Search by property

This page provides a simple browsing interface for finding entities described by a property and a named value. Other available search interfaces include the page property search, and the ask query builder.

List of results

• Dictionaries/sgom sde tshig mdzod chenmo/553  + (རྣལ་འབྱོར་པའི་དམིགས་པ་བཞིའི་དང་པོའོ། །དེ་ལ … རྣལ་འབྱོར་པའི་དམིགས་པ་བཞིའི་དང་པོའོ། །དེ་ལ་དབྱེ་ན། རྣམ་རྟོག་དང་བཅས་པའི་གཟུགས་བརྙན། རྣམ་རྟོག་མེད་པའི་གཟུགས་བརྙན། དངོས་པོའི་མཐའ། དགོས་པ་ཡོངས་སུ་གྲུབ་པའི་དམིགས་པ་སྟེ་བཞིའོ། །གཟུགས་བརྙན་ནི་གང་ལ་དམིགས་པའི་དམིགས་པ་རང་མཚན་པ་དེ་དངོས་མིན་པར་དེའི་རྣམ་པ་བློ་ལ་སྣང་བའོ། །༡ དེ་ལ་དམིགས་ནས་ལྷག་མཐོང་གིས་དཔྱོད་པ་བྱེད་པའི་ཚེ་དཔྱོད་བྱེད་ཀྱི་རྣམ་རྟོག་ཡོད་པས་རྣམ་རྟོག་དང་བཅས་པའི་གཟུགས་བརྙན་ནོ། །༢ ཡང་དེ་ལ་དམིགས་ནས་ཞི་གནས་ཀྱིས་མི་དཔྱོད་པར་སེམས་འཇོག་པའི་ཚེ་དཔྱོད་བྱེད་ཀྱི་རྟོག་པ་མེད་པས་རྣམ་རྟོག་མེད་པའི་གཟུགས་བརྙན་ཞེས་བྱའོ། །གཟུགས་བརྙན་དེ་དམིགས་པ་གང་གི་གཟུགས་བརྙན་ཡིན་སྙམ་ན། སྤྱོད་པ་རྣམ་སྦྱོང་གི་དམིགས་པ་ལྔ་དང་མཁས་པའི་དམིགས་པ་ལྔ་དང་ཉོན་མོངས་རྣམ་སྦྱོང་གི་དམིགས་པ་གཉིས་ཀྱི་གཟུགས་བརྙན་ནམ་རྣམ་པ་ཡིན་ནོ། །༢ དངོས་པོའི་མཐའ་ནི། ཕུང་པོ་ལྔར་འདུས་བྱས་ཐམས་ཅད་དང་། བདེན་པ་བཞིར་གྲོལ་བ་དོན་གཉེར་གྱི་བླང་དོར་གྱི་གཞིར་གྱུར་པའི་ཤེས་བྱ་ཐམས་ཅད་འདུས་ལུགས་བསམས་ནས། དེའི་རྗེས་སུ་དེར་གྲངས་ངེས་པར་ཐག་བཅད་ནས་དེ་ལ་སེམས་འཇོག་པ་ལྟ་བུའོ། །༤ དགོས་པ་ཡོངས་སུ་གྲུབ་པ་ནི། དམིགས་པ་དེ་གོམས་པས་འདོད་བྱའི་དགོས་པའམ་འབྲས་བུ་ཤིན་སྦྱངས་སྐྱེ་བ་སོགས་ཡོངས་སུ་གྲུབ་པའོ། །སྒྲ་བཤད་ནི། ཁྱབ་པའི་དམིགས་པ་བཞི་པོ་འདི་ཡང་། སྤྱད་པ་རྣམ་སྦྱོང་དང་། མཁས་པ་དང་། ཉོན་མོངས་རྣམ་སྦྱོང་གི་དམིགས་པ་ལས་ལོགས་ན་མེད་ཅིང་དེ་ཐམས་ཅད་ལ་ཁྱབ་པས་ན་ཁྱབ་པའི་དམིགས་པ་ཞེས་བྱའོ། །་ཅད་ལ་ཁྱབ་པས་ན་ཁྱབ་པའི་དམིགས་པ་ཞེས་བྱའོ། །)
• Dictionaries/sgom sde tshig mdzod chenmo/12789  + (རྣལ་འབྱོར་པའི་དམིགས་པ་བཞིའི་ནང་ཚན། འདོད་ཆགས་སོགས་ལ་ཤས་ཆེར་སྤྱད་པ་རྣམ་པར་སྤྱོང་བའི་དམིགས་པ་སྟེ་མི་སྡུག་པ་དང་བྱམས་པ་དང་རྟེན་འབྲེལ་དང་ཁམས་ཀྱི་རབ་དབྱེ་དང་དབུགས་འབྱུང་རྔུབ་སྟེ་ལྔའོ། །སྒྲ་བཤད་ཡང་དེས་ཤེས་སོ། །མི་སྡུག་པ་སྒོམ་ཚུལ་སོགས་ནི་སོ་སོའི་ཐད་དུ་གཟིགས།)
• Dictionaries/sgom sde tshig mdzod chenmo/5607  + (རྩ་རྒྱུད་ལ་རྒྱས་བསྡུས་གཉིས་ཡོད་པའི་རྩ་རྒྱུ … རྩ་རྒྱུད་ལ་རྒྱས་བསྡུས་གཉིས་ཡོད་པའི་རྩ་རྒྱུད་བསྡུས་པ་ལ་བསྡུས་རྒྱུད་ཟེར། དེ་ལ་ཉུང་ངུའི་རྒྱུད་ཅེས་ཀྱང་བྱའོ། །སྤྱིར་རྩ་རྒྱུད་ལ་དབྱེ་ན། རྒྱུད་རྒྱས་པ་དང་། ཉུང་ངུའི་རྒྱུད་དམ་བསྡུས་རྒྱུད་གཉིས་ཡོད་དེ། རྗེའི་རིམ་ལྔ་གསལ་སྒྲོན་ལས། འདིར་རྩ་བའི་རྒྱུད་དང་རྒྱུད་ཕྱི་མ་དང་བཤད་པའི་རྒྱུད་ཅེས་གྲགས་པའི་དོན་གང་ཡིན་སྙམ་ན། རྩ་བའི་རྒྱུད་ཀྱི་དབྱེ་བ་ནི་རྒྱུད་རྒྱས་པ་དང༌། ཉུང་ངུའི་རྒྱུད་དམ་བསྡུས་པའི་རྒྱུད་ཅེས་པ་གཉིས་ཡིན་ཏེ། དང་པོར་རྒྱུད་ཤིན་ཏུ་རྒྱས་པར་གསུངས་པ་ཕྱིས་ཀྱི་གདུལ་བྱ་སྔ་མ་ལ་བལྟོས་ན་ཚེ་དང་ཤེས་རབ་སོགས་དམན་པས་བདེ་བླག་ཏུ་ཁོང་དུ་ཆུད་མི་ནུས་པའི་དོན་དུ་སྔ་མ་ལས་བསྡུས་ནས་བསྟན་པའོ། །དེ་གཉིས་ནི་རྒྱུད་ཀྱི་ཚིག་རྒྱས་བསྡུས་ཀྱི་དབྱེ་བ་ཙམ་མ་གཏོགས་པ་གཉིས་ཀ་རྩ་རྒྱུད་ཡིན་པས་སྔ་མ་ཕྱི་མའི་རྩ་རྒྱུད་དུ་འགྲོ་བ་མིན་ནོ། །ཞེས་གསུངས་པ་ལྟར་རོ། །ད་དུ་འགྲོ་བ་མིན་ནོ། །ཞེས་གསུངས་པ་ལྟར་རོ། །)
• Dictionaries/sgom sde tshig mdzod chenmo/10505  + (ལ་དོན། 1 ལ་སྒྲ་རྣམ་དབྱེ་གཉིས་པ་ལ་འཇུག་པ་ནི … ལ་དོན། 1 ལ་སྒྲ་རྣམ་དབྱེ་གཉིས་པ་ལ་འཇུག་པ་ནི། ཆོས་ར་ལ་འགྲོ་ལྟ་བུ། 2 ལ་སྒྲ་རྣམ་དབྱེ་བཞི་པ་ལ་འཇུག་པ། དཔེ་ཁྲིད་ལ་ཕྱིན་ལྟ་བུ། 3 ལ་སྒྲ་གནས་གཞི་ལ་འཇུག་པ། མགོ་ལ་སྐྲ་དཀར་འདུག་ལྟ་བུ། 4 ལ་སྒྲ་ཚེ་སྐབས་ལ་འཇུག་པ། ཞོགས་པ་ཆུ་ཚོད་དྲུག་པ་ལ་ཡར་ལངས་ལྟ་བུ། 5 ལ་སྒྲ་དེ་ཉིད་འཇུག་པ། ལེགས་སྦྱར་ནས་བོད་ཡིག་ལ་བསྒྱུར། ཞོ་ད་ར་ལ་གྱུར། ད་ར་ཕྱུར་ཁུ་ལ་གྱུར། མི་ངན་བཟང་པོར་གྱུར། ལྟ་བུ། 6 ལ་སྒྲ་མཐུན་པའི་ཚིག་རྒྱན་ལ་འཇུག་པ། སྣང་ལ་རང་བཞིན་མེད་པ་ལྟ་བུ། གསལ་ལ་དྭངས་པ། མཐོ་ལ་བརླིང་པ་ལྟ་བུའོ། །7 ལ་སྒྲ་ཚིག་སྔ་ཕྱི་མཚམས་སྦྱོར་བ་ཙམ་ལ་འཇུག་པ་ནི། བདེ་བ་དང་ལྡན་ལ་གནོད་པ་མི་མངའ་བ། གསལ་ཞིང་དྭངས་ལ་དྲི་མ་མེད་པ། ཞེས་སོགས་དང༌། གཞན་ཡང་ “ཞིང་སྒྲའི” འཇུག་པ་དང་མཚུངས་པར་འཇུག་པ་འདི་ལྟར། ས་སྐྱ་ལེགས་བཤད་ལས། བསྟོད་པས་དགའ་བར་མི་འགྱུར་ལ། །སྨད་པས་མི་དགའ་མི་འགྱུར་ཞིང༌། །རང་གི་ཡོན་ཏན་ལེགས་གནས་པ། །སྐྱེས་བུ་དམ་པའི་མཚན་ཉིད་ཡིན། །ལྟ་བུ། དེ་ནི་ཚིག་སྔ་ཕྱི་མཚམས་སྦྱར་ནས་འབྲེལ་ཆགས་པ་ཙམ་ལས་དོན་གཞན་གང་ཡང་མི་སྟོན། 8 ལ་སྒྲ་ལྷག་བཅས་ཀྱི་དོན་ལ་འཇུག་པ་ནི། “སྟེ་ཏེ་དེ” “ནས” བཅས་དང་འཇུག་པ་མཐུན་ཏེ། མཉམ་པར་བཞག་ལ་དེ་ཁོ་ན་ཉིད་སེམས། ལག་པ་བསྙལ་ལ་ཟས་ཟ་ལྟ་བུ། ས་སྐྱ་ལེགས་བཤད་ལས། གནོད་པར་བྱེད་པ་ཆུང་ངུ་ཡང༌། །མྱུར་དུ་བསལ་ “ལ” འདུམ་པར་བྱ། །ཡུར་བ་ཆུང་ངུའི་རྗེས་ཞུགས་ནས། །འོད་པ་ཆེན་པོ་མ་མཐོང་ངམ། །ལྟ་བུ། 9 ལ་སྒྲ་རྒྱུ་མཚན་ནམ། ཕལ་སྐད་དུ་ཡིན་གཙང་ཞེས་པའི་དོན་ལ་འཇུག་པ་ནི། ས་སྐྱ་ལེགས་བཤད་ལས། ལེགས་པར་བརྟགས་ནས་བྱས་པ་ “ལ” ། །བྱ་བ་ཉམས་པ་ག་ལ་སྲིད། །མིག་ལྡན་བརྟགས་ནས་འགྲོ་བ་ན། །གཡང་སར་གོམ་པ་འདོར་རམ་ཅི། །ལྟ་བུ། གཞོན་ནུ་ཟླ་མེད་ལས། བདག་ནི་ཞི་བར་གནས་པ་ “ལ” །༌།ཁྲོ་བའི་གོ་སྐབས་མ་མཆིས་ཀྱང༌། །རྒོལ་བ་ལ་ནི་སྙིང་རྗེ་ཡིས། །སྐྱོང་བའི་བརྟུལ་ཞུགས་གྲུབ་པ་མེད། །ལྟ་བུ། q ལ་སྒྲ་ཡིད་སྨོན་ལ་འཇུག་པ་ནི། དགའ་བ་ལ། སྐྱིད་པ་ལ། ཕངས་པ་ལ། སྙིང་རྗེ་བ་ལ་ལྟ་བུའོ། །ལྟ་བུ། (11) ལ་སྒྲ་ངེས་བཟུང་གི་སྒྲའམ་ཁོ་ནའི་དོན་ལ་འཇུག་པ་ནི། ལམ་སྒྲོན་ལས། དམིགས་པ་གང་རུང་གཅིག་དག་ལ། །ཡིད་ནི་དགེ་ལ་གཞག་པར་བྱ། །ཞེས་གཅིག་དག་ལ་ཞེས་པ་ངེས་བཟུང་གི་ཚིག་ཏུ་ལམ་རིམ་འབྲིང་པོར་གསུངས་སོ། །ཟུང་གི་ཚིག་ཏུ་ལམ་རིམ་འབྲིང་པོར་གསུངས་སོ། །)
• Dictionaries/sgom sde tshig mdzod chenmo/10687  + (ལུགས་འདིའི་བསྐྱེད་རིམ་ཕྲ་རགས་མཐར་ཕྱིན་པའི་ … ལུགས་འདིའི་བསྐྱེད་རིམ་ཕྲ་རགས་མཐར་ཕྱིན་པའི་རྣལ་འབྱོར་པས་འོག་སྒོར་ཕྲ་མོ་བསྒོམས་པས་རླུང་དབུ་མར་ཞུགས་གནས་ཐིམ་གསུམ་བྱས་པ་ལས་བྱུང་བའི་སྟོང་པའི་ཡེ་ཤེས་སྐྱེས་པ་ནས་བཟུང་སྟེ། སྟེང་འོག་གི་རླུང་རྣམས་སྙིང་གའི་དྷཱུ་ཏཱིར་ཐིམ་པ་ལས་བྱུང་བའི་ཡེ་ཤེས་མ་སྐྱེས་ཚུན་ཆད་ཀྱི་རྫོགས་རིམ་ནི། རྫོགས་རིམ་དུ་གྱུར་པའི་ལུས་དབེན་གྱི་ངོ་བོའོ། །ལུས་དབེན་ལ་དབྱེ་ན། རྫོགས་རིམ་དུ་གྱུར་པའི་ལུས་དབེན་དང༌། བསྐྱེད་རིམ་དུ་གྱུར་པའི་ལུས་དབེན་གཉིས་ལས། དང་པོ་ལ་དམ་པ་རིགས་བརྒྱའི་ལུས་དབེན། དེ་ཉིད་རིགས་ལྔའི་ལུས་དབེན། གསང་བ་རིགས་གསུམ་གྱི་ལུས་དབེན། གསང་ཆེན་རིགས་གཅིག་གི་ལུས་དབེན་རྣམས་སོ། །ཡང་ན། རྗེས་ཐོབ་ཏུ་ཡུལ་དབང་སོགས་ཀྱི་ཆོས་རྣམས་བདེ་སྟོང་གི་རྣམ་འགྱུར་དུ་འཆར་བའི་སོར་སྡུད་དང༌། བདེ་སྟོང་གི་རྣམ་འགྱུར་ལྷར་འཆར་བའི་བསམ་གཏན་གཉིས་ཡོད། ལུས་དབེན་གྱི་དབེན་གཞི་ནི རགས་པ་ཉེར་ལྔ་སྟེ། རང་གི་ཕུང་པོ་ལྔ། ཁམས་བཞི། སྐྱེ་མཆེད་དྲུག ཡུལ་ལྔ། གཞི་དུས་ཀྱི་ཡེ་ཤེས་ལྔ་སྟེ་ཉེར་ལྔའོ། །རགས་པ་ཉེར་ལྔའི་རྣམ་གཞག་འདི་རྗེའི་རིམ་ལྔ་གདན་རྫོགས་ན་གསལ། རགས་པ་ཉི་ཤུའི་རྣམ་གཞག་འདི་རྗེའི་རིམ་ལྔ་གསལ་སྒྲོན་ན་གསལ། གང་དབེན་རྒྱུ་ནི དེ་དག་ལ་ཐ་མལ་གྱི་སྣང་ཞེན་ནོ། །དབེན་པའི་དོན་ནི དེ་དག་བདེ་སྟོང་གིས་རྒྱས་བཏབ་སྟེ་སྒོམ་པའོ། །ེ་དག་བདེ་སྟོང་གིས་རྒྱས་བཏབ་སྟེ་སྒོམ་པའོ། །)
• Dictionaries/sgom sde tshig mdzod chenmo/11035  + (ལྷ་ས་ནས་མལ་ལེ་དགུ་བཅུ་ཙམ་གྱི་ཤར་ལྷོའི་ཕྱོག … ལྷ་ས་ནས་མལ་ལེ་དགུ་བཅུ་ཙམ་གྱི་ཤར་ལྷོའི་ཕྱོགས་སུ་ཆོས་འཁོར་རྒྱལ་མེ་ཏོག་ཐང་ཞེས་བྱ་བ་ྋརྒྱལ་དབང་དགེ་འདུན་རྒྱ་མཚོས་ཕྱི་ལོ་༡༥༠༩ལོར་བཏབ་པའི་དགོན་པ་ཡོད་ལ། དེའི་བྱང་ཤར་ཕྱོགས་སུ་མལ་ལེ་ལྔ་ཙམ་གྱི་གཡའ་ཁྲོད་ན་འབྱུང་འགྱུར་གནས་ལུགས་གསལ་པོར་སྟོན་པའི་ལྷ་མོའི་བླ་མཚོ་ཞེས་བྱ་བ་ངོ་མཚར་ཅན་གྱི་མཚོ་དེ་ཡོད་པར་བཤད། ྋརྒྱལ་མཆོག་སྐུ་ཕྲེང་གཉིས་པ་དགེ་འདུན་རྒྱ་མཚོ་དགུང་གྲངས་སོ་བདུན་བཞེས་པ་རྒྱལ་མེ་ཏོག་ཐང་གི་དགོན་པ་ཕྱག་བཏབ་པའི་ལོ་དེ་༡༥༠༩རང་ལ་བླ་མཚོའི་གནས་སྒོ་གསར་དུ་ཕྱེ་བར་སེམས། ལྷ་མོའི་བླ་མཚོའི་སྐོར་རྒྱལ་མཆོག་དགེ་འདུན་རྒྱ་མཚོའི་རང་རྣམ་ཤེས་རིག་སྤར་ཁང་ནས་སྤར་སྐྲུན་ཞུས་པའི་འཁྲུངས་རབས་པོད་དང་པོའི་ཤོག་གྲངས་༣༨༦ལས། རྒྱལ་གྱི་གཙུག་ལག་ཁང་གི་གཡམ་གཅལ་འདིང་བའི་གཡམ་པ་བསློགས་པས། འོལ་ཁའི་འུ་ལག་གཅིག་གིས་གཡམ་པའི་སྒྲོམ་བུ་ཞིག་འདུག་པའི་ནང་ནས་གནམ་ལྕགས་ཀྱི་རལ་གྲི་ཟུང་གཅིག་རྙེད། དེ་དུས་ངེད་རང་ལ་ཕུལ་ན་ཁོ་རང་ལའང་དངོས་གྲུབ་འོང་བའི་རིགས་སུ་འདུག་ནའང་ཁོའི་རྟོག་པ་ལ་གསེར་ཡིན་པ་འདུག་སྙམ་དུ་བསམས་ཏེ་སྦས་ནས་འོལ་ཁར་ཁྱེར། སྲིང་མོ་བཙུན་མ་ཞིག་གི་སར་གྲོས་བྱས་པས་དེ་ནད་ཀྱིས་བཏབ་སྟེ་མཚན་ (མོ) གཉིད་མེད་པ་དང་། ཉིན་མཚན་ཀུན་ཏུ་ལུས་ལ་བྱ་རོག་གི་ཁྱུ་ཆེན་པོ་འཐིབས་ཏེ་ཤ་ཐམས་ཅད་འཐོག་པའི་སྣང་བ་ཤར། དེའི་ཚེ་པྲ་ཕབ་པས། རྒྱལ་ན་དཔལ་ལྡན་ལྷ་མོའི་ཕྱག་མཚན་གྱི་རལ་གྲི་ཡོད། དེ་གནས་སྒོ་འབྱེད་པའི་ལྡེ་མིག་ཡིན་ཟེར་བྱུང་ནས། ཁོས་རལ་གྲི་གཅིག་བཤིག་ནས་དེའི་ཚབ་ཏུ་ལྕགས་ཀྱི་རལ་གྲི་ཞིག་བཅོས་སོ། །དེ་དང་གནམ་ལྕགས་ཀྱི་རལ་གྲི་དངོས་གཅིག་པོ་དེ་གཏོར་གསོས་དང་སྦྲགས། གནས་བརྟན་བློ་གྲོས་རྒྱ་མཚོ་བ་གཞིའི་བསྐང་གསོ་རྒྱུན་པ་ལ་ཡོད་པ་ལ་ཕུལ་འདུག དེས་གཏམ་སྙན་འབུལ་བ་ཡང་ཀོང་པོར་སླེབ། རྟིང་ལ་གནེད་རང་རྒྱལ་དུ་སླེབ་དུས་ཀྱང་བཤིག་པའི་སྟོབས་ཀྱིས་ཕྱིས་རྩ་ཆད་ལ་སོང་འདུག གནམ་ལྕགས་ཀྱི་རལ་གྲི་དེ་ད་ལྟ་རྒྱལ་ན་བཞུགས་ཤིང་། དཔལ་ལྡན་ལྷ་མོའི་བླ་མཚོ་གྲགས་པ་ཅན་འདི་ནི། དེ་གོང་ལུག་ལོའི་དབྱར་སྨད་ངེད་རང་ལ་མཚོ་ཁྱད་པར་ཅན་དེ་འདྲ་ཡོད་པའི་སྣང་བ་ཤར་ཏེ་རྩད་དཔྱད་པས། ཡུལ་མི་རྒྱུས་ཅན་འདྲས། མཚོ་ཤིན་ཏུ་གཉན་པ་འགྲམ་དུ་སྐད་ཆེ་བ་བཏོན་ན་ཡང་སེར་བ་འབབ་པ་སྐད་འདོན་པ་ཞིག་ཡོད་ཟེར་ཐོས་ནས་ཐོག་མར་འཚོལ་དུ་བཏང་བས་ཁུངས་རྙེད་དེ་ངེད་དཔོན་སློབ་བཅུ་ལྷག་ཅིག་གནས་སྒོ་འབྱེད་དུ་ཕྱིན། སྒོ་སྲུང་གི་མཚོ་ཆུང་ཞིག་འདུག་པ་དེར་གཏོར་མ་བཏང་ནའང་། ཤིན་ཏུ་གཉན་པར་འདུག་པས་གནད་ཡར་མ་བྱུང་བ་མ་གཏོགས་རྟ་བརྡབས་ཤིག་ཀྱང་བྱུང་། དེ་ནས་མཚོ་ཞལ་ལ་ཁར་སླེབ་པའི་ཚེ་མཚོ་དཀར་ཆིལ་ལི་བ་ཞིག་འདུག དེར་དཔལ་ལྡན་ལྷ་མོ་བསྐྱེད། སྤྱན་དྲངས་པ་ན་ཤར་ཕྱོགས་ནས་བུ་ཡུག་ཅིག་བྱུང་སྟེ་མཚོ་དེ་ལ་བབས་པ་དང་དེ་མ་ཐག་མཚོ་དེ་སྔར་བས་གདོག་འགྱུར་ཏེ། རེས་འཇའ་ཚོན་སྣ་ལྔའི་དྲ་བ་དང་། རེས་ཕོ་བྲང་རྒྱ་ཕིབས་དང་བཅས་པ་ལ་ལྔ་སྦྲགས་ཤིག་མངོན་སུམ་ལྟ་བུར་སྣང་བ་དང་། ཡང་མཚོ་དེ་ནས་མཁའི་མདོག་ལྟ་བུ་གཉིས་སུ་སོང་བ་འདྲ་བའི་ནང་ནས་དབྱིབས་གྲུ་བཞི་དང་། ནར་སྟབས་ཡོད་པའི་རི་དེའུའི་རྣམ་པ་ཅན་གཉིས་སྔར་མེད་ལ་ནམ་མཁར་སྙེག་པ་བཞིན་ལངས་ཏེ་ཤིན་ཏུ་འཇིགས་ཤིང་ལྟད་མོ་ཆེ་བར་བྱུང་། དེ་གཉིས་ཤར་ཆེར་གདོང་ཅན་གཉིས་ཀྱི་ཆོ་འཕྲུལ་དུ་གོ རེས་མཚོ་ཐམས་ཅད་གནམ་དུ་ཁོལ་བ་ལ་འོ་མའི་མདོག་ལྟ་བུ་དང་། མདོར་ན་ཆུ་རང་འགའ་བའི་མདོག་ཏིལ་ཙམ་ཡང་མེད་ཅིང་། གཟུགས་སྣང་ངོ་མཚར་བ་ཇི་སྙེད་ཅིག་ངེད་ཐམས་ཅད་ཀྱིས་མཐུན་པར་མཐོང་། དེ་ནས་བཟུང་སྟེ་ད་བར་མཚོ་མཇལ་ལ་མང་དུས་ལྔ་བརྒྱ་ཙམ་འདུས་པ་ལ་ཡང་མཐོང་སྣང་མཐོང་ཚུལ་ཕྱོགས་གཅིག་པར་དཔལ་ལྡན་ལྷ་མོའི་གཞལ་ཡས་ཁང་། ཕྱག་མཚན། ཆིབས་ཀྱི་དྲེའུ་ཆེ་ཆུང་ཁ་དོག་མང་པོ། རླུང་ནག་ཚུབ་མ། དཔག་བསམ་གྱི་ཤིང་སོགས་འདི་འཆར་དང་འདི་མི་འཆར་གྱི་དབྱེ་བ་བརྗོད་མི་ཤེས་པ། སྔར་མ་མཐོང་བ་རྣམས་ཀྱིས་གཏམ་ཐོས་ནའང་བློར་མི་ཤོང་ཞིང་མཐོང་ན་སེམས་དད་པས་རང་དབང་མེད་པར་བྱེད་པ་རྒྱུན་མ་ཆད་པར་ཡོད་ཅིང་། འོལ་ཁ་བའི་རིགས་གྲྭའི་སྐབས་སུ་ནི་ནང་སོ་ཆོས་རྗེས་མཚོ་ཞལ་ལ་བྱོན་དུས་ངེད་རང་གིས་ཀྱང་ཕྱིན་པས་མཚོ་ནང་ནས་དངོས་སུ་དཔངས་ཐོག་ཚད་གསུམ་ལྷག་ཙམ་ཡོད་པའི་རྟ་པའི་རྣམ་པ་གཙོ་འཁོར་གསུམ་དང་། མི་བོངས་ཉིས་འགྱུར་སུམ་འགྱུར་ཙམ་གྱི་ལུས་ཚད་དང་ལྡན་པའི་རེས་དགེ་འདུན་གྱི་རྣམ་པ། རེས་སྐྱ་བོའི་རྣམ་པ་ལྔ་བརྒྱ་ཙམ་ཡོད་པ་འདྲ་བ། རེས་ཕྱོགས་གཅིག་ཏུ་འདུ། རེས་སྐོར་ཚོམས་བྱེད། རེས་མཚོ་ནང་ལ་འགྲོ་བ་སོགས་སྣ་ཚོགས་པ་ཞིག་དེ་ཉིན་ཐམས་ཅད་ཀྱིས་གཟིགས་པར་བྱུང་ངོ་། །དེས་ན་གནས་འདི་དཔལ་ལྡན་ལྷ་མོས་སྐྱོང་བར་ངེས་ཤིང་། དེའི་ཞི་རྒྱས་དབང་དྲག་གི་འཕྲིན་ལས་མཛད་པའི་ཚུལ་བརྗོད་ཀྱིས་མི་ལྔ་སྟེ་ཟུར་ཙམ་མོ། །ཞེས་གསུངས། (མཚོ་དེར་པཎ་ཆེན་བློ་བཟང་ཆོས་ཀྱི་རྒྱལ་མཚན་མཚོ་དེར་ཕེབས་པའི་སྐོར་དམ་པ་དེ་ཉིད་ཀྱི་རང་རྣམ་ན་གསལ) སོགས་སྐྱེས་ཆེན་དམ་པ་མང་པོས་ཞབས་ཀྱིས་བཅགས་ཤིང༌། འདི་ྋརྒྱལ་བ་པཎ་ཆེན་སྤྱི་དང་ལྷག་པར་ྋརྒྱལ་དབང་སྐུ་ཕྲེང་རིམ་བྱོན་དང་དམིགས་བསལ་གྱི་འབྲེལ་བ་ཡོད་པའི་མཚོ་ཞིག་ཡིན། ྋརྒྱལ་མཆོག་ལྔ་པ་ཆེན་པོས་ཀྱང་གནས་དེར་ཞབས་ཀྱིས་བཅགས་པའི་སྐོར། རང་རྣམ་དུ་ཀཱུ་ལའི་གོས་བཟང་དེབ་དང་པོ་༡༤༦ལས། དཔལ་ལྡན་དམག་ཟོར་མའི་བླ་མཚོ་མཇལ་བར་ཕྱིན་པས་མི་མངས་པས་སྐྱོན་གྱིས་ཐོག་མར་འཚུབ་ཀྱི་རྣམ་པས་ཁ་བ་སོར་དོ་ཙམ་བབས། ལ་ཁར་སླེབས་པ་དང་གང་སྤོས་ཚེ་ཆུང་ཤོས་ཙམ་པ་གཅིག་ལ་གཅིག་འདྲིལ་གྱིས་འཁོར་ལོ་རྩིབས་བརྒྱད་དང་པདྨ་ནོར་བུའི་གཟུགས་བརྙན་སྣ་ཚོགས་བབས་བྱུང་བ་ཀུན་ཡ་མཚན་པར་འཛིན་ཞིང་ཆོས་སྐྱོང་དགྱེས་པའི་རྟགས་སུ་མངོན། དེ་ནས་ནམ་མཁའ་གཡའ་དག་པའི་མཚོའི་ཞལ་ཁེབས་སྔོ་ལྗང་དཀར་དམར་གྱི་རྣམ་པ་རིམ་གྱིས་བསལ་བའི་ནང་ནས་དགོན་པ་དང་གྲོང་ཁྱེར་ཤིན་ཏུ་མང་བར་བསྟན་ཞིང༌། མཁར་སྤེལ་སྤེལ་ཞོལ་ཡོད་པའི་སྔོན་པོ་ཆེན་པོ་ཞིག་ཀྱང་མཐོང༌། ཞེས་གསལ། བླ་མཚོ་དེར་ྋརྒྱལ་མཆོག་སྐུ་ཕྲེང་བཅུ་གསུམ་པ་དང་བཅུ་བཞི་ཆེན་པོ་གཉིས་ཀའི་འཁྲུངས་ཡུལ་དང་འཁྲུངས་ཁང་སོགས་གསལ་བར་ལུང་བསྟན་ཡོད་པ་རེད། ངས་ཕྱི་རྒྱལ་བ་ཚོར་ཆོས་འཆད་སྐབས་རྩེད་མོ་དང་ཀུ་རེའི་ཚུལ་དུ་ཁྱེད་ཚོས་གཟུགས་མཐོང་གློག་འཕྲིན་བཟོ་སྐྲུན་མ་བྱས་གོང་ལོ་བརྒྱ་ཕྲག་མང་པོའི་སྔོན་ནས་ང་ཚོ་བོད་པར་རིན་པ་སྤྲོད་མི་དགོས་པའི་རང་འབྱུང་གི་གཟུགས་མཐོང་བརྙན་འཕྲིན་ལྷ་མོ་བླ་མཚོ་ཟེར་བ་སོགས་དེ་དང་འདྲ་བ་མང་པོ་ཡོད་པ་རེད་ཅེས་ཁ་པོ་སྒྲོག་གི་ཡོད། བོད་ལ་ལྷ་མོའི་བླ་མཚོ་དང་འདྲ་བའི་ཡ་མཚན་ཅན་གྱི་མཚོ་མང་པོ་ཡོད་ཚོད་འདུག་པ་འདི་ལྟར། ༧རྒྱལ་མཆོག་ལྔ་པ་ཆེན་པོའི་རང་རྣམ་དུ་ཀཱུ་ལའི་ཆོས་བཟང་གླེགས་བམ་དང་པོ་༡༢༧ལས། སྤྱན་རས་གཟིགས་ཀྱི་མཚོ་ནས་སེར་འབྲས་དགེ་གསུམ་དང་ལྷ་ས་གསལ་པོ་བསྟན་བྱུང་བས་ཐམས་ཅད་ཡ་མཚན་ཞིང་སྟར་སྡོང་མགྲོན་གཉེར་ཧ་ལས་དྲགས་ཏེ་ལབ་རྒྱུའང་མི་འདུག སྒྲོལ་མ་དཀར་སྔོན་གྱི་མཚོ་ནས་གོང་ཡུལ་ཐོར་རེ་བ་བསྟན། རྟ་མགྲིན་གྱི་མཚོར་ཟླ་བོ་རྣམས་ལ་ནི་མ་བྱུང་ཟེར་བདག་གིས་མཐོང་སྣང་ལ་མཁར་དམར་པོ་ཐོག་གསུམ་པ་སྤེལ་སྤེལ་ཞོལ་ཅན་སྒོ་སྒེ་ཁུང་མེད་པ་ཞིག་བྱུང༌། ཞེས་གསུངས།ཅན་སྒོ་སྒེ་ཁུང་མེད་པ་ཞིག་བྱུང༌། ཞེས་གསུངས།)
• Dictionaries/sgom sde tshig mdzod chenmo/12642  + (ཤར་དཀར། ལྷོ་སེར། ནུབ་དམར། བྱང་ལྗང༌། ལྟེ་བ་ … ཤར་དཀར། ལྷོ་སེར། ནུབ་དམར། བྱང་ལྗང༌། ལྟེ་བ་སྔོ་བའི་རྡོ་རྗེ་རྒྱ་གྲམ། སྒྲ་བཤད་ནི། ཁ་དོག་སྣ་ཚོགས་པ་ཅན་གྱི་རྡོ་རྗེ་ཡིན་པས་སྣ་ཚོགས་རྡོ་རྗེའོ།། དེ་ལ་སྣ་ཚོགས་རྡོ་རྗེ་རྭ་ལྔ་པ་དང༌། རྭ་བཅུ་གཉིས་པ། རྭ་ཉི་ཤུ་ཅན་པ་བཅས་ཡོད། སྣ་ཚོགས་རྡོ་རྗེ་རྭ་ལྔ་པ་དཀར་སེར་དམར་ལྗང་སྔོ་བོའི་ཁ་དོག་ལྔ་ལྡན་གྱིས་བདེ་སྟོང་དབྱེར་མེད་ཀྱི་ཡེ་ཤེས་ལ་ལྡོག་ཆས་ཕྱེ་ན་ལྔ་ཡོད་པར་མཚོན། རྭ་བཅུ་གཉིས་བྱས་ཚེ། རྟེན་འབྲེལ་ཡན་ལག་བཅུ་གཉིས་དག་པ་མཚོན། རྭ་ཉི་ཤུ་ཡོད་ཚེ། འཇིག་ལྟ་ཉི་ཤུ་དག་པ་མཚོན་ནོ། །སྣ་ཚོགས་རྡོ་རྗེ་རྩེ་མོ་གསུམ་པ་ཞིག་ཀྱང་ཡོད་པར། པཎ་ཆེན་བློ་བཟང་ཆོས་ཀྱི་རྒྱལ་མཚན་གསུང་ངོ༌། །བསྐྱེད་རིམ་གྱི་སྐབས་སུ་སྣ་ཚོགས་རྡོ་རྗེ་གསལ་འདེབས་པའམ་བསྒོམ་པའི་རྒྱུ་མཚན་ནི། མཁས་གྲུབ་ཆོས་རྗེའི་བསྐྱེད་རིམ་དངོས་གྲུབ་རྒྱ་མཚོ་༤༨བ༥ལས། དེ་འདྲ་བའི་འོད་གསལ་གྱི་ཡེ་ཤེས་དེ་ལ་ཡེ་ཤེས་ལྔར་ལྡོག་པའི་སྒོ་ནས་དབྱེ་བ་ཡོད་པས། སྣ་ཚོགས་རྡོ་རྗེ་ཡེ་ཤེས་ལྔ་དག་པར་གསུངས་ལ། ཡེ་ཤེས་ལྔ་ལ་ནི་ལམ་དུས་ཀྱི་ཡེ་ཤེས་ལྔ་ཡང་ཡོད་དོ། །དེ་འདྲའི་དོན་གྱི་འོད་གསལ་ནི་ཟུང་འཇུག་གི་སྐུ་ཡེ་ཤེས་ཀྱི་དཀྱིལ་འཁོར་རྟེན་དང་བརྟེན་པར་བཅས་པ་ཐམས་ཅད་ཀྱི་རྟེན་ཡིན་པས་ངེས་དོན་དེ་འདྲ་བ་མཚོན་པའི་སླད་དུ་འདིར་གཞལ་ཡས་ཁང་གི་རྟེན་དུ་སྣ་ཚོགས་རྡོ་རྗེ་བསྒོམ་པ་ཡིན་ཏེ། ཞེས་གསུངས་སོ། །གས་རྡོ་རྗེ་བསྒོམ་པ་ཡིན་ཏེ། ཞེས་གསུངས་སོ། །)
• Dictionaries/sgom sde tshig mdzod chenmo/11720  + (ཤེས་པའི་གཟུང་རྣམ་རྫས་གྲུབ་ཏུ་འདོད་པའི་སེམས … ཤེས་པའི་གཟུང་རྣམ་རྫས་གྲུབ་ཏུ་འདོད་པའི་སེམས་ཙམ་པའོ། །ཡང་ན་ཚུར་མཐོང་གི་རྒྱུད་ཀྱི་གཟུགས་འཛིན་མངོན་སུམ་ལ་གཟུགས་རགས་པར་སྣང་བའི་ཆ་ལ་མ་རིག་བག་ཆགས་ཀྱིས་བསླད་པ་མ་ཞུགས་པར་འདོད་པའི་སེམས་ཙམ་པའོ། །དེ་ལ་དབྱེ་ན། གཟུང་འཛིན་གྲངས་མཉམ་པ། སྒོ་ང་ཕྱེད་ཚལ་བ། སྣ་ཚོགས་གཉིས་མེད་པ་དང་གསུམ་མོ། །ྱེད་ཚལ་བ། སྣ་ཚོགས་གཉིས་མེད་པ་དང་གསུམ་མོ། །)
• Dictionaries/sgom sde tshig mdzod chenmo/11499  + (ས་སྐྱ་པཎྜི་ཏ་ཀུན་དགའ་རྒྱལ་མཚན་ནི། ཕྱི་ལོ་༡ … ས་སྐྱ་པཎྜི་ཏ་ཀུན་དགའ་རྒྱལ་མཚན་ནི། ཕྱི་ལོ་༡༡༨༢ལོར་གཙང་དུ་སྐུ་འཁྲུངས། སྐུ་བལྟམས་མ་ཐག་ཏུ་སཾ་སྐྲྀ་ཏའི་སྐད་གསུངས། རྗེ་བཙུན་གྲགས་པ་རྒྱལ་མཚན་ལས་ས་སྐྱ་གོང་མའི་གསུང་བཅུད་མདོ་སྔགས་ཀྱི་ཟབ་གནད་མ་ལུས་པ་གསན། མནལ་ལམ་དུ་མཁས་མཆོག་དབྱིག་གཉེན་ལས་ཆོས་མངོན་པ་མཛོད་དང༌། ཁ་ཆེ་པཎ་ཆེན་ལས་རྡོ་རྗེ་གླུ་སོགས་གསན། ཞུ་སྟོན་རྡོ་རྗེ་སྐྱབས་ལས་བྱམས་ཆོས་སོགས་ལུང་གི་སྐོར། རྨ་བྱ་བྱང་བརྩོན་དང༌། ཚུར་སྟོན་གཞོན་སེང་ལས་ཚད་མ། རྩེགས་པ་དབང་ཕྱུག་སེང་གེ་ལས་གྲུབ་མཐའ། སྤྱོ་བོ་ལྷས་པ་བྱང་ཆུབ་འོད་ལས་གདམས་པ་སྣ་ཚོགས་གསན། དགུང་ལོ་ཉེར་གསུམ་དུས་ཁ་ཆེ་པཎ་ཆེན་དང་མཇལ། ཁ་ཆེ་པཎ་ཆེན་དང་དེའི་སློབ་མ་སངྒྷ་ཤྲཱི། སུ་ག་ཏ་ཤྲཱི། དཱ་ན་ཤཱི་ལ་རྣམས་ལས་སྒྲ་ཚད་སོགས་རིག་གནས་ཆེ་བ་ལྔ། སྙན་ངག་མངོན་བརྗོད་སོགས་རིག་གནས་ཆུང་བ་ལྔ་སྟེ། རིག་པའི་གནས་བཅུ་ལ་སྦྱངས་པ་མཐར་ཕྱིན་པར་མཛད་པས། བོད་ཀྱི་ལྗོངས་སུ་པཎྜི་ཏའི་མཚན་སྙན་ཐོབ་པའི་ཐོག་མ་ཡིན་པར་གསུངས། དགུང་ལོ་ཉེར་བདུན་པ་ལ་ཁ་ཆེ་པཎ་ཆེན་ལས་བསྙེན་པར་རྫོགས། རིག་གཏེར་དང༌། སྡོམ་གསུམ་རབ་དབྱེ་སོགས་བརྩམས་ནས་སྨྲ་བ་ངན་པ་དང༌། ལྟ་བ་ངན་པ་མཐའ་དག་སུན་ཕྱུང༌། སྐྱིད་གྲོང་དུ་རྒྱ་གར་ལྷོ་ཕྱོགས་ཀྱི་མུ་སྟེགས་འཕྲོག་བྱེད་གཙོས་པའི་རྒོལ་ངན་དྲུག་རིགས་པས་ཚར་བཅད་ནས། བསྟན་པ་ལ་བཅུག་པས་སྙན་པའི་གྲགས་པས་ས་སྟེང་ཁྱབ། སོག་ཡུལ་གྱི་རྒྱལ་པོ་གོ་དན་གྱིས་གདན་དྲངས་ནས་ཡུལ་དེར་བཤད་སྒྲུབ་ཀྱི་བསྟན་པ་སྤེལ། དགུང་གྲངས་བདུན་བཅུའི་སྟེང་གཟུགས་སྐུའི་བཀོད་པ་བསྡུས། འཁྲུངས་འདས་ལོ་ཚིགས་1182-1251བཀོད་པ་བསྡུས། འཁྲུངས་འདས་ལོ་ཚིགས་1182-1251)
• Dictionaries/sgom sde tshig mdzod chenmo/2400  + (སངས་རྒྱས་ཀྱི་བཀའ་ལ་བཟང་ངན་སོགས་ཀྱི་དབྱེ་བ་ … སངས་རྒྱས་ཀྱི་བཀའ་ལ་བཟང་ངན་སོགས་ཀྱི་དབྱེ་བ་འབྱེད་པ་ལ་ཟེར། འདི་ནི་ཉེས་དམིགས་ཤིན་ཏུ་ཆེ་བ་ཡིན་ནོ། །རྗེའི་ལམ་རིམ་ཆེན་མོ་ལས། རྣམ་པར་འཐག་པ་ཐམས་ཅད་བསྡུས་བའི་མདོ་ལས། འཇམ་དཔལ་དམ་པའི་ཆོས་སྤོང་བའི་ལས་ཀྱི་སྒྲིབ་པ་ནི་ཕྲའོ། །འཇམ་དཔལ་གང་དེ་བཞིན་གཤེགས་པས་གསུངས་པའི་བཀའ་ལ་ལ་ནི་བཟང་བར་འདུ་ཤེས་ལ། ལ་ལ་ནི་ངན་པར་འདུ་ཤེས་པ་ནི་ཆོས་སྤོང་བའོ། །གང་ཆོས་སྤོང་བ་དེས་ཆོས་སྤངས་པས་དེ་བཞིན་གཤེགས་པ་ལ་སྐུར་པ་འདེབས་པ་ཡིན། དགེ་འདུན་ལ་ངན་དུ་བརྗོད་པ་ཡིན་ནོ། །འདི་ནི་རིགས་པའོ་འདི་ནི་མི་རིགས་པའོ་ཞེས་ཟེར་ན་ཆོས་སྤོང་བའོ། །འདི་ནི་བྱང་ཆུབ་སེམས་དཔའ་རྣམས་ཀྱི་ཆེད་དུ་གསུངས་པའོ། །འདི་ནི་ཉན་ཐོས་རྣམས་ཀྱི་ཆེད་དུ་གསུངས་པའོ་ཞེས་ཟེར་ན་ཆོས་སྤོང་བ་ཡིན་ནོ། །འདི་ནི་རང་སངས་རྒྱས་རྣམས་ཀྱི་ཆེད་དུ་གསུངས་པའོ་ཞེས་ཟེར་ན་ཆོས་སྤོང་བ་ཡིན་ནོ། །འདི་ནི་བྱང་ཆུབ་སེམས་དཔའ་རྣམས་ཀྱི་བསླབ་པ་མ་ཡིན་ནོ་ཞེས་ཟེར་ན་ཆོས་སྤོང་བ་ཡིན་ནོ། །ཞེས་གསུངས་སོ། །ཆོས་སྤངས་ན་དེའི་ཉེས་པ་ཤིན་ཏུ་ལྕི་བ་ནི། ཏིང་ངེ་འཛིན་རྒྱལ་པོ་ལས། གང་གིས་འཛམ་བུའི་གླིང་འདིར་ནི། །མཆོད་རྟེན་ཐམས་ཅད་བཤིག་བྱེད་པས། །གང་གིས་མདོ་སྡེ་སྤོང་བྱེད་པའི། །སྡིག་པ་དེ་ནི་ཆེས་ཁྱད་འཕགས། །གང་གིས་གངྒཱའི་བྱེ་སྙེད་ཀྱི། །དགྲ་བཅོམ་བསད་པར་གྱུར་པ་བས། །གང་གིས་མདོ་སྡེ་སྤོང་བྱེད་པའི། །སྡིག་པ་དེ་ནི་ཆེས་ཁྱད་འཕགས། །ཞེས་གསུངས་སོ། །སྤྱིར་ཆོས་སྤོང་འབྱུང་བ་ལ་སྒོ་མང་དུ་སྣང་ནའང་སྔར་བསྟན་པའི་སྒོ་འདི་ཆེ་ཤོས་སུ་སྣང་བས་འབད་པས་སྤང་བར་བྱའོ། །དེ་ཡང་སྔར་བསྟན་པ་ལྟར་གྱི་ངེས་པ་རྙེད་པ་ཙམ་གྱིས་བཟློག་པར་འགྱུར་བས་ཉེས་སྤྱོད་རང་འགགས་སུ་འགྲོ་བའོ། །ངེས་པ་དེ་ནི་བདེན་པ་པོའི་ལེའུ་དང་དམ་པའི་ཆོས་པདྨ་དཀར་པོ་མང་དུ་བལྟས་པ་ལས་བཙལ་བར་བྱ་ཞིང༌། ཆོས་སྤོང་གི་སྒོ་གཞན་རྣམས་ནི་རྣམ་པར་འཐག་པ་བསྡུས་པའི་མདོ་ལས་ཤེས་པར་བྱའོ། །ཞེས་གསུངས་པ་ལྟར་རོ། །མཁས་གྲུབ་ཆོས་རྗེའི་ཐུབ་བསྟན་བྱི་དོར་༡༢༧བ༢ལས་ཀྱང་། ཆོས་ཆོས་མ་ཡིན་པར་སྟོན་པ་དང་། ཆོས་མ་ཡིན་པ་ཆོས་སུ་སྟོན་པ་གཉིས་ཀ་ཡང་ཆོས་སྤོང་གི་ལས་སུ་འགྱུར་བ་ལ་ཁྱད་པར་མེད་པར་འཕགས་པ་རྣམ་པར་འཐག་པ་བསྡུས་པའི་མདོ་ལས་གསུངས་སོ། །ཞེས་གསུངས་སོ། །སྡུས་པའི་མདོ་ལས་གསུངས་སོ། །ཞེས་གསུངས་སོ། །)
• Dictionaries/sgom sde tshig mdzod chenmo/4992  + (སངས་རྒྱས་སྤྱིའི་མཚན་གྱི་རྣམ་གྲངས་ཤིག དེ་ཡང … སངས་རྒྱས་སྤྱིའི་མཚན་གྱི་རྣམ་གྲངས་ཤིག དེ་ཡང་བཅོམ་ལྡན་འདས་ཀྱི་སྐད་དོད་བྷ་ག་ཝཱན་ཞེས་པ་བོད་སྐད་དུ་ཐད་སྒྱུར་བྱས་ན་སྐལ་ལྡན་ཏེ། བྷ་ག་ནི་སྐལ་བ་དང་། ཝཱན་ནི་ལྡན་པ་ཡིན་པས་སྐལ་བ་ཕུན་སུམ་ཚོགས་པ་དྲུག་དང་ལྡན་པ་ཉིད་ཀྱི་ཕྱིར་སྐལ་ལྡན་ནམ་བཅོམ་ལྡན་འདས་ཞེས་བརྗོད་དོ། །ཡང་བྷ་ག་ལ་ངེས་ཚིག་གི་ཚུལ་གྱིས་བྷ་ག་ནི་བཅོམ་པ་སྟེ་མི་མཐུན་པའི་ཕྱོགས་སྒྲིབ་གཉིས་དང་ཉོན་མོངས་པའི་ཀུན་ནས་ཉོན་མོངས་པ་སོགས་གསུམ་དང་། ཕུང་པོའི་བདུད་སོགས་བཞི་མ་ལུས་པར་བཅོམ་པ་དང་བཅོམ་པ་དེ་འདི་ལ་ལྡན་པས་ན། བཅོམ་ལྡན་འདས་ཏེ། ཞེས་རྗེའི་འགྲེལ་པ་བཞི་སྦྲགས་ན་གསལ། བདུད་བཞི་བཅོམ་ཚུལ་ནི། ཁ་ཆེའི་པཎྜི་ཏ་ཆེན་པོ་ཛ་ཡ་ཨཱ་ནནྡས་མཛད་པའི་དབུ་མ་ལ་འཇུག་པའི་འགྲེལ་པའི་བཤད་པ་དོན་གསལ་བར་བྱེད་པ་ཞེས་བྱ་བ་སྡེ་དགེ་བསྟན་འགྱུར་༼ ར་པ ༽༤བ༢ལས། དེ་ལ་མི་གནས་པའི་མྱ་ངན་ལས་འདས་པས་ཕུང་པོའི་བདུད་དང་། འཆི་བདག་གི་བདུད་བཅོམ་མོ། །རྡོ་རྗེ་ལྟ་བུའི་ཏིང་ངེ་འཛིན་གྱིས་ཉོན་མོངས་པའི་བདུད་བཅོམ་མོ། །བྱམས་པའི་ཏིང་ངེ་འཛིན་གྱིས་ལྷའི་བུའི་བདུད་བཅོམ་མོ། །ཞེས་གསུངས་པ་ལྟར་རོ། །སྒྲ་བཤད་ནི། བདུད་བཞི་བཅོམ་ཞིང་ལེགས་པའི་ཡོན་ཏན་དྲུག་དང་ལྡན་པས་ན་བཅོམ་ལྡན་འདས་ཞེས་བྱའོ། །བྷ་ག་ཝཱན་ཞེས་པ་འཇིག་རྟེན་པའི་ལྷ་ལའང་འཇུག་པས། དེ་ལས་ཁྱད་པར་དུ་འབྱེད་པའི་ཕྱིར། སྐད་དོད་ལ་འདས་པ་མེད་ཀྱང་། བོད་ཀྱི་ལོ་ཙཱ་བ་རྣམས་ཀྱིས། འདས་ཞེས་བླ་ཐབས་སུ་བསྣན་ནས་བཅོམ་ལྡན་འདས་སུ་བསྒྱུར་ཏོ། །སྐལ་བའམ་ལེགས་པའི་ཡོན་ཏན་དྲུག་ནི། སམྦུ་ཊ་ལས། དབང་ཕྱུག་དང་ནི་གཟུགས་བཟང་དང་། །དཔལ་དང་གྲགས་དང་ཡེ་ཤེས་དང་། །བརྩོན་འགྲུས་ཕུན་སུམ་ཚོགས་པ་སྟེ། །དྲུག་པོ་རྣམས་ལ་སྐལ་ཞེས་བྱ། ། (གོང་གི་ཚིགས་བཅད་འདི་རྩ་རྒྱུད་ཀྱི་གཞུང་ཚིག་ཡིན་པར་མཁས་གྲུབ་ཆོས་རྗེའི་དུས་འཁོར་ཊཱིཀྐར་གསུངས། འོན་ཀྱང་རྐང་པ་བཞི་པ་དེ་ཅུང་ཟད་མི་འདྲ། རྗེའི་འགྲེལ་པ་བཞི་སྦྲགས་དང་། རྗེ་གུང་ཐང་པའི་བསྟན་འབར་མའི་ཊཱིཀྐར་སམྦུ་ཊའི་གཞུང་ཚིག་ཡིན་པར་བྱས་ཏེ་དྲངས་འདུག) གོང་གི་ཚིགས་བཅད་དེའི་ཚིག་འགྲེལ་ནི། (དབང་ཕྱུག) ནི། སྒྲིབ་པ་ཐམས་ཅད་སྤངས་པའི་ཕྱིར་རང་དབང་དང་ལྡན་པས་ན་དབང་ཕྱུག (གཟུགས་བཟང) ནི། སྐུ་མཚན་དཔེས་བརྒྱན་པས་ན་གཟུགས་བཟང་བ། (དཔལ) ནི། ཕུན་སུམ་ཚོགས་་པ་མང་པོ་དང་ལྡན་པའི་ཕྱིར་དཔལ། (གྲགས་པ) ནི། སྙན་པའི་གྲགས་པས་ཕྱོགས་ཀུན་ཏུ་གྲགས་པའི་ཕྱིར་གྲགས་པ། (ཡེ་ཤེས) ནི། ཤེས་བྱ་ཐམས་ཅད་ལ་ཆགས་ཐོགས་མེད་པའི་ཕྱིར་ཡེ་ཤེས་ཕུན་སུམ་ཚོགས་པ། (བརྩོན་འགྲུས) ནི། གཞན་གྱི་དོན་རྒྱུན་མི་འཆད་དུ་བྱེད་པའི་ཕྱིར་བརྩོན་འགྲུས་སོ། །སྒྲིབ་གཉིས་བག་ཆགས་དང་བཅས་པ་སྤངས་པའི་ཕྱིར་ཕུན་སུམ་ཚོགས་པ་ཞེས་བྱའོ། །བརྒྱད་སྟོང་པའི་འགྲེལ་པ་སྙིང་པོ་མཆོག་དང་། རྗེའི་འགྲེལ་པ་བཞི་སྦྲགས་ལ་གཞི་བྱས་ཏེ་བཀོད། ཡང་ན་རྗེའི་ལེགས་བཤད་གསེར་ཕྲེང་ལས། དེ་བཞིན་ཉིད་རྣམ་རྟོག་གི་བག་ཆགས་མ་ལུས་པས་བདེན་པས་དབང་ཕྱུག་དང་། མེ་ལོང་ལྟ་བུའི་ཡེ་ཤེས་ཀྱིས་གཟུགས་བཟང་བ། མཉམ་ཉིད་ཡེ་ཤེས་ཀྱིས་དཔལ་དང་གྲགས་དང་། སོ་སོར་རྟོག་པའི་ཡེ་ཤེས་དང་། བྱ་སྒྲུབ་ཡེ་ཤེས་ཀྱིས་བརྩོན་འགྲུས་ཏེ། ཞེས་ཀྱང་གསུངས་སོ། ། (ས་སྐྱ) འཇམ་མགོན་ས་པཎ་གྱི་སྡོམ་གསུམ་རབ་དབྱེ་དང་། དེའི་འགྲེལ་ཊཱིཀ་བྱམས་ཆེན་རབ་འབྱམས་པ་ཀུན་མཁྱེན་སངས་རྒྱས་འཕེལ་དང་། པཎ་ཆེན་གོ་བོ་རབ་འབྱམས་པ། ཀུན་མཁྱེན་ཤཱཀྱ་མཆོག་ལྡན་སོགས་ཀྱི་སྡོམ་གསུམ་གྱི་སྤྱི་དོན་དང་། དཔལ་བསམ་ཡས་པ་བཤེས་གཉེན་བསོད་ནམས་དཔལ་ལྡན་གྱིས་མཛད་པའི་འགྲེལ་ཊཱིཀ་སོགས་ལས་ཀྱང་གོང་བཞིན་དུ་གསུངས་ཡོད་འདུག་གོ། (བཀའ་བརྒྱུད) བཅོམ་ལྡན་འདས་ཞེས་ཅིའི་སླད་དུ་བརྗོད་ཅེ་ན། ཡང་དག་པར་རྫོགས་པའི་སངས་རྒྱས་འདི་ལ། བྷ་གའི་སྒྲ་སྐལ་བ་དང་བཅོམ་པ་གཉིས་ཀ་ལ་འཇུག་པའི་ཡོན་ཏན་མ་ཚང་བ་མེད་པ་མངའ་བས་བཅོམ་ལྡན་འདས་ཞེས་བརྗོད། བྷ་གའམ་སྐལ་བ་ནི་རྣམ་པ་དྲུག་ཏུ་བརྗོད་དེ། དཔལ་དང་གྲགས་དང་ཡེ་ཤེས་དང་། །དབང་ཕྱུག་དང་ནི་གཟུགས་བཟང་དང་། །བརྩོན་འགྲུས་ཕུན་སུམ་ཚོགས་ལྡན་པ། །དྲུག་ལྡན་བྷ་ག་ཝཱན་ཞེས་བྱ། །ཞེས་གསུངས་པའི་ཡོན་ཏན་ཀུན་དང་ལྡན་པ་ཉིད་དོ། །ཡང་ན་བྷ་ག་ཎ་ནི་བཅོམ་པ་སྟེ། ཉོན་མོངས་པ་དང་འཆི་བདག་དང་ལྷའི་བུ་དང་ཕུང་པོའི་བདུད་བཞི་པོ་འཇོམས་པའི་ཕྱིར་བཅོམ་ལྡན་འདས་ཞེས་བརྗོད་པར་བྱ་ཞིང་། འདས་ཞེས་པ་ལོ་ཙཱ་བས་བསྣན་པ་ཁོ་ན་མིན་ཏེ། སྲིད་པ་ལས་འདས་ཞེས་འབྱུང་བས་བྷ་ག་སྲིད་པ་དང་། ག་ཏ་འདས་པ་ཡིན་པས། འདིར་ག་ཡིག་གིས་འདས་པའི་སྒྲ་སྟོན་པ་འགོས་ལོ་ཆེན་པོ་བཞེད། ཡང་ཀོང་སྤྲུལ་ཡོན་ཏན་རྒྱ་མཚོའི་བརྟག་གཉིས་སྤྱི་དོན་ལས། འདས་ཞེས་པ་ནི་སྲིད་པའི་སྐྱོན་ལས་རིང་དུ་འདས་པའམ། སྲིད་ཞིའི་མཐའ་གཉིས་ལས་འདས་པ་སྟེ་འཇིག་རྟེན་པའི་ལེགས་ལྡན་སོགས་ལས་ཁྱད་པར་དུ་བྱ་བའི་ཕྱིར་བོད་ཀྱི་རྒྱལ་པོའི་བཀས་བཅད་པའི་ཚིག་གོ །ཞེས་གསུངས།ི་རྒྱལ་པོའི་བཀས་བཅད་པའི་ཚིག་གོ །ཞེས་གསུངས།)
• Dictionaries/sgom sde tshig mdzod chenmo/11824  + (སོར་སྡུད་དང་བསམ་གཏན་ཏེ་ལུས་དབེན་གྱི་དབྱེ་བ … སོར་སྡུད་དང་བསམ་གཏན་ཏེ་ལུས་དབེན་གྱི་དབྱེ་བའོ། །སོར་སྡུད་ནི་རྗེས་ཐོབ་ཏུ་འདོད་ཡོན་ལྔ་ལ་ལོངས་སྤྱོད་པ་ན་བདེ་སྟོང་གིས་རྒྱས་བཏབ་ནས་ལོངས་སྤྱོད་པའི་ལུས་དབེན་དང༌། བསམ་གཏན་ནི་འདོད་ཡོན་རྣམས་བདེ་སྟོང་གིས་རྒྱས་བཏབ་ནས་སྒོམ་པ་ཙམ་དུ་མ་ཟད་ཀྱི་དེ་དག་ལྷར་བསྒོམས་ནས་ལོངས་སྤྱོད་པའི་ལུས་དབེན་ནོ། །རྗེའི་རིམ་ལྔ་གསལ་སྒྲོན་ལ་གཞི་བྱས། མདོར་ན་དེ་གཉིས་ཀའང་འདོད་ཡོན་ལ་ལོངས་སྤྱོད་པ་ལམ་དུ་བྱེད་པ་འདྲ་ཡང༌། འདོད་ཡོན་ལྷར་སྒོམ་པ་དང་མི་སྒོམ་པའི་ཁྱད་པར་རོ། །གཞན་ཡང་རྗེའི་རིམ་ལྔ་གསལ་སྒྲོན་ལས། དང་པོར་སོར་སྡུད་ཀྱི་སྐབས་སུ་ཡུལ་དབང་སོགས་ཀྱི་ཆོས་རྣམས་བདེ་སྟོང་གི་རྣམ་འགྱུར་དུ་ལྟ་བ་ལ་བསླབས། དེ་བརྟན་པ་ན་བདེ་སྟོང་གི་རྣམ་འགྱུར་ལྷར་འཆར་བའི་བསམ་གཏན་ལ་བསླབ་བོ། །ཞེས་གསུངས་སོ། །ཆར་བའི་བསམ་གཏན་ལ་བསླབ་བོ། །ཞེས་གསུངས་སོ། །)
• Dictionaries/sgom sde tshig mdzod chenmo/12956  + (སོར་སྡུད། བསམ་གཏན། སྲོག་རྩོལ། འཛིན་པ། རྗེས … སོར་སྡུད། བསམ་གཏན། སྲོག་རྩོལ། འཛིན་པ། རྗེས་དྲན། ཏིང་ངེ་འཛིན་གྱི་ཡན་ལག་དང་དྲུག རྗེའི་གསང་འདུས་སྨོན་ལམ་ལས། སོ་སོར་སྡུད་དང་བསམ་གཏན་སྲོག་རྩོལ་དང༌། །འཛིན་པ་རྗེས་དྲན་ཏིང་འཛིན་ཡན་ལག་དྲུག །ཅེས་གསུངས་པ་ལྟར་རོ། །སྦྱོར་བ་ཡན་ལག་ཅེས་པ་དང༌། རྫོགས་རིམ་རིམ་པ་དྲུག་གམ། ལྔའམ། བཞིར་གསུངས་པ་རྣམས་དབྱེ་བསྡུ་ཙམ་ལས་དོན་ལ་ཁྱད་པར་མེད་དེ། སོར་བསམ་གཉིས་ལུས་དབེན། སྲོག་རྩོལ་ངག་དབེན། འཛིན་པ་དོན་གྱི་འོད་གསལ། རྗེས་དྲན་ཏིང་ངེ་འཛིན་གཉིས་ཟུང་འཇུག་གིས་བསྡུས་པའོ། །འདི་སྐོར་རྗེའི་རིམ་ལྔ་གསལ་སྒྲོན་སོགས་ན་ཤིན་ཏུ་རྒྱས་པ་ཡོད་པས་དེར་གཟིགས་པར་ཞུ། འཇམ་མགོན་ཀོང་སྤྲུལ་རིན་པོ་ཆེའི་ཤེས་བྱ་མཛོད་འགྲེལ་སྨད་ཆ་༢༣༢ནའང་དེའི་སྐོར་བཞུགས་པས་དེར་གཟིགས།སྨད་ཆ་༢༣༢ནའང་དེའི་སྐོར་བཞུགས་པས་དེར་གཟིགས།)
• Dictionaries/sgom sde tshig mdzod chenmo/10744  + (སྐད་རིགས་ཆེན་པོ་བཞིའི་ནང་གསེས་ཏེ། སཾ་སྐྲ་ཏ … སྐད་རིགས་ཆེན་པོ་བཞིའི་ནང་གསེས་ཏེ། སཾ་སྐྲ་ཏའི་སྐད་ཀྱི་མིང༌། སྒྲ་བཤད་ནི། འདི་སྐད་རིགས་གཞན་དག་ལྟར་འཇིག་རྟེན་ན་ངང་གིས་བྱུང་བའི་སྐད་རིགས་ཤིག་མ་ཡིན་པར་པཎྜི་ཏ་རྣམས་ཀྱིས་ཡུན་རིང་པོར་འབད་དེ་ཧ་ཅང་ཞིབ་ཚགས་ཀྱིས་ཆེད་དུ་གཉེར་ནས་ལེགས་པར་ཏེ་ཡང་དག་པར་སྦྱར་བའམ་བཟོས་པའི་སྐད་ཡིན་པས་དེ་སྐད་ཅེས་བྱའོ། །དེ་ཡང་རྒྱལ་ཁམས་རིག་པས་བསྐོར་བའི་གཏམ་རྒྱུད་གསེར་གྱི་ཐང་མ་ལེ་ཚན་༢༢ལས། རང་བཞིན་ངང་གིས་བྱུང་བའི་སྐད་ཅིག་ཡིན་ན་བྱིས་པ་ཚུན་ཆད་ཀྱིས་བདེ་བླག་ཏུ་སྨྲ་ནུས་པ་ཞིག་དགོས་རྒྱུ་ལ་འདིར་ཏསྱ་ཕོ་ཡིག་དང་ཏསྱཿམོ་ལས་བྱ་བར་འགྱུར་བས་འདྲ་འགྲིག་དེ་འདྲ་ལོ་དགུ་ལ་སྦྱངས་ནས་སྨྲ་ནུས་མོད། བྱིས་པ་ལ་ཨ་མས་སློབ་ནུས་པའི་སྐད་དུ་ཡེ་མི་འདུག རྒྱ་གར་པ་རྣམས་སྔོན་ཨརྱརྞ་གྱི་རིགས་གཙང་མར་ཡོད་ཚེ་ཡུལ་གང་པོའི་སྐད་ལེགས་སྦྱར་ཡིན་པ་བསྒོམ་མོད། ཚིག་ཕལ་ཆེར་ཞིག་གནའི་སྐད་ཡིན་དུ་ཆུག་ཀྱང༌། རྣམ་དབྱེ་རྐྱེན་དང་བཅས་པ་འདི་ལྟ་བུ་ཕལ་སྐད་དུ་བྱས་པའི་དུས་ནི་ངེས་པར་ཡོང་མི་སྲིད། དེས་ན་ལེགས་སྦྱར་ནི་ལེགས་སྦྱར་རང་ཡིན་པས། ཆེད་དུ་བཅོས་ཞིང་ལེགས་པར་སྦྱར་བའི་སྐད་ཡིན་ཞིང༌། ཞེས་སོགས་མང་དུ་གསུངས་སོ། །རྒྱས་པར་དེ་ཉིད་དུ་བལྟ་བར་བྱའོ། །སུངས་སོ། །རྒྱས་པར་དེ་ཉིད་དུ་བལྟ་བར་བྱའོ། །)
• Dictionaries/sgom sde tshig mdzod chenmo/8865  + (སྐུ་བཞིའི་ཡ་གྱལ་ཞིག་སྟེ། ཇི་ལྟ་བ་དང་ཇི་སྙེད་པ་ལ་ལྟོས་ཏེ་གཟིགས་པ་མཐར་ཐུག་པའི་མཁྱེན་པ་དེ། ཡེ་ཤེས་ཆོས་སྐུའི་མཚན་ཉིད། དེ་ལ་དབྱེ་ན། སངས་རྒྱས་ཀྱི་སའི་ཟག་མེད་ཡེ་ཤེས་སྡེ་ཚན་ཉེར་གཅིག་ཡོད། ས་མཚམས་སངས་རྒྱས་ཀྱི་ས་ཁོ་ནར་ཡོད།)
• Dictionaries/sgom sde tshig mdzod chenmo/12067  + (སྐྱེས་བུ་ཆེན་པོའི་སྲུང་མ་མྱུར་མཛད་ཡེ་ཤེས་ཀ … སྐྱེས་བུ་ཆེན་པོའི་སྲུང་མ་མྱུར་མཛད་ཡེ་ཤེས་ཀྱི་མགོན་པོ། སྐྱེས་བུ་འབྲིང་གི་སྲུང་མ་རྣམ་སྲས། སྐྱེས་བུ་ཆུང་ངུའི་སྲུང་མ་ལས་གཤིན་དང་གསུམ་མོ། །དེ་གསུམ་སྐྱེས་བུ་གསུམ་གྱི་སྲུང་མར་འཇོག་པའི་རྒྱུ་མཚན་ནི། མྱུར་མཛད་ཡེ་ཤེས་ཀྱི་མགོན་པོ་རྒྱལ་ཀུན་སྙིང་རྗེའི་རང་གཟུགས་འཕགས་མཆོག་སྤྱན་རས་གཟིགས་དངོས་ཡིན་པས་དེ་ཉིད་ཆོས་སྐྱོང་དུ་བསྟེན་ན་སྐྱེས་བུ་ཆེན་པོའི་སྐབས་བྱམས་སྙིང་རྗེ་མྱུར་དུ་སྐྱེ་བ་ལ་གནད་ཆེ་བ་དང་། འབྲིང་གི་སྐབས་བསླབ་པ་གསུམ་དང་། ལྷག་པར་ཚུལ་ཁྲིམས་ཀྱི་བསླབ་པ་གཙོ་བོར་ཉམས་སུ་ལེན་དགོས་ཤིང་། རྒྱལ་ཆེན་རྣམ་ཐོས་སྲས་ཀྱིས་སྔོན་སྟོན་པའི་སྤྱན་སྔར་འདུལ་བ་དང་དེའི་བརྗོད་བྱ་ཚུལ་ཁྲིམས་ཀྱི་བསླབ་པ་སྲུང་བར་ཞལ་གྱིས་བཞེས་པས་དེ་ཉིད་བསྟེན་ན་དེ་ལྟ་བུའི་ལམ་རྒྱུད་ལ་སྐྱེ་བའི་གནད་ཆེ། ཆོས་རྒྱལ་གཤིན་རྗེ་ནི་སྐྱེས་འགྲོ་ཀུན་ལ་མི་རྟག་པ་སྟོན་ཅིང་དགེ་སྡིག་གི་སྟངས་འཛིན་ལས་འབྲས་ཀྱི་རྣམ་དབྱེ་སྟོན་པ་པོ་ཡིན་པས་དེ་ཉིད་ཆོས་སྐྱོང་དུ་བསྟེན་ན་འཆི་བ་མི་རྟག་པ་དང་ལས་འབྲས་སོགས་སྐྱེས་བུ་ཆུང་ངུའི་རྟོགས་པ་རང་རྒྱུད་ལ་སྐྱེ་སླ་བའི་དགོས་པ་ཡོད་པས། སྐྱེས་བུ་གསུམ་གྱི་སྲུང་མ་ཞེས་བརྗོད་དོ། །རྗེ་ཙོང་ཁ་པ་ཆེན་པོའི་གསུང་ཐོར་བུ་༢༠༧ན༡ལས། སྒྲུབ་པི་ཆོས་སྐྱོང་ལ་མདོ་རྒྱུད་གཞན་ནས་གསུངས་པའི་བཀའ་སྡོད་ཁྱད་པར་ཅན་ཤིན་ཏུ་མང་ཞིང་འགངས་ཆེ་མོད། དེ་ལྟ་ནའང་གོང་དུ་བཤད་པ་མྱུར་བའི་དབང་དུ་བྱས་པའི་སྐྱེས་བུ་གསུམ་གྱི་ལམ་གྱི་རིམ་པ་དང་མཐུན་པ་ཞིག་ངེས་པར་དགོས་པ་ཡིན་ལ། དེ་ལ་སྐྱེས་བུ་སྐྱེས་བུ་ཆུང་ངུའི་བསམ་པ་ནི་འཇིག་རྟེན་འདིར་ཡུན་རིང་དུ་མི་གནས་པ་དང་། འཆི་བ་མི་རྟག་པ། ལས་འབྲས། འཁོར་བའི་ཉེས་དམིགས་བསམ་ཞིང་། དེ་ལས་བསྐྱབ་པའི་སྐྱབས་འགྲོ་བསླབ་བྱ་དང་བཅས་པ་བསམ་ཞིང་རྒྱུད་ལ་སྐྱེ་དགོས་པས། འདི་རྒྱུད་ལ་བསྐྱེད་པ་ལ་གཤིན་རྗེ་ཆོས་ཀྱི་རྒྱལ་པོ་བསྟེན་དགོས་ཏེ། འདི་ནི་འཆི་བདག་གམ། དགེ་སྡིག་གི་དཔང་པོའམ། སྡིག་པ་ཅན་གྱི་ཆད་ལས་མཁན་ནམ། དགེ་བ་ཅན་གྱི་སྟངས་འཛིན་པའམ། ལས་རྒྱུ་འབྲས་གསལ་བྱེད་ཀྱི་མེ་ལོང་། ལེགས་ཉེས་ཚུལ་བཞིན་དུ་སྤྱོད་པའམ་ཆོས་བཞིན་དུ་སྤྱོད་པས་ཆོས་རྒྱལ་ཞེས་བྱ་ཞིང་། ལས་དཀར་ནག་གི་རྗེས་སུ་འཇུག་པས་ན། ལས་ཀྱི་གཤིན་རྗེ་ཞེས་བྱའོ། །དེས་ན་སྐྱེས་བུ་ཆུང་ངུའི་ཆོས་སྐོར་འདི་རྣམས་ལམ་གསུམ་གའི་རྩ་ཡིན་པས། འདི་རྒྱུད་ལ་བསྐྱེད་པའི་ཕྱིར་དུ་ལས་གཤིན་བསྟེན་པར་བྱའོ། །སྐྱེས་བུ་འབྲིང་གི་བསམ་པ་ནི། འཇིག་རྟེན་ཕྱི་མ་བདེ་བའི་ཐབས་སུ་མ་ཟད། འཁོར་བ་མཐའ་དག་མེ་འོབས་ལྟ་བུར་མཐོང་ནས། དེ་འབྲལ་འོདད་ཀྱི་ཐར་པ་དོན་གཉེར་གྱི་བློ་ངེས་འབྱུང་གི་བསམ་པ་ཅན་ཡིན་ལ། འཁོར་བ་མཐའ་དག་ལ་སྙིང་པོ་མེད་པར་མཐོང་ནས། དེ་ལ་ཡིད་སྐྱོ་ཞིང་ངེས་པར་འབྱུང་བའི་བསམ་པ་ནི་ཚུལ་ཁྲིམས་བསླབ་པའི་གཙོ་བོ་ཡིན་ཞིང་། འདི་གཉིས་དོན་གཅིག་པས་སོ། །དེས་ན་རྒྱལ་པོ་ཆེན་པོ་རྣམ་ཐོས་སྲས་བསྟེན་དགོས་ཏེ། འདི་སྡེ་སྣོད་གསུམ་གྱི་ནང་ནས་འདུལ་བའི་སྡེ་སྣོད་ཀྱི་སྲུང་མའམ། བསླབ་པ་གསུམ་གྱི་ནང་ནས་ཚུལ་ཁྲིམས་ཀྱི་བསླབ་པ་བསྲུང་བའོ། །སྐྱེས་བུ་ཆེན་པོའི་བསམ་པ་ནི། རང་ཉིད་འཁོར་བ་ལས་ཐར་པ་ཙམ་གྱིས་མི་ཆོག་པར། མར་གྱུར་སེམས་ཅན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་ཐར་པའི་བྱང་ཆུབ་ཀྱི་སེམས་སྐྱེས་པ་ཡིན་ལ། དེ་རྒྱུད་ལ་སྐྱེ་བའི་ཕྱིར་དུ་འཕགས་པ་སྤྱན་རས་གཟིགས་ཀྱི་རྣམ་པར་སྤྲུལ་པ་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་བསྟེན་པར་བྱའོ། །ཞེས་གསུངས་སོ། །ལོ་རྒྱུས་ཀྱི་བཤད་སྲོལ་ལ། རྒྱུད་སྟོད་པས་ཆོས་སྐྱོང་མགོན་པོ་བསྟེན་པས་དགེ་འདུན་པ་རྣམས་ཐུགས་རྒྱུད་འཇམ་པོ་འོང་ཞེས་བགྲེས་པ་དག་གི་ཞལ་ལས་ཐོས་ཤིང་། ངེད་རང་ཕྱི་ལོ་༡༩༩༣ལོར་རྒྱུད་སྟོད་དུ་ཆོས་གྲྭ་འགྲིམ་སྐབས་ཡང་དངོས་སུ་ཉམས་མྱོང་བྱུང་ཞིང་། རྒྱུད་སྟོད་པའི་བསྐྱེད་རིམ་པ་དང་དགེ་བཤེས་རྣམས་ཧ་ཅང་ཐུགས་ནང་ཧ་ཅང་མཐུན་པོ་ཡོད་པའང་དེ་འདྲ་ཞིག་གི་འཕྲུལ་ཡིན་པར་སྣང་ངོ་། །་པའང་དེ་འདྲ་ཞིག་གི་འཕྲུལ་ཡིན་པར་སྣང་ངོ་། །)
• Dictionaries/sgom sde tshig mdzod chenmo/7841  + (སྐྱེས་རབས་ཀྱི་ཞེ་ས་སྟེ། སྔོན་སྐྱེ་བ་ཇི་ལྟར … སྐྱེས་རབས་ཀྱི་ཞེ་ས་སྟེ། སྔོན་སྐྱེ་བ་ཇི་ལྟར་བླངས་པའི་ལོ་རྒྱུས། འདི་ལ་ཞོར་འཕྲོས་ཀྱི་རྨོངས་འཆར་འདི་འདྲ་ཞིག་ཡོད་དེ། ས་དགེ་བཀའ་རྙིང་གི་སྐྱེས་ཆེན་དམ་པའི་འཁྲུངས་རབ་ཇི་འདྲ་ཞིག་ལ་བལྟས་ཀྱང་། སྟོན་པ་ཤཱཀྱ་ཐུབ་པ། མགོན་པོ་ཀླུ་སྒྲུབ། དཔལ་ལྡན་ཟླ་བ་གྲགས་པ་སོགས་ཀྱི་སྐུ་སྐྱེར་གྱུར་པ་ཤ་སྟག་ཏུ་སྣང་བས། བླ་མ་ཐམས་ཅད་དེ་དང་དེའི་སྤྲུལ་པར་ཁས་འཆེས་ན་བོད་ཀྱི་བླ་མ་ཐམས་ཅད་ཐུགས་རྒྱུད་གཅིག་པ་ཤ་སྟག་ཏུ་སྨྲ་དགོས་ལ། ཡང་ན་དེ་དག་སྒྲོ་བཏགས་ཡིན་ཞེས་སྨྲ་བ་ལས་འོས་མ་མཆིས་སོ་ཞེ་ན། འདི་ལ་ལན་འདི་ལྟར་གདབ་པར་བྱ་སྟེ། རྣལ་འབྱོར་པའི་ཉམས་ལ་ཅི་ཡང་འཆར་བས་དེའི་ཚུལ་དང་བསྟུན་ནས་བྲིས་པར་སེམས་ཏེ། རྣལ་འབྱོར་པ་རང་ཉིད་ལ་རང་ཉིད་རི་དང་ལྗོན་ཤིང་སོགས་སུ་སྣང་བ་དང་། སྔོན་གྱི་བླ་མ་དེ་དང་དེར་དྲན་པ་ནི་མང་དུ་འབྱུང་བས་རྣལ་འབྱོར་པའི་ཉམས་སྣང་དང་མཐུན་པར་བྲིས་པ་ཡིན་གྱི་གཞི་གཏན་ནས་མེད་པའི་རྫུན་གཏམ་ཡང་མ་ཡིན་ནོ། །དཔའ་བོ་གཙུག་ལག་ཕྲེང་རང་རྣམ་རང་གི་རྟོགས་པ་བརྗོད་པ་འཁྲུལ་བའི་བཞིན་རས་འཆར་བའི་མེ་ལོང་ལས། སྔོན་ཚེ་རྣལ་འབྱོར་དབང་ཕྱུག་དཔའ་བོ་ཡིས། །སྔོན་གནས་དུ་མ་དྲན་པར་ཞལ་འཆེས་ཤིང་། །ཡིད་རྟོན་གཏན་ཚིགས་བཅས་པ་འགའ་སྣང་མོད། །ཨ་འཐས་འཛིན་རྟོག་རགས་པ་ཞི་གྱུར་ནས། །ཏིང་འཛིན་ཤེས་པ་ལས་རུང་གྱུར་པ་དང་། །རྡོ་རྗེ་ཐེག་པའི་མྱོང་བ་འདྲེས་པའི་ཚེ། །བླ་མ་ཡི་དམ་རྒྱལ་དང་རྒྱལ་སྲས་དང་། །དུས་གསུམ་རིགས་དྲུག་ལ་སོགས་རྣམ་མང་པོ། །དབྱེར་མེད་བདག་ཉིད་ཡིན་པར་མཐོང་བ་དང་། །བདག་ཉིད་དེ་དག་ཡིན་པར་མཐོང་བའང་འཆར། །རང་ཉིད་རི་དང་ལྗོན་ཤིང་དུ་མཐོང་དང་། །རི་ལྗོན་བདག་ཉིད་ཡིན་པར་མཐོང་བའང་ཡོད། །མཆོག་གི་དངོས་གྲུབ་མཐར་ཕྱིན་མི་ལ་ཡིས། །རྣལ་འབྱོར་ཉམས་ལ་ཅི་ཡང་འཆར་ཞེས་གསུངས། །དེ་ཚེ་དེ་དེའི་སྐྱེ་བར་ཁས་ལེན་པའི། །རྣལ་འབྱོར་པ་འདི་ཤིན་ཏུ་མང་ན་ཡང་། །གཅིག་ཏུ་ཡིད་བརྟན་རུང་བར་མ་མཐོང་ངོ་། །སློབ་མས་བླ་མའི་རྣལ་འབྱོར་རབ་གོམས་ཤིང་། །ཅུང་ཟད་སྤང་རྟོགས་མཐོ་བར་གྱུར་པ་ན། །བླ་མ་དེ་ཡི་བྱིན་གྱིས་བརླབས་པའི་ཕྱིར། །དེ་ཡི་སྤྲུལ་པའམ་སྐྱེ་བར་གྲགས་པ་ཡོད། །ཞེས་སོགས་དབྱེ་ཞིབ་གསལ་བར་ཕྱེད་ནས་གསུངས་འདུག་གོ། ༸རྒྱལ་དབང་བསྟན་འཛིན་རྒྱ་མཚོས། བླ་མ་སྐྱེས་ཆེན་དམ་པ་ཐམས་ཅད་སངས་རྒྱས་བྱང་སེམས་ཀྱི་སྤྲུལ་པ་ཤ་སྟག་ཡིན་ཟེར་ན་སྐབས་རེར་སེམས་ཤུགས་ཆག་གྲབས་བྱེད་ཀྱི་འདུག་ཅེས་གསུངས་པའང་ཐུགས་མད་པར་སྣང་སྟེ། ང་ཚོ་སོ་སྐྱེ་ཐ་མལ་པ་རྣམས་སྐྱེས་བུ་དམ་པར་འགྱུར་དུ་མེད་པ་ལྟ་བུས་སེམས་ཤུགས་ཆག་པའི་རྒྱུ་རུའང་སྣང་ཞིང་། དེ་བས་རྗེ་བཙུན་མི་ལ་ལྟ་བུ་མི་ཐ་མལ་པ་ཞིག་ཚེ་འདི་ཉིད་ལ་དཀའ་སྤྱད་སྙིང་རུས་ཀྱིས་ལམ་ནས་སངས་རྒྱས་སུ་གྱུར་པ་ཡིན་ཞེས་སྨྲས་ན་སྤྲོ་བ་འཕེལ་བའི་རྒྱུ་རུ་འགྱུར་རོ། །འཁྲུངས་རབས་དང་སྐུ་ཕྲེང་གི་ཁྱད་པར་ནི། བླ་མ་དེ་དང་དེའི་འཁྲུངས་རབས་ཀྱི་གྲལ་དུ་སངས་རྒྱས་བྱང་སེམས་ཡང་མང་པོ་ཞིག་ཡོད་ལ། སྐུ་ཕྲེང་ནི་བླ་མ་དེ་ངོས་འཛིན་བྱས་པའི་འགོ་བརྩམས་པ་ནས་བཟུང་སྟེ་སྐུ་ཕྲེང་ཞེས་བརྩི་བ་རེད། དཔེར་ན་བླ་མ་མང་པོའི་འཁྲུངས་རབས་ནང་རྒྱལ་བ་ཤཱཀྱ་ཐུབ་པའང་ཡོད་ཅིང་། འོན་ཀྱང་དེའི་སྐུ་ཕྲེང་གི་གྲལ་དུ་མི་འཇོག་པ་ལྟ་བུའོ། །འི་སྐུ་ཕྲེང་གི་གྲལ་དུ་མི་འཇོག་པ་ལྟ་བུའོ། །)
• Dictionaries/sgom sde tshig mdzod chenmo/3821  + (སྔགས་བླ་མེད་ནས་བཤད་པའི་རྡོ་རྗེ་སློབ་དཔོན་ག … སྔགས་བླ་མེད་ནས་བཤད་པའི་རྡོ་རྗེ་སློབ་དཔོན་གྱི་ཡོན་ཏན་ཞིག་སྟེ། ཤེས་བྱའི་གནས་ཉི་ཤུ་ལ་མཁས་པ་ནི། (འདིའི་དེ་ཉིད་ཅེས་པ་ཤེས་བྱའམ་ཤེས་བྱའི་གནས་ཞེས་པའི་དོན་ཡིན། བཅུ་ཟུང་ནི། བཅུ་ཕྲག་གཉིས་ཏེ་ཉི་ཤུའོ) རྣལ་འབྱོར་བླ་མེད་ཀྱི་རྒྱུད་རྡོ་རྗེ་སྙིང་པོ་རྒྱན་གྱི་ལེའུ་ཐ་མ་ལས། ཕྱིར་ཟློག་གཉིས་ཀྱི་ཆོ་ག་དང་། །གསང་དང་ཤེས་རབ་ཡེ་ཤེས་དང་། །ཁ་སྦྱོར་འབྱེད་པའི་ཆོ་ག་དང་། །གཏོར་མ་རྡོ་རྗེའི་བཟླས་པ་དང་། །དྲག་ཤུལ་སྒྲུབ་པའི་ཆོ་ག་དང་། །རབ་ཏུ་གནས་དང་དཀྱིལ་འཁོར་སྒྲུབ། །གསང་བའི་དེ་ཉིད་བཅུ་ཡིན་ནོ། །དཀྱིལ་འཁོར་ཏིང་འཛིན་ཕྱག་རྒྱ་དང་། །སྟངས་སྟབས་འདུག་སྟངས་བཟླས་བརྗོད་དང་། །སྦྱིན་སྲེག་མཆོད་པ་ལས་སྦྱོར་དང་། །སླར་སྡུད་པ་ཡི་རྣམ་པ་ནི། །ཕྱི་ཡི་དེ་ཉིད་བཅུ་ཡིན་ནོ། །ཞེས་གསུངས་པ་ལྟར། (དང་པོ་ནང་གི་དེ་ཉིད་བཅུ་ནི) (ཕྱིར་ཟློག་གཉིས་ཀྱི་ཆོ་ག་དང་། །ཕྱིར་ཟློག་པ་གཉིས་ནི་ཕ་རོལ་གྱི་མཐུ་གཏད་སོགས་ཁྲོ་བོ་བཅུ་ལྟ་བུ་ལ་བསྒོམས་ནས་ཕྱིར་ཟློག་པ་དང་། བྲིས་པའི་སྲུང་འཁོར་འདོགས་པ་སོགས་བྱས་པས་ཕྱིར་ཟློག་པ་ལ་མཁས་པ) གསང་དང་ཤེས་རབ་ཡེ་ཤེས་ (གསང་དབང་དང་ཤེས་རབ་ཡེ་ཤེས་ཀྱི་དབང་སོགས་དབང་བཞི་བསྐུར་བ་ལ་མཁས་པ) དང་། ཁ་སྦྱོར་འབྱེད་པའི་ཆོ་ག་ (མངོན་སྤྱོད་ཀྱི་ལིངྒ་དགྲ་བོའི་རྣམ་ཤེས་དགུག་པ་ཁ་སྦྱོར་དང་། འདས་མ་འདས་ཀྱི་ལྷ་དང་སྲུང་འཁོར་སོགས་ཀྱི་ནུས་པ་རྫས་སྔགས་ཏིང་འཛིན་གསུམ་གྱིས་ཉམས་པར་བྱེད་པ་ནི་དབྱེ་བ་སྟེ་དེ་ལ་མཁས་པའོ) དང་། གཏོར་མ་ (གཏོར་མའི་རྒྱུ་དང་། དབྱིབས་དང་། འབུལ་ཚུལ་སོགས་ལ་མཁས་པའོ) རྡོ་རྗེ་བཟླས་པ་ (བསྐྱེད་རིམ་གྱི་ཚེ་ལྕེ་དང་མཆུ་མི་འགུལ་བར་སྔགས་བཟླ་བ་དང་། རྫོགས་རིམ་གྱི་ཚེ་རླུང་ངག་དབྱེར་མེད་ཀྱི་འཇུག་གནས་ལྡང་གསུམ་སོགས་ལ་མཁས་པའོ) དང་། དྲག་ཤུལ་སྒྲུབ་པའི་ཆོ་ག་ (དབང་ཐོབ་ཅིང་དམ་ཚིག་དང་སྡོམ་པ་དང་ལྡན་པས་སྒྲུབ་ཐབས་ནས་འབྱུང་བ་བཞིན་ཟླ་བ་བཅོ་བརྒྱད་ལ་སོགས་པར་བསྒྲུབས་ཀྱང་མ་གྲུབ་ན་ལྷ་ལ་དྲག་པོའི་སྦྱོར་བས་ཕུར་བུས་འདེབས་པ་ལ་མཁས་པ) དང་། རབ་ཏུ་གནས་ (དཀྱིལ་འཁོར་བཞེངས་ནས་ལྷ་བཅུག་སྟེ་དབང་བསྐུར་བ་སོགས་ལ་མཁས་པའོ) དང་དཀྱིལ་འཁོར་ (མདུན་བསྐྱེད་ཀྱི་དཀྱིལ་འཁོར་བསྒྲུབས་པ་དང་། དེ་ལ་མཆོད་ཅིང་བསྟོད་པ་དང་དེར་ཞུགས་ནས་དབང་ལེན་པ་ལ་མཁས་པའོ) སྒྲུབ། །གསང་བའི་ (ནང་གི) དེ་ཉིད་བཅུ་ཡིན་ནོ། ། (ཕྱིའི་དེ་ཉིད་བཅུ་ནི) དཀྱིལ་འཁོར་ (གཟུགས་ཅན་དང་གཟུགས་ཅན་མ་ཡིན་པའི་དཀྱིལ་འཁོར་རོ། །གཟུགས་ཅན་མ་ཡིན་པའི་དཀྱིལ་འཁོར་ནི་ཟབ་གསལ་གཉིས་སུ་མེད་པའི་རྣལ་འབྱོར་རོ། །གཟུགས་ཅན་གྱི་དཀྱིལ་འཁོར་ནི་དེ་ཉིད་གྲུ་བཞི་སྒོ་བཞི་སོགས་སུ་ཤར་ནས་བསྒོམ་པ་ལ་མཁས་པའོ) ཏིང་འཛིན་ (ལྷའི་རྣལ་འབྱོར་ཏེ་དང་པོ་སྦྱོར་བ་སོགས་ལྷ་བསྒོམ་པ་ལ་མཁས་པའོ) ཕྱག་རྒྱ་ (ཕྱག་རྒྱ་བཞིའི་རྒྱས་འདེབས་པ་ལ་མཁས་པའོ) དང་། །སྟངས་སྟབས་ (ས་གར་དང་མཆོད་གར་སོགས་ཀྱི་གར་སྟབས་ལ་མཁས་པའོ) འདུག་སྟངས་ (རྡོ་རྗེ་སྐྱིལ་ཀྲུང་། སེམས་དཔའི་སྐྱིལ་ཀྲུང་། པདྨའི་སྐྱིལ་ཀྲུང་། བཟང་པོའི་འདུག་སྟངས་སོགས་ལ་མཁས་པའོ) བཟླས་བརྗོད་ (ཁྲོ་བོ་དང་། ཁྲོས་པ་དང་། གོང་བུ་དང་། ཁྱོགས་ཀྱི་དང་། དམ་ཚིག་གི་བཟླས་པ་སོགས་འབུལ་བ་ལ་མཁས་པའོ) དང་། །སྦྱིན་སྲེག་ (ཞི་རྒྱས་དབང་དྲག་བཞི་དང་ཕྱི་ནང་གི་སྦྱིན་སྲེག་ལ་མཁས་པའོ) མཆོད་པ་ (ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་སོགས་ལ་མཁས་པའོ) ལས་སྦྱོར་ (ཞི་རྒྱས་སོགས་ཀྱི་ལས་རབ་འབྱམས་སྒྲུབ་པ་ལ་མཁས་པའོ) དང་། །སླར་སྡུད་པ་ཡི་རྣམ་པ་ནི། ། (མཆོད་བསྟོད་སོགས་སྔོན་དུ་འགྲོ་བས་གཤེགས་སུ་གསོལ་བ་སྟེ། བསྡུ་ཆོག་ལ་མཁས་པ་སྟེ) ཕྱི་ཡི་དེ་ཉིད་བཅུ་ཡིན་ནོ། །རྗེ་ཙོང་ཁ་པ་ཆེན་པོ་དང་། ཡོངས་འཛིན་ཡེ་ཤེས་རྒྱལ་མཚན། དངུལ་ཆུ་དྷརྨ་བྷ་དྲ་བཅས་ཀྱི་གསུང་ལ་གཞིར་བྱས་ཏེ་བཀོད།ྷརྨ་བྷ་དྲ་བཅས་ཀྱི་གསུང་ལ་གཞིར་བྱས་ཏེ་བཀོད།)
• Dictionaries/sgom sde tshig mdzod chenmo/12357  + (སྔོན་འཇུག་ལྔ་པོ་རྣམས་ཕོ་དང་མ་ནིང་སོགས་སུ་ཇ … སྔོན་འཇུག་ལྔ་པོ་རྣམས་ཕོ་དང་མ་ནིང་སོགས་སུ་ཇི་ལྟར་འཇོག་ཅེ་ན། དཀའ་གནད་གསལ་བའི་མེ་ལོང་ལས། སྔོན་འཇུག་ལྔ་ཡི་བ་ཡིག་ཕོ། །ག་ད་མ་ནིང་འ་མོ་ཡིག །མ་ནི་ཤིན་ཏུ་མོ་ཡིན་ནོ། །ཞེས་གསུངས་པ་ལྟར་རོ། །དེ་དག་ཕོ་དང་མ་ནིང་མོ་སོགས་སུ་བཞག་པའི་རྒྱུ་མཚན་གང་ཡིན་ཞེ་ན། སི་ཏུ་འགྲེལ་ཆེན་ལས། རྟགས་དེ་ལྟར་དབྱེ་བའི་རྒྱུ་མཚན་ནི་མིང་གཞི་ལྟར་སྔོན་འཇུག་གི་ཡི་གེ་རང་རང་ཀློག་པའི་སྒྲ་གྲིམས་ལྷོད་སོགས་ལས་མ་ཡིན་ཏེ་འཆད་འགྱུར་ལྟར་དེ་དག་འཇུག་ཡུལ་གྱི་མིང་གཞིའི་ཡི་གེ་དང་སྦྱར་ནས་ཀློག་པའི་ཚེ་སྒྲ་གདངས་ཤུགས་ཆེ་ཆུང་དུ་འགྱུར་བའི་ཆ་ནས་བཞག་པའོ། །ཞེས་དང་། ཡང་མཇུག་ཙམ་དུ། འགྲེལ་བྱེད་ཕལ་མོ་ཆེས་སྐབས་འདིའི་འཇུག་ཚུལ་དྲག་ཞན་སོགས་སྒྲ་གདངས་ཁོ་ནའི་སྒོ་ནས་བཞག་པར་འདོད་ཀྱང་ལེགས་པ་མ་ཡིན་ཏེ། ཕོ་དང་མ་ནིང་གི་འཇུག་ཚུལ་ལ་སྒྲ་དྲག་ཞན་གྱི་དབྱེ་བ་ཆེར་མེད་ཀྱང་གཙོ་བོར་བྱེད་རྩོལ་ཆེ་ཆུང་གི་སྒོ་སྣ་འབྱེད་དགོས་ཤིང་། གཞན་རྣམས་ལའང་སྒྲ་གདངས་དྲག་ཞན་དུ་མ་ཟད་བྱེད་རྩོལ་ཆེ་ཆུང་གི་ཁྱད་པ་རེའང་ཞིབ་མོའི་བློས་དཔྱད་ན་མངོན་སུམ་གྱིས་གྲུབ་པའི་ཕྱིར་རོ། །ཞེས་གསུངས་སོ། །ུམ་གྱིས་གྲུབ་པའི་ཕྱིར་རོ། །ཞེས་གསུངས་སོ། །)
• Dictionaries/sgom sde tshig mdzod chenmo/12468  + (སྟོང་ཉིད་ལ་གཉིས་སུ་དབྱེ་བ་ཞེས་པའི་ཐད་དུ་གཟིགས།)
• Dictionaries/sgom sde tshig mdzod chenmo/9190  + (སྤྱི་དང་བྱེ་བྲག་གམ། ཁྱད་གཞི་དང་ཁྱད་ཆོས་ལ་ག … སྤྱི་དང་བྱེ་བྲག་གམ། ཁྱད་གཞི་དང་ཁྱད་ཆོས་ལ་གོ དབྱངས་ཅན་དགྱེས་གླུའི་མཆན་འགྲེལ་༡༣༦ལས། རིགས་པའི་གཞུང་ལུགས་དང་སྙན་ངག་པ་རང་ལ་གྲགས་པའི་རིགས་དང་རྫས་གཉིས་སུ་བྱས་ཏེ། རིགས་ཅན་མང་པོ་ལ་ཁྱབ་པའི་སྤྱི་ལ་རིགས་དང༌། ནང་གསེས་དབྱེ་བ་མང་པོ་ལ་ཁྱབ་རྒྱུ་མེད་པའི་བྱེ་བྲག་ཅིག་ལ་རྫས། ཞེས་གསུངས་པ་ལྟར་རོ། །དཔེར་ན་སྙན་ངག་གི་སྐབས་སུ། རིགས་དང་རྫས་རང་བཞིན་བརྗོད་པ་ཞེས་འབྱུང་བ་ལྟར་རོ། །་རྫས་རང་བཞིན་བརྗོད་པ་ཞེས་འབྱུང་བ་ལྟར་རོ། །)
• Dictionaries/sgom sde tshig mdzod chenmo/5007  + (སྤྱིར་བཏང་སྙོམས་ཞེས་པ་བར་མའི་དོན་ཡིན། བཏང་ … སྤྱིར་བཏང་སྙོམས་ཞེས་པ་བར་མའི་དོན་ཡིན། བཏང་སྙོམས་ལ་དབྱེ་ན། ཚད་མེད་བཏང་སྙོམས། ཚོར་བ་བཏང་སྙོམས། འདུ་བྱེད་བཏང་སྙོམས། (བཏང་སྙོམས་ལ། འདུ་བྱེད་བཏང་སྙོམས། ཚོར་བ་བཏང་སྙོམས། ཚད་མེད་བཏང་སྙོམས་གསུམ་ཡོད་པར། རྗེའི་ལམ་རིམ་ཆེན་མོར་གསུངས) ཡལ་བར་འདོར་བའི་བཏང་སྙོམས། ཁ་ཡ་མི་བྱེད་པའི་བཏང་སྙོམས་བཅས་ཡོད་པ་ལས། 1 ཚད་མེད་བཏང་སྙོམས་ལ་གཉིས་ཏེ། རང་ཉིད་སེམས་ཅན་རྣམས་ལ་ཉེ་རིང་ཆགས་སྡང་དང་བྲལ་ནས་སེམས་སྙོམས་པ་བསྒྲུབ་པའི་ཚད་མེད་བཏང་སྙོམས་དང་། ཡང་། ཡུལ་སེམས་ཅན་རྣམས་ནང་ཕན་ཚུན་ཉེ་རིང་ཆགས་སྡང་མེད་པར་བསྒྲུབ་པའི་ཚད་མེད་བཏང་སྙོམས་གཉིས་ཡོད་པ་ལས། སྔ་མ་དེ་གལ་ཆེ་ཞིང་ལམ་རིམ་སོགས་སུ་གསུངས་པའི་ཚད་མེད་བཏང་སྙོམས་ཀྱང་སྔ་མ་ཉིད་ལ་ངོས་བཟུང་དགོས་སོ། །སྒྲ་བཤད་ནི། ཆགས་སྡང་གི་བློ་བཏང་ནས་སེམས་སྙོམས་པ་བསྒྲུབ་པས་ན་བཏང་སྙོམས་ཞེས་བྱའོ། །2 ཚོར་བ་བཏང་སྙོམས་ནི། བདེ་སྡུག་གང་ཡང་མིན་པའི་ཚོར་བའོ། །3 འདུ་བྱེད་བཏང་སྙོམས་ནི། བྱ་རྩོལ་བྲལ་བའི་བར་མའོ། །དུག་གསུམ་མེད་པ་བརྩོན་འགྲུས་དང་བཅས་པ་ལ་བཏགས་པའི་བཏགས་ཆོས་གང་ཞིག བྱིང་རྒོད་འགོག་པའི་རྩོལ་བ་ཆེན་པོས་བསྒྲིམ་མི་དགོས་པར་སེམས་བྱིང་རྒོད་ཀྱིས་མི་ཉམས་པར་བྱེད་པས་རབ་ཏུ་ཕྱེ་བའི་སེམས་བྱུང་དེ། དགེ་བ་བཅུ་གཅིག་གི་བཅུ་པ་བཏང་སྙོམས་ཀྱི་ངོ་བོ། །འདི་ལ་འདུ་བྱེད་བཏང་སྙོམས་ཀྱང་ཟེར། བྱེད་ལས་ནི། བྱིང་རྒོད་སོགས་ཀྱི་སྐབས་འབྱེད་པའོ། །བྱིང་རྒོད་ཀྱི་སྐབས་འབྱེད་ཅེས་པ་ནི་དེ་གཉིས་བསྒྲིམས་ཏེ་མི་འགོག་པར་འོང་དུ་བཅུག་པའི་དོན་ནོ། །བྱིང་རྒོད་དང་བྲལ་བའི་ཚེ་བཏང་སྙོམས་སུ་མ་བཞག་པར་བྱིང་རྒོད་ཀྱི་གཉེན་པོ་བསྟེན་ན་ཉེས་པ་ཅི་ཡོད་སྙམ་ན། རྩོལ་བ་བསྟེན་ན་སེམས་གཡེངས་བའི་དགག་བྱ་ཡོད་པའི་ཕྱིར་ཏེ། སྒོམ་རིམ་བར་པ་ལས། གང་གི་ཚེ་བྱིང་བ་དང་རྒོད་པ་དང་བྲལ་བར་གྱུར་ནས་མཉམ་པར་ཞུགས་ཏེ་དེ་ཁོ་ན་ཉིད་ལ་སེམས་རང་གི་ངང་གིས་འཇུག་པར་འགྱུར་བ་དེའི་ཚེ་རྩོལ་བ་གློད་དེ་བཏང་སྙོམས་སུ་བྱའོ། །གལ་ཏེ་སེམས་མཉམ་པར་ཞུགས་པ་ལ་བརྩལ་བ་བྱས་ན་དེའི་ཚེ་སེམས་རྣམ་པར་གཡེང་བར་འགྱུར་རོ། །ཞེས་གསུངས་སོ། །སྒྲ་བཤད་ནི། བྱིང་རྒོད་འགོག་པའི་འདུ་བྱེད་དམ་རྩོལ་བ་བཏང་ནས་སེམས་སྙོམས་པ་སྟེ་རྣལ་དུའམ་རང་བབས་སུ་བཞག་པས་ན་དེ་སྐད་ཅེས་བྱའོ། །4 ཡལ་བར་འདོར་བ། སྣང་མེད་དུ་བཞག་པ། བར་མ་དོར་བཞག་པ་བཅས་ཀྱི་དོན། རྗེའི་སྐབས་གསུམ་མ་ལས། མ་བརྟགས་བཏང་སྙོམས་ཅུང་ཟད་མི་མངའ་ཡང་། །སྐལ་ངན་བདག་གི་ཉེས་པ་ཁོ་ནར་ཟད། །ལྟ་བུ་དང་། རྗེའི་བྱམས་པའི་བསྟོད་ཆེན་ལས། ངེས་པར་ལེགས་པའི་གོ་འཕང་སྨོས་ཅི་དགོས། །ལམ་གྱི་རྟེན་དུ་ཐུབ་པས་བསྔགས་པ་ཡི། །མཐོ་རིས་ཙམ་ཡང་ཐོབ་པའི་གདེང་མེད་པ། །བདག་ལ་ཁྱེད་ཀྱིས་བཏང་སྙོམས་མཛད་ལགས་སམ། །ཞེས་གསུངས་པ་ལྟར་རོ། །ཀླུ་སྒྲུབ་ཀྱི་ཤེས་རབ་སྡོང་བུ་ལས་ཀྱང་། རིག་སྔགས་ལོག་པར་ཤེས་པ་དུག །ནད་ལ་བཏང་སྙོམས་བྱས་པ་དུག །རྒན་པོས་གཞོན་ནུ་བསྟེན་པ་དུག །དབུལ་པོ་ཉིན་པར་ཉལ་པ་དུག །ཅེས་གསུངས། 5 ཁ་ཡ་མི་བྱེད་པ། ཅམ་འཇོག ཕལ་སྐད་དུ་དབྱུག་གཞག ཙུག་གེ་གཞག་ཅེས་པ་རྣམས་དོན་འདྲ། དཔེར་ན་བཏང་སྙོམས་སུ་བཞག་ན་མཛེས་སོ་ཞེས་པ་ལྟ་བུའོ། །རྒྱལ་ཁམས་རིག་པས་བསྐོར་བའི་གཏམ་རྒྱུད་གསེར་གྱི་ཐང་མ་ལས། རང་གི་རྩམ་ཁུག་བསྲུང་བའི་ཆེད་དུ་ཡིན་མིན་གྱི་དབྱེ་བསལ་ཐམས་ཅད་བཏང་སྙོམས་སུ་བཞག་ནས། ཞེས་སོགས་བཤད་པ་ལྟར་རོ། །་སྙོམས་སུ་བཞག་ནས། ཞེས་སོགས་བཤད་པ་ལྟར་རོ། །)
• Dictionaries/sgom sde tshig mdzod chenmo/13024  + (ཧ་ཅང་འདྲིས་ཤས་ཆེ་བའི་མཛའ་གྲོགས་ཀྱི་མིང་། ས … ཧ་ཅང་འདྲིས་ཤས་ཆེ་བའི་མཛའ་གྲོགས་ཀྱི་མིང་། སྨོན་འདྲིན་ནམ་སྨོས་འདྲིན་ནི། བསྟན་དར་ལྷ་རམས་པས། མིང་རུས་ལ་སོགས་པ་ཤེས་པའི་སྒོ་ནས་འདྲིས་ཆེ་བའི་གྲོགས་པོའི་མིང༌དུ་བཤད་པ་ལྟར་རོ། །སྒྲ་བཤད་ནི། སྨོན་ནི་སྨོན་པ་སྟེ་མོས་པའམ་དགའ་བའི་དོན་དང་། འདྲིན་ནི་འདྲིས་པའམ། མཐུན་པའམ་མཛའ་བའི་དོན་ནོ། །མདོར་ན། དགའ་ཞིང་མཛའ་བའི་དོན་ནོ། །འདུལ་བ་གཞིི་རྒྱ་ཆེར་འགྲེལ་ལས། སྨོན་འདྲིན་ཞེས་བྱ་བ་ནི་ངོ་ཤེས་ཤིང་མིང་དང་རུས་ལ་སོགས་པ་འཛིན་པས་སྙིང་དུ་སྡུག་པར་གྱུར་པའོ། །ཞེས་གསུངས། དོགས་གཅོད། འདྲིན་དང་འདྲིས། འདྲེན་དང་འདྲེས་རྣམས་རེས་མོས་ཀྱིས་འབྲི་སྲོལ་ཡོད་དེ། དཔེར་ན་དཀར་ནག་འདྲེས་མའི་ལས་ལ། དཀར་ནག་འདྲེན་མའི་ལས་ཞེས་པ་ལྟ་བུ། ས་པཎ་གྱི་སྡོམ་གསུམ་རབ་དབྱེ་སོ་ཐར་གྱི་སྡོམ་པ་བཤད་པའི་ཐད་ལས་ཀྱང་། གཞན་ཡང་གཅིག་ཏུ་དཀར་བ་དང་། །གཅིག་ཏུ་གནག་དང་འདྲེན་མའི་ལས། །རྣམ་པ་གསུམ་དུ་ཐུབ་པས་གསུངས། །གཅིག་ཏུ་དཀར་བས་བདེ་བ་བསྐྱེད། །གཅིག་ཏུ་གནག་པས་སྡུག་བསྔལ་བསྐྱེད། །འདྲེན་མའི་ལས་ཀྱིས་བདེ་བ་དང་། །སྡུག་བསྔལ་འདྲེན་མ་བསྐྱེད་པར་གསུངས། །ཞེས་གསུངས་པ་ལྟར་རོ། །དགེ་འདུན་ཞེས་པ་ཡང་ལེགས་སྦྱར་གྱི་སྐད་དོད་དང་བསྟུན་ན་དགེ་འདུས་ཟེར་བ་ཨེ་ཡིན་སྙམ་ཡང་དཔྱད་དོ། །འོན་ཀྱང་ལེགས་སྦྱར་ལ་ “སཾགྷ” སྟེ་ “ འདུས་པ” ཞེས་པ་ཙམ་ལས་དགེ་ཞེས་ཚིག་ལ་མི་གསལ་ཡང་། ལོ་ཙཱ་བ་ཆེན་པོ་རྣམས་ཀྱིས་དགོས་པ་དང་རྒྱུ་མཚན་ལ་བརྟེན་ནས་དགེ་ཞེས་བླ་ཐབས་སུ་བསྣན་པར་སེམས་ཡང་དཔྱད་དོ། །ེ་ཞེས་བླ་ཐབས་སུ་བསྣན་པར་སེམས་ཡང་དཔྱད་དོ། །)
• Dictionaries/sgom sde tshig mdzod chenmo/13276  + (ཨ་ཐུང་ཡང་ཟེར། དེ་ལ་དབྱེ་ན། ལྟེ་བའི་མི་ཤིགས … ཨ་ཐུང་ཡང་ཟེར། དེ་ལ་དབྱེ་ན། ལྟེ་བའི་མི་ཤིགས་པའི་ཨ་ཐུང་ནི། གཏུམ་མོའི་རྟེན་དང་ཁམས་དམར་ཆའི་དྭངས་མ་མཚོན་བྱེད་ཅིག དབྱིབས་ནི་དབུ་ཆེན་གྱི་ཤད་གྱེན་དུ་འགྲེང་བའི་རྣམ་པ་འདྲ་བ་ཞིག་ཡོད། སྙིང་གའི་མི་ཤིགས་པའི་ཨ་ཐུང་ནི། ཤིན་ཏུ་ཕྲ་བའི་སྲོག་འཛིན་གྱི་རླུང་མཚོན་བྱེད་ཡིན་ཞིང༌། འཇམ་དཔལ་མཚན་བརྗོད་ལས། ཨ་ནི་ཡིག་འབྲུ་ཀུན་གྱི་མཆོག་ཅེས་པའི་ཨ་དེ་ཡང༌། སྙིང་གའི་མི་ཤིགས་པའི་སྲོག་འཛིན་གྱི་རླུང་ཕྲ་མོ་མཚོན་བྱེད་ཀྱི་ཨ་ཐུང་དེ་ལ་ཟེར་བ་ཡིན། ཞིབ་པ་རྗེའི་རིམ་ལྔ་གསལ་སྒྲོན་སོགས་སུ་གཟིགས།ིབ་པ་རྗེའི་རིམ་ལྔ་གསལ་སྒྲོན་སོགས་སུ་གཟིགས།)
• Dictionaries/sgom sde tshig mdzod chenmo/9639  + (ཨུཏྤལ་ལྟ་བུ་གང་ཟག པད་དཀར་ལྟ་བུ་གང་ཟག པདྨ་ལ … ཨུཏྤལ་ལྟ་བུ་གང་ཟག པད་དཀར་ལྟ་བུ་གང་ཟག པདྨ་ལྟ་བུའི་གང་ཟག ཙནྡན་ལྟ་བུ་གང་ཟག རིན་པོ་ཆེ་ལྟ་བུའི་གང་ཟག་དང་ལྔ་ཡོད། དེ་དག་ལས་རིན་པོ་ཆེ་ལྟ་བུའི་གང་ཟག་ནི་གདུལ་བྱ་མཆོག་ཡིན་ལ། གཞན་རྣམས་ནི་ཕལ་པ་ཡིན་པར་གསུངས་སོ། །གཞན་ཡང་། དང་པོ་བཞི་ནི། བསྐྱེད་རིམ་གྱི་སྣོད་རུང་དང་། ཕྱི་མ་རྫོགས་རིམ་གྱི་སྣོད་དུ་གསུངས་སོ། །གང་ཟག་གི་རིགས་ཀྱི་ཤེས་པའི་དབྱེ་བ་ཡིས། རྫོགས་རིམ་གྱི་སྣོད་དང་སྣོད་མིན་ཡོངས་སུ་བརྟགས་ནས། རྡོ་རྗེ་སློབ་དཔོན་མཁས་པས། ཚོགས་དང་སློབ་མ་ལ་བཤད་པ་རྣམ་པ་གཉིས་བྱའོ། །ཞེས་རྗེའི་འགྲེལ་པ་བཞི་སྦྲགས་ལས་གསུངས།འོ། །ཞེས་རྗེའི་འགྲེལ་པ་བཞི་སྦྲགས་ལས་གསུངས།)

• Dictionaries/sgom sde tshig mdzod chenmo/10034  + (རྣམ་དབྱེ་དུ་མ། རྣམ་པའི་དབྱེ་བ་དུ་མ། དབྱེ་བ་དུ་མ།)

• Dictionaries/sgom sde tshig mdzod chenmo/4879  + (( འདུལ་བ) བཀའ་བསྡུ་གསུམ་པ་འདི་ལུང་ཕྲན་ཚེགས … ( འདུལ་བ) བཀའ་བསྡུ་གསུམ་པ་འདི་ལུང་ཕྲན་ཚེགས་ན་མ་གསུངས་པས། འདི་ལ་བཤད་ཚུལ་མི་མཐུན་པ་ཅི་རིགས་སུ་བྱུང་ངོ་། །འོན་ཀྱང་རང་ལུགས་ནི། སྟོན་པ་མྱ་ངན་ལས་འདས་ནས་ལོ་བརྒྱ་དང་དྲུག་ཅུ་ལོན་པ་ན་གྲོང་ཁྱེར་མེ་ཏོག་གིས་རྒྱས་པ་ཞེས་བྱ་བར་དགེ་འདུན་གནས་བརྟན་བཞི་སྐད་རིགས་མི་མཐུན་པ་ལེགས་སྦྱར་དང་། ཟུར་ཆག་དང་། ཡུལ་གྲུ་རང་བཞིན་པ་དང་། ཤ་ཟའི་སྐད་ཀྱིས་ལུང་འདོན་པ་ན་སློབ་མ་རྣམས་མི་མཐུན་པར་གྱུར་ཏེ་རྩ་བའི་སྡེ་བཞིར་གྱེས་སོ། །དེ་དག་ཀྱང་ནང་གསེས་ཀྱི་དབྱེ་བས་སྡེ་པ་བཅོ་བརྒྱད་དུ་གྱེས་ནས་ཕན་ཚུན་རྩོད་པར་གྱུར་ཏེ། ནམ་ཞིག་ན་རྒྱལ་པོ་ཀྲྀ་ཀྲྀའི་རྨི་ལྟས་ལུང་བསྟན་པའི་མདོ་རྙེད་ནས་བལྟས་པས་སྡེ་པ་བཅོ་བརྒྱད་དུ་གྱུར་ཀྱང་རྣམ་པར་གྲོལ་བའི་འབྲས་བུ་ཉམས་པ་མེད་པར་གསུངས་པ་མཐོང་ནས་ཕན་ཚུན་མཐུན་པར་གྱུར་ཅིང་། སངས་རྒྱས་ཀྱི་བསྟན་པར་གཅིག་ཏུ་བསྡུས་པ་ལ་བསྡུ་བ་གསུམ་པ་ཞེས་བྱའོ། །བཀའ་བསྡུ་གསུམ་པའི་ལོ་ཚིགས་ནི་བུ་སྟོན་ཆོས་འབྱུང་དུ། འདི་ལ་ཁ་ཅིག་གིས་ལོ་བརྒྱ་དང་སུམ་ཅུ་རྩ་བདུན་ལོན་པ་ན་བསྡུས་ཟེར་བ་དང་། ཡང་གཞན་དག་གིས་ལོ་བརྒྱ་དང་དྲུག་ཅུ་ན་བསྡུས་ཟེར། ཡང་ཁ་ཅིག་གིས་སུམ་བརྒྱ་ལོན་པ་ན་བསྡུས་ཞེས་གཞན་ལུགས་བསྐྱར་བ་མ་གཏོགས་བུ་སྟོན་རང་ལུགས་ཀྱི་གསལ་ཁ་མ་མཛད་དོ། །མཆིམས་མཛོད་དེབ་གཟུགས་༧༦༣ལས་བཀའ་བསྡུ་གསུམ་པ་ལོ་བརྒྱ་དང་དྲུག་ཅུ་ན་བསྡུས་པར་གསུངས་སོ། །ཡང་ས་པཎ་གྱི་སྡོམ་གསུམ་རབ་དབྱེ་ལས། ལྷ་ཆེན་ཞེས་བྱའི་དགེ་སློང་ཞིག །བསྟན་པ་འདི་ཡི་ཆོམ་རྐུན་བྱུང་། །དེ་ཡིས་རང་གི་ཕ་མ་བསད། །སློབ་དཔོན་ཡིན་པའི་དགྲ་བཅོམ་བཀྲོངས། །མཁན་སློབ་མེད་པའི་དགེ་སློང་བྱས། །ཕྱི་ནས་དགོན་པར་བསྡད་ནས་ནི། །སྦྱིན་བདག་རྣམས་ཀྱི་དད་རྫས་ཟོས། །བླུན་པོ་རྣམས་ཀྱི་མཁན་སློབ་བྱས། །བླུན་པོ་ལོངས་སྤྱོད་ཅན་རྣམས་ཀྱིས། །ཕུལ་བའི་ཟས་ནོར་ཆར་བཞིན་བབ། །སྐལ་མེད་དད་ཅན་འདུས་པ་ཡི། །དགེ་འདུན་འབུམ་ཕྲག་དུ་མས་བསྐོར། །དེ་ནས་བརྫུན་རླབས་ཆེན་པོ་དེ། །དགྲ་བཅོམ་ཡིན་པར་ཁས་བླངས་སོ། །འཁོར་གྱིས་རྫུ་འཕྲུལ་ཞུས་པ་ན། །རྫུ་འཕྲུལ་ཐོ་རངས་ཉམས་ཞེས་ཟེར། །རང་གི་སྡིག་པ་དྲན་པ་ཡིས། །སྨྲེ་སྔགས་ཆེན་པོ་བཏོན་པ་ལ། །སྡུག་བསྔལ་བདེན་པ་བོས་ཞེས་བསྒྲགས། །དེ་ལ་སོགས་པའི་བརྫུན་ཚིག་གིས། །ཚོགས་པ་རྣམས་ཀྱི་མགོ་བོ་བསྐོར། །འཕགས་པ་རྣམས་ལ་འབུལ་རྒྱུ་ཡི། །དད་རྫས་རྣམས་ཀྱང་དེ་ལ་འགྱུར། །རབ་བྱུང་བླུན་པོ་ཕལ་ཆེར་གྱིས། །དགྲ་བཅོམ་བོར་ནས་དེ་ལ་འདུད། །སངས་རྒྱས་མྱ་ངན་འདས་འོག་ཏུ། །སོ་སོ་སྐྱེ་བོས་འཁོར་བསྡུས་པ། །དེ་ལས་མང་བ་མེད་ཅེས་གྲགས། །དེ་ཡི་ཆོས་ལོག་བཤད་པ་ཡི། །རྗེས་སུ་སློབ་མ་རྣམས་འབྲངས་ནས། །འཁྲུལ་བའི་གྲུབ་མཐའ་དུ་མ་བྱུང་། །ལྷ་ཆེན་བླུན་པོ་དེ་ཤི་ནས། །སེམས་ཅན་དམྱལ་བར་གྱུར་ཅེས་གྲག །དེ་ཡི་ལོག་པའི་ཆོས་དེ་དག །དགྲ་བཅོམ་རྣམས་ཀྱིས་སུན་ཕྱུང་ནས། །བསྡུ་བ་གསུམ་པ་བྱས་ཞེས་ཐོས། །འོན་ཀྱང་དེ་ཡི་ལེ་ལན་གྱིས། །སྡེ་པ་བཅོ་བརྒྱད་རྣམས་ལ་ཡང་། །ཅུང་ཟད་བསླད་པ་ཡོད་ཅེས་ཟེར། །མཁས་པའི་གཙུག་རྒྱན་དབྱིག་གཉེན་གྱིས། །ཡང་དག་བསྡུས་པའི་གཞི་ཉམས་ཕྱིར། །མཐའ་དག་མིན་པར་རྟོགས་པ་ཡིན། །ཞེས་གསུངས་པ་ཡང་དེ་ལ་དགོངས། །ཞེས་གསུངས་སོ། །བཀའ་བསྡུ་གསུམ་པའི་སྐོར་གོང་དང་བཤད་ཚུལ་མི་འདྲ་བ། ཏཱ་ར་ནཱ་ཐའི་རྒྱ་གར་ཆོས་འབྱུང་༦༦ན་གཟིགས།བ། ཏཱ་ར་ནཱ་ཐའི་རྒྱ་གར་ཆོས་འབྱུང་༦༦ན་གཟིགས།)
• Dictionaries/sgom sde tshig mdzod chenmo/1403  + ((གསང་སྔགས) (དགེ་ལུགས) དབང་གསུམ་པ་གསང་དབང་ག … (གསང་སྔགས) (དགེ་ལུགས) དབང་གསུམ་པ་གསང་དབང་གི་ངོ་བོ་ནི། བླ་མ་ཡབ་ཡུམ་གྱི་ཐིག་ལེ་ལྕེ་ལ་བཞག་པ་མྱངས་པ་ལ་བརྟེན་ནས་སྐྱེས་པའི་བདེ་བ་དང་བཅས་པའི་ཏིང་ངེ་འཛིན་ལ་བྱའོ། །དེ་ནི་སྤྱིར་བཏང་ཡིན་ནོ། །ཞིབ་ཏུ་བཤད་ན། དེ་ལ་དབྱེ་ན། རྒྱལ་མཆོག་བསྐལ་བཟང་རྒྱ་མཚོའི་དབང་དོན་དེ་ཉིད་ཡང་གསལ་༢༧བ་༥ལས། གསང་དབང་ལ་དབྱེ་ན་བླ་མ་ཡབ་ཡུམ་གྱི་བྱང་སེམས་དུང་ཕོར་ལ་སོགས་པར་རྫས་ལྷག་མ་རྣམས་དང་བསྲེས་པ་སློབ་མར་སྦྱིན་པའི་གསང་དབང་ཙམ་པོ་དང་། བླ་མའི་གསང་རྫས་རྡོ་རྗེའི་ནོར་བུར་གནས་པ་མཐེ་སྲིན་གྱིས་བཙིར་ཏེ་སློབ་མའི་ཁར་སྦྱིན་པ་དང་། ཡུམ་གྱི་ཡང་དེ་དང་འདྲ་བ་སྦྱིན་པ་མཆོག་གི་གསང་དབང་། བླ་མའི་རྡོ་རྗེས་གསང་རྫས་སློབ་མའི་ཁར་བྱིན་ནས་གསང་དབང་བསྐུར་བ་ཤིན་ཏུ་གསང་བའི་གསང་དབང་ངམ་ཤིན་ཏུ་མཆོག་གི་གསང་དབང་དང་གསུམ་ཡོད་དེ། ཞེས་གསུངས། (གོང་གི་གསང་དབང་གསུམ་པ་ནི། དེ་ཉིད་ལས། སློབ་དཔོན་རང་གི་རྡོ་རྗེ་སློབ་མའི་ཁར་བཞག་པ་དེས་དྲངས་ནས་འཐུངས་པ་ལས་བྱང་ཆུབ་སེམས་ཀྱི་བདེ་བ་འཐོབ་པ་ནི་མཆོག་ཏུ་སྟེ། ཞེས་གསུངས་པ་ལྟར་རོ) སྒྲ་བཤད་ནི། ཡབ་ཡུམ་གྱི་བྱང་ཆུབ་ཀྱི་སེམས་གསང་བའི་རྫས་ཀྱིས་བསྐུར་བའི་དབང་ཡིན་པས་ན་གསང་བའི་དབང་ངོ༌། །ཞེས་རྗེའི་སྔགས་རིམ་ཆེན་མོར་གསལ་བ་ལྟར་བཀོད། རྗེ་ཙོང་ཁ་པ་ཆེན་པོའི་གསང་འདུས་སྨོན་ལམ་ལས། གསང་དབང་ཡེ་ཤེས་བདུད་རྩི་མྱངས་པ་ཡིས། །ངག་གནས་རླུང་གིས་སྔགས་སུ་འཆར་བར་ཤོག །ཅེས་གསུངས་པ་ལྟར་རོ། ། (བཀའ་བརྒྱུད) གསང་དབང་ནི། བླ་མ་ཡབ་ཡུམ་གྱི་བྱང་སེམས་མྱངས་པ་ལས་བྱུང་བའི་བདེ་སྟོང་གི་ཏིང་ངེ་འཛིན་ལ་ཟེར། སྒྲ་བཤད་ནི། ཡབ་ཡུམ་གྱི་བྱང་སེམས་གསང་བའི་རྫས་ཀྱིས་བསྐུར་བའི་དབང་ཡིན་པས་དེ་སྐད་ཅེས་བྱའོ། །བྱེད་ལས་ནི། གཙོ་བོར་ངག་གི་དྲི་མ་འཁྲུད་ཅིང་ངག་དག་པར་བྱས་ནས་གསུང་རྡོ་རྗེའི་ལོངས་སྐུ་འགྲུབ་པའི་ནུས་པ་འཇོག་པའོ། །རྗེའི་ལོངས་སྐུ་འགྲུབ་པའི་ནུས་པ་འཇོག་པའོ། །)
• Dictionaries/sgom sde tshig mdzod chenmo/9927  + ((གསང་སྔགས) 1 མི་ཆོད་པ། མི་ཕྱེད་པ། སྲ་བ། བར … (གསང་སྔགས) 1 མི་ཆོད་པ། མི་ཕྱེད་པ། སྲ་བ། བརྟན་པ། མི་ཤིགས་པ། གཞོམ་དུ་མེད་པ། ཁོང་སྟོང་མིན་པ་སོགས་ལ་འཇུག་པར་བཤད། མཁས་གྲུབ་ཆོས་རྗེའི་བསྐྱེད་རིམ་དངོས་གྲུབ་རྒྱ་མཚོ་༤༠བ༡ལས། རྡོ་རྗེའི་དོན་ཡང་མི་ཆོད་པ་དང་མི་ཕྱེད་པ་དང་འཇོམས་པ་སོགས་མང་པོ་ལ་འཇུག་ཀྱང་། ཞེས་གསུངས། 2 བདེ་སྟོང་དབྱེར་མེད་ཀྱི་ཡེ་ཤེས་སམ། བདེ་བ་ཆེན་པོའི་ཡེ་ཤེས། 3 བདེ་བ་ཆེན་པོའི་ཡེ་ཤེས་མཚོན་པའི་དཔེའི་རྡོ་རྗེ་སྟེ། ཡོངས་གྲགས་ཀྱི་རྡོ་རྗེ། རྡོ་རྗེ་ལ་དབྱེ་ན། རྡོ་རྗེ་རྩེ་གཅིག་པ། རྩེ་གཉིས་པ། རྩེ་གསུམ་པ། རྩེ་ལྔ་པ། རྩེ་དགུ་པ། སྣ་ཚོགས་རྡོ་རྗེ། རྒྱན་གྱི་རྡོ་རྗེ་རྣམས་སུ་ཡོད། ཡང་རྡོ་རྗེ་ལ། ཁྲོ་བོའི་རྡོ་རྗེ་དང༌། ཞི་བའི་རྡོ་རྗེ་གཉིས་ཡོད་པར་གསུངས། རྡོར་དྲིལ་གྱི་མཚོན་དོན་ལ་གཟིགས། 4 ཕོའི་དབང་པོ་ལའང་འཇུག 5 རྡོ་རྗེ་ཕ་ལམ།གས། 4 ཕོའི་དབང་པོ་ལའང་འཇུག 5 རྡོ་རྗེ་ཕ་ལམ།)
• Dictionaries/sgom sde tshig mdzod chenmo/4047  + ((གསང་སྔགས) 1 སྟོང་ཉིད་རྟོགས་པའི་ཤེས་རབ་མཚོ … (གསང་སྔགས) 1 སྟོང་ཉིད་རྟོགས་པའི་ཤེས་རབ་མཚོན་པའི་མཆོད་རྫས་ཀྱི་རོལ་ཆ་ཞིག 2 མོ་མཚན། (དྲིལ་བུའི་སྟོང་ཆའི་ཆ་ནས་བཏགས) 3 ཕོ་རྟགས་འབྲས་བུ། (འདི་འཕྱང་འཕྲུལ་དུ་ཡོད་པའི་དྲིལ་ལྕེ་དང་འདྲ་བས་དེ་ལྟར་བཏགས) ཀྱེ་རྡོར་གྱི་རྒྱུད་བརྟག་པ་གཉིས་པ་ལས། ནུ་མ་སྤངས་པ་བལློར་འགྱུར། །ཀཀྐོ་ལ་དབུས་ཡང་དག་གནས། །འགྲམ་གཉིས་དྲིལ་བུ་ཉིད་དུ་འགྱུར། །ཞེས་གསུངས་པ་ལྟར་རོ། །དྲིལ་བུ་ལ་དབྱེ་ན། རྡོ་རྗེ་སེམས་དཔའི་དྲིལ་བུ། དཔའ་བོའི་དྲིལ་བུ། དེ་བཞིན་གཤེགས་པའི་དྲིལ་བུ་རྣམས་སུ་ཡོད། དྲིལ་བུའི་མཚོན་དོན་ནི། རྡོར་དྲིལ་གྱི་མཚོན་དོན་དང༌། མཇུག་ཏུ་དྲིལ་བུའི་འགྲེལ་བཤད་ཀྱི་དཔེ་རིས་བཅས་ལ་གཟིགས།ིལ་བུའི་འགྲེལ་བཤད་ཀྱི་དཔེ་རིས་བཅས་ལ་གཟིགས།)
• Dictionaries/sgom sde tshig mdzod chenmo/9958  + ((གསང་སྔགས) ཚིག་སྤམ་མེ་བ་ཞིག་ལས་མ་གསུངས་པས་དོན་གྱི་རྣམ་དབྱེ་རྡོ་རྗེ་ལྟར་ཕྱེད་དཀའ་བ་ཡིན་ནམ་སྙམ། ཞེས་དངུལ་ཆུ་དྷརྨ་བྷ་དྲ་གསུང་ངོ་། །)
• Dictionaries/sgom sde tshig mdzod chenmo/13190  + ((གསང་སྔགས) རིམ་པ་བཞི་པའི་དོན་གྱི་འོད་གསལ་ད … (གསང་སྔགས) རིམ་པ་བཞི་པའི་དོན་གྱི་འོད་གསལ་དེ་ལས་རླུང་ཅུང་ཟད་གཡོས་པ་དང་མཉམ་དུ་འོད་གསལ་དེའི་བཞོན་པར་གྱུར་པའི་རླུང་གི་ཉེར་ལེན་དང༌། འོད་གསལ་གྱི་སེམས་ཀྱི་ལྷན་ཅིག་བྱེད་རྐྱེན་བྱས་པ་ལ་བརྟེན་ནས་དག་པའི་སྒྱུ་མའི་སྐུར་བཞེངས་པ་ནས་བཟུང་སྟེ། སློབ་པ་མཐའི་དོན་གྱི་འོད་གསལ་གྱི་བར་གྱི་རྫོགས་རིམ་ནི། སློབ་པའི་ཟུང་འཇུག་གམ་བདེན་གཉེས་དབྱེར་མེད་ཀྱི་རྫོགས་རིམ་གྱི་ངོ་བོའོ། །རིམ་པ་བཞི་པའི་དོན་གྱི་འོད་གསལ་ལས་ལུགས་ལྡོག་གི་ཉེར་ཐོབ་ཏུ་ལངས་པ། དག་པའི་སྒྱུ་མའི་སྐུ་ཐོབ་པ། སྤངས་པ་ཟུང་འཇུག་ཐོབ་པ། ཉོན་སྒྲིབ་སྤངས་པ། ས་གཉིས་པར་འཕོས་པ། སྒོམ་ལམ་ཐོབ་པ་རྣམས་དུས་མཉམ་སྟེ། འདི་ནི་སྔགས་བླ་མེད་ཀྱི་ལམ་དུ་རིགས་ངེས་པའི་དབང་དུ་བྱས་ཀྱི། ལམ་གཞན་གྱི་མཐར་བྱུང་བའི་དོན་གྱི་འོད་གསལ་སོགས་ནི་ས་བཅུ་པའི་ཡེ་ཤེས་སུ་འདོད་དགོས་ཤིང་། དེ་ལ་སློབ་པའི་ཟུང་འཇུག་ལ་སྒོམ་ལམ་ས་དགུའི་དབྱེ་བ་མེད་དམ་སྙམ་མོ། །ལྷན་སྐྱེས་ཀྱི་ཉོན་མོངས་རྣམས་རིམ་པ་བཞི་པའི་འོད་གསལ་གྱིས་སྤོང་ལ། སློབ་པའི་ཟུང་འཇུག་ཐོག་མར་ཐོབ་པའི་དུས་སུ་སྤངས་པར་གསལ་སྒྲོན་ལས་གསུངས་སོ། །ཞེས་དཔལ་ལྡན་ཆོས་རྗེའི་སྔགས་ཀྱི་ས་ལམ་གསུངས་པ་ལྟར་རོ། །་ཆོས་རྗེའི་སྔགས་ཀྱི་ས་ལམ་གསུངས་པ་ལྟར་རོ། །)
• Dictionaries/sgom sde tshig mdzod chenmo/9981  + ((གསང་སྔགས) རྡོ་རྗེ་སློབ་དཔོན་གཅིག་ལས་དཀྱིལ … (གསང་སྔགས) རྡོ་རྗེ་སློབ་དཔོན་གཅིག་ལས་དཀྱིལ་འཁོར་དུ་དབང་བསྐུར་བ་ཐོབ་པའི་ཆོས་གྲོགས་ལ་ཟེར། སྤུན་ཞེས་པ་ནི་བླ་མ་གཅིག་གི་གསུང་ལས་སྐྱེས་པས། སྐྱེ་གནས་གཅིག་པས་སྤུན་ཞེས་བྱའོ། །རྡོ་རྗེ་སྤུན་ལ་དབྱེ་ན། ཁྱད་པར་གྱི་རྡོ་རྗེ་སྤུན། བྱེ་བྲག་གི་རྡོ་རྗེ་སྤུན། ཉེ་བའི་རྡོ་རྗེ་སྤུན་དང་གསུམ་དུ་བཤད་དེ། རྗེའི་གསང་སྔགས་ཀྱི་ཚུལ་ཁྲིམས་ཀྱི་རྣམ་བཤད་དངོས་གྲུབ་ཀྱི་སྙེ་མ་ལས། འདིའི་གཉིས་ལས་ཡུལ་ནི། རྡོ་རྗེ་ཐེག་པའི་སྒོ་ནས་སྐྱེ་གནས་གཅིག་པས་སྤུན་དུ་གྱུར་པའོ། །འདི་ལ་ནག་པོ་དམ་ཚིག་རྡོ་རྗེས་སློབ་དཔོན་དང་དཀྱིལ་འཁོར་དང་རིག་པའམ་རིག་མ་རྣམས་གཅིག་ལས་དམ་ཚིག་ཐོབ་པ་ནི་ཁྱད་པར་གྱི་རྡོ་རྗེ་སྤུན་དང་དེ་རྣམས་ལ་བྱེ་བྲག་སྟེ་སོ་སོར་ཐོབ་པ་ནི་བྱེ་བྲག་གི་རྡོ་རྗེ་སྤུན་དང་ཐེག་པ་ཆེན་པོ་ལ་ཞུགས་པ་རྣམས་ནི་ཉེ་བའི་སྤུན་ནོ། །ཞེས་གསུངས། 2 ས་པཎ་གྱིས་རྡོ་རྗེ་ཐེག་པར་ཞུགས་ཚད་ལ། རྡོ་རྗེ་སྤུན་ཞེས་བཤད་དོ། །དེ་ཡང་ས་པཎ་གྱི་རྡོ་རྗེ་ཐེག་པའི་རྩ་བ་དང་ཡན་ལག་གི་དམ་ཚིག་བཤད་པ་༢ལས། རྡོ་རྗེ་ཐེག་པ་ལ་ཞུགས་པ་ཐམས་ཅད་རྡོ་རྗེ་སྤུན་ཞེས་ཟེར་ལ། ཞེས་གསུངས་སོ། །ཅད་རྡོ་རྗེ་སྤུན་ཞེས་ཟེར་ལ། ཞེས་གསུངས་སོ། །)
• Dictionaries/sgom sde tshig mdzod chenmo/1457  + ((གསང་སྔགས) ལོ་ཙཱ་བ་རིན་ཆེན་བཟང་པོ་་ཡན་ཆོད་ … (གསང་སྔགས) ལོ་ཙཱ་བ་རིན་ཆེན་བཟང་པོ་་ཡན་ཆོད་དུ་བསྒྱུར་བའི་རྒྱུད་རྣམས་ལ་གསང་སྔགས་རྙིང་མ་ཞེས་བྱའོ། །དེབ་སྔོན་སྟོད་ཆ་༢༥༥ལས། གསང་སྔགས་གསར་མའི་འགྱུར་གྱི་འགོ་ཇོ་བོ་སྨྲྀ་ཏིས་བཙུགས་སོ་ཞེས་བྱ་བ་ཡོད་མོད་ཀྱི། དེས་དབུས་གཙང་དུ་ནི་འགྱུར་མ་མཛད་ལ། ཁམས་སུ་ཕྱིས་མཚན་ཡང་དག་པར་བརྗོད་པ་སྒེག་པ་རྡོ་རྗེའི་སྐོར་དང་། དཔལ་ལྡན་གདན་བཞི་པ་དང་། གསང་བ་འདུས་པའི་སྐོར་ལ་སོགས་པ་མང་དུ་བསྒྱུར་མོད་ཀྱི། དེ་བས་ལོ་ཆེན་རིན་ཆེན་བཟང་པོས་གསང་སྔགས་ཀྱི་འགྱུར་མཛད་པ་སྔ་བར་སྣང་སྟེ། འབྲོམ་སྟོན་པ་ཇོ་བོ་སེ་བཙུན་གྱི་གཡོག་བྱེད་པའི་དུས་སྨྲྀ་ཏི་ལ་ལོ་ཙཱ་བསླབས་སོ་ཞེས་འབྱུང་ལ། དེ་དང་ཉེ་བར་འབྲོམ་གྱིས་མངའ་རིས་སུ་བྱོན་པའི་ཚེ། ལོ་ཆེན་གྱིས་ལོ་བརྒྱད་ཅུ་རྩ་ལྔ་བཞེས་པའི་ཕྱིར་རོ། །ལོ་ཆེན་གྱིས་དེ་ཉིད་བསྡུས་པ་དང་གསང་བ་འདུས་པ་སོགས་རྣལ་འབྱོར་ཕའི་རྒྱུད་ཤས་ཆེར་བསྒྱུར་ལ། རྣལ་འབྱོར་མའི་རྒྱུད་རྣམས་ནི་ལོ་ཆེན་གྱི་ལོ་ལྔ་བཅུ་ཉེ་བ་ན་བླ་ཆེན་འབྲོམ་མི་བྱུང་སྟེ། དེ་ནས་ནི་རྣལ་འབྱོར་མའི་རྒྱུད་རྣམས་ཀྱང་ཤིན་ཏུ་དར་བར་གྱུར་ཏོ། །ཞེས་གསང་སྔགས་རྙིང་མའི་འགོ་ལོ་ཆེན་རིན་ཆེན་བཟང་པོ་ནས་ཚུགས་ཟེར་བཞིན་དུ་ཡང་། དེབ་སྔོན་༡༣༥ལས། པཎྜི་ཏ་སྨྲྀ་ཏི་བྱོན་པའི་གོང་ཡན་ཆོད་ལ་གསང་སྔགས་རྙིང་མ་ཞེས་བརྗོད་དེ། ཞེས་ཀྱང་གསུངས་པས་ཚིག་སྔ་ཕྱི་ལ་འགལ་བའི་ཆ་ཅུང་ཟད་རེ་ཡོད་པའང་འདུག་གོ། གསང་སྔགས་རྙིང་མ་འདི་བསྟན་པ་རྣམ་དག་ཡིན་ནམ་མིན་ཞེ་ན། མཁས་གྲུབ་ཆོས་རྗེའི་གསུང་ཐོར་བུ་༡༧༥བ༡ ལས། དྲི་བ་གསུམ་པ། གསང་སྔགས་རྙིང་མ་པ་འདི་ལ། སྔ་རབས་ཀྱི་མཁས་པ་རྣམས་ཀྱིས་ཀྱང་དགག་འདུག་ཅིང་། ད་ལྟ་ཡང་སྐུར་བ་འདེབས་པ་མང་དུ་འདུག་པ། འདི་ཇི་འདྲ་ཞིག་ཡིན་ཟེར་བ་ལ། གསང་སྔགས་བསྟན་པ་སྔ་དར་གྱི་དུས་འགྱུར་བ་ལ་རྙིང་མ་དང་། ཕྱི་དར་གྱི་དུས་འགྱུར་བ་ལ་གསར་མ་ཞེས་འབྱུང་བ་ཡིན། རྙིང་མ་ལ་སྐུར་བ་འདེབས་པ་མང་བའི་རྒྱུ་མཚན། སྔོན་གླང་དར་མས་བསྟན་པ་བསྣུབས་ནས་བར་སྟོངས་བྱུང་དུས་གསང་སྔགས་པ་རྣམས་སྦྱོར་སྒྲོལ་ལ་སོགས་པ་སྤྱོད་པ་ཕྱིན་ཅི་ལོག་བྱེད་པ་བྱུང་བ་དང་། འདི་སང་ཡང་ཁྱིམ་པ་ལྕང་ལོ་ཅན་གྱི་སྤྱོད་པ་མང་བས། གང་ཟག་གི་སྤྱོད་པ་ལ་དཔགས་ནས་ཆོས་ལ་སྨོད་པ་འདི་བྱུང་བ་འདྲ། དེ་མིན་སྔགས་རྙིང་མ་འདི་དང་པོ་ཆོས་རྒྱལ་དམ་པ་རྣམས་ཀྱིས་བཻ་རོ་ཙ་ན་དང་། རྨ་སྙེགས་གཉིས་དགེ་སློང་མི་ལྔ་ལ་སོགས་པའི་ཚད་མའི་སྐྱེས་བུར་གྱུར་པ་ལོ་ཙྪ་བ་རྣམས་ལ་གསེར་བྲེས་བཤར་མ་ཡོན་དུ་བསྐུར་ནས། རྒྱ་གར་དུ་བརྫངས་ཏེ། རྫོགས་པ་ཆེན་པོ་ལ་སོགས་པའི་གསང་སྔགས་བླ་ན་མེད་པའི་ཆོས་རྣམས་པཎྜི་ཏ་དང་། གྲུབ་པ་བརྙེས་པ་རྩོད་མེད་དུ་གྲགས་པ་རྣམས་ལ་ཞུས་ཤིང་བསྒྱུར། གཞན་ཡང་པདྨ་འབྱུང་གནས་དང་། བཱི་མ་ལ་མི་ཏྲ་དང་། སངས་རྒྱས་གསང་བ་ལ་སོགས་པའང་བོད་དུ་སྤྱན་དྲངས་ནས་དེ་དག་གིས་ཀྱང་གསུངས་པའི་ཆོས། ཐེག་པ་བླ་ན་མེད་པའི་ཆོས་ཟབ་སྐྱོན་དང་བྲལ་བ་ཡིན་ཏེ། འདིའི་ཚུལ་ཉམས་སུ་བླངས་པས་གྲོལ་བ་དང་། གྲུབ་པ་བརྙེས་པ་དཔག་ཏུ་མེད་པ་བྱུང་བ་ཚད་མས་གྲུབ་བོ། །བསམ་ཡས་ན་ཡང་ད་དུང་སྔ་འགྱུར་གྱི་རྒྱ་དཔེ་མང་དུ་ཡོད་པར་འདུག་ཅིང་། བོད་པ་ལོ་ཙྪ་བས་ཀྱང་རྒྱ་གར་དུ་བྱོན་པས། ཡུལ་དབུས་འགྱུར་ཚལ་ན་གསང་སྙིང་། ལུང་གི་མདོ་ལྔ་ལ་སོགས་པ་རྒྱ་དཔེ་འདུག་ཟེར། དེས་ན་འདི་ལྟ་བུའི་ཐེག་ཆེན་བླ་ན་མེད་པའི་ཆོས་ཟབ་མོ་ལ་སྐུར་བ་འདེབས་པ་རྣམས་དམྱལ་བའི་རྒྱུ་ཁོ་ནར་བས་སོ། །ཞེས་གསུངས་སོ། །བུ་སྟོན་ཆོས་འབྱུང་དེབ་གཟུགས་༢༦༦ལས། སྔ་འགྱུར་གསང་སྔགས་རྙིང་མ་ནི། ལོ་ཙཱ་བ་ཆེན་པོ་རིན་ཆེན་བཟང་པོ་དང་ལྷ་བླ་མ་ཡེ་ཤེས་འོད་དང་ཕོ་བྲང་ཞི་བ་འོད་དང་འགོས་ཁུག་པ་ལྷས་བཙས་ལ་སོགས་པ་རྣམས་ཡང་དག་པ་མ་ཡིན་པར་སྨྲ་ལ། ཁོ་བོའི་བླ་མ་སྐད་གཉིས་སྨྲ་བའི་ཉི་མའི་མཚན་ཅན་དང་རིགས་རལ་ལ་སོགས་པ། བསམ་ཡས་ནས་རྒྱ་དཔེ་རྙེད་པའི་ཕྱིར་དང་། ཕུར་པ་རྩ་བའི་དུམ་བུའི་རྒྱ་དཔེ་བལ་པོར་ཡང་སྣང་བས་རྒྱུད་ཡང་དག་གོ་ཞེས་གསུང་ངོ་། །ཁོ་བོས་ནི། ཡིད་ཀྱི་ཉེས་པ་རང་བཞིན་གདུག་པ་སྟེ། །མི་རིགས་པ་ཡི་གཟུགས་ལའང་མི་རིགས་ན། །ཐེ་ཚོམ་ཟ་བའི་ཆོས་ལ་སྨོས་ཅི་དགོས། །དེ་ཕྱིར་བཏང་སྙོམས་བཞག་ལེགས་ཉེས་པ་མེད། །ཅེས་འབྱུང་བ་དང་། ཆོས་ཡིན་པ་ལ་མ་ཡིན་ཟེར་བ་དང་། མ་ཡིན་པ་ལ་ཡིན་ཟེར་བ་ལས་འབྲས་མཉམ་པར་བཤད་པས་དང་། ཆོས་ཀྱི་མཚན་ཉིད་གང་ལ་ཡོད་མེད་དག །མི་ཤེས་མཐོང་བ་མེད་པར་རྒྱུ་བཞི་ཡིས། །རྣམ་དབྱེ་སྨྲ་བའི་ཁ་ནི་བདུད་ཀྱིས་ཕྱེ། །ཆོས་ལ་ཉེས་སྨོད་ཐུབ་པའི་གཞུང་ལས་བཀག །ཅེས་ཟེར་བ་བཞིན་དུ་བཏང་སྙོམས་སུ་བཞག་གོ། བློ་དང་ལྡན་པ་རྣམས་ཀྱིས་རྟོག་པ་བཞི་དང་བརྟག་པ་གསུམ་ལ་བརྟེན་ནས་དཔྱད་པར་བྱའོ། །ཞེས་གསུངས། ཡང་ཐུའུ་བཀྭན་གྲུབ་མཐའ་དེབ་གཟུགས་༧༣ལས། རྙིང་མ་པའི་གྲུབ་མཐའ་ལ་ཅུང་ཟད་དཔྱད་པ། རྙིང་མའི་ཆོས་ལུགས་འདི་མཐའ་གཅིག་ཏུ་རྣམ་པར་དག་པ་དང་། མ་དག་པ་དང་། འདྲེས་མར་གྱུར་པ་གང་ཡིན་སྙམ་ན། ལྷ་བླ་མ་ཡེ་ཤེས་འོད་དང་ཞི་བ་འོད། ཙ་མི་ལོ་ཙཱ། ཆག་ལོ་རྣམས་ཀྱི་སྤྲིངས་ཡིག་དང་། རྔོག་གི་གཟེ་མ་ར་མགོ། ས་པཎ་གྱི་སྡོམ་གསུམ་རབ་དབྱེ་རྣམས་སུ་རྙིང་མ་ལ་དམིགས་ཕུག་པའི་སྐྱོན་བརྗོད་མི་གསལ་ཡང་། བོད་དུ་དར་བའི་ཆོས་ལུགས་མ་དག་པ་རིས་མེད་ལ་དགག་པ་མཛད་པའི་གསེབ་ཏུ་རྙིང་མ་པ་ལ་དབུ་ཕོག་ཞབས་ཕོག་གི་གསུང་རེ་གཉིས་ཡོད་པར་སྣང་། འགོས་ཁུག་པ་ལྷས་བཙས་དང་། འབྲི་གུང་དཔལ་འཛིན་གཉིས་ཀྱིས་སྒྲུབ་བྱེད་མང་དུ་བཀོད་ནས་རྙིང་མ་ཆོས་རྣམ་དག་མ་ཡིན་པར་སྒྲུབ་ཅིང་། ཤཱཀྱ་མཆོག་ལྡན་དང་། ཀརྨ་པ་མི་བསྐྱོད་རྡོ་རྗེས་ཀྱང་དེའི་རྗེས་ཟློས་བྱས་འདུག ཅེས་དང་། ལོ་ཙཱ་བ་རོང་ཟོམ་ཆོས་བཟང་། ཀུན་སྤངས་ཐུགས་རྗེ་བརྩོན་འགྲུས། ཀརྨ་པ་རང་བྱུང་རྡོ་རྗེ། གྲུབ་ཐོབ་ཨུ་རྒྱན་པ། བཅོམ་ལྡན་རལ་གྲི། ཐར་ལོ་ཉི་མ་རྒྱལ་མཚན། ཕྱིས་ཀྱི་འབྲུག་པ་པདྨ་དཀར་པོ། དཔའ་བོ་གཙུག་ལག་ཕྲེང་བ་སོགས་གྲུབ་མཐའ་གཞན་གྱི་མཁས་པར་གྲགས་པ་དང་། འཁོན་སྟོན་དཔལ་འབྱོར་ལྷུན་གྲུབ་དང་། ༸གོང་ས་ལྔ་པ་ཆེན་པོ་སོགས་རང་ཕྱོགས་པ་འགའ་ཞིག་གིས་ཀྱང་ཆོས་རྣམ་དག་ཏུ་འཆད། བུ་སྟོན་རིན་པོ་ཆེ། རྒྱལ་བ་ཙོང་ཁ་པ་ཡབ་སྲས་སོགས་ཚད་མའི་སྐྱེས་བུ་མང་པོ་ཞིག་གིས་ནི་བཏང་སྙོམས་སུ་འཇོག་པར་མཛད་དོ། །ཞེས་གསུངས་སོ། །ཡང་། ཕ་བོང་ཁ་པ་བདེ་ཆེན་སྙིང་པོའི་མདོ་སྔགས་ཀྱི་དྲིས་ལན་༣༤བ༢ལས། བར་ཁམས་སོག་ཤོད་གཡག་འདའ་དང་མཁར་དམར་གྲོང་ཚོ་གཉིས་ཀྱི་ཞི་ཁྲོའི་སྔགས་འཆང་རྣམས་ནས་ནན་གྱིས་ཞུས་ངོར་སྩལ་བ་ཞེས་པའི་ནང་གསང་སྔགས་རྙིང་མའི་སྐོར་ལ་དོགས་སློང་ལྟ་བུ་མང་ཙམ་འདུག་ཀྱང་དགག་དགོས་ཀྱི་དབང་གིས་འདིར་མ་བཀོད། གཞན་ཡང་ཀརྨ་པ་མི་བསྐྱོད་རྡོ་རྗེའི་རྙིང་མ་པ་རྣམས་ལ་དོགས་འདྲིའི་ཚུལ་དུ་གནང་བར་གྲགས་པའི་ཆབ་ཤོག་དང་། དེའི་དྲིས་ལན་ལུང་དང་རིགས་པའི་འབྲུག་སྒྲ་ཞེས་བྱ་བ་དང་། ཡང་། མཁས་པ་དཔལ་ཁང་ལོ་ཙཱ་བས་རྙིང་མ་པ་ལ་རྩོད་པའི་ཡི་གེ་དང་། དེའི་རྩོད་ལན་གངྒཱའི་ཆུ་རྒྱུན་རྣམས་ལ་བློ་གཟུ་བོར་གནས་པས་གཟིགས་ན་བློ་སྐྱེད་ཧ་ཅང་ཆེན་པོ་འདུག་གོ།་པས་གཟིགས་ན་བློ་སྐྱེད་ཧ་ཅང་ཆེན་པོ་འདུག་གོ།)
• Dictionaries/sgom sde tshig mdzod chenmo/5482  + ((གསང་སྔགས) <ཨུཏྱཱ་ཏྲི་ཀྲ་མ> བསྒོམས་ས … (གསང་སྔགས) <ཨུཏྱཱ་ཏྲི་ཀྲ་མ> བསྒོམས་སྟོབས་ཀྱིས་རླུང་དབུ་མར་ཞུགས་གནས་ཐིམ་གསུམ་བྱས་པ་ལས་མ་བྱུང་ཞིང་། རང་འབྲས་རྫོགས་རིམ་གྱི་རྒྱུད་སྨིན་བྱེད་གང་ཞིག སྐྱེ་ཤི་བར་དོ་གསུམ་པོ་ཅི་རིགས་དང་རྣམ་པ་མཐུན་པར་བློས་གསར་དུ་བརྟགས་ནས་སྒོམ་པའི་རྣལ་འབྱོར་དེ། བསྐྱེད་རིམ་གྱི་མཚན་ཉིད་དུ་པཎ་ཆེན་བློ་བཟང་ཆོས་ཀྱི་རྒྱལ་མཚན་གསུང་ངོ་། །དཔལ་ལྡན་ཆོས་རྗེས་མཚན་ཉིད་དེ་བསྐྱེད་རིམ་གྱི་གཙོ་བོའི་དབང་དུ་བྱས་པ་ཡིན་གསུང་། གཞན་ཡང་། དངོས་གནས་ལ་གྲུབ་པ་མེད་ཅིང་། བློས་ཡི་གེ་དང་ཉི་ཟླ་མཚན་མ་སོགས་གང་རུང་ལས་རང་ཉིད་ལྷར་བསྐྱེད་པའི་རྣམ་པ་ཡིན་པས་བསྐྱེད་རིམ་སྟེ། རིམ་པ་ནི་རྣམ་པའི་དོན་ནོ། །ཞེས་མཁས་གྲུབ་ཆོས་རྗེའི་དངོས་སློབ་འདུལ་འཛིན་དཔལ་ལྡན་བཟང་པོའི་གསུང་གསང་འདུས་རྩ་རྒྱུད་ཀྱི་འགྲེལ་པ་རིན་ཆེན་གཏེར་མཛོད་ལས་གསུངས། རྗེའི་སྔགས་རིམ་ཆེན་མོར་ཡང་དེ་བཞིན་དུ་གསུངས། སྒྲ་བཤད་ནི། བློས་བཅོས་ནས་བསྐྱེད་པའི་རྣམ་པ་ཡིན་པས་ན་བསྐྱེད་རིམ་ཞེས་བྱ་སྟེ། དེ་ཡང་བློས་བཅོས་ནས་བསྐྱེད་པས་ནས་བསྐྱེད། རིམ་པ་ནི་རྣམ་པ་དང་ཆ་དང་ཕྱོགས་ཞེས་བྱ་བའི་མིང་གི་རྣམ་གྲངས་ཡིན་པར། ཤཱནྟི་པས་གསུངས་ཞེས་རྗེའི་སྔགས་རིམ་ཆེན་མོར་གསལ་ལོ། །དབྱེ་ན། རགས་པ་དྲན་པ་གཅིག་པའི་རྣལ་འབྱོར་དང་། (བསྐྱེད་རིམ་རགས་པ་དང་དོན་གཅིག) ཕྲ་བ་རྟོག་པའི་རྣལ་འབྱོར་གཉིས། (བསྐྱེད་རིམ་ཕྲ་མ་དང་དོན་གཅིག) མིང་གི་རྣམ་གྲངས་ནི། རིམ་པ་དང་པོ། བསྐྱེད་རིམ། རྟོག་པའི་རྣལ་འབྱོར། བརྟགས་པའི་རིམ་པ། བཅོས་མའི་རྣལ་འབྱོར་རྣམས་སོ། །རྗེའི་སྔགས་རིམ་ཆེན་མོར་གཞི་བྱས་ཏེ་བཀོད། བསྐྱེད་རིམ་གྱི་སྐད་དོད་ལ། ཨུཏྱཱ་ཏྲི་ཀྲ་མ་ཞེས་འབྱུང་ཞིང་། ཡང་སཾ་བོད་སྐད་གཉིས་ཤན་སྦྱར་གསེར་གྱི་ཕྲེང་མཛེས་ལས། ཨུཏྱཱ་ཏ་ཀྲ་མ་ཞེས་འབྱུང་བས་དཔྱད་དོ། །ེང་མཛེས་ལས། ཨུཏྱཱ་ཏ་ཀྲ་མ་ཞེས་འབྱུང་བས་དཔྱད་དོ། །)
• Dictionaries/sgom sde tshig mdzod chenmo/2779  + ((དབུ་མ) ཀུན་རྫོབ་བདེན་པ། ཐ་སྙད་འདི་འཕགས་པ་ … (དབུ་མ) ཀུན་རྫོབ་བདེན་པ། ཐ་སྙད་འདི་འཕགས་པ་བློ་གྲོས་མི་ཟད་པས་བསྟན་པའི་མདོ་༼ མ ༽༡༢༣བ༤ལས། གཞན་ཡང་བདེན་པ་ནི་གཉིས་ཏེ། རྣམ་པ་གཉིས་པོ་གང་ཞེ་ན། གང་འདི་ཐ་སྙད་ཀྱི་བདེན་པ་དང་། དོན་དམ་པའི་བདེན་པའོ། །ཞེས་གསུངས། སློབ་དཔོན་དབྱིག་གཉེན་གྱིས་མཛད་པའི་བློ་གྲོས་མི་ཟད་པས་བསྟན་པའི་མདོའི་རྒྱ་ཆེར་འགྲེལ་པ་༼ ཅི ༽༡༢༧ན༧ལས། འཇིག་རྟེན་གྱི་ཐ་སྙད་རྣམས་བདེན་པས་ན་ཐ་སྙད་བདེན་པ་སྟེ། ཇི་ལྟར་སྣང་བ་ཙམ་དུ་བདེན་པའི་ཕྱིར་རོ། །དེ་བས་ན་མདོ་ལས་ཀྱང་། འཇིག་རྟེན་རྣམས་ལ་གང་ཡོད་པར་བདེན་པ་ལ་ཡང་བདེན་པ་ལ་ཡང་དེ་བདེན་ནོ་ཞེས་གསུངས་སོ། །དོན་དམ་པ་ཉིད་བདེན་པས་ན་དོན་དམ་པའི་བདེན་པ་སྟེ། ཇི་ལྟར་གནས་པ་ལས་གཞན་དུ་མི་འགྱུར་བའི་ཕྱིར་རོ། །ཞེས་གསུངས། དབུ་མ་ལ་འཇུག་པ་ལས། ཐ་སྙད་བདེན་པ་ཐབས་སུ་གྱུར་པ་དང། །དོན་དམ་བདེན་པ་ཐབས་བྱུང་གྱུར་པ་སྟེ། །དེ་གཉིས་རྣམ་དབྱེ་གང་གིས་མི་ཤེས་པ། །དེ་ནི་རྣམ་རྟོག་ལོག་པས་ལམ་ངན་ཞུགས། །ཞེས་གསུངས།ནི་རྣམ་རྟོག་ལོག་པས་ལམ་ངན་ཞུགས། །ཞེས་གསུངས།)
• Dictionaries/sgom sde tshig mdzod chenmo/3491  + ((དབུ་མ) བདེན་དངོས་ཐ་སྙད་དུ་ཡང་མི་འདོད་པའི་ཐེག་ཆེན་གྱི་གྲུབ་མཐའ་སྨྲ་བའི་གང་ཟག་དེ། ངོ་བོ་ཉིད་མེད་པར་སྨྲ་བའི་མཚན་ཉིད། དེ་དང་དབུ་མ་པ་གཉིས་དོན་གཅིག དེ་ལ་དབྱེ་ན། རང་རྒྱུད་པ་དང༌། ཐལ་འགྱུར་བ་གཉིས་ཡོད།)
• Dictionaries/sgom sde tshig mdzod chenmo/12482  + ((དབུ་མ) ཤིན་ཏུ་བསྡུ་ན་སྟོང་ཉིད་ལ་གཉིས་སུ་དབྱེ་བ་ཡིན་ཏེ། གང་ཟག་དང་ཆོས་ཀྱི་བདག་མེད་ཀྱི་སྟོང་ཉིད་གཉིས་སོ། །)
• Dictionaries/sgom sde tshig mdzod chenmo/2646  + ((དབུ་མ) སློབ་དཔོན་ཙནྡྲ་གོ་མིའི་སྡོམ་པ་ཉི་ཤ … (དབུ་མ) སློབ་དཔོན་ཙནྡྲ་གོ་མིའི་སྡོམ་པ་ཉི་ཤུ་པ་ལས། (སྦྱིན་པ་དང་འགལ་བ་ལ་བདུན་ནི) ༡ དཀོན་མཆོག་གསུམ་ལ་གསུམ་མི་མཆོད། །༢ འདོད་པའི་སེམས་ཀྱི་རྗེས་སུ་འཇུག ༣ རྒན་པ་རྣམས་ལ་གུས་མི་བྱེད། །༤ དྲིས་པ་ལ་ནི་ལན་མི་འདེབས། །༥ མགྲོན་བོས་བདག་གིར་མི་བྱེད་ཅིང་། །༦གསེར་ལ་སོགས་པ་ལེན་མི་བྱེད། །༧ཆོས་འདོད་པ་ལ་སྦྱིན་མི་བྱེད། ། (ཚུལ་ཁྲིམས་དང་འགལ་བ་ལ་དགུ་ནི) ༨ ཚུལ་ཁྲིམས་འཆལ་རྣམས་ཡལ་བར་འདོར། །༩ ཕ་རོལ་དད་ཕྱིར་སློབ་མི་བྱེད། །༡༠ སེམས་ཅན་དོན་ལ་བྱ་བ་ཆུང་། །༡༡ སྙིང་བརྩེར་བཅས་ན་མི་དགེ་མེད། །༡༢ འཚོ་བ་ལོག་པ་དང་དུ་ལེན། །༡༣ འཕྱར་ནས་རབ་ཏུ་རྒོད་ལ་སོགས། །༡༤ འཁོར་བ་གཅིག་པུར་བགྲོད་པར་སེམས། །༡༥ གྲགས་པ་མ་ཡིན་མི་སྤོང་བ། །༡༦ ཉོན་མོངས་བཅས་ཀྱང་འཆོས་མི་བྱེད། །(བཟོད་པ་དང་འགལ་བ་ལ་བཞི་ནི) ༡༧ གཤེ་ལ་ལན་དུ་གཤེ་ལ་སོགས། །༡༨ ཁྲོས་པ་རྣམས་ནི་ཡལ་བར་འདོར། །༡༩ ཕ་རོལ་ཤད་ཀྱིས་འཆག་པ་སྤོང་། །༢༠ ཁྲོས་པའི་སེམས་ཀྱི་རྗེས་སུ་འཇུག །(བརྩོན་འགྲུས་དང་འགལ་བ་ལ་གསུམ་ནི) ༢༡ བསྙེན་བཀུར་འདོད་ཕྱིར་འཁོར་རྣམས་སྡུད། །༢༢ ལེ་ལོ་ལ་སོགས་སེལ་མི་བྱེད། །༢༣ ཆགས་པས་བྲེ་མོའི་གཏམ་ལ་སྟེན། །(བསམ་གཏན་དང་འགལ་བ་ལ་གསུམ་ནི) ༢༤ ཏིང་ངེ་འཛིན་གྱི་དོན་མི་འཚོལ། །༢༥ བསམ་གཏན་སྒྲིབ་པ་སྤོང་མི་བྱེད། །༢༦ བསམ་གཏན་རོ་ལ་ཡོན་ཏན་བལྟ། །(ཤེས་རབ་དང་འགལ་བ་བརྒྱད་ནི) ༢༧ ཉན་ཐོས་ཐེག་པ་སྤོང་བར་བྱེད། །༢༨ རང་ཚུལ་ཡོད་བཞིན་དེ་ལ་བརྩོན། །༢༩ བརྩོན་མིན་ཕྱི་རོལ་བསྟན་བཅོས་བརྩོན། །༣༠ བརྩོན་པར་བྱས་ཀྱང་དེ་ལ་དགའ། །༣༡ ཐེག་པ་ཆེན་པོ་སྤོང་བར་བྱེད། །༣༢ བདག་ལ་བསྟོད་ཅིང་གཞན་ལ་སྨོད། །༣༣ ཆོས་ཀྱི་དོན་དུ་འགྲོ་མི་བྱེད། །༣༤ དེ་ལ་སྨོད་ཅིང་ཡི་གེར་རྟེན། །(ཕར་ཕྱིན་དྲུག་པོ་སྤྱིའམ་སེམས་དོན་བྱེད་དང་འགལ་བ་བཅུ་གཉིས་ནི) ༣༥ དགོས་པའི་གྲོགས་སུ་འགྲོ་མི་བྱེད། །༣༦ ནད་པའི་རིམ་གྲོ་བྱ་བ་སྤོང་། །༣༧ སྡུག་བསྔལ་སེལ་བར་མི་བྱེད་པ། །༣༨ བག་མེད་པ་ལ་རིགས་མི་སྟོན། །༣༩ བྱས་ལ་ལན་དུ་ཕན་མི་འདོགས། །༤༠ གཞན་གྱི་མྱ་ངན་སེལ་མི་བྱེད། །༤༡ ནོར་འདོད་པ་ལ་སྦྱིན་མི་བྱེད། །༤༢ འཁོར་རྣམས་ཀྱི་ནི་དོན་མི་བྱེད། །༤༣ གཞན་གྱི་བློ་དང་མཐུན་མི་འཇུག །༤༤ ཡོན་ཏན་བསྔགས་པ་སྨྲ་མི་བྱེད།། ༤༥ རྐྱེན་དང་འཚམས་པར་ཚར་མི་གཅོད། །༤༦ རྫུ་འཕྲུལ་བསྡིགས་ལ་སོགས་མི་བྱེད། །སྙིང་བརྩེར་ལྡན་ཞིང་བྱམས་ཕྱིར་དང་། །སེམས་དགེ་བ་ལ་ཉེས་པ་མེད། །དེ་དག་གི་འགྲེལ་བཤད་ནི། (སྦྱིན་པ་དང་འགལ་བ་ལ་བདུན་ནི) ༡ (ཟང་ཟིང་གི་སྦྱིན་པའི་གཙོ་བོ་ཉམས་པ་ནི) དཀོན་མཆོག་གསུམ་ལ་(ལུས་ངག་ཡིད)གསུམ་(གྱིས)མི་མཆོད(པ)། །༢ (སེར་སྣའི་གཉེན་པོ་ཉམས་པ་ནི) འདོད་པའི་སེམས་(ཏེ་འདོད་པ་ཆེ་བ། ཆོག་མི་ཤེས་པ། རྙེད་བཀུར་ལ་ཆགས་པའི་སེམས)ཀྱི་རྗེས་སུ་འཇུག(པ་སྟེ་རྗེས་སུ་འབྲང་བའམ་དེའི་གཞན་དབང་དུ་སོང་བའོ)། །༣ (མི་འཇིགས་པའི་སྦྱིན་པའི་རྗེས་སུ་མི་མཐུན་པ་ལ་གཉིས་ལས) (ཡུལ་གྱི་ཁྱད་པར་དང་འབྲེལ་བ་ནི) (ཁོང་ཁྲོ་སོགས་ཀྱིས་བྱང་ཆུབ་སེམས་དཔའ་སྡོམ་པའི་སྒོ་ནས་ཆེས)རྒན་པ་རྣམས་ལ་(ལངས་ཤིང་སྟན་མི་སྟོབ་པ་སོགས་ཀྱིས)གུས་མི་བྱེད། །༤ (ཡུལ་གྱི་སྤྱི་དང་འབྲེལ་བ་ནི) (གཞན་གྱིས་རང་སྐུ་གཟུགས་བདེ་པོ་ཡིན་ནམ་ཞེས་ནད)དྲིས་པ་ལ་(སོགས་པ་ལ)ནི་ལན་མི་འདེབས། །༥ (གཞན་གྱི་སྦྱིན་པའི་རྐྱེན་མི་བྱེད་པ་ནི) (མགྲོན་དུ་བོས་པ་ཁས་མི་ལེན་པ་ནི) (གཞན་གྱིས་རང་ཉིད)མགྲོན་(དུ)བོས་(པ་ལ་ང་རྒྱལ་དང་ཁོང་ཁྲོས)བདག་གིར་མི་བྱེད་(པ་སྟེ་མི་འགྲོ་ན་ཉེས་བྱས་ཡིན)ཅིང་། །༦ (ཡོ་བྱད་བསྟབས་པ་མི་ལེན་པ་ནི) (གཞན་གྱིས་རང་ལ)གསེར་ལ་སོགས་པ་(དད་པས་ཕུལ་བ་ན། ཁོང་ཁྲོས)ལེན་(པར)མི་བྱེད(ན་སེམས་ཅན་སྤོང་བའི་ཕྱིར་ཉེས་བྱས་སོ)། །༧ (ཆོས་ཀྱི་སྦྱིན་པ་དང་འགལ་བ་ནི) ཆོས་འདོད་(ཅིང་དོན་དུ་གཉེར)པ་ལ་(ཆོས)སྦྱིན་(པའམ་སྟོན་པར)མི་བྱེད(པའོ)། ། (ཚུལ་ཁྲིམས་དང་འགལ་བ་ལ་དགུ་ནི) ༨ (ལྷག་པར་བརྩེ་བའི་ཡུལ་འདོར་བ་ནི)(ཀུན་ནས་མནར་སེམས་ཀྱིས)ཚུལ་ཁྲིམས་འཆལ་(བ་སྟེ་རྩ་ལྟུང་བྱུང་བ)རྣམས་(ལ་ཁྱད་དུ་གསོད་ཅིང)ཡལ་བར་འདོར (བའོ)། །༩ (བཅས་པ་ཐུན་མོང་བ་ལ་མི་སློབ་པ་ནི) (བྱང་ཆུབ་སེམས་དཔའ་རབ་ཏུ་བྱུང་བས)ཕ་རོལ་དད་(པ་སྟེ་དགའ་བའམ་ངོ་བསྲུང་བའི)ཕྱིར་(ཆང་འཐུང་བ་དང་ཕྱི་དྲོའི་ཁ་ཟས་ཟ་བ་དང་ས་བརྐོ་བ་སོགས་མི་སྲུང་ཞིང་དེ་དག་གི་བཅས་པ་རྣམས་ལ)སློབ་(པ་སྟེ་བསྲུང་བར)མི་བྱེད(ན་ཉེས་བྱས་སོ)། །༡༠ (ཐུན་མོང་མ་ཡིན་པ་ལ་སློབ་པ་ནི) སེམས་ཅན་དོན་ལ་(ཁོང་ཁྲོ་ལ་སོགས་པའི་རྐྱེན་གྱིས་གཞན་དོན་གྱི)བྱ་བ་ཆུང་(བ་སྟེ་ཉུང་བས་སྤྲོ་བ་མེད་པར་གནས་པར་གྱུར་ན་ཉེས་བྱས་སོ)། །༡༡ (སོ་ཐར་གྱི་རང་བཞིན་གྱི་བཅས་པ་ལ་སློབ་པའི་ཁྱད་པར་ནི) སྙིང་བརྩེར་(སྙིང་བརྩེར་ཏེ་སྙིང་བརྩེ་དང)བཅས་ན་(གཞན་གྱི་སྲོག་གཅོད་པ་དང་། མ་བྱིན་པར་ལེན་པ། འདོད་པ་ལ་སྤྱོད་པ། བརྫུན་དུ་སྨྲ་བ། མཛའ་བོ་དབྱེ་བ། ཚིག་རྩུབ་པས་གཤེ་བ། ངག་འཁྱལ་སྨྲ་བ་སོགས་བྱེད་ནའང)མི་དགེ་(ཉེས་པ)མེད(དོ)། །(དོགས་གཅོད། ཉེས་བྱས་བཅུ་གཅིག་པ་འདི་ཉེས་བྱས་ཡིན་ནམ་མིན་ཞེ་ན། རྗེའི་ཚུལ་ཁྲིམས་རྣམ་བཤད་བྱང་ཆུབ་གཞུང་ལམ་༨༢བ༤ལས། གཉིས་པ་ནི། སྙིང་བརྩེར་བཅས་ན་མི་དགེ་མེད། །ཅེས་པ་སྟེ་འདིར་གཞུང་དང་སྡོམ་པ་ཉི་ཤུ་པའི་འགྲེལ་པ་རྙིང་མ་དང་ཚུལ་ཁྲིམས་ཀྱི་ལེའུ་འགྲེལ་པ་གཉིས་ལས་སྲོག་གཅོད་སོགས་ལུས་ངག་གི་བདུན་ལ་གནང་བའི་སྐབས་ཡོད་པར་སྟོན་པ་མ་གཏོགས་གཞན་དོན་དུ་དེ་དག་ལ་མ་ཞུགས་ན་ཉེས་བྱས་སུ་གསུངས་པ་མེད་ལ། འགྲེལ་པ་གསར་མ་ལས་ཉེས་བྱས་ཞེ་དྲུག་ཏུ་བཤད་པ་ལྟར་ན་འདི་ཡང་ཉེས་བྱས་གཅིག་ལ་བགྲང་དགོས་ཤིང་། ཡང་འགྲེལ་པ་དེ་ལས་ཕ་རོལ་དད་ཕྱིར་སློབ་མི་བྱེད་ཀྱི་དམིགས་བསལ་དུ་ཡང་འཆད་པར་སྣང་ངོ་། །དེ་ལྟ་ན་ཡང་ཛི་ན་བུ་ཏྲ་དང་ས་མུ་དྲས་བྱང་སེམས་དང་ཉན་ཐོས་ཀྱི་རང་བཞིན་གྱི་ཁ་ན་མ་ཐོ་བའི་བཅས་པ་ལ་ཁྱད་པར་ཡོད་པར་སྟོན་པ་ཡིན་པར་འཆད་པ་ལྟར་བཤད་དོ། །ཞེས་གསུངས་སོ) ཡང་དོགས་གཅོད། (སྙིང་བརྩེ་ཡོད་ན་གཞན་གྱི་སྲོག་གཅོད་པ་གནང་ཞེས་པ་ཡང་། དེ་ལྟ་བུའི་སྲོག་གཅོད་ཀྱི་སྦྱོར་བ་ལ་འཇུག་པའི་ཚེ། རྒྱུའི་ཀུན་སློང་ལ་སྙིང་རྗེ་བསམ་པ་ཤུགས་དྲག་པོ་དང་། དུས་ཀྱི་ཀུན་སློང་ལ་དགེ་བ་དང་ལུང་མ་བསྟན་གྱི་སེམས་གང་རུང་ཞིག་དགོས་ཏེ། རྗེའི་བྱང་ཆུབ་སེམས་པའི་རྩ་ལྟུང་གི་རྣམ་བཤད་༨༥ན༡ལས། སེམས་ཅན་འདིས་མཚམས་མེད་བྱས་ན་དམྱལ་བར་འགྲོ་ན་མི་རུང་ངོ་སྙམ་དུ་ཕྱི་མ་ལ་སྙིང་བརྩེ་བའི་སེམས་ཁོ་ན་ཉེ་བར་བཞག་སྟེ་བདག་གཞན་བརྗེ་ཕོད་པའོ། །གསོད་པའི་དུས་ན་རང་གི་སེམས་དགེ་བ་དང་ལུང་མ་བསྟན་གི་སེམས་སུ་གནས་་ཀྱི་ཉོན་མོངས་སོགས་ཡེ་མི་འདྲེ་བར་རིག་པ་དགོས་སོ། །ཞེས་དང་། ཡང་༨༤ནལས། དེ་ཡང་བྱང་སེམས་སྡོམ་པ་བཟུང་ནས་བྱང་སེམས་ཀྱི་བསླབ་པ་ལ་ཚུལ་བཞིན་དུ་སློབ་པས་བདག་པས་གཞན་གཅེས་པའི་བྱང་ཆུབ་ཀྱི་སེམས་དང་ལྡན་པ་སྲོག་གཅོད་པ་སོགས་ལས་གཞན་པའི་ཐབས་མ་རྙེད་པའི་བྱང་སེམས་གཞན་དོན་དུ་འགྱུར་ན་གནང་བ་ཡིན་གྱི་ཐེག་ཆེན་པ་ཐམས་ཅད་གནང་བ་མིན་པས། བྱང་སེམས་ཀྱི་སྡོམ་པ་ཚུལ་བཞིན་དུ་སློབ་པ་ཙམ་ལ་ཡང་མ་གནང་ན་སྡོམ་པ་མི་སྲུང་བའི་ཐེག་པར་ཁས་འཆེ་བ་རྣམས་ལ་ནི་སྙིང་རྗེ་དང་སེམས་བསྐྱེད་ལྟར་སྣང་རེ་ཡོད་ཀྱང་གཏན་བྱར་མི་རུང་སྟེ། དཔེར་ན་སོ་ཐར་ལས་ཕྱི་དྲོའི་ཁ་ཟས་དགེ་སློང་ནད་པས་མ་ཟོས་ན་ནད་ལ་གནོད་ཅིང་ཟོས་ན་ནད་ལ་ཕན་པའི་གྲོགས་སུ་འགྱུར་བ་ལ་གནང་ཡང་དགེ་སློང་གཞན་ཐམས་ཅད་ཀྱིས་སྲུང་དགོས་པ་དང་འདྲའོ། །ཞེས་གསུང) ༡༢ (འཚོ་བ་ཉམས་པ་ནི)(ཚུལ་འཆོས་སོགས་ལོག་འཚོ་ལྔའི)འཚོ་བ་ལོག་པ་དང་དུ་ལེན(པ་སྟེ་དགའ་བཞིན་དུ་སྤྱོད་ན་ཉེས་བྱས་སོ)། །༡༣ (ཆོ་གའམ་སྤྱོད་ལམ་ཉམས་པ་ནི) འཕྱར་(བ་སྟེ་སེམས་ཡེངས)ནས་(འདོད་ཆགས་ཀྱིས)རབ་ཏུ་(མ་ཞི་ཞིང)རྒོད་(པ)ལ་སོགས(པ་དང)། །༡༤ (སྲིད་པའི་རོ་ལ་བརྐམ་པ་ནི)(མདོ་འགའ་ཞིག་གི་ཚིག་ཟིན་ལ་འཁྲུལ་ནས་མྱང་འདས་དང)འཁོར་བ་(གཉིས་ལས་མྱང་འདས་མི་སྒྲུབ་པར་འཁོར་བ)གཅིག་པུར་བགྲོད་པར་(ཏེ་འཁོར་བར་རིགས་སོ་སྙམ་དུ)སེམས(ན་ཉེས་བྱས་སོ)(རྗེའི་བྱང་ཆུབ་གཞུང་ལམ་༨༨ན༢ལས། འཁོར་བ་གཅིག་པུར་བགྲོད་པར་སེམས། །ཞེས་པ་སྟེ་མདོ་མང་པོ་ལས་བྱང་སེམས་འཁོར་བ་ལ་དགའ་བ་ལྟར་མྱ་ངན་ལས་འདས་པ་ལ་དེ་ལྟ་མ་ཡིན་ནོ། །ཞེས་སོགས་གསུངས་པ་ལ་འཁྲུལ་ནས་བྱང་ཆུབ་སེམས་དཔས་ནི་མྱང་འདས་ལ་དགའ་བར་མི་བྱའི་དེ་ལ་རྒྱབ་ཀྱི་ཕྱོགས་པར་བྱའོ། །དེ་དག་ལས་སེམས་ཀྱང་ཤིན་ཏུ་དབེན་པར་མི་བྱ་སྟེ་འདི་ལྟར་བྱང་སེམས་ཀྱིས་ནི་བསྐལ་པ་གྲངས་མེད་པ་གསུམ་དུ་འཁོར་བ་ན་འཁོར་ཞིང་བྱང་ཆུབ་བསྒྲུབ་པར་བྱ་དགོས་སོ། །ཞེས་དེ་ལྟར་ལྟ་ཞིང་དེ་སྐད་སྨྲ་ན་ཉོན་མོངས་ཅན་གྱི་ཉེས་པའོ། །ཞེས་གསུངས་པ་ལྟར་རོ)། །༡༥ (གསུམ་པ་རང་གཞན་གཉིས་ཆ་མཉམ་པའི་ཚུལ་ཁྲིམས་དང་འགལ་བ་ལ་གཉིས་ལས། རང་གི་བསྔགས་པ་མི་སྲུང་བ་ནི) གྲགས་པ་མ་ཡིན་(ནི་གཏམ་ངན་ཡིན་ལ། དེ་འབྱུང་བའི་གཞི་རང་ལ་ཡོད་པ་དེ)མི་སྤོང་བ(ནི་ཉེས་བྱས་སོ། །དེ་ནི་རང་སྐྱོན་མི་སེལ་བའི་ཉེས་བྱས་ཡིན་ནོ)། །༡༦ (གཉིས་པ་གཞན་དོན་གྱི་སྦྱོར་བ་རྩུབ་མོས་སྐྲག་པ་ནི) (ཕ་རོལ)ཉོན་མོངས་(པ་དང)བཅས་ཀྱང་(རང་གི་གྲགས་པའམ་གཞན་གྱི་སེམས་བསྲུང་བའི་ཕྱིར། འཆོས་ནུས་ཀྱང)འཆོས་(པར)མི་བྱེད(ན་ཉེས་བྱས་སོ)། །(དཔེར་ན་ཁྱིམ་པའམ་གྲྭ་ལོག་གིས་རབ་བྱུང་གི་ན་བཟའ་གྱོན་པ་ལྟ་བུ་བསྟན་པ་དང་སེམས་ཅན་ལ་གནོད་ཀྱང་དེ་ལ་སྐྱོན་བརྗོད་བྱེད་ན་གཞན་གྱིས་རང་ལ་མི་དགའ་བ་བྱེད་འོང་སྙམ་སྟེ་ཇི་མི་སྙམ་པར་བཞག་ན་ཉེས་བྱས་ཡིན་ནོ) (བཟོད་པ་དང་འགལ་བ་ལ་བཞི་ནི) ༡༧ (བཟོད་པའི་རྒྱུ་ལ་མི་གནས་པ་ནི) (ཁྲོས་ནས)གཤེ་(བ་སྟེ་གཤེ་གཤེ་གཏོང་བ)ལ་(དེའི)ལན་དུ་གཤེ་ལ་སོགས(འདིས་ནི་དགེ་སྦྱོང་གི་ཆོས་བཞི་སྟོན་ཏེ། གཤེ་བ་ལ་ཕྱིར་མི་གཤེ་བ། ཁྲོ་བ་ལ་ཕྱིར་མི་ཁྲོ་བ། རྡེག་པ་ལ་ཕྱིར་མི་བརྡེག་པ། མཚང་འབྲུ་བ་ལ་ཕྱིར་མཚང་མི་འབྲུ་བ་སྟེ་དེ་བཞི་དང་འགལ་ན་ཉེས་བྱས་སོ)། །༡༨ (གཉིས་པ་ཁྲོ་བའི་རྒྱུན་མི་འགོག་པ་ལ་གཉིས་ལས) (དང་པོ་རང་གི་ཁྲོ་བའི་རྒྱུན་མི་འགོག་པ་ནི) (རང་གིས་གཞན་ལ་མི་འཚམ་པ་བྱས་ནས་གཞན)ཁྲོས་པ་རྣམས་(ལ)ནི་(བཟོད་གསོལ་མི་བྱེད་པར)ཡལ་བར་འདོར(ན་ཉེས་བྱས་སོ)། །༡༩ (གཉིས་པ་གཞན་གྱི་ཁྲོ་བའི་རྒྱུན་མི་འགོག་པ་ནི) ཕ་རོལ་ཤད་ཀྱིས་འཆགས་པ་(པ་སྟེ་བཤགས་པ)སྤོང་(བ་སྟེ་བཟོད་གསོལ་དང་དུ་མི་ལེན་པའམ་ཤད་སྦྱང་དང་དུ་མི་ལེན་ན་ཉེས་བྱས་སོ)། །༢༠ (གསུམ་པ་གཉེན་པོ་བཟོད་པའི་ཉམས་ལེན་ལ་མི་གནས་པ་ནི) ཁྲོས་པའི་སེམས་ཀྱི་(རྒྱུན་མི་གཏོང་བར་དམ་དུ་འཛིན་པའམ་ཁོན་འཛིན་གྱི)རྗེས་སུ་འཇུག(ན་ཉེས་བྱས་སོ)། (བརྩོན་འགྲུས་དང་འགལ་བ་ལ་གསུམ་ནི) ༢༡ (སྦྱོར་བ་དམན་པ་ནི) བསྙེན་བཀུར་(སྟན་འདིངས་བ་དང་ཁྲུས་བྱེད་པ་ལ་སོགས་པའི་རིམ་གྲོ་དང་རྫས་འབུལ་དུ་རེ་བ་སོགས་ཟང་ཟིང་)འདོད་ཕྱིར་འཁོར་(གདུལ་བྱ)རྣམས་སྡུད(པར་བྱེད་ན། སེམས་ཅན་དོན་བྱེད་ཀྱི་ཚུལ་ཁྲིམས་ལས་ཉམས་པའི་ཕྱིར་ཉེས་བྱས་སོ)། །༢༢ (སྦྱོར་བ་མེད་པ་ནི) ལེ་ལོ་ལ་སོགས་(སོགས་ཀྱི་སྒྲས་ནི། སྙོམ་ལས་དང་། གཉིད་ཀྱི་བདེ་བ། ཉལ་བའི་བདེ་བ། གློས་འབེབས་པའི་བདེ་བ་རྣམས)སེལ་མི་བྱེད(ན་དགེ་བ་ཆོས་སྡུད་ཀྱི་ཚུལ་ཁྲིམས་ལས་ཉམས་པའི་ཕྱིར་ཉེས་བྱས་སོ)། །༢༣ (བྱ་བ་ངན་པ་ལ་ཆགས་པ་ནི) ཆགས་པས་བྲེ་མོའི་གཏམ་(ནི་འདུ་འཛིའི་གཏམ)ལ་སྟེན(པ་སྟེ་ཉམས་སུ་མྱོང་ན། ཉེས་སྤྱོད་སྡོམ་པའི་ཚུལ་ཁྲིམས་ལས་ཉམས་པའི་ཕྱིར་ཉེས་བྱས་སོ)།། (བསམ་གཏན་དང་འགལ་བ་ལ་གསུམ་ནི) ༢༤ (སྦྱོར་བའི་ཉེས་པ་ནི) (ང་རྒྱལ་དང་ཁོང་ཁྲོ་སོགས་ཀྱིས་གཞན་ལས)ཏིང་ངེ་འཛིན་གྱི་དོན་མི་འཚོལ(བ་ན་ཉེས་བྱས་སོ)། །༢༥ (དངོས་གཞིའི་ཉེས་པ་ནི) བསམ་གཏན་(གྱི)སྒྲིབ་པ་(༡ རྒོད་འགྱོད་གཉིས། ༢ གཉིད་རྨུགས་གཉིས། ༣ འདོད་ཆགས། ༤ ཁོང་ཁྲོ། ༥ ཐེ་ཚོམ་སྟེ་ལྔ་པོ་རྣམས)སྤོང་མི་བྱེད། །༢༦ (རྗེས་ཀྱི་ཉེས་པ་ནི) བསམ་གཏན་(གྱི་དགའ་བདེ་སོགས་ཀྱི)རོ་ལ་(སྲེད་ཅིང)ཡོན་ཏན་(དུ)བལྟ(ན་ཉེས་བྱས་སོ)། །(ཤེས་རབ་ཀྱི་མི་མཐུན་ཕྱོགས་བརྒྱད་ནི) ༢༧ (ཐེག་དམན་སྤོང་བ་ནི) (ངེད་ཅག་བྱང་ཆུབ་སེམས་དཔའ་ཡིན་པས)ཉན་ཐོས་(ཀྱི)ཐེག་པ་ (ལ་སློབ་པ་ལ་དགོས་པ་མེད་དོ་ཞེས) སྤོང་བར་བྱེད(པའོ)། །(དོགས་གཅོད་ནི། རྗེའི་བྱང་ཆུབ་གཞུང་ལམ་༩༤ན༢ལས། ཉན་ཐོས་ཐེག་པ་སྤོང་བར་བྱེད། །ཅེས་པ་སྟེ། བྱང་སེམས་ཀྱིས་ཉན་ཐོས་ཀྱི་ཐེག་པ་དང་ལྡན་པའི་ཆོས་ཉན་པར་མི་བྱེད་ཚིག་དང་དོན་བསྲུང་བར་མི་བྱ་ནན་ཏན་དུ་བསླབ་པར་མི་བྱ་སྟེ་དེ་དག་བྱས་པ་ལ་དགོས་པ་མེད་དོ་ཞེས་རང་དེ་ལྟ་ལྟ་ཞིང་གཞན་ལ་དེ་སྐད་སྨྲ་ན་ཉོན་མོངས་ཅན་གྱི་ཉེས་པའོ། །འདི་ནི་ཉན་ཐོས་ཀྱི་ཐེག་པ་ཉན་པ་སོགས་ཐེག་དམན་ལ་དགོས་ཀྱང་བྱང་སེམས་ལ་མི་དགོས་སྙམ་དུ་འཛིན་པས་ཉན་ཐོས་ཀྱི་ཐེག་པ་གཏན་སྤོང་བ་ཡིན་ལ་སོ་ཐར་སྤོང་དུ་འཇུག་པའི་རྩ་ལྟུང་དང་ཡང་ཁྱད་པར་ཆེའོ། །དེ་ལྟ་བུ་ལ་ཉེས་པར་འགྱུར་བའི་རྒྱུ་མཚན་ནི། བྱང་སེམས་ཀྱིས་ནི་མུ་སྟེགས་ཀྱི་བསྟན་བཅོས་ལ་ཡང་བརྩོན་པར་བྱ་དགོས་ན་སངས་རྒྱས་ཀྱི་གསུང་རབ་ལ་སྨོས་ཅི་དགོས་པའི་ཕྱིར་རོ། །བཅས་པ་འདི་ནི་ཆོས་རྒྱུས་ཆུང་བ་རྣམས་ཐེག་ཆེན་པ་ལ་སོ་ཐར་གྱི་བཅས་པ་ལ་སློབ་པ་སོགས་མི་དགོས་སོ་ཞེས་ཆོས་ཀྱིས་ཕོངས་པར་འགྱུར་བའི་ལས་ཀྱི་སྒྲིབ་པ་གསོག་པའི་གཡང་ས་ཆེན་པོ་འགེགས་པའི་གདམས་པ་མཆོག་གོ།ཞེས་གསུངས) ༢༨ (མཐའ་གཅིག་ཏུ་དེ་ལ་བརྩོན་པའི་ཉེས་དམིགས་ནི) (སྟེ་བྱང་སེམས་ཀྱི་སྡེ་སྣོད་ཀྱི)རང་ཚུལ་ཡོད་བཞིན་ (དུ་དེ་ལ་མི་བརྩོན་པར་ཉན་ཐོས་སྡེ་སྣོད)དེ་ལ་བརྩོན(པར་བྱེད་ན་ཉེས་བྱས་སོ)། །༢༩ (མུ་སྟེགས་ཀྱི་གཞུང་ལ་མཐའ་གཅིག་ཏུ་བརྩོན་པར་བྱེད་པ་ནི) (སངས་རྒྱས་ཀྱི་གསུང་རབ་བརྩོན་བྱར་ཡོད་བཞིན་དུ)བརྩོན་(པར་བྱ་བ)མིན་(པ)ཕྱི་རོལ་བསྟན་བཅོས་བརྩོན(ན་ཉེས་བྱས་སོ)། ། ༣༠ (དགའ་བཞིན་དུ་མུ་སྟེགས་ཀྱི་གཞུང་ལ་བརྩོན་པའི་ཉེས་པ་ནི) བརྩོན་པར་བྱས་ཀྱང་དེ་ལ་དགའ(དེས་ན་མི་འདོད་བཞིན་དུ་དགོས་པའི་དབང་གིས་འཇུག་པ་དགོས་སོ)། །༣༡ (ཡུལ་མཆོག་དང་འབྲེལ་བ་ལ་གསུམ་སྟེ། དང་པོ་ཤེས་རབ་ཀྱི་ཡུལ་སྤོང་བ་ནི) ཐེག་པ་ཆེན་པོ་སྤོང་བར་བྱེད། །༣༢ (འབྲས་བུ་ལ་ལོག་པར་སྒྲུབ་པ་ནི) (ང་རྒྱལ་ལམ་ཁོང་ཁྲོས)བདག་ལ་བསྟོད་ཅིང་གཞན་ལ་སྨོད། །༣༣ (ཤེས་རབ་ཀྱི་རྒྱུ་ལ་བསླབ་པ་གཉིས་ལས) (ཐོས་པ་ལ་མི་འཇུག་པ་ནི) ཆོས་ཀྱི་དོན་དུ་འགྲོ་མི་བྱེད (འདིའི་འགྲེལ་བཤད་ཞིབ་པར་རྗེའི་བྱང་ཆུབ་གཞུང་ལམ་༩༦བ༢ན་གསལ་ལོ)། །༣༤ (ཐོས་པའི་ཡུལ་ལ་ལོག་པར་སྒྲུབ་པ་ནི) (ཆོས་སྨྲ་བ)དེ་ལ་(ཚིག་མི་སྙན་པ་དང་ཚིག་སྦྱོར་མི་ལེགས་པ་སོགས་ཀྱིས། ཆོས་སྟོན་ཚུལ་མི་ལེགས་སོ་ཞེས)སྨོད་ཅིང་(བརྗོད་བྱ་ལ་མི་བལྟ་བར)ཡི་གེར་(ཏེ་ཚིག་ཙམ་ལ)རྟེན(པ་སྟེ་རྟོན་པའོ)། །(ཐ་མ་འདི་ཆོས་སྨྲ་བ་ལ་ཁྱད་དུ་གསོད་པའི་ཉེས་བྱས་ཡིན) (ཕར་ཕྱིན་དྲུག་པོ་སྤྱིའམ་སེམས་དོན་བྱེད་དང་འགལ་བ་བཅུ་གཉིས་ནི) ༣༥ (སེམས་ཅན་དོན་བྱེད་དང་འགལ་བ་ལ) (དོན་མི་སྒྲུབ་པ་ནི) (གཞན་ལ)དགོས་པའི་(དུས་སུ) གྲོགས་སུ་འགྲོ་མི་བྱེད(དེ་མི་འགྲོ་བའམ་དོན་མི་བྱེད་པའོ། །དེས་ན་གཞན་ལ་ཕན་གྲོགས་མི་བྱེད་པའོ)། །༣༦ (སྡུག་བསྔལ་གྱི་བྱེ་བྲག་མི་སེལ་བ་ནི) ནད་པའི་(ནད་གཡོག་ལ་སོགས་པའི)རིམ་གྲོ་(སྟེ་གཡོག)བྱ་བ་སྤོང་(བ་སྟེ་མི་བྱ་བའོ)། །༣༧ (སྡུག་བསྔལ་སྤྱི་མི་སེལ་བ་ནི) སྡུག་བསྔལ་སེལ་བར་མི་བྱེད་པ། །༣༨ (སྡུག་བསྔལ་གྱི་རྒྱུ་མི་སེལ་བ་ནི) (འདི་དང་ཕྱི་མར་གནོད་པའི)བག་མེད་པ་ལ་(ཞུགས་པ་ལ)རིགས་(པ་དང་འཚམ་པའམ་སྐྱོན་མེད་པའི་ཐབས་ཚུལ་ལམ་བསླབ་བྱ)མི་སྟོན(པའོ)། །༣༩ (ཕན་བཏགས་པ་ལ་ལོག་པར་སྒྲུབ་པ་ནི) (གཞན་གྱིས་ཕན་ཐོགས)བྱས་(པ)ལ་ལན་དུ་ཕན་མི་འདོགས། །༤༠ (ཡིད་མི་བདེ་བ་ལ་ལོག་པར་སྒྲུབ་པ་ནི) གཞན་གྱི་མྱ་ངན་(ནམ་སྡུག་བསྔལ་མནར་སེམས་ཀྱིས)སེལ་(བའམ་བསང་བར)མི་བྱེད། །༤༡ (བཀྲེན་པ་ལ་ལོག་པར་སྒྲུབ་པ་ནི) ནོར་འདོད་པ་(སྤྲང་པོ་སོགས)ལ་སྦྱིན་མི་བྱེད། །༤༢ (རང་གི་འཁོར་ལ་ལོག་པར་སྒྲུབ་པ་ནི) འཁོར་རྣམས་ཀྱི་ནི་དོན་མི་བྱེད། །(འདི་ཡན་ཆད་ཆོས་དང་ཟང་ཟིང་གིས་བསྡུ་ཚུལ་རྒྱས་པར་བཤད་ཟིན་ཏོ) ༤༣ (མཐུན་པར་བྱ་བ་ལ་ལོག་པར་སྒྲུབ་པ་ནི)གཞན་གྱི་བློ་(འམ་སེམས)དང་མཐུན་(པར)མི་འཇུག །༤༤ (ཡོན་ཏན་ཅན་ལ་ལོག་པར་སྒྲུབ་པ་ནི) (ཡང་དག་ཚུལ་ཁྲིམས་དང་། ཐོས་པ་དང་། གཏོང་བ་ལ་སོགས་པའི)ཡོན་ཏན་(གྱི)བསྔགས་པ་སྨྲ་(བར)མི་བྱེད། །༤༥ (ཆོས་མིན་སྤྱོད་པ་དབང་དུ་མི་བྱ་བ་ནི) རྐྱེན་དང་འཚམས་པར་(རྐྱེན་དང་འཚམ་པ་ཞེས་པ་ནི་སྨ་འབེབས་པར་འོས་པ་རྣམས་ལ་སྨ་འབེབས། ཆད་པས་གཅོད་པར་འོས་པ་རྣམས་ལ་ཆད་པས་གཅོད། གནས་ནས་བསྐྲད་པར་འོས་པ་རྣམས་ལ་གནས་ནས་སྐྲོད་པ་ལ་ཟེར་ལ། དེ་འདྲ་མི་བྱེད་པ་ནི) ཚར་མི་གཅོད(པའོ)། །༤༦ (བསྟན་པ་ལ་འགྲས་པ་སོགས་དབང་དུ་མི་བྱེད་པ་ནི) (རང་ཉིད)རྫུ་འཕྲུལ་(དང་ལྡན་ཞིང་སྐྱེས་བུ་མ་རུངས་པ་བསྡིགས་པར་རིགས་པ་རྣམས་ལ)བསྡིགས་(པ)ལ་སོགས་མི་བྱེད། །(ཉེས་བྱས་བཅུ་གཉིས་པོ་དེ་དག་ནི་སེམས་ཅན་དོན་བྱེད་དང་འགལ་བའི་ཉེས་བྱས་ཡིན) སྙིང་བརྩེར་ལྡན་ཞིང་བྱམས་ཕྱིར་དང་། །སེམས་དགེ་བ་ལ་ཉེས་པ་མེད། །ཅེས་སོ། །ར་དང་། །སེམས་དགེ་བ་ལ་ཉེས་པ་མེད། །ཅེས་སོ། །)
• Dictionaries/sgom sde tshig mdzod chenmo/13222  + ((པར་སིག་གི་སྐད) བདུན་ཕྲག་གཅིག་གི་མིང༌། ཐ་ས … (པར་སིག་གི་སྐད) བདུན་ཕྲག་གཅིག་གི་མིང༌། ཐ་སྙད་འདི་དིང་སང་རྒྱ་གར་གྱི་ཡུལ་སྐད་ལ་བདུན་ཕྲག་གཅིག་གི་མིང་དུ་རླུང་ལྟར་གྲགས་ཀྱང༌། ཐ་སྙད་འདིའི་ཐོག་མའི་འབྱུང་ཁུངས་ནི་པར་སིག་ཡིན་ཞིང༌། དེ་དག་གི་སྐད་ལ་སིན་དྷུ་ལ་ཧིན་དུ་དང༌། སཔྟ་ལ་ཧཔྟ། བདུན་ཕྲག་གཅིག་གི་མིང་སོགས་སུ་འབོད་པ། དེབ་ཐེར་དཀར་པོར་གསལ་བ་ལྟར་རོ། །རྒྱ་གར་དུ་འཚར་ལོངས་བྱེད་པའི་བོད་རིགས་གཞོན་སྐྱེས་ཕལ་མོ་ཆེས་ཐ་སྙད་འདི་བོད་སྐད་དང་རྒྱ་སྐད་གང་ཡིན་གྱི་རྣམ་དབྱེ་འབྱེད་དཀའ་སེ་བ་ཞིག་ཏུ་གྱུར་ཡོད། དེ་འདྲའི་ཉེན་ཁ་ནི་གཞིས་ལུས་ཀྱི་བོད་ཕྲུག་རྣམས་ལའང་ཡོད་ངེས་པས་གཞིས་བྱེས་ཚང་མས་དེ་འདྲའི་རིགས་ལ་ཡིད་གཟབ་མ་གནང་ན་བོད་ཀྱི་སྐད་ཡིག་རྩ་བརླག་ཏུ་འགྲོ་ཉེན་ཆེའོ། །ོད་ཀྱི་སྐད་ཡིག་རྩ་བརླག་ཏུ་འགྲོ་ཉེན་ཆེའོ། །)
• Dictionaries/sgom sde tshig mdzod chenmo/12402  + ((ཕར་ཕྱིན) <ཀཱ་རུ་ཎ> 1 སེམས་ཅན་སྡུག་བ … (ཕར་ཕྱིན) <ཀཱ་རུ་ཎ> 1 སེམས་ཅན་སྡུག་བསྔལ་གྱིས་མནར་བ་ལ་མི་བཟོད་པའི་བརྩེ་སེམས། ངེས་ཚིག་ནི། སྙིང་རྗེའི་སྐད་དོད་ཀཱ་རུ་ཎ་ཞེས་པ་ཀ་ལ་ཐིག་ལེ་བྱིན་ནས་ཀཾ་ཞེས་པ་བདེ་བ་དང༌། རུ་ཎ་འགོག་པ་སྟེ་བདེ་འགོག་ཅེས་བྱ། རང་ཉིད་གཅིག་པུ་བདེ་བར་སྡོད་པའི་བློ་འགོག་པས་ན་བདེ་འགོག་ཅེས་བྱ། སྙིང་རྗེ་ལ་དབྱེ་ན། སེམས་ཙམ་ལ་དམིགས་པའི་སྙིང་རྗེ་དང་། ཆོས་ལ་དམིགས་པའི་སྙིང་རྗེ་དང་། དམིགས་མེད་ལ་དམིགས་པའི་སྙིང་རྗེ་དང་གསུམ་མོ། །དེ་གསུམ་གྱི་ཁྱད་པར་ཞིབ་པར་སྙིང་རྗེ་གསུམ་ཞེས་པའི་ཐད་དུ་གཟིགས། 2 <སྔགས> བདེ་བ་ཆེན་པོའི་ཡེ་ཤེས། འཛག་བདེ་འགོག་པས་ན་སྙིང་རྗེའམ་བདེ་འགོག་ཅེས་བྱའོ། །ཤེས། འཛག་བདེ་འགོག་པས་ན་སྙིང་རྗེའམ་བདེ་འགོག་ཅེས་བྱའོ། །)
• Dictionaries/sgom sde tshig mdzod chenmo/1260  + ((ཕར་ཕྱིན) <དྷཱ་རི་ཎི> 1 དྷཱ་རི་ཎི་ཞེ … (ཕར་ཕྱིན) <དྷཱ་རི་ཎི> 1 དྷཱ་རི་ཎི་ཞེས་བྱ་བ་འཛིན་པའི་དོན་ཡིན་པས། ཏིང་ངེ་འཛིན་གྱི་སྟོབས་ཀྱིས་ཆོས་གསུང་རབ་ཀྱི་ཚིག་དོན་མི་བརྗེད་པར་འཛིན་ནུས་པའི་དྲན་པ་ལ་ཟེར། གཟུངས་ཀྱི་སྐོར་འགའ་ཞིག་འོག་ཏུ་གཟུངས་དང་སྤོབས་པ་ཞེས་པའི་ཐད་དུ་གཟིགས། འདི་ཡོངས་གྲགས་ཀྱི་གཟུངས་ཀྱི་གོ་དོན་ཡིན། སྤྱིར་བཏང་གཞུང་ཆེན་མོའི་ནང༌། གཟུངས་ཀྱི་ངོ་བོ་ནི། ཞི་གནས་དང་མཚུངས་ལྡན་གྱི་དྲན་པ་དང་ཤེས་རབ་ལ་བཤད་ཅིང༌། དེ་ལ་དབྱེ་ན། ༡ བཟོད་པའི་གཟུངས། སྟོང་ཉིད་ལ་མི་སྐྲག་པའི་ཏིང་ངེ་འཛིན་དང་ཤེས་རབ། སྦྱོར་ལམ་བཟོད་པ་ནས་ཐོབ་པར་བཤད། ༢ གསང་སྔགས་ཀྱི་གཟུངས། སྟོང་ཉིད་ལ་མི་སྐྲག་པའི་བཟོད་པ་ཐོབ་པའི་སྟོབས་ཀྱིས་གཞན་ཕྱི་ནང་གི་གནོད་པ་ལས་སྐྱོབ་པར་ནུས་པའི་གསང་སྔགས་ཀྱི་གཟུངས། སྦྱོར་ལམ་བཟོད་པ་དང་ལྷག་པར་མཐོང་ལམ་ནས་ཐོབ་པར་བཤད། ༣ ཚིག་གི་གཟུངས། ཏིང་ངེ་འཛིན་གྱི་སྟོབས་ཀྱིས་ཆོས་གསུང་རབ་ཀྱི་ཚིག་བསྐལ་པའི་བར་དུ་ཡང་མི་བརྗེད་པར་འཛིན་ནུས་པའི་དྲན་པ་ལ་ཟེར། ༤ དོན་གྱི་གཟུངས། ཏིང་ངེ་འཛིན་གྱི་སྟོབས་ཀྱིས་ཆོས་གསུང་རབ་ཀྱི་དོན་བསྐལ་པའི་བར་དུ་ཡང་མི་བརྗེད་པར་འཛིན་ནུས་པའི་དྲན་པ་ལ་ཟེར། གཟུངས་ནི་གཟུང་བ་དང་འཛིན་པའི་དོན་དང༌། གཟུངས་ཞེས་ས་མཐའི་ཡང་འཇུག་ཡོད་པ་ནི། གཟུང་ཞེས་པའི་བྱ་ཚིག་དང་ནོར་བ་སྤང་བར་བྱ་བའི་ཕྱིར་རམ། ཡང་ན་བརྡ་གསར་རྙིང་གི་ཁྱད་པར་ཡིན་ནམ་སྙམ་སྟེ། དཔེར་ན་འདུལ་བ་ལུང་སོགས་བཀའ་བསྟན་མང་པོར། སྟོད་རིང་ལ་སྟོད་རིངས་དང༌། བཞིན་བཟང་ལ་བཞིན་བཟངས། ལག་གཟུང་ལ་ལག་གཟུངས། ཆང་གཟུང་ལ་ཆང་གཟུངས་ཞེས་ས་མཐའ་ཅན་མང་དུ་སྣང་བ་བཞིན་ནོ། །སྡེ་དགེ་བསྟན་འགྱུར་སྣ་ཚོགས་༼ ཇོ་པ ༽༢༥༧ན༧ནའང་དེ་སྐོར་གསལ་ལོ། །2 སྔགས་ཡོད་པའི་བྱ་རྒྱུད་དུ་གཏོགས་པའི་རྒྱུད་ལ། གཟུངས་ཞེས་བཤད་དོ། །དེ་ཡང་བཅོམ་ལྡན་རིག་རལ་གྱི་«བསྟན་པ་རྒྱས་པ་རྒྱན་གྱི་ཉི་འོད»༢༢ན༥ ལས། གཟུངས་ཀྱི་མིང་ཅན་གྱི་མདོ་དང་། མདོའི་མིང་ཅན་གྱི་གཟུངས་གཉིས་ཀྱི་མིང་ལ་འཁྲུལ་ནས་རིན་པོ་ཆེ་ཏོག་གི་གཟུངས་དང་། གསེར་འོད་དམ་པ་དང་། ཟ་མ་ཏོག་བཀོད་པ་ལ་སོགས་པ་སྔགས་ཡོད་པའི་མདོ་དུ་མ་ཞིག་གཟུངས་སུ་བཅུག་སྣང་སྟེ་སྔགས་ཡོད་པ་ཙམ་གྱིས་གཟུངས་སུ་མི་འགྱུར་གྱི་དེ་ལ་བྱ་བའི་རྒྱུད་ཡིན་པ་དགོས་སོ། །སྔོན་གྱི་ལོ་པཎ་མཁས་པ་རྣམས་ཀྱིས་ཕྱེ་བ་ནི་སྔར་བྲིས་པ་ཁོ་ན་ལྟར་ཡིན་པས་དེ་བཞིན་དུ་གཟུང་ངོ་། །ཞེས་གསུངས་སོ། །ལྟར་ཡིན་པས་དེ་བཞིན་དུ་གཟུང་ངོ་། །ཞེས་གསུངས་སོ། །)
• Dictionaries/sgom sde tshig mdzod chenmo/12944  + ((ཕར་ཕྱིན) གཏོང་བའི་སེམས་པའམ་དེས་ཀུན་ནས་བསླ … (ཕར་ཕྱིན) གཏོང་བའི་སེམས་པའམ་དེས་ཀུན་ནས་བསླངས་པའི་ལུས་ངག་གི་ལས་ཅི་རིགས་ལ་ཟེར། རྗེའི་ལམ་རིམ་ཆེན་མོ་ལས། བྱང་ས་ལས། སྦྱིན་པའི་ངོ་བོ་ཉིད་གང་ཞེ་ན། ཡོ་བྱད་ཐམས་ཅད་དང་རང་གི་ལུས་ལ་མི་བལྟ་བའི་བྱང་ཆུབ་སེམས་དཔའི་མ་ཆགས་པ་དང་ལྷན་ཅིག་སྐྱེས་པའི་སེམས་པ་གང་ཡིན་པ་དང་དེས་ཀུན་ནས་བསླངས་པ་སྦྱིན་པར་བྱ་བའི་དངོས་པོ་ཡོངས་སུ་གཏོང་བའི་ལུས་དང་ངག་གི་ལས་དང༌། ཞེས་གསུངས་པ་ལྟར། གཏོང་བའི་སེམས་པ་དགེ་བ་དང་དེས་ཀུན་ནས་བསླངས་པའི་ལུས་ངག་གི་ལས་སོ། །ཞེས་གསུངས་སོ། །ཡོངས་གྲགས་ལ་གཏོང་བའི་སེམས་པའི་སྦྱིན་པའི་ངོ་བོར་བྱེད་པ་ནི་ཅུང་ཟད་གོ་བ་རྩིང་བའི་སྐྱོན་ནོ། །སྦྱིན་པ་ཐམས་ཅད་ཀྱི་ནང་ནས་མཆོག་ནི། བྱང་ཆུབ་ཀྱི་སེམས་ཀྱི་ཀུན་ནས་བསླངས་ཏེ་བསྔོ་བ་དང་སྨོན་ལམ་འདེབས་པ་ཡིན་ཏེ། རྗེའི་ལམ་རིམ་ཆེན་མོ་ལས། ཕར་ཕྱིན་བསྡུས་པ་ལས། སྦྱིན་པ་དེ་འདྲའི་རྩ་བ་བྱང་ཆུབ་སེམས། །དེ་འདྲའི་སྦྱིན་པ་གཏོང་འདོད་དེ་མི་བཏང༌། །འཇིག་རྟེན་ནང་ན་གཏོང་འདོད་སེམས་ལྡན་པ། །གཏོང་བའི་ནང་ན་མཆོག་ཅེས་རྒྱལ་བས་གསུངས། །ཞེས་གསུངས་པ་ལྟར། སྤྱོད་པའི་རྟེན་བྱང་ཆུབ་ཀྱི་སེམས་རྗེས་སུ་དྲན་ཅིང་བསྒོམ་པ་དང༌། བྱང་ཆུབ་ཏུ་སྨོན་ཞིང་སྨོན་ལམ་འདེབས་པ་ནི་གཏོང་བ་ཐམས་ཅད་ཀྱི་རྩ་བ་དང་གཏོང་བ་ཐམས་ཅད་ཀྱི་མཆོག་ཡིན་པས་དེ་ལ་འབད་པར་བྱ་སྟེ་འདི་ནི་ལག་བཟང་གིས་ཞུས་པའི་དོན་བསྡུས་པའི་གནད་དམ་པའོ། །ཞེས་གསུངས་པ་ལྟར་རོ། །སྦྱིན་པའི་ཕན་ཡོན་གྱི་སྐོར། མདོ་མཛངས་བླུན་མདོ་སྡེ་༼ ཨ ༽པའི་གསེར་དབྱིག་གི་ལེའུ་༡༥༠བ༥དང་། དབུལ་མོས་རས་ཕུལ་བའི་ལེའུ་༡༩༡ན༡ གཉིས་ན་བཞུགས་སོ། །གཏོང་བའི་སེམས་པ་དང་དེའི་ཀུན་ནས་བསླངས་པའི་ལུས་ངག་གི་ལས་ལ་ཟེར། རྗེའི་ལམ་རིམ་ཆེན་མོ་ལྟར་རོ། །དེ་ལ་དབྱེ་ན། ཟང་ཟིང་གི་སྦྱིན་པ། ཆོས་ཀྱི་སྦྱིན་པ། (དགེ་རྩ་གཞན་ལ་བསྔོ་བ་ཆོས་ཀྱི་སྦྱིན་པ) བྱམས་པའི་སྦྱིན་པ། (བྱམས་པ་ཚད་མེད་སྒོམ་པ་བྱམས་པའི་སྦྱིན་པ) མི་འཇིགས་པའི་སྦྱིན་པ་བཏང་སྙོམས་ཚད་མེད་སྒོམ་པ་མི་འཇིགས་པའི་སྦྱིན་པ་དང་བཞིའོ། །ཞེས་རྗེའི་གསང་འདུས་བསྐྱེད་རིམ་བློ་གསལ་བུང་བའི་རེ་སྐོང་ལས་གསུངས། དབུ་མ་ལ་འཇུག་པ་ལས། སྐྱེ་བོ་འདི་ཀུན་བདེ་བ་མངོན་འདོད་ཅིང་། །མི་རྣམས་བདེ་བའང་ལོངས་སྤྱོད་མེད་མིན་ལ། །ལོངས་སྤྱོད་ཀྱང་ནི་སྦྱིན་ལས་འབྱུང་མཁྱེན་ནས། །ཐུབ་པས་དང་པོར་སྦྱིན་པའི་གཏམ་མཛད་དོ། །ཞེས་ཐུབ་པས་ཁྱིམ་པ་རྣམས་ལ་དང་པོར་སྦྱིན་པའི་གཏམ་མཛད་པའི་མདོའི་ཁུངས་དེ་གང་ཡིན་ཞེ་ན། དེ་ནི་འདུལ་བ་ལུང་གཞི་༼ ང་པ ༽ཡིན་ཏེ། དེ་ཉིད་ལས། དེ་ནས་ཚེ་དང་ལྡན་པ་གྲགས་པའི་མ་དང་ཆུང་མ་གཉིས་ཀྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། བཅོམ་ལྡན་འདས་ཀྱིས་ཚེ་དང་ལྡན་པ་གྲགས་པའི་མ་དང༌། ཆུང་མ་གཉིས་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དེ། སངས་རྒྱས་བཅོམ་ལྡན་འདས་རྣམས་ཀྱི་ཐོག་མའི་དུས་སུ་ཆོས་ཀྱི་གཏམ་གླེང་བ་གང་ཡིན་པ་འདི་ལྟ་སྟེ། སྤྱིན་པའི་གཏམ་དང་ཚུལ་ཁྲིམས་ཀྱི་གཏམ་དང༌། མཐོ་རིས་ཀྱི་གཏམ་དང༌། འདོད་པ་རྣམས་ལ་མནོག་ཆུང་ཞིང་ཉེས་དམིགས་དང༌། ཀུན་ནས་ཉོན་མོངས་པ་དང༌། རྣམ་པར་བྱང་བ་དང༌། ངེས་པར་འབྱུང་བ་དང༌། རབ་ཏུ་དབེན་པའི་རྗེས་སུ་བསྔགས་པ་དང༌། རྣམ་པར་བྱང་བའི་ཕྱོགས་ཀྱི་ཆོས་རྣམས་རྒྱ་ཆེར་བཤད་དོ། །ཞེས་གསུངས་སོ། །སྦྱིན་པ་རྣམ་བཞི། ཟང་ཟིང་མི་འཇིགས་ཆོས་དང་བྱམས། །ཞེས་གསུངས་པ་ལྟར། (རྒྱུ་ནོར་སོགས་སྦྱིན་པ་ལ) ཟང་ཟིང་གི་སྦྱིན་པ། (གཞན་གྱི་སྲོག་སྐྱོབ་པ) མི་འཇིགས་པའི་སྦྱིན་པ། (ཆོས་འཆད་པ་དང་དགེ་རྩ་གཞན་ལ་བསྔོ་བ) ཆོས་ཀྱི་སྦྱིན་པ། (བྱམས་པ་ཚད་མེད་སྒོམ་པ་བྱམས་པའི) བྱམས་པའི་སྦྱིན་པ་དང་བཞིའོ། །ཡང་། རྗེའི་གསང་འདུས་བསྐྱེད་རིམ་བློ་གསལ་བུང་བའི་རེ་སྐོང་ལས། ཟང་ཟིང་གི་སྦྱིན་པ། (དགེ་རྩ་བསྔོ་བ) ཆོས་ཀྱི་སྦྱིན་པ། (བྱམས་པ་ཚད་མེད་སྒོམ་པ་བྱམས་པའི) བྱམས་པའི་སྦྱིན་པ། (བཏང་སྙོམས་ཚད་མེད་སྒོམ་པ) མི་འཇིགས་པའི་སྦྱིན་པ་དང་བཞིའོ། །ཞེས་ཀྱང་གསུངས་སོ། །པའི་སྦྱིན་པ་དང་བཞིའོ། །ཞེས་ཀྱང་གསུངས་སོ། །)
• Dictionaries/sgom sde tshig mdzod chenmo/3907  + ((ཕར་ཕྱིན) དགོས་དབང་འདི་འདྲ་ཞིག་ལ་གཟིགས་ནས་ … (ཕར་ཕྱིན) དགོས་དབང་འདི་འདྲ་ཞིག་ལ་གཟིགས་ནས་ཞེས་པའི་དོན། རྗེའི་དྲང་ངེས་ལེགས་བཤད་སྙིང་པོ་ལས། མཐར་གཏུགས་ན་དྲི་མ་མེད་པའི་རིགས་པ་ཉིད་ཀྱིས་དབྱེ་དགོས་ཏེ། རིགས་པ་དང་འགལ་བའི་གྲུབ་མཐའ་ཁས་ལེན་ན་སྨྲ་བ་པོ་ཚད་མའི་སྐྱེས་བུར་མི་རུང་བའི་ཕྱིར་དང། དངོས་པོའི་དེ་ཁོ་ན་ཉིད་ཀྱང་འཐད་པས་སྐྲུབ་པའི་རིགས་པའི་སྒྲུབ་བྱེད་དང་ལྡན་པའི་ཕྱིར་རོ། །དོན་གྱི་དབང་འདི་གཟིགས་ནས། དགེ་སློང་དག་གམ་མཁས་རྣམས་ཀྱིས། །བསྲེགས་བཅད་བརྡར་བའི་གསེར་བཞིན་དུ། །ལེགས་པར་བརྟགས་ལ་ང་ཡི་བཀའ། །བླང་བར་བྱ་ཡི་གུས་ཕྱིར་མིན། །ཞེས་གསུངས་སོ། །ཞེས་པ་ལྟ་བུ།གུས་ཕྱིར་མིན། །ཞེས་གསུངས་སོ། །ཞེས་པ་ལྟ་བུ།)
• Dictionaries/sgom sde tshig mdzod chenmo/11719  + ((ཕར་ཕྱིན) ཕྱི་དོན་ཁས་མི་ལེན་ཅིང༌། རང་རིག་བ … (ཕར་ཕྱིན) ཕྱི་དོན་ཁས་མི་ལེན་ཅིང༌། རང་རིག་བདེན་གྲུབ་ཏུ་འདོད་པའི་ཐེག་ཆེན་གྱི་གྲུབ་མཐའ་སྨྲ་བའི་གང་ཟག་དེ། སེམས་ཙམ་པའི་མཚན་ཉིད། སེམས་ཙམ་པ་དང༌། རྣམ་རིག་པ་དང༌། རྣལ་འབྱོར་སྤྱོད་པ་བ་རྣམས་དོན་གཅིག དེ་ལ་དབྱེ་ན། སེམས་ཙམ་རྣམ་བདེན་པ་དང༌། རྣམ་རྫུན་པ་གཉིས་ལས། སེམས་ཙམ་པ་གང་ཞིག ཚུར་མཐོང་གི་རྒྱུད་ཀྱི་གཟུགས་འཛིན་མངོན་སུམ་ལ་གཟུགས་རགས་པར་སྣང་བའི་ཆ་ལ་མ་རིག་བག་ཆགས་ཀྱིས་བསླད་པ་མ་ཞུགས་པར་འདོད་པ་དེ། སེམས་ཙམ་རྣམ་བདེན་པའི་མཚན་ཉིད། རྣམ་བདེན་པ་ལ་དབྱེ་ན། གཟུངས་འཛིན་གྲངས་མཉམས་པ། སྒོང་ང་ཕྱེད་ཚལ་བ། སྣ་ཚོགས་གཉིས་མེད་པ་དང་གསུམ་ཡོད། དེ་རྣམས་སོ་སོའི་འདོད་ཚུལ་ཡོད་དེ། བྱ་མ་ལེབ་ཀྱི་གཤོག་སྟེང་གི་ཁྲ་བོ་འཛིན་པའི་མིག་ཤེས་ཀྱི་ཁྲ་བོ་འཛིན་པའི་ཚེ། ཡུལ་གྱི་ངོས་ནས་སྔོ་སེར་སོགས་མི་འདྲ་བ་རེ་རེའི་རྣམ་པ་གཏད་ཅིང༌། ཡུལ་ཅན་གྱི་ངོས་ནས་ཀྱང་སྔོ་སེར་སོགས་མི་འདྲ་བ་རེ་རེའི་རྣམ་པ་རྣམ་བདེན་དུ་སྐྱེ་བར་འདོད་པས་ན་གཟུངས་འཛིན་གྲངས་མཉམས་པ་དང༌། དེ་ལྟར་འཛིན་པའི་ཚེ་ཡུལ་གྱི་ངོས་ནས་སྔོ་སེར་སོགས་མི་འདྲ་བ་རེ་རེའི་རྣམ་པ་གཏད་ཅིང༌། ཡུལ་ཅན་གྱི་ངོས་ནས་སྔོ་སེར་སོགས་མི་འདྲ་བ་རེ་རེའི་རྣམ་པ་རྣམ་མེད་དུ་སྐྱེ་བར་འདོད་པས་ན་སྒོང་ང་ཕྱེད་ཚལ་བ་དང༌། དེ་ལྟར་འཛིན་པའི་ཚེ་ཡུལ་གྱི་ངོས་ནས་སྔོ་སེར་སོགས་མི་འདྲ་བ་རེ་རེའི་རྣམ་པ་མ་གཏད་ཅིང༌། ཁྲ་ཙམ་གྱི་རྣམ་པ་གཏད། ཡུལ་ཅན་གྱི་ངོས་ནས་སྔོ་སེར་སོགས་མི་འདྲ་བ་རེ་རེའི་རྣམ་པ་རྣམ་མེད་དུ་མ་སྐྱེས་པར། ཁྲ་ཙམ་གྱི་རྣམ་པ་རྣམ་མེད་དུ་སྐྱེས་པར་འདོད་པས་ན་སྣ་ཚོགས་གཉིས་མེད་པ་ཞེས་བརྗོད་པ་ཡིན་པའི་ཕྱིར། སེམས་ཙམ་པ་གང་ཞིག ཚུར་མཐོང་གི་རྒྱུད་ཀྱི་གཟུགས་འཛིན་མངོན་སུམ་ལ་གཟུགས་རགས་པར་སྣང་བའི་ཆ་ལ་མ་རིག་བག་ཆགས་ཀྱིས་བསླད་པ་ཞུགས་པར་འདོད་པ་དེ། སེམས་ཙམ་རྣམ་རྫུན་པའི་མཚན་ཉིད། རྣམ་རྫུན་པ་ལ་དབྱེ་ན། དྲི་བཅས་རྣམ་རྫུན་པ། དྲི་མེད་རྣམ་རྫུན་པ་གཉིས་སུ་ཡོད། སྒྲ་བཤད་པ་ནི། ཆོས་རྣམས་སེམས་ཀྱི་བདག་ཉིད་ཙམ་དུ་འདོད་པས་ན་སེམས་ཙམ་པ་དང༌། ཆོས་ཐམས་ཅད་རྣམ་པར་རིག་པའི་བདག་ཉིད་ཙམ་དུ་འདོད་པས་ན་རྣམ་རིག་པ་ཞེས་བརྗོད་དོ། །་ཙམ་དུ་འདོད་པས་ན་རྣམ་རིག་པ་ཞེས་བརྗོད་དོ། །)
• Dictionaries/sgom sde tshig mdzod chenmo/4684  + ((ཕར་ཕྱིན) ཕྱིར་མི་ལྡོག་པའི་རྟགས་ཐོབ་པའི་བྱ … (ཕར་ཕྱིན) ཕྱིར་མི་ལྡོག་པའི་རྟགས་ཐོབ་པའི་བྱང་ཆུབ་སེམས་དཔའ་ལ་ཟེར། ཞིབ་པར་བཤད་ན། གཟུགས་སོགས་ལ་བདེན་ཞེན་མངོན་འགྱུར་བ་ལྡོག་པ་སོགས་རྟགས་ཞེ་བཞི་པོ་གང་རུང་ཐོབ་པའི་སེམས་དཔའ་དེ། ཕྱིར་མི་ལྡོག་པའི་བྱང་སེམས་ཀྱི་དགེ་འདུན་གྱི་མཚན་ཉིད། རྣམ་བཤད་སྙིང་པོའི་རྒྱན་ལས། གང་ཟག་གི་ཁྱད་པར་འགའ་ཞིག་རིགས་མ་ངེས་པ་ཡིན་ཡང༌། ཐེག་པ་ཆེན་པོའི་ཚོགས་ལམ་ནས་བཟུང་སྟེ་ལམ་གཞན་དུ་ཅུང་ཟད་ཀྱང་མི་འགྲོ་ཞིང༌། ཐེག་པ་ཆེན་པོའི་སེམས་བསྐྱེད་ལས་ཉམས་པ་མི་སྲིད་པས་བླ་ན་མེད་པའི་བྱང་ཆུབ་ངེས་པར་ཐོབ་པར་འགྱུར་བ་ཡིན་ཡང༌། ཕྱིར་མི་ལྡོག་པའི་རྟགས་དང་ལྡན་པར་མི་བཞག་ལ། ཞེས་གསུངས་སོ། །དེ་ལ་དབྱེ་ན། སྦྱོར་ལམ་པ་ཕྱིར་མི་ལྡོག་པའི་རྟགས་ཐོབ་པའི་དགེ་འདུན། མཐོང་ལམ་པ་ཕྱིར་མི་ལྡོག་པའི་རྟགས་ཐོབ་པའི་དགེ་འདུན། སྒོམ་ལམ་པ་ཕྱིར་མི་ལྡོག་པའི་རྟགས་ཐོབ་པའི་དགེ་འདུན་དང་གསུམ་ཡོད་པའི་ཕྱིར། ངེས་འབྱེད་ཡན་ལག་ནས་བཟུང་སྟེ། །མཐོང་དང་སྒོམ་པའི་ལམ་དག་ལ། །བྱང་ཆུབ་སེམས་དཔའ་གང་དག་གནས། །དེ་འདིར་ཕྱིར་མི་ལྡོག་པའི་ཚོགས། །ཞེས་གསུངས་པའི་ཕྱིར། ས་མཚམས་ཐེག་ཆེན་གྱི་སྦྱོར་ལམ་དྲོད་ནས་རྒྱུན་མཐའི་བར་ན་ཡོད། རྣམ་བཤད་སྙིང་པོའི་རྒྱན་ལས། དེས་ན་འཆད་པར་འགྱུར་བའི་རྟགས་དེ་དག་དང་ལྡན་པ་ནས་ཕྱིར་མི་ལྡོག་ཐོབ་པར་བཞག་ལ། དེ་ལ་དབང་པོ་རྣོན་པོ་ནས་ནི་སྦྱོར་ལམ་དྲོད་ནས་དང༌། འབྲིང་པོས་མཐོང་ལམ་དང༌། དབང་པོ་ཇི་ལྟར་རྟུལ་ཡང་ས་བརྒྱད་པ་ནས་ཐོབ་པར་རྣམ་པར་བཞག་གོ །ཞེས་གསུངས་སོ། །ཇོ་བོའི་ལམ་སྒྲོན་རང་འགྲེལ་ལས་ཀྱང་། མི་ལྡོག་པ་ཡི་སེམས་ཀྱིས་སུ། །ཞེས་བྱ་བ་ནི་འདིར་ཕྱིར་མི་ལྡོག་པའི་བྱང་ཆུབ་སེམས་དཔའ་ནི་རྣམ་པ་གསུམ་སྟེ། སྦྱོར་བའི་ལམ་ནས་མི་ལྡོག་པ་དང་། བདེན་པ་མཐོང་བ་ནས་མི་ལྡོག་པ་དང་། ས་བརྒྱད་པ་ནས་མི་ལྡོག་པའོ། །འདིའི་དོན་ནི་འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་ལས་རྒྱས་པར་བལྟ་བར་བྱའོ། །ཞེས་གསུངས་སོ། །ན་ལས་རྒྱས་པར་བལྟ་བར་བྱའོ། །ཞེས་གསུངས་སོ། །)
• Dictionaries/sgom sde tshig mdzod chenmo/7290  + ((ཕར་ཕྱིན) བཏང་སྙོམས་ཚད་མེད་དང་དོན་འདྲ་སྟེ། … (ཕར་ཕྱིན) བཏང་སྙོམས་ཚད་མེད་དང་དོན་འདྲ་སྟེ། དམིགས་ཡུལ་སེམས་ཅན་ཚད་མེད་པ་ལ་དམིགས་ནས་ཆགས་སྡང་གི་བློ་བཏང་སྟེ་དགྲ་གཉེན་ལ་སེམས་སྙོམས་པ་བསྒྲུབ་པའི་བློ་ཞིག་གོ། དེ་ལ་དབྱེ་ན་གཉིས་ཏེ། 1 སེམས་ཅན་རྣམས་ནང་ཕན་ཚུན་ཉེ་རིང་ཆགས་སྡང་མེད་པར་གནས་པའི་རྣམ་པ་ཅན་གྱི་ཚད་མེད་བཏང་སྙོམས་དང་། 2 རང་ཉིད་སེམས་ཅན་ལ་ཆགས་སྡང་དང་བྲལ་ནས་སེམས་སྙོམས་པར་གནས་པའི་ཚད་མེད་བཏང་སྙོམས་གཉིས་སོ། །འདི་བསྒོམ་པའི་རིམ་པ་ནི། ཐོག་མར་བར་མའི་སེམས་ཅན་ལ་སེམས་སྙོམས་པ་བསྒོམ། དེ་ནས་གཉེན་དང་ཉེ་དུ། དེ་ནས་རང་གི་དགྲ། དེ་ནས་སེམས་ཅན་ཐམས་ཅད་ལ་བསྒོམ་པར་བྱའོ། །རྗེའི་ལམ་རིམ་ཆེན་མོ་ལས། དེ་ལའང་སེམས་ཅན་རྣམས་ལ་ཆགས་སྡང་ལ་སོགས་པའི་ཉོན་མོངས་མེད་པ་བསྒྲུབ་པའི་རྣམ་པ་ཅན་ཞིག་དང༌། རང་ཉིད་སེམས་ཅན་ལ་ཆགས་སྡང་དང་བྲལ་ནས་སེམས་སྙོམས་པ་གཉིས་གསུངས་པ་ལས་འདིར་ཕྱི་མའོ། །འདི་བསྒོམ་པའི་གོ་རིམ་ནི་སྐྱེ་སླ་བས་ཐོག་མར་ཕན་ཡང་མ་བཏགས་གནོད་པའང་མ་བྱས་པའི་བར་མ་ཞིག་ལ་དམིགས་རྟེན་བྱས་ནས་རྗེས་སུ་ཆགས་པ་དང་ཁོང་ཁྲོ་བ་བསལ་ཏེ་སེམས་སྙོམས་པ་བསྒྲུབ་པར་བྱའོ། །དེ་ལ་སེམས་སྙོམས་པ་གྲུབ་ན་དེ་ནས་མཛའ་བཤེས་ལ་སེམས་སྙོམས་པ་བསྒྲུབ་སྟེ་དེ་ལ་སེམས་མ་སྙོམས་པ་ནི་ཆགས་སྡང་གིས་རིས་སུ་གཅོད་པའམ་ཆགས་པ་ཆེ་ཆུང་གིས་མ་སྙོམས་པའོ། །དེ་ལ་སྙོམས་ནས་དགྲ་ལ་སེམས་སྙོམས་པ་བསྒོམ་སྟེ་དེ་ལ་མ་སྙོམས་པ་ནི་མཐའ་གཅིག་ཏུ་མི་མཐུན་པར་བལྟས་ནས་ཞེ་སྡང་བའོ། །དེ་ལ་སྙོམས་ནས་སེམས་ཅན་ཐམས་ཅད་ལ་སེམས་སྙོམས་པ་བསྒོམ་མོ། །ཞེས་གསུངས་སོ། །་ལ་སེམས་སྙོམས་པ་བསྒོམ་མོ། །ཞེས་གསུངས་སོ། །)
• Dictionaries/sgom sde tshig mdzod chenmo/12404  + ((ཕར་ཕྱིན) བུ་ཆུང་ངུ་སྙིང་དུ་ཆེས་སྡུག་པ་སྡུ … (ཕར་ཕྱིན) བུ་ཆུང་ངུ་སྙིང་དུ་ཆེས་སྡུག་པ་སྡུག་བསྔལ་བར་གྱུར་པ་ལ་མ་དེ་སྙིང་རྗེ་ཇི་ཙམ་སྐྱེ་བ་དེ་ཙམ་པའི་བློའི་ཚོད་ཅིག་སེམས་ཅན་ཐམས་ཅད་ལ་རང་གི་ངང་གིས་སྐྱེ་བའི་བརྩེ་བ་དེ། སྙིང་རྗེ་ཆེན་པོའི་མཚན་ཉིད། སྒོམ་སྡེ་ནམ་མཁའ་རྒྱལ་མཚན་གྱིས། བུ་གཅིག་པའི་མས་རང་གི་བུ་ལ་ཇི་ལྟར་སྙིང་བརྩེ་བའི་ཚོད་ཙམ་ཞིག་སེམས་ཅན་ཐམས་ཅད་ལའང་རང་གི་ངང་གིས་སྐྱེ་བའི་བརྩེ་བ་དེ། སྙིང་རྗེ་ཆེན་པོའི་མཚན་ཉིད་དུ་གསུངས་པའང་དེ་དང་འདྲའོ། །རྗེའི་ལམ་རིམ་ཆེན་མོ་ལས། དེ་ལ་སྙིང་རྗེ་སྐྱེས་པའི་ཚད་ནི། སྒོམ་རིམ་དང་པོ་ལས། གང་གི་ཚེ་ཡིད་དུ་འོང་བའི་བུ་མི་བདེ་བ་བཞིན་དུ་སེམས་ཅན་ཐམས་ཅད་ལའང་སྡུག་བསྔལ་གཏན་ནས་བྱང་བར་འདོད་པའི་རྣམ་པའི་སྙིང་རྗེ་རང་གི་ངང་གིས་འཇུག་པ་བདག་ཉིད་ཀྱིས་མཚུངས་པར་འཇུག་པར་འགྱུར་བ་དེའི་ཚེ་དེ་རྫོགས་པ་ཡིན་པས་སྙིང་རྗེ་ཆེན་པོའི་མིང་འཐོབ་སྟེ། ཞེས་བུ་ཆུང་ངུ་སྙིང་དུ་ཆེས་སྡུག་པ་སྡུག་བསྔལ་བར་གྱུར་པ་ལ་མ་དེ་སྙིང་རྗེ་ཇི་ཙམ་སྐྱེ་བ་དེ་ཙམ་པའི་བློའི་ཚོད་ཅིག་སེམས་ཅན་ཐམས་ཅད་ལ་སྙིང་རྗེ་རང་གི་ངང་གིས་སྐྱེ་བ་ན་སྙིང་རྗེ་ཆེན་པོའི་མཚན་ཉིད་ཚང་བར་གསུངས་སོ། །འདིས་བྱམས་པ་ཆེན་པོ་སྐྱེས་པའི་ཚད་ཀྱང་རིག་པར་བྱའོ། །ཞེས་གསུངས་སོ། །རྗེའི་ལམ་རིམ་དུ་འདི་སྙིང་རྗེ་ཆེན་པོ་སྐྱེས་པའི་ཚད་དུ་བཤད་ཀྱང་འདི་དང་འགལ་བ་མེད་དོ། །སྙིང་རྗེ་སྒོམ་པའི་གོ་རིམ་ནི། རྗེའི་ལམ་རིམ་ལས། ཐོག་མར་མཛའ་བཤེས་དང་དེ་ནས་བར་མ་དང་དེ་ནས་དགྲ་ལ་བསྒོམ་སྟེ། མཛའ་བཤེས་དང་འདྲ་བར་དགྲ་ལའང་སེམས་སྙོམས་པར་འཇུག་པའི་ཚེ། རིམ་གྱིས་ཕྱོགས་བཅུའི་སེམས་ཅན་ཐམས་ཅད་ལའང་བསྒོམ་མོ། །ཞེས་གསུངས། སྒྲ་བཤད་ནི། གཞན་ལ་བརྩེ་བའི་བསམ་པ་ཡིན་པས་ན་སྙིང་རྗེ་དང་། དམིགས་པ་སེམས་ཅན་ཐམས་ཅད་ལ་དམིགས་པས་ན་ཆེན་པོ་ཞེས་བྱ་སྟེ། འཇུག་པ་རང་འགྲེལ་ལས། སྙིང་རྗེ་ཆེན་པོ་ཞེས་པ་ལ། ཆེན་པོ་ནི་སེམས་ཅན་ཐམས་ཅད་ལ་ཁྱབ་པས་སོ། །ཞེས་གསུངས་སོ། ། སྙིང་རྗེ་ཆེན་པོ་ལ་དབྱེ་ན། སེམས་ཙམ་ལ་དམིགས་པའི་སྙིང་རྗེ་ཆེན་པོ་དང་། ཆོས་ལ་དམིགས་པའི་སྙིང་རྗེ་ཆེན་པོ་དང་། དམིགས་མེད་ལ་དམིགས་པའི་སྙིང་རྗེ་ཆེན་པོ་དང་གསུམ་མོ། །དེ་གསུམ་གྱི་ཁྱད་པར་ཞིབ་པར་སྙིང་རྗེ་གསུམ་ཞེས་པའི་ཐད་དུ་གཟིགས།་ཞིབ་པར་སྙིང་རྗེ་གསུམ་ཞེས་པའི་ཐད་དུ་གཟིགས།)
• Dictionaries/sgom sde tshig mdzod chenmo/11145  + ((ཕར་ཕྱིན) མངོན་ཤེས་དྲུག་གི་གཉིས་པ་ལྷའི་རྣ་ … (ཕར་ཕྱིན) མངོན་ཤེས་དྲུག་གི་གཉིས་པ་ལྷའི་རྣ་བའི་མངོན་ཤེས་ཀྱི་མཚན་ཉིད་ནི། མངོན་ཤེས་དྲུག་གི་ནང་ཚན་གང་ཞིག རང་གི་བདག་རྐྱེན་དུ་གྱུར་བའི་ལྷའི་རྣ་བ་ལས་སྐྱེས་ཤིང་འཇིག་རྟེན་གྱི་ཁམས་ཀྱི་སྒྲ་ཕྲ་རགས་ཤེས་པའོ། །ལྷའི་རྣ་བ་ཙམ་ལ་དབྱེ་ན་གསུམ་ལས། དང་པོ་སྐྱེས་ནས་ཐོབ་པ་ནི། བསམ་གཏན་བཞི་པ་པའི་རྒྱུད་ཀྱི་ལྷའི་རྣ་བ་ལྟ་བུ། གཉིས་པ་ལས་ལས་བྱུང་བ་ནི། འཁོར་ལོས་སྒྱུར་བའི་རྒྱལ་པོའི་དེ་ལྟ་བུ། གསུམ་པ་ཏིང་ངེ་འཛིན་ལས་སྐྱེས་བ་ནི། སྐབས་འདིར་བསྟན་གྱི་དེ་ལྟ་བུ།ས་སྐྱེས་བ་ནི། སྐབས་འདིར་བསྟན་གྱི་དེ་ལྟ་བུ།)
• Dictionaries/sgom sde tshig mdzod chenmo/1122  + ((ཕར་ཕྱིན) མངོན་ཤེས་དྲུག་གི་གསུམ་པ་ནི། མངོན … (ཕར་ཕྱིན) མངོན་ཤེས་དྲུག་གི་གསུམ་པ་ནི། མངོན་ཤེས་དྲུག་གི་ནང་ཚན་གང་ཞིག གཞན་གྱི་སེམས་འདོད་ཆགས་དང་བཅས་མ་བཅས་སོགས་ཤེས་པའི་རིགས་སུ་གནས་པ་དེ། གཞན་སེམས་ཤེས་པའི་མངོན་ཤེས་ཀྱི་མཚན་ཉིད། རིགས་གནས་སྨོས་པ་ལ་དགོས་པ་ཡོད་དེ། ཕྱི་རོལ་བའི་རྒྱུད་ཀྱི་གཞན་སེམས་ཤེས་པའི་མངོན་ཤེས་དེ་གཞན་གྱི་སེམས་འདོད་ཆགས་དང་བཅས་མ་བཅས་སོགས་རྟོགས་མི་ནུས་པའི་ཕྱིར་ཏེ། དེས་དེ་འདོད་ཆགས་དང་བྲལ་བ་དེ་རྟོགས་མི་ནུས་པའི་ཕྱིར། གཞན་སེམས་ཤེས་པ་ཙམ་ལ་དབྱེ་ན། སྐྱེས་ནས་ཐོབ་པ་དང༌། ལས་ལས་བྱུང་བ་དང༌། རིག་བྱེད་ལས་ཤེས་པ་དང༌། ཏིང་ངེ་འཛིན་ལས་བྱུང་བ་བཞི་ལས། དང་པོ་ནི་འདོད་ལྷ་དང་འདྲེ་ཕལ་ཆེར་ལྟ་བུ། གཉིས་པ་ནི། བར་སྲིད་པ་ལྟ་བུ། གསུམ་པ་ནི། རྟོག་གེ་བ་མཁས་པ་ལྟ་བུ། བཞི་པ་ནི་སྐབས་འདིར་བསྟན་གྱི་དེ་ལྟ་བུའོ། ། བཞི་པ་ནི་སྐབས་འདིར་བསྟན་གྱི་དེ་ལྟ་བུའོ། །)
• Dictionaries/sgom sde tshig mdzod chenmo/10409  + ((ཕར་ཕྱིན) མངོན་ཤེས་དྲུག་གི་ནང་ཚན་གང་ཞིག ས་ … (ཕར་ཕྱིན) མངོན་ཤེས་དྲུག་གི་ནང་ཚན་གང་ཞིག ས་གཡོ་བ་དང་གཅིག་ཏུ་སྒྱུར་ཞིང་མང་པོར་སྤྲུལ་པ་ལ་སོགས་པ་བྱེད་པར་ནུས་པའི་རིག་པ། རྫུ་འཕྲུལ་གྱི་མངོན་ཤེས་ཀྱི་མཚན་ཉིད། རྫུ་འཕྲུལ་ཙམ་ལ་དབྱེ་ན་བཞི་ལས། དང་པོ་ལས་ལས་བྱུང་བ་ནི། མིའི་རྫུ་འཕྲུལ་དང༌། འཁོར་ལོས་སྒྱུར་བའི་རྒྱལ་པོ་དང༌། སྲིན་པོ་དང༌། ཤ་ཟ་འགའ་ཞིག་ལ་ཡོད་པའི་རྫུ་འཕྲུལ་ལྟ་བུ། གཉིས་པ་སྔགས་ལས་བྱུང་བ་ནི། སྔགས་འགའ་ཞིག་བགྲངས་པའི་མཐུས་རྫུ་འཕྲུལ་སྟོན་ནུས་པ་ལྟ་བུ། གསུམ་པ་སྨན་ལས་བྱུང་བ་ནི། སྨན་འགའ་ཞིག་བཅངས་པ་ཙམ་གྱིས་རྫུ་འཕྲུལ་སྟོན་ནུས་པ་ལྟ་བུ། བཞི་པ་ཏིང་ངེ་འཛིན་བསྒོམས་པ་ལས་བྱུང་བ་ནི། སྐབས་འདིར་དངོས་སུ་བསྟན་པའི་རྫུ་འཕྲུལ་གྱི་མངོན་ཤེས་ལྟ་བུ།་སུ་བསྟན་པའི་རྫུ་འཕྲུལ་གྱི་མངོན་ཤེས་ལྟ་བུ།)