེས་བྱ་ལ། སྡེ་ནི་རྒྱུད་དེའི་ཚོགས་སམ་རིས་ཡིན་པས་དེ་སྐད་ཅེས་བྱའོ། །རྗེའི་སྔགས་རིམ་ཆེན་མོར་གཞི་བྱས་ཏེ་བཀོད།། །རྗེའི་སྔགས་རིམ་ཆེན་མོར་གཞི་བྱས་ཏེ་བཀོད།)
- Dictionaries/sgom sde tshig mdzod chenmo/5110 + (སྡུག་བསྔལ་བདེན་པ། ཀུན་འབྱུང་བདེན་པ། འགོག་པ … སྡུག་བསྔལ་བདེན་པ། ཀུན་འབྱུང་བདེན་པ། འགོག་པའི་བདེན་པ། ལམ་གྱི་བདེན་པ་དང་བཞིའོ། །རྒྱལ་ཚབ་ཆོས་རྗེའི་ཀུན་བཏུས་དར་ཊཱིཀ་ལས། སེམས་ཞི་བ་ནི་འགོག་བདེན་ཡིན་ལ། དེ་བྱེད་པ་ནི་ལམ་བདེན་དང༌། སེམས་རྒྱུད་རབ་ཏུ་མ་ཞི་བ་ནི་སྡུག་བསྔལ་བདེན་པ་ཡིན་ལ། དེ་བྱེད་པའི་གཙོ་བོ་ནི་ཉོན་མོངས་སོ། །ཞེས་གསུངས་ཏེ་ལེགས་བཤད་བླ་ན་མེད་པར་སྣང་ངོ༌། །ཞེས་རྗེ་གུང་ཐང་པས་ཀྱང་བསྔགས་བརྗོད་མཛད་དོ། །ནད་ལྟ་བུའི་སྡུག་བསྔལ་བདེན་པ། ནད་ཀྱི་གཞི་ལྟ་བུ་ཀུན་འབྱུང་བདེན་པ། ནད་མེད་པ་ལྟ་བུ་འགོག་པའི་བདེན་པ། སྨན་ལྟ་བུ་ནི་ལམ་གྱི་བདེན་པ་དང་སྦྱར་རོ། །ཡང་ན། བུ་ལོན་དང་། དབུལ་བ་དང་། བུ་ལོན་སྦྱངས་པ་དང་། གཏེར་ལྟ་བུ་ཡིན་པས་བདེན་པ་བཞིའོ། །བུ་ལོན་ལྟ་བུ་སྡུག་བསྔལ་གྱི་བདེན་པ་སྟེ། རྟག་ཏུ་ཡིད་མི་བདེ་བའི་གདུང་བ་དང་ལྡན་པས་སོ། །དབུལ་བ་ལྟ་བུ་ནི་ཀུན་འབྱུང་བའི་བདེན་པ་སྟེ། དབུལ་བའི་རྒྱུས་བུ་ལོན་ཆགས་པ་དང་འདྲ་བར་ཀུན་འབྱུང་བའི་རྒྱུས་སྡུག་བསྔལ་སྐྱེད་པའི་ཕྱིར་རོ། །བུ་ལོན་སྦྱངས་པ་ལྟ་བུ་ནི་འགོག་པའི་བདེན་པ་སྟེ། བུ་ལོན་སྦྱངས་ན་བུ་ལོན་གྱི་མི་བདེ་བ་མེད་པ་བཞིན་དུ་སྡུག་བསྔལ་རྣམས་མེད་པའི་ཕྱིར་རོ། །གཏེར་ལྟ་བུ་ནི་ལམ་གྱི་བདེན་པ་སྟེ། གཏེར་བུ་ལོན་སྦྱོང་བའི་རྒྱུར་གྱུར་པ་དང་འདྲ་བར་ལམ་ནི་འགོག་པ་ཐོབ་པའི་རྒྱུར་གྱུར་པའི་ཕྱིར་རོ། །ཞེས་སློབ་དཔོན་དབྱིག་གཉེན་གྱིས་མཛད་པའི་བློ་གྲོས་མི་ཟད་པས་བསྟན་པའི་མདོའི་རྒྱ་ཆེར་འགྲེལ་པ་༼ ཅི ༽༡༢༣ ན༡ལས་བཤད་དོ། །སྒྲ་བཤད་ནི། རྗེའི་ལེགས་བཤད་གསེར་ཕྲེང་ལས། དོན་ནི་དེ་བཞིན་གཤེགས་པས་མི་རྟག་སོགས་སུ་ཇི་ལྟར་བསྟན་པ་དེ་ལྟར་དུ་གནས་པས་བདེན་པ་ཞེས་གསུངས་པ་ལྟར་རོ། །ལྟར་དུ་གནས་པས་བདེན་པ་ཞེས་གསུངས་པ་ལྟར་རོ། །)
- Dictionaries/sgom sde tshig mdzod chenmo/9113 + (སྡེར་མོ་ཅན་ལ་གཅན་གཟན་དང༌། རྨིག་པ་ཅན་ལ་རི་དྭགས་ཟེར་བ་དང༌། ཡང་ཆུ་ལྕེས་འདག་པ་ལ་གཅན་གཟན་དང༌། མཆུས་འཐུང་བ་ལ་རི་དྭགས་ཀྱི་ཐ་སྙད་བྱེད་ཅེས་མཁས་པ་འགའ་གསུང་ངོ༌། །)
- Dictionaries/sgom sde tshig mdzod chenmo/11292 + (སྡོང་པོ་ལས་ཆུང་ཞིང་རྩ་བ་གཅིག་ལས་མང་པོ་གྱེས་ཏེ་རིམ་བཞིན་ཕྲ་བར་སྤུངས་ནས་སྐྱེས་པའི་མིང་དུ་བཤད། ཤིང་ཕྲན་ཕན་ཕུང་ངམ་ཚང་ཚིང་། སྤྱིར་གེལ་པ་ནི་ཡལ་ག་ལའང་བརྡ་རྙིང་དུ་བཤད་དོ། །ཞེས་དབྱངས་ཅན་དགའ་བློ་གསུང་།)
- Dictionaries/sgom sde tshig mdzod chenmo/12666 + (སྣང་མཆེད་ཐོབ་གསུམ་གྱི་ནང་ནས་སྣང་བ་དང༌། སྟོ … སྣང་མཆེད་ཐོབ་གསུམ་གྱི་ནང་ནས་སྣང་བ་དང༌། སྟོང་པ་བཞིའི་ནང་ནས་སྟོང་པ་ལ་ཟེར། རང་རྒྱུ་ལུགས་འབྱུང་གི་ཀུན་རྟོག་བརྒྱད་ཅུ་བཞོན་པའི་རླུང་དང་བཅས་པ་དང༌། ལུགས་ལྡོག་གི་མཆེད་པ་བཞོན་པའི་རླུང་དང་བཅས་པ་གང་རུང་ལས་བྱུང་ཞིང༌། རང་གི་ངོ་བོ་སྟོན་གནམ་གཡའ་དག་ལ་ཟླ་འོད་ཀྱིས་ཁྱབ་པའི་ལྟ་བུའི་སྟོང་སང་དཀར་ལམ་པའི་སྣང་བ་འཆར་གྱི་དེ་ལས་གཞན་པའི་གཉིས་སྣང་རགས་པ་གཞན་གང་ཡང་མི་འཆར་བའི་ཡིད་ཀྱི་ཤེས་པ་ཕྲ་མོ་ལ། སྣང་བ་དཀར་ལམ་པ་ཟེར། དཀར་ལམ་པའམ་ཁ་དོག་དཀར་པོ་འཆར་བའི་རྐྱེན་ནི། སྙིང་ག་ཡན་ཆད་ཀྱི་རོ་རྐྱང་གི་རླུང་ཐམས་ཅད་དབུ་མའི་ཡར་སྣ་ནས་ཞུགས་པའི་སྟོབས་ཀྱིས། སྤྱི་བོའི་རྩ་མདུད་གྲོལ་བའི་དབུས་ན་ཕ་ལས་ཐོབ་པའི་ཐིག་ལེ་དཀར་པོ་ཧཾ་ཡིག་མགོ་ཐུར་བསྟན་གྱི་རྣམ་པར་ཡོད་པ་དེ་ཐུར་ལ་འོངས་ཏེ། སྙིང་གའི་རོ་རྐྱང་གི་མདུད་པ་དྲུག་སྐོར་གྱི་སྟེང་དུ་སླེབས་པའི་བར་ལ་དེ་འདྲའི་སྣང་བ་འབྱུང་བར་གསུངས་ཤིང༌། ཕྱི་རོལ་ནས་ཟླ་འོད་སོགས་ཀྱི་སྣང་བ་ཤར་བ་མ་ཡིན་ནོ། །སྣང་བ་དཀར་ལམ་པའི་སྒྲ་བཤད་ནི། ཀུན་རྟོག་གཡོ་བའི་རླུང་ཐིམ་ནས་ཟླ་འོད་ལྟ་བུའི་སྣང་བ་དཀར་ལམ་པ་འཆར་བས་ན་དེ་སྐད་ཅེས་བྱ་སྟེ། རྗེའི་རིམ་ལྔ་གསལ་སྒྲོན་ལས། ཀུན་རྟོག་གཡོ་བའི་རླུང་ཐིམ་ནས་ཟླ་འོད་ལྟ་བུར་སྣང་བའི་སྒོ་ནས་སྣང་བ་ཞེས་བྱ་ལ། ཞེས་གསུངས། དེ་ལ་སྟོང་པ་ཟེར་བའི་རྒྱུ་མཚན་ནི། དེ་ཉིད་ལས། དེ་ཉིད་ཀུན་རྟོག་བརྒྱད་ཅུ་རླུང་དང་བཅས་པས་སྟོང་པས་སྟོང་པ་དང༌། ཞེས་གསུངས་པ་ལྟར་རོ། །་སྟོང་པས་སྟོང་པ་དང༌། ཞེས་གསུངས་པ་ལྟར་རོ། །)
- Dictionaries/sgom sde tshig mdzod chenmo/12674 + (སྣང་མཆེད་ཐོབ་གསུམ་གྱི་ཡེ་ཤེས་ལ། སྣང་བ་སེམས … སྣང་མཆེད་ཐོབ་གསུམ་གྱི་ཡེ་ཤེས་ལ། སྣང་བ་སེམས་སྦས་ཟེར། དེ་ལ་གཞིའི་སྣང་བ་སེམས་སྦས་ནི། གཉིད་དང་འཆི་བའི་སྐབས་ཀྱི་སྣང་བ་གསུམ་མོ། །ལམ་གྱི་སྣང་བ་སེམས་སྦས་ནི། དབེན་པ་གསུམ་གྱི་སྐབས་ཀྱི་སྣང་བ་གསུམ་དང༌། སྒྱུ་ལུས་ཀྱི་སྣང་བ་གསུམ་མོ། །དེ་ཡང་རྒྱུད་སྡེ་འོག་མའི་གང་ཟག་ལྟ་བུའི་སྣོད་མིན་ལ་སྦས་པས་ན་སྦས་པ་ཞེས་བྱ།་ལྟ་བུའི་སྣོད་མིན་ལ་སྦས་པས་ན་སྦས་པ་ཞེས་བྱ།)
- Dictionaries/sgom sde tshig mdzod chenmo/4249 + (སྣང་མེད་ལྟ་བུའི་དོན་ལ་གོ་བར་བཤད།)
- Dictionaries/sgom sde tshig mdzod chenmo/7606 + (སྣོད། ཆོས་གོས་ཀྱི་སྣོད། རིན་པོ་ཆེའི་སྣོད། … སྣོད། ཆོས་གོས་ཀྱི་སྣོད། རིན་པོ་ཆེའི་སྣོད། མངར་ཆའི་སྣོད། གའུ་སོགས་ཀྱི་མིང་ཡིན་པར་བཤད། སྒམ་ཁ་སྦྱར་གྱི་མིང་དུ་དབྱངས་ཅན་དགའ་བློ་གསུང་། ལུང་ཞུ་བའི་འགྲེལ་པ་ལས། ཆོས་གོས་ཀྱི་ཟ་མ་ཏོག་ནི་ཆོས་གོས་ཀྱི་བཞག་ཏུ་རུང་བའི་སྣོད་ཀྱི་ཁྱད་པར་འདམ་བུའི་རྩེ་མོའི་སྡོང་བུ་ཕྲ་ཞིང་མཉན་པ་ལ་སོགས་པ་ལས་བྱས་པ་ཟླུམ་པོ་ཞིག་གོ། ཞེས་གསུངས་པ་ལྟར་རོ། །ྱས་པ་ཟླུམ་པོ་ཞིག་གོ། ཞེས་གསུངས་པ་ལྟར་རོ། །)
- Dictionaries/sgom sde tshig mdzod chenmo/12797 + (སྤྱན་མཐོན་མཐིང་ཞེས་པ་སྤྱན་གྱི་འབྲས་བུ་གཞི་ནག་པོ་ཡིན་པ་ལ་སྔོ་མདངས་ཕྲན་བུའི་ཡོད་པ་ཞིག་ལ་གོ་དགོས། དོགས་གཅོད་རྒྱས་པ་མཐོན་མཐིངཞེས་པའི་ཐད་དུ་གཟིགས།)
- Dictionaries/sgom sde tshig mdzod chenmo/10310 + (སྤྱི་བོར་རྩ་མི་ཕྱེད་མ་ནས། ཕྱོགས་བཞིར་རྩ་བཞ … སྤྱི་བོར་རྩ་མི་ཕྱེད་མ་ནས། ཕྱོགས་བཞིར་རྩ་བཞི་གྱེས། དེ་བཞིའི་རྩེ་མོ་གཉིས་གཉིས་སུ་གྱེས་པས་ཕྱོགས་མཚམས་ཀྱི་རྩ་བརྒྱད་དོ། །བརྒྱད་པོ་རེ་རེ་ལ་གསུམ་གསུམ་དུ་གྱེས་པས། རྩ་ཉེར་བཞི། ཉེར་བཞི་པོ་རེ་རེ་ལ། རྩེ་མོ་གསུམ་གསུམ་དུ་གྱེས་པས། རྩ་བདུན་ཅུ་རྩ་གཉིས། དེ་རེ་རེ་ལ་སྟོང་ཕྲག་གྱེས་པས་རྩ་བདུན་ཁྲི་ཉིས་སྟོང་ངོ༌། །ོང་ཕྲག་གྱེས་པས་རྩ་བདུན་ཁྲི་ཉིས་སྟོང་ངོ༌། །)
- Dictionaries/sgom sde tshig mdzod chenmo/10271 + (སྤྱི་བོར་རྩ་མི་ཕྱེད་མ་ནས། ཕྱོགས་བཞིར་རྩ་བཞི་གྱེས། དེ་བཞིའི་རྩེ་མོ་གཉིས་གཉིས་སུ་གྱེས་པས་ཕྱོགས་མཚམས་ཀྱི་རྩ་བརྒྱད་དོ། །བརྒྱད་པོ་རེ་རེ་ལ་གསུམ་གསུམ་དུ་གྱེས་པས། རྩ་ཉེར་བཞི། ཉེར་བཞི་པོ་རེ་རེ་ལ། རྩེ་མོ་གསུམ་གསུམ་དུ་གྱེས་པས། རྩ་བདུན་ཅུ་རྩ་གཉིས་སོ། །)
- Dictionaries/sgom sde tshig mdzod chenmo/4025 + (སྤྲིན་ནམ་མཁའ་ལ་ཡལ་བ་ན། ནམ་མཁའ་ལས་ལོགས་སུ་ཟ … སྤྲིན་ནམ་མཁའ་ལ་ཡལ་བ་ན། ནམ་མཁའ་ལས་ལོགས་སུ་ཟད་ཆ་མེད་པ་ལྟར། སྒྲིབ་པ་ཆོས་དབྱིངས་སུ་ཟད་པའི་ཆ་ཡང་ཆོས་དབྱིངས་ལས་གཞན་མེད་དོ། །ཞེས་གསུངས་སོ། །ཞེས་རྗེ་གུང་ཐང་པའི་སྐབས་དང་པོའི་མཆན་འགྲེལ་ལས་གསུངས་པ་ལྟར་རོ། །གཞན་ཡང་གསང་བསྐྱེད་མི་བསྐྱོད་ཞལ་ལུང་ལས། སངས་རྒྱས་པ་ན་རང་བཞིན་རྣམ་དག་དང༌། དྲི་མ་དང་བྲལ་བའི་གློ་བུར་རྣམ་དག་གཉིས་འདྲེས་ནས་སེམས་ཀྱི་ངོ་བོས་རང་བཞིན་ཆོས་ཉིད་ལ་སླར་མི་ལྡང་བའི་ཚུལ་གྱིས་སྙོམས་པར་ཞུགས་པས་ཉོན་མོངས་ཆོས་དབྱིངས་སུ་ཟད་པ་འགོག་བདེན་ལ་འཇོག་པའང་འདི་ལ་ཐུག་སྟེ། སྤྲིན་ནམ་མཁའ་ལ་ཟད་པ་ན་དགག་བྱ་ཐོག་རེག་བཀག་ཙམ་གྱི་སྟོང་སང་ལས་གཞན་མེད་པར་དྲི་མ་ཆོས་དབྱིངས་སུ་ཟད་པ་ན་ཆོས་ཉིད་ལས་ཟད་ཆ་གཞན་མེད་པས་སོ། །ཞེས་གསུངས། རྗེའི་འཇམ་དབྱངས་བསྟོད་སྤྲིན་རྒྱ་མཚོ་ལས། མཐའ་དག་འཛིན་པས་ནམ་ཡང་མི་རྫི་ཞིང་། །མ་ལུས་འཁྲུལ་སྣང་འཇོམས་ལ་ཐོགས་མེད་པའི། །ཏིང་འཛིན་ཀུན་གྱི་གཙོ་བོར་གྱུར་པ་གང་། །རྡོ་རྗེ་ལྟ་བུར་གྲགས་པའི་ཏིང་ངེ་འཛིན། །ཁྱོད་ཀྱིས་མངོན་དུ་མཛད་པ་དེ་ཡིས་མཐུས། །སྒྱུ་མ་ལྟ་བུའི་ཡུལ་གྱི་སྣང་བ་དང་། །རྨི་ལམ་ལྟ་བུའི་གསལ་ཞིང་རིག་པའི་བློ། །མྱོང་སྣང་མ་ལུས་ཆོས་ཀྱི་དབྱིངས་སུ་ཞུགས།། དེ་ཕྱིར་རྩ་བ་ཉམས་པ་ལྗོན་ཤིང་བཞིན། །མ་ལུས་འཛིན་པའི་ས་བོན་དྲུངས་ཕྱུང་བས། །སྐྱོབ་པ་ཁྱོད་ལ་ནམ་མཁའ་ཇི་སྲིད་དུ། །ཆོས་ཀྱི་སྐུ་ལས་གཡོ་བ་ག་ལ་ཞིག། ཅེས་གསུངས་པ་འདི་ཡང་དེ་དང་ཕྱོགས་འདྲ་བར་སེམས་སོ། །ུངས་པ་འདི་ཡང་དེ་དང་ཕྱོགས་འདྲ་བར་སེམས་སོ། །)
- Dictionaries/sgom sde tshig mdzod chenmo/8925 + (སྦྱོར་བའི་ཆོས་དྲུག་གི་གཉིས་པ་མཆོད་པ་གཡོ་མེ … སྦྱོར་བའི་ཆོས་དྲུག་གི་གཉིས་པ་མཆོད་པ་གཡོ་མེད་ཅིང་བཀོད་པ་མཛེས་པར་བཤམ་པ་ལ། དང་པོ་ (ཡོན་ཆབ་ཀྱི་ངོ་བོ) ནི། ཡོན་ཆབ་ནི་ཆུའི་མཆོད་པ་ལ་ཟེར། གཉིས་པ་ (སྒྲ་བཤད) ནི། ཡོན་ནི་འདིར་འབུལ་བའམ་མཆོད་པའི་དོན་དང་། ཆབ་ནི་ཆུའི་ཞེ་ས་སྟེ། སྐྱབས་ཡུལ་ལ་དྭངས་ཤིང་གཙང་བའི་ཆུའི་མཆོད་པ་འབུལ་བ་ལ་ཟེར་རོ། །དྭངས་ཤིང་བསིལ་བའི་ཡོན་ཆབ་གཙང་མ་ཕུལ་ན་ཤེས་རྒྱུད་ཀྱི་སྡིག་ལྟུང་སྦྱངས་ཏེ་ས་ལམ་གྱི་རྟོགས་པ་སྐྱེ་བའི་དགོས་པ་ཆེ་ཞིང་བསྒྲུབ་སླ་ལ་སེར་སྣ་སོགས་ཀྱི་ཉེས་པ་མི་འཇུག་པས་བླ་མ་གོང་མ་རྣམས་ཀྱིས་གཙོ་བོར་མཛད། ཅེས་རྗེ་གུང་ཐང་པ་གསུང་། གསུམ་པ་ (ཡོན་ཆབ་འབུལ་བའི་སྲོལ་དར་ཚུལ) ནི། ཇོ་བོ་རྗེ་དཔལ་ལྡན་ཨ་ཏི་ཤ་བོད་དུ་ཕེབས་དུས། ཇོ་བོ་ཆེན་པོས། བོད་ཀྱི་ཆུ་འདི་ཐམས་ཅད་ཡན་ལག་བརྒྱད་ལྡན་ཡིན་པས་བོད་ན་མཆོད་པ་ཡོན་ཆབ་གཅིག་པུས་ཆོག་པར་འདུག་ཅེས་གསུངས་པ་ལ་བརྟེན་ནས་བོད་དུ་ཡོན་ཆབ་འབུལ་བའི་སྲོལ་དར་བར་བཤད། སྤྱིར་བཏང་མཆོད་ཏིང་མང་པོ་སྟར་བསྒྲིགས་ནས་ཆུའི་མཆོད་པ་འབུལ་བའི་སྲོལ་འདི་སྔོན་རྒྱ་གར་དུ་ཐེག་པ་ཆེན་པོའི་བསྟན་པ་དར་བའི་སྐབས་དར་བ་ཡིན་མོད། ཕྱིས་སུ་ཉམས་སོ། །བྷར་མའི་གཙུག་ལག་ཁང་རྣམས་སུ་ཡང་རང་རེ་བོད་ཀྱི་ཡུལ་ལྟར་ཉིན་ལྟར་ཏིང་བརྒྱ་ཕྲག་ཁ་ཤས་ནང་དུ་ཡོན་ཆབ་འབུལ་བའི་སྲོལ་ཡོད་པར་དགེ་འདུན་ཆོས་འཕེལ་གྱིས་གཏམ་རྒྱུད་གསེར་གྱི་ཐང་མ་ལས་བཤད་དེ། བྷར་མའི་གཙུག་ལག་ཁང་རྣམས་སུ་ཉིན་རེ་བཞིན་ཏིང་བརྒྱ་ཕྲག་རེ་གཉིས་ཀྱི་ནང་དུ་ཆུའི་མཆོད་པ་བོད་བཞིན་དུ་འབུལ་བའི་སྲོལ་མཆིས། འདི་སིདྒ་ལ་སོགས་ཉེ་བའི་ཡུལ་གང་ན་ཡང་མེད་པས་སྔོན་ཐེག་ཆེན་པའི་དུས་སུ་དར་བ་ཞིག་ཡིན་ཟེར། རང་རེ་རྣམས་ཀྱིས་ཡོན་ཆབ་ཀྱི་སྲོལ་ཇོ་བོ་བྱོན་ནས་བོད་ཀྱི་ཆུ་གཟིགས་ཏེ་གསར་དུ་མཛད་པ་འདྲ་བ་ཞིག་བཤད་མོད། དོན་ལ་རྒྱ་གར་ལ་སྔ་མོ་ནས་དར་བར་མངོན། ཞེས་དགེ་འདུན་ཆོས་འཕེལ་གསུང་ངོ་། །བཞི་པ་ (ཡོན་ཆབ་འབུལ་ཚུལ) ནི། ཡོན་ཆབ་འབུལ་བའི་ཚེ་ཐོག་མར་གནས་ཁང་བྱི་དོར་བྱ་བ་སོགས་སྤྱི་འགྲེ་ལྟར་སྔོན་དུ་བཏང་། དེ་ནས་ལག་པ་ལེགས་པར་བཀྲུས་ལ་གཙང་སྦྲ་དང་ལྡན་པའི་སྒོ་ནས་ཏིང་རྣམས་ལེགས་པར་ཕྱིས། ཏིང་ཆེ་ཆུང་ལ་གཞིགས་ཏེ་བར་ཐག་ཀྱང་ཆེ་ཆུང་འཚམ་པ་ཞིག་བཞག ཏིང་ཆུང་ཆུང་ཡིན་ན་ནས་འབྲུ་ཞིག་འཕྲད་སྟབས་སུ་བཞག་པའི་བར་ཐག་འཇོག བར་ཐག་རིང་ན་བླ་མ་དང་འབྲལ་བ་དང༌། ཅིག་གིས་ཅིག་ལ་ཐུག་ན་དབང་པོ་རྟུལ་བ་དང༌། སྒྲ་འབྱིན་ན་སྨྱོ་བ་སོགས་འབྱུང་བར་ཡང་བཤད། དེ་ཡང་སྣོད་སྟོང་པ་བསྒྲིགས་ན་རྟེན་འབྲེལ་འཕྱུག་པས་ཏིང་རྣམས་བརྩེགས་པའི་སྟེང་མར་ཆུ་ཅུང་ཟད་བླུགས། ཆུ་དེ་འོག་མ་འོག་མར་བགོ་བཞིན་དུ་སྟོང་པ་མིན་པར་རིམ་བཞིན་མཆོད་ཁྲིའི་སྟེང་འགྲེམས། དེ་ནས་འབུལ་བའི་ཚེ་ལག་པ་ཡ་གཅིག་གིས་འབུལ་བར་བྱེད་པ་སོགས་མ་གུས་པ་མི་བྱ་བར་རྒྱལ་པོ་ཆེན་པོ་ཞིག་ལ་གསོལ་ཇ་ཞུ་བ་ལྟར་བྱེད་དགོས། དེ་ཡང་ནས་འདྲ་མ་ཞེས་ནས་འབྲུའི་དབྱིབས་ལྟར་ཐོག་མཐའ་གཉིས་ཕྲ་ཞིང་དཀྱིལ་སྦོམ་པ་བྱས་ནས་འབུལ། ཕྱིར་བོ་ཞིང་ལུད་ན་ཚུལ་ཁྲིམས་འཆལ་ཞིང༌། མ་ཁེངས་ན་ལོངས་སྤྱོད་དབུལ་བ། ཡ་ཡོར་སོང་ན་ལམ་ལོག་པར་གོལ་བ་སོགས་ཀྱི་ཉེས་པ་འབྱུང་བར་བཤད། རྩྭ་ཀུ་ཤ་ལྟ་བུའི་རྩེར་ཡོན་ཆབ་ཀྱི་ཆུ་ལས་ཆུའི་གཟེགས་མ་བླངས་ཤིང་། ངག་ནས་ༀ་ཨཱཿཧཱུྃ་ལན་གསུམ་བརྗོད་པ་དང་མཉམ་དུ། ཡོན་ཆབ་ལ་སིལ་གཏོར་བྱས་ཏེ་བྱིན་གྱིས་བརླབ་དགོས། ལྔ་པ་ (ཡོན་ཆབ་བྱིན་གྱིས་རློབ་ཚུལ) རྡོ་རྗེ་གསུམ་སྟེ་སངས་རྒྱས་ཀྱི་སྐུ་གསུང་ཐུགས་ཀྱི་ངོ་བོ་མཚོན་པའི་ༀ་ཨཱ་ཧཱུྂ་གསུམ་གྱི་ཡིག་འབྲུའི་ཚོགས་དཔག་ཏུ་མེད་པ་གནམ་མཁའ་ལས་ཁ་བ་འབབ་པ་ལྟར་བབས་ཏེ་དངོས་སུ་བཤམས་པ་དང་ཡིད་ཀྱིས་སྤྲུལ་པའི་ཡོན་ཆབ་སོགས་ཡིད་དུ་འོང་བའི་མཆོད་པའི་དངོས་པོ་ནམ་མཁའི་མཐའ་ཀླས་པ་དེ་དག་ལ་སིམས་ཏེ་བྱིན་གྱིས་བརླབས་པར་མོས། དེ་ཡང་ཧཱུྂ་ཡིག་ཐུགས་རྡོ་རྗེའི་ས་བོན་ཡིན་པས་ཁ་དོག་དང་དྲི་དང་ནུས་པ་སོགས་ཀྱི་སྐྱོན་ཐམས་ཅད་སྦྱངས་པར་བསམ། ཨཱ་ཡིག་གསུང་རྡོ་རྗེའི་ས་བོན་ཡིན་པས་ཐ་མལ་གྱི་ཆུ་དེ་ཉིད་བདུད་རྩིར་བསྒྱུར་བར་བསམ། ༀ་ཡིག་སྐུ་རྡོ་རྗེའི་ས་བོན་ཡིན་པས་ཡེ་ཤེས་ཀྱི་བདུད་རྩི་དེ་ཉིད་མང་པོར་སྦར་ཞིང་སྤེལ་བའི་མོས་པ་བྱའོ། །དེ་ནས་ༀ་ན་མོ་བྷ་ག་ཝ་ཏེ། བཛྲ་སཱ་ར་པྲ་མརྡྷ་ནི། ཏ་ཐཱ་ག་ཏཱ་ཡ། ཨརྷ་ཏྱེ་ས་མྱཀ་སཾ་བུདྡྷ་ཡ། ཏདྱ་ཐཱ། ༀ་བཛྲེ་བཛྲེ་མཧཱ་བཛྲེ། མཧཱ་ཏེ་ཛ་བཛྲེ། མཧཱ་བིདྱཱ་བཛྲེ། མཧཱ་བོ་དྷི་ཙིཏྟ་བཛྲེ། མཧཱ་བོདྷི་མཎྜོ་པ་སཾ་ཀྲ་མཎ་བཛྲེ། སརྦ་ཀརྨྨ་ཨ་ཝ་ར་ཎཱ་བི་ཤོ་དྷ་ན་བཛྲེ་སྭཱཧཱ། ཞེས་དེ་བཞིན་གཤེགས་པ་རྡོ་རྗེ་རབ་འཇོམས་ཀྱི་གཟུངས་སམ་མཆོད་པའི་སྤྲིན་གྱི་གཟུངས་བརྗོད་བཞིན་པར་ཕུལ་ན་ཕྱོགས་བཅུའི་སངས་རྒྱས་ཐམས་ཅད་ཀྱི་སྤྱན་སྔར་མཆོད་པའི་སྤྲིན་གྱི་ཕུང་པོ་ནམ་མཁའ་གང་བ་འབྱུང་བར་གསུངས་པས་ཤིན་ཏུ་ཕན་ཡོན་ཆེའོ། །དྲུག་པ་ (མཆོད་ཏིང་གི་རྒྱུའི་ཁྱད་པར) མཆོད་ཏིང་ལ་རྫ་ཁོག་སོགས་རུང་ངམ་ཞེ་ན། བྱ་བྲལ་བ་ལྟ་བུའི་དབུལ་ཕོངས་ལ་ནི་རུང་ངོ་། །དབུལ་པོ་བྱ་བྲལ་བ་ལྟ་བུ་སྦྱོར་བ་མེད་ན་རང་གི་ཕོར་པ་ཡང་རུང་བར་གསུངས་ཏེ། རྗེ་སྒྲུབ་ཁང་པ་དགེ་ལེགས་རྒྱ་མཚོ་དེ་ཉིད་ཐོག་མར་སེ་ར་རྩེར་རྗེའི་སྒྲུབ་ཁང་དུ་ཕེབས་འཕྲལ་སྐབས་སྐུ་ཆས་དང་ཡོ་བྱད་བཀྲེན་པས། ཡོན་ཆབ་འབུལ་བའི་ཏིང་ཙམ་ཡང་མེད་པར། ཡོན་ཆབ་འབུལ་སྐབས་ཁོང་རང་གི་བཞེས་སྤྱད་ཆུས་ཡག་པོ་བཀྲུས་ནས་དེ་ལ་ཡོན་ཆབ་འབུལ་བར་གསུངས་པའི་ལོ་རྒྱུས་ཡོད་དོ། །འོ་ན་གསེར་དངུལ་ཟངས་སོགས་བྱེད་པ་རྒྱུ་མཚན་ཅི་ཡིན་ཞེ་ན། རང་གི་སྦྱོར་བས་ལྕོགས་ན་སྣོད་ཇི་ཙམ་རིན་ཆེ་བ་དེ་ཙམ་གྱིས་ཕན་ཡོན་ཡང་ཆེ་བ་ཡིན་ནོ། །བདུན་པ་ (ཡོན་ཆབ་ཕུལ་བའི་ཕན་ཡོན) ཕན་ཡོན་བཤད་པ་བཤད་པ་ལ། ཐོག་མར་ཡན་ལག་བརྒྱད་ལྡན་གྱི་ཆུ་ངོས་གཟུང་བ་ནི། མཆིམས་མཛོད་ལས། བསིལ་དང་ཞིམ་དང་ཡང་བ་དང༌། །འཇམ་དང་དྭངས་དང་དྲི་ང་མེད། །འཐུངས་ན་མགྲིན་དང་ལྟོ་བ་ལ། མི་གནོད་ཡན་ལག་བརྒྱད་ལྡན་ཆུ། །ཞེས་གསུངས་པ་ལྟར་རོ། །ཡན་ལག་བརྒྱད་ལྡན་གྱི་ཆུ་འབུལ་བའི་ཕན་ཡོན་ནི། དྭངས་ཤིང་བསིལ་བའི་ཡོན་ཆབ་གཙང་མ་ཕུལ་ན་ཤེས་རྒྱུད་ཀྱི་སྡིག་ལྟུང་སྦྱངས་ཏེ་ས་ལམ་གྱི་རྟོགས་པ་སྐྱེ་བའི་དགོས་པ་ཡོད་པར་གསུངས་ཤིང་། ཁྱད་པར་དུ་ཡན་ལག་བརྒྱད་ལྡན་གྱི་ཆབ་ཕུལ་བས་ནི། ཆུ་བསིལ་བ་ཕུལ་བས་ཚུལ་ཁྲིམས་དག་པ་དང༌། ཆུ་ཞིམ་པ་ཕུལ་བས་ཟས་ཀྱི་རོ་མཆོག་རྙེད་པ་དང༌། ཆུ་ཡང་བ་ཕུལ་བས་ལུས་སེམས་ལས་སུ་རུང་བ་དང༌། ཆུ་འཇམ་པ་ཕུལ་བས་ཤེས་རྒྱུད་འཇམ་པ་དང༌། ཆུ་དྭངས་བ་ཕུལ་བས་རིག་པ་དྭང་བར་འགྱུར་བ་དང༌། ཆུ་དྲི་མི་ང་བ་ཕུལ་བས་སྒྲིབ་པ་སྦྱོང་བ་དང༌། ཆུ་ལྟོ་ལ་མི་གནོད་པ་ཕུལ་བས་ལུས་ལ་ནད་མི་འབྱུང་བ་དང༌། ཆུ་མགྲིན་པ་ལ་མི་གནོད་པ་ཕུལ་བས་ངག་སྙན་པ་བཅས་ཀྱི་ཕན་ཡོན་བརྒྱད་འབྱུང་བར་གསུངས་སོ། །གཞན་ཡང་ཆུ་ཕུལ་བས་ཕན་ཡོན་ཅི་ཐོབ་སྙམ་པ་སྲིད་ཀྱང་། དེ་ནི་དེ་ལྟར་མ་ཡིན་ཏེ། དབུལ་ཞིང་ཕོངས་པའི་བྲན་མོ་རྒན་མོ་ཞིག་གིས་འཕགས་པ་ཀཱ་ཏྱཱ་ཡ་ན་ལ་ཆུ་གཙང་མ་ལྷུང་བཟེད་གང་ཕུལ་བའི་དགེ་བའི་རྩ་བས་སུམ་ཅུ་རྩ་གསུམ་དུ་སྐྱེས་པའི་ལོ་རྒྱུས་ཡོད་དེ། མདོ་མཛངས་བླུན་༼མདོ་སྡེ་ཨ་པ༽༡༩༢བ༥ལས། བཙུན་པ་ཀཱ་ཏྱཱ་ཡ་ན་ཆེན་པོ་ཡུལ་ཨ་པ་དེ་ན་འདུག་པ་ལས། ཡུལ་དེ་ན་ཁྱིམ་བདག་ལོངས་སྤྱོད་དང་ལྡན་པ་སེར་སྣ་ཅན་སྙིང་རྗེ་མེད་པ་ཞིག་ལ་བྲན་མོ་རྒན་མོ་ཞིག་ཡོད་དེ། བྲན་མོ་དེ་ངན་ལས་ཐམས་ཅད་བྱེད་ཀྱང་གོས་ནི་ལུས་ལ་མི་གཡོགས། ཟས་ནི་ཁར་མི་མྱོང་སྟེ། རྟག་ཏུ་བརྡུང་བཙོགས་པས་རྒན་མོས་མ་བཟོད་ནས། སྲོག་འདོར་དུ་འགྲོའོ་སྙམ་ནས་བུམ་པ་ཐོགས་ཏེ་ཆུ་འཆུར་སོང་བ་དང་། ཆུ་འགྲམ་དུ་སྐད་ཆེན་པོ་ཕྱུང་སྟེ་ངུས་སོ། །ཀཱ་ཏྱཱ་ཡ་ན་དེར་འོངས་ཏེ། རྒན་མོ་ཅིའི་ཕྱིར་འདི་ལྟར་མི་དགའ་ཞེས་དྲིས་པ་དང་། འཕགས་པ་བདག་རྒས་པའི་སྟེང་དུ་ལས་ནི་ཆེ། བགོ་བ་དང་བཟའ་བ་ནི་མེད། དབུལ་ཕོངས་པས་ཅིའི་ཕྱིར་མི་འགུམ་སྙམ་བསམས་མི་དགའ་སྟེ་ངུའོ། །ཀཱ་ཏྱཱ་ཡ་ནས་སྨྲས་པ། རྒན་མོ་ཁྱོད་དབུལ་པོ་བཙོང་ན་ཅི་ཉེས། རྒན་མོས་སྨྲས་པ། དབུལ་ཇི་ལྟར་བཙོང་སུ་ཞིག་དབུལ་ཉོ་ཞེས་སྨྲས་པ་དང་། ཀཱ་ཏྱཱ་ཡ་ནས་དབུལ་བཙོང་དུ་རུང་ངོ་། །ཞེས་ལན་གསུམ་གྱི་བར་དུ་བསྒོ་བ་དང་། དབུལ་འདི་ཇི་ལྟར་བཙོང་དྲིའོ་སྙམ་ནས། དབུལ་ཇི་ལྟར་བཙོང་དུ་རུང་ཞེས་དྲིས་པ་དང་། ཀཱ་ཏྱཱ་ཡ་ནས་སྨྲས་པ། ཇི་སྟེ་དབུལ་བཙོང་བར་འདོད་ན་ངས་བསྟན་པ་བཞིན་དུ་གྱིས་ཤིག ཅེས་བསྒོ་བ་དང་། འཕགས་པ་དེ་བཞིན་དུ་བགྱིའོ་ཞེས་གསོལ་ཏོ། །ཀཱ་ཏྱཱ་ཡ་ནས་སྨྲས་པ། ཁྱོད་སྔར་ཁྲུས་གྱིས་ཤིག་བཀྲུས་པའི་འོག་ཏུ་སྦྱིན་པ་གྱིས་ཤིག རྒན་མོས་སྨྲས་པ། བདག་ལ་ལྷན་པ་ཙམ་གྱི་རྒྱུ་ཡང་མེད་ན་ཅི་ཞིག་སྦྱིན་པར་བྱ་བུམ་པ་འདི་ནི་ཇོ་མོའི་ཡིན་ཏེ། དབང་མ་མཆིས་སོ། །ཀཱ་ཏྱཱ་ཡ་ནས་སྨྲས་པ། ཁྱོད་ལྷུང་བཟེད་ཀྱི་ནང་ན་ཆུ་གཙང་མ་ཁོང་ལ་ང་ལ་ཕུལ་ཅིག ངས་སྦྱིན་པའི་ཚིགས་སུ་བཅད་པར་བྱའོ། །ཀཱ་ཏྱཱ་ཡ་ནས་ཆུ་བླངས་ཏེ་སྦྱིན་པའི་ཚིགས་བཅད་ཀྱང་བྱས་བསླབ་ཚིག་ཀྱང་བྱིན། སངས་རྒྱས་ཀྱི་མཚན་བརྗོད་དུ་བཅུག་སྟེ། ཡོན་ཏན་རྣམ་པ་སྣ་ཚོགས་བསྔགས་ནས་རྒན་མོ་ཁྱོད་ལ་འདུག་པའི་གནས་ཡོད་དམ། རྒན་མོས་སྨྲས་པ། བདག་ལ་འདུག་པའི་གནས་མ་མཆིས་ཏེ། འཐག་པ་དང་གཏུན་བརྡུངས་པ་དང་། ལས་བྱེད་པའི་གནས་ཉིད་ལ་ཉལ་ལོ། །བར་འགའ་ནི་ལུད་ཕུང་གི་སྟེང་དུ་ཡང་ཉལ་ལོ། །ཀཱ་ཏྱཱ་ཡ་ནས་སྨྲས་པ། ཁྱོད་ངན་ལས་བྱེད་པ་ལ་འགྱོད་པ་དང་། མི་དགའ་བར་མ་བྱེད་པར་བརྩོན་འགྲུས་སུ་ལས་བྱོས་ལ། ཇོ་མོ་བསྙལ་བའི་འོག་ཏུ་དལ་གྱིས་ཇོ་མོའི་སྒོ་ཕྱེ་སྟེ། སྒོ་ཕག་གམ་གྲབ་གཙང་ཞིག་ཏུ་རྩྭ་གཙང་མ་བཏིང་བ་ལ་འདུག་ནས་གཞན་མ་སེམས་པར་སངས་རྒྱས་ཡིད་ལ་བྱོས་ལ་དྲན་པར་གྱིས་ཤིག དེ་ནས་རྒན་མོས་ཀྱང་བསྟན་པ་བཞིན་དུ་བྱས་ནས་རིང་པོ་མ་ལོན་པར་མཚན་མོ་འདུག་བཞིན་དུ། ཚེ་འཕོས་ནས་སུམ་ཅུ་རྩ་གསུམ་གྱི་ལྷར་སྐྱེས་ནས། དེའི་ཇོ་མོ་ནང་པར་སྔར་ལངས་ནས། ཁྱིམ་གྱི་ནང་ན་བྲན་མོ་ཚེ་འཕོས་པ་མཐོང་ནས། ཁྲོས་ཏེ་རྒན་མོ་འདི་ཁྱིམ་གྱི་ནང་དུ་མ་བཏང་ན་ཅིའི་ཕྱིར་འདིར་ཚེ་འཕོས། ཞེས་གཤེ་ནས་རྐང་པ་ལ་རྩྭ་ཐག་གིས་བཏགས་ཏེ་བཤལ་ནས་དུར་ཁྲོད་དུ་བསྐྱལ་ལོ། །དེའི་ཚེ་ལྷའི་སྲས་པོ་ཞིག་ལ་ལྷའི་བུ་མོ་ལྔ་བརྒྱས་བསྐོར་ཏེ་རྩེ་བར་དགའ་བ་ལས་ཚེ་འདས་ནས་རྒན་མོ་དེ་ལྷའི་སྲས་མོ་དེའི་གནས་སུ་སྐྱེས་སོ། །ལྷར་སྐྱེས་པ་དག་དབང་པོ་རྣོན་པོས་ནི་བདག་ཅིའི་རྐྱེན་གྱིས་ལྷར་སྐྱེས་པ་ཤེས་སོ། །དབང་པོ་རྟུལ་པོ་དེ་དག་གིས་མི་ཤེས་ཏེ། རྒན་མོ་དེས་ཅིའི་ཕྱིར་ལྷར་སྐྱེས་པ་མི་ཤེས་ཀྱི་བདེ་བ་འབའ་ཞིག་ལ་ཆགས་སོ། །དེའི་ཚེ་ཤཱ་རིའི་བུ་སུམ་ཅུ་རྩ་གསུམ་ན་འདུག་པ་དེས་ཁྱོད་ཅིའི་རྐྱེན་གྱིས་ལྷར་སྐྱེས་པ་ཤེས་སམ་ཞེས་དྲིས་པ་དང་། བདག་གིས་མི་ཤེས་སོ་ཞེས་སྨྲས་ནས། ཤཱ་རིའི་བུས་ལྷའི་མིག་གིས་བལྟས་ཏེ། ཇི་ལྟར་ལྷར་གྱུར་པ་མཐོང་བར་བྱས་སོ། །དེ་ནས་ལྷའི་སྲས་མོ་ལྔ་བརྒྱ་ཙམ་དང་། དུར་ཁྲོད་དུ་ལྷགས་ཏེ། རུས་བུ་ལ་ལྷའི་མེ་ཏོག་གིས་གཏོར། སྤོས་ཀྱི་མཆོད་པ་བྱས་སོ། །ལྷའི་འོད་ཀྱིས་གྲོང་ཁྱེར་དེ་དག་སྣང་བ་ཆེན་པོས་སྣང་བར་གྱུར་ནས། དེའི་ཇོ་མོ་ལ་སོགས་པ་ཡ་མཚན་དུ་གྱུར་ཏེ། མི་མང་པོ་ཡང་བལྟར་དོང་བ་ལས། ལྷ་མང་པོ་རྒན་མོའི་རུས་བུ་ལ་མཆོད་པ་བྱེད་པར་མཐོང་ནས་ལྷ་རྣམས་ལ་ཁྱོད་ཅིའི་ཕྱིར་རུས་བུ་འདི་ལ་མཆོད་པ་བྱེད། འདི་ནི་གསོན་པོའི་ཚེ་ན་ཡང་བཙོག་པས་ཀུན་གྱིས་མི་འདོད་ན། ད་ཚེ་འཕོས་པའི་རུས་བུ་ལྟ་ཅི་སྨྲོས་ཞེས་སྨྲས་སོ། །དེའི་ཚེ་ན་ལྷའི་སྲས་མོ་རྣམས་ཀྱིས་ཇི་ལྟར་ལྷར་སྐྱེས་པའི་གཏམ་རྒྱས་པར་བྱས་ནས། ཀཱ་ཏྱཱ་ཡ་ན་གང་ན་བ་དེར་སོང་ངོ་། །ཀཱ་ཏྱཱ་ཡ་ནས་ལྷའི་སྲས་མོ་དེ་དག་ལ་སྦྱིན་པ་དང་། ཚུལ་ཁྲིམས་དང་། མཐོ་རིས་སུ་སྐྱེས་པ་ལ་སོགས་ཏེ། དམ་པའི་ཆོས་ཀྱི་གཏམ་རྒྱས་པར་བྱས་ནས། མི་གཙང་བའི་ཆོས་དང་འབྱུང་བའི་ཆོས་བསྟན་པས། ལྷའི་སྲས་མོ་དེ་དག་རྡུལ་དང་བྲལ། དྲི་མ་དང་བྲལ་ཏེ་ཆོས་ལ་ཆོས་ཀྱི་མིག་རྣམ་པར་དག་པར་གྱུར་ནས་ཕྱིར་ལྷའི་གནས་སུ་དོང་ངོ་། །འཁོར་མང་པོ་རྣམས་ཀྱང་ཆོས་བསྟན་པ་ཐོས་ནས་སོ་སོ་ནས་འབྲས་བུ་དང་པོ་ནས་འབྲས་བུ་བཞི་པའི་བར་དུ་ཐོབར་གྱུར་ནས། རྗེས་སུ་ཡི་རངས་ནས་མངོན་པར་དགའོ། །བྲན་མོ་དབུལ་མོས་ཀཱ་ཏྱཱ་ཡ་ན་ལ་དབུལ་བཙོངས་པའི་ལེའུ་སྟེ་བཅུ་དགུ་པའོ། །ཞེས་གསུངས་སོ། །བརྒྱད་པ་ (ཡོན་ཆབ་ལ་བདུན་ཚར་རམ་བདུན་ཚར་རམ་བདུན་ཚན་དུ་བྱེད་པའི་རྒྱུ་མཚན) ནི། ཆུ་གཉིས་དང༌། ཉེར་སྤྱོད་ལྔ་སྟེ་བདུན་མཚོན་བྱེད་ཡིན། ཆུ་གཉིས་ནི། མཆོད་ཡོན་དང་ཞབས་བསིལ་ལོ། །ཉེར་སྤྱོད་ལྔ་ནི། མེ་ཏོག བདུག་སྤོས། མར་མེ། དྲི་ཆབ། ཞལ་ཟས་དང་ལྔའོ། །དེ་ལྟ་བུའི་མཆོད་པ་བདུན་པོ་དེ་འབུལ་བའི་དོད་དུ་ཡོན་ཆབ་ལ་བདུན་ཚར་བྱེད་པ་རེད། དེ་ཡང་། ༡ (མཆོད་ཡོན) ནི། ཞལ་ལ་འཐུང་རྒྱུའི་ཆུ། ༢ (ཞབས་བསིལ) ཞབས་འཁྲུད་བྱེད་ཀྱི་ཆུ། ༣ དབུ་ལ་འབུལ་རྒྱུའི་ (མེ་ཏོག) ༤ ཤངས་ལ་འབུལ་རྒྱུའི་ (བདུག་སྤོས) ༥ སྤྱན་ལ་འབུལ་རྒྱུའི་ (མར་མེ) ༦ ཐུགས་སམ་སྙིང་ཁར་འབུལ་རྒྱུའི་ (དྲི་ཆབ) ཞལ་ལ་འབུལ་རྒྱུའི་ (ཞལ་ཟས) སོ། །འདི་ནི་སྔར་རྒྱ་གར་འཕགས་པའི་ཡུལ་དུ་དར་བའི་གོམས་སྲོལ་ཞིག་སྟེ། ཚ་བ་ཆེ་བས་ཐོག་མར་འགྲོན་པོར་སྐོམ་པ་བསལ་བའི་ཕྱིར་ཆབ་འབུལ་བ་དང་། དེ་ནས་ (སྔོན་རྒྱ་གར་བ་མང་ཆེ་བ་ཞབས་རྗེན་མར་ཕེབས་པས) ཞབས་དཀྲུ་བ། དེ་ནས་མེ་ཏོག་འབུལ་བ། དེ་ནས་བདུག་སྤོས་ཀྱིས་བདུག་པ། མར་མེ་འབུལ་བ། (རྒྱ་གར་བ་རྣམས་སྡེར་མའི་མཆོད་རྫས་དང་མར་མེ་འགྲོན་པོ་སོགས་ཀྱི་མདུན་དུ་སྐོར་ཙམ་བྱེད་པ་དེའི་དོད་ལྟ་བུ་ཡིན་ནམ་སྙམ) དེ་ནས་ལུས་པོའི་ནང་ནས་ཚ་དྲོད་ཆེ་ཤོས་སྙིང་ཁའི་ཐད་ཡིན་པས། དེ་ལ་ཙནྡ་གྱི་ལྡེ་གུ་བསིལ་བ་སྟེར་བའི་བྱུག་པའི་རིགས་སྙིང་ཁར་བྱུག་པ། དེ་ནས་ཞལ་ཟས་སམ་གསོལ་སྟོན་འབུལ་བ་ཡིན་ནོ། །མདོར་ན་ཆུ་གཉིས་ཉེར་སྤྱོད་ཀྱི་རིམ་པ་འདི་ཡང་རྒྱ་གར་བའི་ཡུལ་སྲོལ་དང་མཐུན་པར་བྱས་སོ། །ཇོ་བོ་ཆེན་པོ་སྐུ་ན་ཤིན་ཏུ་མཐོ་བའི་སྐབས་ཀྱང་སྒྱིད་པ་འདར་ཕྲི་ལི་ལི་ཡོན་ཆབ་འབུལ་བར་མཛད་པས། གཞན་གྱིས་ཇོ་བོ་འོ་བརྒྱལ་བར་འདུག་པས་བདག་ཅག་གིས་འབུལ་ཞེས་ཞུས་པ་ན། ཇོ་བོ་ཆེན་པོས། འོ་ན་ངས་ཟས་ཟ་བའི་ཚེ་ནའང་ཇོ་བོ་འོ་བརྒྱལ་བར་འདུག་ཅེས་ངོས་ཀྱི་ཟས་སྐལ་ཁྱོད་ཚོས་ཟའམ་ཞེས་གསུངས་པའི་ལོ་རྒྱུས་ཡོད་པས་འུ་ཅག་སོ་སོའི་སྐྱེ་བོ་ཐ་མལ་པ་དག་གིས་ཅིས་ཀྱང་འབད་པར་རིགས་སོ། །དགུ་པ་ (ཡོན་ཆབ་འབུལ་བའི་རྒྱུ་མཚན) ཇ་དང་འོ་མ་སོགས་མི་འབུལ་བར་ཆུ་འབུལ་བའི་རྒྱུ་མཚན་གང་ཡིན་ནམ་སྙམ་ན། དེ་ལ་རྒྱུ་མཚན་མང་དུ་ཡོད་ཀྱང་གཙོ་བོ་ནི། ཆུ་ནི་རིན་སྤྲད་ནས་ཉོ་སྒྲུབ་བྱེད་མི་དགོས་པས་དབུལ་ཕྱུག་ཀུན་གྱིས་བསྒྲུབ་ནུས་ཤིང་། ཆུ་འབུལ་བའི་ཚེ་སེར་སྣ་དང་ང་རྒྱལ་སོགས་ཀྱི་སྐྱོན་གྱིས་གོས་པའི་ཉེས་པ་མི་འབྱུང་བས། ཀུན་སློང་གི་ཆ་ནས་མཆོད་པ་རྣམ་པར་དག་པ་ཞིག་ཏུ་འགྱུར་བས། རྒྱུ་མཚན་དེ་དག་ལ་བརྟེན་ནས་ཡོན་ཆབ་བམ་ཆུའི་མཆོད་པ་འབུལ་བ་ཡིན་ནོ། །བཅུ་པ་ (ཏིང་གི་སྒྲ་བཤད) སྒྲ་ཡི་ཁྱད་པར་གྱི་སྒོ་ནས་བཏགས་པར་སེམས་ཏེ། ལི་ཏིང་ལྟ་བུར་དབྱུག་གུས་བསྣུན་པའམ་ཕུ་བརྒྱབ་ན་ཏིང་ཞེས་པའི་སྒྲ་འབྱུང་བས་དེའི་ཆ་ནས་བཏགས་པར་སེམས་སོ། །་སྒྲ་འབྱུང་བས་དེའི་ཆ་ནས་བཏགས་པར་སེམས་སོ། །)
- Dictionaries/sgom sde tshig mdzod chenmo/12971 + (སྦྲང་བུའི་མིང་།)
- Dictionaries/sgom sde tshig mdzod chenmo/8403 + (སྨད་འཚོང་མ། པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་རང་རྣམ་ལས། ཆགས་སྡང་བརླང་པོའི་ཐུགས་རྒྱུད་ཞོ་འཐུང་བུའི། །རུས་པར་འགྲན་ཀྱང་གསུང་འཇམ་ཞི་དུལ་ཅན། །ངུར་སྨྲིག་གིས་མཛེས་ཚེར་མ་དར་གཏུམས་བཞིན། །འཕྱོན་མའི་རྣམ་ཐར་ཚུལ་ལའང་བདག་མི་དགའ། །ཞེས་གསུངས་པ་ལྟར་རོ། །)
- Dictionaries/sgom sde tshig mdzod chenmo/3447 + (སྨིན་བྱེད་རྒྱུའི་དབང་། གྲོལ་བྱེད་ལམ་གྱི་དབང་། གྲོལ་བ་འབྲས་བུའི་དབང་དང་གསུམ་མོ། །)
- Dictionaries/sgom sde tshig mdzod chenmo/13124 + (སྲེད་མེད་ཀྱི་བུ་ནི་ཁྱབ་འཇུག་ཡིན་ལ་དེའི་སྟོ … སྲེད་མེད་ཀྱི་བུ་ནི་ཁྱབ་འཇུག་ཡིན་ལ་དེའི་སྟོབས་ཤུགས་ཀྱི་ཚད་ཅེས་པའི་དོན་ནོ། །འདི་ལ་གླང་ཆེན་ཕལ་པ་ས་ཡ་གཅིག་གི་ཤུགས་ཚད་ཡོད་པར་བཤད་དོ། །དེ་ཡང་གླང་ཆེན་ཕལ་པ་དང༌། སྤོས་ཀྱི་གླང་པོ་ཆེ། ཚན་པོ་ཆེ་ཆེན་པོ། རབ་གནོན། ཡན་ལག་མཆོག སྟོབས་མཆོག སྲེད་མེད་ཀྱི་བུ་རྣམས་ཏེ་བདུན་པོ་དེ་དག་སྔ་མ་སྔ་མ་ལས་ཕྱི་མ་ཕྱི་མ་བཅུ་བསྒྱུར་གྱིས་ལྷག་པའོ། །སངས་རྒྱས་ཀྱི་སྐུའི་རུས་པའི་ཚིགས་རེ་རེ་ལའང་སྲེད་མེད་ཀྱི་བུའི་སྟོབས་མངའ་བར་གསུངས་སོ། །མཛོད་རྩ་འགྲེལ་གྱི་གསུང་ཚུལ་ལོ། །ཡང་། འདུལ་བ་ལུང་གཞི་༼ ཁ་པ ༽༥༩བ༣ ལས། གནས་འཇོག་དག་མི་བཅུའི་སྟོབས་གང་ཡིན་པ་དེ་ནི་གླང་ཕལ་པ་ (འདི་གླང་ཞེས་པ་བ་གླང་ལ་གོ་དགོས) གཅིག་གི་ཡིན་ནོ། །གླང་ཕལ་པ་བཅུའི་སྟོབས་གང་ཡིན་པ་དེ་ནི་བ་མེན་སྔོན་པོ་གཅིག་གི་ཡིན་ནོ། །བ་མེན་སྔོན་པོ་བཅུའི་སྟོབས་གང་ཡིན་པ་དེ་ནི་གླང་པོ་ཆེ་ཕྲུ་གུ་གཅིག་གི་ཡིན་ནོ། །གླང་པོ་ཆེ་ཕྲུ་གུ་བཅུའི་གང་ཡིན་པ་དེ་ནི་གླང་པོ་ཆེ་མོ་གཅིག་གི་ཡིན་ནོ། །གླང་པོ་ཆེ་མོ་བཅུའི་གང་ཡིན་པ་དེ་ནི་གླང་པོ་ཆེ་ཕལ་གཅིག་གི་ཡིན་ནོ། །གླང་པོ་ཆེ་ཕལ་བཅུའི་གང་ཡིན་པ་དེ་ནི་གླང་པོ་ཆེ་མཆེ་བ་མེད་གཅིག་གི་ཡིན་ནོ། །གླང་པོ་ཆེ་མཆེ་བ་མེད་བཅུའི་གང་ཡིན་པ་དེ་ནི་སྔོན་པོ་གཅིག་གི་ཡིན་ནོ། །སྔོན་པོ་བཅུའི་གང་ཡིན་པ་དེ་ནི་སེར་པོ་གཅིག་གི་ཡིན་ནོ། །སེར་པོ་བཅུའི་གང་ཡིན་པ་དེ་ནི་དམར་པོ་གཅིག་གི་ཡིན་ནོ། །དམར་པོ་བཅུའི་གང་ཡིན་པ་དེ་ནི་དཀར་པོ་གཅིག་གི་ཡིན་ནོ། །དཀར་པོ་བཅུའི་གང་ཡིན་པ་དེ་ནི་འབིགས་བྱེད་ཀྱི་གླང་པོ་ཆེ་གཅིག་གི་ཡིན་ནོ། །འབིགས་བྱེད་ཀྱི་གླང་པོ་ཆེ་བཅུའི་གང་ཡིན་པ་དེ་ནི་སྤོས་ཀྱི་གླང་པོ་ཆེ་གཅིག་གི་ཡིན་ནོ། །སྤོས་ཀྱི་གླང་པོ་ཆེ་བཅུའི་གང་ཡིན་པ་དེ་ནི་ཚན་པོ་ཆེ་གཅིག་གི་ཡིན་ནོ། །ཚན་པོ་ཆེ་བཅུའི་གང་ཡིན་པ་དེ་ནི་ཚན་པོ་ཆེ་ཆེན་པོ་གཅིག་གི་ཡིན་ནོ། །ཚན་པོ་ཆེ་ཆེན་པོ་བཅུའི་གང་ཡིན་པ་དེ་ནི་རབ་གནོན་གཅིག་གི་ཡིན་ནོ། རབ་གནོན་བཅུའི་གང་ཡིན་པ་དེ་ནི་སྟོབས་མཆོག་གཅིག་གི་ཡིན་ནོ། །སྟོབས་མཆོག་བཅུའི་གང་ཡིན་པ་དེ་ནི་སྲེད་མེད་ཀྱི་བུའི་སྟོབས་ཕྱེད་དོ། །སྲེད་མེད་ཀྱི་བུའི་སྟོབས་ཕྱེད་གཉིས་གང་ཡིན་པ་དེ་ནི་སྲེད་མེད་ཀྱི་བུའི་སྟོབས་ཡིན་ཏེ། དེ་དེ་བཞིན་གཤེགས་པའི་ཚིགས་ཕྲན་དག་ན་ཡོད་པས་གནས་འཇོག་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་སྲེད་མེད་ཀྱི་བུའི་སྟོབས་ཀྱི་ཚོགས་ཅན་ཡིན་ནོ། །བར་སྡོམ་ལ། མི་དང་གླང་དང་བ་མེན་དང་ནི་དེ་བཞིན་གླང་ཆེན་ཕྲུ་གུ་དང༌། །གླང་ཆེན་མོ་དང་ཕལ་དང་མཆེ་བ་མེད་དང་དེ་བཞིན་བཞི་ཚན་དང༌། །འབིགས་བྱེད་གླང་ཆེན་སྦོས་ཀྱི་གླང་ཆེན་དང་ནི་ཚན་པོ་ཆེ་གཉིས་དང༌། །རབ་གནོན་དང་ནི་སྟོབས་མཆོག་དག་དང་སྲེད་མེད་བུ་ཡི་སྟོབས་གཉིས་སོ། །ཞེས་གསུངས་སོ། །་མེད་བུ་ཡི་སྟོབས་གཉིས་སོ། །ཞེས་གསུངས་སོ། །)
- Dictionaries/sgom sde tshig mdzod chenmo/11281 + (སྲོག་དབང་འགགས་པ། ཤི་བའི་མཚན་ཉིད་ཡིན། མིང་ག … སྲོག་དབང་འགགས་པ། ཤི་བའི་མཚན་ཉིད་ཡིན། མིང་གི་རྣམ་གྲངས་ནི། སྐུ་མྱ་ངན་ལས་འདས་པ། སྐུ་ཚེའི་འདུ་བྱེད་གཏོང་བ། སྐུ་ཚེའི་འདུ་བྱེད་རྫོགས་པ། སྐུ་ཚེའི་འཕེན་པ་རྫོགས་པ། སྐུ་གཤེགས་པ། སྐུའི་བཀོད་པ་བསྡུས་པ། སྐྱེ་བོ་རྣམས་ཆོས་ལ་བསྐུལ་བའི་ཕྱིར་གཟུགས་སྐུ་རགས་པའི་བཀོད་པ་བསྡུས་ཏེ། ཡིད་ཀྱི་ལུས་བྱང་ཕྱོགས་ལྕང་ལོ་ཅན་གྱི་ཕོ་བྲང་དུ་གཤེགས་པ། ཁམས་མ་འཚོ་བ། དགོངས་པ་ཆོས་དབྱིངས་སུ་གཤེགས་པ། དགོངས་པ་ཞི་དབྱིངས་སུ་གཤེགས་པ། དགོངས་པ་གཞན་དོན་དུ་གཤེགས་པ། དགོངས་པ་རྫོགས་པ། (དགོངས་པ་རྫོགས་པ་ཞེས་པའི་ཆེ་བརྗོད་ཀྱི་ཐ་སྙད་འདི་དེང་སང་གསར་ཤོག་དང་རླུང་འཕྲིན་སོགས་སུ་རབ་བྱུང་མ་ཡིན་པའི་སྐྱ་བོའི་རིགས་ལ་སྦྱོར་བ་མཐོང་ཞིང་། དེ་ནི་བླ་མ་སྐྱེས་ཆེན་དམ་པ་མ་གཏོགས། སྲིད་འཛིན་དང་སྲིད་བློན་ལའང་མི་རན་ཞིང་མི་འཚམ་པས་སྦྱོར་མི་རིགས་ལ་སྦྱར་ན་མི་མཛེས་ཏེ། དགོངས་པ་རྫོགས་ཞེས་པ་བསྟན་འགྲོའི་དོན་བྱེད་པའི་ཐུགས་བཞེད་ཟབ་མོ་རྣམས་ཡོངས་སུ་གྲུབ་ནས་རང་དབང་གིས་སྐྱེ་འཆི་བྱེད་པ་ལ་གོ་བའི་ཕྱིར་རོ) གྲོངས་པ། འཆི་འཕོས་པ། འཆི་བ། འཇིག་རྟེན་འདི་ནས་ཁ་གྱེས་པ། འཇིག་རྟེན་ཕྱི་མའི་ལྔ་ལམ་དུ་གྱུར་པ། འཇིག་རྟེན་འདི་ནས་ཞལ་གྱེས་པ། དག་ཞིང་དུ་གཤེགས་པ། དུས་ཀྱི་ཆོས་དང་ལྡན་པར་གྱུར་པ། (གོང་གི་ཐ་སྙད་འདི་འདུལ་བ་ལུང་གི་ནང་མང་དུ་སྣང) དུས་བྱས་པ། (ལུང་ཕྲན་ཚེགས་ལས། ང་ལ་དད་པས་དུས་བྱས་པ་དེ་ཐམས་ཅད་ཀྱང་བདེ་འགྲོ་མཐོ་རིས་ཀྱི་འཇིག་རྟེན་དུ་འགྲོའོ། །ཞེས་གསུངས་པ་ལྟར་རོ) དུས་ལས་འདས་པ། འདས། འདས་པ། (དུས་ཀྱི་ཆོས་ད་ལྡན་པར་གྱུར་པ། དུས་བྱས་པ། དུས་ལས་འདས་པ། འདས། འདས་པ་རྣམས། དུས་ལ་བབས་ནས་འཆི་བའི་མིང་སྟེ། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༦བ༤ལས། དུས་ལས་འདས་པ་ཞེས་བྱ་བ་ནི་ཚེ་ཟད་ཅིང་འཆི་བས་ཤི་བའོ། །ཞེས་གསུངས་པས་ཤེས་སོ) ཕྱི་མའི་ལྔ་ལམ་དུ་གྱུར་པ། ཕྱི་མའི་ལམ་ཆེན་དུ་ཐེགས་པ། དབུགས་ཆད་པ། མྱ་ངན་ལས་འདས་པ། ཚེ་བརྗེས་པ། ཚེ་འདིའི་སྣང་བ་ནུབ་པ། ཚེ་ལས་འདས་པ། ཚེའི་འདུ་བྱེད་རྫོགས་པ། ཞལ་དབུགས་ཀྱི་རྒྱུ་བ་འགགས་ཏེ་རགས་པའི་སྐུ་ལུས་མ་དག་པའི་ཞིང་འདིར་ཡོངས་སུ་བོར་ནས། དགའ་ལྡན་ཡིད་དགའ་ཆོས་འཛིན་དུ་རྒྱལ་བ་མི་ཕམ་མགོན་པོའི་མདུན་སར་གཤེགས་པ། ཞི་བའི་དབྱིངས་སུ་གཞོལ། ཞི་བར་གཤེགས་པ། ཞི་དབྱིངས་སུ་གཤེགས་པ། ཞིང་འཕོས། གཟུགས་སྐུའི་བཀོད་པ་ཉེ་བར་བསྡུས་པ། གཟུགས་སྐུའི་བཀོད་པ། གཟུགས་སྐུའི་བཀོད་པ་བསྡུས་ཏེ་ཆོས་དབྱིངས་སུ་གཤེགས། ལུས་བརྗེས། ལུས་སྤངས། ལུས་ཞིག་པ། སྲོག་གི་རྒྱུན་ནུབ་པ། སྲོག་ཆད་པ། སྲོག་དོར་བ། སྲོག་དབང་འགགས་པ་སོགས་ཤིན་ཏུ་མང་ངོ་། །ཐ་སྙད་སྤྱོད་ཚུལ་ནི། མི་དཀྱུས་མ་ཞིག་ཡིན་ན་ཤི་བ། དེ་ལས་ཅུང་ཟད་དྲག་པར་གྲོངས། སྐུ་དྲག་དང་རྒྱལ་ཁབ་ཁག་གི་དབུ་འཛིན་རྣམ་པར་སྐུ་གཤེགས། བླ་མ་སྐྱེས་ཆེན་དམ་པར་དགོངས་པ་རྫོགས་ཞེས་ཐ་སྙད་སྦྱར་ན་ཤིན་ཏུ་འོས་ཤིང་མཛེས་པར་མཐོང་ངོ་། །་སྦྱར་ན་ཤིན་ཏུ་འོས་ཤིང་མཛེས་པར་མཐོང་ངོ་། །)
- Dictionaries/sgom sde tshig mdzod chenmo/12703 + (སློབ་མའི་ཆོས་ཉན་ཚུལ་གྱི་སྐྱོན་གསུམ། སྣོད་ཁ … སློབ་མའི་ཆོས་ཉན་ཚུལ་གྱི་སྐྱོན་གསུམ། སྣོད་ཁ་སྦུབ་པ་ལྟ་བུའི་སྐྱོན། སྣོད་དྲི་མ་ཅན་ལྟ་བུའི་སྐྱོན། སྣོད་ཞབས་རྡོལ་བ་ལྟ་བུའི་སྐྱོན་དང་གསུམ། མདོ་ལས། ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག ཅེས་ལེགས་པར་ཉོན་ཞེས་པས་སྣོད་དྲི་མ་ཅན་གྱི་སྐྱོན་དང་བྲལ་བའི་སྒོ་ནས་ཉན་དགོས་པར་བསྟན། རབ་ཏུ་ཉོན་ཞེས་པས་སྣོད་ཁ་སྦུབ་པའི་སྐྱོན་དང་བྲལ་བར། ཡིད་ལ་ཟུངས་ཤིག་ཅེས་པས་སྣོད་ཞབས་རྡོལ་གྱི་སྐྱོན་དང་བྲལ་བའི་སྒོ་ནས་ཆོས་ཉན་དགོས་ཞེས་གདམས་པ་ལྟར་རོ། །སྒྲ་བཤད་ནི། སྣོད་ནི་འདིར་སློབ་མ་ལ་ཟེར་ལ། དེས་ཆོས་ཉན་ཚུལ་གྱི་སྐྱོན་གསུམ་མོ། །རྗེའི་རིམ་ལྔ་གསལ་སྒྲོན་ལས། འདིར་འཇུག་པ་ནི་སྐལ་བ་བཟང་ངོ་ཞེས། །ལེགས་པར་སོམས་ལ་དགའ་བའི་བཞིན་གྱི་མདངས། །རབ་གསལ་འཛུམ་པའི་ཉམས་དང་ལྡན་པ་ཡིས། །རྣམ་གཡེང་སྣོད་ཀྱི་སྐྱོན་གསུམ་སྤོངས་ལ་ཉོན། །ཅེས་གསུངས་པ་ལྟར་རོ། །ན་གསུམ་སྤོངས་ལ་ཉོན། །ཅེས་གསུངས་པ་ལྟར་རོ། །)
- Dictionaries/sgom sde tshig mdzod chenmo/9639 + (ཨུཏྤལ་ལྟ་བུ་གང་ཟག པད་དཀར་ལྟ་བུ་གང་ཟག པདྨ་ལ … ཨུཏྤལ་ལྟ་བུ་གང་ཟག པད་དཀར་ལྟ་བུ་གང་ཟག པདྨ་ལྟ་བུའི་གང་ཟག ཙནྡན་ལྟ་བུ་གང་ཟག རིན་པོ་ཆེ་ལྟ་བུའི་གང་ཟག་དང་ལྔ་ཡོད། དེ་དག་ལས་རིན་པོ་ཆེ་ལྟ་བུའི་གང་ཟག་ནི་གདུལ་བྱ་མཆོག་ཡིན་ལ། གཞན་རྣམས་ནི་ཕལ་པ་ཡིན་པར་གསུངས་སོ། །གཞན་ཡང་། དང་པོ་བཞི་ནི། བསྐྱེད་རིམ་གྱི་སྣོད་རུང་དང་། ཕྱི་མ་རྫོགས་རིམ་གྱི་སྣོད་དུ་གསུངས་སོ། །གང་ཟག་གི་རིགས་ཀྱི་ཤེས་པའི་དབྱེ་བ་ཡིས། རྫོགས་རིམ་གྱི་སྣོད་དང་སྣོད་མིན་ཡོངས་སུ་བརྟགས་ནས། རྡོ་རྗེ་སློབ་དཔོན་མཁས་པས། ཚོགས་དང་སློབ་མ་ལ་བཤད་པ་རྣམ་པ་གཉིས་བྱའོ། །ཞེས་རྗེའི་འགྲེལ་པ་བཞི་སྦྲགས་ལས་གསུངས།འོ། །ཞེས་རྗེའི་འགྲེལ་པ་བཞི་སྦྲགས་ལས་གསུངས།)
- Dictionaries/sgom sde tshig mdzod chenmo/11964 + (“པཱཎ་ཌཝ” (पाण्डव) སྟེ་སྐྱ་སེང་བུ་ལྔ་མདོར་བ … “པཱཎ་ཌཝ” (पाण्डव) སྟེ་སྐྱ་སེང་བུ་ལྔ་མདོར་བསྡུས་ཏེ་བཤད་ན། ༡ “ཡུ་དྷིཥ་ཊར” युधिष्ठिर, yudhiṣṭhira (གཡུལ་བརྟན) (གཡུལ་ངོར་བརྟན་པས་མིང་དེ་ལྟར་ཐོགས) ༢ “བྷིམ་སེ་ན” भीमसेन, Bhimasena (འཇིགས་སྡེ) ༣ “ཨརྫུ་” अर्जुन, Arjun (སྲིད་སྒྲུབ) (འདི་རྣམ་འགྲེལ་གྱི་འགྲེལ་པ་རྣམས་སུ་སྲིད་སྒྲུབ་འཕོང་སྐྱེན་ཞེས་པའི་སྲིད་སྒྲུབ་དེ་རེད) ༤ “ན་ཀུ་ལ” नकुल, naküla (ནེའུ་ལེ། སྲེ་མོང་། འདི་ལ་རྒྱ་ཆེར་རོལ་པའི་མདོར། རིགས་མེད་ཅེས་བསྒྱུར་ཡོད། དེ་ཡང་ “ན” ཞེས་པ་ལེགས་སྦྱར་གྱི་དགག་ཚིག “ཀུ་ལ” རིགས་ཀྱི་དོན་ཡིན་པས། རིགས་མེད་ཅེས་སོ) ༥ “སཧ་དེ་ཝ” सहदेव, sahadéva (ལྷར་བཅས) སོ། །རྒྱས་པར་བཤད་ན། “མཧཱ་བྷ་ར་ཏ” Mahābhārata महाभारत ནི་རགས་འགྱུར་བྱས་ན། “བྷ་ར་ཏ་ཆེན་པོའི་གཏམ་རྒྱུད” ཞེས་པའི་དོན་ནོ། ། “མཧཱ་བྷ་ར་ཏའི་བྱུང་བ” ནི། “ཀཱཽ་ར་ཝ” (कौरव) འམ་དམག་བརྒྱ་པའི་བུ་དང་། “པཱཎ་ཌཝ” (पाण्डव) འམ་སྐྱ་སེང་བུ་ལྔ་སྟེ། ཕ་མ་རྒན་གཞོན་གྱི་བུ་སྤུན་ cousins གྱི་དབར་རྒྱལ་སྲིད་ཀྱི་དོན་དུ་ཁ་མ་འཆམས་པར་རྩོད་པ་བྱུང་སྟེ། མཐར་དམག་འཐབ་བྱུང་བའི་དཔའ་བོའི་ལོ་རྒྱུས་ཀྱི་མིང་ཞིག་རེད། སྤྱིར་བཏང་ “མཧཱ་བྷ་ར་ཏ” ཞེས་པ་ནི། བྷ་ར་ཏ་ཆེན་པོ་ཟེར་བའི་དོན་དང་། དེ་ཡང་རྒྱལ་བརྒྱུད་འདིའི་རྒྱལ་པོ་དང་པོའི་མིང་ཡིན། དེང་སང་རྒྱ་གར་ལ་མིང་གཞན་བྷ་ར་ཏ་ཞེས་པའང་རྒྱལ་པོ་འདིའི་མིང་ཡུལ་ལ་ཐོགས་པ་ཡིན། དམག་བརྒྱ་པ་དང་སྐྱ་སེང་བུ་ལྔ་པོ་ཡང་རྒྱལ་པོ་བྷ་ར་ཏའི་རྒྱལ་རྒྱུད་ཉིད་དོ། །གཡུལ་འཐབ་འདི་ལ་ནག་ཕྱོགས་པ་དང་དཀར་ཕྱོགས་པ་གཉིས་ཡོད་ཅིང་། ནག་ཕྱོགས་པ་ནི། ཡབ་རྒྱལ་པོ་ “དྷཏ་རཱཥྚྲ” धृतराष्ट्र dhritarāshtra (དམག་བརྒྱ་པ) དང་། བཙུན་མོའི་མིང་ལ། “གཱཾ་དྷཱ་རཱི” गांधारी, Gāndhārī ཟེར། རྒྱལ་པོ་འདི་མིག་ལོང་བ་ཡིན་ལ། འདི་ལ་ “འཐབ་དཀའ” ལ་སོགས་པ་སྲས་བརྒྱ་བྱུང་ཞིང་། འདི་སྐྱ་སེང་བུ་ལྔའི་ཨ་ཁུ་ཡང་ཡིན། འདི་ལ་བུ་བརྒྱ་ཡོད་པས་དམག་བརྒྱ་པ་ཞེས་མིང་ཐོགས། བུ་རྒན་ཤོས་ཀྱི་མིང་ལ། “དུརྱཱོ་དྷན” दुर्योधन, Duryodhana (འཐབ་དཀའ) ཟེར། འདི་སྐྱ་སེང་བུ་ལྔའི་དགྲ་ཟླའི་གཙོ་བོ་དང་རྙོག་ཁྲ་སློང་མཁན་གྱི་གཏེ་དཔོན་ཡིན། དེའི་འོག་མ་དེར། “དུཿཤཱ་སན” दुःशासन; Duḥśāsana ཟེར་རོ། །དཀར་ཕྱོགས་པ་ནི། “པཱཎ་ཌུ” पांडु Pandu (སྐྱ་སེང) དང་། བཙུན་མོའི་མིང་ལ། “ཀུཾ་ཏཱི” कुंती, Kunti ཟེར། རྒྱལ་པོ་འདི་ “དྷཏ་རཱཥྚྲ” གྱི་གཅུང་པོ་ཡིན་ཞིང་། འདི་ལ་བུ་ལྔ་ཡོད། དེ་དག་ལ་ “སྐྱ་སེང་བུ་ལྔ” ཟེར། གོང་གི་བུ་སྤུན་བརྒྱ་པོ་རྣམས་དང་། སྐྱ་སེང་བུ་ལྔའི་དབར་གཡུལ་འཐབ་བྱུང་ཞིང་། ཐ་མ་དམག་བརྒྱ་པ་ཕམ་ནས་ཐམས་ཅད་སྐྱ་སེང་བུ་ལྔའི་མཚོན་འོག་ཏུ་ཤོར་རོ། །སྔོན་གྱི་བྱུང་བ་འདིའི་ཐོག་ནས་བློ་སྐྱེད་ཆེན་པོ་མང་པོ་བླང་རྒྱུ་ཡོད་མོད། འོན་ཀྱང་དེ་དག་འདིར་སྐབས་སུ་མ་བབས་པས་བཤད་པར་མི་སྤྲོ་ལ། ཁོ་བོས་བཤད་འདོད་པ་ནི་ “གཉའ་ཁྲི་བཙན་པོ་ནི་སྐྱ་སེང་བུ་ལྔའི་ “གཡུལ་བརྟན” ཞེས་པ་དེ་ཡིན” པར་འདོད་དེ། “བྷ་ར་ཏ་ཆེན་པོའི་གཏམ་རྒྱུད” འདི་ལ་གླེགས་བམ་བཅོ་བརྒྱད་ཙམ་ཡོད་པའི་ནང་ནས། འདིའི་མཇུག་བསྡུའི་ལེའུར་ “འགྲུལ་བཞུད་ཆེན་མོ” (The Great Journey) ཟེར་བ་ཞིག་དང་། “ལྷ་ཡུལ་དུ་གཤེགས་པ” (Ascent to Heaven) ཞེས་པའི་ལེའུ་གཉིས་ཡོད་པའི་ནང་ནས་ཕྱི་མ་དེ་ཡིན། སྐྱ་སེང་བུ་ལྔ་གཡུལ་ལས་རྒྱལ་ཏེ་མཐར་ “གཡུལ་བརྟན” གྱིས་རྒྱལ་སྲིད་བསྐྱངས་ནའང་། སྔར་གྱི་སྡིག་པ་ལ་ཡིད་ཕྱུང་ནས་རྒྱལ་སྲིད་རང་གི་གཅུང་པོ་སྲིད་སྒྲུབ་ཀྱི་བུ་ལ་བཏད་དེ་हिमालय,ཧི་མཱ་ལ་ཡའི་རི་བོ་བརྒྱུད་དེ་ལྷ་ཡུལ་དུ་གཤེགས་པའི་ལོ་རྒྱུས་ཡོད་པ་དེ་ཡིན། དངོས་ཡོད་གནས་ཚུལ་ལ་ “གཡུལ་བརྟན” ལྷ་ཡུལ་དུ་ཕྱིན་ཡོད་མེད་བཤད་པར་དཀའ་ཡང་། རི་བོ་གངས་ཅན་ཅན་གྱི་ཕྱོགས་སུ་བསྐྱོད་པ་ནི་དངོས་ཡོད་གནས་ཚུལ་ཡིན་པར་འདོད་ཅིང་། བོད་ཀྱི་རྒྱལ་རབས་རྣམས་སུ་ཕྱུགས་རྫི་རྣམས་ཀྱིས་གཉའ་ཁྲི་བཙན་པོ་ཐོག་མར་མཐོང་བ་ན། གང་འོང་ཞེས་དྲིས་པ་ན། མཛུབ་མོ་གནམ་ལ་ཀེར་ཟེར་བ་དང་ཡང་འགྲིག་སྟེ། ཁོང་རྒྱ་གར་བ་ཡིན་པས་སྐད་བརྡ་མ་འཕྲོད་པར་མཛུབ་མོ་གནམ་ལ་ཀེར་བ་ཡིན་པ་ངེས་སོ། །དེས་ན་སྐྱ་སེང་བུ་ལྔའི་བུ་རྒན་ཤོས་རྒྱལ་པོ་ “ཡུ་དྷིཥ་ཊར” རམ་ “གཡུལ་བརྟན” ཉིད་ངེད་ཅག་བོད་ཀྱི་རྒྱལ་པོ་དང་པོ་གཉའ་ཁྲི་བཙན་པོ་ཡིན་ནོ་ཞེས་སྐད་གསང་མཐོན་པོས་སྨྲ་བར་འདོད་དོ། །ལུང་རིགས་ཀྱི་ལམ་ནས་གནོད་བྱེད་རྣམ་དག་ཅིག་མ་བྱུང་གི་བར་ཁོ་བོ་ནི་འདི་རང་ལ་ཡིད་རྟོན་བྱེད་དོ། །ཧིནྡཱུའི་ལོ་རྒྱུས་ནི་ང་ཚོ་བོད་པ་དང་ནང་པས་འོལ་ཚོད་བྱེད་པ་ལས་ཁོང་ཅག་གི་གཞུང་ལུགས་ཉིད་ལ་ཁུངས་བཅོལ་ན་ལེགས་ཤིང་། ལོ་རྒྱུས་འདི་ནི་ཞལ་ནས་ཞལ་བརྒྱུད་དང་སྙན་ནས་སྙན་བརྒྱུད་མིན་པར་མི་ལོ་སུམ་སྟོང་ཙམ་གྱི་སྔོན་ནས་ཁོང་ཅག་གི་ཡིག་ཐོག་ཏུ་འཁོད་ནས་ཡོད་པས་སོ། །སྤྱིར་བཏང་ང་ཚོ་བོད་པ་ཚོ་དགུ་ཐུག་ལ་མཉེས་ཤིང་། བོད་ཀྱི་ལོ་རྒྱུས་སྨྲ་བ་ཚོས་ཀྱང་འདིའི་སྐོར་ལ་དགུ་ཐུག་མགོ་ཡུ་འཁོར་ཞིང་གྲོད་ཁོག་ན་དགོས་པ་ཞིག་བསྐོལ་འདུག་གོ། ༼ སྐྱ་སེང་བུ་ལྔའི་སྐོར་རྒྱ་ཆེར་རོལ་པའི་མདོར་ཡང་ཟུར་ཙམ་གསལ་ཏེ ༽དེ་ཉིད་ལས། ལ་ལ་ན་རེ། གྲོང་ཁྱེར་ཧསྟི་ན་པུ་ར་འདིའི་རྒྱལ་པོ་ནི་སྐྱ་བསེང་གི་བུའི་རིགས་ཀྱི་རྒྱུད་ལས་སྐྱེས་པ། དཔའ་ཞིང་རྟུལ་ཕོད་པ་དང་ལྡན་པ། ཡན་ལག་མཆོག་གི་གཟུགས་ཕུན་སུམ་ཚོགས་པ་གཞན་གྱི་སྡེ་འཇོམས་པ་སྟེ། རིགས་དེ་ནི་བྱང་ཆུབ་སེམས་དཔའ་དེ་ཡུམ་གྱི་ལྷུམས་སུ་འཇུག་པའི་གནས་ཀྱི་འོས་ཡིན་ནོ་ཞེས་ཟེར་རོ། །ལ་ལ་ན་རེ། དེའང་ཚུལ་དང་མཐུན་པ་མ་ཡིན་ཏེ། དེ་ཅིའི་ཕྱིར་ཞེ་ན། འདི་ལྟར་སྐྱ་བསེང་གི་བུའི་རིགས་སུ་སྐྱེས་པ་དག་གིས་ནི་རིགས་ཀྱི་རྒྱུད་རྣམ་པར་འཁྲུགས་པར་བྱས་ཏེ། གཡུལ་ངོར་བརྟན་པ་ལ་ནི་ཆོས་ཀྱི་བུ་ཞེས་ཟེར། འཇིགས་སྡེ་ལ་ནི་རླུང་གི་བུ་ཞེས་ཟེར། སྲིད་སྒྲུབ་ལ་ནི་དབང་པོའི་བུ་ཞེས་ཟེར། རིགས་མེད་དང༌། ལྷར་བཅས་ལ་ནི་ཐ་སྐར་གྱི་བུ་ཞེས་ཟེར་ཏེ། དེའི་ཕྱིར་རིགས་དེའང་བྱང་ཆུབ་སེམས་དཔའ་དེ་ལྷུམས་སུ་འཇུག་པའི་གནས་ཀྱི་འོས་མ་ཡིན་ནོ་ཞེས་ཟེར་རོ། །ཞེས་གསལ་ལོ། །ྱི་འོས་མ་ཡིན་ནོ་ཞེས་ཟེར་རོ། །ཞེས་གསལ་ལོ། །)
- Dictionaries/sgom sde tshig mdzod chenmo/10215 + (རྨིག་པ་ཁ་གྱེས་པ་མིན་པར་ཟླུམ་པོར་ཡོད་པ། རྟ་དང་བོང་བུའི་རྨིག་པ་ལྟ་བུ།)
- Dictionaries/sgom sde tshig mdzod chenmo/4879 + (( འདུལ་བ) བཀའ་བསྡུ་གསུམ་པ་འདི་ལུང་ཕྲན་ཚེགས … ( འདུལ་བ) བཀའ་བསྡུ་གསུམ་པ་འདི་ལུང་ཕྲན་ཚེགས་ན་མ་གསུངས་པས། འདི་ལ་བཤད་ཚུལ་མི་མཐུན་པ་ཅི་རིགས་སུ་བྱུང་ངོ་། །འོན་ཀྱང་རང་ལུགས་ནི། སྟོན་པ་མྱ་ངན་ལས་འདས་ནས་ལོ་བརྒྱ་དང་དྲུག་ཅུ་ལོན་པ་ན་གྲོང་ཁྱེར་མེ་ཏོག་གིས་རྒྱས་པ་ཞེས་བྱ་བར་དགེ་འདུན་གནས་བརྟན་བཞི་སྐད་རིགས་མི་མཐུན་པ་ལེགས་སྦྱར་དང་། ཟུར་ཆག་དང་། ཡུལ་གྲུ་རང་བཞིན་པ་དང་། ཤ་ཟའི་སྐད་ཀྱིས་ལུང་འདོན་པ་ན་སློབ་མ་རྣམས་མི་མཐུན་པར་གྱུར་ཏེ་རྩ་བའི་སྡེ་བཞིར་གྱེས་སོ། །དེ་དག་ཀྱང་ནང་གསེས་ཀྱི་དབྱེ་བས་སྡེ་པ་བཅོ་བརྒྱད་དུ་གྱེས་ནས་ཕན་ཚུན་རྩོད་པར་གྱུར་ཏེ། ནམ་ཞིག་ན་རྒྱལ་པོ་ཀྲྀ་ཀྲྀའི་རྨི་ལྟས་ལུང་བསྟན་པའི་མདོ་རྙེད་ནས་བལྟས་པས་སྡེ་པ་བཅོ་བརྒྱད་དུ་གྱུར་ཀྱང་རྣམ་པར་གྲོལ་བའི་འབྲས་བུ་ཉམས་པ་མེད་པར་གསུངས་པ་མཐོང་ནས་ཕན་ཚུན་མཐུན་པར་གྱུར་ཅིང་། སངས་རྒྱས་ཀྱི་བསྟན་པར་གཅིག་ཏུ་བསྡུས་པ་ལ་བསྡུ་བ་གསུམ་པ་ཞེས་བྱའོ། །བཀའ་བསྡུ་གསུམ་པའི་ལོ་ཚིགས་ནི་བུ་སྟོན་ཆོས་འབྱུང་དུ། འདི་ལ་ཁ་ཅིག་གིས་ལོ་བརྒྱ་དང་སུམ་ཅུ་རྩ་བདུན་ལོན་པ་ན་བསྡུས་ཟེར་བ་དང་། ཡང་གཞན་དག་གིས་ལོ་བརྒྱ་དང་དྲུག་ཅུ་ན་བསྡུས་ཟེར། ཡང་ཁ་ཅིག་གིས་སུམ་བརྒྱ་ལོན་པ་ན་བསྡུས་ཞེས་གཞན་ལུགས་བསྐྱར་བ་མ་གཏོགས་བུ་སྟོན་རང་ལུགས་ཀྱི་གསལ་ཁ་མ་མཛད་དོ། །མཆིམས་མཛོད་དེབ་གཟུགས་༧༦༣ལས་བཀའ་བསྡུ་གསུམ་པ་ལོ་བརྒྱ་དང་དྲུག་ཅུ་ན་བསྡུས་པར་གསུངས་སོ། །ཡང་ས་པཎ་གྱི་སྡོམ་གསུམ་རབ་དབྱེ་ལས། ལྷ་ཆེན་ཞེས་བྱའི་དགེ་སློང་ཞིག །བསྟན་པ་འདི་ཡི་ཆོམ་རྐུན་བྱུང་། །དེ་ཡིས་རང་གི་ཕ་མ་བསད། །སློབ་དཔོན་ཡིན་པའི་དགྲ་བཅོམ་བཀྲོངས། །མཁན་སློབ་མེད་པའི་དགེ་སློང་བྱས། །ཕྱི་ནས་དགོན་པར་བསྡད་ནས་ནི། །སྦྱིན་བདག་རྣམས་ཀྱི་དད་རྫས་ཟོས། །བླུན་པོ་རྣམས་ཀྱི་མཁན་སློབ་བྱས། །བླུན་པོ་ལོངས་སྤྱོད་ཅན་རྣམས་ཀྱིས། །ཕུལ་བའི་ཟས་ནོར་ཆར་བཞིན་བབ། །སྐལ་མེད་དད་ཅན་འདུས་པ་ཡི། །དགེ་འདུན་འབུམ་ཕྲག་དུ་མས་བསྐོར། །དེ་ནས་བརྫུན་རླབས་ཆེན་པོ་དེ། །དགྲ་བཅོམ་ཡིན་པར་ཁས་བླངས་སོ། །འཁོར་གྱིས་རྫུ་འཕྲུལ་ཞུས་པ་ན། །རྫུ་འཕྲུལ་ཐོ་རངས་ཉམས་ཞེས་ཟེར། །རང་གི་སྡིག་པ་དྲན་པ་ཡིས། །སྨྲེ་སྔགས་ཆེན་པོ་བཏོན་པ་ལ། །སྡུག་བསྔལ་བདེན་པ་བོས་ཞེས་བསྒྲགས། །དེ་ལ་སོགས་པའི་བརྫུན་ཚིག་གིས། །ཚོགས་པ་རྣམས་ཀྱི་མགོ་བོ་བསྐོར། །འཕགས་པ་རྣམས་ལ་འབུལ་རྒྱུ་ཡི། །དད་རྫས་རྣམས་ཀྱང་དེ་ལ་འགྱུར། །རབ་བྱུང་བླུན་པོ་ཕལ་ཆེར་གྱིས། །དགྲ་བཅོམ་བོར་ནས་དེ་ལ་འདུད། །སངས་རྒྱས་མྱ་ངན་འདས་འོག་ཏུ། །སོ་སོ་སྐྱེ་བོས་འཁོར་བསྡུས་པ། །དེ་ལས་མང་བ་མེད་ཅེས་གྲགས། །དེ་ཡི་ཆོས་ལོག་བཤད་པ་ཡི། །རྗེས་སུ་སློབ་མ་རྣམས་འབྲངས་ནས། །འཁྲུལ་བའི་གྲུབ་མཐའ་དུ་མ་བྱུང་། །ལྷ་ཆེན་བླུན་པོ་དེ་ཤི་ནས། །སེམས་ཅན་དམྱལ་བར་གྱུར་ཅེས་གྲག །དེ་ཡི་ལོག་པའི་ཆོས་དེ་དག །དགྲ་བཅོམ་རྣམས་ཀྱིས་སུན་ཕྱུང་ནས། །བསྡུ་བ་གསུམ་པ་བྱས་ཞེས་ཐོས། །འོན་ཀྱང་དེ་ཡི་ལེ་ལན་གྱིས། །སྡེ་པ་བཅོ་བརྒྱད་རྣམས་ལ་ཡང་། །ཅུང་ཟད་བསླད་པ་ཡོད་ཅེས་ཟེར། །མཁས་པའི་གཙུག་རྒྱན་དབྱིག་གཉེན་གྱིས། །ཡང་དག་བསྡུས་པའི་གཞི་ཉམས་ཕྱིར། །མཐའ་དག་མིན་པར་རྟོགས་པ་ཡིན། །ཞེས་གསུངས་པ་ཡང་དེ་ལ་དགོངས། །ཞེས་གསུངས་སོ། །བཀའ་བསྡུ་གསུམ་པའི་སྐོར་གོང་དང་བཤད་ཚུལ་མི་འདྲ་བ། ཏཱ་ར་ནཱ་ཐའི་རྒྱ་གར་ཆོས་འབྱུང་༦༦ན་གཟིགས།བ། ཏཱ་ར་ནཱ་ཐའི་རྒྱ་གར་ཆོས་འབྱུང་༦༦ན་གཟིགས།)
- Dictionaries/sgom sde tshig mdzod chenmo/4882 + (( འདུལ་བ) བསླབ་བྱའི་ཚིག་ལ་ཡིད་མི་ཆེས་ཤིང་ད … ( འདུལ་བ) བསླབ་བྱའི་ཚིག་ལ་ཡིད་མི་ཆེས་ཤིང་དང་དུ་མི་ལེན་པ་ལ་ཟེར། ཡང་ན། ཚིག་མི་བཟོད་པ་ལ་ཟེར། ཕལ་སྐད་དུ་བཤད་ན། ང་ལ་ཉེས་པ་གླེང་མ་ཡོང་ཞེས་རང་ཉེས་ཁས་མི་ལེན་པ་ལྟ་བུའི་དོན་རེད། ལུང་ཞུ་བའི་འགྲེལ་པ་ལས། བཀའ་བློ་མི་བདེ་བ་ནི་ཚིག་མི་བཟོད་པ་ཉིད་དེ་བདག་ཉིད་ཀྱི་ཡུལ་ལ་ཕན་པ་དང་མི་ཕན་པའི་ཚིག་བཟློག་པའོ་ཞེས་བྱ་བའི་ཐ་ཚིག་གོ །ཞེས་གསུངས་སོ། །འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༠༧བ༤ལས་ཀྱང་། བཀའ་བློ་མི་བདེ་བ་ཞེས་བྱ་བ་ནི་ཚིག་སྐྱོན་ཆགས་ཤིང་འབྲས་བུ་མེད་པའོ། །ཞེས་ཀྱང་གསུངས་སོ། །སྒྲ་བཤད་ནི། བཀའ་ནི་འདིར་བསླབ་བྱའི་ཚིག་གི་མིང་ཡིན་ལ། མི་བདེ་བ་ནི་བློ་མི་བདེ་བའམ་ཡིད་མ་ཆེས་པའི་དོན་ནོ། །ཡང་ན། བཀའ་ནི་ཚིག་དང་མི་བདེ་བ་ནི་མི་བཟོད་པའོ། །ལུང་ཞུ་བའི་འགྲེལ་པ་ལས། དེ་ལྟ་བུ་ནི་བཀའ་བློ་མི་བདེ་བ་ཉིད་ཀྱི་རང་བཞིན་ཅན་ཏེ། ཚིག་མི་བཟོད་པ་ཞེས་བྱ་བའི་དོན་ཏོ། །ཞེས་གསུངས་པ་ལྟར་རོ། །་ཞེས་བྱ་བའི་དོན་ཏོ། །ཞེས་གསུངས་པ་ལྟར་རོ། །)
- Dictionaries/sgom sde tshig mdzod chenmo/12375 + ((གསང་སྔགས) 1 (དགེ་ལུགས) སྙིང་ག་ཆོས་ཀྱི་འཁོ … (གསང་སྔགས) 1 (དགེ་ལུགས) སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་པ་གདུགས་ཁ་སྦུབས་པ་ལྟ་བུ། དེ་ནི་སྙིང་གའི་བྲང་གི་རུས་པ་སུམ་ཕྲག་གི་ཐད་ཀྱི་དབུ་མ་ལས་གྱེས་པས་སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད་པའོ། །སྒྲ་བཤད་ནི། ཆོས་ཐམས་ཅད་ཀྱི་རྩ་བ་ཤིན་ཏུ་ཕྲ་བའི་རླུང་སེམས་མི་ཤིགས་པའི་ཐིག་ལེ་སྙིང་གར་གནས་པས་དེ་སྐད་ཅེས་བྱའོ། །2 (བཀའ་བརྒྱུད) སྙིང་གའི་ཐད་ན་གནས་ཤིང་ཡིད་ཀྱི་རྣམ་ཤེས་ཆོས་རྣམས་ལ་སྐྱེ་ཞིང་མཆེད་པའི་གནས་དང་རྩའི་དབྱིབས་འཁོར་ལོ་ལྟ་བུར་ཡོད་པས་སམ། དེ་ལ་གནད་དུ་བསྣུན་པས་གཉིད་མཐུག་གི་གནས་སྐབས་འོད་གསལ་ཆོས་ཀྱི་སྐུའི་དགོངས་པ་འཆར་ཞིང་སྤང་བྱ་མི་མཐུན་ཕྱོགས་འཇོམས་པར་བྱེད་པས་སྙིང་ག་ཆོས་ཀྱི་འཁོར་ལོ་ཞེས་བྱ་བ་ཡིན་ལ། ཞེས་ཟབ་མོ་ནང་དོན་གྱི་འགྲེལ་པར་གསལ།་ཡིན་ལ། ཞེས་ཟབ་མོ་ནང་དོན་གྱི་འགྲེལ་པར་གསལ།)
- Dictionaries/sgom sde tshig mdzod chenmo/9979 + ((གསང་སྔགས) 1 རྡོ་རྗེ་སེམས་དཔའ་ཞེས་བྱ་བའི་ཡ … (གསང་སྔགས) 1 རྡོ་རྗེ་སེམས་དཔའ་ཞེས་བྱ་བའི་ཡི་དམ་དེའི་སྒྲུབ་ཐབས། 2 དཔལ་ལྡན་ཟླ་བ་གྲགས་པས་མཛད་པའི་གསང་འདུས་བསྐྱེད་རིམ་གྱི་རྣམ་གཞན་སྟོན་པའི་རྒྱུད་འགྲེལ་ཞིག མཁས་གྲུབ་ཆོས་རྗེའི་བསྐྱེད་རིམ་དངོས་གྲུབ་རྒྱ་མཚོ་༡༤ན༢ལས། དཔལ་ལྡན་ཟླ་བ་གྲགས་པས་རྡོ་རྗེ་སེམས་དཔའི་སྒྲུབ་ཐབས་མཛད་དེ། ཕྱི་མ་འདི་ལ་ཏ་ཐཱ་ག་ཏ་རཀྵི་དང་། ལ་ལི་བཛྲ་གཉིས་ཀྱིས་འགྲེལ་པ་མཛད་ཅིང་། མ་ག་ཏའི་པཎྜི་ཏ་ཐུབ་པ་དཔལ་བཟང་པོ་དང་། ཇོ་བོ་ཆེན་པོ་རྗེ་ལ་སོགས་པ་དག་ཀྱང་ཟླ་བའི་ཞབས་ཀྱིས་མཛད་པར་བྱེད་པས། དེ་ལྟར་དུ་གཟུང་བར་བྱའི། ཕྱིས་ཀྱི་ཁ་ཅིག་འཕགས་པས་མཛད་པའི་སྒྲུབ་ཐབས་ཡོད་བཞིན་དུ། དེ་ལྷུག་པར་བཏང་ཙམ་ལས་གཞན་མེད་པའི་སྒྲུབ་ཐབས་འདི་འདྲ་ཟླ་བས་མཛད་པ་ག་ལ་འོང་ཞེས་སྨྲ་བ་ནི། མི་འཐད་དེ། མདོར་བྱས་ན་དངོས་སུ་མི་གསལ་བའི་ཕྱག་རྒྱ་འདུ་བྱ་བ་ལ་ཕྱིའི་ཕྱག་རྒྱ་མ་རྙེད་ན་ཡེ་ཤེས་ཀྱི་ཕྱག་རྒྱ་སྙིང་ཁ་ནས་ཕྱུང་ནས་བྱ་བ་ལྟ་བུའི་ཁྱད་པར་མང་པོ་ཞིག་དང་། མདོ་བསྲེ་ན་མེད་པའི་མདོ་དང་སྦྱོར་ཚུལ་ཡང་ཅི་རིགས་པ་བསྟན་རྒྱུ་ཡོད་པས། འཕགས་པའི་སྒྲུབ་ཐབས་ལས་བོགས་དབྱུང་རྒྱུ་མེད་པའི་རྟགས་མི་འགྲུབ་ལ། སྒྲུབ་ཐབས་སྤྱིའི་རྣམ་གཞག་འཕགས་པས་མཛད་པ་ལས་ལོགས་པ་མི་འདུག་པའི་ཕྱིར་ཟེར་ན་ནི་ཁྱབ་པ་འགལ་བ་ཡིན་ཞིང་། གཞན་ཟླ་བས་མཛད་པ་མ་ཡིན་པའི་ཤེས་བྱེད་ཅུང་ཟད་ཀྱང་མེད་པས་སོ། །ཞེས་གསུངས།ཤེས་བྱེད་ཅུང་ཟད་ཀྱང་མེད་པས་སོ། །ཞེས་གསུངས།)
- Dictionaries/sgom sde tshig mdzod chenmo/4047 + ((གསང་སྔགས) 1 སྟོང་ཉིད་རྟོགས་པའི་ཤེས་རབ་མཚོ … (གསང་སྔགས) 1 སྟོང་ཉིད་རྟོགས་པའི་ཤེས་རབ་མཚོན་པའི་མཆོད་རྫས་ཀྱི་རོལ་ཆ་ཞིག 2 མོ་མཚན། (དྲིལ་བུའི་སྟོང་ཆའི་ཆ་ནས་བཏགས) 3 ཕོ་རྟགས་འབྲས་བུ། (འདི་འཕྱང་འཕྲུལ་དུ་ཡོད་པའི་དྲིལ་ལྕེ་དང་འདྲ་བས་དེ་ལྟར་བཏགས) ཀྱེ་རྡོར་གྱི་རྒྱུད་བརྟག་པ་གཉིས་པ་ལས། ནུ་མ་སྤངས་པ་བལློར་འགྱུར། །ཀཀྐོ་ལ་དབུས་ཡང་དག་གནས། །འགྲམ་གཉིས་དྲིལ་བུ་ཉིད་དུ་འགྱུར། །ཞེས་གསུངས་པ་ལྟར་རོ། །དྲིལ་བུ་ལ་དབྱེ་ན། རྡོ་རྗེ་སེམས་དཔའི་དྲིལ་བུ། དཔའ་བོའི་དྲིལ་བུ། དེ་བཞིན་གཤེགས་པའི་དྲིལ་བུ་རྣམས་སུ་ཡོད། དྲིལ་བུའི་མཚོན་དོན་ནི། རྡོར་དྲིལ་གྱི་མཚོན་དོན་དང༌། མཇུག་ཏུ་དྲིལ་བུའི་འགྲེལ་བཤད་ཀྱི་དཔེ་རིས་བཅས་ལ་གཟིགས།ིལ་བུའི་འགྲེལ་བཤད་ཀྱི་དཔེ་རིས་བཅས་ལ་གཟིགས།)
- Dictionaries/sgom sde tshig mdzod chenmo/3008 + ((གསང་སྔགས) <ཀཔཱལཿ> 1 མགོའི་ཐོད་རུས། … (གསང་སྔགས) <ཀཔཱལཿ> 1 མགོའི་ཐོད་རུས། གསང་སྔགས་ཀྱི་ཡོ་བྱད་ཅིག་སྟེ། རྒྱུ་ནི་མིའི་ཐོད་པ་དངོས་སམ། ཡང་ན་ལྕགས་ཟངས་གསེར་དངུལ་སོགས་ལས་བཟོས་པ་ཡང་རུང༌། མི་ཐོད་དེ་ཡང་དུམ་བུ་གཅིག་ནས་ལྔའི་བར་ཡོད་ན་བཟང་བ་ཡིན། ཁ་དོག་ནི་དཀར་ལ་དམར་མདངས་ཆགས་པ། མཁྲེགས་ཤིང་ལྕི་བའི་རིགས་ནི་བཟང་པོར་བཤད། ཐོད་པའི་ནང་གི་དབུས་སུ་མཐེབ་རྗེས་འདྲ་བ་གཉིས་དང་ལྡན་པ། སྐྱེས་པ་དར་མ་སོ་ཚང་བའི་ཐོད་པ་བྱུང་ན་ལེགས་ཤིང༌། བུད་མེད་དང་ནལ་བུའི་ཐོད་པ་འཆང་མི་རུང་བར་ཀློང་རྡོལ་བླ་མ་གསུང༌། ཐོད་པའི་སྒྲ་བཤད་ནི། ལུས་ཀྱི་ཐོད་ལ་ཡོད་པས་ན་ཐོད་པ་ཟེར། 2 ཕལ་སྐད་དུ་བསོད་བདེ་ལའང་འཇུག་སྟེ། བསོད་བདེ་སྐམ་པོ་ལ་ཐོད་པ་སྐམ་པོ་ཟེར་བ་ལྟ་བུ།སྟེ། བསོད་བདེ་སྐམ་པོ་ལ་ཐོད་པ་སྐམ་པོ་ཟེར་བ་ལྟ་བུ།)
- Dictionaries/sgom sde tshig mdzod chenmo/1420 + ((གསང་སྔགས) དཔལ་གསང་བ་འདུས་པའི་རྒྱུད་ཀྱི་འག … (གསང་སྔགས) དཔལ་གསང་བ་འདུས་པའི་རྒྱུད་ཀྱི་འགྲེལ་པ་རྒྱ་གར་མཁས་པའི་མཛད་པ་ལ། (སློབ་དཔོན་ཀླུ་སྒྲུབ་ཀྱིས་མཛད་པའི་འདུས་པའི་འགྲེལ་པ་བརྒྱད་ནི) གསང་བ་འདུས་པའི་རྒྱུད་ཀྱི་འགྲེལ་པ། (མནྟྲ་ཀ་ལ་ཤའི་རང་འགྱུར) སྒྲུབ་ཐབས་མདོར་བྱས། མདོ་བསྲེ། དཀྱིལ་འཁོར་ཆོ་ག་ཉི་ཤུ་པ། (གཞོན་ནུ་བུམ་པའི་རང་འགྱུར) རིམ་ལྔ། (རིན་ཆེན་བཟང་པོའི་འགྱུར) བྱང་ཆུབ་སེམས་ཀྱི་འགྲེལ་པ་ཚིགས་བཅད་མ། (པ་ཚབ་ཀྱི་འགྱུར) ཚིག་ལྷུག (མདོ་སྡེ་འབར་གྱི་འགྱུར) བཅས་བརྒྱད་པོ་རྣམས་སོ། ། (སློབ་དཔོན་འཕགས་པ་ལྷས་མཛད་པའི) སྤྱོད་པ་བསྡུས་པའི་སྒྲོན་མ། (རིན་ཆེན་བཟང་པོའི་འགྱུར) དེའི་བཤད་པ། (སློབ་དཔོན་ཤཱཀྱ་བཤེས་གཉེན་གྱི་མཛད་པ། པ་ཚབ་ཀྱི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) དཀྱིལ་ཆོག (པ་ཚབ་ཀྱི་འགྱུར) (སློབ་དཔོན་འཕགས་པ་ལྷས་མཛད་པའི) སེམས་ཀྱི་སྒྲིབ་སྦྱོང་། (ནག་ཚོའི་འགྱུར) བདག་བྱིན་གྱིས་བརླབ་པའི་རིམ་པ་དང༌། མངོན་པར་བྱང་ཆུབ་པའི་རིམ་པ། (རིན་ཆེན་བཟང་པོའི་འགྱུར) ཡ་ར་ལ་ཝ་ལ་སོགས་པ་ཚུལ་བཞིར་བཤད་པ། གསང་བ་འདུས་པའི་རོ་སྲེག་གི་ཆོ་ག (རིན་ཆེན་བཟང་པོའི་འགྱུར) (སློབ་དཔོན་སྒྲ་གཅན་འཛིན་དཔལ་བཤེས་གཉེན་གྱིས་མཛད་པའི) དཀྱིལ་འཁོར་ཆོག་ག་ཟུང་འཇུག་གསལ་བ། (ས་ལོའི་འགྱུར) (སློབ་དཔོན་ཀླུའི་བློས་མཛད་པའི) བསྐྱེད་རིམ་རྣམ་གཞག་རིམ་པ། (རིན་ཆེན་བཟང་པོའི་འགྱུར) ལས་ཀྱི་མཐའ་རྣམ་པར་འབྱེད་པ། (ཆོས་རྗེ་དཔལ་གྱི་འགྱུར) (སློབ་དཔོན་སྒྲ་དབྱངས་བཅུ་གཅིག་པས་མཛད་པའི) རྡོ་རྗེ་འཆང་ཆེན་པོའི་ལམ་གྱི་རིམ་པ། (རིན་ཆེན་བཟང་པོའི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) རིམ་ལྔའི་འགྲེལ་པ་ནོར་བུའི་ཕྲེང་བ། (ནག་ཚོའི་འགྱུར) (སློབ་དཔོན་ཀླུའི་བློས་མཛད་པའི) རིམ་པ་ལྔ་ཁོངས་སུ་བསྡུ་བ། (པ་ཚབ་ཀྱི་འགྱུར) (ནག་པོ་དམ་ཚིག་རྡོ་རྗེས་མཛད་པའི) རིམ་ལྔའི་དཀའ་འགྲེལ། (ནག་ཚོའི་འགྱུར) (སློབ་དཔོན་ཀླུའི་བྱང་ཆུབ་ཀྱིས་མཛད་པའི) རིམ་ལྔའི་དཀའ་འགྲེལ་དོན་གསལ་བ། (འདི་ཐེ་ཚོམ་གྱི་གཞིའོ་གསུང) (སློབ་དཔོན་བྷ་བྱ་ཀིརྟིའམ་སྐལ་ལྡན་གྲགས་པས་མཛད་པའི) རིམ་ལྔའི་དཀའ་འགྲེལ། (ཤཱཀྱ་བརྩོན་འགྲུས་ཀྱི་འགྱུར) (སློབ་དཔོན་ཨ་བྷྱ་ཀ་རས་མཛད་པའི) རིམ་ལྔའི་འགྲེལ་པ་ཟླ་བའི་འོད་ཟེར། (བི་བྷཱུ་ཏི་ཙནྡྲའི་རང་འགྱུར) (སློབ་དཔོན་བརྩོན་འགྲུས་བཟང་པོས་མཛད་པའི་) རིམ་ལྔའི་དཀའ་འགྲེལ་དོན་གསལ་བ། (ཤེས་རབ་བརྩོན་འགྲུས་ཀྱི་འགྱུར) (སློབ་དཔོན་ཟླ་བ་གྲགས་པས་མཛད་པའི) གསང་འདུས་འགྲེལ་པ་སྒྲོན་མ་གསལ་བ། (རིན་ཆེན་བཟང་པོའི་འགྱུར) རྡོ་རྗེ་སེམས་དཔའི་སྒྲུབ་ཐབས། (གཞོན་ནུ་འབར་དང་བ་རིའི་འགྱུར) (སློབ་དཔོན་ལེགས་ལྡན་འབྱེད་ཀྱིས་མཛད་པའི) སྒྲོན་གསལ་གྱི་དཀའ་གནད་བཤད་པ། (ཤཱཀྱ་བརྩོན་འགྲུས་ཀྱི་འགྱུར) (སློབ་དཔོན་སྒེག་པའི་རྡོ་རྗེས་མཛད་པའི) གསང་འདུས་གླེང་གཞིའི་བཤད་པ། བདེ་བ་ཆེན་པོའི་སྒྲུབ་ཐབས། (སློབ་དཔོན་ནག་པོ་པས་མཛད་པའི) གསང་འདུས་ཀྱི་དཀྱིལ་ཆོག་དང་རབ་གནས་གཉིས། (འགོས་འགྱུར) (ཤྲདྡྷཱ་ཀ་ར་ཝརྨས་མཛད་པའི) རྒྱན་བདུན་རྣམ་པར་དགྲོལ་བ། (རིན་ཆེན་བཟང་པོའི་འགྱུར) (ནག་པོ་པའི) རྡོ་རྗེ་སེམས་དཔའི་མཆོད་ཆོག (འགོས་འགྱུར) གསང་འདུས་གཏོར་ཆོག སྒྲུབ་ཐབས་མདོར་བྱས་ཀྱི་འགྲེལ་པ། (སློབ་དཔོན་ཤཱནྟི་པས་མཛད་པའི) རིན་ཆེན་ཕྲེང་བ་ (ཀརྨ་བཛྲའི་རང་འགྱུར) (སློབ་དཔོན་ཤྲདྡྷཱ་ཀ་ར་ཝརྨས་མཛད་པའི) དགོངས་པ་ལུང་སྟོན་གྱི་རྡོ་རྗེ་བཟླས་པའི་འགྲེལ་པ་དང༌། རྒྱུད་ཀྱི་དོན་ལ་འཇུག་པ་གཉིས། (རིན་ཆེན་བཟང་པོའི་འགྱུར) (སློབ་དཔོན་བྷ་བྱ་ཀིརྟིས་མཛད་པའི) སྒྲོན་གསལ་གྱི་ཊཱི་ཀ་དགོངས་པ་རབ་གསལ་སྟོང་ཕྲག་བཅུ་དང་དྲུག་པ། (ཀུ་མཱ་རའི་རང་འགྱུར) (སློབ་དཔོན་ཀུ་མཱ་རས་མཛད་པའི) སྒྲོན་མ་གསལ་བ་མདོར་བཤད་པ་སྙིང་གི་མེ་ལོང་། (ཤཱཀྱ་བློ་གྲོས་ཀྱི་འགྱུར) (སློབ་དཔོན་ཟླ་བ་གྲགས་པས་མཛད་པའི) གསང་བ་འདུས་པའི་མངོན་པར་རྟོགས་པ་རྒྱན་གྱི་འགྲེལ་པ་དང༌། སྒྲོན་གསལ་གྱི་འགྲེལ་བཤད། (སློབ་དཔོན་འཕགས་པ་ལྷས་མཛད་པ་འདི་གཉིས་ཐེ་ཚོམ་གྱི་གཞིའོ་གསུང) གསང་འདུས་འགྲེལ་པ། (སྨྲ་ཏིས་མཛད་ཅིང་རང་འགྱུར) སངས་རྒྱས་ཡེ་ཤེས་ཞབས་ཀྱི་འཇམ་དཔལ་གྱི་ཞལ་གྱི་ལུང་། (ལྷ་ཡེ་ཤེས་རྒྱལ་མཚན་གྱི་འགྱུར) ཞལ་ལུང་ཆུང་ངུ་དང༌། སྒྲུབ་ཐབས་ཀུན་བཟང་གཉིས། (རིན་ཆེན་བཟང་པོའི་འགྱུར) ཀུན་ཏུ་བཟང་མོའི་སྒྲུབ་ཐབས། (སྨྲ་ཏིའི་རང་འགྱུར) བདག་གྲུབ་པ་ལ་འཇུག (འགོས་འགྱུར) གྲོལ་བའི་ཐིག་ལེ། (ལྷ་ཡེ་ཤེས་རྒྱལ་མཚན་གྱི་འགྱུར) ཧེ་རུ་ཀའི་སྒྲུབ་ཐབས། (ཏེ་བདུན་སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་དོ) འཇམ་དཔལ་ཞལ་ལུང་གི་འགྲེལ་པ། (སློབ་དཔོན་སྨན་པའི་ཞབས་ཀྱིས་མཛད་པ) མཛེས་པའི་མེ་ཏོག (ལྷ་ཡེ་ཤེས་རྒྱལ་མཚན་གྱི་འགྱུར) སྒྲུབ་ཐབས་ཀུན་བཟང་གི་འགྲེལ་པ། (སློབ་དཔོན་དཔལ་འབྲས་རྡོ་རྗེ་དང༌། ཐ་ག་ནས་མཛད་པ་གཉིས་ རིན་ཆེན་བཟང་པོའི་འགྱུར) ཀུན་ཏུ་བཟང་པོའི་སྒྲུབ་ཐབས་ཀྱི་འགྲེལ་པ། (སློབ་དཔོན་ཀུན་ཏུ་བཟང་པོས་མཛད་པའི) སྙིང་པོའི་སྙེ་མ། (བློ་ལྡན་ཤེས་རབ་ཀྱི་འགྱུར) གྲོལ་བའི་ཐིག་ལེའི་འགྲེལ་པ། (སྨན་ཞབས་ཀྱིས་མཛད་པ་དང༌། དེས་མཛད་པའི) སྒྲུབ་ཐབས་དངོས་གྲུབ་འབྱུང་གཏེར་གཉིས། (ལྷ་ཡེ་ཤེས་རྒྱལ་མཚན་གྱི་འགྱུར) (སློབ་དཔོན་སྣང་མཛད་རྡོ་རྗེའི) སྦྱོར་བ་ཡན་ལག་དྲུག་གི་སྣང་བའི་རིམ་པ། (གཡུང་དྲུང་འོད་ཀྱི་འགྱུར) ཧེ་རུ་ཀའི་སྒྲུབ་ཐབས་ཀྱི་འགྲེལ་པ། (སློབ་དཔོན་མར་མེ་མཛད་བཟང་པོས་མཛད་པའི) དཀྱིལ་འཁོར་གྱི་ཆོ་ག (བཞི་བརྒྱ་ལྔ་བཅུ་པ་དང) དེའི་འགྲེལ་པ། (སློབ་དཔོན་དྲི་མེད་དཔལ་གྱིས་མཛད་པ་གཉིས་རིན་ཆེན་བཟང་པོའི་འགྱུར) (སློབ་དཔོན་སྨན་པའི་བུ་རྒྱལ་བས་བྱིན་གྱིས་མཛད་པའི) གསང་བ་འདུས་པའི་དཀའ་འགྲེལ། (སློབ་དཔོན་དྲི་མེད་སྦས་པས་མཛད་པའི) གསང་བ་འདུས་པའི་རྒྱུད་ལེའུ་བཅུ་བདུན་གྱི་འགྲེལ་པ་དང༌། (དེའི་སློབ་མ་སློབ་དཔོན་ཟླ་འོད་ཀྱིས་མཛད་པའི) ལེའུ་བཅོ་བརྒྱད་པའི་འགྲེལ་པ་དང༌། (དཔལ་རྒྱན་པས་མཛད་པའི) དེ་ཉིད་བཅུ་པ་དང་གསུམ། (དར་མ་གྲགས་ཀྱི་འགྱུར) (སློབ་དཔོན་རབ་ཏུ་ཞི་བའི་ཡེ་ཤེས་ཀྱིས་མཛད་པའི) གསང་འདུས་ཀྱི་འགྲེལ་པ་སློབ་མ་ལ་ཕན་པ། (སློབ་དཔོན་ཟླ་བའི་འོད་ཟེར་གྱིས་མཛད་པའི) རབ་ཏུ་གནས་པའི་ཆོ་ག (བསོད་ནམས་རྒྱལ་བའི་འགྱུར) (སློབ་དཔོན་སྣང་བྱེད་ཟླ་བས་མཛད་པའི) ཨརྐའི་ཆོ་ག་སྙིང་པོ་བསྡུས་པ་དང་རབ་ཏུ་གནས་པའི་ཆོ་ག་ཡེ་ཤེས་སྣང་བ་དང༌། (དཔལ་ཏིང་ངེ་འཛིན་རྡོ་རྗེས་མཛད་པའི) དུས་ཐ་མའི་ཆོ་ག་དང༌། གཤིན་པོ་བདེ་བར་གཤེགས་པའི་གནས་ལ་འགོད་པ་དང་གསུམ། (ཤེས་རབ་གྲགས་ཀྱི་འགྱུར) (སློབ་དཔོན་ཤཱནྟི་པས་མཛད་པའི) གསང་འདུས་བཤད་སྦྱར་སྙིམ་པའི་མེ་ཏོག (འགོས་འགྱུར) (སློབ་དཔོན་བི་ཤྭ་མི་ཏྲས་མཛད་པའི) ལེའུ་བཅོ་བརྒྱད་པའི་འགྲེལ་པ། (སློབ་དཔོན་ཙི་ལུ་པས་མཛད་པའི) གསང་འདུས་འགྲེལ་པ་རིན་པོ་ཆེའི་ལྗོན་ཤིང་། (ལྷ་ཡེ་ཤེས་རྒྱལ་མཚན་གྱི་འགྱུར) (སློབ་དཔོན་ཐ་ག་ནས་མཛད་པའི) གསང་འདུས་འགྲེལ་པ། (རིན་ཆེན་བཟང་པོའི་འགྱུར) (སློབ་དཔོན་རྡོ་རྗེ་བཞད་པས་མཛད་པའི) གསང་འདུས་ལེའུ་བཅུ་བདུན་གྱི་འགྲེལ་པ། (བཻ་རོ་ཙ་ནའི་འགྱུར) གསང་འདུས་རྒྱུད་ཕྱི་མ་དང་བཅས་པའི་འགྲེལ་པ། (སློབ་དཔོན་ཀུན་དགའ་སྙིང་པོས་མཛད་པའི) གསང་འདུས་དཀའ་འགྲེལ། (རིན་ཆེན་བཟང་པོའི་འགྱུར) འགྲེལ་ཆེན། (ཕྲ་རིང་གི་རང་འགྱུར་དུ་གྲགས་པ) ལྷ་མོ་བཞིས་ཞུས་ཀྱི་འགྲེལ་པ། (སློབ་དཔོན་ཡེ་ཤེས་སྙིང་པོས་མཛད་པ། སྨྲ་ཏིའི་རང་འགྱུར) ཀུན་ཏུ་བཟང་པོའི་སྦྱིན་སྲེག་གི་ཆོ་ག (མར་མེ་མཛད་ཡེ་ཤེས་ཀྱིས་མཛད་པའི) གསང་འདུས་སྒྲུབ་ཐབས། (རིན་ཆེན་བཟང་པོའི་འགྱུར) དེའི་རྣམ་བཤད། (ཀུན་ཏུ་བཟང་པོས་མཛད་པ། སུ་ག་ཏའི་རང་འགྱུར) (སློབ་དཔོན་བསོད་སྙོམས་པས་མཛད་པའི) གསང་འདུས་ཀྱི་དཀྱིལ་ཆོག་དང་སྒྲུབ་ཐབས་དང༌། (ཁ་ཆེ་རིན་ཆེན་རྡོ་རྗེས་མཛད་པའི) མི་བསྐྱོད་རྡོ་རྗེའི་སྒྲུབ་ཐབས་རྣམས། (རིན་ཆེན་བཟང་པོའི་འགྱུར) (སློབ་དཔོན་ངག་གི་དབང་ཕྱུག་གྲགས་པས་མཛད་པའི) གསང་འདུས་ཀྱི་དཀྱིལ་ཆོག་མདོར་བསྡུས། (ཆོས་ཀྱི་དབང་ཕྱུག་གི་འགྱུར) (སློབ་དཔོན་རྒྱལ་བས་བྱིན་གྱིས་མཛད་པའི) དཔལ་དགའ་བའི་སྒྲུབ་ཐབས། (སུ་ནྱ་ཤྲཱིས་མཛད་པའི) འཇམ་དཔལ་རྡོ་རྗེའི་སྒྲུབ་ཐབས་ (གཞོན་ནུ་འབར་གྱི་འགྱུར) གསང་འདུས་མི་བསྐྱོད་པའི་སྒྲུབ་ཐབས། (སྨྲ་ཏིའི་རང་འགྱུར) དཔལ་དགའ་བའི་རྡོ་རྗེའི་དབང་རབ་བྱེད། (བ་རིའི་འགྱུར) (སློབ་དཔོན་ངག་གི་དབང་ཕྱུག་གྲགས་པས་མཛད་པའི) ཡན་ལག་བདུན་ལྡན་དེ་ཁོ་ཉིད་རིན་པོ་ཆེ་སྣང་བ་རྩ་འགྲེལ། (འགོས་འགྱུར) (སློབ་དཔོན་འཕགས་པ་ལྷས་མཛད་པའི) དུག་ལྔ་སྦས་པའི་ལམ་མཆོག་ཏུ་གསང་བ་བསམ་གྱིས་མི་ཁྱབ་པ། རྡོ་རྗེ་སེམས་དཔའི་སྒྲུབ་ཐབས་ (ཨནྡྲི་བྷཱུ་ཏིས་མཛད་པ) དཔལ་བདེ་མཆོག་ཆེན་པོ་རྡོ་རྗེ་སེམས་དཔའི་སྒྲུབ་ཐབས། (སློབ་དཔོན་ཐུ་བོ་རཱ་ཧ་ཏིས་མཛད་པའི) རྡོ་རྗེ་སེམས་དཔའ་རྗེས་སུ་དྲན་པའི་ཆོ་ག (སློབ་དཔོན་རབ་འཇིགས་རྡོ་རྗེས་མཛད་པའི) སྦྱིན་སྲེག་གི་ཆོ་ག (རིན་ཆེན་བཟང་པོའི་འགྱུར) (སློབ་དཔོན་རཏྣ་ཀིརྟིས་མཛད་པའི) བསྟན་པའི་ནོར་ཐམས་ཅད་པའི་སྒྲུབ་ཐབས། རྡོ་རྗེ་སེམས་དཔའི་གསང་དོན། རྣམ་པར་སྣང་མཛད་ཀྱི་གསང་དོན། ཧེ་རུ་ཀའི་གསང་དོན། པདྨ་གར་དབང་གི་གསང་དོན། རིན་ཆེན་ཉི་མའི་གསང་དོན། རྟ་མཆོག་རོལ་པའི་གསང་དོན་རྣམ་པར་འགོད་པ་རྣམས། (སློབ་དཔོན་ཀུ་ཀུ་རཱ་ཛས་མཛད་པར་གྲགས་པ། ལྷ་རིན་པོ་ཆེའི་འགྱུར) (སྨྲ་ཏིས་མཛད་པའི) ལྷ་མོ་བཞིས་ཞུས་ཀྱི་འགྲེལ་པ། (དེའི་རང་འགྱུར) (སློབ་དཔོན་སྨན་པའི་ཞབས་ཀྱིས་མཛད་པའི) གསང་འདུས་ལེའུ་བཅོ་བརྒྱད་པའི་འགྲེལ་པ་ཡང་དག་རིག་བྱེད། (ལྷ་ཡེ་ཤེས་རྒྱལ་མཚན་གྱི་འགྱུར) སྦྱོར་བ་ཡན་ལག་དྲུག་པའི་འགྲེལ་པ། (སློབ་དཔོན་ཟླ་བ་གྲགས་པས་མཛད་པ་རིན་ཆེན་བཟང་པོའི་འགྱུར) སངས་རྒྱས་ཡེ་ཤེས་ཞབས་ཀྱི་སྦྱོར་བ་ཡན་ལག་དྲུག་གི་འགྲེལ་པ། (སྨྲ་ཏིས་མཛད་པ) ཡེ་ཤེས་ཞབས་ལུགས་ཀྱི་སྦྱོར་བ་ཡན་ལག་དྲུག་པ། (སློབ་དཔོན་མི་གནས་རྡོ་རྗེས་མཛད་པའི) གསང་འདུས་ལྷ་སུམ་ཅུ་རྩ་གཉིས་ཀྱི་བསྟོད་པ། (རིན་ཆེན་བཟང་པོའི་འགྱུར) (མར་མེ་མཛད་ཡེ་ཤེས་ཀྱིས་མཛད་པའི) གསང་བ་འདུས་པའི་བསྟོད་པ་ (རིན་ཆེན་བཟང་པོའི་འགྱུར) (སློབ་དཔོན་དགའ་བའི་རྡོ་རྗེས་མཛད་པའི) དབང་གི་བྱ་བ་མདོར་བསྡུས་པ་ལ། (མཻ་ཏྲི་པས་མཛད་པ) བཞི་པ་བཏགས་པ། (མཚུར་གྱི་འགྱུར) དབང་དེར་གཏད་པ་མདོར་བསྡུས་པ་སྟེ་ (བརྒྱ་དང་བཅུ་བཞིའོ) ཕྱི་མ་གཉིས་མ་ཚུད་དོ། །སློབ་དཔོན་སངས་རྒྱས་ཡེ་ཤེས་ཀྱིས་མཛད་པའི་ཡན་ལག་བཞི་པའི་སྒྲུབ་ཐབས་དང༌། དེའི་འགྲེལ་པ་གནས་ལྡན་དང༌། ཀུན་ཏུ་བཟང་པོས་སྦྱར་བ་དང་གསུམ་རྔོག་འགྱུར་མ་རྙེད་དོ། །ཞེས་བུ་སྟོན་རིན་པོ་ཆེའི་ཆོས་འབྱུང་ལས་གསུངས་པ་ལྟར་བཀོད།རིན་པོ་ཆེའི་ཆོས་འབྱུང་ལས་གསུངས་པ་ལྟར་བཀོད།)
- Dictionaries/sgom sde tshig mdzod chenmo/9942 + ((གསང་སྔགས) དམྱལ་བ་མནར་མེད་དང་དོན་གཅིག དེ་ཡ … (གསང་སྔགས) དམྱལ་བ་མནར་མེད་དང་དོན་གཅིག དེ་ཡང་འཇིག་རྟེན་གྱི་ཁམས་ཆགས་པ་ནས་མ་ཞིག་གི་བར་གནས་པས་འཇིག་རྟེན་གྱི་ཁམས་ཉེ་བར་སྡུད་པའི་ཚེ་ཚད་ཅན་གྱི་དམྱལ་ཁམས་ཤིག་གོ། རྡོ་རྗེ་དམྱལ་བ་ཞེས་པ་ནི་གསང་སྔགས་ཀྱི་བརྡ་ཆད་ཅིག་ཡིན། འོན་ཀྱང་རྗེ་ཙོང་ཁ་པ་ཆེན་པོའི་གསང་སྔགས་ཀྱི་གཞུང་ཆེན། རིམ་ལྔ་གསལ་སྒྲོན། རིམ་ལྔ་གདན་རྫོགས། སྔགས་རིམ་ཆེན་མོ། འགྲེལ་པ་བཞི་སྦྲགས། རྣམ་གཞག་རིམ་པའི་རྣམ་བཤད། སྦས་དོན་ཀུན་གསལ། བདེ་མཆོག་འགྲེལ་པ་འདོད་འཇོ། དབང་དོན་དེ་ཉིད་རབ་གསལ་སོགས་སུ་ནི་དམྱལ་བ་དང་དམྱལ་བ་ཆེན་པོ་ཞེས་པ་ཙམ་ལས་རྡོ་རྗེ་དམྱལ་བ་ཞེས་པའི་ཐ་སྙད་མི་སྣང་ངོ་། །བློ་བཟང་ཡེ་ཤེས་བསྟན་པ་རབ་རྒྱས་ཀྱི་གསུང་རྒྱལ་དབང་ཆོས་རྗེའི་སྤྲུལ་སྐུའི་དྲིས་ལན་༡༤ལས། མནར་མེད་དང་རྡོ་རྗེ་དམྱལ་བ་གཉིས་ལ་གནས་ཐ་དད་པ་སོ་སོར་བཤད་པ་མེད་ཀྱང་། ཚེ་ཚད་དང་སྡུག་བསྔལ་ལ་ཁྱད་པར་ཡོད་དེ། མནར་མེད་ཀྱི་ཚེ་ཚད་ནི་བར་བསྐལ་གཅིག རྡོ་རྗེ་དམྱལ་བའི་ཚེ་ཚད་བསྐལ་ཆེན་གཅིག་དང་། ཤིན་ཏུ་རིང་བ་རྣམས་བསྐལ་པ་མཐའ་ཡས་པར་གནས་པར་བཤད། སྡུག་བསྔལ་ཡང་འབུམ་འགྱུར་དུ་གསུངས། སྔགས་ཀྱི་དམ་ཚིག་ཉམས་ཚད་རྡོ་རྗེའི་དམྱལ་བར་སྐྱེ་བར་མ་ངེས་ཏེ། སྔགས་ཀྱི་སྦོམ་པོ་སོགས་ཀྱིས་ཉམས་པས་ཡང་སོས་ནས་རབ་ཏུ་ཚ་བའི་བར་སྐྱེ་བར་བཤད། རྡོ་རྗེ་དམྱལ་བ་ཞེས་པའི་གོ་དོན་དེར་སྐྱེ་བའི་རྒྱུ། སྔགས་ཀྱི་སློབ་དཔོན་ལ་སྙིང་ནས་སྨོད་པའི་རྩ་ལྟུང་དེ་ནི་སྔགས་པ་མཐའ་དག་གིས་སྐྱེས་བུའི་རྩལ་ཅི་ཡོད་ཀྱིས་འབད་དེ། རྡོ་རྗེ་ལྟར་འདའ་བར་མི་རུང་བ་ཡིན་ལ། དེ་ལས་འདས་པའི་དབང་གིས་གང་དུ་འགྲོ་བའི་གནས་ལ་རྡོ་རྗེའི་དམྱལ་བ་ཞེས་རྒྱུའི་སྒོ་ནས་བརྗོད་པ་དང་། འབྲས་བུ་དམྱལ་བ་དེ་ཡང་། རྒྱུ་གཞན་གྱིས་དེ་ལས་གྲོལ་བར་དཀའ་ཞིང་འདའ་བར་མི་ནུས་པས་ན་དེ་ལྟར་བཤད། ཞེས་གསུངས། སྒྲ་བཤད་ནི། རྡོ་རྗེའི་གཞིར་གནས་ཤིང་རྡོ་རྗེའི་ཁབ་རྩེ་ཕྲ་མོའི་ཚོགས་ཀྱིས་ལུས་འབིགས་པའི་སྡུག་བསྔལ་ཡོད་པའི་ཕྱིར་རྡོ་རྗེའི་དམྱལ་བ་ཞེས་པའམ། ཡང་ན་ཐབས་ཤེས་དབྱེར་མི་ཕྱེད་པའི་རང་བཞིན་ཡིན་པའི་ཕྱིར་རྡོ་རྗེ་ཞེས་བྱའམ། ཡང་ན་རྡོ་རྗེ་སློབ་དཔོན་ལེགས་པར་མ་བསྟེན་པའི་འབྲས་བུའི་དམྱལ་བ་ཡིན་པས་རྡོ་རྗེ་དམྱལ་བ་ཞེས་བྱའོ།།མདོ་ནས་བཤད་པའི་དམྱལ་བ་མནར་མེད་དང༌། སྔགས་ཀྱི་རྡོ་རྗེའི་དམྱལ་བ་དོན་གཅིག་ཡིན་ལ། འོན་ཀྱང་གསང་སྔགས་ཐབས་ཤེས་མི་ཕྱེད་པའི་གནས་མཚོན་པའི་ཕྱིར་ཐབས་ཅད་རྡོ་རྗེའི་ཐ་སྙད་ཀྱིས་འཆད་པས་དམྱལ་བ་ལའང་རྡོ་རྗེའི་དམྱལ་བ་ཞེས་བཏགས་པའོ། །ཞེས་མཁས་པ་འགའ་གསུང༌། དཔེ་ཆོས་རིན་ཆེན་སྤུངས་པའི་འབུམ་འགྲེལ་༣༨༦ལས། རྡོ་རྗེ་དམྱལ་བའི་མཚན་ཉིད་ནི། འཇམ་དཔལ་རྩ་བའི་རྒྱུད་ལས། ཕྱིའི་རྒྱ་མཚོ་ཆེན་པོ་ལ་སྐྲ་ཉག་མ་གཅིག་གི་རྩེ་མོས་ཆུ་གཏོར་བས་མ་ཟད་ཀྱི་བར་དུ་སྡུག་བསྔལ་ཆེན་པོ་མྱོང་བར་བཤད་དེ། ཨ་ཝ་ཝ་གསུང༌། ཞེས་གསུངས་པ་ལྟར་རོ། །ཡང་དུས་འཁོར་ལས་ནི་ས་དཀྱིལ་གྱི་སྟོད་དུ་ཀླུ་རྣམས་གནས་ཤིང༌། སྨད་དུ་སའི་དམྱལ་བ་གནས་ལ། དེའི་འོག་དུ་ཆུ་མེ་རླུང་གསུམ་གྱི་དཀྱིལ་འཁོར་ལ་རང་རང་གི་དམྱལ་བ་གནས་པར་བཤད་དོ། །ིལ་འཁོར་ལ་རང་རང་གི་དམྱལ་བ་གནས་པར་བཤད་དོ། །)
- Dictionaries/sgom sde tshig mdzod chenmo/1398 + ((གསང་སྔགས) དེ་ནི་བརླའི་རྩ་བའི་ཐད་ཀྱི་སུམ་མདོ་རྟགས་ཀྱི་གོང་ཙམ་དུ་དབུ་མ་ལས་སྔར་ལྟར་གྱེས་པས་གསང་གནས་བདེ་སྐྱོང་གི་འཁོར་ལོ་རྩ་འདབ་སོ་གཉིས་པ་གདུགས་ཁ་སྦུབས་པ་ལྟ་བུའོ། །སྒྲ་བཤད་ནི། ལྷན་སྐྱེས་ཀྱི་བདེ་བ་གཙོ་བོ་གསང་གནས་སུ་སྐྱོང་བས་དེ་སྐད་ཅེས་བྱའོ། །)
- Dictionaries/sgom sde tshig mdzod chenmo/13189 + ((གསང་སྔགས) ཕར་ཕྱིན་ཐེག་པའི་ལུགས་ལ་རྒྱུན་མཐ … (གསང་སྔགས) ཕར་ཕྱིན་ཐེག་པའི་ལུགས་ལ་རྒྱུན་མཐའི་བར་ཆད་མེད་ལམ་གྱི་ཐ་སྙད་བྱེད་པ་ལྟར། འདིར་སྔགས་ལུགས་ལ་དེའི་དོད་དུ་སློབ་པ་མཐའ་ཡི་དོན་གྱི་འོད་གསལ་ཞེས་ཐ་སྙད་བྱེད་ཅིང་། དེ་ལྟ་བུའི་སློབ་པ་མཐའ་ཡི་དོན་གྱི་འོད་གསལ་གྱིས་ཤེས་སྒྲིབ་སྤངས་ཏེ། ཁ་སྦྱོར་ཡན་ལག་བདུན་ལྡན་ནམ། དབང་ཕྱུག་བརྒྱད་ལྡན་མི་སློབ་པའི་ཟུང་འཇུག་གི་གོ་འཕང་མངོན་དུ་བྱེད་པ་ཡིན་ནོ། །ུང་འཇུག་གི་གོ་འཕང་མངོན་དུ་བྱེད་པ་ཡིན་ནོ། །)
- Dictionaries/sgom sde tshig mdzod chenmo/5930 + ((གསང་སྔགས) བྱིས་པ་ལྟར་འཇུག་པའི་དབང་བདུན་ནི … (གསང་སྔགས) བྱིས་པ་ལྟར་འཇུག་པའི་དབང་བདུན་ནི། ཆུའི་དབང་། ཅོད་པན་གྱི་དབང་། དར་དཔྱངས་ཀྱི་དབང་། རྡོར་དྲིལ་གྱི་དབང་། བརྟུལ་ཞུགས་ཀྱི་དབང་། མིང་གི་དབང་། རྗེས་གནང་གི་དབང་དང་བདུན་ནོ། །དུས་འཁོར་ནས་བཤད་པའི་བྱིས་པ་ལྟར་འཇུག་པའི་དབང་བདུན་པོ་འདི་རྣམས་ལ། བུམ་དབང་ཞེས་ཐ་སྙད་མ་བྱས་ཀྱང་། དོན་དུ་ཡོངས་གྲགས་ཀྱི་བུམ་དབང་རང་ཡིན། ཡང་དུས་འཁོར་གྱི་གོང་མ་དང་གོང་ཆེན་གྱི་བུམ་དབང་ཞེས་པ་ནི་ཡོངས་གྲགས་ཀྱི་བུམ་དབང་དང་གཏན་ནས་མི་འདྲ། དེ་ནི་དཔེར་ན་གོང་མའི་བུམ་དབང་ལྟ་བུ། རིག་མའི་དཀར་འཛིན་བུམ་པ་ལ་རེག་པ་ལས་སྐྱེས་པའི་དབང་ཡིན་པས་ན་བུམ་དབང་ཞེས་ཐ་སྙད་བཏགས་པ་ཡིན་པས་ཁྱད་པར་ཆེའོ། །བྱིས་པ་ལྟར་འཇུག་པའི་དབང་བདུན་ནི། རྡོ་རྗེ་སྙིང་འགྲེལ་དབང་དོན་དེ་ཉིད་ཡང་གསལ་༣༤ན༥པར་དྲངས་པ་ལས། བྱིས་པ་སྐྱེས་ལ་མ་རྣམས་ཀྱིས། །ཆུ་ཡིས་འཁྲུ་བའི་དབང་བསྐུར་བྱེད། །དེ་ཡི་གཙུག་ཕུད་རབ་འཇོག་པ། །ཅོད་པན་དུ་ནི་ཡོངས་སུ་བརྟག །དེ་ཡི་རྣ་བ་འབུགས་པ་སོགས། །དར་དཔྱངས་དབང་བསྐུར་བྱེད་པར་བཤད། །བྱིས་པ་སྨྲ་དང་དགོད་པ་ན། །དྲིལ་བུ་རྡོ་རྗེའི་དབང་བསྐུར་རོ། །ལྔ་པ་ལོངས་སྤྱོད་བརྟུལ་ཞུགས་ཡིན། །མིང་ནི་མིང་གི་དབང་བསྐུར་ཡིན། །ཀློག་པ་ལ་སོགས་རྗེས་གནང་ནི། །ཕ་དག་གིས་ནི་རྟག་ཏུ་སྟེར། །དེ་ལ་རྣམ་པ་བདུན་གྱི་ནི། །དབང་བསྐུར་བདུན་དུ་རབ་ཏུ་གྲགས། །ཞེས་བྱིས་པ་མངལ་ནས་བཙས་ཏེ་བསྐྱེད་བསྲིང་བའི་ཕྱིར། དང་པོར་ཆུས་འཁྲུ་བ་དང་། དེ་ནས་གཙུག་ཕུད་བཞག་པ། དེ་ནས་རྣ་བ་འབུགས་པ་སོགས་པ་བྱེད། དེ་ནས་བྱིས་པ་དགོད་ཅིང་སྨྲ་བ། དེ་ནས་ལོངས་སྤྱོད་ལ་གནས་པ། དེ་ནས་མིང་འདོགས་པ། དེ་ནས་ཕ་མ་སོགས་ཀྱིས་འདྲི་ཀློག་སོགས་སློབ་པ་དང་ཆོས་མཚུངས་པར། དང་པོར་ཆུ། ཅོད་པན། དར་དཔྱངས། རྡོར་དྲིལ། བརྟུལ་ཞུགས། མིང་། རྗེས་གནང་བདུན་རིམ་ཅན་དུ་བསྐུར་བ་དང་། དེ་དག་ལ་བྱིས་པ་ལྟར་འཇུག་པའི་དབང་བདུན་ཞེས་ཐ་སྙད་གསུངས་པ། ཞེས་གསུངས་སོ། །བྱིས་པ་ལྟར་འཇུག་པའི་དབང་བདུན་ཞིབ་པར་བཤད་པ་ལ། དང་པོ་ནི། བྱིས་པ་སྐྱེས་མ་ཐག་ཆུས་བཀྲུ་བ་དང་མཐུན་པ་དཔལ་དུས་ཀྱི་འཁོར་ལོའི་བྱང་ཕྱོགས་སྐུ་ཞལ་དཀར་པོའི་ཐད་དུ་སློབ་མ་སྐུ་རྡོ་རྗེར་བསྐྱེད་ནས་གཤེགས་མ་ལྔས་བུམ་དབང་བསྐུར་བས་ཁམས་ལྔའི་དྲི་མ་སྦྱོང་བའོ།། གཉིས་པ་ནི། བྱིས་པ་གཙུག་ཕུད་འཇོག་པ་དང་མཐུན་པ་བྱང་ཕྱོགས་སུ་སྔར་ལྟར་གནས་པ་ལ་གཤེགས་པ་ལྔས་ཅོད་པན་གྱི་དབང་བསྐུར་བས་ཕུང་པོ་ལྔའི་དྲི་མ་སྦྱོང་བའོ། །གསུམ་པ་ནི། བྱིས་པ་རྣ་བ་འབུག་པ་དང་མཐུན་པ། དཔལ་དུས་ཀྱི་འཁོར་ལོའི་ལྷོ་ཕྱོགས་སུ་གསུང་ཞལ་དམར་པོའི་ཐད་དུ་སློབ་མ་གསུང་རྡོ་རྗེར་བསྐྱེད་ནས་ལྷ་མོ་ནུས་མ་བཅུས་དར་དཔྱངས་ཀྱི་དབང་བསྐུར་བས་རླུང་བཅུའི་དྲི་མ་སྦྱོང་བའོ། །བཞི་པ་ནི། བྱིས་པ་རྒོད་ཅིང་སྨྲ་བ་དང་མཐུན་པ། ལྷོ་ཕྱོགས་སུ་སྔར་ལྟར་དཔལ་དུས་ཀྱི་འཁོར་ལོ་ཡབ་ཡུམ་གཉིས་ཀྱིས་རྡོར་དྲིལ་གྱི་དབང་བསྐུར་བས་རྩ་རོ་རྐྱང་གཉིས་ཀྱི་དྲི་མ་སྦྱོང་བའོ། །ལྔ་པ་ནི། བྱིས་པས་འདོད་ཡོན་ལ་ལོངས་སྤྱོད་པ་དང་མཐུན་པ། དཔལ་དུས་འཁོར་ལོའི་རྩ་ཞལ་སྔོན་པོ་ཐུགས་ཀྱི་ཞལ་གྱི་ཐད་ཀར་སློབ་མ་ཐུགས་རྡོ་རྗེར་བསྐྱེད་ནས་སེམས་དཔའ་དང་སེམས་མས་མཐེ་བོའི་རྡོ་རྗེའི་བརྟུལ་ཞུགས་ཀྱི་དབང་བསྐུར་བས་སློབ་མའི་དབང་པོ་ལྔ་དང་ཡུལ་གཟུགས་སྒྲ་སོགས་ལྔའི་དྲི་མ་སྦྱོང་བའོ། །དྲུག་པ་ནི། བྱིས་པ་མིང་འདོགས་པ་དང་མཐུན་པར། ཤར་ཕྱོགས་སུ་སྔར་ལྟར་གནས་པ་ལ་ཁྲོ་བོ་ཁྲོ་མོས་གདུ་བུའི་དབང་བསྐུར་བས་སློབ་མའི་ལས་དབང་ལྔ་ཡི་བྱ་བ་དང་བཅས་པའི་དྲི་མ་དག་པའི་བག་ཆགས་འཇོག་པའོ། །བདུན་པ་ནི། བྱིས་པ་ཕ་མ་སོགས་ཀྱིས་ཡི་གེ་འདྲི་ཀློག་སློབ་པ་དང་མཐུན་པར། དཔལ་དུས་ཀྱི་འཁོར་ལོའི་ནུབ་ཕྱོགས་རྒྱབ་ཞལ་སེར་པོའི་ཐད་ཀར་སློབ་མ་ཡེ་ཤེས་རྡོ་རྗེར་བསྐྱེད་ནས་རྗེས་གནང་། དེ་ཡི་འདོགས་སྔགས་གཏད་སོགས་བཞི་ཡི་དབང་བསྐུར་བས་སློབ་མའི་ལུས་ངག་ཡིད་གསུམ་ཡེ་ཤེས་དང་བཞི་ཡིས་དྲི་མ་སྦྱོང་བའོ། །བྱིས་པ་ལྟར་འཇུག་པ་བདུན་གྱི་དབང་བསྐུར་བའི་མཐར་ལོ་དང་ཟླ་བ་ཚེས་གྲངས་གཟའ་དང་རྒྱུ་སྐར་བྱང་ཤམྦྷ་ལར་རིགས་ལྡན་རྒྱལ་པོ་འདི་ཡིས་ཆོས་འཁོར་བསྐོར་བའི་དུས་ཡིན་ཞེས་ཐོབ་པའི་དུས་བསྒོ་དབང་གི་སྒོ་ནས་རྒན་གཞོན་ཤེས་པར་བྱའོ། །བསྒོ་དབང་གི་སྒོ་ནས་རྒན་གཞོན་ཤེས་པར་བྱའོ། །)
- Dictionaries/sgom sde tshig mdzod chenmo/9006 + ((གསང་སྔགས) རང་གི་གཟུགས་བརྙན་ཕར་ཤར་བ་ལྟ་བུའི་ཞལ་ཕྱག་དང་རྒྱན་ཆ་ལུགས་འདྲ་བའི་རིག་མའོ། །རང་སྣང་གི་རིག་མ་དང་དོན་གཅིག)
- Dictionaries/sgom sde tshig mdzod chenmo/9029 + ((གསང་སྔགས) རང་གི་སེམས་ཀྱི་སྣང་ཆ་ལྷ་མོའི་རྣམ་པར་ཤར་བའམ། རང་གི་གཟུགས་བརྙན་ཕར་ཤར་བ་ལྟ་བུའི་ཞལ་ཕྱག་དང་རྒྱན་ཆ་ལུགས་སོགས་རང་དང་འདྲ་བའི་ཡུམ། རང་འདྲའི་ཡུམ་དང་དོན་གཅིག)
- Dictionaries/sgom sde tshig mdzod chenmo/6566 + ((གསང་སྔགས) རྒྱུད་ཀྱི་སྟོན་པས་རྩ་རྒྱུད་འཆད་ … (གསང་སྔགས) རྒྱུད་ཀྱི་སྟོན་པས་རྩ་རྒྱུད་འཆད་ཚུལ་ཞིག་སྟེ། སྐབས་འདིར་མཐའ་དྲུག་ཅེས་པའི་མཐའི་དོན་ནི། མཐའི་སྐད་དོད་ཀོ་ཊྀནི་རྩེ་མོ་དང་སྒོ་ལའང་འཇུག་པས་རྩ་རྒྱུད་བཤད་པའི་སྒོའམ་ཐབས་དྲུག་ཅེས་པའི་དོན་ཡིན། རྗེའི་འགྲེལ་པ་བཞི་སྦྲགས་ལ་གཞི་བྱས། ཀོང་སྤྲུལ་ཡོན་ཏན་རྒྱ་མཚོས་འདིའི་མཐའ་ཞེས་པ་མི་འདའ་བའི་དོན་ལ་བཤད་དེ། ཤེས་བྱ་མཛོད་འགྲེལ་སྨད་ཆ་༡༥ལས། གསང་བའི་ཚིག་དང་དོན་ཐམས་ཅད་འདི་ལས་མི་འདའ་བས་མཐའ་དྲུག་ཅེས་བྱའོ། །ཞེས་གསུངས། དེ་ཡང་མཐའ་དྲུག་ནི། དྲང་ངེས་གཉིས། དགོངས་དགོངས་མིན་གཉིས། སྒྲ་ཇི་བཞིན་པ་ཡིན་མིན་གཉིས་ཏེ་དྲུག་གོ། དྲང་ངེས་ཀྱི་བཤད་པ་ནི་རྗོད་བྱེད་ཀྱི་གཞུང་གཅིག་གིས་བརྗོད་བྱའི་དོན་མི་མཐུན་པ་གཉིས་སྟོན་པ་ལ་བཞག དགོངས་དགོངས་མིན་གཉིས་ནི་བརྗོད་བྱའི་དོན་གཅིག་ཉིད་རྗོད་བྱེད་ཀྱི་གཞུང་འགལ་བ་གཉིས་ཀྱིས་སྟོན་པ་ལ་བཞག སྒྲ་ཇི་བཞིན་པ་ཡིན་མིན་གཉིས་ནི་བརྗོད་བྱའི་དོན་འགལ་བ་གཉིས་རྗོད་བྱེད་ཀྱི་གཞུང་འགལ་བ་གཉིས་ཀྱིས་སྟོན་པ་ལ་བཞག་པར་གསུངས་སོ། ། (དྲང་དོན) དངོས་ཟིན་གྱི་དོན་ལ་དྲང་དོན། (ངེས་དོན) དངོས་སུ་མི་སྟོན་པར་སྦས་ནས་སྟོན་རྒྱུ་དེ་ལ་ངེས་དོན་ཞེས་བྱ་སྟེ། དཔེར་ན་དེ་བཞིན་གཤེགས་པ་མི་བསྐྱོད་པ་ཞེས་པའི་རྡོ་རྗེའི་ཚིག་གིས་དངོས་ཟིན་ལ་བཞིན་ལག་གི་རྣམ་པ་ཅན་གྱི་མི་བསྐྱོད་པ་བཤད་པ་ལྟ་བུ་དྲང་དོན་དང༌། དེ་བཞིན་དེ་བཞིན་གཤེགས་པ་མི་བསྐྱོད་པ་ཞེས་པས་སྲོག་འཛིན་གྱི་རླུང་སྟོན་པ་ལྟ་བུ་ངེས་དོན་གྱི་དོན་ནོ། །འདིར་བཤད་པའི་དྲང་ངེས་དང༌། ཕར་ཕྱིན་ཐེག་པ་ནས་བཤད་པའི་དྲང་ངེས་གཉིས་མིང་ཙམ་འདྲ་ཡང་དོན་མི་འདྲ་སྟེ། འདིར་ནི་གཞུང་གཅིག་གི་དོན་ལ་བརྗོད་བྱའི་དོན་ཐ་དད་པ་གཉིས་སུ་བྱས་པའི་སྒོ་ནས་དྲང་ངེས་སུ་བཞག་པ་དང༌། ཕར་ཕྱིན་ཐེག་པར་ནི་མྱུ་གུ་སྐྱེ་བ་གཙོ་བོར་སྟོན་པ་ལྟ་བུ་དྲང་དོན་དང༌། མྱུ་གུ་རང་བཞིན་གྱིས་སྐྱེ་བ་མེད་པ་གཙོ་བོར་སྟོན་པ་ལྟ་བུ་ངེས་དོན་དུ་བཞག་པའི་སྒོ་ནས་དྲང་ངེས་ཀྱི་གཞུང་གཉིས་འགལ་བར་འདོད་པའི་ཕྱིར། (དགོངས་པ་ཅན) གདུལ་བྱ་དབང་པོ་རྣོན་པོ་རྣམས་ལ་འོད་གསལ་དང་ཟུང་འཇུག་སྟོན་པ་ན། དོན་ལ་སྒྲ་འགལ་བའི་ཚིག་གིས་གསུངས་པ་གང་ཡིན་པ་དེ་ནི་དོན་གཞན་ལ་དགོངས་ནས་སྒྲ་འགལ་བ་གཞན་གྱིས་བཤད་པའི་ཕྱིར་དགོངས་པས་བཤད་པའོ། །དཔེར་ན་ཟུང་འཇུག་སྟོན་པ་ན། ལེའུ་བརྒྱད་པ་ལས། ན་ཆུང་གཞོན་ནུ་མིག་ཡངས་མ། །ཞེས་སོགས་གསུངས་པ་ལྟ་བུའོ། །དགོངས་མིན སྣོད་རུང་གི་གདུལ་བྱ་དབང་པོ་དམན་པ་རྣམས་ཀྱིས་རྟོགས་པར་བྱ་བའི་ཕྱིར་ཤིན་ཏུ་གསལ་བར་སྟོན་པ་ནི། དོན་གཞན་ལ་དགོངས་ནས་སྒྲ་འགལ་བའི་མི་སྟོན་པར་སྒྲ་ཐད་དྲང་དུ་གསལ་པོར་སྟོན་པའི་ཕྱིར་དགོངས་པ་མིན་པས་བཤད་པའོ། །དཔེར་ན་འོད་གསལ་སྟོན་པ་ན། ལེའུ་གཉིས་པར་ཡང་དག་མཐའ་ཞེས་གསུངས་པ་ལྟ་བུའོ། ། (སྒྲ་ཇི་བཞིན་པ) གསང་བའི་སྐད་ཀྱི་བརྡ་ཡིས་བཅིངས་པ་མིན་པར་ཡོངས་གྲགས་ལྟར་གསལ་བར་བཤད་པ། དཔེར་ན་རྒྱུད་སྡེ་འོག་མ་གསུམ་དུ་དཀྱིལ་འཁོར་བྲི་བའི་ཚུལ། ལྷ་མཆོད་པ། གཏོར་མའི་ཆོ་ག་དང༌། སྨན་གྱི་ཆོ་ག་སོགས་གསལ་བར་བཤད་པ་གང་ཡིན་པ་དེ་དང་དེ་ནི་སྒྲ་ཇི་བཞིན་པའོ། ། (སྒྲ་ཇི་བཞིན་པ་མིན་པ) ཀོ་ཊཱ་ཁྱ། ཀོ་ཊཱ་ཝ། ཀོ་ནཱ། ཀོ་ཊཱ་ཝ། ཀོ་ཊཱར་ག ཀོ་ལ་ཁྱ། ཀོ་ལ་ཝ། ཀོ་ལ། ཀོ་ལ་ཝ། ཀོ་ལ་སྟ་བ་ཞེས་པ་ལྟ་བུའི་སྒྲ་བཅུ་པོ་དེ་འཇིག་རྟེན་པ་དང་སྒྲའི་བསྟན་བཅོས་ལས་རླུང་བཅུའི་དངོས་མིང་དུ་མ་གྲགས་ཀྱང༌། དེ་བཞིན་གཤེགས་པས་དེ་ལྟར་བརྡ་མཛད་པ་དེ་ལ་སྒྲ་ཇི་བཞིན་པ་མིན་པའི་བཤད་པ་ཞེས་བྱའོ། །མདོར་ན་སྒྲ་ཇི་བཞིན་པ་དང་ཇི་བཞིན་པ་མིན་པ་ཞེས་པ། ཡོངས་གྲགས་དང་ཡོངས་གྲགས་མིན་པ་ཞེས་བྱ་བའི་དོན་ཏེ། འཇིག་རྟེན་ཡོངས་གྲགས་དང་མཐུན་པའི་བཤད་ཚུལ་དེ་ལ་སྒྲ་ཇི་བཞིན་པ་དང༌། འཇིག་རྟེན་ཡོངས་གྲགས་དང་མི་མཐུན་པའི་བཤད་ཚུལ་དེ་ལ་སྒྲ་ཇི་བཞིན་པ་མིན་པ་ཞེས་བྱའོ། ། (ཚུལ་བཞི་ནི) ཡིག་དོན་གྱི་བཤད་པ། སྤྱི་དོན་གྱི་བཤད་པ། སྦས་དོན་གྱི་བཤད་པ། མཐར་ཐུག་གི་བཤད་པ་དང་བཞིའོ། །ཚུལ་བཞི་ནི་བཤད་ཚུལ་བཞི་ཞེས་པའོ། །ཞིབ་ཏུ་བཤད་ན། (ཡིག་དོན་གྱི་བཤད་པ་ནི) སྒྲའི་བསྟན་བཅོས་ལ་བརྟེན་ནས་སྒྲ་པའི་ཐོབ་ཚོད་ཀྱི་བཤད་པ་དེ་ལ་ཡིག་དོན་གྱི་བཤད་པ་ཞེས་བྱའོ། །འདི་དང་གོང་གི་མཐའ་དྲུག་གི་སྒྲ་ཇི་བཞིན་པའི་བཤད་པ་གཉིས་མི་འགལ་བར་གཞི་མཐུན་དུ་ཡང་བཤད་དོ། ། (སྤྱི་དོན་གྱི་བཤད་པ་ནི) རྒྱུད་སྡེ་འོག་མ་གསུམ་གྱིས་གདུལ་བྱས་བླ་མེད་ཀྱི་རྒྱུད་སྡེ་འདི་ལ་སྨོད་པ་བཟློག་པའི་ཕྱིར་དུ་དེ་དག་དང་མཐུན་པར་བཤད་པ་རྣམས་ལ་སྤྱི་དོན་གྱི་བཤད་པ་ཞེས་བྱའོ། ། (སྦས་དོན་གྱི་བཤད་པ་ནི) རིག་མ་དང་མཉམ་པར་སྦྱོར་བའི་ཚུལ་སོགས་ཚོགས་སུ་བསྟན་དུ་མི་རུང་བར་སྣོད་རུང་གི་གདུལ་བྱ་ལ་སྦས་ནས་སྟོན་པ་ལ་སྦས་དོན་གྱི་བཤད་པ་ཞེས་བྱའོ། །སྦས་ནས་སྟོན་རྒྱུ་དེ་ལ་འདོད་ཆགས་ཆོས་སྦས། ཀུན་རྫོབ་སྒྱུ་སྦས། སྣང་བ་སེམས་སྦས་དང་གསུམ་མོ། །མཐར་ཐུག་གི་བཤད་པ་ནི བཤད་བྱའི་མཐར་ཐུག་རིམ་པ་བཞི་པའི་འོད་གསལ་དང༌། ཟུང་འཇུག་བཤད་པ་ལ་མཐར་ཐུག་གི་བཤད་པ་ཞེས་བྱ་སྟེ། དེ་གཉིས་ལས་ཁྱད་པར་དུ་གྱུར་པའི་བཤད་བྱ་ཞིག་མེད་པའི་ཕྱིར། ཚུལ་བཞི་པོ་དེ་གོ་བདེ་བར་བཤད་ན། ཡོངས་གྲགས་ཀྱི་བཤད་པ་ལ་ཡིག་དོན་གྱི་བཤད་པ། གཞན་དང་ཐུན་མོང་བའི་བཤད་པ་ལ་སྤྱི་དོན་གྱི་བཤད་པ། ཡོངས་གྲགས་དང་ཐུན་མོང་དུ་མ་བཤད་པར་སྦས་ནས་བཤད་པ་ལ་སྦས་དོན་གྱི་བཤད་པ། བཤད་བྱ་མཐར་ཐུག་བཤད་པ་དང་བཞིའོ། །རྗེའི་འགྲེལ་པ་བཞི་སྦྲགས། རྗེ་བཙུན་ཀུན་དགའ་དོན་གྲུབ་རྒྱུད་ཊཱིཀ་དང༌། ཀོང་སྤྲུལ་ཡོན་ཏན་རྒྱ་མཚོའི་ཤེས་བྱ་མཛོད་འགྲེལ་བཅས་ལ་གཞི་བྱས།རྒྱ་མཚོའི་ཤེས་བྱ་མཛོད་འགྲེལ་བཅས་ལ་གཞི་བྱས།)
- Dictionaries/sgom sde tshig mdzod chenmo/10253 + ((གསང་སྔགས) རྩ་གསུམ་ནི། རྩ་རོ་རྐྱང་དབུ་མ་གས … (གསང་སྔགས) རྩ་གསུམ་ནི། རྩ་རོ་རྐྱང་དབུ་མ་གསུམ། འཁོར་ལོ་དྲུག་ནི། སྤྱི་བོ་བདེ་ཆེན་གྱི་འཁོར་ལོ་འདབ་སོ་གཉིས། མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད། ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི། གསང་གནས་བདེ་སྐྱོང་གི་འཁོར་ལོ་སོ་གཉིས། ནོར་བུའི་དབུས་ཀྱི་རྩ་འདབ་བརྒྱད་དང་དྲུག་གོ། རྩ་གསུམ་འཁོར་ལོ་དྲུག་གི་རྣམ་གཞག་འདི་གསང་འདུས་རྫོགས་རིམ་གྱི་ལུགས་ཡིན། རི་མོ་འདི་ཁོ་བོས་སུག་བྲིས་སུ་བགྱིས་པས་གསང་སྒྲོག་གི་ཉེས་ལྟུང་དང་ནོར་འཁྲུལ་ཡོད་ན་བདག་གིས་ཉེས་སོ། །་ལྟུང་དང་ནོར་འཁྲུལ་ཡོད་ན་བདག་གིས་ཉེས་སོ། །)
- Dictionaries/sgom sde tshig mdzod chenmo/10383 + ((གསང་སྔགས) རྩྭ་དེ་ཟོས་ན་ར་ལུག་གིས་ཀྱང་རྡོ་ལ་རྨིག་རྗེས་འཇོག་ཐུབ་པར་བཤད། གུང་ཐང་པའི་རྗེའི་བསྟོད་འགྲེལ་ན་གསལ།)
- Dictionaries/sgom sde tshig mdzod chenmo/1457 + ((གསང་སྔགས) ལོ་ཙཱ་བ་རིན་ཆེན་བཟང་པོ་་ཡན་ཆོད་ … (གསང་སྔགས) ལོ་ཙཱ་བ་རིན་ཆེན་བཟང་པོ་་ཡན་ཆོད་དུ་བསྒྱུར་བའི་རྒྱུད་རྣམས་ལ་གསང་སྔགས་རྙིང་མ་ཞེས་བྱའོ། །དེབ་སྔོན་སྟོད་ཆ་༢༥༥ལས། གསང་སྔགས་གསར་མའི་འགྱུར་གྱི་འགོ་ཇོ་བོ་སྨྲྀ་ཏིས་བཙུགས་སོ་ཞེས་བྱ་བ་ཡོད་མོད་ཀྱི། དེས་དབུས་གཙང་དུ་ནི་འགྱུར་མ་མཛད་ལ། ཁམས་སུ་ཕྱིས་མཚན་ཡང་དག་པར་བརྗོད་པ་སྒེག་པ་རྡོ་རྗེའི་སྐོར་དང་། དཔལ་ལྡན་གདན་བཞི་པ་དང་། གསང་བ་འདུས་པའི་སྐོར་ལ་སོགས་པ་མང་དུ་བསྒྱུར་མོད་ཀྱི། དེ་བས་ལོ་ཆེན་རིན་ཆེན་བཟང་པོས་གསང་སྔགས་ཀྱི་འགྱུར་མཛད་པ་སྔ་བར་སྣང་སྟེ། འབྲོམ་སྟོན་པ་ཇོ་བོ་སེ་བཙུན་གྱི་གཡོག་བྱེད་པའི་དུས་སྨྲྀ་ཏི་ལ་ལོ་ཙཱ་བསླབས་སོ་ཞེས་འབྱུང་ལ། དེ་དང་ཉེ་བར་འབྲོམ་གྱིས་མངའ་རིས་སུ་བྱོན་པའི་ཚེ། ལོ་ཆེན་གྱིས་ལོ་བརྒྱད་ཅུ་རྩ་ལྔ་བཞེས་པའི་ཕྱིར་རོ། །ལོ་ཆེན་གྱིས་དེ་ཉིད་བསྡུས་པ་དང་གསང་བ་འདུས་པ་སོགས་རྣལ་འབྱོར་ཕའི་རྒྱུད་ཤས་ཆེར་བསྒྱུར་ལ། རྣལ་འབྱོར་མའི་རྒྱུད་རྣམས་ནི་ལོ་ཆེན་གྱི་ལོ་ལྔ་བཅུ་ཉེ་བ་ན་བླ་ཆེན་འབྲོམ་མི་བྱུང་སྟེ། དེ་ནས་ནི་རྣལ་འབྱོར་མའི་རྒྱུད་རྣམས་ཀྱང་ཤིན་ཏུ་དར་བར་གྱུར་ཏོ། །ཞེས་གསང་སྔགས་རྙིང་མའི་འགོ་ལོ་ཆེན་རིན་ཆེན་བཟང་པོ་ནས་ཚུགས་ཟེར་བཞིན་དུ་ཡང་། དེབ་སྔོན་༡༣༥ལས། པཎྜི་ཏ་སྨྲྀ་ཏི་བྱོན་པའི་གོང་ཡན་ཆོད་ལ་གསང་སྔགས་རྙིང་མ་ཞེས་བརྗོད་དེ། ཞེས་ཀྱང་གསུངས་པས་ཚིག་སྔ་ཕྱི་ལ་འགལ་བའི་ཆ་ཅུང་ཟད་རེ་ཡོད་པའང་འདུག་གོ། གསང་སྔགས་རྙིང་མ་འདི་བསྟན་པ་རྣམ་དག་ཡིན་ནམ་མིན་ཞེ་ན། མཁས་གྲུབ་ཆོས་རྗེའི་གསུང་ཐོར་བུ་༡༧༥བ༡ ལས། དྲི་བ་གསུམ་པ། གསང་སྔགས་རྙིང་མ་པ་འདི་ལ། སྔ་རབས་ཀྱི་མཁས་པ་རྣམས་ཀྱིས་ཀྱང་དགག་འདུག་ཅིང་། ད་ལྟ་ཡང་སྐུར་བ་འདེབས་པ་མང་དུ་འདུག་པ། འདི་ཇི་འདྲ་ཞིག་ཡིན་ཟེར་བ་ལ། གསང་སྔགས་བསྟན་པ་སྔ་དར་གྱི་དུས་འགྱུར་བ་ལ་རྙིང་མ་དང་། ཕྱི་དར་གྱི་དུས་འགྱུར་བ་ལ་གསར་མ་ཞེས་འབྱུང་བ་ཡིན། རྙིང་མ་ལ་སྐུར་བ་འདེབས་པ་མང་བའི་རྒྱུ་མཚན། སྔོན་གླང་དར་མས་བསྟན་པ་བསྣུབས་ནས་བར་སྟོངས་བྱུང་དུས་གསང་སྔགས་པ་རྣམས་སྦྱོར་སྒྲོལ་ལ་སོགས་པ་སྤྱོད་པ་ཕྱིན་ཅི་ལོག་བྱེད་པ་བྱུང་བ་དང་། འདི་སང་ཡང་ཁྱིམ་པ་ལྕང་ལོ་ཅན་གྱི་སྤྱོད་པ་མང་བས། གང་ཟག་གི་སྤྱོད་པ་ལ་དཔགས་ནས་ཆོས་ལ་སྨོད་པ་འདི་བྱུང་བ་འདྲ། དེ་མིན་སྔགས་རྙིང་མ་འདི་དང་པོ་ཆོས་རྒྱལ་དམ་པ་རྣམས་ཀྱིས་བཻ་རོ་ཙ་ན་དང་། རྨ་སྙེགས་གཉིས་དགེ་སློང་མི་ལྔ་ལ་སོགས་པའི་ཚད་མའི་སྐྱེས་བུར་གྱུར་པ་ལོ་ཙྪ་བ་རྣམས་ལ་གསེར་བྲེས་བཤར་མ་ཡོན་དུ་བསྐུར་ནས། རྒྱ་གར་དུ་བརྫངས་ཏེ། རྫོགས་པ་ཆེན་པོ་ལ་སོགས་པའི་གསང་སྔགས་བླ་ན་མེད་པའི་ཆོས་རྣམས་པཎྜི་ཏ་དང་། གྲུབ་པ་བརྙེས་པ་རྩོད་མེད་དུ་གྲགས་པ་རྣམས་ལ་ཞུས་ཤིང་བསྒྱུར། གཞན་ཡང་པདྨ་འབྱུང་གནས་དང་། བཱི་མ་ལ་མི་ཏྲ་དང་། སངས་རྒྱས་གསང་བ་ལ་སོགས་པའང་བོད་དུ་སྤྱན་དྲངས་ནས་དེ་དག་གིས་ཀྱང་གསུངས་པའི་ཆོས། ཐེག་པ་བླ་ན་མེད་པའི་ཆོས་ཟབ་སྐྱོན་དང་བྲལ་བ་ཡིན་ཏེ། འདིའི་ཚུལ་ཉམས་སུ་བླངས་པས་གྲོལ་བ་དང་། གྲུབ་པ་བརྙེས་པ་དཔག་ཏུ་མེད་པ་བྱུང་བ་ཚད་མས་གྲུབ་བོ། །བསམ་ཡས་ན་ཡང་ད་དུང་སྔ་འགྱུར་གྱི་རྒྱ་དཔེ་མང་དུ་ཡོད་པར་འདུག་ཅིང་། བོད་པ་ལོ་ཙྪ་བས་ཀྱང་རྒྱ་གར་དུ་བྱོན་པས། ཡུལ་དབུས་འགྱུར་ཚལ་ན་གསང་སྙིང་། ལུང་གི་མདོ་ལྔ་ལ་སོགས་པ་རྒྱ་དཔེ་འདུག་ཟེར། དེས་ན་འདི་ལྟ་བུའི་ཐེག་ཆེན་བླ་ན་མེད་པའི་ཆོས་ཟབ་མོ་ལ་སྐུར་བ་འདེབས་པ་རྣམས་དམྱལ་བའི་རྒྱུ་ཁོ་ནར་བས་སོ། །ཞེས་གསུངས་སོ། །བུ་སྟོན་ཆོས་འབྱུང་དེབ་གཟུགས་༢༦༦ལས། སྔ་འགྱུར་གསང་སྔགས་རྙིང་མ་ནི། ལོ་ཙཱ་བ་ཆེན་པོ་རིན་ཆེན་བཟང་པོ་དང་ལྷ་བླ་མ་ཡེ་ཤེས་འོད་དང་ཕོ་བྲང་ཞི་བ་འོད་དང་འགོས་ཁུག་པ་ལྷས་བཙས་ལ་སོགས་པ་རྣམས་ཡང་དག་པ་མ་ཡིན་པར་སྨྲ་ལ། ཁོ་བོའི་བླ་མ་སྐད་གཉིས་སྨྲ་བའི་ཉི་མའི་མཚན་ཅན་དང་རིགས་རལ་ལ་སོགས་པ། བསམ་ཡས་ནས་རྒྱ་དཔེ་རྙེད་པའི་ཕྱིར་དང་། ཕུར་པ་རྩ་བའི་དུམ་བུའི་རྒྱ་དཔེ་བལ་པོར་ཡང་སྣང་བས་རྒྱུད་ཡང་དག་གོ་ཞེས་གསུང་ངོ་། །ཁོ་བོས་ནི། ཡིད་ཀྱི་ཉེས་པ་རང་བཞིན་གདུག་པ་སྟེ། །མི་རིགས་པ་ཡི་གཟུགས་ལའང་མི་རིགས་ན། །ཐེ་ཚོམ་ཟ་བའི་ཆོས་ལ་སྨོས་ཅི་དགོས། །དེ་ཕྱིར་བཏང་སྙོམས་བཞག་ལེགས་ཉེས་པ་མེད། །ཅེས་འབྱུང་བ་དང་། ཆོས་ཡིན་པ་ལ་མ་ཡིན་ཟེར་བ་དང་། མ་ཡིན་པ་ལ་ཡིན་ཟེར་བ་ལས་འབྲས་མཉམ་པར་བཤད་པས་དང་། ཆོས་ཀྱི་མཚན་ཉིད་གང་ལ་ཡོད་མེད་དག །མི་ཤེས་མཐོང་བ་མེད་པར་རྒྱུ་བཞི་ཡིས། །རྣམ་དབྱེ་སྨྲ་བའི་ཁ་ནི་བདུད་ཀྱིས་ཕྱེ། །ཆོས་ལ་ཉེས་སྨོད་ཐུབ་པའི་གཞུང་ལས་བཀག །ཅེས་ཟེར་བ་བཞིན་དུ་བཏང་སྙོམས་སུ་བཞག་གོ། བློ་དང་ལྡན་པ་རྣམས་ཀྱིས་རྟོག་པ་བཞི་དང་བརྟག་པ་གསུམ་ལ་བརྟེན་ནས་དཔྱད་པར་བྱའོ། །ཞེས་གསུངས། ཡང་ཐུའུ་བཀྭན་གྲུབ་མཐའ་དེབ་གཟུགས་༧༣ལས། རྙིང་མ་པའི་གྲུབ་མཐའ་ལ་ཅུང་ཟད་དཔྱད་པ། རྙིང་མའི་ཆོས་ལུགས་འདི་མཐའ་གཅིག་ཏུ་རྣམ་པར་དག་པ་དང་། མ་དག་པ་དང་། འདྲེས་མར་གྱུར་པ་གང་ཡིན་སྙམ་ན། ལྷ་བླ་མ་ཡེ་ཤེས་འོད་དང་ཞི་བ་འོད། ཙ་མི་ལོ་ཙཱ། ཆག་ལོ་རྣམས་ཀྱི་སྤྲིངས་ཡིག་དང་། རྔོག་གི་གཟེ་མ་ར་མགོ། ས་པཎ་གྱི་སྡོམ་གསུམ་རབ་དབྱེ་རྣམས་སུ་རྙིང་མ་ལ་དམིགས་ཕུག་པའི་སྐྱོན་བརྗོད་མི་གསལ་ཡང་། བོད་དུ་དར་བའི་ཆོས་ལུགས་མ་དག་པ་རིས་མེད་ལ་དགག་པ་མཛད་པའི་གསེབ་ཏུ་རྙིང་མ་པ་ལ་དབུ་ཕོག་ཞབས་ཕོག་གི་གསུང་རེ་གཉིས་ཡོད་པར་སྣང་། འགོས་ཁུག་པ་ལྷས་བཙས་དང་། འབྲི་གུང་དཔལ་འཛིན་གཉིས་ཀྱིས་སྒྲུབ་བྱེད་མང་དུ་བཀོད་ནས་རྙིང་མ་ཆོས་རྣམ་དག་མ་ཡིན་པར་སྒྲུབ་ཅིང་། ཤཱཀྱ་མཆོག་ལྡན་དང་། ཀརྨ་པ་མི་བསྐྱོད་རྡོ་རྗེས་ཀྱང་དེའི་རྗེས་ཟློས་བྱས་འདུག ཅེས་དང་། ལོ་ཙཱ་བ་རོང་ཟོམ་ཆོས་བཟང་། ཀུན་སྤངས་ཐུགས་རྗེ་བརྩོན་འགྲུས། ཀརྨ་པ་རང་བྱུང་རྡོ་རྗེ། གྲུབ་ཐོབ་ཨུ་རྒྱན་པ། བཅོམ་ལྡན་རལ་གྲི། ཐར་ལོ་ཉི་མ་རྒྱལ་མཚན། ཕྱིས་ཀྱི་འབྲུག་པ་པདྨ་དཀར་པོ། དཔའ་བོ་གཙུག་ལག་ཕྲེང་བ་སོགས་གྲུབ་མཐའ་གཞན་གྱི་མཁས་པར་གྲགས་པ་དང་། འཁོན་སྟོན་དཔལ་འབྱོར་ལྷུན་གྲུབ་དང་། ༸གོང་ས་ལྔ་པ་ཆེན་པོ་སོགས་རང་ཕྱོགས་པ་འགའ་ཞིག་གིས་ཀྱང་ཆོས་རྣམ་དག་ཏུ་འཆད། བུ་སྟོན་རིན་པོ་ཆེ། རྒྱལ་བ་ཙོང་ཁ་པ་ཡབ་སྲས་སོགས་ཚད་མའི་སྐྱེས་བུ་མང་པོ་ཞིག་གིས་ནི་བཏང་སྙོམས་སུ་འཇོག་པར་མཛད་དོ། །ཞེས་གསུངས་སོ། །ཡང་། ཕ་བོང་ཁ་པ་བདེ་ཆེན་སྙིང་པོའི་མདོ་སྔགས་ཀྱི་དྲིས་ལན་༣༤བ༢ལས། བར་ཁམས་སོག་ཤོད་གཡག་འདའ་དང་མཁར་དམར་གྲོང་ཚོ་གཉིས་ཀྱི་ཞི་ཁྲོའི་སྔགས་འཆང་རྣམས་ནས་ནན་གྱིས་ཞུས་ངོར་སྩལ་བ་ཞེས་པའི་ནང་གསང་སྔགས་རྙིང་མའི་སྐོར་ལ་དོགས་སློང་ལྟ་བུ་མང་ཙམ་འདུག་ཀྱང་དགག་དགོས་ཀྱི་དབང་གིས་འདིར་མ་བཀོད། གཞན་ཡང་ཀརྨ་པ་མི་བསྐྱོད་རྡོ་རྗེའི་རྙིང་མ་པ་རྣམས་ལ་དོགས་འདྲིའི་ཚུལ་དུ་གནང་བར་གྲགས་པའི་ཆབ་ཤོག་དང་། དེའི་དྲིས་ལན་ལུང་དང་རིགས་པའི་འབྲུག་སྒྲ་ཞེས་བྱ་བ་དང་། ཡང་། མཁས་པ་དཔལ་ཁང་ལོ་ཙཱ་བས་རྙིང་མ་པ་ལ་རྩོད་པའི་ཡི་གེ་དང་། དེའི་རྩོད་ལན་གངྒཱའི་ཆུ་རྒྱུན་རྣམས་ལ་བློ་གཟུ་བོར་གནས་པས་གཟིགས་ན་བློ་སྐྱེད་ཧ་ཅང་ཆེན་པོ་འདུག་གོ།་པས་གཟིགས་ན་བློ་སྐྱེད་ཧ་ཅང་ཆེན་པོ་འདུག་གོ།)
- Dictionaries/sgom sde tshig mdzod chenmo/10644 + ((གསང་སྔགས) ལྕགས་སྒྲོག་གམ། ལྕགས་སྒྲོག་ལྟར་ཕ … (གསང་སྔགས) ལྕགས་སྒྲོག་གམ། ལྕགས་སྒྲོག་ལྟར་ཕན་ཚུན་སྦྲེལ་ཞིང་འཁྱུད་པའི་རྒྱུན་ལ། ལུ་གུ་རྒྱུད་ཟེར། དཔེར་ན་ལྕགས་སྒྲོག་གི་ཚུལ་དུ་འཁྱུད་པ་ལ། ལུ་གུ་རྒྱུད་དུ་འཁྱུད་ཟེར་བ་བཞིན་ནོ། །རྗེ་ཐམས་ཅད་མཁྱེན་པའི་རིམ་ལྔའི་རྡོར་བཟླས་ཀྱི་ཟིན་བྲིས་ལས། ལུ་གུ་རྒྱུད་ནི་ལྕགས་སྒྲོག་གི་རྣམ་གྲངས། ཞེས་གསུངས་སོ། །རྗེའི་རིམ་ལྔ་གསལ་སྒྲོན་ལས། རྩ་ཨ་བ་དྷཱུ་ཏཱི་ལ་རོ་རྐྱང་གིས་ལུ་གུ་རྒྱུད་དུ་འཁྱུད་པའི་རྩ་འཁོར་ལུས་ཀྱི་གནད་གང་ན་ཡོད་པའི་དབུས་དེར། ཞེས་གསུངས་སོ། ། བར་མ་ཆད་པ། བར་མ་ཆད་དུ་འོང་བ། ནར་མར་འབྱུང་བ། གཅིག་རྗེས་གཉིས་མཐུད་དུ་འོང་བ། རྒྱུན་མ་ཆད་པར་འོང་བ། རྒྱུད་མར་འོང་བ་བཅས་བཤད། རྗེའི་ལམ་རིམ་ཆེ་འབྲིང་ལས། དེས་ན་རྒོད་པ་དང་རྣམ་པར་གཡེང་བ་སོགས་ཕྲ་མོ་རྣམས་ཐོག་མའི་དུས་སུ་བཅད་ཀྱང་མི་ཆོད་པས་གཅད་པར་མི་བྱའོ་སྙམ་ནས་ཡལ་བར་འདོར་བ་དང༌། དེ་རྣམས་ཤུགས་དྲག་པ་དང་ཧ་ཅང་རྒྱུན་རིང་བའི་ལུ་གུ་རྒྱུད་མེད་ན། ཤུགས་ཞན་པ་དང་རྒྱུན་ཐུང་ངེ་བས་ནི་ལས་མི་གསོག་པས་བཅད་མི་དགོས་སོ་སྙམ་ནས། ཞེས་གསུངས་པ་ལྟར་རོ། །རྗེའི་རྣམ་ཐར་དད་པའི་འཇུག་ངོགས་ལས་ཀྱང་། དེད་དཔོན་ཟུང་འདི་ཕན་ཚུན་ལུ་གུ་རྒྱུད་དུ་འཁྱུད་པའི་འབྲེལ་པ་ཡོངས་སུ་ཆད་པ་མེད་པའི་རྟེན་ཅིང་འབྲེལ་པར་འབྱུང་བའི་ཆོས་ཉིད་ཀྱིས། ཐོག་མ་ཉིད་ནས་དཔོན་སློབ་ཤིན་ཏུ་ཐུགས་གཅུགས་པར་གྱུར་ཏོ། །ཞེས་གསུངས་པ་ལྟར་རོ། །སྒྲ་བཤད་ནི། ལྕགས་སྒྲོག་གི་ཨ་ལོང་ལྟར་ཅིག་གིས་ཅིག་ལ་སྦྲེལ་ཞིང་འཁྱུད་པའི་རྒྱུད་དམ་རྒྱུན་ཡིན་པས་ན་དེ་སྐད་ཅེས་བྱའོ། །དེ་ཡང་འདིའི་ལུ་གུ་ཞེས་པ་ལུག་ཕྲུག་ལ་གོ་རྒྱུ་གཏན་ནས་མིན་པར། བུ་གུའམ་ཨ་ལོང་ལ་གོ་དགོས་ཏེ། འདིའི་ལུ་ནི་རིལ་བུའི་ཚིག་གྲོགས་ཀྱི་བུ་དང་འདྲ་སྟེ། དཔེར་ན་རིལ་བུ་ལ། རི་ལུ་ཞེས་འབྲི་བ་བཞིན་ནོ། །དེས་ན་ཨ་ལོང་མང་པོ་སྦྲེལ་བའི་རྒྱུན་ལ་བུ་གུ་རྒྱུད་དམ་ལུ་གུ་རྒྱུད་ཅེས་བརྗོད་པ་ཡིན་ནོ། །མཁས་པ་སྔ་མའི་གསུང་རྒྱུན་འགའ་ཞིག་ལ། ལུ་གུ་ཐག་པ་ལ་བསྟར་བའི་རྒྱུད་དམ་རྒྱུན་ལྟར་བར་མ་ཆད་པས་ན་དེ་སྐད་ཅེས་བྱའོ། །ཡང་ན། ལུ་གུ་རྒྱུད་ཅེས་པ་ལུ་གུའམ་ལུག་ཟམ་པའི་སྟེང་ནས་འགྲོ་ཚུལ་དང་མཐུན་པར་སྔ་ཕྱི་བར་མ་ཆད་པར་གཅིག་རྗེས་གཉིས་མཐུད་དུ་རྒྱུད་མར་འབྱུང་བས་ན་དེ་སྐད་ཅེས་བྱའོ། །ཞེས་སྣང་ཡང་བརྟག་དཔྱད་ནན་ཏན་བྱས་ཚེ་དོན་ལ་གནས་པར་མི་སེམས་སོ། ། ཕན་ཚུན་འཛིངས་ནས་ཁུག་མདུད་དུ་སོང་བ། གསང་རྫོགས་མི་བསྐྱོད་ཞལ་གྱི་བདུད་རྩི་ལས། ཐུ་མེད་རྡོ་རམས་པ་ཆོས་ཀྱི་སྙིང་པོས་ལུ་གུ་རྒྱུད་ནི་ལུག་ཟམ་པའི་སྟེང་དུ་འགྲོ་བ་དེ་ཡིན་པར་རྒྱལ་བ་བསྐལ་བཟང་རྒྱ་མཚོས་གསུངས་ཟེར་ཡང༌། རིགས་གྲྭ་ཚང་གིས་མདུད་པ་ལུ་གུ་རྒྱུད་དུ་འགྲོ་བ་ལུག་སྟོར་ཚུལ་རེད། གཡུང་དྲུང་ལུ་གུ་རྒྱུད་ཟེར་བ་དང་འདྲ་གསུངས་པ་ལྟར་ཁུག་མདུད་དུ་སོང་ནས་དབུ་མ་རླུང་གིས་གང་བ་ན་ལྷོད་ཡོང་བ་ཡིན། ཞེས་གསུངས་པ་ལྟར་རོ། ། ལྕགས་སྒྲོག་གི་རྣམ་པ་དང་ཆ་འདྲ་བའི་སྐེད་རྒྱན་ཞིག་གི་མིང་དུའང་བཤད། གསེར་ལས་བྱས་པའི་རྒྱན་ཟླ་གམ་གསུམ་པ་དག་ལས་བྱས་པའི་འོག་པག་གང་ཡིན་པའོ། །ཞེས་སློབ་དཔོན་ཚུལ་ཁྲིམས་བསྐྱངས་གསུང༌། བསྟན་འགྱུར་འདུལ་བ་༼ ཤུ ༽༡༧༤བ༣ལས་ལྕགས་ཀྱི་ལུ་གུ་རྒྱུད་ཅེས་བྱ་བ་ཞིག་འབྱུང་བ་དེ་གང་ཡིན་དཔྱད་པར་བྱའོ། །བྱ་བ་ཞིག་འབྱུང་བ་དེ་གང་ཡིན་དཔྱད་པར་བྱའོ། །)
- Dictionaries/sgom sde tshig mdzod chenmo/5528 + ((གསང་སྔགས) ལྟོགས་སྐོམ་དུ་གནས་ནས་ཆོས་ཀྱི་དཀ … (གསང་སྔགས) ལྟོགས་སྐོམ་དུ་གནས་ནས་ཆོས་ཀྱི་དཀའ་ཐུབ་བྱེད་པའི་མིང་། སྤྱིར་བཏང་ལྟོགས་སྐོམ་དུ་གནས་པ་ཙམ་གྱི་དོན་ལའང་འཇུག སྨྱུང་གནས་དང་དོན་གཅིག འགའ་ཞིག་གིས། བསྙུང་གནས་ནི་གཞི་དགོན་གྱི་གྲྭ་བཙུན་ཚོས་བྱེད་རྒྱུ་ཞིག་ལས། རང་རེ་གཞུང་ཆེན་མོར་སློབ་གཉེར་བྱེད་པ་དག་གིས་དེ་ལྟར་བྱེད་པ་མི་རིགས་ཤིང་། སྨད་པའི་གནས་སོ་སྙམ་དུ་བསམ་པ་སྲིད་མོད། དེ་ནི་དེ་ལྟར་མ་ཡིན་ཏེ། རྗེ་བདག་ཉིད་ཆེན་པོས་ཀྱང་ལྷ་སར་ཐུགས་རྗེ་ཆེན་པོ་རང་བྱོན་ལྔ་ལྡན་གྱི་དྲུང་དུ་བྱོན་ནས་བསྙུང་གནས་མཛད་པའི་ལོ་རྒྱུས་ཡོད་དེ། རྗེའི་རྣམ་ཐར་དད་པའི་འཇུག་ངོགས་ལས། སྐབས་ཤིག་ཏུ། ཚ་གོ་དཔོན་པོ་མཁན་ཆེན་ངག་དབང་གྲགས་པ་ཕྱག་ཕྱི་ལ་ཁྲིད་ནས། ལྷ་སར་ཇོ་བོ་ཐུགས་རྗེ་ཆེན་པོ་རང་བྱོན་ལྔ་ལྡན་གྱི་དྲུང་དུ་བྱོན་ནས་སྨྱུང་གནས་མང་དུ་མཛད། ཅེས་འབྱུང་བ་ལྟར་རོ། །དོགས་གཅོད། འོ་ན་གསང་སྔགས་ཉམས་སུ་ལེན་པ་རྣམས་ཀྱིས་བསྙུང་གནས་བྱེད་ན་རྩ་ལྟུང་འབྱུང་བ་མིན་ནམ་ཞེ་ན། རྗེའི་གསང་སྔགས་ཀྱི་ཚུལ་ཁྲིམས་ཀྱི་རྣམ་བཤད་དངོས་གྲུབ་ཀྱི་སྙེ་མ་ལས། ཀླུ་ནི་བརྒྱད་པ་སྟེ་ཕུང་པོ་ཉོན་མོངས་པར་བྱས་པའི་ལྟུང་བའོ། །དེ་ཡང་སྨྱུང་བར་གནས་པ་ལ་བཀོད་པ་ལ་སོགས་པ་དང་ལུས་གཅོད་པ་ལ་སོགས་པ་བྱེད་པ་ལ་གསུངས་ཏེ། ལུས་ལ་རང་དགར་ཚ་གྲང་དང་བཟའ་བཏུང་གཅོད་པ་དང་ཡན་ལག་གཅོད་པ་སོགས་ཀྱིས་ཉོན་མོངས་པར་རམ་སྡུག་བསྔལ་བར་བྱེད་པའོ། །དཱ་རི་ཀ་པས་རང་གསོད་པར་བྱེད་ན་སེམས་བསྐྱེད་པ་ཙམ་ནས་རྩ་ལྟུང་དང་ཕུང་སོགས་རྒྱལ་བ་དང་ལྷ་མོ་དང་སེམས་དཔར་ཤེས་པ་དང་དེ་མནར་བས་བདེ་བ་ལས་ཉམས་པར་ཤེས་པ་དང༌། གཞན་འདུལ་བའི་དོན་མིན་པ་གསུམ་ཚང་ན་རྩ་ལྟུང་དུ་འཆད་དོ། །ཁ་ཅིག་རང་ཉིད་ལྷར་སྒོམ་པའི་རྣལ་འབྱོར་པས་བཟའ་བཏུང་གཅོད་པའི་སྨྱུང་གནས་བྱས་ན་རྩ་ལྟུང་བསྐྱེད་དོ་ཞེས་ཟེར་བ་ནི་ཧ་ཅང་མ་བརྟགས་པར་སྨྲ་བ་ཡིན་ཏེ། བྱ་སྤྱོད་ཀྱི་སྐབས་སུ་ཡང་ལྷར་བསྒོམ་པ་དང་སྨྱུང་གནས་བྱེད་པ་གཉིས་ཀ་གསུངས་པ་དང་རྡོར་དབྱིངས་ལྟ་བུའི་ལྷའི་སྒོམ་བཟླས་མཐར་ཕྱིན་པས་བུམ་པ་ལ་སོགས་པ་ནམ་མཁའ་ལ་འཇོག་ནུས་པའི་སློབ་དཔོན་གྱིས་ཀྱང་སྨྱུང་བར་གནས་པ་བྱ་བར་གསུངས་པའི་ཕྱིར་ཏེ། རྡོ་རྗེ་འབྱུང་བ་ལས་སློབ་དཔོན་གྱིས་སྤོན༌དུ་བསྙེན་པ་བྱས་པའི་ཡོན་ཏན་སྔར་ལྟར་བཤད་ནས། དཀྱིལ་འཁོར་དུ་འཇུག་པའི་ཞག་ནི་སློབ་དཔོན་སློབ་མ་དང་བཅས་པ་སྨྱུང་བར་གནས་པར་བྱའོ། །ཞེས་གསུངས་པས་སོ། །དེས་ན་ལྟུང་བ་བརྒྱད་པར་འགྲོ་བའི་སྨྱུང་གནས་ནི་རང་དགར་ཕུང་པོ་གཟིར་འདོད་ཀྱི་བསམ་པས་ལུས་སྡུག་བསྔལ་བར་བྱེད་པ་ལ་འཇོག་པས་སྨྱུང་གནས་ཀྱི་མིང་འདྲ་ཡང་དོན་མི་འདྲའོ། །ཞེས་གསུངས་སོ། །འདི་ལ་ད་དུང་ཡང་དཔྱད་པར་བྱ་བ་འདི་ལྟར་སྣང་སྟེ། སྔོན་བཅོམ་ལྡན་འདས་ལོ་དྲུག་དཀའ་སྤྱད་མཛད་སྐབས་འབྲུ་རྡོག་འགའ་ཞིག་བཞེས་ནས་བསྙུང་གནས་ལས་ཀྱང་ལྷག་པའི་དཀའ་སྤྱད་བློས་འཁྱུད་པར་དཀའ་བ་ཞིག་མཛད་ཀྱང་། མཐར་དེ་ངལ་ཞིང་དུབ་པའི་མཐའ་རུ་ལྷུངས་པར་གཟིགས་ནས། དབུ་མའི་ལམ་འཕགས་ལམ་ཡན་ལག་བརྒྱད་སོགས་ཐུགས་ཉམས་སུ་བསྟར་ཏེ་མངོན་པར་རྫོགས་པར་སངས་རྒྱས་ཤིང་། ལྔ་སྡེ་སོགས་ཕྱི་རབས་ཀྱི་གདུལ་བྱ་རྣམས་ལའང་། འདོད་པ་བསོད་སྙོམས་ཀྱི་མཐའ་དང་། ངལ་ཞིང་དུབ་པའི་མཐའ་གཉིས་ལ་སྤངས་པའི་སྒོ་ནས་དབུ་མ་ལམ་ཉམས་སུ་ལེན་དགོས་པར་གདམས་ཏེ། འདུལ་བ་ལུང་གཞི་༼ ང་པ ༽ལས། དེ་ནས་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་ལ་བཀའ་སྩལ་པ། དགེ་སློང་དག་རབ་ཏུ་བྱུང་བས་ནི་མཐའ་འདི་གཉིས་ལ་བརྟེན་པར་མི་བྱ། བསྙེན་པར་མི་བྱ། བསྙེན་བཀུར་མི་བྱ་སྟེ། གཉིས་གང་ཞེ་ན། འདོད་པ་རྣམས་ལ་འདོད་པའི་བསོད་སྙོམས་ཀྱི་རྗེས་སུ་བརྩོན་པ། དམན་པ། ངན་པ། ཐ་ཆད་མ་རབས་གང་ཡིན་པ་དང༌། བདག་ཉིད་དུབ་པ་ལ་རྗེས་སུ་བརྩོན་པ། སྡུག་བསྔལ་བ། འཕགས་པ་མ་ཡིན་པ། གནོད་པ་དང་ལྡན་པ་གང་ཡིན་པའོ། །ཁྱེད་ཀྱིས་མཐའ་འདི་གཉིས་ལ་མི་བརྟེན་པར་དབུ་མའི་ལམ་མིག་བྱེད་པ། ཡེ་ཤེས་བྱེད་པ། ཉེ་བར་ཞི་བར་འགྱུར་བ། མངོན་པར་ཤེས་པ་དང༌། རྫོགས་པར་བྱང་ཆུབ་པ་དང༌། མྱ་ངན་ལས་འདས་པར་འགྱུར་བ་ཡོད་དེ། དབུ་མའི་ལམ་གང་ཞེ་ན། འཕགས་པའི་ལམ་ཡན་ལག་བརྒྱད་པ་འདི་ལྟ་སྟེ། ཞེས་སོགས་གསུངས་པ་ལའང་གོ་རྒྱུ་ཤིན་ཏུ་ཆེ་བའི་ཕྱིར་རོ། །འོན་ཀྱང་ངེད་ཅག་གི་བསྙུང་གནས་དེ་བཅོམ་ལྡན་འདས་ཀྱི་ལོ་དྲུག་དཀའ་སྤྱད་ཀྱི་བསྙུང་གནས་དེ་ལས་ཀྱང་ཁྱད་དུ་འཕགས་པ་ཞིག་ཏུ་ཁས་འཆེས་ན་ནི་ཁོ་བོ་ལ་ཤོད་རྒྱུ་གང་ཡང་མེད་དོ། །སྒྲ་བཤད་ནི། བསྙུང་གནས་ཞེས་པའི་བསྙུང་ནི་ཉུང་དུ་གཏོང་བའམ་ཉུང་བར་བྱེད་པའི་དོན་ཡིན་པས། ཁ་ཟས་ཉུང་དུ་བཏང་ནས་ཆོས་ཀྱི་ཆེད་དུ་དཀའ་ཐུབ་ལ་གནས་པས་ན་བསྙུང་གནས་ཞེས་བྱའོ། །ཉདང་མྱགཉིས་སྒྲ་གདངས་མཚུངས་པས་སྔོན་གྱི་འབྲི་སྲོལ་ལ་དེ་གཉིས་གདམ་ཀའི་ཚུལ་དུ་འབྲི་བ་ཡོད་དེ། དཔེར་ན། གཉེན་བྱེད་པ་ལ་སྨྱན་བྱེད་པ་དང་། བསྙུང་གནས་ལ་སྨྱུང་གནས། གཉིད་ལམ་ལ་རྨྱིད་ལམ་མམ་རྨྱི་ལམ། ཨ་ཉོག་ལ་ཨ་མྱོག མགོ་ཉང་ཉང་ལ་མགོ་མྱང་མྱང་དང་། བྱ་བརྙངས་ལ་བྱ་རྨྱང་། གཞན་ཡང་པྱདང་ཅགཉིས་སྒྲ་གདངས་མཚུངས་པས་རེས་མོས་ཀྱིས་འབྲི་བའང་ཡོད་དེ། བཅའ་ཁྲལ་ལ་དཔྱ་ཁྲལ་དང་། བཅད་ཤེས་ལ་དཔྱད་ཤེས་ཞེས་འབྲི་བ་ལྟ་བུས་མཚོན་ནོ། །འདི་དག་ནི་གོ་སླ་བ་རྣམས་ཤིན་ཏུ་ལྐོག་གྱུར་དུ་གཏོང་བའི་འབྲི་སྲོལ་ངན་པ་ཞིག་ཡིན་པར་སེམས། ཉུང་བར་བྱེད་པའམ་ཉུང་དུ་གཏོང་བ་ལ་བསྙུང་བ། ཉེ་བར་བྱེད་པའམ་ཉེ་རུ་གཏོང་བ་ལ་བསྙེན་པ། ཐིམ་པར་བྱེད་པ་ལ་བསྟིམ། ཐུང་བར་བྱེད་པ་ལ་བསྟུང། ནག་པོར་བྱེད་པ་ལ་གནག ནོར་དུ་འཇུག་པ་ལ་བསྣོར། ནུབ་པར་བྱེད་པ་ལ་བསྣུབ་ཟེར་བ་སོགས་དཔེ་མཚོན་མང་ངོ་། །སྨྱུང་གནས་དང་བསྙུང་གནས་ཞེས་འབྲི་སྲོལ་གཉིས་ལས་བསྙུང་གནས་ཞེས་བྲིས་ན་ཆེས་ལེགས་པར་སེམས་ཏེ། དེ་ལྟར་བྲིས་ན་ཉུང་དུ་གཏོང་བའི་དོན་དུ་གོ་ནུས་ཤིང་། སྨྱུང་གནས་ཞེས་བྲིས་ན་དེ་ལྟར་དུ་གོ་བ་སྟེར་མི་ནུས་པའི་ཕྱིར་རོ། །དེབ་ཐེར་སྔོན་པོ་སོགས་སུ་ཡང་བསྙུང་གནས་ཞེས་སྣང་བ་ལྟར་བྲིས་ན་ལེགས་སོ། །་བསྙུང་གནས་ཞེས་སྣང་བ་ལྟར་བྲིས་ན་ལེགས་སོ། །)
- Dictionaries/sgom sde tshig mdzod chenmo/9335 + ((གསང་སྔགས) ལྷ་བསྒོམ་པའི་ཚེ་ཡིད་ངོར་མིག་གིས … (གསང་སྔགས) ལྷ་བསྒོམ་པའི་ཚེ་ཡིད་ངོར་མིག་གིས་མངོན་སུམ་དུ་མཐོང་བ་ལས་ཀྱང་ཆེས་གསལ་བའི་གསལ་སྣང་བརྟན་པོ་ཐོབ་པ་ལ་མཐོང་བའི་མཚན་མ་བརྟན་པོ་དང་། ལག་པས་རེག་ཀྱང་རེག་ཏུ་ཡོད་པ་ལྟ་བུའི་བསྒོམས་རྟགས་གསལ་པོ་ཐོབ་པ་ལ་རེག་པའི་མཚན་མ་བརྟན་པོ་ཞེས་བྱའོ། །ང་རྒྱལ་དང་གསལ་སྣང་ཧ་ཅང་བརྟན་པ་འགའ་ལ་ཐོགས་རེག་གི་མྱོང་བ་དངོས་སུ་བྱུང་བའང་ཡོད་དེ། སློབ་དཔོན་ཀླུ་སྒྲུབ་ཀྱི་སློབ་མ་བློ་ཤིན་ཏུ་རྟུལ་བ་ (ཕྱིས་སུ་གྲུབ་ཐོབ་ཤིང་ཁ་བ་ཞེས་གྲགས་པ་དེ་ཡིན) ཞིག་ལ། སློབ་དཔོན་གྱིས་ཀྱལ་ཀའི་ཚུལ་དུ་མགོ་ལ་རྭ་སྐྱེས་པར་སྒོམས་ཤིག་ཅེས་གསུངས་པས་དེས་ཀྱང་བསྒོམས་ཏེ། རེག་མཐོང་གི་མཚན་མ་གྲུབ་ནས་རང་སྡོད་པའི་ཕུག་པ་ལ་རྭ་ཐོགས་པའི་ལོ་རྒྱུས་ཏཱ་ར་ནཱ་ཐའི་རྒྱ་གར་ཆོས་འབྱུང་༩༥ན་འབྱུང་བ་ལྟར་རོ། །ཐའི་རྒྱ་གར་ཆོས་འབྱུང་༩༥ན་འབྱུང་བ་ལྟར་རོ། །)
- Dictionaries/sgom sde tshig mdzod chenmo/2889 + ((གསང་སྔགས) སྐྱེས་ཆེན་དམ་པ་རྣམས་སྐུ་གཤེགས་ད … (གསང་སྔགས) སྐྱེས་ཆེན་དམ་པ་རྣམས་སྐུ་གཤེགས་དུས་འཆི་བ་འོད་གསལ་གྱི་ཏིང་ངེ་འཛིན་ལ་སྙོམས་པར་ཞུགས་པ་ལ་ཐུགས་དམ་ལ་བཞུགས་ཟེར། རྗེ་ཤེས་རབ་རྒྱ་མཚོའི་གསང་འདུས་རྫོགས་རིམ་གྱི་ཁྲིད་མི་བསྐྱོད་ཞལ་གྱི་བདུད་རྩི་༢༠བ་ལས། ནོར་བུའི་དབུས་ཀྱི་དམིགས་རྟེན་སྙིང་གར་དྲངས་ཏེ་སྙིང་གའི་མི་ཤིགས་པ་དང་དབྱེར་མེད་དུ་བྱས། དེ་ལ་དམིགས་པ་གཏད་ནས་སྟོང་པ་ཉིད་ལ་མཉམ་པར་བཞག་པས་རླུང་དབུ་མར་ཞུགས་གནས་ཐིམ་པས་རྟགས་དང་རྟགས་ཅན་བརྒྱད་དངོས་སུ་འཆར་བ་དེ་མ་ཡིག་ལྟ་བུ་དང་། རང་གིས་སྔར་བསྒོམ་པ་དེ་བུ་ཡིག་ལྟ་བུར་ངོ་སྤྲད་ནས་བསྒོམ་སྟེ་འཆི་བ་འོད་གསལ་གྱི་སེམས་ཕྲ་བ་དེས་སྟོང་ཉིད་ལ་རྩེ་གཅིག་ཏུ་མཉམ་པར་འཇོག་པར་ནུས་ན་འོད་གསལ་མ་བུ་འཕྲོད་པ་དང་། ད་ལྟ་ཐུགས་དམ་ལ་བཞུགས་ཞེས་གྲགས་པ་སྟེ་འཆི་བ་ཆོས་སྐུའི་བསྲེ་བའོ། །ཞེས་གསུངས་པ་ལྟར་རོ། །འདི་ལ་དོགས་གཅོད། རྗེ་ཤེས་རབ་རྒྱ་མཚོའི་འཇིགས་རྫོགས་ལས། སྔར་རྒྱུད་སྟོད་སྨད་དུ་རགས་པ་ཉེར་ལྔའི་གྲངས་འདྲེན་ཙམ་ཡང་མི་ཐོན་པ་མང་པོ་འདའ་དུས་ཐུགས་དམ་ལ་སྡོད་པ་དང༌། པུར་ལ་འཇའ་ཟུག་པ་སོགས་འདུག་པ་ཅི་ཡིན་ཞེས་ཀུན་མཁྱེན་གོང་མས་སྲད་རྒྱུད་རྡོ་རྗེ་འཆང་ལ་ཞུས་པར། དེ་དག་རང་སྟོབས་ཀྱིས་ཐུགས་དམ་ལ་སྡོད་མི་ནུས་ཀྱང་རྒྱུད་ཀྱི་རྡོ་རྗེའི་ཚིག་ཟབ་མོ་ངག་འདོན་ཚུན་ཆད་ཀྱིས་བསྒྲགས་པས་དཔའ་བོ་མཁའ་འགྲོས་འོད་གསལ་བཙན་ཐབས་སུ་འཛིན་འཇུག་པ་བདེ་མཆོག་སྨོན་ལམ་དུ། དེར་ནི་འཆི་བའི་འོད་གསལ་ཟིན་མཛད་ཅིང༌། །ཞེས་པ་ལྟར་ཡིན་ཞེས་གསུངས་པ་སྔགས་ཀྱི་དམ་ཚིག་དག་པ་གཞིར་བཟུང་ནས་ཉམས་ལེན་ལ་ཅི་ནུས་ཀྱིས་འབད་ན་དེ་འདྲའང་སྲིད་པ་རེད། ཅེས་གསུངས་པའི་ལོ་རྒྱུས་འདུག སྒྲ་བཤད་ནི། ཐུགས་སམ་ཡིད་དགེ་བའི་དམིགས་པ་ལ་དམ་དུའང་རྩེ་གཅིག་ཏུ་གནས་པས་ན་དེ་སྐད་ཅེས་བྱའོ། །འང་རྩེ་གཅིག་ཏུ་གནས་པས་ན་དེ་སྐད་ཅེས་བྱའོ། །)
- Dictionaries/sgom sde tshig mdzod chenmo/2856 + ((གསང་སྔགས) སྔགས་ཐིག འོད་ཐིག རྫས་ཐིག་དང་གསུ … (གསང་སྔགས) སྔགས་ཐིག འོད་ཐིག རྫས་ཐིག་དང་གསུམ་མོ། །སྔགས་ཐིག་ནི་རང་གི་ཤིན་ཏུ་ཕྲ་བའི་རླུང་སེམས་མི་ཤིགས་པའི་ཐིག་ལེ་ཨ་ཐུང་ཤད་ཀྱི་རྣམ་པ་ཅན་ཟླ་ཚེས་ཐིག་ལེ་ནཱ་ད་དང་བཅས་པའམ་སྙིང་གའི་སྔགས་འཁོར། འོད་ཐིག་ནི་ཨ་ཐུང་ཤད་ཀྱི་རྣམ་པ་ཅན་ཐིག་ལེ་ནཱ་ད་དང་བཅས་པ་དེའི་ནཱ་ད་ལས་འཕྲོས་པའི་འོད་དཀར་པོ་སྤོས་རིང་གི་དུ་བ་འདྲ་བ་ཞིག་ཡོད་པ་དེ་ལ་ཟེར། རྫས་ཐིག་ནི་ཁམས་དཀར་དམར་གའུ་ཁ་སྦྱོར་གྱི་ཚུལ་དུ་གནས་པ་ཆེ་ཆུང་ཡུངས་འབྲུ་ཙམ་པ་དེའོ། །ཐིག་ལེ་ཞེས་པ་ནི། ཟླུམ་པོའམ་གྲྭ་ཟུར་མེད་པའི་དོན་ཏེ། དེ་ལ་དམིགས་ནས་བདེན་འཛིན་བག་ཆགས་དང་བཅས་པའི་གྲྭ་ཟུར་འཇོམས་པས་སོ། །ན་བག་ཆགས་དང་བཅས་པའི་གྲྭ་ཟུར་འཇོམས་པས་སོ། །)
- Dictionaries/sgom sde tshig mdzod chenmo/1793 + ((གསང་སྔགས) དབང་གསུམ་གྱི་ཡ་གྱལ་ཏེ། མི་སློབ་ … (གསང་སྔགས) དབང་གསུམ་གྱི་ཡ་གྱལ་ཏེ། མི་སློབ་པའི་ཟུང་འཇུག་ལ་ཟེར། རྒྱལ་བ་བསྐལ་བཟང་རྒྱ་མཚོའི་དབང་དོན་དེ་ཉིད་ཡང་གསལ་༢༦ན༡ལས། གྲོལ་བ་འབྲས་བུའི་དབང་ནི། མཐར་ཐུག་མི་སློབ་པའི་ཟུང་འཇུག་ཡིན་ལ། རྗེའི་སྔགས་རིམ་ཆེན་མོ་ལས། གལ་ཏེ་ཡན་ལག་བདུན་ལྡན་བཞི་པ་ཡིན་མོད་ཀྱང་དབང་སྐུར་དུ་ཇི་ལྟར་རིགས་སྙམ་ན། ཆུ་དབང་ལ་སོགས་པ་རྣམས་དྲི་མ་དག་པར་བྱེད་པས་དབང་སྐུར་དུ་འཇོག་པ་དེ་བཞིན་དུ་ཡན་ལག་བདུན་ལྡན་གྱི་བསྒྲུབ་བྱས་ཀྱང་རྣམ་པ་ཐམས་ཅད་དུ་དྲི་མ་མེད་པར་བྱེད་པས་དབང་སྐུར་རོ། །ཞེས་རང་རྒྱུད་ལྡན་གྱི་གང་ཟག་གི་རྒྱུད་ལ་སྒྲིབ་པའི་དྲི་མ་ཐམས་ཅད་དུས་ནམ་དུའང་སྐྱེ་བ་བཀག་པའི་ཆ་ནས་དབང་དུ་གསུངས་ཏེ། ཨ་བྷི་ཥིཉྩའི་ངེས་ཚིག་དྲི་མ་འཁྲུད་པའི་སྟེང་ནས་བཤད་པའོ། །ཞེས་གསུངས།ི་མ་འཁྲུད་པའི་སྟེང་ནས་བཤད་པའོ། །ཞེས་གསུངས།)
- Dictionaries/sgom sde tshig mdzod chenmo/3076 + ((གསང་སྔགས) རིན་ཆེན་དབལ་ཏེ། བྱང་ཆུབ་ཀྱི་སེམ … (གསང་སྔགས) རིན་ཆེན་དབལ་ཏེ། བྱང་ཆུབ་ཀྱི་སེམས་སམ་ཁུ་བའི་མིང་ངོ་། །སྒྲ་བཤད་ནི། དཀོན་མཆོག་གི་སྐད་དོད་རཏྣ་དང་། དེ་ཡང་རིན་པོ་ཆེ་ཡིན་པས་ཀུནྟ་ལྟ་བུའི་བྱང་ཆུབ་ཀྱི་སེམས་ཀྱིས་ཀྱང་། འདོད་དོན་རྫོགས་པར་བྱེད་པས་རིན་པོ་ཆེའོ། །ཀེ་ཏུ་དབལ་དང་རྒྱལ་མཚན་གཉིས་ཀ་ལ་འཇུག་པས། རྒྱལ་མཚན་བཙུགས་པས་དགའ་བ་བསྐྱེད་པ་བཞིན་དུ། བྱང་ཆུབ་ཀྱི་སེམས་ཀྱིས་ཀྱང་ཡིད་དགའ་བར་བྱེད་པའི་ཕྱིར། དཀོན་མཆོག་དབལ་ཞེས་བྱའོ། །ཞེས་རྗེའི་འགྲེལ་པ་བཞི་སྦྲགས་ལས་གསུངས་པ་ལྟར་རོ། །ེའི་འགྲེལ་པ་བཞི་སྦྲགས་ལས་གསུངས་པ་ལྟར་རོ། །)
- Dictionaries/sgom sde tshig mdzod chenmo/11893 + ((གསང་སྔགས) རྒྱུད་ཀྱི་ཆེད་དུ་བྱ་བའི་གདུལ་བྱ … (གསང་སྔགས) རྒྱུད་ཀྱི་ཆེད་དུ་བྱ་བའི་གདུལ་བྱ་མཆོག་རིན་པོ་ཆེ་ལྟ་བུའི་གང་ཟག་གི་མིང་། རྒྱུད་ཀྱི་ཆེད་དུ་བྱ་བའི་གདུལ་བྱ་ལ། ཨུཏྤལ་ལྟ་བུ་གང་ཟག པད་དཀར་ལྟ་བུ་གང་ཟག པདྨ་ལྟ་བུའི་གང་ཟག ཙནྡན་ལྟ་བུ་གང་ཟག རིན་པོ་ཆེ་ལྟ་བུའི་གང་ཟག་དང་ལྔ་ཡོད། རྗེའི་གསང་འདུས་སྨོན་ལམ་ལས། ཐུན་མོང་ལམ་སྦྱོང་སྣོད་དུ་གྱུར་པ་ན། །ཐེག་པ་ཀུན་གྱི་མཆོག་གྱུར་རྡོ་རྗེ་ཐེག །སྐལ་བཟང་སྐྱེ་བོའི་འཇུག་ངོགས་དམ་པ་དེར། །བདེ་བླག་ཉིད་དུ་འཇུག་པ་ཉིད་གྱུར་ཅིག །ཅེས་གསུངས་པ་ལྟ་བུ།དུ་འཇུག་པ་ཉིད་གྱུར་ཅིག །ཅེས་གསུངས་པ་ལྟ་བུ།)