Property:TibetanDefinition

This is a property of type Text.

Usage13409

Filter<p>The <a target="_blank" rel="nofollow noreferrer noopener" class="external text" href="https://www.semantic-mediawiki.org/wiki/Help:Property_page/Filter">search filter</a> allows the inclusion of <a target="_blank" rel="nofollow noreferrer noopener" class="external text" href="https://www.semantic-mediawiki.org/wiki/Help:Query_expressions">query expressions</a> such as <code>~</code> or <code>!</code>. The selected <a target="_blank" rel="nofollow noreferrer noopener" class="external text" href="https://www.semantic-mediawiki.org/wiki/Query_engine">query engine</a> might also support case insensitive matching or other short expressions like:</p><ul><li><code>in:</code> result should include the term, e.g. '<code>in:Foo</code>'</li></ul><ul><li><code>not:</code> result should to not include the term, e.g. '<code>not:Bar</code>'</li></ul>

Showing 500 pages using this property.

D

Dictionaries/sgom sde tshig mdzod chenmo/1 +

(ལེགས་སྦྱར) 1 ལེགས་སྦྱར་གྱི་ༀ་ནི་གུས་འདུད་དང་ཕྱག་འཚལ་བ་མཚོན་བྱེད་ཀྱི་ཡི་གེ་ཞིག་སྟེ། ལེགས་སྦྱར་གྱི་ प्रणमः “པྲ་ཎ་མཿ” ཞེས་པ་རབ་སྔགས་ཏེ་ཕྱག་འཚལ་བ་དང་ༀ་ཡིག་གི་དོན་ཡིན་པར། སཾ་བོད་སྐད་གཉིས་ཤན་སྦྱར་གསེར་གྱི་ཕྲེང་མཛེས་ལས་གསུངས་པ་ལྟར་དང་། བོད་པས་བཀྲ་ཤིས་བདེ་ལེགས་ཟེར་བའི་ཚོད་དུ་རྒྱ་གར་བ་རྣམས་འཚམས་འདྲི་བྱེད་ཚེ་པྲ་ཎམ་ཞེས་བརྗོད་པ་གུས་འདུད་དང་ཕྱག་འཚལ་བ་མཚོན་བྱེད་རེད། ཡང་། སྣར་ཐང་ལོ་ཙཱའི་སྔགས་ཀྱི་བཀླག་ཐབས་སུ། ༀ་ནི་བཀྲ་ཤིས་པ་དང་གཡང་གི་དོན་དུ་བཤད་ཡོད། དཔལ་དུས་ཀྱི་འཁོར་ལོའི་ས་གར་དང་མཆོད་གར་གྱི་སྔགས་དོན་བརྡ་བཀྲོལ་ཁུངས་ལྡན་བདུད་རྩིའི་ཟེགས་མ་ལས་ཀྱང་། ༀ་ནི་སྔགས་ཀྱི་འགོ་འདྲེན་དང་བསྒྱུར་ན་རབ་སྔགས་སམ་སྲུངས་ཤིག་ཅེས་པའི་དོན་ཡིན་པར་བཤད། 2 ཡང་། འདི་ལ་ནོར་བུ་འཛིན་པའི་སྔགས་ཞེས་ཀྱང་ཟེར། ༀ་ལ་ཨ་ཨུ་མ་གསུམ་ (འདི་ཅུང་ཟད་གོ་དཀའ་བའི་རྒྱུ་མཚན་ནི། བོད་ཡིག་ལ་ཨཱ་ལི་སྲོག་ཞུགས་ཀྱི་རྣམ་གཞག་མ་མཛད་པས། དེ་ནི་ལེགས་སྦྱར་གྱི་དབང་དུ་བྱས་པ་སྟེ། སི་ཏུ་འགྲེལ་ཆེན་གྱི་དབུར། ལེགས་སྦྱར་ལྟར་ཨ་ཨི་འདུས་པས་ཨེ་སོགས་སུ་འགྱུར་བར་ཁས་ལེན་དགོས་པའི་སྐྱོན་ཡང་ཡོད་པའི་ཕྱིར་རོ། །ཞེས་གསུངས་པས་ཤེས་པར་འགྱུར་ཏེ། དཔེར་ན་ཨ་དང་ཨུ་འདུས་པ་ལས། ཨོ་ཞེས་གྲུབ། ཨ་དང་ཨི་འདུས་པས། ཨེ་ཞེས་གྲུབ་པ་ལྟ་བུའོ) འདུས་པས། སྐུ་གསུང་ཐུགས་གསུམ་མཚོན། དེ་གསུམ་གཅིག་ཏུ་གྱུར་པའི་ༀ་གྱིས་རྡོ་རྗེ་གསུམ་དབྱེར་མེད་མི་ཕྱེད་པ་མཚོན། སྔགས་དེའི་མཚོན་དོན་དྲན་པའི་སྒོ་ནས་ངག་ཏུ་བརྗོད་ན་བསོད་ནམས་མང་དུ་སྡུད་པས་ནོར་བུ་འཛིན་པའི་སྔགས་ཞེས་བརྗོད་དེ། རྒྱུད་རྡོ་རྗེ་རྩེ་མོ་ལས། ༀ་ནི་ཅི་ཞིག་ཡིན་པར་བརྗོད། །མཆོག་དང་ནོར་དང་དཔལ་དང་གཡང་། །སྐལ་བཟང་རྣམ་པ་དང་ལྡན་ཞིང་། །དམ་བཅའ་བ་དང་བཀྲ་ཤིས་དོན། །ནོར་བུ་འཛིན་པའི་སྔགས་སུ་བརྗོད། །ཅེས་གསུངས་པ་ལྟར་རོ། །ཡི་གེ་གསུམ་པོ་རྡོ་རྗེ་གསུམ་དུ་འཇོག་ཚུལ་སྐལ་ལྡན་གྲགས་པས། ཨ་མི་བསྐྱོད་པ། ཨུ་སྣང་མཐའ། མ་རྣམ་སྣང་དུ་བཞེད། ལོ་ཙཱ་བ་འགའ་ཞིག་གིས། ཨ་དྷེ་ཧ་ཙ་ལུས། ཨ་ཙ་ར་ངག ཨཾ་མན་ཙ་ཡིད་དུ་འདོད་ཅེས་རྗེ་བདག་ཉིད་ཆེན་པོས་གསུངས་སོ། །ཞེས་དཔལ་དུས་ཀྱི་འཁོར་ལོའི་ས་གར་དང་མཆོད་གར་གྱི་སྔགས་དོན་བརྡ་བཀྲོལ་ཁུངས་ལྡན་བདུད་རྩིའི་ཟེགས་མ་ལས་གསུངས་སོ། །3 ཡང་། བཀྲ་ཤིས་པ་དང་གཡང་གི་དོན་ཡིན་པར་སྣང་ཐང་ལོ་ཙཱ་བ་གསུང་། འདི་འདོན་པ་རྣམས་ལ་བཀྲ་ཤིས་པ་སྟེ་བར་ཆད་མི་འབྱུང་ཞིང་། མངོན་པར་འདོད་པའི་དོན་འགྲུབ་པར། མཚོ་ཊཱིཀ་ན་གསལ། ཡི་གེ་འདི་དང་ཨ་ཐ་ཞེས་པ་གཉིས་སྔོན་ལྷ་ཚངས་པའི་ཁུར་ཚོས་བརྡོལ་ཏེ་བྱུང་ཚུལ་ཡང་དེའི་ཐད་དུ་གསལ། ས་བཅུ་པའི་གཟུངས། རྒྱུད་༼ ཙ་པ ༽༥༩བ༦ལས། གསང་སྔགས་ༀ་ཞེས་བྱ་བ་དྲན་ནས་ཚེ་འཕོས་པ་ནི་འཇིག་རྟེན་གྱི་ཁམས་བདེ་བ་ཅན་དུ་འགྲོ་བར་འགྱུར་རོ། །ཞེས་གསུངས་སོ། །

Dictionaries/sgom sde tshig mdzod chenmo/10 +

(ལེགས་སྦྱར) རྒྱལ་བ་ཀུན་གྱི་རྡོ་རྗེ་གསུམ་གྱི་བདག་ཉིད་དམ་རྡོ་རྗེ་གསུམ་གྱི་ཡོན་ཏན་ཆེན་པོ་ཚད་མེད་པས་ལྕི་ཞིང་གང་བ་རྒྱལ་དབང་པདྨ་ཞེས་བོས་ནས་བདག་ལ་མཆོག་གི་དངོས་གྲུབ་སྐུ་གསུམ་ཆེན་པོའི་གོ་འཕང་སྩོལ་ཅིག་ཅེས་པའི་དོན། དེ་ལ་ༀ་ཨཱཿཧཱུྃ་ནི་སྐུ་གསུམ་གྱི་ས་བོན་དང༌། བཛྲ་ནི་རྡོ་རྗེ། གུ་རུ་ནི་བླ་མ་སྟེ་གུ་ཎ་ཡོན་ཏན་ལ་དང་ལྕི་བ་ལ་འཇུག་པས་ཡོན་ཏན་གྱི་ཁུར་གྱིས་ལྕི་བས་བླ་མ་དང༌། པདྨ་ནི་དྷ་ན་ཀོ་ཤའི་མཚོ་གླིང་དུ་པདྨའི་སྦུབས་ལས་འཁྲུངས་པས་སམ་གསུང་པདྨའི་རིགས་ཡིན་པས་པདྨ་འབྱུང་གནས་ཞེས་མཚན་གསོལ། དོན་ནི་པདྨ་འདམ་ལས་སྐྱེས་ཀྱང་འདམ་གྱིས་མ་གོས་པ་ལྟར་གདུལ་བྱའི་དོན་སྣ་ཚོགས་མཛད་ཀྱང་འཁོར་བའི་ཉེས་པས་མ་གོས་པའོ། །སིདྡྷི་ནི་དངོས་གྲུབ་དང༌། ཧཱུྃ་ནི་ཧ་ཨུ་མ་གསུམ་འདུས་པ་སྐུ་གསུམ་གྱི་ཡི་གའོ། །གཞན་ཡང༌། ༀ་ཨཱཿཧཱུྃ་རྡོ་རྗེ་གསུམ་གྱི་ས་བོན་གྱིས་ཐོག་དྲངས་ཏེ། བཛྲ་ནི་མཚན་རྟོག་གི་སྤྲོས་པས་མི་ཕྱེད་པའི་ཕྱིར་ཆོས་ཀྱི་སྐུ་དང༌། གུ་རུ་ནི་དེའི་ངང་ལས་ཁ་སྦྱོར་ཡན་ལག་བདུན་དང་ལྡན་པའི་ཡོན་ཏན་གྱི་ཁུར་གྱི་ལྕི་བས་ན་ལོངས་སྐུ། པདྨ་ནི་དེའིང་སོ་སོར་རྟོག་པའི་ཡེ་ཤེས་ཀྱི་རིག་མདངས་གསུང་པདྨའི་རིགས་སུ་ཤར་བས་ན་སྤྲུལ་སྐུ་སྟེ། དེ་ལྟ་བུའི་སྐུ་གསུམ་དབྱེར་མེད་པའི་བླ་མ་ཨོ་རྒྱན་ཆེན་པོའི་ཡོན་ཏན་རྗེས་སུ་དྲན་པས། སེམས་ཀྱི་གཤིས་སྤྲོས་པ་དང་བྲལ་བའི་རང་རྩལ་མོས་གུས་དུང་ངེ་བའི་གསོལ་བ་གདབ་ཅིང༌། དེ་ལྟར་གསོལ་བ་བཏབ་པའི་མཐུས་སིདྡྷི་སྟེ་མཆོག་ཐུན་མོང་གི་དངོས་གྲུབ་ཐམས་ཅད་ཧཱུྃ་ཞེས་བདག་གི་ཤེས་རྒྱུད་ལ་དུས་ད་ལྟ་ཉིད་དུ་སྩོལ་ཅིག་ཅེས་པའོ། །ཞེས་རྙིང་མའི་གཞུང་ན་གསལ་བ་ལྟར་རོ། ། +

Dictionaries/sgom sde tshig mdzod chenmo/100 +

(ལེགས་སྦྱར) དམ་ཅན་ཆོས་རྒྱལ་གྱི་མིང་། +

Dictionaries/sgom sde tshig mdzod chenmo/1000 +

བཞད་གད། +

Dictionaries/sgom sde tshig mdzod chenmo/10000 +

1 མརྒད། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༤༢བ༣ལས། རྡོའི་སྙིང་པོ་ཞེས་བྱ་བ་ནི་མརྒད་དོ། །ཞེས་གསུངས་ཤིང་། དེའི་དམར་དགེ་བཤེས་ཀྱི་སྨན་གཞུང་དྲི་མེད་ཤེལ་ཕྲེང་དང་། བོད་རྒྱ་ཚིག་མཛོད་ཆེན་མོར་ཡང་དེ་བཞིན་གསལ། +

Dictionaries/sgom sde tshig mdzod chenmo/10001 +

2 རིན་པོ་ཆེ་ཨ་སྨ་གརྦྷ་ཞེས་བྱ་བ་ལ་རིགས་གཉིས་ཏེ། ཨ་སྨ་གརྦྷ་དང་། དྲུ་མ་ཨ་སྨ་གརྦྷའོ། ། ཨ་སྨ་གརྦྷ་ནི་མདོག་ཤིན་ཏུ་གནག་པ་ལ་འོད་ཟེར་ཤིན་ཏུ་དམར་བ་འབྱུང་། དྲུ་མ་ཨ་སྨ་གརྦྷ་ནི་སྔ་མ་དང་འདྲ་བ་ལ་འོད་ཅུང་ཞིག་གསལ་བའོ། །འདི་གཉིས་ཆུ་ནང་གི་རྡོ་ལས་སྐྱེས་པའི་ཚུལ་དུ་འབྱུང་བས་ཨ་སྨ་གརྦྷ་སྟེ་བོད་སྐད་དུ་རྡོའི་སྙིང་པོ་ཞེས་བྱ། ཡུལ་སིངྒ་ལྡ་གན་སཽ་རཱཥྚ་རྣམས་ནས་འབྱུང་ལ། གོང་ཚད་ནི་སྔ་མ་ལ་དངུལ་གྱི་དོ་སྐོར་ཕྱི་མ་ལ་བརྗེ་བོ་བྱེད་པའོ། །ཞེས་དྲི་མེད་ཤེལ་ཕྲེང་༩༠ལས་བཤད་དོ། ། +

Dictionaries/sgom sde tshig mdzod chenmo/10002 +

3 རྒྱ་མཚོ་ནས་ཐོན་པའི་རྡོ་རྨུག་པོ་ཞིག་ཡོད་པར་གྲགས། དངུལ་ཆུ་དྷརྨ་བྷ་དྲ་གསུང༌། +

Dictionaries/sgom sde tshig mdzod chenmo/10003 +

4 སློབ་དཔོན་ཡང་དག་བདེན་པས། རྡོའི་སྙིང་པོ་ནི་ཁ་དོག་དམར་པོའོ། །ཞེས་གསུངས། +

Dictionaries/sgom sde tshig mdzod chenmo/10004 +

5 བོད་ཀྱི་གབ་ཚིག་ཏུ་དངུལ་ལ་རྡོའི་སྙིང་པོ་ཟེར། ཞེས་དྲི་མེད་ཤེལ་ཕྲེང་༩༠ལས་གསུངས། +

Dictionaries/sgom sde tshig mdzod chenmo/10005 +

རྡོ་རྗེས་ཐབས་བདེ་བ་ཆེན་པོའི་ཡེ་ཤེས། དྲིལ་བུས་སྟོང་ཉིད་རྟོགས་པའི་ཤེས་རབ་མཚོན། རྒྱས་པར་བཤད་ན། རྡོར་དྲིལ་གྱིས་བསྐྱེད་རྫོགས་ཀྱི་ལམ་ཡོངས་རྫོགས་མཚོན་པ་ཡིན་ཏེ། (དང་པོ་བསྐྱེད་རིམ་གྱི་ལྷ་ཡི་དཀྱིལ་འཁོར་མཚོན་ཚུལ་ལ) ༼ ཐོག་མར་རྡོ་རྗེའི་མཚོན་དོན་ནི ༽ རྡོ་རྗེས་རྡོ་རྗེ་སེམས་དཔའ་དང་། དྲིལ་བུས་རྡོ་རྗེ་དབྱིངས་ཀྱི་དབང་ཕྱུག་མ་མཚོན། ཞིབ་ཏུ་བཤད་ན། རྡོ་རྗེ་ལྟེ་བས་རྡོ་རྗེ་སེམས་དཔའ། སྟེང་རྭ་ལྔས་རྣམ་སྣང་སོགས་ལྔ་སྟེ། དབུས་རྭས་རྣམ་སྣང་། ཤར་རྭས་མི་བསྐྱོད་པ། ལྷོ་རྭས་རིན་འབྱུང་། ནུབ་རྭས་འོད་དཔག་མེད། བྱང་རྭས་དོན་གྲུབ་བཅས་མཚོན་ནོ། ། (གཉིས་པ་རྫོགས་རིམ་གྱི་ལམ་མཚོན་ཚུལ་ལ) རྡོ་རྗེའི་རྩེ་མོ་ལྔས་ཡེ་ཤེས་ལྔ་ཡང་མཚོན་པར་གསུངས་ཏེ། རྗེའི་འགྲེལ་པ་བཞི་སྦྲགས་ལས། ཡེ་ཤེས་ལྔ་མཚོན་པའི་རྡོ་རྗེ་རྩེ་ལྔ་པ་ཞེས་གསུངས་པ་ལྟར་རོ། །སྟེང་གི་པད་འདབ་བརྒྱད་ཀྱིས་འཕགས་ལམ་ཡན་ལག་བརྒྱད་ཀྱི་རང་བཞིན་བྱམས་པ་སོགས་སེམས་དཔའ་བརྒྱད། (བྱང་ཆུབ་སེམས་དཔའ་བརྒྱད་ནི། པཎྜི་ཏ་སྨྲ་ཏི་ཛྙཱ་ན་ཀཱི་རྟིས་མཛད་པའི་དེ་ཁོ་ན་ཉིད་དྲུག་རྣམ་པར་བཞག་པ་ལས། དེ་འོག་པདྨ་འདབ་བརྒྱད་ལ། །བྱང་ཆུབ་སེམས་བརྒྱད་ཤེས་བྱ་སྟེ། །པདྨའི་ཕྱག་ (འདི་སྤྱན་རས་གཟིགས་ཡིན) དང་བྱམས་པ་དང་། །ནམ་མཁའ་མཛོད་དང་ཀུན་བཟང་། །ཕྱག་ན་རྡོ་རྗེ་འཇམ་དཔལ་དང་། །སྒྲིབ་སེལ་དང་ནི་ས་སྙིང་པོ། །ལྷ་རྣམས་བརྒྱད་པོ་འདི་དག་ནི། །ཇི་བཞིན་ཕྱོགས་སུ་བསྒོམ་པ་ཡིན། །ཞེས་གསུངས་པ་ལྟར་རོ) འོག་རྭ་ལྔས་མཁའ་འགྲོ་སྡེ། འོག་གི་པད་འདབ་བརྒྱད་ཀྱིས་སྒོ་མ་བཞི་དང་། སྐུལ་བྱེད་མ་སོགས་བཞི་སྟེ་ལྷ་མོ་བརྒྱད་མཚོན་ནོ། །རྡོ་རྗེ་ལ་དབྱེ་ན། རྡོ་རྗེ་རྩེ་གཅིག་པ་དང་། རྩེ་གཉིས་པ། རྩེ་གསུམ་པ། རྩེ་ལྔ་པ། རྩེ་དགུ་པ། སྣ་ཚོགས་རྡོ་རྗེ། རྒྱན་གྱི་རྡོ་རྗེ་རྣམས་སུ་ཡོད། (རྒྱན་གྱི་རྡོ་རྗེ་ནི། རྒྱན་གྱིས་ཅི་མཛེས་སུ་བྱས་པའི་རྡོ་རྗེ་ལ་ཟེར། འདི་རྒྱན་ཆས་བརྒྱན་པའི་རྡོ་རྗེ་ལ་ཟེར་བ་ཡིན་འདུག་སྙམ) ཡང་རྡོ་རྗེ་ལ་དབྱེ་ན། ཁྲོ་བོའི་རྡོ་རྗེ་དང་། (ཁྲོ་བོའི་རྡོ་རྗེ་ནི། རྡོ་རྗེ་ནག་པོ་རྭ་རྩེ་རྣམས་སོ་སོར་གདེངས་པའི་རྡོ་རྗེ་ལ་ཟེར) ཞི་བའི་རྡོ་རྗེ་གཉིས་སུ་ཡོད། (ཞི་བའི་རྡོ་རྗེ་ནི། ནམ་རྒྱུན་ཡོངས་གྲགས་ཀྱི་རྡོ་རྗེ་ལ་ཟེར) ༼ དྲིལ་བུའི་མཚོན་དོན་ནི ༽ དྲིལ་བུའི་སྟེང་གི་རྭ་ལྔའི་མཚོན་དོན་ནི་རྡོ་རྗེ་དང་འདྲ་ལ། དྲིལ་བུའི་ཞལ་གྱིས་བདེ་སྟོང་དབྱེར་མེད་ཀྱི་ཡེ་ཤེས་དེ་ཉིད་ལྷ་མོའི་རྣམ་པར་ཤར་བའི་ཤེས་རབ་མ་དེ་མཚོན། དེའི་འོག་གི་བདུད་རྩིའི་བུམ་པས་བདེ་བ་དང་སྟོང་པ་དབྱེར་མེད་ཕྱེད་པ་མཚོན། དེང་སང་དྲིལ་བུ་ཕལ་མོ་ཆེར་དྲིལ་ཞལ་གྱི་འོག་ཏུ་བུམ་པའམ་བུམ་པའི་དོད་བུག་པ་མི་སྣང་བ་ནི་ཆད་སྐྱོན་ཡིན། བུམ་པའི་དོད་དུ་བུག་པ་ཡོད་པའི་དྲིལ་བུ་ལ་ཕྱི་དྲིལ་ཟེར། ཕྱི་དྲིལ་ནི་ཡོ་གའི་བཤད་རྒྱུད་རྡོ་རྗེ་རྩེ་མོ་ནས་གསུངས་པར་བཤད། དེའི་འོག་གི་དབྱུ་གུས་འབྲས་དུས་ཀྱི་ལྷན་སྐྱེས་ཀྱི་བདེ་བ་ཆེན་པོའི་ཡེ་ཤེས་མཚོན། པད་འདབ་ལ་གནས་པའི་ཡི་གེ་བརྒྱད་ཀྱིས་ཡུམ་བཞི་དང་ནོར་རྒྱུན་མ་སོགས་བཞི་སྟེ་ལྷ་མོ་བརྒྱད་མཚོན། (ལྷ་མོ་བརྒྱད་ནི། ༡ ཤར་དུ་ (ལྃ) ལོ་ཙ་ནཱ། སྤྱན་མ། ༢ ཤར་ལྷོར་ (བྃ) བ་སུ་དྷ་རི། ནོར་རྒྱུན་མ། ༣ ལྷོར་ (མྃ) མཱ་མ་ཀི། བདག་ཉིད་མའམ་སྙེམས་མ། ༤ ལྷོ་ནུབ་ཏུ་ (ཙུྃ) ཙུནྡ། སྐུལ་བྱེད་མ། ༥ ནུབ་ཏུ་ (པྃ) པཎྡ་རཱ་ཝ་སི་ནི། གོས་དཀར་མོ། ༦ ནུབ་བྱང་དུ་ (བྷྲིཾ ) བྷྲི་ཀུཊེ། ཁྲོ་གཉེར་ཅན་མ། ༧ བྱང་དུ་ (ཏྃ) ཏཱ་ར། སྒྲོལ་མ། ༧ ༨ བྱང་ཤར་ཏུ་ (མྃ) མཱ་ལི་ནཱི། ཕྲེང་བ་མ་བཅས་སོ། །ལྷ་མོ་བརྒྱད་པོ་དེ་དག་གི་མིང་ཡིག་དང་པོ། ལ། བ། མ། ཙུ། པ། བྷྲི། ཏ། མ། བཅས་ལ་ཟླ་ཚེས་དང་ཐིག་ལེས་བརྒྱན་པ་ནི། ཐིག་ལེས་སྟོང་པ་ཉིད་དང་། ཟླ་ཚེས་ཀྱིས་བདེ་བ་ཆེན་པོའི་ཡེ་ཤེས་མཚོན་པས། ངེས་དོན་དུ་ལྷ་མོ་དེ་དག་བདེ་སྟོང་གི་ཡེ་ཤེས་ཉིད་ལྷ་མོའི་གཟུགས་སུ་ཤར་བར་མཚོན་པའམ་གོ་བའི་ཆེད་དུ་ཡིན་ནོ། །དེས་སྐབས་གཞན་དུའང་རིགས་འགྲེའོ། ། <རྡོར་ཕྲེང་དང་མན་སྙེའི་ལུགས་ནི> (མན་ངག་སྙེ་མ་ནི། སཾ་བུ་ཊའི་འགྲེལ་པ་ཡིན་ཞིང་སློབ་དཔོན་འཇིགས་མེད་འབྱུང་གནས་སྦས་པས་མཛད་ཅེས་བུ་སྟོན་ཆོས་འབྱུང་ན་གསལ) ས་བོན་བརྒྱད་པོ་རྣམས་གཡས་སྐོར་དང་། ཤེས་རབ་མའི་གདོང་སྟེ་དྲིལ་བུའི་ཞལ་དང་། ལྃ། དེའི་འོག་གི་འཁོར་རྣམས་ཐད་ཀར་འཁེལ་བ་དགོས་ཤིང་། རྒྱུ་མཚན་ནི་དེ་དག་ཡབ་ཡུམ་དུ་གོ་བའི་ཆེད་དུ་ཡིན་པར་སྙམ། <སཾ་བུ་ཊའི་ལུགས་ནི> (སཾ་བུ་ཊ་ནི། རྒྱུད་མང་པོའི་བཤད་རྒྱུད་ཐུན་མོང་བ་ཡིན་པར། ཀུན་མཁྱེན་བུ་སྟོན་གསུང་། བདེ་དགྱེས་གཉིས་ཀའི་ཐུན་མོང་བའི་བཤད་རྒྱུད་ཡིན་པར། ལྕང་སྐྱ་ངག་དབང་བློ་བཟང་ཆོས་ལྡན་གསུང་ངོ) ས་བོན་བརྒྱད་རིམ་བཞིན་གཡོན་སྐོར་དང་། ཤེས་རབ་མ་ཡི་གདོང་པ་དང་། ཏཾ་ཡིག་དང་། འཁོར་ལོ་གསུམ་ཐད་ཀར་འཁེལ་བ་དགོས། པད་འདབ་བརྒྱད་ཀྱི་འོག་ཏུ་ཆུ་སྲིན་གྱི་ཁ་ནས་ཐོན་པའི་དྲ་བའི་ཁུག་པའོ། །དྲ་བའི་ཁུག་པ་དང་པད་འདབ་གཉིས་ཐད་ཀར་བབས་པ་བྱ་དགོས་པར་གསུངས། བར་དུ་དྲ་བ་ཕྱེད་པས་བརྒྱན་པ། དྲ་ཁུག་བརྒྱད་ལ་གཤེགས་པ་བཞི་དང་། (གཤེགས་པ་བཞི་ནི། རྣམ་སྣང་། རིན་འབྱུང་། འོད་དཔག་མེད། དོན་གྲུབ་དང་བཞིའོ། །དེ་དག་མཚོན་པའི་མཚན་མ་བཞི་ནི། རིམ་པ་བཞིན་འཁོར་ལོ། རིན་པོ་ཆེ། པདྨ། རལ་གྲི་དང་བཞིའོ) གཤེགས་མ་བཞིའི་ཕྱག་མཚན་བཀོད། (གཤེགས་མ་བཞི་ནི། སྤྱན་མ། མཱ་མ་ཀི། གོས་དཀར་མོ། སྒྲོལ་མ་དང་བཞིའོ། །དེ་དག་མཚོན་པའི་མཚན་མ་བཞི་ནི། སྤྱན། རྡོ་རྗེ། ཨུཏྤལ། སྣ་ཚོགས་རྡོ་རྗེ་དང་བཞིའོ) དྲིལ་བུའི་ནང་ཆོས་འབྱུང་གཅིག་བྲིས་ན་ལེགས་ཤིང་། ཆོས་འབྱུང་སྣོལ་མ་འབྲི་བ་དང་ༀ་ཨཱ་ཧཱུྃ་འབྲི་བ་ཚད་ལྡན་གྱི་གཞུང་གང་ནས་ཀྱང་མ་བཤད་པར་གསུངས། དྲིལ་བུ་ལ་དབྱེ་ན། སྤྱིར་དྲིལ་བུ་ལ་ཕྱི་དྲིལ་དང་ནང་དྲིལ་གཉིས་ཀྱི་ཐ་སྙད་སྔ་རབས་པ་རྣམས་མཛད་ལ། ཕྱི་དྲིལ་ནང་དྲིལ་ཞེས་པ་ནི། ཡོ་གའི་བཤད་རྒྱུད་རྡོ་རྗེ་རྩེ་མོ་ནས་གསུངས་པའི་དྲིལ་བུ་ལ་ཕྱི་དྲིལ་དང་། དུས་འཁོར། སྡོམ་འབྱུང་། སཾ་བུ་ཊ་ནས་བཤད་པ་ལ་ནང་དྲིལ་ཞེས་བྱ། དེ་གཉིས་ཀྱི་ཁྱད་པར་ནི། རྩེ་ལྔ་དང་རྩེ་དགུ་གང་ཡིན་ཀྱང་རྭ་རྣམས་ཆུ་སྲིན་གྱི་ཁ་ནས་ཐོན་པ་མ་ཡིན་པར་པདྨ་ལ་གནས་པ་དང་། མཐར་རྭའི་རྩེ་རྣམས་དབུས་རྭ་དངོས་ལ་མ་ཐུག་པར་དབུས་རྭའི་པདྨ་འཁོར་ལོ་ལ་སོགས་པའི་མཚོན་བྱེད་ཀྱིས་བསྐོར་བ་ལ་ཟུག་ཅིང་། རྭ་རྣམས་པ་དི་རའིཚེར་མ་ལྟར་རྣོ་ཞིང་ཟུར་དང་ལྡན་པ་མིན་པར་ཟླུམ་པོར་གནས་པ་དང་། དྲིལ་བུའི་ཚངས་མགོའི་འོག་ཏུ་བུམ་པའི་དོད་དུ་བུག་པ་ཡོད་པ་དང་། རྫ་མར་གྲགས་པའི་སྟེང་གི་པད་འདབ་ཀྱི་ཤར་དུ་སྤྱན་མའི་ས་བོན་ནམ་ཕྱག་མཚན་ཡོད་པ་རྣམས་ཕྱི་དྲིལ་ཡིན་ལ། དེ་ལས་བཟློག་ཅིང་སྒྲོལ་མའི་ས་བོན་ནམ་ཕྱག་མཚན་ཡོད་པ་ནི་ནང་དྲིལ་ཡིན་པར། སྟག་ཚང་ལོ་ཙཱ་བས་གསུངས་པར་བཤད། ཡང་ན་རྡོ་རྗེ་སེམས་དཔའི་དྲིལ་བུ། (བ་ལང་ཁའམ་ཆུ་སྲིན་གྱི་ཁའི་མུ་ཏིག་ཕྲེང་བ་གཉིས་ཀྱི་བར་དུ་རྡོ་རྗེ་ཕྲེང་བས་བསྐོར་བའི་དྲིལ་བུ་ལ་ཟེར) དཔའ་བོའི་དྲིལ་བུ། (དྲ་བ་དྲ་ཕྱེད་ཀྱི་རྒྱན་མེད་པའི་དྲིལ་བུ་ལ་ཟེར) དེ་བཞིན་གཤེགས་པའི་དྲིལ་བུ་རྣམས་སུ་ཡོད། (ཆུ་སྲིན་གྱི་ཁའི་མུ་ཏིག་གི་ཕྲེང་བ་གཉིས་ཀྱི་བར་དུ། འཁོར་ལོ། རིན་པོ་ཆེ། པདྨ། རལ་གྲིའི་ཕྲེང་བས་བསྐོར་བའི་དྲིལ་བུ་རྩེ་མོ་ལྔ་པ་ཅན་ལ་རིམ་པ་བཞིན། རྣམ་སྣང་། རིན་འབྱུང་། འོད་དཔག་མེད། དོན་གྲུབ་བཅས་ཀྱི་དྲིལ་བུའམ། དེ་བཞིན་གཤེགས་པའི་དྲིལ་བུ་ཟེར) རྫོགས་རིམ་གྱི་ལམ་མཚོན་ཚུལ་ལ། རྡོ་རྗེའི་མཚོན་དོན་ནི། རྡོ་རྗེས་སྒྲུབ་པ་པོ་དང་། དེའི་གསང་བའི་རྡོ་རྗེ་གཉིས་ཀ་མཚོན། རྡོ་རྗེའི་རྭ་ལྔས་ལྷན་སྐྱེས་ཀྱི་ཡེ་ཤེས་ལ་ལྡོག་པ་ཕྱེ་ན་ཡེ་ཤེས་ལྔ་ཡོད་པར་མཚོན། རྭ་དེ་རྣམས་ཆུ་སྲིན་གྱི་ཁ་ནས་ཐོན་པ་དེས་སྙིང་རྗེས་སེམས་ཅན་མི་གཏོང་བ་མཚོན། དེའི་འོག་གི་ཉི་གདན་གྱིས་གཏུམ་མོའི་མེ་འབར་བ་མཚོན། དེའི་འོག་གི་པདྨས་འཁོར་ལོ་བཞིའམ་དྲུག་གི་རྩ་འདབ་མཚོན། དེའི་སྟེང་འོག་གི་རིན་པོ་ཆེའི་ཕྲེང་བ་དང་འོད་ཟེར་གྱི་རི་མོས་གདུལ་བྱའི་རེ་བ་བསྐོང་བའི་འཕྲིན་ལས་རྒྱས་པ་མཚོན། རྡོ་རྗེ་ལྟེ་བའི་ཟུར་བརྒྱད་ཀྱིས་ལུགས་འབྱུང་ལྡོག་གི་དགའ་བ་བཞི་བཞི་སྟེ་བརྒྱད་མཚོན། ཡང་ན། རྡོ་རྗེ་ལྟེ་བས་ཡབ་ཀྱི་རྡོ་རྗེའི་དྷཱུ་ཏཱིའི་མར་སྣ། ལྟེ་བ་ཟུར་བརྒྱད་དུ་ཡོད་པ་དེས་ནོར་བུའི་དབུས་ཀྱི་རྩ་འདབ་བརྒྱད་མཚོན། (དེང་སང་ལྟེ་བ་ཟླུམ་པོ་ཟླུམ་རྐྱང་མ་གཏོགས་ཟུར་བརྒྱད་མི་སྣང་ཡང་། ཟུར་བརྒྱད་ངེས་ཅན་དུ་དགོས) དྲིལ་བུའི་མཚོན་དོན་ནི། དྲིལ་བུས་ཕྱག་རྒྱ་མ་དང་། དེའི་བྷ་ག་གཉིས་ཀ་མཚོན། དྲིལ་བུའི་ཡུ་བའི་རྭ་ལྔ་དང་། ཟླ་ཉི་པདྨ་སོགས་ཀྱི་མཚོན་དོན་ནི། རྡོ་རྗེ་དང་འདྲའོ། །དྲིལ་བུའི་ལྕེས་ཡུམ་གྱི་གསང་གནས་མཁའ་འགྲོ་གདོང་ངམ་ཕལ་སྐད་དུ་བྱ་ལེ་ཞེས་པ་དེ་མཚོན། དྲིལ་ལྕེ་ཟུར་བརྒྱད་དུ་ཡོད་པ་དེས་ནང་གི་རྩ་འདབ་བརྒྱད་མཚོན། (དེང་སང་དྲིལ་ལྕེ་ཟུར་བརྒྱད་བྱས་པ་མི་སྣང་ཡང་། ཟུར་བརྒྱད་ངེས་ཅན་དུ་དགོས) དྲིལ་བུའི་སྟེང་དུ་རྡོ་རྗེ་ཕྱེད་པས་མཚན་པས་ནི་ཡབ་ཡུམ་སྙོམས་པར་འཇུག་པ་མཚོན། མདོར་ན་རྡོ་རྗེ་ཕྱོགས་བརྒྱད་དུ་གསོར་ཞིང་། དྲིལ་ལྕེ་ཕྱོགས་བརྒྱད་དུ་བསྐྱོད་ནས་དཀྲོལ་བས་སྒྲུབ་པ་པོའི་རྡོ་རྗེ་ནོར་བུས་ཕྱག་རྒྱའི་དྷཱུ་ཏཱིའི་མར་སྣ་ཁ་འབྱེད་དེ་ནང་གི་རྩ་འདབ་བརྒྱད་བསྐྱོད་པ་དེ་མཚོན་པར་བྱེད་དོ། །རྡོར་དྲིལ་འཇོག་ཚུལ་ནི། རྡོ་རྗེ་རང་གི་གཡོན་དང་། དྲིལ་བུ་རང་གི་གཡས་སུ་ཞལ་རང་ལ་བསྟན་ནས་བཞག རྡོར་དྲིལ་ལག་ཏུ་ལེན་ཚུལ་ནི། མཚོན་དོན་དྲན་ཞིང་གཙང་སྦྲ་དང་གུས་པའི་སྤྱོད་ལམ་གྱིས། ཐོག་མར་ལག་གཡས་ཀྱིས་རྡོ་རྗེ་བླངས། ལག་པ་དེ་གས་དྲིལ་བུ་བླངས་ཏེ། ལག་པ་གཡོན་པ་ལ་གཏད་དགོས། དམིགས་བསལ་གྱི་སྐབས་རེ་གཉིས་མ་གཏོགས། སྤྱིར་བཏང་གཡོན་པས་དྲིལ་བུ་དང་གཡས་པས་རྡོ་རྗེ་ལེན་པ་ལྟ་བུ་མི་མཛེས་པའི་སྐྱོན་ཡོད་པས་སྤང་བར་བྱའོ། །

Dictionaries/sgom sde tshig mdzod chenmo/10006 +

རྡོར་དྲིལ་གྱི་མཚོན་དོན་ཤེས་ནས་རྡོ་རྗེ་འཛིན་ཅིང༌། དྲིལ་བུ་དཀྲོལ་བ་ལ་ཟེར། རྗེའི་གསང་སྔགས་ཀྱི་ཚུལ་ཁྲིམས་ཀྱི་རྣམ་བཤད་དངོས་གྲུབ་ཀྱི་སྙེ་མ་ལས་གསུངས། +

Dictionaries/sgom sde tshig mdzod chenmo/10007 +

དེ་ལ་བསངས་སྦྱངས་བསྐྱེད་ནས་བྱིན་གྱིས་བརླབ་ཚུལ་དང༌། མཚོན་བྱེད་དྲན་པའི་སྒོ་ནས་བྱིན་གྱིས་བརླབ་པ་གཉིས་ལས། དང་པོ་ནི་དུས་འཁོར་གྱི་ལུགས་ཡིན་ཞིང༌། གསང་འདུས་ཀྱི་སྐབས་འདིར་ནི་ཕྱི་མ་ལྟར་ཡིན་པར། པཎ་ཆེན་བློ་བཟང་ཆོས་རྒྱན་གྱི་འདུས་པའི་བསྐྱེད་རིམ་གྱི་རྣམ་བཤད་ལས་གསུངས་སོ། ། +

Dictionaries/sgom sde tshig mdzod chenmo/10008 +

རྡོ་རྗེ་བཟླས་པ་དང་འདྲ། དེར་གཟིགས། +

Dictionaries/sgom sde tshig mdzod chenmo/10009 +

1 རྣ་བའི་དབང་པོ། +

Dictionaries/sgom sde tshig mdzod chenmo/1001 +

བཞད་གད་དུ། རྗེའི་གསུང་ལྟར་བཀོད། དབུ་མ་ལ་འཇུག་པ་ལས། རང་ཁྱིམ་རྩིག་ཕུགས་སྦྲུལ་གནས་མཐོང་བཞིན་དུ། །འདི་ན་གླང་ཆེན་མེད་ཅེས་དོགས་བསལ་ཏེ། །སྦྲུལ་གྱི་འཇིགས་པ་སྤོང་བར་བྱེད་པ་ནི། །ཀྱེ་མ་གཞན་གྱི་གནམ་པོར་འགྱུར་ཉིད་དོ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10010 +

2 རི་དྭགས་གནའ་བ། འདི་ལ་ཕྱི་རྒྱལ་བས་Himalayan blue sheep, bharal དང་། མཚན་རིག་གི་མིང་དུ་pseudois nayaur ཟེར། བོད་ཡིག་དབྱངས་བཞི་པ་ན་རོའམ། གནའ་རུའམ། རྣ་རུ་ཞེས་པ་རི་དྭགས་འདིའི་རྭ་ཅོ་ལ་དཔེ་བླངས་ནས་མིང་ཐོགས་པ་ཡིན། +

Dictionaries/sgom sde tshig mdzod chenmo/10011 +

ཅུང་ཟད་མ་རངས་པའམ་མ་དགའ་བའི་ཚིག་སྟེ། ཕལ་སྐད་དུ། ཨ་ལྕོག་རང་ད་ཞེས་པའི་དོན། རྗེའི་ལམ་རིམ་ཆེན་མོ་ལས། ཇོ་བོ་ལ། ཨ་ཏི་ཤ་གདམས་ངག་ཞུ་ཞེས་སྐད་ཆེན་པོས་ཞུས་པ་ན། ཧེ་ཧེ་ཁོ་བོ་ལ་རྣ་བ་ཏ་བཟང་པོ་བཟང་པོ་བདོག་སྟེ་མན་ངག་བྱ་བ་དད་པ་ཡིན་དད་པ་དད་པ་གསུང་བ་ལྟར་དད་པ་ཤིན་ཏུ་གལ་ཆེའོ། །ཞེས་གསུངས། འདིའི་དོན་ནི། མི་ཞིག་གིས་ཁང་པའི་ཕྱི་རོལ་ནས་ཇོ་བོ་ལ་མ་གུས་པའི་རྣམ་འགྱུར་གྱིས་སྐད་ཤུགས་ཆེན་པོས། ཨ་ཏི་ཤ་གདམས་ངག་གནང་རོགས་ཞེས་ཞུས་པ་ན། ཇོ་བོ་ཅུང་ཟད་ཐུགས་མ་དགྱེས་པའི་ཚུལ་གྱིས། སྐད་ཆེན་པོ་དེ་འདྲ་རྒྱག་དགོས་མ་རེད། ང་ཨ་ལྕོག་རང་ད་ཐང་ཐང་ཡིན། མ་གཞི་ཆོས་ཟེར་ཡ་དེ་དད་པ་རེད་ད། དད་པ། དད་པ་ཞེས་པའི་དོན་ནོ། ། +

Dictionaries/sgom sde tshig mdzod chenmo/10012 +

རྣ་བ་ལ་རིན་ཐང་དང་བྲལ་བ་ཞེས་ཆེ་བརྗོད་ཀྱི་ཚིག་ཅིག ཨ་མཆོག་ལ་གསེར་སྙན་ཞེས་བརྗོད་པ་དང་འདྲ་བ་ཡིན། སྒྲ་བཤད་ནི། བྱེ་བ་རི་ཞེས་པར་གཟིགས། +

Dictionaries/sgom sde tshig mdzod chenmo/10013 +

རྣ་བ་གཏད་པ། ཨ་ལྕོག་ཡག་པོ་བྱས་ནས་ཉན་པ། +

Dictionaries/sgom sde tshig mdzod chenmo/10014 +

དབང་པོ་ལྔའི་ཡ་གྱལ། རྒྱུའི་ཁྱད་པར་རང་རྒྱུ་འབྱུང་བ་ཆེན་པོ་བཞི་ལས་བྱུང་བ། བྱེད་ལས་རྣ་ཤེས་ཀྱི་ཐུན་མོང་མ་ཡིན་པའི་བདག་རྐྱེན་བྱེད་པ། ངོ་བོའི་ཁྱད་པར་ནང་གི་གཟུགས་ཅན་དྭངས་པའོ། །དབྱིབས་ཤིང་གྲོ་ག་གཅུས་པ་ལྟ་བུའོ།། དེའི་དོན་ནི་ཤིང་སྟག་པའི་ཤུན་པ་སྒྲིམ་པ་ལྟ་བུའི་དབྱིབས་སུ་ཡོད་ཅེས་པའོ། ། +

Dictionaries/sgom sde tshig mdzod chenmo/10015 +

རྣ་བར་སྙན་པའི་དོན་ཡིན། རྣ་བར་སྙན་པ་ལ་རྣ་བའི་བདུད་རྩི། མིག་ལ་མཛེས་པ་ལ་མིག་གི་བདུད་རྩི་ཞེས་པ་ལྟ་བུ། རྒྱ་གར་གྱི་སྐད་ལ། སྒྲའམ་ང་རོ་སྙན་པ་ལ། མ་དྷུ་ར་སྭར་ཞེས་བརྗོད་པ་ལྟ་བུའོ། །དེ་ཡང་མ་དྷུ་ར་མངར་མོའི་དོན་ཡིན་ཀྱང་འདིར་སྙན་པ་བརྗོད་པ་བཞིན་ནོ། ། +

Dictionaries/sgom sde tshig mdzod chenmo/10016 +

སྙན་པོ། སྒྲ་བཤད་ནི། འཇེབས་ཞེས་པ་ནི་འཐད་པའི་དོན་ཡིན་པས་རྣ་བར་འཐད་པས་ན་དེ་སྐད་ཅེས་བྱ། +

Dictionaries/sgom sde tshig mdzod chenmo/10017 +

1 དབྱངས་བཞིའི་ཐ་མ་མཚོན་བྱེད་ཀྱི་རི་མོ་ཞིག འདི་རི་དྭགས་རྣ་བའི་རྭ་ཅོ་འདྲ་པོ་ཡོད་པའི་ཆ་ནས་དེ་ལ་རྣ་རུ་ཞེས་བཏགས་པ་ཡིན། དེ་ཡང་རྣ་ནི་རི་དྭགས་རྣ་བའམ་གནའ་བ་ཡིན་ལ། རུ་ནི་རྭ་ཅོའི་དོན་ནོ། །རི་དྭགས་འདི་ལ་ཕྱི་རྒྱལ་བས་bharal དང་། མཚན་རིག་གི་མིང་དུ་pseudois nayaur ཟེར། +

Dictionaries/sgom sde tshig mdzod chenmo/10018 +

2 རི་དྭགས་རྣ་བའི་རྭ་ཅོ། +

Dictionaries/sgom sde tshig mdzod chenmo/10019 +

རྣ་སྐྱག རྣ་བའི་དྲི་མ། +

Dictionaries/sgom sde tshig mdzod chenmo/1002 +

མིའི་ལག་པ་སོགས་ཁང་པའི་ཡ་ཐོག་གམ་ཤིང་སྡོང་ལ་ཐག་པས་འཕྱང་འཕྲུལ་དུ་བཏགས་པའི་དོན། ལག་པ་གནམ་བཏགས་བརྒྱབ་ལྟ་བུ། +

Dictionaries/sgom sde tshig mdzod chenmo/10020 +

(འདུལ་བ) ཞིང་ཁ། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༤༢ན༦ ལས། རྣང་ཞེས་བྱ་བ་ནི་ཞིང་ངོ་། །ཞེས་གསུངས་སོ། །ལུང་རྣམ་འབྱེད་༼ ཅ་པ ༽༦༧བ༦ལས། དགེ་སློང་གིས་ཆུ་ཤིན་ཏུ་དཀོན་པའི་ཚེ་བདག་གི་འབྱོར་བར་འགྱུར་ལ། གཞན་གྱི་རྒུད་པར་གྱུ་ཅིག་སྙམ་པས་བདག་གི་སཱ་ལུའི་རྣང་ལ་ཡུར་བ་གཏོད་པར་བྱེད་ཅིང་གཞན་གྱི་ལ་གཅོད་པར་བྱེད་ན། ཞེས་གསུངས་སོ། ། +

Dictionaries/sgom sde tshig mdzod chenmo/10021 +

(འདུལ་བ) ཞིང་ཁའི་ཡུར་བའམ་རོལ་ལ་ཟེར། ཡུར་བ་ཞེས་བྱ་བ་ནི་རྣང་ཡུར་སྲོལ་ཞེས་བྱ་བའི་ཐ་ཚིག་གོ། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༤༢ན ༦ལས། རྣང་ཞེས་བྱ་བ་ནི་ཞིང་ངོ་། །ཞེས་གསུངས་སོ། །དག་ཡིག་ཀུན་བཏུས་ཀྱི་དོན་མཆན་མཐོང་བ་ཀུན་ཤེས་བློ་གསལ་མགུལ་རྒྱན་ལས། ཞིང་རྣང་མ། (ཆུ་སྙོམ་བྱེད་ཀྱི་གླིང་ངམ་མུ་འཐེན་པ) ཞེས་ཀྱང་གསལ་ལོ། ། +

Dictionaries/sgom sde tshig mdzod chenmo/10022 +

1 སྟོང་ཉིད་ཀྱི་མིང་གི་རྣམ་གྲངས་ཤིག +

Dictionaries/sgom sde tshig mdzod chenmo/10023 +

2 དུས་ཀྱི་འཁོར་ལོའི་མཚན་གྱི་རྣམ་གྲངས་སུའང་གསུངས། +

Dictionaries/sgom sde tshig mdzod chenmo/10024 +

1 (དགེ་ལུགས) སྦྱིན་སོགས་ཐབས་ཀྱི་ཆ་ཡོངས་སུ་རྫོགས་པས་ཟིན་པས་སྟོང་ཉིད་རྟོགས་པའི་ཤེས་རབ་ལ་ཟེར་ཏེ། གཙུག་ན་རིན་པོ་ཆེའི་མདོ། རྗེའི་ལམ་རིམ་ཆེན་མོར་དྲངས་པ་ལས། དེ་ལ་རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་གང་ཞེ་ན། གང་སྦྱིན་པ་དང་མ་བྲལ་བ་དང༌། ཚུལ་ཁྲིམས་དང་མ་བྲལ་བ་དང༌། བཟོད་པ་དང་མ་བྲལ་བ་དང༌། བརྩོན་འགྲུས་དང་མ་བྲལ་བ་དང༌། བསམ་གཏན་དང་མ་བྲལ་བ་དང༌། ཤེས་རབ་དང་མ་བྲལ་བ་དང༌། ཐབས་དང་མ་བྲལ་བ་དང༌། ཞེས་རྒྱས་པར་བཀའ་བསྩལ་ཅིང་དེའི་དོན་རྒྱུད་བླ་མར་ཡང༌། དེ་རྣམས་འབྲི་བྱེད་གང་དག་ཡིན། །སྦྱིན་དང་ཚུལ་ཁྲིམས་བཟོད་ལ་སོགས། །རྣམ་པ་ཀུན་གྱི་མཆོག་ལྡན་པ། །སྟོང་པ་ཉིད་ནི་གཟུགས་སུ་བརྗོད། །ཅེས་ཁ་ཅིག་གིས་མགོ་འབྲི་ཤེས་ཀྱི་གཞན་མི་ཤེས། ཁ་ཅིག་གིས་ལག་པ་ཤེས་ཀྱི་གཞན་མི་ཤེས་པ་ལ་སོགས་པའི་རི་མོ་མཁན་མང་པོ་འཚོགས་ནས་རྒྱལ་པོའི་གཟུགས་འབྲི་ན། རི་མོ་མཁན་གཅིག་མ་ཚང་ནའང་ཡོངས་སུ་མི་རྫོགས་པ་དང་དཔེར་བྱས་ནས་རྒྱལ་པོའི་གཟུགས་ནི་སྟོང་པ་ཉིད་དང་རི་མོ་མཁན་རྣམས་ནི་སྦྱིན་སོགས་དང་འདྲ་བར་གསུངས་ཏེ། སྦྱིན་པ་ལ་སོགས་པའི་ཐབས་རྣམས་མ་ཚང་ན་མགོ་རྡུམ་དང་ལག་རྡུམ་ལ་སོགས་པའི་གཟུགས་དང་འདྲ་བ་ཡིན་ནོ། །ཞེས་གསུངས་པ་ལྟར་རོ། །གོང་གི་མདོའི་ལུང་དེ་སེ་ར་རྗེ་བཙུན་པའི་སྤྱི་དོན་རོལ་མཚོ་ནའང་གསལ། པཎ་ཆེན་ཤཱཀྱ་མཆོག་ལྡན་པའི་དབུ་མ་བྱུང་བ་ཞེས་པ་༡༨ན༢ལས། སྔགས་ཀྱི་དབུ་མ་མེད་པར་དགག་པ་ཉིད་དུ་བཤད་ན། རྣམ་ཀུན་མཆོག་ལྡན་གྱི་སྟོང་ཉིད་ངོས་མ་ཟིན་པ་དང་། ཞེས་རྗེ་རིན་པོ་ཆེར། གལ་ཏེ་སྟོང་ཉིད་མེད་དགག་ཡིན་ན། ཁྱོད་ཀྱིས་རྣམ་ཀུན་མཆོག་ལྡན་སྟོང་ཉིད་ངོས་བཟུང་ཐུབ་མི་འདུག་ཅེས་བརྩད་ཀྱང་། དོན་དུ་གོང་གི་མདོའི་ལུང་དེ་མ་མཐོང་བ་ཙམ་དུ་ཟད་དོ། ། +

Dictionaries/sgom sde tshig mdzod chenmo/10025 +

2 (བཀའ་བརྒྱུད) བདེ་བར་གཤེགས་པའི་སྙིང་པོ་ལ་བྲལ་སྨིན་གྱི་ཡོན་ཏན་དྲུག་ཅུ་རྩ་བཞི་དངོས་སུ་ལྡན་པ་ནི་རྣམ་ཀུན་མཆོག་ལྡན་ནོ། །ཞེས་གསུངས་པ་ལྟར་རོ། །བྲལ་སྨིན་གྱི་ཡོན་ཏན་དྲུག་ཅུ་རྩ་བཞི་ཞེས་པའི་ཐད་དུ་གཟིགས། +

Dictionaries/sgom sde tshig mdzod chenmo/10026 +

2 (བཀའ་བརྒྱུད) དག་མ་དག་ལ་སོགས་པའི་སྣང་བའམ་རྣམ་པ་སྣ་ཚོགས་པ་ཅན་གྱི་ཆོས་ཉིད་ཀྱི་སེམས། +

Dictionaries/sgom sde tshig mdzod chenmo/10027 +

རྣམ་བཞག་དང་འདྲ། རྣམ་བཞག་ལ་གཟིགས། +

Dictionaries/sgom sde tshig mdzod chenmo/10028 +

བསྐྱེད་རིམ་རྣམ་གཞག་རིམ་པ་ཡང་ཟེར། སློབ་དཔོན་ཀླུ་སྒྲུབ་ཀྱི་སློབ་མ་ཀླུའི་བྱང་ཆུབ་བམ་ཀླུའི་བློས་མཛད་པའི་དཔལ་གསང་བ་འདུས་པའི་བསྐྱེད་རིམ་གཙོ་བོར་སྟོན་ཞིང་རྫོགས་རིམ་གྱི་གནད་འགའ་ཞིག་ཀྱང་སྟོན་པའི་གཞུང་ཞིག རྗེའི་རིམ་ལྔ་གསལ་སྒྲོན་ལས། བསྐྱེད་རིམ་གཙོ་ཆེ་ཞིང་རྫོགས་རིམ་ཡང་སྟོན་པ་རྣམ་གཞག་རིམ་པ་ནི་ཤིན་ཏུ་གྲགས་ཆེ་ལ། ཞེས་གསུངས། མཁས་གྲུབ་ཆོས་རྗེའི་བསྐྱེད་རིམ་དངོས་གྲུབ་རྒྱ་མཚོ་༡༤ན༡ལས་ཀྱང་། སློབ་དཔོན་ཀླུ་བྱང་གིས། གཙོ་བོར་བསྐྱེད་རིམ་གྱི་སྦྱང་གཞི་སྦྱོང་བྱེད་སྦྱོར་ཚུལ་ལ་སོགས་པ་འཆད་ཅིང་། རྫོགས་རིམ་ཡང་ཅུང་ཟད་སྟོན་པ་རྣམ་གཞག་རིམ་པ་དང་། ཞེས་གསུངས་སོ། ། +

Dictionaries/sgom sde tshig mdzod chenmo/10029 +

རྣམ་གཞག་རིམ་པའི་རྣམ་བཤད་དཔལ་གསང་བ་འདུས་པའི་གནད་ཀྱི་དོན་གསལ་བ་ཞེས་བྱ་བ། རྗེ་ཙོང་ཁ་པ་ཆེན་པོས་མཛད། འདི་རྗེ་བཙུན་འཇམ་དབྱངས་ཀྱི་གསུང་གིས་མ་འོངས་པར་གདུལ་བྱ་ཕན་ཐོག་ཆེན་པོ་འོང་ཞེས་བསྐུལ་བ་བརྟེན་ནས་མཛད་པ་ཡིན་ཏེ། རྗེའི་གསང་བའི་རྣམ་ཐར་རིན་པོ་ཆེའི་སྙེ་མ་ལས། འོ་དེ་གུང་རྒྱལ་གྱི་ལྷ་ཞོལ་བྱམས་པ་གླིང་དུ་བཞུགས་དུས། རྗེ་བཙུན་འཇམ་པའི་དབྱངས་ཀྱིས་གསུང་གི་སྣང་བས་སློབ་དཔོན་ཀླུ་བྱང་གི་རྣམ་གཞག་རིམ་པ་ལ་རྣམ་བཤད་རྩོམས། ཕན་ཐོགས་ཆེན་པོ་འོང་ཞེས་བསྐུལ་བས་དེ་འཕྲལ་དུ་མཛད། ཅེས་གསུངས་སོ། ། +

Dictionaries/sgom sde tshig mdzod chenmo/1003 +

ལེགས་པའི་དོན། འདི་བོན་པོའི་བརྡ་ཡིན་པར་ལི་གུར་དུ་གསུངས། +

Dictionaries/sgom sde tshig mdzod chenmo/10030 +

ཉེ་ཉོན་ཉི་ཤུའི་ཐ་མ་ནི། དུག་གསུམ་གང་རུང་གི་ཆར་གཏོགས་གང་ཞིག དམིགས་པ་ལ་སེམས་འཕྲོ་བར་བྱེད་པས་རབ་ཏུ་ཕྱེ་བའི་རིག་པའོ། ། +

Dictionaries/sgom sde tshig mdzod chenmo/10031 +

རྙེད་བཀུར་སྙན་གྲགས་ལ་མ་ཡེངས་པ་སྟེ་མ་ཆགས་པའི་སེམས་ཅན་ཞེས་པའི་དོན། རྒྱུད་བླ་མ་ལས། གང་ཞིག་རྒྱལ་བའི་བསྟན་པ་འབའ་ཞིག་གི །དབང་བྱས་རྣམ་གཡེང་མེད་ཡིད་ཅན་གྱིས་བཤད། །ཐར་པ་ཐོབ་པའི་ལམ་དང་རྗེས་མཐུན་པ། །དེ་ཡང་དྲང་སྲོང་བཀའ་བཞིན་སྤྱི་བོས་བླང༌། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10032 +

<པརྻ་ཡཱ> 1 རྣམ་པ། ཁྱད་པར། རྣམ་པའི་ཁྱད་པར། རྣམ་དབྱེ། རྣམ་པའི་དབྱེ་བ། དབྱེ་བ། རབ་དབྱེ། རྣམ་པ་མི་འདྲ་བ། རགས་བཤད་བྱས་ན་ལན་གྲངས་ལའང་འཇུག་པར་སྙམ། འདི་ལ་སྣ་གྲངས་ཞེས་ཀྱང་བྱའོ། །ཞིབ་པར་སྣ་གྲངས་ལ་གཟིགས། སྒྲ་བཤད་ནི། རྣམ་ནི་རྣམ་པ། གྲངས་ནི་ཁྱད་པར་ཏེ། རྣམ་པའི་ཁྱད་པར་ཞེས་བྱ་བའི་དོན་ནོ། །རྗེ་ཙོང་པ་ཆེན་པོའི་དམ་ཆོས་བཞེངས་པའི་སྨོན་ལམ་ལས། གང་ཞིག་འབྲི་དང་ཀློག་དང་འཆད་དང་ཉན། །ཡིད་ལ་བྱེད་དང་མཆོད་པ་གང་བགྱིད་པ། །དེ་ཡི་བསོད་ནམས་ཕུང་པོ་ཟླ་མེད་པར། །རྣམ་གྲངས་དུ་མར་ཡང་དང་ཡང་བསྔགས་པ། །ཞེས་གསུངས། བརྒྱད་སྟོང་པའི་དཀའ་འགྲེལ་སྙིང་པོ་མཆོག་ལས། རྣམ་གྲངས་ནི་རབ་ཏུ་དབྱེ་བ་སྟེ། ཞེས་གསུངས་སོ། །2 མིང་གཞན། རྣམ་བཤད་རིགས་པ་༼ བསྟན་འགྱུར་ཤི་པ་༨༣བ་༥ ༽ལས། དེ་ལ་རྣམ་གྲངས་ནི་མིང་གཞན་ནོ། །ཞེས་གསུངས་པ་ལྟར་རོ། །3 རྣམ་གྲངས་ཞེས་པ་གྲངས་མང་ཉུང་ལ་མི་གོ་བར་རྣམ་པཙམ་གྱི་དོན་དུ་གོ་དགོས་པར་སི་ཏུ་འགྲེལ་ཆེན་ལས་བཤད་དེ། སི་ཏུ་འགྲེལ་ཆེན་༨༡ལས། རྣམ་གྲངས་ཞེས་པ་ནི་ལེགས་སྦྱར་དུ་པརྻ་ཡཱ་ཞེས་པ་ཡིན་ཏེ། དེ་ནི་གནས་སྐབས་དང་རིམ་པ་སྤྲུལ་པ་རྣམ་པ་རྣམས་ལ་འཇུག་པར་མངོན་བརྗོད་ཀྱི་བསྟན་བཅོས་རྣམས་སུ་བཤད་ལ། དེ་རྣམ་གྲངས་སུ་བསྒྱུར་བ་ནི་རྣམ་པ་ལ་འཇུག་པའི་རྒྱུ་མཚན་གྱིས་ཡིན་པས། རྣམ་གྲངས་དང་རྣམ་པ་དོན་གཅིག་ཏུ་གྲུབ་པའི་ཕྱིར་ཏེ། དཔེར་ན་མིང་གི་རྣམ་གྲངས་གཞན་མེད་དོ། །དོན་གྱི་རྣམ་གྲངས་མང་པོའོ། །དོན་གྱི་རྣམ་གྲངས་གཅིག་གོ། འདི་ནི་རྣམ་གྲངས་ཙམ་མོ། །རྣམ་གྲངས་ཀྱི་དོན་དམ་བདེན་པའོ། །ཞེས་པ་ལྟ་བུ་རྣམས་གྲངས་མང་ཉུང་གི་ཁྱད་པར་མེད་པར། མིང་གི་རྣམ་པ་གཞན་མེད་དོ། །དོན་གྱི་རྣམ་པ་མང་པོའོ། །དོན་གྱི་རྣམ་པ་གཅིག་གོ། འདི་ནི་རྣམ་པ་ཙམ་མོ། །རྣམ་པའི་དོན་དམ་བདེན་པའོ། །ཞེས་ཐམས་ཅད་དུ་རྣམ་པའི་སྒྲ་དང་འཇུག་པ་གཅིག་པར་སྣང་བའི་ཕྱིར་རོ། །ཞེས་གསུངས། གཞན་ཡང་། བརྒྱད་སྟོང་པའི་དཀའ་འགྲེལ་སྙིང་པོ་མཆོག་ལས་ཀྱང་། རྣམ་གྲངས་ཞེས་བྱ་བ་ནི་རྣམ་པས་སོ། །ཞེས་གསུངས་སོ། ། +

Dictionaries/sgom sde tshig mdzod chenmo/10033 +

རྣམ་པ་གཅིག་ཏུ་ན་ཞེས་པ་དང་དོན་འདྲ། རྣམ་པ་གཅིག་ཏུ་ན་ཞེས་པར་གཟིགས། +

Dictionaries/sgom sde tshig mdzod chenmo/10034 +

རྣམ་དབྱེ་དུ་མ། རྣམ་པའི་དབྱེ་བ་དུ་མ། དབྱེ་བ་དུ་མ། +

Dictionaries/sgom sde tshig mdzod chenmo/10035 +

<ཝི་མོཀྵ> 1 སྐྱེས་བུ་དམ་པའི་མི་ཚེའི་ལོ་རྒྱུས་ལ་རྣམ་ཐར་ཟེར། དེ་ཡང་ཞིབ་པར་བཤད་ན། སྐྱེས་ཆེན་དམ་པའི་སྐུ་གསུང་ཐུགས་ཀྱི་ཡོན་ཏན་ནམ་དེ་དག་བརྗོད་བྱར་བྱེད་པའི་བསྟན་བཅོས། མི་ཕལ་པ་ལ་དེ་དང་དེའི་ལོ་རྒྱུས་སམ་མི་ཚེའི་ལོ་རྒྱུས་ཟེར་བ་ལས་རྣམ་ཐར་ཞེས་བརྗོད་མི་རིགས་ཏེ། གུང་ཐང་བསྟན་པའི་སྒྲོན་མེའི་རང་རྣམ་ལས། རྙེད་བཀུར་ལོངས་སྤྱོད་འདུ་འཛིའི་ཞགས་པ་ཡིས། །རྣམ་པར་བཅིངས་པའི་ངང་ཚུལ་བརྗོདཔ་ལ། །རྣམ་པར་ཐར་ཅེས་དོན་མི་མཐུན་གྱི་གཏམ། །ཅོ་འདྲི་ལྟ་བུར་སྙིགས་མའི་དུས་འདིར་སྒྲོགས། །ཞེས་གསུངས་པ་ལྟར་རོ། །སྒྲ་བཤད་ནི། རྣམ་ནི་རྣམ་པར་ཏེ། ཡང་དག་པར། ལེགས་པར། རྫོགས་པར་ཞེས་པའི་དོན་ཡིན་ལ། ཐར་ནི་ཐར་པའོ། །སྐྱེས་བུ་དམ་པ་གང་གི་སྐུ་གསུང་ཐུགས་ཀྱི་ཡོན་ཏན་རྣམས་གདུལ་བྱ་རྣམས་ཀྱིས་མཐོང་ན་ཡིད་འཕྲོག་ཅིང་། ཐོས་ན་དད་པ་སྐྱེ་བ་སོགས་ཀྱིས་གདུལ་བྱའི་རྒྱུད་ལ་རྣམ་ཐར་རམ་ཐར་པའི་བག་ཆགས་འཇོག་པར་བྱེད་པས་ན་རྣམ་ཐར་ཞེས་བྱའོ། །ཡང་ན་སྐྱེས་བུ་དམ་པ་གང་གིས་རྣམ་གྲོལ་ཐར་པ་བསྒྲུབ་པ་ལ་དཀའ་སྤྱད་དང་སྙིང་རུས་མཛད་ཚུལ་ལས་བརྩམས་ཏེ་བྲིས་པའི་ལོ་རྒྱུས་ཡིན་པས་ན་རྣམ་ཐར་ཞེས་བྱའོ། །རྗེའི་རྣམ་ཐར་ཆེན་མོ་དང་། བཀའ་བརྒྱུད་ཀྱི་མཁས་གྲུབ་ཆེན་པོ་འཇམ་མགོན་ཀོང་སྤྲུལ་བློ་གྲོས་མཐའ་ཡས་རིན་པོ་ཆེའི་རང་རྣམ་དུའང་༦༥རྣམ་ཐར་གྱི་སྒྲ་བཤད་ཚིག་རིས་ཅུང་ཟད་མི་འདྲ་བ་འགའ་ཡོད་པས་དེར་བལྟ་བར་བྱའོ། །2 རྣམ་པར་ཐར་པའི་བསྡུས་ཚིག་སྟེ། བཅིངས་པ་ལས་གྲོལ་བ། སྤྱོད་འཇུག་ལས། ཐོག་མེད་འཁོར་བར་བསགས་སྡིག་གིས། །བདེ་འགྲོར་མི་འགྲོ་སྨོས་ཅི་དགོས། །དེ་ཙམ་ཁོ་ན་མྱོང་གྱུར་ནས། །དེ་ནི་ (ངན་འགྲོ་ལས) རྣམ་ཐར་མི་འགྱུར་ཏེ། །ཞེས་གསུངས་པ་ལྟར་རོ། །3 ཐར་པ་མྱང་འདས་ཀྱི་མིང་། རྣམ་ཐར། རྣམ་པར་ཐར་པ། རྣམ་གྲོལ། རྣམ་པར་གྲོལ་བ་རྣམས་དོན་གཅིག དཔེར་ན་རྣམ་ཐར་སྒོ་གསུམ་ཞེས་པ་ལྟ་བུ། སྤྱིར་རྣམ་པར་ཞེས་པའི་སྒྲ་འཇུག་གཞི་མང་དུ་ཡོད་པ། རྣམ་པར་ཞེས་པའི་ཐད་དུ་གཟིགས། 4 སྤྱོད་པ། སྤྱོད་ཚུལ། མཛད་སྤྱོད། བྱ་སྤྱོད། རྣམ་འགྱུར་བཅས་ཀྱི་དོན། པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་རང་རྣམ་ལས། གཏི་མུག་མུན་པས་ཡིད་བསླད་ངོ་ཚ་བྲལ། །བག་མེད་སྨྱོན་པའི་རྣམ་འགྱུར་སྣ་ཚོགས་ཀྱང་། །ཐེག་མཆོག་གསང་བའི་རྣལ་འབྱོར་སྤྱོད་པ་ཞེས། །གྱ་གྱུའི་རྣམ་ཐར་ཚུལ་ལ་བདག་མི་མོས། །ཞེས་དང་། ཆགས་སྡང་བརླང་པོའི་ཐུགས་རྒྱུད་ཞོ་འཐུང་བུའི། །རུས་པར་འགྲན་ཀྱང་གསུང་འཇམ་ཞི་དུལ་ཅན། །ངུར་སྨྲིག་གིས་མཛེས་ཚེར་མ་དར་གཏུམས་བཞིན། །འཕྱོན་མའི་རྣམ་ཐར་ཚུལ་ལའང་བདག་མི་དགའ། །ཞེས་གསུངས་པ་ལྟ་བུ་དང་། ས་སྐྱ་ལེགས་བཤད་ལས་ཀྱང་། དམན་ལ་སྤྱོད་པ་བཟང་བྱུང་ཡང་། །དེ་ནི་བཅོས་མའི་རྣམ་ཐར་ཡིན། །ཤེལ་ལ་ནོར་བུས་ཁ་བསྒྱུར་ཡང་། །ཆུ་དང་འཕྲད་ན་རང་མདོག་བསྟན། །ཞེས་གསུངས་པ་ལྟ་བུའོ། །གཞོན་ནུ་ཟླ་མེད་ཀྱི་རྣམ་ཐར་ལས་ཀྱང་། ཀྱེ་ཧུད་བག་ཡོད་ངོ་ཚའི་གོས་བྲལ་བ། །ཁྲེལ་འདས་གཅེར་བུར་རྒྱུ་བའི་བློན་འབངས་ཀུན། །གཞོན་ནུ་བྲལ་བས་ནོངས་ཞེས་སྨྲ་ཞིང་ངུ་། །མྱ་ངན་བཅས་ཀྱང་བཅོས་མའི་རྣམ་ཐར་ཡིན། །ཞེས་པ་ལྟ་བུའོ། །

Dictionaries/sgom sde tshig mdzod chenmo/10036 +

རྣམ་པར་ཐར་པའི་སྒོ་ངོ་བོསྟོང་པ་ཉིད་དང༌། རྒྱུ་མཚན་མ་མེད་པ། འབྲས་བུསྨོན་པ་མེད་པ་དང་གསུམ། རྣམ་ཐར་སྒོ་གསུམ་པོ་རྣམས་རིན་པ་བཞིན་དུ། ངོ་བོ་རྒྱུ་འབྲས་གསུམ་ལ་སྦྱར་བ་དང༌། བྱ་བྱེད་ལས་གསུམ་ལ་སྦྱར་ནས་བཤད་ཚུལ་གཉིས་ཡོད། འདིའི་སྐོར་རྗེ་གུང་ཐང་པའི་རྣམ་ཐར་སྒོ་གསུམ་གྱི་འགྲེལ་པ་དང༌། དྲང་ངེས་རྩོམ་འཕྲོ་སོགས་ལ་གཟིགས། +

Dictionaries/sgom sde tshig mdzod chenmo/10037 +

སྟོང་པ་ཉིད་དང༌། མཚན་མ་མེད་པ་དང༌། སྨོན་པ་མེད་པ། མངོན་པར་འདུ་མི་བྱེད་པ་དང་བཞིའོ། །བུ་སྟོན་རིན་པོའི་དུས་ཀྱི་འཁོར་ལོའི་ཊཱི་ཀ་འདོད་འཇོ་ལས། སྟོང་པ་ཉིད་དང་མཚན་མ་མེད། །སྨོན་མེད་མངོན་པར་འདུས་མ་བྱས། །རྣམ་པར་ཐར་པའི་སྒོ་བཞི་ཡིས། །རྫོགས་པའི་སངས་རྒྱས་བསྒྲུབ་པར་བགྱི། །ཞེས་ལུང་འདྲེན་མཛད་འདུག ལུང་འདི་གང་གི་ཡིན་པ་མི་གསལ་ཡང༌། ཕལ་ཆེར་སློབ་དཔོན་རྟ་དབྱངས་ཀྱི་ཡིན་པར་སེམས་ཏེ། སྦྱིན་པའི་གཡབ་མོས་ལེགས་བོས་ནས། །ཞེས་སོགས་ཀྱང་གཞུང་དེ་གའི་ཁོངས་སུ་དེའི་གོང་ཙམ་དུ་དྲངས་འདུག་ཅིང༌། ཚིགས་བཅད་དེ་ནི་སློབ་དཔོན་རྟ་དབྱངས་ཀྱི་ཡིན་པར་རིགས་པའི་དབང་ཕྱུག་སེ་ར་རྗེ་བཙུན་ཆོས་ཀྱི་རྒྱལ་མཚན་གྱི་སྤྱི་དོན་ན་གསལ། རྣམ་ཐར་སྒོ་བཞིའི་ཐ་སྙད་འདི་རྗེའི་འདོད་འཇོ་ལས་ཀྱང་གསུངས་སོ། །ཞར་བྱུང༌། སྒྲོལ་དཀར་ཡིད་བཞིན་འཁོར་ལོའི་ཕྱག་ཞབས་ཀྱི་སྤྱན་བཞིས་རྣམ་ཐར་སྒོ་བཞི་མཚོན་ཞེས། པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་རྗེ་བཙུན་སྒྲོལ་མ་དཀར་མོའི་སྒྲུབ་ཐབས་སུ་གསུངས་ཏེ། དཔྲལ་བའི་དབུས་ན་ཡེ་ཤེས་ཀྱི་སྤྱན། ཕྱག་ཞབས་ཀྱི་མཐིལ་ན་རྣམ་ཐར་སྒོ་བཞི་མཚོན་པའི་སྤྱན་བཞི་མངའ་བ། ཞེས་གསུངས། +

Dictionaries/sgom sde tshig mdzod chenmo/10038 +

1 འཇིགས་བྱེད་ཀྱི་རྫོགས་རིམ་རྣལ་འབྱོར་བཞིའི་ཡ་གྱལ་ཏེ། སེམས་དབེན་མཐར་ཐུག་དཔེ་ཡི་འོད་གསལ་དང་རིམ་པ་བཞི་པའི་དོན་གྱི་འོད་གསལ་གྱི་དོད་ཐུབ་ཡིན། འཇིགས་བྱེད་ཀྱི་སྐབས་སུ་གསང་འདུས་ལྟར་རྫོགས་རིམ་རིམ་པ་ལྔའམ་དྲུག་གི་ཐ་སྙད་མི་བྱེད་པར་དེའི་དོད་དུ་རྫོགས་རིམ་རྣལ་འབྱོར་བཞིའི་ཐ་སྙད་བྱེད་དེ། འཇིགས་བྱེད་ལྷ་བཅུ་གསུམ་མ། དཔའ་གཅིག དགྲ་ནག གཤེད་དམར། རོ་ལངས་བརྒྱད་སྐོར། ཞེ་དགུ་མ་རྣམས་ལ་རྫོགས་རྣལ་འབྱོར་བཞིའི་ཐ་སྙད་བྱེད། གསང་འདུས་ཀྱི་སྐབས་སུ་དབེན་པ་གསུམ་གྱི་རྣལ་འབྱོར། སྒྱུ་ལུས་དང་འོད་གསལ་ཟུང་འཇུག་སྟེ་རྫོགས་རིམ་རིམ་པ་ལྔའམ་དྲུག་གི་ཐ་སྙད་བྱེད་དོ། ། +

Dictionaries/sgom sde tshig mdzod chenmo/10039 +

2 ཡུལ་ཅན་ལྷན་སྐྱེས་ཀྱི་བདེ་བས་ཡུལ་སྟོང་ཉིད་མངོན་སུམ་དུ་གསར་དུ་རྟོགས་པ་ལ་ཟེར། དངུལ་ཆུའི་ཁམས་དཀར་སོགས་ཀྱི་དྲི་ལན་ན་གསལ། +

Dictionaries/sgom sde tshig mdzod chenmo/1004 +

ས་ལ་གསལ་བ་གཉིས། རྒྱ་གར་ན་གནམ་ལ་ཉི་ཟླ་གཉིས། ས་ལ་གསལ་བ་གཉིས། ཞེས་པའི་གསལ་བ་གཉིས་ནི། སྒྲོན་གསལ་དང་ཚིག་གསལ་གཉིས་ལ་ཟེར། +

Dictionaries/sgom sde tshig mdzod chenmo/10040 +

(བཀའ་བརྒྱུད) རླུང་སེམས་ཀྱི་དྭངས་མ་ལས་གྲུབ་པའི་རྟོག་པས་མ་བརྟགས་པར་པྲ་ཕབ་པ་ལྟར་སྣང་བའི་ཁྱད་པར་ལྔ་ལྡན་གྱི་ལུས། ཁྱད་པར་ལྔ་ནི། དུས་ཀྱི་ཁྱད་པར་རགས་པ་དང་ཕྲ་བའི་སྣང་བ་དང་རྟོག་པ་རྣམས་ཐིམ་པའི་རྗེས་སུ་འཆར་བ། ཐབས་ཀྱི་ཁྱད་པར་གཟུང་འཛིན་གྱི་རླུང་རྟོག་དབུ་མར་འགོག་པ་ལས་བྱུང་བ། རྒྱུའི་ཁྱད་པར་རླུང་སེམས་ཀྱི་དྭངས་མ་ཤིན་ཏུ་ཕྲ་བ་ལས་གྲུབ་པ། རྣམ་པའི་ཁྱད་པར་མ་བརྟགས་པར་གསལ་བར་སྣང་བ་པྲ་ཕབ་པ་ལྟ་བུར་མཐོང་བ། ངོ་བོའི་ཁྱད་པར་རྡུལ་ཕྲ་རབ་ཀྱི་ཆོས་ཉིད་ལས་འདས་པའི་ཡེ་ཤེས་ཀྱི་སྣང་བ་རྣམ་པ་ཀུན་གྱི་མཆོག་དང་ལྡན་པ་ཡིན་པ་སྟེ་ལྔའོ། །སྔགས་བླ་མེད་ཐུན་མོང་མ་ཡིན་པའི་སྦས་དོན་གྱི་སྒྱུ་ལུས་རླུང་སེམས་བདག་བྱིན་གྱིས་བརླབས་པའི་ལམ་གྱི་རིམ་པ་དངོས་དེ་ཡིན་ནོ། །བཀའ་བརྒྱུད་པའི་ལུགས་ལ། རྣམ་དག་སྒྱུ་ལུས་དང༌། དག་པའི་སྒྱུ་ལུས་གཉིས་ལ་ཁྱད་པར་ཆེ་སྟེ། རྣམ་དག་སྒྱུ་ལུས་ནི་གོང་དུ་བཤད་པ་ལྟར་དང༌། དག་པའི་སྒྱུ་ལུས་ནི། ཐ་མལ་གྱི་སྣང་བ་བསལ་ཏེ་བསྒོམ་པ་ཙམ་གྱིས་དག་པར་བཞག་ཀྱང་ངོ་བོ་རྟོག་པས་བརྟགས་པའི་སྒོམ་པ་ཡིན་པས་ཤིན་ཏུ་རྣམ་དག་གམ་རྣམ་དག་སྒྱུ་ལུས་ནི་མ་ཡིན་ནོ་ཞེས་བཞེད་དོ། ། +

Dictionaries/sgom sde tshig mdzod chenmo/10041 +

རྣམ་བདུན་གྱི་རིགས་པ་ལ་གཟིགས། +

Dictionaries/sgom sde tshig mdzod chenmo/10042 +

ཆགས་སྡང་གི་བློ་དོར་ཏེ། རང་རང་གི་བརྩི་ཞེན་ཆེན་པོ་བྱེད་རྒྱུའི་ཆོས་བརྒྱུད་གྲུབ་མཐའ་དེ་ཉིད་བཤད་སྒྲུབ་གཉིས་ཀྱི་སྒོ་ནས་མི་ཉམས་གོང་འཕེལ་དང་ཉམས་པ་སོར་ཆུད་བྱེད་པ་ལ་ཟེར། ཚིག་འདི་ཏཱ་ལའི་བླ་མ་སྐུ་ཕྲེང་བཅུ་བཞི་པ་ཆེན་པོ་༸རྒྱལ་མཆོག་བསྟན་འཛིན་རྒྱ་མཚོས་གསར་གཏོད་མཛད། +

Dictionaries/sgom sde tshig mdzod chenmo/10043 +

རྗེ་ཙོང་ཁ་པ་ཆེན་པོའི་དངོས་སློབ་རྣམ་དཔྱོད་ཕུལ་དུ་བྱུང་བའི་མཁས་པ་གཉིས་ནི། མུས་སྲད་པ་བློ་གྲོས་རིན་ཆེན་སེང་གེ་དང༌། མུས་སྲད་པ་བློ་གྲོས་རིན་ཆེན་སེང་གེ་ནི་སེར་བྱེས་མཁས་སྙན་གྲྭ་ཚང་ཕྱག་འདེབས་པ་པོ་ཡིན་ཞིང༌། ཡོངས་གྲགས་སུ་ཀུན་མཁྱེན་བློ་གྲོས་རིན་ཆེན་སེང་གེ་ཞེས་ཞུ་བ་དེ་ཡིན ཞང་ཞུང་པ་ཆོས་དབང་གྲགས་པ་གཉིས་སོ། ། +

Dictionaries/sgom sde tshig mdzod chenmo/10044 +

(བརྡ་སྤྲོད) ལ་དོན། འབྲེལ་སྒྲ། བྱེད་སྒྲ་སོགས་ལ་ཟེར། +

Dictionaries/sgom sde tshig mdzod chenmo/10045 +

1 རིགས་དང་དབྱེ་བ། དཔེར་ན་རྣམ་པ་སྣ་ཚོགས་ཞེས་པ་ལྟ་བུ། +

Dictionaries/sgom sde tshig mdzod chenmo/10046 +

2 དབྱིབས་དང་བཟོ་ལྟ། མཛེས་སྡུག རྣམ་འགྱུར། དཔེར་ན་རྣམ་པ་མཛེས་ལྟ་བུ་དང་། གྲུ་བཞིའི་རྣམ་པ་ཅན་ལྟ་བུ། +

Dictionaries/sgom sde tshig mdzod chenmo/10047 +

3 རབ་ཏུ། ཡོངས་སུ། ཤིན་ཏུ། ཧ་ཅང་བཅས་ཀྱི་དོན་དུ་གོ་བའི་ཚིག་རྒྱན་ཞིག དཔེར་ན་རྣམ་པར་བཀྲ་བ་ཞེས་པ་ལྟ་བུ། +

Dictionaries/sgom sde tshig mdzod chenmo/10048 +

4 ངོ་བོ། རང་བཞིན། མཚན་ཉིད་རྣམས་དོན་འདྲ་བར་བཤད་དེ། མན་སྙེ་ལས། དངོས་པོ་རྣམས་ཀྱིས་སྟོང་པ་ཉིད་ཀྱི་ངོ་བོ་ནི་རང་བཞིན་དང་རྣམ་པ་ཞེས་དོན་གཞན་མ་ཡིན་ཏེ། རང་གི་ངོ་བོ་ཞེས་པའི་དོན་ནོ། །ཞེས་པ་ལྟར་དང༌། ས་སྐྱའི་མཁས་པ་གྲགས་ཅན་གཡག་སྟོན་སངས་རྒྱས་དཔལ་གྱི་མངོན་རྟོགས་རྒྱན་གྱི་འགྲེལ་པ་ལས་ཀྱང༌། རྣམ་པ་ནི་ངོ་བོ། རྟགས་ནི་འབྲས་བུ། མཚན་མ་ནི་རྒྱུའོ་ཞེས་པ་ལྟར་རོ། ། +

Dictionaries/sgom sde tshig mdzod chenmo/10049 +

5 མང་ཚིག་གི་ཞེ་སའི་ཚིག་ཅིག ཁོང་རྣམ་པ་གཉིས་ཞེས་པ་ལྟ་བུ། +

Dictionaries/sgom sde tshig mdzod chenmo/1005 +

ལོ། གནམ་ལོའི་ཞེ་སར་དགུང་ལོ་ཟེར། བོད་རྒྱ་ཚིག་མཛོད་ཆེན་མོར། གནམ་ལོ་ཞེས་པ་ལོའི་ཞེ་སར་བྱས་འདུག་ཀྱང་། སྐྱོགས་སྟོན་ལོ་ཙཱའི་དག་ཡིག་གུར་ཁང་དུ་དགུང་ལོ་གནམ་ལོའི་ཞེ་སར་གསུངས་པར་གཞིགས་ན་འདི་ཞེ་ས་མིན་པ་ལྟ་བུར་སྣང་ངོ་། །འོན་ཀྱང་དཔྱད་དགོས་ཏེ། བཞུགས་པ་དང་གཞེས་པ་གཉིས་ཀ་ཞེ་ས་ཡིན་ཀྱང་། དེ་ཉིད་ལས། གཞེས་པ་བཞུགས་པའི་ཞེ་སར་གསུངས་པའི་ཕྱིར་རོ། །སྙམ་མོ། ། +

Dictionaries/sgom sde tshig mdzod chenmo/10050 +

1 འཆད་ཚུལ་གཞན་ཞིག་ལ། རྣམ་གྲངས་གཞན་ཡང་ཞེས་པའི་དོན། +

Dictionaries/sgom sde tshig mdzod chenmo/10051 +

2 ཡང་ན་ཞེས་པའི་དོན། +

Dictionaries/sgom sde tshig mdzod chenmo/10052 +

1 ཚིག་རྒྱན་ཞིག་སྟེ། རབ་ཏུ། ཤིན་ཏུ། ཆེས་ཆེར་ཞེས་པའི་དོན། དཔེར་ན་རབ་ཏུ་བཀྲ་བ་ལ་རྣམ་པར་བཀྲ་བ་ཞེས་པ་ལྟ་བུ། +

Dictionaries/sgom sde tshig mdzod chenmo/10053 +

2 ཡོངས་སུ། ཡང་དག་པར། རྫོགས་པར། ལེགས་པར། དཔེར་ན་རྣམ་པར་དག རྣམ་པར་བཤད། རྣམ་པར་གྲོལ་ལྟ་བུ། +

Dictionaries/sgom sde tshig mdzod chenmo/10054 +

3 དོན་གཞན་མི་སྟོན་པར་ཚིག་རྒྱན་ཙམ་ལ་སྦྱར་བ། དཔེར་ན་རྣམ་པར་རྟོག་པ་ནི་མང་ཞེས་པ་ལྟ་བུ། +

Dictionaries/sgom sde tshig mdzod chenmo/10055 +

4 རྣམ་པ་ལ། རྣམ་པ་རུ། དཔལ་རྡོ་རྗེ་འཇིགས་བྱེད་ཀྱི་རྣམ་པར་སྤྱན་དྲངས་ལྟ་བུ། +

Dictionaries/sgom sde tshig mdzod chenmo/10056 +

5 སྤྱིར་རྣམ་པར། རབ་ཏུ། ཉེ་བར་ཞེས་པ་རྣམས་ཕལ་ཆེར་འདྲ་བ་ཡིན་ཏེ། རྣམ་པར་ལྟ། རབ་ཏུ་ལྟ། ཉེ་བར་ལྟ་ཞེས་པ་ལྟ་བུ་རྣམས་ལ་ཁྱད་པར་མེད་པ་བཞིན་ནོ། ། +

Dictionaries/sgom sde tshig mdzod chenmo/10057 +

(ཕར་ཕྱིན) གཏན་ལ་དབབ་པ་བསྡུ་བ་ལ་གཟིགས། +

Dictionaries/sgom sde tshig mdzod chenmo/10058 +

སྙོམས་འཇུག་གི་སྒྲིབ་པ་དང་དོན་གཅིག ལེ་ལོ་དང༌། དམིགས་པ་བརྗེད་པ། བྱིང་བ་དང་རྒོད་པ། རྩོལ་བ་དང་མི་རྩོལ་བའི་ཉེས་པ་ལྔ་ལ་སོགས་པ་སྟེ། ཊཱིཀ་བྱེད་དག་གིས་རྣམ་པར་ཐར་པའི་སྒྲིབ་པ་ནི་གང་གིས་རྣམ་པར་ཐར་པ་དང༌། བསམ་གཏན་དག་སྐྱེད་པར་མི་ནུས་པ་སྟེ་ལུས་དང་སེམས་ལས་སུ་མི་རུང་བ་ཉིད་དོ། །ཞེས་མཆིམས་མཛོད་ན་གསལ། མཆིམས་མཛོད་དུ་རྣམ་པར་ཐར་པའི་སྒྲིབ་པ་དང༌། སྙོམས་འཇུག་གི་སྒྲིབ་པ་གཉིས་ཁྱད་པར་ཕྲན་བུའི་ཡོད་པ་ལྟ་བུར་གསུངས་པས་དཔྱད་དོ། ། +

Dictionaries/sgom sde tshig mdzod chenmo/10059 +

སངས་རྒྱས་ཀྱི་མཚན་གྱི་རྣམ་གྲངས་ཤིག སྒྲ་བཤད་ནི། སངས་རྒྱས་ཐམས་ཅད་རབ་ཏུ་འབྱུང་བའི་ཕྱིར་རྣམ་པར་དག་པའི་ལྷ་ཞེས་བྱའོ། །ཞེས་མའི་སོ་ཐར་གྱི་མདོ་ལས་གསུངས། +

Dictionaries/sgom sde tshig mdzod chenmo/1006 +

ལོ་གསར། +

Dictionaries/sgom sde tshig mdzod chenmo/10060 +

རོ་མདོག་དམར་བར་གྱུར་པ། +

Dictionaries/sgom sde tshig mdzod chenmo/10061 +

རོ་མདོག་དམར་བར་གྱུར་པ་ལ་དམིགས་པའི་འདུ་ཤེས། +

Dictionaries/sgom sde tshig mdzod chenmo/10062 +

རོའི་ལུས་སྐྲངས་ཤིང་སྦོས་པ། +

Dictionaries/sgom sde tshig mdzod chenmo/10063 +

རོའི་ལུས་སྐྲངས་ཤིང་སྦོས་པ་ལ་དམིགས་པའི་འདུ་ཤེས། +

Dictionaries/sgom sde tshig mdzod chenmo/10064 +

རུལ་ཞིང་སྔོན་པོར་གྱུར་པ། +

Dictionaries/sgom sde tshig mdzod chenmo/10065 +

ལུས་རུལ་ཞིང་སྔོན་པོར་གྱུར་པ་ལ་དམིགས་པའི་འདུ་ཤེས། +

Dictionaries/sgom sde tshig mdzod chenmo/10066 +

དགེ་བ་བཅུ་གཅིག་གི་ཐ་མ་ནི། ཀུན་ནས་མནར་སེམས་མེད་པའི་ཆ་ཤས་གང་ཞིག སྡུག་བསྔལ་ཅན་ལ་དེ་དང་བྲལ་ན་སྙམ་དུ་མི་བཟོད་པས་རབ་ཏུ་ཕྱེ་བའི་སེམས་བྱུང་ཞིག་གོ། བྱེད་ལས་ནི། སེམས་ཅན་ལ་གསོད་པ་དང༌། བརྡེག་པ་སོགས་ཐོ་མི་འཚམས་པའི་ལས་ཅན་ནོ། ། +

Dictionaries/sgom sde tshig mdzod chenmo/10067 +

1 ཅིར་ཡང་མི་རྟོག་པའམ་མི་དཔྱོད་པར་རང་ལུགས་སུ་བཞག་པའི་དོན། +

Dictionaries/sgom sde tshig mdzod chenmo/10068 +

2 སྟོང་ཉིད་རྟོགས་པའི་ཡེ་ཤེས། +

Dictionaries/sgom sde tshig mdzod chenmo/10069 +

སྟོང་ཉིད་རྟོགས་པའི་ཡེ་ཤེས་ལ་ཟེར། སྒྲ་བཤད་ནི། སོ་སོར་རྟོག་པའི་ཤེས་རབ་ཀྱིས་ལྟ་བའི་ཕུ་ཐག་བཅད་ནས། དེ་ནས་དེའི་སྟེང་དུ་མི་རྟོག་པ་སྟེ་མི་དཔྱད་པར་བཞག་པ་ལ་ཟེར། རྗེའི་ལམ་རིམ་ཆེན་མོ་ལ་གཞི་བྱས། མི་རྟོག་པར་བཞག་པ་ཞེས་པ་བརྟག་དཔྱད་མི་བྱེད་པར་བཞག་པའི་དོན་ནོ། ། +

Dictionaries/sgom sde tshig mdzod chenmo/1007 +

དབང་ཆེ་བའི་དོན། འདི་བོན་པོའི་བརྡ་ཡིན་པར་ལི་གུར་དུ་གསུངས། +

Dictionaries/sgom sde tshig mdzod chenmo/10070 +

ལུས་ཀྱི་ཤ་དང་པགས་པ་བྱ་དང་གཅན་གཟན་སོགས་ཀྱིས་ཟོས་པ། ལུང་ཕྲན་ཚེགས་ཀྱི་འགྲེལ་པར་གཞི་བྱས། +

Dictionaries/sgom sde tshig mdzod chenmo/10071 +

ལུས་ཀྱི་ཤ་དང་པགས་པ་བྱ་དང་གཅན་གཟན་སོགས་ཀྱིས་ཟོས་པ་ལ་དམིགས་པའི་འདུ་ཤེས། ལུང་ཕྲན་ཚེགས་ཀྱི་འགྲེལ་པར་གཞི་བྱས། +

Dictionaries/sgom sde tshig mdzod chenmo/10072 +

ཡན་ལག་དང་ཉིང་ལག་ཕྱོགས་དང་ཕྱོགས་མཚམས་སུ་འཐོར་བ། +

Dictionaries/sgom sde tshig mdzod chenmo/10073 +

ཡན་ལག་དང་ཉིང་ལག་ཕྱོགས་དང་ཕྱོགས་མཚམས་སུ་འཐོར་བ་ལ་དམིགས་པའི་འདུ་ཤེས། +

Dictionaries/sgom sde tshig mdzod chenmo/10074 +

(འདུལ་བ) ཁྱད་པར་དུ་འཕེལ་བ། ལྷག་པར་འཕེལ་བ། རྣམ་འབྱེད་འགྲེལ་༼ ཚུ ༽༣བ༥ལས། རྣམ་པར་འཕེལ་དང་ཞེས་བྱ་བ་ནི་ཁྱད་པར་དུ་འཕེལ་བ་སྟེ། ཞེས་གསུངས་སོ། ། +

Dictionaries/sgom sde tshig mdzod chenmo/10075 +

སྲིན་བུས་ཟོས་ནས་ཞིག་པ། +

Dictionaries/sgom sde tshig mdzod chenmo/10076 +

སྲིན་བུས་ཟོས་ནས་ཞིག་པའམ་འབུས་གང་ལ་དམིགས་པའི་འདུ་ཤེས། ལུང་ཕྲན་ཚེགས་ཀྱི་འགྲེལ་པ་ལས། རྣམ་པར་འབུས་ཞིག་པའི་འདུ་ཤེས་ནི་འབུས་གང་བར་དམིགས་པ་ཡིན་ནོ། །ཞེས་གསུངས། +

Dictionaries/sgom sde tshig mdzod chenmo/10077 +

(ཕར་ཕྱིན) འདིའི་མཚན་དངོས་ནི། རྟེན་ཅིང་འབྲེལ་བར་འབྱུང་བ་དང་པོ་དང་རྣམ་པར་དབྱེ་བ་བསྟན་པ་ཞེས་བྱ་བའི་མདོ་ཞེས་བྱའོ། །སྡེ་དགེ་བཀའ་འགྱུར་མདོ་སྡེ་༼ ཚ ༽༡༢༣བ༢ན་བཞུགས་ཤིང་། འདི་དང་རྟེན་ཅིང་འབྲེལ་བར་འབྱུང་བའི་མདོ། རྟེན་འབྲེལ་གྱི་མདོ་རྣམས་དོན་གཅིག རྗེའི་ལེགས་བཤད་གསེར་ཕྲེང་སྨད་ཆ་སྐབས་ལྔ་པའི་རྟེན་འབྲེལ་བཤད་པའི་སྐབས་ཀྱི་ཕྱི་ལུགས་ཀྱི་ཤོག་གྲངས་༤༠༡ལས། རྣམ་པར་འབྱེད་པའི་མདོ་ཞེས་འབྱུང་བ་ཡང་འདི་ཉིད་ལ་ཟེར་བ་ཡིན་ནོ། ། +

Dictionaries/sgom sde tshig mdzod chenmo/10078 +

1 སྤྱིར་བཏང་རྣམ་པར་འཚེ་བ་ནི་གནོད་པ་བྱེད་པའི་དོན་ཡིན། ཉེ་ཉོན་ཉི་ཤུའི་ནང་གི་བཅུ་པ་རྣམ་པར་འཚེ་བ་ནི། ཁྲོ་བ་ལྷག་པར་འཕེལ་ཏེ་གཞན་ལ་ཁུ་ཚུར་དང་ཐལ་ལྕགས་ལ་སོགས་པས་དངོས་སུ་གནོད་པ་བྱེད་པ་ལ་ཟེར། ཕུང་པོ་ལྔའི་རབ་བྱེད་ལས། ཁྲོ་བའི་རྐྱེན་གྱིས་ཁུ་ཚུར་དང་ཐལ་ལྕག་ལ་སོགས་པས་གཞན་ལ་རྣམ་པར་ཐོ་འཚམས་པར་བྱེད་པ་དེ་ནི་རྣམ་པར་འཚེ་བའོ། །ཞེས་གསུངས་སོ། །ཕུང་པོ་ལྔའི་རབ་བྱེད་ལས་བཤད་པའི་རྣམ་པར་འཚེ་བའི་གོ་དོན་འདི་ཤིན་ཏུ་ཡིད་ལ་འཐད་ཅིང་ལེགས་བཤད་དུ་སྣང་ངོ་། །ཡང་གོང་གི་ལུང་གི་མཇུག་ཙམ་ལས། ཁྲོ་བའི་རྐྱེན་གྱིས་ཁུ་ཚུར་དང་ཐལ་ལྕག་ལ་སོགས་རབ་ཏུ་བརྡེག་པའི་རྒྱུའི་ཆོས་ནི་རྣམ་པར་འཚེ་བས་ན་རྣམ་པར་འཚེ་བའོ། །ཞེས་རྒྱུའི་གནས་སྐབས་ལ་གོ་དགོས་པ་ལྟ་བུ་ཅུང་ཟད་མི་འདྲ་བའང་བཤད་པས་དཔྱད་དོ། ། +

Dictionaries/sgom sde tshig mdzod chenmo/10079 +

2 ཡང་། ཉེ་ཉོན་ཉི་ཤུའི་བཅུ་པ་ནི། ཁོང་ཁྲོའི་ཆར་གཏོགས་གང་ཞིག གཞན་ལ་སྙིང་བརྩེ་བ་སོགས་མེད་ཅིང་མཐོ་འཚམས་པར་འདོད་པས་རབ་ཏུ་ཕྱེ་བའི་རིག་པའོ། །རང་གིས་མཐོ་འཚམས་པར་འདོད་པས་སྙིང་བརྩེ་བ་མེད་པ། གཞན་བྱེད་དུ་འཇུག་འདོད་པས་སྙིང་རྗེ་བ་མེད་པ། གཞན་གྱིས་བྱེད་པ་མཐོང་ངམ། ཐོས་ན་རྗེས་སུ་ཡི་རངས་པས་བརྩེ་བ་མེད་པའོ། །བྱེད་ལས་ནི། གཞན་ལ་མཐོ་འཚམས་པའི་ལས་ཅན་ནོ། །ཀུན་བཏུས་དར་ཊཱིཀ་ལྟར་རོ། ། +

Dictionaries/sgom sde tshig mdzod chenmo/1008 +

གནའ་བོ་དང་དེང་དུས། དཔེར་ན་གནའ་དེང་གི་མཁས་པ་ཞེས་པ་ལྟ་བུ། +

Dictionaries/sgom sde tshig mdzod chenmo/10080 +

(ཕར་ཕྱིན) སེམས་ཙམ་པ། སྒྲ་བཤད་ནི། ཕྱི་རོལ་མེད་ཅིང་ཆོས་རྣམས་རྣམ་པར་ཤེས་པའི་བདག་ཉིད་ཙམ་དུ་སྨྲ་བས་དེ་སྐད་ཅེས་བྱ་སྟེ། དཔེར་ན་རྨི་ལམ་ན་ཁང་ཁྱིམ་ལ་སོགས་པའི་དོན་མེད་ཀྱང༌། ནང་གི་རྣམ་པར་ཤེས་པ་ཉིད་ཁང་ཁྱིམ་དང་ནགས་ཚལ་དང་ས་དང་རི་ལ་སོགས་པའི་དོན་སྣ་ཚོགས་ཀྱི་རྣམ་པར་སྣང་བ་བཞིན་ནོ། ། +

Dictionaries/sgom sde tshig mdzod chenmo/10081 +

(མཛོད) ཕྱིའི་རྣམ་འགྱུར་ལ་བརྟེན་ནས་ནང་གི་ཀུན་སློང་བཟང་ངན་སོགས་རིག་པའམ་དཔོག་པར་བྱེད་པའི་གཟུགས། དཔེར་ན་ཁོང་ཁྲོ་ལངས་ཏེ་གདོང་དམར་པོ་ཆགས་པའི་རྣམ་འགྱུར་ལྟ་བུ། སྒྲ་བཤད་ནི། རྣམ་པར་ནི་ཚིག་རྒྱན་ཙམ་མམ། ཡང་ན། ཡང་དག་པའམ་ལེགས་པར་ཞེས་པའི་དོན་དང༌། ཕྱིའི་རྣམ་འགྱུར་ལ་བརྟེན་ནས་ནང་གི་ཀུན་སློང་བཟང་ངན་སོགས་རིག་པའམ་དཔོག་པར་བྱེད་པའི་གཟུགས་ཡིན་པས་ན་དེ་སྐད་ཅེས་བྱའོ། །དེ་ལ་དབྱེ་ན། ལུས་ཀྱི་རྣམ་པར་རིག་བྱེད་དང་། ངག་གི་རྣམ་པར་རིག་བྱེད་ཀྱི་གཟུགས་གཉིས་སོ། ། +

Dictionaries/sgom sde tshig mdzod chenmo/10082 +

(མཛོད) ཁྱད་ཆོས་དྲུག་དང་ལྡན་པའི་བསྟན་མེད་ཐོགས་མེད་ཀྱི་གཟུགས་ཤིག ཁྱད་ཆོས་དྲུག་ནི། གནས་སྐབས་ཀྱི་ཁྱད་པར་སེམས་གཡེངས་པ་དང༌། སེམས་མེད་པའི་སྙོམས་འཇུག་གཉིས་ཀྱི་གནས་སྐབས་ན་ཡང་ཡོད་པ་དང༌། ངོ་བོའི་ཁྱད་པར་དགེ་བ་དང་མི་དགེ་བ་གང་རུང་ཡིན་པ། དུས་ཀྱི་ཁྱད་པར་རྒྱུན་མཆོག་རྗེས་སུ་འབྲེལ་བ་སྟེ་རྒྱུན་བར་མ་ཆད་དུ་གནས་པ། རྒྱུའི་ཁྱད་པར་འབྱུང་བ་ཆེན་པོ་བཞི་རྒྱུར་བྱས་པ་ལས་བྱུང་བ། མིག་ཤེས་ལ་བསྟན་དུ་མེད་ཅིང་ཐོགས་པ་མེད་པའི་ཁྱད་པར་དང་དྲུག་གོ།མཛོད་རྩ་བ་ལས། གཡེངས་དང་སེམས་མེད་པ་ཡི་ཡང༌། །དགེ་དང་མི་དགེ་རྗེས་འབྲེལ་གང༌། །འབྱུང་བ་ཆེ་རྣམས་རྒྱུར་བྱས་པ། །དེ་ནི་རྣམ་རིག་བྱེད་མིན་བརྗོད། །ཅེས་གསུངས་སོ། ། +

Dictionaries/sgom sde tshig mdzod chenmo/10083 +

1 རྣམ་རྟོག རྟོག་པ། ཀུན་རྟོག་རྣམས་དོན་གཅིག དཔེར་ན་རྣམ་པར་རྟོག་པ་ནི་ཤིན་ཏུ་མང་ལྟ་བུ། སྒྲ་བཤད་ནི། འདིའི་རྣམ་པར་ཞེས་པ་དོན་གཞན་མི་སྟོན་པར་ཚིག་རྒྱན་ཙམ་ཡིན་ལ། རྟོག་པ་ནི་འདིར་སྒྲ་དོན་འདྲེར་རུང་དུ་འཛིན་པའི་ཞེན་རིག་གོ། +

Dictionaries/sgom sde tshig mdzod chenmo/10084 +

2 རྣམ་པར་རྟོག་པ་སྟེ་བརྟག་དཔྱད་བྱེད་པའི་དོན། རྣམ་དབྱེ་རྟོག་པའམ་དཔྱོད་པ། སྒྲ་བཤད་ནི། རྣམ་པར་ཏེ་ཡང་དག་པར་རྟོག་པའམ་དཔྱོད་པས་ན་དེ་སྐད་ཅེས་བྱའོ། ། +

Dictionaries/sgom sde tshig mdzod chenmo/10085 +

3 སེམས་ཀྱི་འཆར་ཚུལ་ལའང་བཤད། +

Dictionaries/sgom sde tshig mdzod chenmo/10086 +

རྣག་འཛག་པ། དག་ཡིག་གསར་བསྒྲིགས་ལྟར་བྱས་ན། རྣམ་པར་རྣག་པ་ཞེས་ས་མཐའ་མི་སྦྱོར། +

Dictionaries/sgom sde tshig mdzod chenmo/10087 +

རྣག་འཛག་པ་ལ་དམིགས་པའི་འདུ་ཤེས། +

Dictionaries/sgom sde tshig mdzod chenmo/10088 +

གཟིགས་པ་བཞི་དང་དོན་འདྲ། ཡོངས་གྲགས་སུ་གཟིགས་པ་ལྔ་ཟེར་ཡང་རྒྱ་ཆེར་རོལ་པའི་མདོར་བཞིར་གསུངས། +

Dictionaries/sgom sde tshig mdzod chenmo/10089 +

1 ཡང་དག་པར་ཤེས་པ། +

Dictionaries/sgom sde tshig mdzod chenmo/1009 +

བོད་ཀྱི་རི་དྭགས་ཤིག འདི་ལ་ཕྱི་རྒྱལ་བས་Himalayan blue sheep, bharal དང་། མཚན་རིག་གི་མིང་དུ་ pseudois nayaur ཟེར། བོད་ཡིག་དབྱངས་བཞི་པ་ན་རོའམ། གནའ་རུའམ། རྣ་རུ་ཞེས་པ་རི་དྭགས་འདིའི་རྭ་ཅོ་ལ་དཔེ་བླངས་ནས་མིང་ཐོགས་པ་ཡིན། +

Dictionaries/sgom sde tshig mdzod chenmo/10090 +

2 རྣམ་ཤེས་དང་དོན་གཅིག +

Dictionaries/sgom sde tshig mdzod chenmo/10091 +

རྣམ་ཤེས་དང་དོན་གཅིག +

Dictionaries/sgom sde tshig mdzod chenmo/10092 +

སྔར་བྱས་ཀྱི་སྡིག་པ་ལ་དུག་ཁོང་དུ་སོང་བ་ལྟ་བུའི་འགྱོད་སེམས་བྱེད་པ་ལ་ཟེར། སྒྲ་བཤད་ནི། སྡིག་པ་བྱེད་འདོད་ཀྱི་སེམས་དང་དེས་ཀུན་ནས་བསླངས་པའི་སྔར་བྱས་ཀྱི་སྡིག་པ་རྣམས་རྣམ་པར་སུན་འབྱིན་པ་སྟེ་སེལ་བར་བྱེད་པའི་དགེ་སེམས་སྟོབས་ཆེན་པོ་ཡིན་པས་དེ་སྐད་ཅེས་བྱའོ། ། +

Dictionaries/sgom sde tshig mdzod chenmo/10093 +

1 ཿ ཀླད་ཀོར་གཉིས་བརྩེགས་ཅན་དེ་ལ་རྣམ་བཅད་ཟེར། བཀླག་ཚུལ་གཉིས་ཏེ། ཕལ་ཆེར་ས་རུ་བཀླག་སྟེ། དཔེར་ན་ན་མཿ ཞེས་པ་ལ། ན་མས་ལྟ་བུ་དང༌། ས་མ་ཡིན་པ་ལ་དྲག་པོར་ལྡུམས་ལྡུམས་བཅད་ནས་འདོན་དགོས་པར། དཔེར་ན་ཨཿདང༌། ཕཊཿལྟ་བུའོ། ། +

Dictionaries/sgom sde tshig mdzod chenmo/10094 +

2 མཚམས་མ་ནོར་བར་འཛིན་བྱེད་ཀྱི་རྟགས་ཤིག མཚོན་རྟགས་འདི་རྗེ་ཙོང་ཁ་པ་ཆེན་པོའི་འགྲེལ་པ་བཞི་སྦྲགས་ན་མང་དུ་སྣང༌། +

Dictionaries/sgom sde tshig mdzod chenmo/10095 +

རྣམ་བཅུ་དབང་ལྡན་གྱི་ཡི་གེ་བཅུ་པོ་འདིས། ཕྱི་ནང་གཞན་གསུམ་མམ། གཞི་ལམ་འབྲས་གསུམ་མཚོན་ཏེ། སྦྱང་གཞི་ཕྱིའི་སྲིད་པ་བཅུ། ནང་སྒྲུབ་པ་པོའི་རྡོ་རྗེའི་ལུས། དེ་གཉིས་སྦྱོང་བྱེད་བསྐྱེད་རྫོགས་གཉིས། སྦྱངས་པའི་འབྲས་བུ་ཡེ་ཤེས་རྣམས་མཚོན་པར་བྱེད་ཅིང༌། ཡིག་འབྲུ་རྣམས་གཅིག་སྟེང་གཅིག་བརྩེགས་པ་ནི། ཕྱི་ནང་གི་སྣོད་བཅུད་ཆགས་ཚུལ་གྱི་རིམ་པ་སོགས་སྟོན་པའི་ཆེད་དུ་ཡིན། དེར་བརྟེན་འདིའི་སྐབས་སུ་སྔགས་ཀློག་པ་ན་འོག་ནས་སྟེང་དུ་བཀླགས་ནས་འགྲེལ་བཤད་བྱེད་དགོས། འདིའི་བཀླག་ཚུལ་ནི། གསལ་བྱེད་མི་འདྲ་དུ་མ་བརྩེགས། །རང་སྒྲ་ཐོན་ཙམ་མྱུར་བར་བཀླག །དབྱངས་དང་ང་རོ་འོག་མར་དབང༌། །ཞེས་པས་སྟོན་ཏེ། གསལ་བྱེད་དུ་མ་བརྩེགས་པ་ལྟ་བུ་ལ། རང་རང་གི་སྒྲ་ཐོན་ཙམ་མྱུར་བར་བཀླག་སྟེ། དཔེར་ན། ཧ་ཀྵ་མ་ལ་ཝ་ར་ཡྃ། ལྟ་བུའོ། །འདིར་ཁ་ཅིག ཧཾ་ཀྵཾ་མཾ་ལཾ་ཝཾ་རཾ་ཡྃ། ཞེས་དབྱངས་དང་ང་རོ་ཀུན་ལ་སྦྱར་ནས་བཀླག་པ་ཡོད་དེ། ནོར་བ་ཡིན་པས་སྤང་བར་བྱ་ཞེས་གསུངས། (ཕྱིའི་སྲིད་པ་མཚོན་ཚུལ་ནི) (ནཱ་དས) བདེ་སྟོང་གི་དེ་བཞིན་ཉིད། (རྣམ་བཅད་དང་ཐིག་ལེས) ཟླ་ཉི་གཉིས་མཚོན། (ཧ) གཟུགས་མེད་ཀྱི་གནས་མཚོན། (ཀྵ) འདོད་གཟུགས་ལྷའི་གནས། (མ) ལྷུན་པོ། (ལ) པདྨ། (ཝ) ཆུའི་དཀྱིལ་འཁོར་མཚོན། (ར) མེ། (ཡ) རླུང༌། (སྲོག་ཏུ་ཞུགས་པའི་ཨས) ནམ་མཁའ། (ནང་སྒྲུབ་པ་པོའི་རྡོ་རྗེའི་ལུས་མཚོན་ཚུལ་ནི) (ནཱ་དས) འདིས་ནི་གང་ལ་གནད་དུ་བསྣུན་པའི་རྡོ་རྗེའི་ལུས་ཀྱི་གནད་ཆེ་ས་དག་ཀྱང་མཚོན་པར་བྱེད་དོ། །(ཧྃ) དེས་རྩ་དབུ་མ་དང་རོ་རྐྱང་གཉིས་མཚོན། (ཀྵ) གསང་གནས་ཀྱི་པདྨ། (མ) ལྟེ་བ་ནས་གསང་གནས་ཀྱི་བར་གྱི་ལུས་སམ་སྒལ་ཚིགས། (ལ) ལྟེ་བའི་འཁོར་ལོ། (ཝ) སྙིང་ག (ར) མགྲིན་པ། (ཡ) དཔྲལ་བ། (སྦྱོང་བྱེད་བསྐྱེད་རིམ་མཚོན་ཚུལ་ནི) ཡི་གེ་རྣམས་བརྩེགས་པའི་གོ་རིམ་གྱིས་བསྐྱེད་རིམ་གྱི་རྟེན་དང་བརྟེན་པ་བསྐྱེད་པའི་གོ་རིམ་ཀྱང་མཚོན། (ནཱ་དས) དཀྱིལ་འཁོར་གྱི་གཙོ་བོ་དུས་ཀྱི་འཁོར་ལོ་དང༌། འཁོར་གྱི་ལྷ་ཐམས་ཅད་མཚོན། (ཧྃ) དེས་ཟླ་གཉིས་སྒྲ་གཅན་གྱི་གདན་དང༌། གཞལ་ཡས་ཁང་མཚོན། (ཀྵ) པདྨ། (ལ) ས་དཀྱིལ། (ཝ) ཆུ་དཀྱིལ། (ར) མེ་དཀྱིལ། (ཡ) རླུང་དཀྱིལ། (ཡ་ཡིག་གི་སྲོག་ཏུ་ཞུགས་པའི་ཨས) ཆོས་འབྱུང༌། (རྫོགས་རིམ་མཚོན་ཚུལ་ནི) (ཧྃ) དེས་ཡས་རིམ་བཞིན་གཏུམ་མོ། ཁུ་བ། སེམས་བདེ་བའི་ངོ་བོར་སྐྱེས་པ་མཚོན། དེ་ཡང་རྣམ་བཅད་ཀྱིས་གཏུམ་མོ་འོག་ནས་འབར་བ་དང༌། ཐིག་ལེས་ཁུ་བ་སྟེང་ནས་འབབ་པ་མཚོན། (ནཱ་དས) སེམས་བདེ་བའི་ངོ་བོར་སྐྱེས་པ་མཚོན། (ཀྵ) གསང་བའི་རྩ་འཁོར་གྱི་པདྨ། (ལ) ལྟེ་བ་ནས་གསང་གནས་ཀྱི་བར་གྱི་ལུས་སམ་སྒལ་ཚིགས། (ཝ) སྙིང་གའི་རྩ་འཁོར། (ར) མགྲིན་པའི་རྩ་འཁོར། (ཡ) དཔྲལ་བའི་རྩ་འཁོར། (ཧྃ) དེས་བདེ་བ་ཆེན་པོའི་ཡེ་ཤེས། (ཀྵ་མ་ལ་ཝ་ར་ཡ) རྣམས་ཀྱིས་ཁམས་དྲུག་པོ་ཐམས་ཅད་སྒྲིབ་བྲལ་དུ་གྱུར་པའི་སྟོང་ཆེན་གྱི་ཡི་གེ་ལྔ་དང༌། ཡིག་དྲུག་མཚོན། མདོར་ན་དུས་འཁོར་གྱི་སྔགས་འདིས་ཕྱི་ནང་གཞན་གསུམ་མམ། ཡང་ན་གཞི་ལམ་འབྲས་གསུམ་རྫོགས་པར་མཚོན་པའི་ལཉྫའི་ཡི་གེ་རྨད་དུ་བྱུང་བ་ཞིག་གོ། མཁས་གྲུབ་ཐམས་ཅད་མཁྱེན་པའི་གསུང་ལ་གཞི་བྱས་ཏེ་རགས་རིམ་ཙམ་ཞིག་བཀོད། རྣམ་བཅུ་དབང་ལྡན་ཞེས་པའི་ཡི་གེ་རྣམ་པ་བཅུ་ནི། ༡ ནཱ་ད། ( ྂ ) ༢ རྣམ་བཅད་དང་ཐིག་ལེ། ( ྃ ) ༣ ཧ ༤ ཀྵ ༥ མ ༦ ལ ༧ ཝ ༨ ར ༩ ཡ ༡༠ ཨ (ཡི་གེ་དེ་དག་གི་སྲོག་ཏུ་ཞུགས་པའི་ཨ་ཡིག) བཅས་སོ། །

Dictionaries/sgom sde tshig mdzod chenmo/10096 +

ཤིང་རྟ་རང་གི་ཡན་ལག་དང་གཅིག་དང༌། ཐ་དད། རྟེན་དང༌། བརྟེན་པ། ལྡན་པ། ཚོགས་པ། དབྱིབས་དང་བདུན་དུ་བཙལ་བས་མི་རྙེད་ཀྱང་བཏགས་ཙམ་དུ་ཡོད་པར་སྒྲུབ་པའི་རིགས་པའོ། །འདི་གང་ཟག་གི་བདག་འགོག་པའི་རིགས་པའི་གཙོ་བོར་རྗེའི་ལམ་རིམ་ཆེན་མོ་དང་དྲང་ངེས་ལེགས་བཤད་སྙིང་པོ་སོགས་སུ་གསུངས། རིགས་པ་དང་པོ་བཞི། མདོ་ལས་ཕྱི་རོལ་མུ་སྟེགས་པ་འགོག་བྱེད་དུ་གསུངས། ལྡན་པའི་རིགས་པ་ནི། མགོན་པོ་ཀླུ་སྒྲུབ་ཀྱིས་བྱེ་མདོ་སོགས་འགོག་བྱེད་དུ་རྩ་བ་ཤེས་རབ་ལས་གསུངས། ཚོགས་པ་དང་དབྱིབས་སུ་མེད་ཚུལ་གྱི་རིགས་པ་ནི། དཔལ་ལྡན་ཟླ་བས་སེམས་ཙམ་པ་དང་རང་རྒྱུད་པ་འགོག་བྱེད་དུ་དབུ་ལ་འཇུག་པར་གསུངས་ཞེས་ཀློང་རྡོལ་བླ་མ་གསུང༌། ཅོ་ནེ་བླ་མ་གྲགས་པ་བཤད་སྒྲུབ་ཀྱི་༼ གཞུང་ལུགས་དུ་མའི་བརྗོད་བྱ་སྣ་ཚོགས་པ་མིང་གི་སྒོ་ནས་གསལ་བར་བསྟན་པ ༽ལས། དགག་བྱའི་བདག་ནི་ཕུང་དང་གཅིག་ཉིད་༡མིན། །རང་བཞིན་གྱིས་ཀྱང་ཐ་དད་ཡོད་མིན་༢ཞིང༌། །ཕུང་པོ་རྣམས་དང་རང་བཞིན་གྱིས་༣མི་ལྡན། །ཕུང་པོར་རང་བཞིན་གྱིས་ནི་བརྟེན་༤མ་ཡིན། །ཕུང་རྣམས་དེ་ལའང་དེ་ལྟར་བརྟེན་༥པ་མིན། །ཕུང་པོའི་ཚོགས་༦པ་བདག་མིན་དབྱིབས་མ་༧ཡིན། །རྣམ་བདུན་རིགས་པར་དབུ་མའི་གཞུང་ནས་བཤད། །ཅེས་གསུངས་སོ། ། +

Dictionaries/sgom sde tshig mdzod chenmo/10097 +

1 གཏན་ལ་ཕབ་པ། +

Dictionaries/sgom sde tshig mdzod chenmo/10098 +

2 སྐོར། དཔེར་ན་སྟོང་ཉིད་ཀྱི་རྣམ་བཞག་ཅེས་པ་ལྟ་བུ། སྒྲ་བཤད་ནི། ཡང་དག་པར་གཏན་ལ་ཕབ་པ་ཡིན་པས་ན་རྣམ་བཞག་ཅེས་བྱ་སྟེ། རྣམ་ནི་རྣམ་པར་ཏེ་ཡང་དག་པ། བཞག་ནི་གཏན་ལ་ཕབ་འི་དོན་ནོ། ། +

Dictionaries/sgom sde tshig mdzod chenmo/10099 +

ཞི་རྒྱས་དབང་དྲག་གི་ལས་བཞི། རྗེའི་རྣམ་ཐར་ཆེན་མོ་ལས། མྱུར་མཛད་མགོན་དང་ལས་གཤིན་ཕྱི་ནང་གསང་། །དམག་ཟོར་ཞི་དྲག་ཆོས་རྒྱལ་སྐུ་ལྔ་སོགས། །བདུད་དཔུང་འཇོམས་ལ་རྡོ་རྗེའི་ཤུགས་ལྡན་པའི། །བསྟན་སྲུང་རྒྱ་མཚོས་རྣམ་བཞིའི་འཕྲིན་ལས་མཛོད། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/101 +

འདི་ལ་ཀ་བསྟོད་ཟེར་ཞིང་འདི་དམ་ཅན་ཆོས་རྒྱལ་གྱི་བསྟོད་པ་ཡིན། རྗེ་དགེ་འདུན་གྲུབ་ཀྱིས་མཛད། ཞིབ་པར་ཀ་བསྟོད་ཅེས་པའི་ཐད་དུ་གཟིགས། +

Dictionaries/sgom sde tshig mdzod chenmo/1010 +

1 བོད་ཡིག་གི་དབྱངས་བཞི་པ་མཚོན་བྱེད་ཀྱི་རི་མོ་ཞིག +

Dictionaries/sgom sde tshig mdzod chenmo/10100 +

སློབ་དཔོན་དབྱིག་གཉེན་གྱིས་མཛད། སྡེ་དགེ་བསྟན་འགྱུར་སེམས་ཙམ་༼ ཤི་པ ༽༢༩ན༢ན་བཞུགས་སོ། ། +

Dictionaries/sgom sde tshig mdzod chenmo/10101 +

སློབ་དཔོན་དབྱིག་གཉེན་གྱིས་མཛད། སྡེ་དགེ་སྤར་མའི་བསྟན་འགྱུར་༼ ཤི ༽ཤོག་གྲངས་༢༩མདུན་གཟིགས་ནས་དབུ་བཙུགས་ནས། མཇུག་༡༣༤ལ་རྫོགས་སོ། ། +

Dictionaries/sgom sde tshig mdzod chenmo/10102 +

<བི་དྷཱ་ཏཱ> (མངོན་བརྗོད) འཇིག་རྟེན་བྱེད་པ་པོ་སྟེ། ཚངས་པའི་མིང་ངོ་། །ལེགས་སྦྱར་དུ་བི་དྷཱ་ཏཱ་ विधाता, Vidhaataa ཟེར། +

Dictionaries/sgom sde tshig mdzod chenmo/10103 +

རྣམ་མཁྱེན་གྱི་ཤེས་རྣམ་ལ་བརྒྱ་དང་བཅུ་ཡོད་དེ། ཉན་ཐོས་ལ་ཡོད་པ་དང་རྗེས་སུ་མཐུན་པའི་རྣམ་མཁྱེན་གྱི་ཤེས་རྣམ་སུམ་ཅུ་རྩ་བདུན། བྱང་ཆུབ་སེམས་དཔའ་ལ་ཡོད་པ་དང་རྗེས་སུ་མཐུན་པའི་རྣམ་མཁྱེན་གྱི་ཤེས་རྣམ་སུམ་ཅུ་རྩ་བཞི། ཐུན་མོང་མ་ཡིན་པའི་རྣམ་མཁྱེན་གྱི་ཤེས་རྣམ་སུམ་ཅུ་རྩ་དགུ་ཡོད་པའི་ཕྱིར་ཏེ། མངོན་རྟོགས་རྒྱན་ལས། དྲན་པ་ཉེར་གཞག་ནས་བཟུང་སྟེ། །སངས་རྒྱས་རྣམ་པའི་མཐར་ཐུག་རྣམས། །ལམ་གྱི་བདེན་པའི་རྗེས་མཐུན་པར། །ཀུན་མཁྱེན་གསུམ་དུ་ཕྱེ་བས་ན། །སློབ་མ་བྱང་ཆུབ་སེམས་དཔའ་དང༌། །སངས་རྒྱས་རྣམས་ལ་རིམ་བཞིན་ཏེ། །སུམ་ཅུ་བདུན་དང་སུམ་ཅུ་བཞི། །སུམ་ཅུ་རྩ་དགུ་དག་ཏུ་བཞེད། །ཅེས་གསུངས་པའི་ཕྱིར། +

Dictionaries/sgom sde tshig mdzod chenmo/10104 +

སྟོན་པ་དང་དེའི་བསྟན་པ་སྐྱོན་མེད་པར་བསྒྲུབ་པའི་ཚུལ་ནི་ཚད་མ་རྣམ་འགྲེལ་གྱི་བརྗོད་བྱའི་གཙོ་བོ་ཡིན་ཞིང༌། དེ་ཉིད་བསྒྲུབ་པ་ལ་ལེའུ་གཉིས་པ་ཚད་མ་གྲུབ་པའི་ལེའུ་དང༌། དེ་ཡང་གཏན་ཚིགས་ཡང་དག་གི་སྒོ་ནས་བསྒྲུབ་དགོས་པས། དེ་གཏན་ལ་འབེབས་པ་ལ་ལེའུ་དང་པོ་རང་དོན་གྱི་ལེའུ། གཏན་ཚིགས་སྐྱོན་མེད་དུ་འགྱུར་བ་ཡང་ཚུལ་གསུམ་མཐར་མངོན་སུམ་གྱིས་གྲུབ་པ་ལ་རག་ལས་པས། དེའི་ཕྱིར་མངོན་སུམ་གྱི་ཚད་མ་གཙོ་བོར་གཏན་ལ་འབེབས་པ་ལ་ལེའུ་གསུམ་པ་མངོན་སུམ་གྱི་ལེའུ། རང་གིས་ངེས་པ་དེ་གཞན་ལ་སྟོན་པའི་ཐབས་གཏན་ལ་འབེབས་པ་ལ་གཞན་དོན་ལེའུ་གསུངས་པ་ཡིན་ནོ། །མཁས་གྲུབ་ཆོས་རྗེའི་སྡེ་བདུན་ཡིད་ཀྱི་མུན་སེལ་ལ་གཞི་བྱས་ཏེ་བཀོད། +

Dictionaries/sgom sde tshig mdzod chenmo/10105 +

རང་དོན་རྗེས་དཔག་གི་ལེའུ། ཚད་མ་གྲུབ་པའི་ལེའུ། མངོན་སུམ་གྱི་ལེའུ། གཞན་དོན་གྱི་ལེའུ་སྟེ་བཞིའོ། །དེ་ཡང་བསྡུ་ན་རང་དོན་གྱི་ལེའུ། མངོན་སུམ་གྱི་ལེའུ། གཞན་དོན་གྱི་ལེའུ་སྟེ་གསུམ་དུ་འདུས་པར་གསུངས་སོ། །ཚད་མ་གྲུབ་པའི་ལེའུ་རང་དོན་གྱི་ལེའུར་འདུས་སོ། ། +

Dictionaries/sgom sde tshig mdzod chenmo/10106 +

1 འཁྲིད་པའམ་འཐེན་པ། +

Dictionaries/sgom sde tshig mdzod chenmo/10107 +

2 སངས་རྒྱས་སྤྱིའི་མཚན། སྒྲ་བཤད་ནི། གདུལ་བྱ་རྣམས་ངན་སོང་གསུམ་ལས་རྣམ་པར་རམ་ཡང་དག་པར་འདྲེན་ཞིང་བདེ་བ་ལ་འཇོག་པས་ན་རྣམ་འདྲེན་ནོ། ། +

Dictionaries/sgom sde tshig mdzod chenmo/10108 +

སྐུ་བཅར་ཕན་བདེ་ལེགས་བཤད་གླིང་ཞེས་བྱ་བ་ྋརྒྱལ་བ་བསོད་ནམས་རྒྱལ་མཚོས་ཕྱི་ལོ་༡༥༧༤ལོར་ཕྱག་བཏབ། +

Dictionaries/sgom sde tshig mdzod chenmo/10109 +

མཆོད་རྟེན་ཆ་བརྒྱད་ཀྱི་བདུན་པ་སྟེ། ཡངས་པ་ཅན་དུ་བདག་ཅག་གི་སྟོན་པ་སྐུ་ཚེའི་འདུ་བྱེད་ཟླ་བ་གསུམ་དུ་བྱིན་གྱིས་བརླབས་པའི་ཚེ་བཞེངས་པ། འཆི་བདག་གི་བདུད་ལས་རྣམ་པར་རྒྱལ་བ་མཚོན་བྱེད། ཟླུམ་པོ་བང་རིམ་གསུམ་པ་ཅན་གྱི་མཆོད་རྟེན་ཞིག དེ་ལ་བྱིན་རླབས་མཆོད་རྟེན་ཡང་ཟེར། +

Dictionaries/sgom sde tshig mdzod chenmo/1011 +

2 རི་དྭགས་གནའ་བའི་རྭ་ཅོ། +

Dictionaries/sgom sde tshig mdzod chenmo/10110 +

1 རྟོག་པ་དང་དོན་གཅིག སེམས་ཀྱི་འཆར་སྒོ་སྣ་ཚོགས་པ། +

Dictionaries/sgom sde tshig mdzod chenmo/10111 +

2 ཐེ་ཚོམ། དོགས་པ། ངན་སེམས། +

Dictionaries/sgom sde tshig mdzod chenmo/10112 +

(བཀའ་བརྒྱུད) ཕྱག་ཆེན་གྱི་བརྡ་ཞིག་སྟེ། རྟོག་པ་ངོས་འཛིན་པ་དང་དོན་འདྲ། ཡིད་ལ་དགེ་མི་དགེའི་རྟོག་པ་ཕྲ་རགས་ཅི་རིགས་པ་ཤར་དུ་བཅུག་ལ། དེའི་དབང་གིས་བློ་ལ་དགའ་མི་དགའི་རྣམ་རྟོག་གང་ཡང་རུང་བ་ཞིག་ལྷང་ངེ་བྱུང་བ་ན། དེ་ཉིད་རང་ཡན་དུ་མི་བཏང་བར་དྲན་པས་ཅེར་གྱིས་ངོས་བཟུང་བ་ལ་ཟེར། +

Dictionaries/sgom sde tshig mdzod chenmo/10113 +

(བཀའ་བརྒྱུད) དབུ་མའི་ལྟ་བ་རང་རྒྱུད་ལ་སྐྱེས་པ་དང་དོན་གཅིག འདི་དང་ཐ་མལ་གྱི་ཤེས་པ་མངོན་དུ་བྱས་ཞེས་པ་དང༌། ཆོས་སྐུ་མངོན་སུམ་དུ་བྱས་པ་རྣམས་དོན་འདྲ་བར་བཤད། ཆོས་ཅན་མྱུ་གུ་དང་རྣམ་རྟོག་སོགས་དེ་དག་དེའི་ཆོས་ཉིད་ལས་གཞན་དུ་མ་གྲུབ་པར་རྟོགས་པ་ན། རྣམ་རྟོག་ཆོས་སྐུར་ཤར་ཞེས་བྱའོ། །ཞེས་འབྱུང༌། ཀརྨ་པ་དབང་ཕྱུག་རྡོ་རྗེའི་འཇུག་ཊཱིཀ་དག་བརྒྱུད་གྲུབ་པའི་ཤིང་རྟ་ལས་ཀྱང་དེ་བཞིན་དུ་གསལ། +

Dictionaries/sgom sde tshig mdzod chenmo/10114 +

ཕྱི་རོལ་ཏུ་དགྲ་མེད་ཀྱང་། རང་གི་སེམས་ཕྱི་རོལ་གྱི་དགྲར་ཤར་བ་ལ་ཟེར། གཏམ་དཔེར། རྣམ་རྟོག་དགྲར་ལངས། ཁ་སྟོང་རྐུན་མ་སྡང་། ཞེས་པ་ལྟ་བུའོ། ། +

Dictionaries/sgom sde tshig mdzod chenmo/10115 +

ཁྱབ་པའི་དམིགས་པ་བཞིའི་དང་པོ་ནི། དེ་ལ་དམིགས་ནས་ལྷག་མཐོང་གིས་དཔྱོད་པར་བྱེད་པའི་ཚེ་དཔྱོད་བྱེད་ཀྱི་རྣམ་རྟོག་ཡོད་པས་རྣམ་རྟོག་དང་བཅས་པའི་གཟུགས་བརྙན་ཞེས་བྱའོ། །འདིའི་གཟུགས་བརྙན་ཞེས་པ་ནི། གང་ལ་དམིགས་པའི་དམིགས་པ་རང་མཚན་པ་དེ་དངོས་མིན་པར་དེའི་རྣམ་པ་བློ་ལ་སྣང་བའོ། ། +

Dictionaries/sgom sde tshig mdzod chenmo/10116 +

ཁྱབ་པའི་དམིགས་པ་བཞིའི་གཉིས་པ་ནི། ཞི་གནས་ཀྱིས་རང་གི་དམིགས་པ་དེ་ལ་དམིགས་ནས་མི་དཔྱོད་པར་སེམས་འཇོག་པའི་ཚེ་དཔྱོད་བྱེད་ཀྱི་རྟོག་པ་མེད་པས་རྣམ་རྟོག་མེད་པའི་གཟུགས་བརྙན་ཞེས་བྱའོ། +

Dictionaries/sgom sde tshig mdzod chenmo/10117 +

དེའི་ཚུལ་ནི། རླུང་ཕྱི་ནང་དུ་རྒྱུ་བ་ལ་བགྲང་བ་དང་ལྟ་བའི་སྒོ་ནས་སེམས་གཞན་དུ་མི་གཡེང་བར་དམིགས་པའོ། ། +

Dictionaries/sgom sde tshig mdzod chenmo/10118 +

(བཀའ་བརྒྱུད) རྟོག་པ་ངོས་ཟིན་ནས་གང་ཤར་བའི་རྟོག་པ་དེ་ཉིད་ལ། སྤང་བླང་དགག་སྒྲུབ་བཅོས་བསླད་སོགས་མི་དགོས་པར་རྟོག་པ་དེ་ཀ་སྒོམ་དུ་ལྷང་གིས་འཆར་བ་ལ་ཟེར། +

Dictionaries/sgom sde tshig mdzod chenmo/10119 +

(བཀའ་བརྒྱུད) ཕྱག་ཆེན་གྱི་ལམ་འཁྱེར་དྲུག་གི་ནང་གསེས། རྣམ་རྟོག་ལམ་འཁྱེར་ལྟས་ངན་གཡང་དུ་བླང་པའི་གདམས་པ་ནི། རྟོག་པ་ཟིན་ནས་གང་ཤར་བའི་རྟོག་པ་དེ་ཉིད་ལ། སྐྱོན་ཡོན་དགག་སྒྲུབ་བཅོས་བསླད་སོགས་མི་བྱེད་པར། གསལ་ལེ་ལྷོད་དེ་གུ་ཡངས་སང་ངེ་འཛིན་མེད་དུ་སྐྱོང་བ་ལ་ཟེར། +

Dictionaries/sgom sde tshig mdzod chenmo/1012 +

1 ས་ཆ། ས་གནས་ཞེས་པ་ལྟ་བུ། +

Dictionaries/sgom sde tshig mdzod chenmo/10120 +

<བི་ཛྙ> ཡུལ་གྱི་ངོ་བོ་གཙོ་བོར་རིག་པའི་ཤེས་པ། མཛོད་རྩ་བ་ལས། རྣམ་ཤེས་སོ་སོར་རྣམ་རིག་པ། །ཞེས་གསུངས་པ་ལྟར་རོ། །སེམས། ཡིད། རྣམ་ཤེས་རྣམས་དོན་གཅིག སྒྲ་སྦྱོར་བམ་གཉིས་བསྟན་འགྱུར་༼ ཅོ་པ ༽༡༥༢ན་༦ལས། +

Dictionaries/sgom sde tshig mdzod chenmo/10121 +

<བི་ཛྙ་སྐནྡྷ> རྣམ་ཤེས་དང་དོན་གཅིག བི་ཛྙ་སྐནྡྷ་ནི་བི་ཛྙན་ཞེས་བྱ་བ་སྟེ། ཡུལ་ཐ་དད་པ་རྣམ་པ་སྣ་ཚོགས་ཤེས་པ་མིག་ལ་སོགས་པའི་རྣམ་པར་ཤེས་པ་བརྒྱད་བསྡུས་པའི་མིང་ཡིན་པས་ན་རྣམ་པར་ཤེས་པའི་ཕུང་པོ་ཞེས་བྱ། ཞེས་གསུངས་སོ། ། +

Dictionaries/sgom sde tshig mdzod chenmo/10122 +

ཡིད་ཀྱི་རྣམ་ཤེས་དང་དོན་གཅིག སྒྲ་བཤད་ནི། དེས་ལུས་སྲོག་གནས་པར་བྱེད་པས་ཟས་དང་བྱེད་ལས་མཚུངས་པས་ཟས་ཞེས་བཏགས། དེ་ཡང་རྣམ་ཤེས་ལུས་ལས་ཐོན་ན་ལུས་ཀྱི་དྲོད་ཉམས་པ་དང་རུལ་པ་ལ་སོགས་པས་ལུས་གནས་མི་ཐུབ་པ་ལྟ་བུའོ། ། +

Dictionaries/sgom sde tshig mdzod chenmo/10123 +

གཟུང་འཛིན་གྲངས་མཉམ་པ་དང་འདྲ། +

Dictionaries/sgom sde tshig mdzod chenmo/10124 +

སོ་སྐྱེའི་ཤེས་པ་ལ་རྣམ་ཤེས་དང་འཕགས་པའི་ཤེས་པ་ལ་ཡེ་ཤེས་ཟེར། དཔའ་བོ་གཙུག་ལག་ཕྲེང་བའི་སྤྱོད་འཇུག་འགྲེལ་༡༠༧༨པར། རྣམ་ཤེས་དང་ཡེ་ཤེས་འབྱེད་ཚེ་འདག་བྱ་གཟུང་འཛིན་གྱི་སེམས་ལ་རྣམ་ཤེས་དང་རང་བཞིན་གྱིས་འོད་གསལ་བའི་ཆོས་ཉིད་ལ་ཡེ་ཤེས་ཀྱི་སྒྲས་བཤད་པ་ཡིན་ཞིང༌། འདི་ནི་ཡོད་མེད་ལ་སོགས་པ་སྒྲོ་སྐུར་གྱི་རྣམ་པ་གང་དུ་ཡང་མི་གནས་པའི་ཕྱིར་རོ། །ཞེས་གསུངས་པ་ཡང་དོན་གོང་དུ་ཁོ་བོས་བཤད་པ་དང་འདྲའོ། །རྒྱས་པ་ཡེ་ཤེས་ཞེས་པའི་ཐད་དུ་གཟིགས། +

Dictionaries/sgom sde tshig mdzod chenmo/10125 +

མིག་གི་རྣམ་ཤེས། རྣ་བའི་རྣམ་ཤེས། སྣའི་རྣམ་ཤེས། ལྕེའི་རྣམ་ཤེས། ལུས་ཀྱི་རྣམ་ཤེས། ཡིད་ཀྱི་རྣམ་ཤེས་དང་དྲུག་གོ། +

Dictionaries/sgom sde tshig mdzod chenmo/10126 +

རྣམ་ཤེས་ཚོགས་དྲུག་གི་སྟེང་དུ། ཀུན་གཞིའི་རྣམ་ཤེས་དང༌། ཉོན་ཡིད་བསྣན་པའི་བརྒྱད་དོ། ། +

Dictionaries/sgom sde tshig mdzod chenmo/10127 +

ལྷ་སྤྱིའི་མིང་དུ་བཤད། སྒྲ་བཤད་ནི། གཉིད་མེད་པའི་ཕྱིར་རྣམ་སད་ཅེས་པའམ། རྣམ་པའམ་དུས་ཀུན་ཏུ་གཉིད་སད་པས་རྣམ་སད་ཅེས་བྱའོ། ། +

Dictionaries/sgom sde tshig mdzod chenmo/10128 +

ཆུ་བོ་གངྒཱའི་མིང་ཡིན་པར་བཤད། དེ་ཡང་རྣམ་སད་ནི་ལྷའི་མིང་ཡིན་ལ། ལྷ་རྣམས་ཀྱིས་ཁྱབ་འཇུག་ལྷ་མིན་འཇོམས་པའི་བྱ་དགའ་ལ་ཆུ་བོ་གངྒཱ་རྐང་པའི་མཆོད་ཡོན་དུ་ཕུལ་བས་ གངྒཱ་ལ་རྣམ་སད་མཆོད་ཡོན་ནམ་ཁྱབ་འཇུག་རྐང་པ་ཞེས་བྱ་བར་བཤད་དོ། ། +

Dictionaries/sgom sde tshig mdzod chenmo/10129 +

རྣམ་པར་བསལ་ནས་ཏེ་ལེགས་པར་སྤངས་ནས་ཞེས་པའི་དོན་ཡིན། དཔེར་ན་ཚོམས་ཤོག་གྲངས་༡ལས། གཉིད་དང་གཏི་མུག་རྣམ་སོལ་ལ། །ཞེས་གསུངས་པ་ལྟ་བུ། དཔེ་འགར། གཉིད་དང་གཏི་མུག་རྣམས་སོལ་ལ། །ཞེས་ས་མཐའ་འབྱུང་བ་ནི་ཡིག་ནོར་རོ། །ཆེད་དུ་བརྗོད་པའི་ཚོམས་ཀྱི་འགྲེལ་པ་༼ ཏུ་པ ༽༥༡བ༡ལས། རྣམ་སོལ་ལ་ཞེས་བྱ་བ་ནི་རྣམ་པར་བསལ་བར་བྱ་སྟེ། ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/1013 +

2 ཁྱིམ། སྡོད་ས། དཔེར་ན་སྡོད་གནས། སྨད་འཚོང་མའི་གནས་དང་། གནས་ཁང་ཞེས་པ་ལྟ་བུ། +

Dictionaries/sgom sde tshig mdzod chenmo/10130 +

1 (ལོངས་སྐུ་དངོས) འདི་ལ་ལོངས་སྐུ་དང་སྤྲུལ་སྐུའི་རྣམ་པ་ཅན་གཉིས་ཡོད་ཀྱང་། ལོངས་སྐུའི་ཆ་བྱད་ཅན་དེ་གྲགས་ཆེ། ལོངས་སྐུ་ལའང་དངོས་དང་དེའི་རྟེན་གཉིས་ལས། དང་པོ་དངོས་ནི། བདག་ཅག་གི་སྟོན་པ་ཤཱཀྱ་ཐུབ་པ་སྔོན་བསྐལ་པ་དཔག་ཏུ་མེད་པའི་སྔ་རོལ་ནས་བསྐལ་ཆེན་གྲངས་མེད་གསུམ་གྱི་ཚོགས་རྫོགས་ནས། གཞི་དང་སྙིང་པོ་མེ་ཏོག་གིས་བརྒྱན་པའི་འོག་མིན་སྟུག་པོ་བཀོད་པའི་ཞིང་དུ་ལོངས་སྐུའི་ངོ་བོར་དང་པོར་སངས་རྒྱས་པའི་སངས་རྒྱས་ལ། ཐུབ་པ་རྣམ་སྣང་གངས་ཆེན་མཚོ་ཟེར། འདིའི་ཁུངས་ནི། མདོ་སྡེ་ཕལ་མོ་ཆེ་ལས་གསུངས་པར་བཤད། རྣམ་སྣང་གངས་ཅན་མཚོ་ཞེས་བྱ་བ་སྐུ་མདོག་མཐིང་ག་ཕྱག་གཉིས་མཉམ་བཞག་མཛད་ཅིང་དབུ་ལ་ཟླ་བས་བརྒྱན་པའི་ལོངས་སྐུ་ཞིག འདི་རྣམ་སྣང་མངོན་བྱང་གི་རྒྱུད་གསུང་བ་པོ་ཡིན་ཞེས་ལྕང་སྐྱ་རོལ་པའི་རྡོ་རྗེ་གསུང༌། རྣམ་སྣང་གངས་ཅན་མཚོ་ཞེས་པ་ལོངས་སྐུ་དངོས་དང་དེའི་རྟེན་སྐུ་ངོ་མཚར་ཅན་ཞིག་ཡོད་པ་གཉིས་ཀ་ལ་གོ +

Dictionaries/sgom sde tshig mdzod chenmo/10131 +

2 (ལོངས་སྐུའི་རྟེན་སྐུ) སྟོན་པ་ཞལ་བཞུགས་དུས་ཀྱི་གཟོ་བོ་བི་ཤྭ་ཀརྨས་ཀླུའི་རིན་ཆེན་སྣ་ཚོགས་བཞུ་བཏུལ་བྱས་ནས་བླུག་ཅིང་བཞེངས་པའི་རྟེན་སྐུ་དཔག་ཚད་བརྒྱད་བཅུ་དང་ལྡན་པ། སྐུ་མདོག་མཐིང་ག་ཕྱག་གཉིས་མཉམ་བཞག་ཅན། དབུ་ལ་ཟླ་བ་ཆུ་ཤེལ་གྱིས་སྤྲས་པ། བཞུགས་གནས་ཕྱིའི་རྒྱ་མཚོའི་ནང་དུ་བཞུགས་ཤིང་ལྟེ་བ་མན་ཆད་ཆུ་ཡི་ནང་དུ་ནུབ་པས་ཆུ་ནང་གནས་པའི་སྲོག་ཆགས་ཀླུ་སོགས་ཀྱི་འགྲོ་དོན་མཛད་ལ། ལྟེ་བ་ཡན་གྱིས་ལྷ་དང་དྲི་ཟ་སོགས་སྐམ་དང་བར་སྣང་ལ་གནས་པའི་སེམས་ཅན་འགྲོ་དོན་མཛད་པའི་ལོངས་སྐུའི་རྟེན་སྐུ་ངོ་མཚར་ཅན་ཞིག འདི་སྐོར་ཆོས་འབྱུང་མཁས་པའི་དགའ་སྟོན་སྟོད་ཆ་༧༦ནའང་གསལ། +

Dictionaries/sgom sde tshig mdzod chenmo/10132 +

3 (སྤྲུལ་སྐུའི་ཆ་བྱད) བདག་ཅག་གི་སྟོན་པ་ཤཱཀྱ་ཐུབ་པ་སྤྲུལ་སྐུའི་ཆ་བྱད་ཅན་གྱི་ཐུབ་པ་གངས་ཅན་མཚོ་ནི། བཀའ་གདམས་ཐིག་ལེ་བཅུ་དྲུག་གི་དབང་གི་སྐབས་སུ་འབྱུང་སྟེ། དེ་ཡང་དེ་ཉིད་ལས། ཐུབ་པ་གངས་ཅན་མཚོ་སྤྲུལ་སྐུའི་རྣམ་པ་ཅན། གཡས་སྐྱབས་སྦྱིན་གྱི་ཕྱག་རྒྱ། གཡོན་མཉམ་བཞག་མཛད་པ། གཡས་གཡོན་དུ་མཆོག་ཟུང་བཞེངས་ཏེ་བཞུགས་པ་སོགས་གསུངས། +

Dictionaries/sgom sde tshig mdzod chenmo/10133 +

སངས་རྒྱས་རྣམ་པར་སྣང་མཛད་ཀྱི་བཞུགས་སྟངས་དང་མཐུན་པའི་ལུས་གནད་བདུན་ནམ་བརྒྱད་ནི། རྐང་པ་རྡོ་རྗེ་སྐྱིལ་ཀྲུང་ངམ་ཕྱེད་སྐྱིལ། ལག་གཉིས་མཉམ་བཞག རྐེད་པ་མདའ་ལྟར་བསྲང་བ། མཆུ་སོ་རང་བབས་སུ་བཞག་པ། མགོ་བོ་ཅུང་ཟད་དགུག་པ། མིག་སྣ་རྩེར་ཕབ་པ། ཕྲག་པ་གཉིས་མཐོ་དམའ་མེད་པར་ཐད་ཀར་འཇོག་པ། དབུགས་བགྲང་བ་དང་བརྒྱད་དོ། །དོན་དེ་དག་རྒྱལ་བ་དབེན་ས་པ་ཆེན་པོས། རྐང་པ་ལག་པ་རྐེད་པ་གསུམ། །སོ་མཆུ་ལྕེ་རྣམས་བསྡོམས་པས་བཞི། །མགོ་མིག་ཕྲག་པ་དབུགས་དང་བཞི། །རྣམ་པར་སྣང་མཛད་ཆོས་བརྒྱད་དོ། །ཞེས་སྡོམ་ཚིག་ཏུ་མཛད་དོ། །ལུས་གནད་བརྒྱད་ལྡན་དུ་བྱ་བ་འདི་འཕགས་པ་ཐོགས་མེད་ཀྱིས་ས་སྡེ་དང་། སློབ་དཔོན་ཀ་མ་ལ་ཤཱི་ལའི་སྒོམ་རིམ་བར་ཐ་གཉིས་དང་། གསང་བ་འདུས་པའི་བཤད་རྒྱུད་རྡོ་རྗེ་ཕྲེང་བ་སོགས་སུ་བཤད་དོ། །བཤད་རྒྱུད་རྡོ་རྗེ་ཕྲེང་བ་ (རྒྱུད་གླེགས་བམ་༼ ཅ་པ ༽༢༡༨ན༤) ལས། སྒྲུབ་པོ་བདེ་བའི་སྟན་འདུག་ནས། །མིག་གཉིས་སྣ་རྩེར་གཏད་བྱས་ནས། །སྣ་ནི་ལྕེ་ཡི་ཚད་དུ་བཞག །ཕྲག་གོང་བསྙམས་ལ་ལྕེ་རྐན་སྦྱར། །སོ་དང་མཆུ་ནི་བདེ་བར་བཞག །ཅེས་གསུངས་སོ། །འདི་སྐོར་ཞིབ་པར་ཁོ་བོས་བྱས་པའི་€རྣམ་སྣང་གི་ཆོས་བདུན་རྒྱས་པར་བཤད་པཞེས་བྱ་བ་དེར་བལྟ་བར་བྱའོ། །སྒྲ་བཤད་ནི། ལུས་ཀྱི་འདུག་སྟངས་དེ་དག་སངས་རྒྱས་རྣམ་པར་སྣང་མཛད་ཀྱི་བཞུགས་ལུགས་དང་མཐུན་པས་དེ་སྐད་ཅེས་བཏགས་སོ། །དེ་དག་གི་འགྲེལ་བཤད་རྒྱས་པར་བཤད་པ་ལ། (རྐང་པ་རྡོ་རྗེ་སྐྱིལ་ཀྲུང་བྱེད་པ་ནི) རྡོ་རྗེ་ནི་མི་ཆོད་པ་དང་མི་ཚུགས་པའི་དོན་ཡིན་པས། བར་གཅོད་ཀྱིས་མི་ཚུགས་པའི་དགོས་པ་དང་རྟེན་འབྲེལ་ཡོད། དགོས་པའི་གཙོ་བོ་ནི་རྡོ་རྗེ་སྐྱིལ་ཀྲུང་བཅས་པས་ལུས་དང་རྐེད་པ་རང་བཞིན་གྱིས་འདྲོང་པོར་བྱེད་པ་དེ་ཡིན། ཡང༌། རྫོགས་རིམ་སྐབས་སྐྱིལ་ཀྲུང་བཞི་ལྡན་བསྒྲུབ་པའི་རྟེན་འབྲེལ་འཇོག གཞན་ཡང༌། ཀརྨ་པ་དབང་ཕྱུག་རྡོ་རྗེའི་ཕྱག་ཆེན་གྱི་ཁྲིད་ཡིག་ངེས་དོན་རྒྱ་མཚོ་ལས། རྐང་པ་སྐྱིལ་ཀྲུང་བཅས་པས་ཐུར་སེལ་གྱི་རླུང་དབུ་མར་ཚུད་ཅིང་ཉོན་མོངས་པ་ཕྲག་དོག་ཞི་བ་དང༌། བར་གཅོད་ཀྱིས་མི་ཚུགས་པའི་དགོས་པ་ཡོད་པར་གསུངས། ཕྱེད་སྐྱིལ་ནི་ཡོངས་གྲགས་ཀྱི་སྐྱིལ་ཀྲུང་ལ་ཟེར། (ལག་གཉིས་མཉམ་བཞག་ནི) གཡས་པ་སྟེང་དང་གཡོན་པ་འོག་ཏུ་བྱས་ནས་མཐེ་བོང་གཉིས་རྩེ་སྤྲད་དེ་ལྟེ་བའི་ཐད་དུ་བཟུང༌། དེའི་དགོས་པ་ནི། རྫོགས་རིམ་གྱི་སྐབས་ལྟེ་བའི་གཏུམ་མོ་འབར་བའི་རྟེན་འབྲེལ་ཡོད་ཅེས་བདག་གི་དྲིན་ཅན་རྩ་བའི་བླ་མ་དགེ་བའི་བཤེས་གཉེན་ཆེན་པོ་བཀྲ་ཤིས་འབུམ་ཡང་ཡང་གསུང༌། དཔུང་པ་གཡས་གཡོན་གློར་མི་སྦྱར་བར་རླུང་འགྱུ་འོང་བྱེད་ས་ཡོད་ཙམ་གྱི་བར་སྟོང་བཞག་ན་ལུས་སེམས་གྲུང་པོར་གྱུར་པའི་དགོས་པ་ཡོད། (རྐེད་པ་གདའ་ལྟར་བསྲང་བའི་དགོས་པ་ནི) ལུས་དྲང་ན་རྩ་འདྲོང༌། རྩ་དྲང་ན་རླུང་འདྲོང༌། རླུང་དྲང་ན་སེམས་ལས་རུང་དུ་འགྱུར་བའི་དགོས་པ་ཡོད། (མཆུ་སོ་རང་བབས་སུ་བཞག་པ་ནི) མཆུ་དང་ཁ་ངོ་རྣམས་ལྷོད་ཅིང་མི་ངལ་བའི་དགོས་པ་ཡོད། ལྕེ་རྩེ་རྐན་ལ་སྦྱར་བའི་དགོས་པ་ནི། ཁ་མཆུ་མི་འཛག་པ་དང༌། ཁ་ལྕེ་མི་བསྐམ་པའི་དགོས་པ་ཡོད། (མགོ་བོ་ཅུང་ཟད་དགུག་པ་ནི) རྒོད་པ་སེལ་བའི་ཆེད་ཡིན། (མིག་སྣ་རྩེར་ཕབ་པ) མིག་སྣ་རྩེར་ཕབ་ཅེས་པ་མང་པོས་མིག་སྣ་རྩེར་བལྟ་བ་སོགས་བྱེད་པ་ནི་ནོར་རོ། །དེ་ནི་མིག་འབྱེད་འཛུམ་རན་པོའི་སྒོ་ནས་ཐུར་དུ་ཕབ་པ་ཙམ་ལ་ཟེར། མིག་ཅུང་ཟད་ཕྱེ་བས་བྱིང་བ་སེལ་བ་དང༌། མིག་སྣ་རྩེར་ཕབ་པས་རྒོད་པ་སེལ། དེ་ལ་དགོས་པ་གཞན་ཡང་ཡོད་པ་འདི་ལྟར། སྔོན་ཨ་རིའི་སི་ཡ་ཊལ་གྲོང་ཁྱེར་དུ་ཞི་གནས་ཀྱི་སྐོར་སློབ་ཁྲིད་བྱེད་སྐབས་ཤིག་ལ། རྒྱ་མོ་གཞོན་ནུ་མ་ཞིག་ནས། སྒོམ་རྒྱག་སྐབས་མགོ་བོ་རང་ཤུགས་ཀྱིས་གཡས་སུ་འགྱུར་བའི་སྣང་བ་འོང་གི་འདུག་པ་དེ་གང་ཡིན་ནམ་ཞེས་དྲིས་བྱུང༌། དེ་མིག་བཙུམས་པའི་སྐྱོན་རེད་ཅེས་བརྡ་སྤྲད་པས་སྐྱོན་དེ་བསལ་ཐུབ་པ་བྱུང༌། (ཕྲག་པ་གཉིས་མཐོ་དམའ་མེད་པར་དྲང་པོར་འཇོག་པ) (དབུགས་བགྲང་བ་དང་བརྒྱད་དོ) དབུགས་བགྲང་བ་ནི་སྔགས་ཀྱི་སྐབས་ཡིན་ན། རླུང་རོ་དགུ་ཕྲུགས་སུ་བསལ་བ་དེ་ཡིན། འདིར་ནི་དབུགས་འབྱུང་རྔུབ་སྟེ་དབུགས་ཕར་གཏོང་བ་དང་ཚུར་རྔུབ་པ་གཉིས་གཅིག་ཏུ་བགྲངས་པ་ཉེར་གཅིག་གི་ཡུན་ལ་སེམས་མ་ཡེངས་པར་གནས་པ་ལ་ཟེར། དེའི་དགོས་པ་ནི་ཆགས་སྡང་གི་བློ་རགས་པ་ཞི་ནས་རབ་དགེ་སེམས་དང༌། མ་མཐར་ཡང་བཏང་སྙོམས་སུ་སོང་ནས་སེམས་དགེ་སྦྱོར་བསྒྲུབ་པའི་ལས་རུང་དུ་འགྱུར་བའི་དགོས་པ་ཡོད། འདི་ལོ་ཏོག་ཕུན་སུམ་ཚོགས་པ་འབྱུང་བ་ལ་ཞིང་ས་ལས་རུང་དུ་བྱེད་པ་དང་འདྲའོ། །མདོར་ན། བོད་ཀྱི་གྲུབ་ཆེན་རྣམས་ཀྱིས། རྟེན་འབྲེལ་ལུས་ལ་བསྒྲིགས་པས་རྟོགས་པ་སེམས་ལ་འཆར། ཞེས་པ་ལྟར་ནང་དུ་རྟོགས་པ་སྐྱེ་བ་ལ་ཕྱིའི་ལུས་གནད་ཤིན་ཏུ་གལ་ཆེ་བ་ཡིན་ནོ། །

Dictionaries/sgom sde tshig mdzod chenmo/10134 +

རྣམ་སྣང་གི་ཆོས་བདུན་གྱི་སྟེང་དུ། དབུགས་བགྲང་བ་བསྣན་པས་བརྒྱད་དོ། ། +

Dictionaries/sgom sde tshig mdzod chenmo/10135 +

སྤྱོད་རྒྱུད་ཀྱི་གཙོ་བོ་ཡིན། རྣམ་སྣང་མངོན་བྱང་གི་རྒྱུད་འདི་གསུང་བ་པོ་ནི་ལོངས་སྐུ་རྣམ་སྣང་གངས་ཆེན་མཚོ་ཡིན་ཞིང༌། རྒྱུད་འདི་གསུང་བའི་གནས་ནི་གཞི་དང་སྙིང་པོ་མེ་ཏོག་གིས་བརྒྱན་པའི་འོག་མིན་སྟུག་པོ་བཀོད་པའི་ཞིང་ཡིན་པར་གསུངས་སོ། ། +

Dictionaries/sgom sde tshig mdzod chenmo/10136 +

༡ རང་དང་གཞན་གྱི་དོན་ལས་བརྩམས་ནས་ཡུན་རིང་པོར་དགེ་བ་མང་པོ་གསོག་པར་བྱེད་པ། ༢ མཐོང་བ་ཙམ་གྱིས་གདུལ་བྱ་དགའ་ནས་འདུལ། དེའི་ཚིག་མཉན་པ་དང་བྱ་བར་སེམས་པ། ༣ བསྒོ་བ་ལས་མི་འདའ་བར་བསྒྲུབ་པ། ༤ སྦྱིན་པས་སེམས་ཅན་རྣམས་བསྡུས་ཏེ་སྨིན་པར་བྱེད་པ། ༥ སྙན་པར་སྨྲ་བ་དང་དོན་སྤྱོད་པ་དང་དོན་མཐུན་པས་སེམས་ཅན་རྣམས་སྡུད་ཅིང་སྨིན་པར་བྱེད་པ། ༦ བྱ་བ་ཐམས་ཅད་གྲོགས་བྱས་ཏེ་ཕན་བཏགས་པས་བྱས་པ་གཟོ་ཞིང་མྱུར་དུ་བསྒོ་བ་ཉན་པ། ༧ ཡོན་ཏན་ཐམས་ཅད་ཀྱི་སྣོད་དང་འདུན་པ་དང་རྩོལ་བས་བྱ་བ་རྩལ་ཐམས་ཅད་ཀྱི་སྣོད་དང་ཤེས་རབ་ཡངས་པ་ཤེས་བྱ་རབ་ཏུ་འབྱེད་པའི་སྣོད་དུ་འགྱུར་ལ། གཞན་ཡང་འཁོར་དུ་མི་འཇིགས་པ་དང་སེམས་ཅན་ཐམས་ཅད་ལྷན་ཅིག་འགྲོ་བའམ་སྨྲ་བའམ་ལོངས་སྤྱོད་པའམ་དབེན་པར་གནས་པ་ལ་བཟློག་པ་དང་གེགས་བྱེད་པ་མེད་པ། ༨ རང་དང་གཞན་གྱི་དོན་གང་ལ་ཡང་མི་སྐྱོ་ཞིང་སྤྲོ་ཤུགས་ཆེ་ལ་བརྟན་པས་སོ་སོར་རྟོག་པའི་སྟོབས་ཐོབ་ནས་མངོན་པར་ཤེས་པ་མྱུར་བའོ། །ཞེས་རྗེའི་ལམ་རིམ་ཆེན་མོར་གསུངས། +

Dictionaries/sgom sde tshig mdzod chenmo/10137 +

༡ ཚེ་ཕུན་སུམ་ཚོགས་པ། ༢ ཁ་དོག་ཕུན་སུམ་ཚོགས་པ། ༣ རིགས་ཕུན་སུམ་ཚོགས་པ། ༤ དབང་ཕྱུག་ཕུན་སུམ་ཚོགས་པ། ༥ ཚིག་བཙུན་པ། ༦ དབང་ཆེ་བར་གྲགས་པ། ༧ སྐྱེས་པ་ཉིད། ༨ སྟོབས་དང་ལྡན་པ་སྟེ་བརྒྱད་དོ། །ཞེས་རྗེའི་ལམ་རིམ་ཆེན་མོར་གསུངས། ཚེ་ཕུན་སུམ་ཚོགས་པ་ནི་ཚེ་རིང་བ་ལ་ཟེར། ཁ་དོག་ཕུན་སུམ་ཚོགས་པ་ནི་གཟུགས་བཟང་ཞིང་མཛེས་པ། རིགས་ཕུན་སུམ་ཚོགས་པ་ནི་རིགས་མཐོན་པོར་སྐྱེས་པ། དབང་ཕྱུག་ཕུན་སུམ་ཚོགས་པ་ནི། ལོངས་སྤྱོད་ཆེ་བ་དང་། རྩ་འཇིང་ཆེ་བ། འཁོར་ཕལ་ཆེ་བ། ཚིག་བཙུན་པ་ནི་ཡིད་ཆེས་པའི་ཚིག སྐྱེ་བོ་ཚོགས་ཆེན་པོའི་བླ་མར་གྱུར་ཞིང་། བཀུར་སྟིར་བྱ་བ། བརྩུན་པར་བྱ་བ་དང་། མཆོད་པར་བྱ་བའི་གནས་སུ་གྱུར་པ་དེ་ནི་དབང་ཆེ་བར་གྲགས་པ་ཞེས་བྱའོ། །སྐྱེས་པ་ཉིད་ནི་ཕོའི་དབང་པོ་དང་ལྡན་པ། སྟོབས་ཕུན་སུམ་ཚོགས་པ་ནི། གནོད་པ་ཆུང་བ་དང་། ནད་མེད་པ་དང་། སྤྲོ་བ་ཆེ་བ་ལ་ཟེར། བྱང་ས་སྡེ་དགེ་བསྟན་འགྱུར་༼ ཝི་པ ༽༡༥བ༧ན་དེའི་སྐོར་རྒྱས་པར་གསལ། +

Dictionaries/sgom sde tshig mdzod chenmo/10138 +

རྒྱུ་དྲུག་གི་ཐ་མ་ནི། མི་དགེ་བ་དང་དགེ་བ་ཟག་བཅས་གང་རུང་གིས་བསྡུས་པའི་ཆོས། སྲོག་གཅོད་ཀྱི་ལས་ལྟ་བུ། +

Dictionaries/sgom sde tshig mdzod chenmo/10139 +

སེམས་ཅན་ལ་མི་འཚེ་བ་དང་མི་འཚེ་བའི་བསམ་པ་བསྟེན་པ། མར་མེ་ལ་སོགས་པའི་སྣང་བ་དང་གོས་གསར་པ་སྦྱིན་པ། ང་རྒྱལ་བཅོམ་ནས་བླ་མ་ལ་སོགས་པ་ལ་ཕྱག་ལ་སོགས་པ་དང་གཞན་ལ་བྲན་ལྟར་གུས་པར་བྱས་པ། ཟས་གོས་ལ་སོགས་པ་སློང་བ་ལ་དེ་དག་སྦྱིན་པ་དང་མི་སློང་ཡང་ཕན་འདོགས་པ་དང༌། སྡུག་བསྔལ་དང་ཡོན་ཏན་གྱི་ཞིང་ཡོ་བྱད་མེད་པ་ལ་ཕར་སྦྱིན་པ། ངག་གི་མི་དགེ་བ་བཞི་སྤོང་བ་ལ་གོམས་པ། ཕྱི་མ་ལ་རང་ལ་ཡོན་ཏན་སྣ་ཚོགས་བསྒྲུབ་པར་སྨོན་ལམ་འདེབས་ཤིང་དཀོན་མཆོག་གསུམ་ལ་མཆོད་པ་དང་ཕ་མ་དང་ཉན་རང་དང་མཁན་སློབ་དང་བླ་མ་ལ་མཆོད་པར་བྱེད་པ། སྐྱེས་པའི་ཡོན་ཏན་ལ་དགའ་བ་དང་བུད་མེད་ཀྱི་དངོས་པོ་ལ་མི་དགའ་ཞིང་ཉེས་དམིགས་སུ་ལྟ་བ་དང་བུད་མེད་ཀྱི་ལུས་འདོད་པ་རྣམས་འདུན་པ་བཟློག་པ་དང་ཕོའི་དབང་པོ་གཅོད་པ་རྣམས་ཐར་བར་བྱེད་པ། གཞན་གྱི་གཏན་མི་ནུས་པ་རང་གིས་བྱེད་པ་དང་རང་དང་བསྡོམས་པས་ནུས་པ་ལ་གྲོགས་བྱེད་པ་དང་བཟའ་བ་དང་གཏུང་བ་སྟེར་བའོ། །ལམ་རིམ་ཆེན་མོར་གསུངས་པ་ལྟར་རོ། ། +

Dictionaries/sgom sde tshig mdzod chenmo/1014 +

3 ཡུལ་ཁམས། གནས་མཆོག་རྡོ་རྗེ་གདན་ཞེས་པ་ལྟ་བུ། +

Dictionaries/sgom sde tshig mdzod chenmo/10140 +

1 ཆོས་བྱེད་པའམ་ལམ་གོང་མ་ཐོབ་པ་ལ་བར་དུ་གཅོད་པའི་བདེ་བ། +

Dictionaries/sgom sde tshig mdzod chenmo/10141 +

2 ཆོས་བྱེད་པའམ་ལམ་གོང་མ་ཐོབ་པ་ལ་བར་དུ་གཅོད་པའི་སྡུག་བསྔལ། +

Dictionaries/sgom sde tshig mdzod chenmo/10142 +

རྣམ་ཐོས་སྲས་ཀྱི་བསྡུས་ཚིག +

Dictionaries/sgom sde tshig mdzod chenmo/10143 +

1 རྣལ་མའི་བསྡུས་ཚིག་སྟེ། ཡང་དག་པ། +

Dictionaries/sgom sde tshig mdzod chenmo/10144 +

2 བརྟན་པོའམ་བརྟན་པ། +

Dictionaries/sgom sde tshig mdzod chenmo/10145 +

1 རང་བཞིན། མ་བཅོས་པ། བཅོས་མ་མ་ཡིན་པ། དཔེར་ན་སེམས་རང་བཞིན་དུ་མི་གནས་པ་ལ། སེམས་རྣལ་དུ་མི་གནས་པ་ཞེས་པ་ལྟ་བུ། གཞན་ཡང་རྗེའི་ལམ་རིམ་ཆེན་མོ་ལས། བྱང་ཆུབ་ཀྱི་རྒྱུར་མི་འགྱུར་ཟེར་བར་སྣང་བས་སེམས་རྣལ་དུ་ཞོག་ལ་སྨྲོས་ཤིག ཅེས་གསུངས་པ་ལྟ་བུ། +

Dictionaries/sgom sde tshig mdzod chenmo/10146 +

2 བཏང་སྙོམས་ལའང་འཇུག རྗེའི་ལམ་རིམ་ཆེན་མོ་ལས། དྲན་པ་དང་ཤེས་བཞིན་དང་འདུ་བྱེད་པའི་སེམས་པ་དང་རྣལ་དུ་འཇོག་པའི་བཏང་སྙོམས་ཏེ། དེ་དག་ནི་སྔར་བཤད་ཟིན་ཏོ། །ཞེས་གསུངས་པ་ལྟ་བུ། +

Dictionaries/sgom sde tshig mdzod chenmo/10147 +

བརྟན་པོར་གནས་པའི་དོན། སེམས་རྣལ་དུ་གནས་ལྟ་བུ། +

Dictionaries/sgom sde tshig mdzod chenmo/10148 +

1 གཞན་གྱིས་འཚེ་བ་མེད་པར་རང་དབང་དུ་གནས་པའི་དོན་ལ། ལི་ཤིའི་གུར་ཁང་གསུང་། བསྟན་དར་ལྷ་རམས་པའི་དག་ཡིག་ལས་ཀྱང་། གཞན་གྱིས་མཚེར་སྣང་མེད་པར་རང་དབང་དུ་གནས་པ་ཞེས་གསུངས། +

Dictionaries/sgom sde tshig mdzod chenmo/10149 +

2 བརྟན་པོར་གནས་པའི་དོན། རྒྱལ་ཚབ་ཆོས་རྗེའི་སྤྱོད་འཇུག་དར་ཊཱིཀ་ལས། ལུས་བདེ་བའང་མི་འཐོབ་ལ་གཉིད་མི་འོང་ཞིང་སེམས་རྣལ་དུ་ཕབས་པའི་བརྟན་པའང་མེད་པར་འགྱུར་རོ། །ཞེས་གསུངས། སེམས་རྣལ་དུ་ཕབ་ཅེས་པའི་ཐད་དུ་གཟིགས། +

Dictionaries/sgom sde tshig mdzod chenmo/1015 +

4 རྒྱུ། དཔེར་ན་ཆང་ལ་བག་མེད་པའི་གནས་ཞེས་པ་ལྟ་བུ། དགའ་བ་ཅན་གྱིས་ཞུས་པའི་མདོ་ན་གསལ། འཕགས་པ་ཐོགས་མེད་ཀྱི་གཏན་ལ་དབབ་པ་བསྡུ་བ་༤༩ན༧ལས། འབྱུང་བ་ཆེན་པོ་རྣམས་ནི་གནས་ཡིན་ལ། རྒྱུར་བྱས་པའི་གཟུགས་རྣམས་ནི་གནས་པ་ཡིན་ནོ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10150 +

བརྟན་པར་བྱེད་པ། དཔེར་ན་རྒྱལ་བ་རྣལ་དུ་འགོད་ལྟ་བུ། རྒྱལ་བ་དགེ་འདུན་གྲུབ་ཀྱི་མཛོད་ཊཱིཀ་ཐར་ལམ་གསལ་བྱེད་ལས། མ་རྒྱལ་བ་ལས་རྒྱལ་བར་བྱེད་པ་དང། རྒྱལ་བ་རྣམས་རྣལ་དུ་འགོད་པར་བྱེད་པ། ཞེས་དང་། བར་ཆད་མེད་ལམ་གྱིས་ཉོན་མོངས་པའི་ཐོབ་པ་གཅོད་པས་མ་རྒྱལ་བ་ལས་རྒྱལ་བ་དང། རྣམ་གྲོལ་ལམ་གྱིས་བྲལ་ཐོབ་འཛིན་པས་རྒྱལ་བ་རྣལ་དུ་འགོད། ཅེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10151 +

1 ཡང་དག་པ། རང་བཞིན་པ། མ་བཅོས་པ། བཅོས་མ་མ་ཡིན་པ། དཔེར་ན་སངས་རྒྱས་ཀྱི་ལམ་རྣལ་མ་ཞེས་པ་ལྟ་བུ། རྗེའི་ལམ་རིམ་ལས། དེ་ལ་ཧྭ་ཤང་གིས་ནི་ཅིར་ཡང་མི་རྟོག་པ་ལ་བསྔགས་པ་མཛད་པའི་མདོའི་ཁུངས་བརྒྱད་ཅུ་དྲངས་ནས་བསྒྲུབས་སོ། །འདིས་ནི་ཐབས་ཀྱི་ཆ་ཐམས་ཅད་སངས་རྒྱས་ཀྱི་ལམ་རྣལ་མ་མིན་ནོ་ཞེས་ཀུན་རྫོབ་ལ་སྐུར་པ་ཆེན་པོ་བཏབ་ཅིང༌། ཞེས་གསུངས། +

Dictionaries/sgom sde tshig mdzod chenmo/10152 +

2 དོན། གོ་དོན། དཔེར་ན་དགག་པ་གཉིས་ཀྱི་རྣལ་མགོ་བ་ཞེས་པ་ལྟ་བུ། +

Dictionaries/sgom sde tshig mdzod chenmo/10153 +

<ཡོ་ག> སྤྱིར་བཏང་རྣལ་འབྱོར་ཞེས་པ་ནི་མཉམ་དུ་སྦྱོར་བའི་དོན་ཡིན། བྱེ་བྲག་ཏུ་བཤད་ན། རྣལ་འབྱོར་ནི། 1 སེམས་མཉམ་པར་གཞག་པ། ཏིང་ངེ་འཛིན། ཞི་ལྷག་ཟུང་འབྲེལ་གྱི་ཏིང་ངེ་འཛིན་བཅས་ལ་ཟེར། ཐེག་བསྡུས་བཤད་སྦྱར་ལས། ཞི་གནས་ལྷག་མཐོང་ཟུང་དུ་འབྲེལ་བར་རང་གི་ངང་གིས་འཇུག་པ་དང་ལྡན་པ་ནི་རྣལ་འབྱོར་རོ། །ཞེས་གསུངས་པ་ལྟར་རོ། །2 ལམ། དཔེར་ན་རྣལ་འབྱོར་མངོན་སུམ་ཞེས་་ལྟ་བུ། 3 ཉམས་ལེན། ལྷའི་རྣལ་འབྱོར་ཞེས་པ་ལྟ་བུ། སཾ་བོད་སྐད་གཉིས་ཤན་སྦྱར་ལས་རྣལ་འབྱོར་གྱི་སྐད་དོད་ཡོ་ག་ཞེས་པ། རྣལ་འབྱོར། འབྲེལ་བ། རྫས། སྦྱོར་བ། ཐབས། བསམ་གཏན་སོགས་ལ་འཇུག་པར་བཤད། སྒྲ་བཤད་ནི། རྣལ་ནི་རྣལ་མ་སྟེ་ཡང་དག་པ་དང་། འབྱོར་ནི་མཉམ་དུ་སྦྱོར་བའི་དོན་ཡིན་པས། ཡང་དག་པར་སྦྱོར་བས་ན་རྣལ་འབྱོར་རོ། །དེ་ཡང་ཕར་ཕྱིན་ཐེག་པ་ལྟ་བུར། ཞི་ལྷག་གཉིས་ཡང་དག་པར་སྦྱོར་བས་ན་རྣལ་འབྱོར། སྔགས་ཀྱི་སྐབས་སུ། ཐབས་ཤེས་གཉིས་ཡང་དག་པར་སྦྱོར་བས་ན་རྣལ་འབྱོར། ཡང་དེང་སང་ཡོངས་གྲགས་ཀྱི་ཕྱི་རོལ་པའི་ལུས་སྦྱོང་ལའང་ལུས་སེམས་གཉིས་ཡང་དག་པར་མཉམ་དུ་སྦྱོར་བས་ན་རྣལ་འབྱོར་རམ་ཡོ་ག་ཞེས་བརྗོད་པ་ལྟ་བུ་སྐབས་ཐོབ་ཀྱི་སྒྲ་བཤད་བྱེད་ཚུལ་མང་དུ་ཡོད་དོ། །རྗེ་གུང་ཐང་པས་ནི། རྣལ་འབྱོར་གྱི་དོན་ཡང་། ཞི་གནས་ལ་བརྟེན་ནས་བྱིང་རྒོད་ཀྱི་གཡེང་བ་སོགས་སེམས་ལས་སུ་མི་རུང་བར་བྱེད་པའི་སྐྱོན་དང་བྲལ་བ་རླུང་མེད་པའི་མར་མེ་བཞིན་རྣལ་དུ་གནས་པ་དང་། ལྷག་མཐོང་གི་འོད་གསལ་བས་མར་མེས་མུན་པ་སེལ་བ་ལྟར་ཡུལ་སོ་སོར་གཅོད་པ་དང་། སྤྲུལ་བསྒྱུར་སོགས་ཀྱི་དོན་མཐའ་དག་འབྱོར་བའམ་ཕུན་སུམ་ཚོགས་པར་བྱེད་པས་རྣལ་འབྱོར་ཞེས་བཤད་པའི་ཕྱིར། དབུ་མཐའ་ལས། དེར་གནས་ལས་སུ་རུང་བ་ཉིད། །དོན་རྣམས་ཐམས་ཅད་འབྱོར་བར་འགྱུར། །ཞེས་གསུངས་པ་འདི་རྣལ་འབྱོར་གྱི་སྒྲ་བཤད་དུ་རུང་བར་སྣང་ལ། ཞེས་རྗེ་གུང་ཐང་པའི་སྐབས་དང་པོའི་མཆན་འགྲེལ་ལས་གསུངས་སོ། །ཁུ་ནུ་བླ་མ་རིན་པོ་ཆེའི་ངག་སྒྲོན་འགྲེལ་པར། རྣལ་འབྱོར་གྱི་སྒྲ་བཤད་ལ། རྣལ་ནི། རྣལ་མ་སྟེ་གཉུག་མ། འབྱོར་ནི། འབྱོར་བའམ་སྦྱོར་བ་སྟེ་སྒོམ་པའི་དོན་ཏེ། ཏིང་ངེ་འཛིན་ཐབས་ཤེས་ཟུང་འཇུག་གི་དོན་ལ་བཤད་དོ། ། +

Dictionaries/sgom sde tshig mdzod chenmo/10154 +

ཏིང་ངེ་གསུམ་དང་དོན་འདྲ། ཏིང་ངེ་འཛིན་གསུམ་ནི། དང་པོ་སྦྱོར་བའི་ཏིང་ངེ་འཛིན། དཀྱིལ་འཁོར་རྒྱལ་མཆོག་གི་ཏིང་ངེ་འཛིན། ལས་རྒྱལ་མཆོག་གི་ཏིང་ངེ་འཛིན་དང་གསུམ་མོ། ། +

Dictionaries/sgom sde tshig mdzod chenmo/10155 +

འདི་ནི་མི་ཏྲའི་བརྒྱ་རྩ་དར་བར་བྱེད་པ་པོ་གྲུབ་ཆེན་མི་ཏྲ་ཛོ་ཀི་ཞེས་བྱ་བ་དེ་ཡིན། ཁོང་གིས་མཛད་པའི་རྒྱལ་པོ་ཟླ་བ་ལ་སྤྲིངས་པའི་སྤྲིངས་ཡིག་ཅེས་བྱ་བ་དེ་ཁོང་བོད་ལ་བཞུགས་སྐབས་རྒྱ་གར་གྱི་རྒྱལ་པོ་ཟླ་བ་ཟེར་བ་ཞིག་ལ་བསྐུར་བར་གསུངས། འདི་སྡེ་དགེ་བསྟན་འགྱུར་སྐྱེས་རབས་དང་ལྷན་དུ་ཤོག་གྲངས་༧༡བ༥ན་བཞུགས་སོ། །ཤྲཱི་ཛ་ག་ཏ་མིཏྲ་ཨཱནནྟ་ནི། དཔལ་འགྲོ་བའི་བཤེས་གཉེན་ཀུན་དགའ་ཞེས་པའི་དོན་ཡིན་པར་བཤད་དོ། ། +

Dictionaries/sgom sde tshig mdzod chenmo/10156 +

དཔལ་གསང་བ་འདུས་པའི་བསྐྱེད་རིམ་གྱི་ཆིངས་རྣལ་འབྱོར་དྲུག་ནི། རྣལ་འབྱོར། རྗེས་སུ་རྣལ་འབྱོར། ཤིན་ཏུ་རྣལ་འབྱོར། རྣལ་འབྱོར་ཆེན་པོ། དཀྱིལ་འཁོར་རྒྱལ་མཆོག་གི་རྣལ་འབྱོར། ལས་རྒྱལ་མཆོག་གི་རྣལ་འབྱོར་དང་དྲུག་གོ །དེ་ཡང་གནས་ཀྱི་དེ་ཉིད་ནས། ཡེ་ཤེས་ཙམ་ལ་སྙོམས་པར་འཇུག་པའི་བར་ནི་རྣལ་འབྱོར། ས་བོན་ཕྱག་མཚན་སྐུ་རྫོགས་པ་ལས་བྱང་ཆུབ་པ་རྣམས་ནི་རྗེས་སུ་རྣལ་འབྱོར། ལོངས་སྐུ་སྤྲུལ་སྐུར་བསྒྱུར་བ་ནས་ཡན་ལག་ཁྲོ་བོར་བསྐྱེད་པའི་དེ་ཉིད་ཀྱི་བར་ནི་ཤིན་ཏུ་རྣལ་འབྱོར། སྐུ་བྱིན་གྱིས་རློབ་པ་ནས་མཆོད་པའི་དེ་ཉིད་ཀྱི་བར་ནི་རྣལ་འབྱོར་ཆེན་པོ། མཆོད་པའི་དེ་ཉིད་ནས་ཁྲོ་བོ་དབྱུང་བའི་དེ་ཉིད་ཀྱི་བར་ནི་དཀྱིལ་འཁོར་རྒྱལ་མཆོག་གི་རྣལ་འབྱོར། སྟེང་སྒོར་ཕྲ་མོ་སྒོམ་པའི་དེ་ཉིད་ནས། དངོས་གྲུབ་འབྲིང་བསྒྲུབ་པའི་བར་ནི་ལས་རྒྱལ་མཆོག་གི་རྣལ་འབྱོར་རོ། ། ཞེས་རྗེའི་གསང་འདུས་ཀྱི་གསུང་ཟིན་བྲིས་བློ་གསལ་བུང་བའི་རེ་སྐོང་ལས་གསུངས། +

Dictionaries/sgom sde tshig mdzod chenmo/10157 +

དཔལ་གསང་བ་འདུས་པའི་བསྐྱེད་རིམ་གྱི་སྒྲུབ་ཐབས་ཀྱི་ཆིངས་བཤད་པ་ལ། དེ་ཉིད་ཞེ་དགུའི་ཆིངས། རྡོ་རྗེ་བཞིའི་ཆིངས། རྣལ་འབྱོར་དྲུག་གི་ཆིངས། ཏིང་ངེ་འཛིན་གསུམ་གྱི་ཆིངས། བསྙེན་སྒྲུབ་ཡན་ལག་བཞིའི་ཆིངས་དང་ལྔ་ཡོད་པ་ལས། རྣལ་འབྱོར་དྲུག་གི་ཆིངས་ནི། རྣལ་འབྱོར། རྗེས་སུ་རྣལ་འབྱོར། ཤིན་ཏུ་རྣལ་འབྱོར། རྣལ་འབྱོར་ཆེན་པོ། དཀྱིལ་འཁོར་རྒྱལ་མཆོག་གི་རྣལ་འབྱོར། ལས་རྒྱལ་མཆོག་གི་རྣལ་འབྱོར་དང་དྲུག་གོ། དེ་ཡང་རྗེའི་གསང་འདུས་བསྐྱེད་རིམ་གྱི་ཟིན་བྲིས་བློ་གསལ་བུང་བའི་རེ་སྐོང་གནད་དོན་གསལ་བ་ལས། རྣལ་འབྱོར་དྲུག་གི་ཆིངས་ནི། གནས་ཀྱི་དེ་ཉིད་ནས། ཡེ་ཤེས་ཙམ་ལ་སྙོམས་པར་འཇུག་པའི་བར་ནི་རྣལ་འབྱོར་དང༌། ས་བོན་ཕྱག་མཚན་སྐུ་རྫོགས་པ་ལས་བྱང་ཆུབ་པ་རྣམས་ནི་རྗེས་སུ་རྣལ་འབྱོར་དང༌། ལོངས་སྐུ་སྤྲུལ་སྐུར་བསྒྱུར་བ་ནས་ཡན་ལག་ཁྲོ་བོར་བསྐྱེད་པའི་དེ་ཉིད་ཀྱི་བར་ནི་ཤིན་ཏུ་རྣལ་འབྱོར་དང༌། སྐུ་བྱིན་གྱིས་རློབ་པ་ནས་མཆོད་པའི་དེ་ཉིད་ཀྱི་བར་ནི། རྣལ་འབྱོར་ཆེན་པོ་དང༌། མཆོད་པའི་དེ་ཉིད་ནས་ཁྲོ་བོ་དབྱུང་བའི་དེ་ཉིད་ཀྱི་བར་ནི། དཀྱིལ་འཁོར་རྒྱལ་མཆོག་གི་རྣལ་འབྱོར་དང༌། སྟེང་སྐོར་ཕྲ་མོ་སྒོམ་པའི་དེ་ཉིད་ནས། དངོས་གྲུབ་འབྲིང་བསྒྲུབ་པའི་བར་ནི་ལས་རྒྱལ་མཆོག་གི་རྣལ་འབྱོར་རོ། །དེ་ཡང་བཤད་རྒྱུད་རྡོ་རྗེ་ཕྲེང་བ་ལས། རྣལ་འབྱོར་རྗེས་སུ་རྣལ་འབྱོར་དང༌། །ཤིན་ཏུ་རྣལ་འབྱོར་རྣལ་འབྱོར་ཆེ། །དང་པོའི་སྦྱོར་བ་བསྒོམ་པར་བྱ། །དེ་ནས་དཀྱིལ་འཁོར་རྒྱལ་མཆོག་གི༌།རྣལ་འབྱོར་མཆོག་ལ་དབྱེ་བ་ལྷ། །དེ་ལས་ཀྱང་ནི་ལས་རྒྱལ་མཆོག །རྣལ་འབྱོར་དབྱེ་བ་བཅུ་གཉིས་སོ། །ཞེས་གསུངས་སོ། །ཞེས་འབྱུང་ངོ་། ། +

Dictionaries/sgom sde tshig mdzod chenmo/10158 +

1 ཞི་ལྷག་ཟུང་འབྲེལ་གྱི་ཏིང་ངེ་འཛིན་རྒྱུད་ལ་མངའ་བའི་གང་ཟག དགེ་བ་ལྷའི་སྤྱོད་འཇུག་འགྲེལ་པ་ལས། ཞི་ལྷག་ཟུང་འབྲེལ་གྱི་ཏིང་ངེ་འཛིན་ནི་རྣལ་འབྱོར་ཡིན་ལ། དེ་གང་ལ་ལྡན་པ་ནི་རྣལ་འབྱོར་པའོ། །ཞེས་ཚིག་རིས་ཙམ་མ་གཏོགས་དེ་ཇི་བཞིན་འབྱུང་ངོ༌། །རྗེའི་ལམ་རིམ་ཆེན་མོ་ལས། རྣལ་འབྱོར་པ་ནི་ཞི་ལྷག་གང་རུང་རྙེད་པ་ཞིག་ལ་བྱེད་པའི་ཕྱིར། ཞེས་གསུངས་པའང་དེ་དང་མཐུན་ནོ། ། +

Dictionaries/sgom sde tshig mdzod chenmo/10159 +

2 ལམ་ཉམས་སུ་ལེན་མཁན། +

Dictionaries/sgom sde tshig mdzod chenmo/1016 +

5 ཡུལ། སྐྱབས་ཡུལ། སྐྱབས་གནས་ཞེས་པ་ལྟ་བུ། +

Dictionaries/sgom sde tshig mdzod chenmo/10160 +

ཁྱབ་པའི་དམིགས་པ། སྤྱད་པ་རྣམ་སྦྱོང་གི་དམིགས་པ། མཁས་པའི་དམིགས་པ། ཉོན་མོངས་རྣམ་སྦྱོང་གི་དམིགས་པ་དང་བཞིའོ། ། +

Dictionaries/sgom sde tshig mdzod chenmo/10161 +

འོད་གསལ་འཆར་བའི་གནས་སྙིང་གར་རླུང་རིམ་གྱིས་སྡུད་པའི་རིམ་པ་ལས་ལུགས་འབྱུང་གི་སྟོང་པ་བཞི་དང༌། དེ་ནས་ཕྱིར་ལ་ལྡང་བའི་རིམ་པ་ལས་ལུགས་ལྡོག་གི་སྟོང་པ་བཞིའི་སྒོ་ནས་སྟོང་པའི་ཡེ་ཤེས་སྐྱེ་ཚུལ་དང༌། འོད་གསལ་གྱི་རླུང་འོད་ཟེར་ལྔ་ལས་ཀུན་རྫོབ་སྒྱུ་མའི་སྐུ་སྤྲུལ་ཚུལ་གཙོ་བོར་སྟོན་པས་ན་རྣལ་འབྱོར་ཕའི་རྒྱུད་ཅེས་བྱའོ། །སྒྲ་བཤད་ནི། སྟོང་པའི་ཡེ་ཤེས་དང་རླུང་ལས་བསྒྲུབས་པའི་སྐུ་གཉིས་ངོ་བོ་དབྱེར་མེད་དུ་སྦྱོར་བའི་རྣལ་འབྱོར་ཡང་ཡིན་ལ། གཙོ་བོར་གཟུགས་ཀྱི་སྐུ་སྒྲུབ་བྱེད་སྣང་ཕྱོགས་ཐབས་ཀྱི་ཆ་ཡིན་པས་ཕ་ཞེས་ཀྱང་བརྗོད་པའི་ཕྱིར་རོ། །ཞེས་རྗེའི་མཐའ་གཅོད་རིན་པོ་ཆེའི་མྱུ་གུ་ལས་གསུངས། +

Dictionaries/sgom sde tshig mdzod chenmo/10162 +

1 (དགེ་ལུགས) དཔལ་གསང་བ་འདུས་པའི་བསྐྱེད་རིམ་གྱི་ཆིངས་རྣལ་འབྱོར་བཞི་ནི། རྣལ་འབྱོར། རྗེས་སུ་རྣལ་འབྱོར། (རྗེས་སུ་ཞེས་པ་ནི་རྗེས་སུ་མཐུན་པ་སྟེ། འདྲ་བའི་རྣལ་འབྱོར) ཤིན་ཏུ་རྣལ་འབྱོར། རྣལ་འབྱོར་ཆེན་པོ་དང་བཞིའོ། །རྗེའི་སྔགས་རིམ་ཆེན་མོ་ལས། དེ་ལ་སྤྱིར་རྣལ་འབྱོར་གྱི་དོན་ནི། འདུས་པ་ཕྱི་མ་ལས་གསུངས་པ་ལྟར་ཐབས་དང་ཤེས་རབ་དབྱེར་མེད་དུ་སྦྱོར་བ་ཡིན་ལ་འདིར་ནི། མངོན་བྱང་ལྔ་ལས་བསྒྲུབས་པའི་ཆོས་དབྱིངས་ཡེ་ཤེས་ཀྱི་རང་བཞིན་ཅན་རྒྱུ་རྡོ་རྗེ་འཛིན་པའི་ཏིང་ངེ་འཛིན་ནོ། །རྗེས་སུ་རྣལ་འབྱོར་ནི། རྗེས་སུའི་དོན་འདྲ་བ་ལ་ཤནྟཱི་པས་བཤད་པས་རྣལ་འབྱོར་སྔ་མ་དང་འདྲ་བ་ལ་བྱ་སྟེ་འབྲས་བུ་རྡོ་རྗེ་འཛིན་པའི་རྣལ་འབྱོར་རོ། །དེ་དག་ལས་ཀྱང་ལྷའི་རྣལ་འབྱོར་ཤིན་ཏུ་རྒྱས་པར་གྱུར་པ་ནི། ཤིན་ཏུ་རྣལ་འབྱོར་ཏེ་ཡབ་ཡུམ་སྙོམས་པར་ཞུགས་ནས་པད་མར་བསྐྱེད་པའི་ལྷའི་འཁོར་ལོ་སྤྲོས་ནས་རང་གནས་སུ་བཀོད་པའི་འཁོར་ལོ་རྫོགས་པའོ། །དེ་ནས་སྐུ་གསུང་ཐུགས་ལ་སོགས་པ་བྱིན་གྱིས་རློབ་ཅིང་ཡེ་ཤེས་པ་གཞུག་པ་དང་དབང་བསྐུར་རྒྱས་གདབ་དང་མཆོད་བསྟོད་བདུད་རྩི་མྱང་བ་དང་བཟླས་པ་བྱས་ནས་ཡེ་ཤེས་ཀྱི་འཁོར་ལོ་གཤེགས་སུ་གསོལ་ཞིང་དམ་ཚིག་པ་བསྡུས་པའི་བར་ལ་རྣལ་འབྱོར་ཆེན་པོར་དཔལ་འཛིན་གྱིས་བཤད་དེ། ཞེས་གསུངས། རྣལ་འབྱོར་དྲུག་ལ་གཟིགས། +

Dictionaries/sgom sde tshig mdzod chenmo/10163 +

2 (ཕྱག་ཆེན) རྩེ་གཅིག་གི་རྣལ་འབྱོར། སྤྲོས་བྲལ་གྱི་རྣལ་འབྱོར། རོ་གཅིག་གི་རྣལ་འབྱོར། སྒོམ་མེད་ཀྱི་རྣལ་འབྱོར་དང་བཞིའོ། །རྗོགས་རིམ་རྣལ་འབྱོར་བཞི་ཞེས་པའི་ཐད་དུ་གཟིགས། +

Dictionaries/sgom sde tshig mdzod chenmo/10164 +

3 རྫོགས་རིམ་རྣལ་འབྱོར་བཞི། དེའི་ཐད་དུ་གཟིགས། +

Dictionaries/sgom sde tshig mdzod chenmo/10165 +

བླ་མེད་ཀྱི་རྒྱུད་དང་དོན་གཅིག ཐབས་ཤེས་གཉིས་སུ་མེད་པའི་དོན་སྟོན་ཞིང༌། རྒྱུད་སྡེ་ཀུན་གྱི་རྩེ་མོར་གྱུར་པའི་རྒྱུད་སྡེ་ཞིག སྒྲ་བཤད་ནི། ཐབས་བདེ་བ་ཆེན་པོའི་ཡེ་ཤེས་དང༌། སྟོང་ཉིད་རྟོགས་པའི་ཤེས་རབ་གཉིས་དབྱེར་མེད་དུ་ཡང་དག་པར་སྦྱོར་བས་ན་རྣལ་འབྱོར། དེའི་གོང་ན་བླ་མེད་ཀྱི་རྒྱུད་སྡེ་གཞན་མེད་པས་ན་བླ་ན་མེད་པའི་རྒྱུད་དོ། །མཁས་གྲུབ་ཆོས་རྗེའི་དུས་འཁོར་གྱི་འགྲེལ་པ་ལ་གཞི་བྱས། +

Dictionaries/sgom sde tshig mdzod chenmo/10166 +

ཀུན་ཏ་ལྟ་བུའི་བྱང་ཆུབ་ཀྱི་སེམས་སྤྱི་བོ་ནས་ནོར་བུའི་བར་དུ་བྱུང་བའི་ཡས་བབས་དང༌། དེ་ནས་སྤྱི་གཙུག་ཏུ་ལོག་པའི་མས་བརྟན་གྱི་དགའ་བ་བཞི་སྐྱེ་ཚུལ་དང༌། ཕྱག་རྒྱ་ཆེན་པོ་ལྷན་ཅིག་སྐྱེས་པའི་བདེ་བ་དང་སྟོང་པ་གཉིས་དབྱེར་མི་ཕྱེད་པར་སྦྱོར་བའི་སྒོ་ནས་དོན་དམ་པའི་དེ་ཁོ་ན་ཉིད་ལ་རབ་ཏུ་འཇུག་པའི་རྟོགས་པ་གོང་ནས་གོང་དུ་བགྲོད་པའི་རིམ་པ་གཙོ་བོར་སྟོན་ཞིང༌། བདེ་བ་ཆེན་པོའི་ཡེ་ཤེས་བཞོན་པའི་རླུང་འོད་ཟེར་ལྔ་ལས་ཀུན་རྫོབ་སྒྱུ་མའི་སྐུ་སྒྲུབ་ཚུལ་གཙོ་བོར་མི་སྟོན་པ་ནི་རྣལ་འབྱོར་མའི་རྒྱུད་ཅེས་བྱའོ། །སྒྲ་བཤད་ནི། ལྷན་སྐྱེས་ཀྱི་ཤེར་ཕྱིན་ཆོས་སྐུ་སྒྲུབ་པའི་ཐབས་དེ་ནི་བདེ་སྟོང་དབྱེར་མེད་དུ་སྦྱོར་བའི་རྣལ་འབྱོར་ཡང་ཡིན་ལ། གཙོ་བོར་ཆོས་ཀྱི་སྐུའི་སྒྲུབ་བྱེད་སྟོང་ཕྱོགས་ཤེས་རབ་ཀྱི་ཆ་ཡིན་པས་མ་ཞེས་ཀྱང་བྱའོ། །རྗེའི་མཐའ་གཅོད་རིན་པོ་ཆེའི་མྱུ་གུ་ལ་གཞི་བྱས་ཏེ་བཀོད། +

Dictionaries/sgom sde tshig mdzod chenmo/10167 +

རྒྱུད་སྡེ་འོག་མ་གསུམ་གྱི་ཡ་གྱལ་ཏེ། ཕྱི་ནང་གི་རྣལ་འབྱོར་གཉིས་ལས་ནང་གི་རྣལ་འབྱོར་གཙོ་ཞིང་བསྒོམ་པའི་ལྷ་མོ་དང་བལྟ་བ་དང༌། རྒོད་པ་དང༌། ལག་བཅངས་ཀྱི་བདེ་བ་ལམ་བྱེད་ནུས་ལ། དངོས་ཀྱི་རིག་མའི་བདེ་བ་ལམ་བྱེད་མི་ནུས་པ་ལ་དེ་ཙམ་གྱི་ཆགས་པ་ལམ་བྱེད་སྟོན་པ་རྣལ་འབྱོར་རྒྱུད། +

Dictionaries/sgom sde tshig mdzod chenmo/10168 +

ཐ་སྙད་དུ་ཕྱི་རོལ་དོན་གྱིས་སྟོང་པའི་རྣམ་པར་རིག་པ་ཙམ་གྱི་ཚུལ་དང་མཐུན་པར་འདོད་པའི་དབུ་མ་པ་ཡིན་པས་ན་རྣལ་འབྱོར་སྤྱོད་པའི་དབུ་མ་རང་རྒྱུད་པ་ཞེས་བྱའོ། ། +

Dictionaries/sgom sde tshig mdzod chenmo/10169 +

སྙོམས་པར་འཇུག་པའི་དོན་ཡིན། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༥༩བ༥ལས། རྣལ་འབྱོར་སྤྱོད་པའི་ས་ཞེས་བྱ་བ་ནི་བསམ་གཏན་པའི་ཡུལ་ཏེ། སྙོམས་པར་འཇུག་པ་ཞེས་བྱ་བའི་ཐ་ཚིག་གོ །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/1017 +

6 གོ་འཕང༌། མཐོ་རིས་ཀྱི་གནས་ཞེས་པ་ལྟ་བུ། +

Dictionaries/sgom sde tshig mdzod chenmo/10170 +

སྤྲོ་ཐུང་བའི་མི། ས་པཎ་གྱི་ལེགས་བཤད་འཕྲུལ་གྱི་དྲ་བ་ལས། རྣོ་ཐུང་ལ་ཀུ་རེ་མ་བྱེད། མི་ཐུབ་པ་ལ་དོ་མ་བསྡོ། ཞེས་པ་ལྟ་བུ། +

Dictionaries/sgom sde tshig mdzod chenmo/10171 +

1 འཁྱིལ་ཞིང་འཁྲུགས་པའི་རྦ་རླབས་ཀྱི་ཕུང་པོ་ཆེན་པོ་ལ་ཟེར། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༤༨ན༢ལས། དབའ་ཀློང་ཞེས་བྱ་བ་ནི་ཆུ་སྲུབས་ཆེན་པོ་གཅིག་ཏུ་འཁྱིལ་ཞིང་འཁྲུགས་པའོ། །ཞེས་གསུངས་སོ། །རྦ་ནི་དབའ་ཡི་འབྲི་ཚུལ་གཞན་ནོ། །སློབ་དཔོན་ཡོན་ཏན་འོད་ཀྱི་མདོ་རྩ་རང་འགྲེལ་རང་གི་རྣམ་བཤད་ལས། དབའ་ཀློང་དང་རྦ་ཀློང་གཉིས་ཀ་བེད་སྤྱོད་བྱས་ཡོད། ཆུ་སྲུབས་ནི་ཆུ་རིས་ཤུར་ཤུར་པོ་སྟེ་ཆུ་རླབས་ཀྱི་དོན་ཡིན། +

Dictionaries/sgom sde tshig mdzod chenmo/10172 +

2 ཆུ་ཀླུང་ཤས་ཆེར་འཁོར་བ་ལ་ཟེར། ཀློང་འཁོར་ཡང་ཟེར། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༤༥ན༢༢ལས། དབའ་ཀློང་ཞེས་བྱ་བ་ནི་ཆུ་འཁོར་བའོ། །ཞེས་གསུངས་སོ། ། +

Dictionaries/sgom sde tshig mdzod chenmo/10173 +

རྦ་ཀློང་ལ་གཟིགས། +

Dictionaries/sgom sde tshig mdzod chenmo/10174 +

སྐུལ་བ་དང་གཏོང་བའི་དོན་དུ་བཤད། རྦོད་པ། རྦད་པ། རྦད་པ། རྦོད། རྗེའི་ལམ་རིམ་ཆེན་མོ་ལས། བརྒྱུད་ནས་གནོད་པ་སྐྱེལ་བའི་གནོད་བྱེད་ལ་ཁྲོ་ན་ནི་དབྱུག་པ་སོགས་སྐྱེས་བུས་རྦད་པ་བཞིན་དུ་སྐྱེས་བུ་ཡང་གནོད་པ་བྱེད་པ་ལ་ཞེ་སྡང་གིས་རྦད་པས་ཞེས་སྡང་ལ་ཁྲོ་དགོས་ཏེ། ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10175 +

ཐག་རྦད་ཀྱིས་གཅོད་པ། པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་ཕྱག་ཆེན་ཁྲིད་ཡིག་ལས། ཡང་ན་རལ་སྐོར་མཁན་བཞིན་དུ། །རྣམ་རྟོག་ཅི་སྐྱེས་རྦད་རྦད་གཅོད། །ཅེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10176 +

ཐུར་དུ་འགྲིལ་བ། +

Dictionaries/sgom sde tshig mdzod chenmo/10177 +

རྦུད་རྒྱག་རྒྱབ་པ་དང་འདྲ། +

Dictionaries/sgom sde tshig mdzod chenmo/10178 +

རྦུད་རྒྱག་གཏོང་བ། སྦུད་རྒྱག་རྒྱབ་པ་ཞེས་ཀྱང་བྲིས་སྣང༌། +

Dictionaries/sgom sde tshig mdzod chenmo/10179 +

དམོད་མོ་རྒྱག་པ། མཐུ་དང་ངན་སྔགས་གཏོང་བ། +

Dictionaries/sgom sde tshig mdzod chenmo/1018 +

7 ཚབ། གོ་ས། འཇམ་དབྱངས་ཀྱི་གནས་སུ་འོད་དཔག་མེད་གསལ་གདབ་ཅེས་པ་ལྟ་བུ། +

Dictionaries/sgom sde tshig mdzod chenmo/10180 +

1 གྲི་སོགས་ཀྱིས་རྨས་ཏེ་ཤ་ལྤགས་ཁྱེ་ཕྱེ་བ། +

Dictionaries/sgom sde tshig mdzod chenmo/10181 +

2 མོ་མཚན་དང་། བཤང་ལམ། ཁ་གསུམ་ལ་ཟེར། རྨ་སྒོ་གསུམ་ཞེས་པ་ལྟ་བུ། +

Dictionaries/sgom sde tshig mdzod chenmo/10182 +

3 སྐྱོན་ལའང་འཇུག དཔེར་ན་སྡེ་བདུན་གྱི་དགོངས་པ་རྨ་མེད་པའོ། །ཞེས་པ་ལྟ་བུ། +

Dictionaries/sgom sde tshig mdzod chenmo/10183 +

4 མི་གཙང་བ། དཔེར་ན་མི་གཙང་བ་འབབ་པའི་སྒོ་ལ་རྨ་སྒོ་ཞེས་བརྗོད་པ་ལྟ་བུ། +

Dictionaries/sgom sde tshig mdzod chenmo/10184 +

རྨ་ག་ཆད་དང་དོན་འདྲ། མདོ་སྡེ་ཕལ་པོ་ཆེ་ལས་སངས་རྒྱས་ཕལ་པོ་ཆེའི་ཚབ་ཏུ། སངས་རྒྱས་རྨ་ག་ཅད་ཅེས་འབྱུང་སྟེ། དེ་ཉིད་ལས། སངས་རྒྱས་རྨ་ག་ཅད་ཅེས་བྱ་བ་ཤིན་ཏུ་རྒྱས་པའི་མདོ། བམ་པོ་གཉིས་པ། ཞེས་སོགས་འབྱུང་ངོ་། ། +

Dictionaries/sgom sde tshig mdzod chenmo/10185 +

1 ཕལ་པོ་ཆེ། +

Dictionaries/sgom sde tshig mdzod chenmo/10186 +

2 སྙན་གྱི་གོང་རྒྱན་། +

Dictionaries/sgom sde tshig mdzod chenmo/10187 +

3 ཡང་དག་པ་བཅས་ལ་འཇུག་པར། ལི་ཤིའི་གུར་ཁང་དང་། བཀའ་འགྱུར་དཀར་ཆགས་ལས་ཀྱང་གསུངས་ཏེ། དེ་ཉིད་ལས། དང་པོ་ཤིན་ཏུ་རྒྱས་པ་ཆེན་པོའི་མདོ་སྡེ་སངས་རྒྱས་ཕལ་པོ་ཆེ་ནི། བརྡ་རྙིང་དུ་སངས་རྒྱས་རྨ་ག་ཆད་དུ་གྲགས་ཤིང༌། ཡང་སྙན་གྱི་གོང་རྒྱན་དུའང་བསྒྱུར་བ་ཡོད་དེ། དེ་ལྟ་བུའི་མཚན་དེའང་བྱེ་བྲག་གི་མིང་སྤྱི་ལ་བཏགས་པར་གསལ་ཏེ། མདོ་འདིའི་ལེའུ་ཉི་ཤུ་རྩ་དགུའི་བར་དུ་ཕལ་པོ་ཆེ་ཞེས་དཀར་ཆག་ལྡན་དཀར་མ་སོགས་སུ་བཤད་པ་གང་ཞིག །དེས་ལྷག་མ་རྣམས་ལའང་མཚན་དེ་ལྟར་གྲགས་པའི་ཕྱིར་རོ། ། +

Dictionaries/sgom sde tshig mdzod chenmo/10188 +

དུག་སེལ་བའི་རིག་སྔགས་ཤིག་སྟེ། སྔོན་དགེ་སློང་ལ་སྦྲུལ་གདུག་པ་ཅན་ཞིག་གིས་སོ་བཏབ་སྟེ་འཆི་ལ་ཉེ་བའི་ཚེ། སྨན་པ་བསྟེན་ཏེ་བཅོས་ཐབས་ཅི་བྱས་ཀྱང་མ་ཕན་པར། མཐར་བཅོམ་ལྡན་འདས་ལ་ཞུས་ནས། བཅོམ་ལྡན་འདས་ཀྱིས་རྨ་བྱ་ཆེན་མོའི་རིག་སྔགས་འདི་གསུངས་ནས་ནད་ལས་གྲོལ་བའི་ལོ་རྒྱུས། འདུལ་བ་ལུང་གཞི་བམ་པོ་དྲུག་ཅུ་པ་ན་གསལ། +

Dictionaries/sgom sde tshig mdzod chenmo/10189 +

པ་ཚབ་ཀྱི་སྲས་ཀྱི་ཐུ་བོ་ཞིག ཁུ་ལོ་ཙཱ་བ་མདོ་སྡེ་འབར་དང་། ཁ་ཆེ་ཛ་ཡ་ཨཱ་ནནྡ་གཉིས་ཀའི་སློབ་མ་སྟེ། ཛ་ཡ་ཨཱ་ནནྡས་མཛད་པའི་རྟོག་གེའི་ཐོ་བའི་ཊཱིཀྐ་མཛད། རྩ་བ་ཤེས་རབ་ཀྱི་ཊཱིཀྐ་དང་། ཚིག་གསལ་གྱི་སྟོང་ཐུན་གྱི་ཊཱིཀྐ་དང་། འཇུག་འགྲེལ་གྱི་བསྡུས་དོན་གྱི་མཆན་དང་། དབུ་མའི་བསྡུས་པ་རྣམས་མཛད་དོ། །རྨ་བྱ་བྱང་བརྩོན་གྱིས་སྤ་ཚབ་ལས་དབུ་མ་དང་འདུས་པ་གཉིས་ཀ་གསན་པར་དེབ་སྔོན་དུ་བཤད་དོ། ། +

Dictionaries/sgom sde tshig mdzod chenmo/1019 +

8 ཤེས་པར་བྱ་བའམ་ཤེས་པར་བྱ་བའི་གཞི། བསླབ་པར་བྱ་བའམ་བསླབ་པར་བྱ་བའི་གཞི། དཔེར་ན་རིག་གནས། རིག་པའི་གནས་ཞེས་པ་ལྟ་བུ། +

Dictionaries/sgom sde tshig mdzod chenmo/10190 +

(འདུལ་བ) 1 རྨ་རྗེས། 2 ལུས་ལ་ཁབ་གཙག་བརྒྱབ་ནས་བྲིས་པའི་རི་མོ། ཁབ་གཙགས་རི་མོ། པགས་གཙགས་རི་མོ། འདུལ་བ་གཞི་རྒྱ་ཆེར་འགྲེལ་པ་ལས། གང་གི་ལུས་ལ་རྨ་མཚན་དག་ཡོད་པ་དེ་དག་ནི་ལུས་ལ་རྨ་མཚན་ཅན་དག་སྟེ། སྣག་ཚ་ལ་སོགས་པས་ལག་པ་ལ་བྲིས་པ་ནི་ལུས་ལ་རྨ་མཚན་ཅན་ཡིན་ཏེ། ཁབ་ལ་སོགས་པས་གཙགས་ཤིང་ཁྱི་རྗེས་ལ་སོགས་པའི་མངོན་མཚན་དག་གིས་མཚན་བཏབ་པའི་ཕྱིར་རོ། །ལྕག་ལ་སོགས་པས་གཞུས་པའི་རྨ་མཚན་ཡང་ཡིན་ནོ། །ཞེས་གསུངས་སོ། །དེང་སང་ཕྱི་རྒྱལ་བས (tattoo) ཟེར་བ་དེའོ། ། +

Dictionaries/sgom sde tshig mdzod chenmo/10191 +

(འདུལ་བ) མོ་མཚན་ཁ་ཕྱེ་ནས་སྟོན་པ། ལུང་རྣམ་འབྱེད་༼ ཉ ༽༢༡༩བ༦ལས། བཅོམ་ལྡན་འདས་ཀྱིས་བུད་མེད་ཀྱིས་སྐྱེས་པ་རྣམ་པ་བརྒྱད་ཀྱིས་འཆིང་བར་བྱེད་དེ། གར་དང་། གླུ་དང་། རོལ་མོ་དང་། གད་མོ་དང་། ངུ་བ་དང་། ལྟ་བ་དང་། རེག་པ་དང་། རྨ་འབྱེད་པས་སོ། ཞེས་གསུངས་པ་ལྟར་རོ། །རྣམ་འབྱེད་འགྲེལ་༼ ཚུ ༽༡༩༥ན༣ལས། རྨ་འབྱེད་ཅེས་བྱ་བ་ནི་གཅི་བའི་ལམ་བགྲོད་པའོ། །ཞེས་གསུངས། འདིའི་དོན་གང་ཡིན་བརྟག་དགོས་སོ། ། +

Dictionaries/sgom sde tshig mdzod chenmo/10192 +

(འདུལ་བ) ཁ་དང་རྐུབ་མོ་མཚན་གསུམ་གྱི་སྤྱི་མིང་། སྒྲ་བཤད་ནི། རྨ་ནི་སྐབས་འདིར་སྐྱོན་ནམ་མི་གཙང་བའི་དོན་ཡིན་པས། མི་གཙང་བ་འབབ་པའི་སྒོའམ་ལམ་ཡིན་པས་ན་དེ་སྐད་ཅེས་བརྗོད་དོ། །རྨ་ཞེས་པ་སྐྱོན་ལ་འཇུག་ཚུལ་ནི། རྣམ་བཤད་ཐར་ལམ་གསལ་བྱེད་ལས། དེས་ན་ཕ་གི་ན་དུ་བ་འདུག་པས་མེ་འདུག་སྙམ་ཡང་རྟགས་སུ་ནི་དུ་བ་ཉིད་སོང་བ་སྡེ་བདུན་གྱི་དགེངས་པ་རྨ་མེད་པའོ། །ཞེས་གསུངས་པ་ལྟ་བུའོ། །དེ་གསུམ་རྨ་སྒོ་ཞེས་བཏགས་པའི་རྒྱུ་མཚན་ནི། རབ་ཏུ་བྱུང་བ་རྣམས་དེ་དག་ལ་ཆགས་པ་སྤོང་བའི་ཆེད་དུ་ཡིན་ནོ། །རིན་ཆེན་ཕྲེང་བ་༼ གེ ༽༡༡༢བ༤ལས། ལུས་ཀྱི་གྲོང་ཁྱེར་མི་གཙང་བ། །འབྱུང་བའི་བུ་ག་དོད་པ་གང་། །དེ་ནི་སྐྱེ་བོ་བླུན་པོ་ཡིས། །དགའ་བའི་དོན་དུ་ཉེ་བར་བརྟགས། །ཞེས་གསུངས་སོ། ། +

Dictionaries/sgom sde tshig mdzod chenmo/10193 +

(འདུལ་བ) མི་གཙང་བ་འབབ་པའི་ལམ་གསུམ་ནི། ཁ་དང་། རྐུབ། མོ་མཚན་དང་གསུམ་མོ། །སྒྲ་བཤད་ནི། རྨ་སྒོ་ཞེས་པའི་ཐད་དུ་གཟིགས། +

Dictionaries/sgom sde tshig mdzod chenmo/10194 +

རྨའི་སྒྲོས་དང་དོན་འདྲ། +

Dictionaries/sgom sde tshig mdzod chenmo/10195 +

(བརྡ་རྙིང) རྨི་ལམ་གྱི་མིང་ཡིན་པར་མཆིམས་མཛོད་དུ་གསལ། ཞིབ་པར་རྨི་ལམ་ཞེས་པའི་ཐད་དུ་གཟིགས། +

Dictionaries/sgom sde tshig mdzod chenmo/10196 +

དམོད་མོ་དང་དོན་གཅིག གཞན་ལ་རྨངས་མོ་ཟེར་བ་ཞེས་པ་གཞན་ལ་དམོད་མོ་རྒྱག་པའི་དོན་ཡིན། +

Dictionaries/sgom sde tshig mdzod chenmo/10197 +

རྨད་དུ་བྱུང་བ། སྤྱོད་འཇུག་ཆེན་མོ་ལས། སེམས་ཀྱི་རིན་ཆེན་ཁྱད་པར་འདི། །སྔ་ན་མེད་པའི་རྨད་ཅིག་འཁྲུངས། །ཞེས་གསུངས་པ་ལྟ་བུའོ། ། +

Dictionaries/sgom sde tshig mdzod chenmo/10198 +

ཕུལ་དུ་བྱུང་བའམ། ངོ་མཚར་བ། ངོ་མཚར་རམ་ཡ་མཚན་སྐྱེ་བར་འོས་པའི་གནས། ཞིབ་པར་ངོ་མཚར་རྨད་དུ་བྱུང་བ་ཞེས་པའི་ཐད་དུ་གཟིགས། +

Dictionaries/sgom sde tshig mdzod chenmo/10199 +

གསུང་རབ་ཡན་ལག་བཅུ་གཉིས་ཀྱི་བཅུ་གཅིག་པ་ནི། མཆིམས་མཛོད་ལས། གང་ལས་སངས་རྒྱས་དང་བྱང་ཆུབ་སེམས་དཔའ་དང་ཉོན་ཐོས་རྣམས་ཀྱི་ཐུན་མོང་དང་ཐུན་མོང་མ་ཡིན་པའི་ཡོན་ཏན་གཞན་ལས་ཁྱད་པར་དུ་འཕགས་པ་ངོ་མཚར་རྨད་དུ་བྱུང་བར་གྲགས་པ་བསྟན་པ་རྨད་དུ་བྱུང་བའི་ཆོས་ཀྱི་སྡེ་དང༌། ཞེས་གསུངས་སོ། ། +

Dictionaries/sgom sde tshig mdzod chenmo/102 +

ཀ་ལི་དང་འདྲ། +

Dictionaries/sgom sde tshig mdzod chenmo/1020 +

བརྟན་གཡོ་དང་འདྲ། ཀེའུ་ཚངས་འཇམ་དབྱངས་སྨོན་ལམ་གྱི་སྦྱོར་ཆོས་སུ་ཚིག་འདི་བེད་སྤྱོད་བྱས་ཡོད། +

Dictionaries/sgom sde tshig mdzod chenmo/10200 +

རྨད་དུ་བྱུང་བའི་ཚིག་བསྡུས་པའོ། ། +

Dictionaries/sgom sde tshig mdzod chenmo/10201 +

མཁར་རྩེ་ཟེར་བ་དེང་སང་འཕན་ཡུལ་ལྷུན་གྲུབ་རྫོང་ཞེས་པ་དེ་ཡིན་གསུང་། +

Dictionaries/sgom sde tshig mdzod chenmo/10202 +

རྨ་ཤུལ། དབྱིན་སྐད་དུ་ (scar) ཟེར། མིག་ཆུང་གི་གཏམ་རྒྱུད་འཆད་པའི་སྐབས་ཀྱི་མདོ་སྡེ་ལས་བརྒྱ་པ་༼ ཧ ༽༩བ་༤ལས། དེས་དགྲ་བཅོམ་པ་ཉིད་ཐོབ་ནས། ཚེ་དང་ལྡན་པ་ཤཱ་རིའི་བུའི་རྐང་པ་གཉིས་སྣུམ་གྱིས་སྐུད་པ་ན། དེས་ཚེ་དང་ལྡན་པ་ཤཱ་རིའི་བུའི་རྐང་པའི་རྨའི་སྒྲོས་མཐོང་ངོ་། །ཞེས་གསུངས་པ་ལྟ་བུ། +

Dictionaries/sgom sde tshig mdzod chenmo/10203 +

རྨས་སྐྱོན་ཕོག་པའི་གང་ཟག རྨས་མ་དང་དོན་གཅིག +

Dictionaries/sgom sde tshig mdzod chenmo/10204 +

གཉིད་ལམ། རྨི་ལམ་ཇི་ལྟར་འབྱུང་བའི་ཚུལ་ནི། རྗེའི་རིམ་ལྔ་གསལ་སྒྲོན་ལས། གཙོ་བོ་ནི་རྒྱུད་གཞན་ལས། སྙིང་ཁ་དང་ནོར་བུར་གནས་པའི་ཐིག་ལེས་གཉིད་འཐུག་གི་སྐབས་དང༌། མགྲིན་པ་དང་ལྟེ་འོག་གི་གསང་གནས་ཀྱི་ཐིག་ལེས་རྨི་ལམ་དང༌། དཔྲལ་བ་དང་ལྟེ་བའི་ཐིག་ལས་སད་པའི་གནས་སྐབས་སྐྱེད་པར་གསུངས་པ་ལ་བརྟེན་ནས། གཉིད་དུ་འགྲོ་བའི་ཚེ་སྙིང་ཁ་དང་ནོར་བུར་རླུང་འདུ་ཚབས་ཆེ་བ་ལ་བརྟེན་ནས་རྨི་ལམ་མེད་པའི་གཉིད་འབྱུང་ཞིང༌། དེ་དེར་གནས་པའི་རིང་ལ་དེ་ལྟར་གནས་པ་དང༌། དེ་གཉིས་སུ་རླུང་འདུད་པ་ཅུང་ཞིག་གྱེས་ནས་མགྲིན་པ་དང་གསང་གནས་སུ་སོང་སྟེ་འདུས་པ་ལས་རྨི་ལམ་འབྱུང་ཞིང༌། ཞེས་གསུངས་པ་ལྟར་རོ། །རྨྱིད་ལམ། རྨྱི་ལམ། རྨི་ལམ། (རྨི་ལམ་ནི་རྨྱིད་ལམ་ཟུར་ཆག་པ་ཡིན་ཞིང་། དོན་དུ་གཉིད་ལམ་ཡིན) མནལ་ལམ། རྨང་ལམ། གཟིག་ལམ། (རྨི་ལམ་གྱི་ཞེ་སར་གཟིག་ལམ་ཟེར) གཟིགས་ལམ་རྣམས་དོན་གཅིག ཡིག་རྙིང་རྣམས་སུ་གཉིད་ལམ་ལ་རྨྱི་ལམ་མམ་རྨྱིད་ལམ་ཞེས་འབྲི་བར་སེམས། +

Dictionaries/sgom sde tshig mdzod chenmo/10205 +

རྨི་ལམ་ངན་པ་བཟློག་ཐབས་རྣམ་པ་བདུན་ཏེ། ཕྱོགས་སྐྱོང་ལ་གཏོར་མ་སྦྱིན་པ། མཁའ་འགྲོ་ལ་གཏོར་མ་སྦྱིན་པ། སྲུང་འཁོར་སྒོམ་པ། བཟླས་པ་བྱེད་པ། གོ་ཆའི་སྔགས་འགོད་པ། ལྷ་ལ་གསོལ་བ་འདེབས་པ། སྦྱིན་སྲེག་དང་བདུན་ནོ། ། +

Dictionaries/sgom sde tshig mdzod chenmo/10206 +

1 གཉིད་དུས་སུ་རྨི་ལམ་ལ་རྨི་ལམ་ཡིན་པར་ངོ་ཤེས་པ་ལ། རྨི་ལམ་ཟིན་པ་ཟེར། རྗེའི་རིམ་ལྔ་གསལ་སྒྲོན་དང་། རྗེའི་གསུང་ཟིན་བྲིས་གསང་འདུས་ཡིག་ཆུང་ཉེར་གཅིག་སོགས་ལས་བཤད། འཇམ་མགོན་ཀོང་སྤྲུལ་རིན་པོ་ཆེའི་རང་རྣམ་དུའང་གསལ། +

Dictionaries/sgom sde tshig mdzod chenmo/10207 +

2 རྗེའི་སྔགས་རིམ་༥༠༤ལས། དེ་བས་ཟབ་པ་ཞིག་ལ་གསུངས་འདུག་པ་འདི་ལྟར། གཉིད་ཀྱི་འོད་གསལ་དངོས་གཞི་དེ་ཡང་རླུང་གིས་མ་གཡོས་བར་དུ་འབྱུང་གི་རླུང་གིས་གཡོས་ནས་རྨི་ལམ་དུ་འགྲོ་བས། དེ་ཟིན་པའི་ཚེ་རྨི་ལམ་ལ་མི་འཆོར་བར་དེ་ཉིད་ལ་འཛིན་པའི་འཕེན་པ་དྲག་པོ་བཏང་ནས་སྐབས་དེ་ཉིད་དུ་སེམས་གཟུང་དགོས་པ་ནི། ཇི་སྲིད་དུ་ཞེས་སོགས་ཀྱི་དོན་ཏོ། །ཞེས་སོགས་གསུངས་སོ། །རྨི་ལམ་ལ་མི་འཆོར་བར་གཉིད་ཀྱི་འོད་གསལ་ལ་སེམས་འཛིན་པ་ལ། རྨི་ལམ་འཛིན་ཟེར་བ་ཡིན་ནམ་སྙམ་དཔྱད། རྗེའི་སྔགས་རིན་ཆེན་མོ་གོང་འོག་ཀུན་ལ་ཞིབ་ཏུ་གཟིགས། +

Dictionaries/sgom sde tshig mdzod chenmo/10208 +

རྨི་ལམ་ཟིན་དང་འདྲ། +

Dictionaries/sgom sde tshig mdzod chenmo/10209 +

རྨི་ལམ་ཐིག་པོ། འདུལ་བ་ལུང་གཞི་༼ ང་པ ༽༢༤༦བ༦ལས། དེའི་ཚེ་དེའི་དུས་ཀྱི་སྤྲེའུའི་ཚོགས་ཀྱི་དཔོན་པོ་རྨི་ལམ་རྣོ་བ་གང་ཡིན་པ་དེ་ནི་ང་ཡིན་ནོ། །ཞེས་པ་ལྟ་བུ། +

Dictionaries/sgom sde tshig mdzod chenmo/1021 +

ཕྱིའི་གནས་གསུམ། ནང་གི་གནས་གསུམ། གསང་བའི་གནས་གསུམ་དང་གསུམ་ལས། དང་པོ་ཕྱིའི་གནས་གསུམ་ནི། གངས་རི་སེང་གདོང་དཀར་པོ་སྐུ་ཡི་གནས། །ལ་ཕྱི་སྟག་གདོང་ཕྲ་མོ་གསུང་གི་གནས། །རྩ་རི་ཕག་གདོང་ནག་མོ་ཐུགས་ཀྱི་གནས། །ཞེས་འདས་ལོག་མ་བསྟན་འཛིན་ཆོས་སྒྲོན་གྱི་རྣམ་ཐར་དུ་གསུངས་པ་ལྟར་དང༌། ཡང་ན། ས་འོག་སྐུའི་གནས། ས་སྟེང་གསུང་གི་གནས། ས་བླ་ཐུགས་ཀྱི་གནས། ཞེས་བདེ་མཆོག་གི་སྐོར་ནས་གསུངས་པ་ལྟར་རོ། །གཉིས་པ་ནང་གི་གནས་གསུམ་ནི། སྤྱི་བོ་སྐུའི་གནས། མགྲིན་པ་གསུང་གི་གནས། སྙིང་ག་ཐུགས་ཀྱི་གནས་དང་གསུམ་མོ། ། གསུམ་པ་གསང་བའི་གནས་གསུམ་ནི། སྔགས་སྐྱེས། ཞིང་སྐྱེས། ལྷན་སྐྱེས་ཀྱི་མཁའ་འགྲོ་མ་གསུམ་ལ་ཟེར་ཏེ། རྒྱལ་བ་དགེ་འདུན་རྒྱ་མཚོས། ཞིང་སྐྱེས་ལྷན་ཅིག་སྐྱེས་དང་སྔགས་སྐྱེས་ཀྱི། །གནས་གསུམ་མཁའ་འགྲོའི་ཚོགས་ལ་དབང་བསྒྱུར་ཞིང༌། །ཞེས་གསུངས་པ་ལྟར་དང༌། བསྐྱེད་རིམ་དང༌། སོ་སྐྱེའི་རྫོགས་རིམ་དང༌། འཕགས་རྒྱུད་ཀྱི་རྫོགས་རིམ་གྱི་རྟོགས་པ་རྒྱུད་ལྡན་གྱི་རྣལ་འབྱོར་མ་ལ་རིམ་པ་ལྟར། སྔགས་སྐྱེས་དང༌། ཞིང་སྐྱེས་དང༌། ལྷན་སྐྱེས་ཀྱི་མཁའ་འགྲོ་མར་གསུངས་པ་ལྟར་རོ། །ཞེས་དངུལ་ཆུའི་གསུང་ན་གསལ་བ་ལྟར་རོ། ། +

Dictionaries/sgom sde tshig mdzod chenmo/10210 +

རྨི་ལམ་གྱི་ལུས་ཁྱད་པར་བ་ཅིག་ཡོད་པ་དེ་ལ་ཟེར། རྗེའི་རིམ་ལྔ་གསལ་སྒྲོན་ལས། རྨི་ལམ་འབྱུང་བ་ཙམ་མིན་གྱི་རྨི་ལམ་གྱི་ལུས་ཁྱད་པར་བ་ཅིག་ཡོད་པ་དེ་སྒྱུ་ལུས་ཀྱི་རིམ་པ་ཡིན་ལ། འདི་ལ་རྨི་ལམ་ལོངས་སྐུ་ཞེས་ཀྱང་བྱའོ། །ཞེས་གསུངས་སོ། ། +

Dictionaries/sgom sde tshig mdzod chenmo/10211 +

བསྲེ་བ་སྐོར་དགུའི་ལྔ་པ་དང༌། གཉིད་དུས་ཀྱི་བསྲེ་བ་གསུམ་གྱི་གཉིས་པ་རྨི་ལམ་ལོངས་སྐུ་དང་བསྲེ་བ་ནི། གཉིད་ཀྱི་འོད་གསལ་ལས་ལྡང་བར་རྩོམ་པ་དང་རྨི་ལམ་འཆར་བས། དེའི་དུས་སུ་རྨི་ལམ་གྱི་ལུས་དེ་རྣམ་སྨིན་གྱི་ལུས་ལས་ལོགས་སུ་བྱེ་བའི་ལོངས་སྐུ་དང་པོའི་མགོན་པོའམ། འཇིགས་བྱེད་ལྟར་ན་ལོངས་སྐུ་རྒྱུ་རྡོ་རྗེ་འཛིན་པ་འཇམ་དཔལ་གཞོན་ནུར་གྱུར་པའི་སྐུ་འཇའ་ཚོན་ལྟ་བུར་སྐད་ཅིག་གིས་ལངས་ཏེ་ཇི་ཙམ་གནས་གནས་ཀྱི་བར་དུ་སྒྱུ་མ་ལྟ་བུའི་ཏིང་ངེ་འཛིན་ལ་མཉམ་པར་འཇོག་པ་ནི་རྨི་ལམ་ལོངས་སྐུ་དང་བསྲེ་བའོ། ། +

Dictionaries/sgom sde tshig mdzod chenmo/10212 +

(བཀའ་བརྒྱུད) བག་ཆགས་ལས་བྱུང་བའི་རྨི་ལམ་གྱི་ལུས་རླུང་སེམས་ཕྲ་བ་ལས་གྲུབ་པ་གང་ལའང་ཐོགས་པ་མེད་པ་དེའོ། ། +

Dictionaries/sgom sde tshig mdzod chenmo/10213 +

རྨིག་པ་ཁ་གཉིས་སུ་གྱེས་པ། བ་ཕྱུགས་དང་མ་ཧེ་སོགས་ཀྱི་རྨིག་པ་ལྟ་བུ། +

Dictionaries/sgom sde tshig mdzod chenmo/10214 +

རྨིག་པ་ཟླུམ་པོ་དང་འདྲ། རྟོག་གེ་འབར་བ་ལས། ཐལ་ཁུང་ན་འགྲེ་བ་དང༌། དུ་བའི་ཁ་དོག་དང༌། སྒྲ་བོ་ཆེ་དང༌། རྨིག་པ་གཅིག་པ་དང༌། རྣ་བ་རིང་བ་ལ་སོགས་པའི་མཚན་ཉིད་དང་ལྡན་པའི་བོང་བུའི་བདག་ཉིད་ཞེས་སོགས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10215 +

རྨིག་པ་ཁ་གྱེས་པ་མིན་པར་ཟླུམ་པོར་ཡོད་པ། རྟ་དང་བོང་བུའི་རྨིག་པ་ལྟ་བུ། +

Dictionaries/sgom sde tshig mdzod chenmo/10216 +

ལྷ་ཡུལ་དུ་འགྲོ་བའི་དཔྱང་ཐག་ལྟ་བུ་ཞིག་ལ་གནའ་བོའི་བོན་རྣམས་ངོས་འཛིན་བྱེད། བུ་སྟོན་ཆོས་འབྱུང་ན་དམུ་ཐག་ཅེས་ཀྱང་སྣང་བས་འབྲི་ཚུལ་གཉིས་ཀའང་འཐད་པར་སེམས་སོ། །རྨུ་ཐག་དང་རྨུ་སྐས་གཉིས་ཕལ་ཆེར་དོན་འདྲ་བར་སེམས་སོ། ། +

Dictionaries/sgom sde tshig mdzod chenmo/10217 +

ལྷ་ཡུལ་དུ་འགྲོ་བའི་ཐག་པའི་སྐས་འཛེག་ཅིག་ལ་གནའ་བོའི་བོན་རྣམས་ངོས་འཛིན་བྱེད། བུ་སྟོན་ཆོས་འབྱུང་ན་དམུ་སྐས་ཞེས་ཀྱང་སྣང་བས་འབྲི་ཚུལ་གཉིས་ཀའང་འཐད་པར་སེམས་སོ། ། +

Dictionaries/sgom sde tshig mdzod chenmo/10218 +

1 (མིང་ཚི) གཏི་མུག་གི་ཆར་གཏོགས་གང་ཞིག ལུས་སེམས་ལྕི་ཞིང་ལས་སུ་མི་རུང་བར་བྱེད་ལ་བྱིང་བའི་རྒྱུར་གྱུར་པའི་སེམས་བྱུང་ཞིག་ལ་ཟེར། རྗེའི་ལམ་རིམ་ཆེན་མོ་ལ་གཞི་བྱས། དེ་ཉིད་ལས། གངས་རིའི་ཁྲོད་ཀྱི་བསམ་གཏན་པ་ཕལ་མོ་ཆེ་རྣམས་ནི། ཡུལ་གཞན་ལ་འཕྲོ་བ་མེད་པར་གནས་ཤིང་གསལ་དྭངས་ནི་མེད་པའི་སེམས་རྨུགས་པ་ཞིག་ལ་བྱིང་བར་འདོད་པར་སྣང་ངོ༌། །དེ་ནི་མི་རིགས་ཏེ། རྨུགས་པ་ནི་བྱིང་བའི་རྒྱུར་གསུངས་པས་དེ་གཉིས་སོ་སོ་ཡིན་པའི་ཕྱིར་ཏེ། ཞེས་སོགས་གསུངས། +

Dictionaries/sgom sde tshig mdzod chenmo/10219 +

2 (བྱེད་འབྲེལ་ལས་ཚིག་འདས་པ) རྨུག་པའི་འདས་པ། ཁྱིས་རྨུགས་ལྟ་བུ། +

Dictionaries/sgom sde tshig mdzod chenmo/1022 +

སྔར་དྲི་བཅས་ཀྱི་གནས་སྐབས་ལས་ཕྱིས་དྲི་མས་དག་པའི་གནས་སྐབས་གཞན་དུ་གྱུར་པའམ། འགྱུར་བ་ཕྱིན་པ་བཅས་ཀྱི་དོན། +

Dictionaries/sgom sde tshig mdzod chenmo/10220 +

<ཛམྦྷན> སྔགས་ཀྱིས་གཞན་སེམས་རྨོངས་པར་བྱེད་པའི་མིང་། སྒྲ་བཤད་ནི། རྨུགས་པ་ནི་རྨོངས་པའི་དོན་ཡིན་པས་སྔགས་ཀྱིས་གཞན་སེམས་རྨོངས་པར་བྱེད་པས་ན་དེ་སྐད་ཅེས་བྱའོ། །བྱེ་བྲག་རྟོགས་བྱེད་འབྲིང་པོའམ་སྒྲ་སྦྱོར་བམ་གཉིས་༼ ཅོ་པ ༽༡༥༤བ༢ལས། ཛམྦྷན་ཞེས་བྱ་བ་སྔགས་ཀྱིས་སེམས་རྨོངས་པར་བྱེད་པའི་མིང་སྟེ་རྨུགས་བྱེད་ཅེས་བྱ། ཞེས་གསུངས། +

Dictionaries/sgom sde tshig mdzod chenmo/10221 +

བླུན་པོའི་དོན་དུ་ལི་ཤིའི་གུར་ཁང་དུ་བཤད། དམུན་པ་དང་འདྲ། དེའི་ཐད་དུ་གཟིགས། +

Dictionaries/sgom sde tshig mdzod chenmo/10222 +

རྩོག་པ། +

Dictionaries/sgom sde tshig mdzod chenmo/10223 +

རྒྱ་བོད་ཀྱི་ས་མཚམས་སུ་ཆགས་པའི་ལུང་པ་ཞིག (འདི་རྒྱ་ནག་གི་ཡུལ་ཡིན་པ་རྒྱལ་རབས་གསལ་བའི་མེ་ལོང་ཤོག་གྲངས་༢༣༡ན་གསུངས་ཏེ། དེ་ཉིད་ལས། རྒྱ་ཡུལ་རྨེ་རུ་བྱ་བའི་སོ་མཚམས་སུ་བཙན་པོ་དབོན་ཞང་གཉིས་ཀྱིས་ལྷ་ཁང་རེ་བརྩིགས། ཞེས་གསུངས་སོ) ཕྱི་ལོ་༨༨༢ལོར་རྒྱལ་པོ་ཁྲི་རལ་པ་ཅན་གྱིས་རྒྱ་བོད་དབར་ཞལ་འཆམ་གྱི་ཞི་བདེའི་ཆིངས་ཡིག་འཁོད་པའི་རྡོ་རིང་གསུམ་བཙུགས་ཤིང་། དེ་ཡང་ལྷ་ལྡན་གཙུག་ལག་ཁང་གི་མདུན་དུ་སར་རྡོ་རིང་གཅིག རྒྱ་ནག་གི་རྒྱལ་པོའི་ཕོ་བྲང་གི་མདུན་དུ་གཅིག རྨེ་རུར་རྡོ་རིང་གཅིག་བཅས་གསུམ་བཙུགས་སོ། ། +

Dictionaries/sgom sde tshig mdzod chenmo/10224 +

རིགས་ངན་ཤན་པ་ལ་བྱ་བར་བཤད། འགའ་ཞིག་གིས། སྡིག་པ་རྭ་ཙ་དང་། དུར་ཁྲོད་ཀྱི་མི་ཤ་ཟ་བའི་རྒོད་སོགས་ལ་བཤད་པའང་ཡོད་ཅེས་དབྱངས་ཅན་དགའ་བློ་གསུང་ངོ་། ། +

Dictionaries/sgom sde tshig mdzod chenmo/10225 +

ཉམས་དང་། ནུས་པ། འཁོས་བཅས་ཀྱི་དོན། པཎ་ཆེན་ཤཱཀ་མཆོག་པས། རྨེག་ཅེས་བྱ་བ་ཉམས་དང་ནི། །འཁོས་ཀྱི་མིང་དུ་བཏགས་པ་སྟེ། །རྨེག་མེད་པ་ནི་དེ་མེད་པའོ། །ཞེས་གསུངས་སོ། ། +

Dictionaries/sgom sde tshig mdzod chenmo/10226 +

(འདུལ་བ) རྨེག་བཏའ་དང་དོན་འདྲ་བར་བཤད། +

Dictionaries/sgom sde tshig mdzod chenmo/10227 +

(འདུལ་བ) ནུས་མེད་དུ་བཏང་བ། ཤུལ་མེད་དུ་བཏང་བའམ། ཤུལ་མེད་དུ་བརླག་པའི་དོན་ཡིན། བརླག་པའི་དོན་དུ། བསྟན་དར་ལྷ་རམས་པས་གསུངས། འདུལ་བ་ལུང་གཞི་༼ ག ༽ལས། དེས་རི་ཁྲོད་པ་དེ་རྣམས་བཅོམ་རབ་ཏུ་བཅོམ་སྟེ་རྨེག་བཏའོ། །དེ་ནས་ཤཱཀྱ་རྣམས་མགུ་ནས་རྒྱལ་པོ་སེང་གེ་འགྲམ་གྱི་དྲུང་དུ་དོང་སྟེ། ལྷ་གཞོན་ནུས་རི་ཁྲོད་པ་རྣམས་བཅོམ་རབ་ཏུ་བཅོམ་སྟེ་རྨེག་བཏའ་ལགས་པས་བདག་ཅག་གློ་བ་དགའ་ན་གཞོན་ནུ་མཆོག་ཅི་བཞེད་གསུང་ཤིག་དབུལ་ལོ། ། +

Dictionaries/sgom sde tshig mdzod chenmo/10228 +

གཏན་མེད། རྩ་མེད། +

Dictionaries/sgom sde tshig mdzod chenmo/10229 +

(བརྡ་རྙིང) 1 འདྲི་བའི་བརྡ་རྙིང་དུ་བཤད་ཀྱང་། འདི་འདྲི་བ་དང་སྨྲ་བའི་དོན་གཉིས་ཀར་འཇུག འདུལ་བ་ལུང་གཞི་༼ ག་པ ༽༡༧༧བ༥ལས། སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་རྒྱུ་གང་དང་རྐྱེན་གང་གིས་ན་ད་ལྟར་དགེ་སློང་ཉུང་བར་གྱུར། ཞེས་དང་། 2 ཞིང་རྨོད་པའམ་རྨོ་བའི་དོན། འདུལ་བ་ལུང་གཞི་༼ ཁ་པ ༽ལས། ཇི་ཙམ་ནས་ཕྱོགས་ཤིག་ན་བྲམ་ཟེ་ཞིག་ཟན་མ་ཟོས་པར་ཞིང་རྨེད་པ་ན། ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/1023 +

<དཽཥྛུལྱ> 1 ལྟུང་བ། ཉེས་པ། སྐྱོན་བཅས་ལ་ཟེར། ལྟུང་བ་ལ་འཇུག་པ་ནི། དཔེར་ན་དགེ་སློང་གཞན་གྱི་ཕམ་ལྷག་གི་ལྟུང་བའི་ཉེས་པ་བརྗོད་པ་ལ། གནས་ངན་ལེན་བརྗོད་ཅེས་པ་ལྟ་བུ། ཉེས་པ་ལ་འཇུག་པ་ནི། དགེ་སློང་གཞན་གྱི་ལྟུང་བའི་ཉེས་པ་འཆབ་པ་ལ། གནས་ངན་ལེན་འཆབ་ཅེས་པ་ལྟ་བུ། སྐྱོན་ལ་འཇུག་པ་ནི། ལུས་ངག་གི་གནས་ངན་ཞེས་པ་ལྟ་བུ། དེ་ཡང་རྗེའི་དྲང་ངེས་ལེགས་བཤད་སྙིང་པོ་ལས། ལུས་དང་ངག་གི་འཇུག་པ་ནི་དགྲ་བཅོམ་པ་ལ་ཡོད་པ་སྤྲེའུ་ལྟར་མཆོང་བ་དང་གཞན་ལ་རྨངས་མོ་ཞེས་ཟེར་བའི་ལུས་ངག་གི་གནས་ངན་ལེན་སྟོན་པས་བཀག་ཀྱང་མ་ལོག་པ་ལྟ་བུ་ཡིན་ནོ། །ཞེས་གསུངས་པ་ལྟ་བུའོ།། བྱེ་བྲག་རྟོགས་བྱེད་འབྲིང་པོའམ་སྒྲ་སྦྱོར་བམ་པོ་གཉིས་པ་༼ ཅོ་པ ༽༡༥༢བ༣ལས། དཽཥྛུལྱ་ཞེས་བྱ་བ་དུ་ནི་སྨད་པའམ་ངན་པ། ཥྛུན་ག་ཏི་པྲཏི་ཞེས་བྱ་སྟེ་གནས་པ་ལ་བྱ། ལནེཨཱདན་སྟེ་ལེན་པའམ་འཛིན་པའོ། །གཅིག་ཏུ་ན་དུཥྚུ་ནི་ཉེས་པའམ་སྐྱོན་གྱི་མིང་། ལ་ནི་གོང་དུ་བཤད་པ་དང་འདྲ་སྟེ། སྤྱིར་ན་ལྟུང་བ་དང་སྒྲིབ་པའི་མིང་སྟེ་གནས་ངན་ལེན་དུ་བཏགས། ཞེས་གསུངས་སོ། །གནས་ངན་ལེན་ཞེས་པའི་ཐ་སྙད་འདི་ཐོག་མར་ཆོས་འདུལ་བའི་ལྟུང་བ་དང་ཉེས་པ་དང་སྐྱོན་གྱི་དོན་ལ་འཇུག་པའི་ཐ་སྙད་ཅིག་ཡིན་པ་ལ། ཕྱིས་རིམ་གྱིས་ཁྱབ་བརྡལ་དུ་སོང་སྟེ། སྒྲིབ་པ་དང་། བག་ཆགས་དང་ས་བོན་སོགས་འཇུག་ཡུལ་མི་འདྲ་བ་ལ་བེད་སྤྱོད་བྱས་པ་འདྲའོ། །2 སྒྲིབ་པ། རྒྱལ་ཚབ་ཆོས་རྗེའི་རྣམ་བཤད་སྙིང་པོ་རྒྱན་ལས། བར་ཆད་མེད་ལམ་གྱི་དུས་ན་ངོས་སྐལ་གྱི་སྤང་བྱ་དེ་མེད་ཅིང་སྐྱེར་མི་རུང་བའི་ཆོས་ཅན་ཡིན་ཡང༌། རྐྱེན་མ་ཚང་བས་ཡིན་གྱི་སོ་སོར་བརྟགས་འགོག་ཐོབ་པ་ནི་མ་ཡིན་ནོ། །འདི་ལ་དཔགས་ནས་ས་བཅུ་རྒྱུན་གྱི་ཐ་མའི་བར་ཆད་མེད་ལམ་གྱི་དུས་ན་གནས་ངན་ལེན་གྱི་དྲི་མ་ཕྲ་མོ་རྡུལ་ཙམ་ཡང་མེད་ཀྱང་ཟད་པར་སྤངས་པ་ཞེས་མི་བྱ་སྟེ། ཞེས་གསུངས་པ་ལྟར་རོ། །3 ཉོན་མོངས་ཀྱི་ནུས་པའམ་བག་ཆགས་ས་བོན། སེམས་ཀྱི་འཛིན་པ་ཕྱིན་ཅི་ལོག་གོང་ནས་གོང་དུ་བསྐྱེད་པའི་ནུས་པའམ་བག་ཆགས། ལས་ངན་དང་དེའི་བག་ཆགས་བཅས་ལ་ཟེར། རྗེའི་ལམ་རིམ་ཆེན་མོ་ལས། དེ་ལ་གནས་ངན་ལེན་ནི། ཡུལ་ཅན་ཕྱིན་ཅི་ལོག་གོང་ནས་གོང་དུ་བསྐྱེད་པའི་ནུས་པ་སེམས་རྒྱུད་ལ་གནས་པའི་བག་ཆགས་དང་། ཞེས་གསུངས། ཡང་དེ་ཉིད་ལས། སྡུག་བསྔལ་དང་ཉོན་མོངས་པ་ཕྱི་མ་རྣམས་སྐྱེ་བའི་ས་བོན་རྗེས་སུ་འབྲེལ་བས་ན་ཀུན་ཏུ་འགྲོ་བའི་གནས་ངན་ལེན་དང་ལྡན་པའོ། །ཞེས་གསུངས། དབྱངས་ཅན་དགའ་བློའི་ལམ་རིམ་བརྡ་བཀྲོལ་ལས། གནས་ངན་ལེན་ཞེས་པ་ནི། རྐྱེན་དང་ནམ་ཕྲད་པའི་ཚེ་ཉོན་མོངས་པ་དང་སྡུག་བསྔལ་སྐྱེད་བྱེད་ཀྱི་ས་བོན་དང་བག་ཆགས་ཀྱི་མིང་སྟེ། ད་ལྟ་སྡུག་བསྔལ་བར་བྱེད་པའི་གཞི་ཡིན་པས་ན་གནས་དང་། སླར་སྡུག་བསྔལ་ཕྱི་མ་འདྲེན་པས་ན་ངན་ལེན་ཞེས་པའོ། །ཞེས་གསུངས། 4 སྡུག་བསྔལ་གྱི་རྒྱུ་ལ་འཇུག་པའི་དོན། སྒྲ་བཤད་ནི། གནས་ངན་པ་ནི་ཉེས་པའི་དོན་ཡིན་ལ། ལེན་པ་ནི་སྐྱེད་པར་བྱེད་པ་སྟེ། ཉེས་པ་སྐྱེད་བྱེད་ཅེས་བྱ་བའི་དོན་ནོ། །དགེ་ལེགས་བཤེས་གཉེན་གྱི་གསུང་ལ་གཞི་བྱས། ཡང་ན། སྡུག་བསྔལ་གྱི་རྒྱུ་ནི་ཤིན་ཏུ་ལྡང་བར་དཀའ་བའི་ཕྱིར་གནས་ངན་ཞེས་བྱ་ལ། དེ་ཁས་ལེན་པའམ་དེ་ལ་འཇུག་པའི་ཕྱིར་གནས་ངན་ལེན་ཞེས་བྱའོ། །

Dictionaries/sgom sde tshig mdzod chenmo/10230 +

(བརྡ་རྙིང) ནས་ཀྱི་བརྡ་རྙིང་། ཡོངས་འཛིན་ཁྲི་ཆེན་ངག་དབང་སྙན་གྲགས་དཔལ་བཟང་པོས། རྨེའུ་ནི་ནས་ཀྱི་བརྡ་རྙིང་ཡིན་གསུང་ངོ་། །ཞེས་དབྱངས་ཅན་དགའ་བློའི་ལམ་རིམ་བརྡ་བཀྲོལ་ལས་གསུངས་སོ། ། +

Dictionaries/sgom sde tshig mdzod chenmo/10231 +

1 ནས་ཀྱི་ཟན། ཞེས་རྒྱལ་མཆོག་བདུན་པ་གསུང་། +

Dictionaries/sgom sde tshig mdzod chenmo/10232 +

2 རྨེའུ་ཟན་ནི་རྩམ་པ་དང་མར་བུ་རམ་སོགས་བསྲེས་པའི་འཕན་ཡུལ་གྱི་ཟས་ཤིག་གི་མིང་ཡིན་པར་བཤད། ལོ་རྒྱུས་ནི། ཁྱིམ་ཚང་ཞིག་ཏུ་རྨེའུ་ཟན་ནང་མི་ཚང་མར་ཆ་སྙོམས་སུ་བགོས་ནས་ཡོད་པ་ལ། བུས་དྲན་རྒྱུ་རྒོད་པོ་བྱས་ཏེ་ཕ་མ་གཉིས་ཀྱི་སྐལ་བ་ནས་ཟོས། རང་གི་སྐལ་བ་རྒྱབ་ཏུ་སྦས་ནས་བཞག་པ་ཁྱིས་ཁྱེར་བ་ཤེས་པ་ན་ཕངས་ཏེ་འགྱོད་ཅིང་ངུས་པའི་དཔེ་ཞིག་སྟེ། ངེད་ཅག་དགོས་པ་ཆུང་ཚེགས་ལའང་ཕངས་ཤིང་འགྱོད་ན། དལ་འབྱོར་ཆུད་ཟོས་སུ་གཏོང་བར་ཅིས་མི་ཕངས་ཏེ་ཕངས་རིགས་སོ་ཞེས་སྙིང་པོ་ལེན་པར་གདམས་པའི་དཔེ་ཞིག་གོ། +

Dictionaries/sgom sde tshig mdzod chenmo/10233 +

(འདུལ་བ) སྤང་ལྟུང་སུམ་ཅུའི་བཅུ་བདུན་པ་ནི། དགེ་སློང་མ་ལ་བལ་རྨེལ་དུ་བཅུག་པའི་ལྟུང་བྱེད་དོ། ། +

Dictionaries/sgom sde tshig mdzod chenmo/10234 +

རྨོང་སྤུ་དང་འདྲ། འོན་ཀྱང་རྨོང་ཟེ་ཞེས་པ་བུད་མེད་ཀྱི་རྨོང་སྤུ་ལ་ཤས་ཆེར་བེད་སྤྱོད་བྱེད། +

Dictionaries/sgom sde tshig mdzod chenmo/10235 +

ཕོ་མོའི་རྟགས་ཀྱི་ཉེ་འཁོར་གྱི་སྤུའི་མིང་། ཕལ་སྐད་དུ་དེ་ལ་རྨོང་ཟེ་ཡང་ཟེར། +

Dictionaries/sgom sde tshig mdzod chenmo/10236 +

<མོ་ཧན> 1 སྔགས་ཀྱིས་སེམས་བླུན་ཞིང་མི་དྲན་པར་འགྱུར་བའི་མིང་། བྱེ་བྲག་རྟོགས་བྱེད་འབྲིང་པོའམ་སྒྲ་སྦྱོར་བམ་གཉིས་༼ ཅོ་པ ༽༡༥༤བ༤ལས། མོ་ཧན་ཞེས་བྱ་བ་སྔགས་ཀྱིས་སེམས་བླུན་ཞིང་མི་དྲན་པར་འགྱུར་བའི་མིང་སྟེ་རྨོངས་བྱེད་ཅེས་བྱ། ཞེས་གསུངས། 2 མདའ་ལྔའི་ཡ་གྱལ་ཏེ། མཐུ་དང་སྔགས་ཀྱི་སྟོབས་ཀྱིས་གཞན་འདོད་ཆགས་ཀྱིས་མྱོས་ནས་རྨོངས་པར་བྱེད་པ་ལའང་ཟེར། +

Dictionaries/sgom sde tshig mdzod chenmo/10237 +

བླུན་པོ། རྨོངས་རྟུལ་གྱི་བརྡ་རྙིང་ལ་མོང་རྟུལ་ཞེས་བྱ། བོད་རྒྱ་ཚིག་མཛོད་ཆེན་མོར། བླུན་མོ་ཞེས་མོ་རྟགས་སྦྱར་བའི་རྒྱུ་མཚན་གང་ཡིན་ནམ། རྨོངས་རྟུལ་ཞེས་པ་བླུན་པོ་སྤྱིའི་མིང་ཡིན་མོད། བུད་མེད་བླུན་མོ་གཅིག་པུ་ལ་གོ་བ་ཡིན་ནམ་སྙམ་པའི་ལོག་རྟོག་འབྱུང་ཉེན་འདུག་པས་མི་ལེགས་སོ། ། +

Dictionaries/sgom sde tshig mdzod chenmo/10238 +

རྨོང་སྤུ་དང་འདྲ། +

Dictionaries/sgom sde tshig mdzod chenmo/10239 +

རྨོས་གླང་དང་དོན་འདྲ། +

Dictionaries/sgom sde tshig mdzod chenmo/1024 +

གནས་ངན་ལེན་དང་འདྲ། +

Dictionaries/sgom sde tshig mdzod chenmo/10240 +

ཞིང་རྨོ་བའི་གླང་སོགས་གཉའ་ཤིང་གིས་སྦྲེལ་བ་ཆ་རེ་ལ་ཟེར། འདི་ལ་རྨོན་པའང་ཟེར་བར་བཤད། དོར་དང་དོ་ཞེས་པ་གཉིས་ཀྱི་དོན་ཡིན་པར་སེམས། +

Dictionaries/sgom sde tshig mdzod chenmo/10241 +

1 ཞིང་རྨོ་བའི་དོན། རྨོན་པ་རྒྱག་ཅེས་པ་ལྟ་བུ། +

Dictionaries/sgom sde tshig mdzod chenmo/10242 +

2 རྨོན་དོར་དང་དོན་གཅིག་པར། དབྱངས་ཅན་དགའ་བློས་བཤད། +

Dictionaries/sgom sde tshig mdzod chenmo/10243 +

རྨོད་རྒྱག་བྱེད་ཀྱི་གླང་གོག +

Dictionaries/sgom sde tshig mdzod chenmo/10244 +

1 ལུས་ཞུམ་ཞིང་ཉམ་ཆུང་བའི་དོན། ངལ་བ་དང་རྨྱ་སེལ་ཞེས་པ་ལྟ་བུ། འགྲེལ་པ་ཟླ་ཟེར་༼ ཀོ་པ ༽༦༥བ་༥ལས། ལུས་ཞུམ་ཞིང་ཉམ་ཆུང་བ་ནི་རྨྱ་བ་ཞེས་བྱ་སྟེ། ཞེས་གསུངས་སོ། ། +

Dictionaries/sgom sde tshig mdzod chenmo/10245 +

2 ལུས་སེམས་ལས་སུ་མི་རུང་བའི་ལྕི་བ་ལ་ཟེར། རིན་ཆེན་ཕྲེང་བའི་རྒྱ་ཆེར་བཤད་པ་༡༦༢བ ༤ལས། རྨྱ་བ་ནི་ལུས་དང་སེམས་ལྕི་བ་ཉིད་དེ། ལུས་ལས་སུ་མི་རུང་བ་ཉིད་དང་། སེམས་ལས་སུ་མི་རུང་བ་ཉིད་དོ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10246 +

3 ཉམས་པ། ལི་ཤིའི་གུར་ཁང་ལས་བཤད་དོ། །མེའི་དུགས་ཀྱིས་མྱོས་ཤིང་འཁྲུགས་པའི་དོན་དུ་བུ་སྟོན་རིན་པོ་ཆེའི་མདོ་རྩའི་རྣམ་བཤད་༤༩བ༡ལས་བཤད་དོ། །དབྱངས་ཅན་དགའ་བློའི་ལམ་རིམ་བརྡ་བཀྲོལ་ལས། རྨྱ་བ་ནི། ཁམས་མྱོག་པའམ་ཁམས་འཁྲུགས་ནས་དྲན་པ་ཉམས་པ། ཤིན་ཏུ་ཐང་ཆད་དེ་མྱོས་པའི་དོན་ལའང་བཤད་དོ། །ཞེས་གསུངས་སོ། །འདིའི་ཐད་ཀྱི་རིན་ཆེན་ཕྲེང་བ་༼ གེ ༽༡༢༣ན ༥ལས། ལུས་སེམས་ལྕི་ཕྱིར་ལས་བྲལ་བ། །གང་ཡིན་པ་ནི་རྨི་བའོ། །ཞེས་གསུངས་པའི་རྨི་བ་དང་རྨྱ་བ་གཉིས་དོན་གཅིག་ཡིན་མིན་དཔྱད་དོ། ། +

Dictionaries/sgom sde tshig mdzod chenmo/10247 +

(བྱེད་འབྲེལ་ལས་ཚིག་མ་འོངས་པ) བརྐྱང་བའི་དོན། བསྟན་འགྱུར་༼ ཉོ་པ ༽༤༢ན༥ལས། རླུང་གི་ཁམས་གང་ཞེ་ན། གང་བསྐུམ་པ་དང་། རྨྱང་བ་དང་། ཡང་ཞིང་གཡོ་བའོ་ཞེས་བྱ་བ་ལ། ལུས་ཀྱི་རྐང་ལག་ལ་སོགས་པ་ནང་བསྐུམ་ཞིང་ཕྱིར་རྨྱངས་པ་དང་། ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10248 +

(བྱེད་འབྲེལ་ལས་ཚིག་འདས་པ) རྨྱོང་བའི་འདས་པ། +

Dictionaries/sgom sde tshig mdzod chenmo/10249 +

(བྱེད་འབྲེལ་ལས་ཚིག་ད་ལྟ་བ) རྐྱོང་བའི་དོན། རྨྱང་བ་ལ་གཟིགས། +

Dictionaries/sgom sde tshig mdzod chenmo/1025 +

འདོད་ཆགས་དང་ཞེ་སྡང་སོགས་རྩ་ཉོན་དང་ཁྲོ་བ་དང་འཁོན་འཛིན་སོགས་ཉེ་བའི་ཉོན་མོངས་པ་རྣམས་ཀྱི་ས་བོན་ནོ། ། +

Dictionaries/sgom sde tshig mdzod chenmo/10250 +

རྩ་དབུ་མའི་མར་སྣ་ཁ་བྱེ་བའི་དོན། དེ་ཡང་རྣལ་འབྱོར་པས་རོ་འཛིན་དང་སོར་མོ་རིང་པོ་གསུམ་སྦྲུལ་གྱི་མགོ་ལྟར་བྱས་ནས་ཕྱག་རྒྱ་མའི་བྱ་རོག་གདོང་ཡང་དང་ཡང་དུ་བསྐུལ་བའམ་དྲུད་པས་སྙིང་འདར་བ་དང༌། དགའ་བས་མྱོས་ཤིང་བྱང་སེམས་ཀྱི་རྒྱུན་ཕྲ་མོ་འཛག་ལ། ངོ་ཚ་བ་ལ་སོགས་པ་དང་བྲལ་ཏེ། བ་སྤུ་ལངས་ཤིང་ཤིན་ཏུ་ཆགས་པས་བལྟ་ཞིང་འཁྱུད་པ་དང་ནུ་མ་ནུ་བར་འགྱུར་ཞིང་སིད་སྒྲ་སྒྲོག་པ་རྣམས་ཡིན་ལ། དེ་རྣམས་ནི་སོར་མོ་དང་ལྕེས་བསྐུལ་བའི་རྩ་ཁ་བྱེ་བའི་རྟགས་ཡིན་ནོ། །རྗེའི་ཞལ་ཤེས་ལས་འབྱུང་བ་ལ་གཞི་བྱས་ཏེ་བཀོད། སྤྱིར་བཏང་རྩ་ཁ་བྱེ་བ་ཙམ་ནི་ཐ་མལ་པའི་ཆགས་པ་ཧ་ཅང་རྒྱས་པ་ལའང་འོང་བ་ཡིན་ནམ་སྙམ་མོ་དཔྱད། +

Dictionaries/sgom sde tshig mdzod chenmo/10251 +

རྩ་བའམ་ཐོག་མའི་འབྱུང་ཁུངས། དུ་ཀཱུ་ལའི་གོས་བཟང་གླེགས་བམ་དང་པོ་༢༣ལས། སྟག་རྩེའི་ཟ་ཧོར་རྒྱུད་པ་ནི། རྒྱ་གར་ཡུལ་གྱི་ཟ་ཧོར་མིན་ཞེས་རྒྱ་ནག་ཏུ་ཟ་ཧོར་ཟུར་པ་ཞིག་ཡོད་ཁུལ་བྱས་སྣང་བ་གཉིས་ཀ་རྩ་ཁུངས་མ་ཆོད་པའི་རྨོངས་གཏམ་ཁོ་ནར་ཟད་དེ། ཞེས་གསུངས། +

Dictionaries/sgom sde tshig mdzod chenmo/10252 +

(གསང་སྔགས) རོ་རྐྱང་དབུ་མ་གསུམ་གྱི་ཡར་སྣེ་དང་མར་སྣེའི་ཐད་དུ་གཟིགས། +

Dictionaries/sgom sde tshig mdzod chenmo/10253 +

(གསང་སྔགས) རྩ་གསུམ་ནི། རྩ་རོ་རྐྱང་དབུ་མ་གསུམ། འཁོར་ལོ་དྲུག་ནི། སྤྱི་བོ་བདེ་ཆེན་གྱི་འཁོར་ལོ་འདབ་སོ་གཉིས། མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད། ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི། གསང་གནས་བདེ་སྐྱོང་གི་འཁོར་ལོ་སོ་གཉིས། ནོར་བུའི་དབུས་ཀྱི་རྩ་འདབ་བརྒྱད་དང་དྲུག་གོ། རྩ་གསུམ་འཁོར་ལོ་དྲུག་གི་རྣམ་གཞག་འདི་གསང་འདུས་རྫོགས་རིམ་གྱི་ལུགས་ཡིན། རི་མོ་འདི་ཁོ་བོས་སུག་བྲིས་སུ་བགྱིས་པས་གསང་སྒྲོག་གི་ཉེས་ལྟུང་དང་ནོར་འཁྲུལ་ཡོད་ན་བདག་གིས་ཉེས་སོ། ། +

Dictionaries/sgom sde tshig mdzod chenmo/10254 +

(གསང་སྔགས) རྩ་གསུམ་ནི། རྩ་རོ་རྐྱང་དབུ་མ་གསུམ་མོ། འཁོར་ལོ་བཞི་ནི། སྤྱི་བོ། མགྲིན་པ། སྙིང་ག ལྟེ་བ་བཅས་ཀྱི་རྩ་འཁོར་དང་བཞིའོ། །དེ་ཡང་སྤྱི་བོ་བདེ་ཆེན་གྱི་འཁོར་ལོ་འདབ་སོ་གཉིས། མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད། ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི་བཅས་སོ། །རྩ་གསུམ་འཁོར་ལོ་བཞིའི་རྣམ་གཞག་འདི་རྫོགས་རིམ་སྤྱིའི་ལུགས་ཡིན། +

Dictionaries/sgom sde tshig mdzod chenmo/10255 +

བཤང་གཅི། པཎ་ཆེན་བློ་བཟང་ཆོས་རྒྱན་གྱི་སྐྱབས་ཐུགས་རྗེ་མ་ལས། རྩ་ཆུ་གཉིས་ཀ་གདན་ཁར་ཤོར་བའི་ཚེ། །ཞེས་པ་ལྟ་བུ། +

Dictionaries/sgom sde tshig mdzod chenmo/10256 +

ལྟེ་བ་ཡན་གྱི་རྩ་རོ་རྐྱང་དབུ་མ་གསུམ་དང༌། ལྟེ་བ་མན་གྱི་རྩ་རོ་རྐྱང་དབུ་མ་གསུམ་སྟེ་དྲུག་ལ་ཟེར། ཞིབ་པར་ཕྱེ་ན། ལྟེ་བ་ཡན་གྱི་དབུ་མ་ལ། སྒྲ་གཅན་དང༌། གཉིས་སྤངས་དང༌། ཨ་ཝ་དྷཱུ་ཏཱི་ཟེར། ཁ་དོག་ལྗང་ཁུ་ནམ་མཁའི་ཁམས་པ། གཙོ་བོར་རླུང་འབབ། གཡས་ཀྱི་རྩ་ལ་རོ་མ་དང༌། ར་ས་ནཱ་དང༌། ཉི་མའི་རྩ་ཟེར། ཁ་དོག་དམར་པོ་མེའི་ཁམས་པ། གཙོ་བོར་ཁྲག་འབབ། གཡོན་གྱི་རྩ་ལ། རྐྱང་མ་དང༌། ལ་ལ་ནཱ་དང༌། ཟླ་བའི་རྩ་ཟེར། ཁ་དོག་དཀར་པོ་ཆུའི་ཁམས་པ། གཙོ་བོར་ཁུ་བ་འབབ། ལྟེ་བ་མན་གྱི་དབུ་མ་གཡས་སུ་འཁྱོགས་ཏེ། རྟགས་ཀྱི་རྩེར་ཟུག་ཅིང༌། དེ་ལ་ཀུན་འདར་མ་དང༌། དུང་ཅན་མ་དང༌། དུས་མེ་ཟེར། ཁ་དོག་སྔོན་པ་ཡེ་ཤེས་ཀྱི་ཁམས་པ། གཙོ་བོར་ཁུ་བ་འབབ། གཡོན་གྱི་རྩ་དབུས་སུ་འཁྱོགས་ཏེ་རྟགས་ཀྱི་རྩེར་ཟུག་ཅིང༌། ལུག་ཅེས་བྱ་བ་ཁ་དོག་ནག་པོ་རླུང་གི་ཁམས་པ། གཙོ་བོར་དྲི་ཆུ་འབབ། གཡས་ཀྱི་རྩ་གཡོན་དུ་འཁྱོགས་ཏེ། བཤང་བའི་སྒོར་ཟུག་ཅིང༌། དམར་སེར་ཞེས་བྱ་བ། ཁ་དོག་སེར་པོ་སའི་ཁམས་པ། གཙོ་བོར་བཤང་བ་འབབ་པའོ། ། +

Dictionaries/sgom sde tshig mdzod chenmo/10257 +

2 སྤྱི་བོར་རྩ་མི་ཕྱེད་མ་ནས། ཕྱོགས་བཞིར་རྩ་བཞི་གྱེས། དེ་བཞིའི་རྩེ་མོ་གཉིས་གཉིས་སུ་གྱེས་པས་ཕྱོགས་མཚམས་ཀྱི་རྩ་བརྒྱད་དོ། །བརྒྱད་པོ་རེ་རེ་ལ་གསུམ་གསུམ་དུ་གྱེས་པས་རྩ་ཉེར་བཞིའོ། །2 རྐྱང་མ་ལས་སྐྱེས་པའི་རྩ་བཅུ་བཞི་དང༌། རོ་མ་ལས་སྐྱེས་པའི་རྩ་བཅུ་སྟེ་ཉེར་བཞིའོ། །རྐྱང་མ་ལས་སྐྱེས་པའི་རྩ་བཅུ་བཞི་ནི། ༡ རྡོ་རྗེ་གསུམ་མི་ཕྱེད་པས་ན་མི་ཕྱེད་མ། ༢ བེམ་པོས་བསྡུས་ཤིང་ཤིན་ཏུ་ཕྲ་བས་ཕྲ་གཟུགས་མ། ༣ དགའ་བར་བྱེད་དམ་ཡིད་དུ་འོང་བས་བརྩེ་བ་མ། ༤ གཡོན་ཕྱོགས་ལ་བརྟེན་པས་གཡོན་པ་མ། ༥ ཟླུམ་ཞིང་ཚད་ཐུང་བས་ཐུང་ངུ་མ། ༦ རུས་སྦལ་གྱི་དབྱིབས་འདྲ་བས་རུས་སྦལ་སྐྱེས་མ། ༧ སྲིད་པ་སྒོམ་པས་སྒོམ་པ་མ། ༨ དབང་སྐུར་སྦྱིན་པར་བྱེད་པས་དབང་མ། ༩ ཉོན་མོངས་པ་སུན་འབྱིན་པར་བྱེད་པས་སྐྱོན་མའམ་སྐྱོན་བྲལ་མ། ༡༠ ལུས་སྐྱོང་བའི་ལས་ལ་འཇུག་པས་འཇུག་མ། ༡༡ མ་དང་རྗེས་སུ་མཐུན་པས་མ་མོ། ༡༢ སྣང་བ་ནུབ་པའི་བདག་ཉིད་ཅན་ཡིན་པས་མཚན་མོ། ༡༣ ཞི་བས་ན་གསིལ་སྦྱིན་མ། ༡༤ དྲོ་བར་བྱེད་པས་ཚ་བ་མ་སྟེ་བཅུ་བཞིའོ། །རོ་མ་ལས་སྐྱེས་པ་བཅུ་ནི། ༡ བདེ་བ་ལ་གཞོལ་བས་གཞོལ་མ། ༢ བདེ་བས་ཚིམས་ཤིང་རངས་པར་བྱེད་པས་རངས་མ། ༣ བེམ་པོས་བསྡུས་པས་ཤིན་ཏུ་གཟུགས་ཅན་མ། ༤ ཐམས་ཅད་ལས་མཉམ་པས་སྤྱི་མ། ༥ རྒྱུ་ཐམས་ཅད་སྦྱིན་པར་བྱེད་པས་རྒྱུ་སྦྱིན་མ། ༦ སྡུག་བསྔལ་གྱི་སྦྱོར་བ་དང་བྲལ་བས་སྦྱོར་བྲལ་མ། ༧ རྗེས་སུ་ཆགས་པས་སྡུག་གུ་མ། ༨ དངོས་གྲུབ་སྦྱིན་པས་ན་གྲུབ་མ། ༩ མེའི་རང་བཞིན་ཡིན་པས་འཚེད་མ། ༡༠ ཤེས་རབ་ཀྱི་ལྷ་མོ་ཡིན་པས་ཡིད་བཟང་མ་དང་བཅུ་བཅས་གོང་འོག་བསྡོམས་པས་རྩ་ཉེར་བཞིའོ། །འདི་དག་ནི་ཀྱེ་རྡོར་གྱི་རྒྱུད་ལས་གསུངས་པའི་རྩ་སོ་གཉིས་ཀྱི་གྲས་སོ། ། +

Dictionaries/sgom sde tshig mdzod chenmo/10258 +

འདོད་ཆགས། ཁོང་ཁྲོ། ང་རྒྱལ། མ་རིག་པ། ལྟ་བ་ཉོན་མོངས་ཅན། ཐེ་ཚོམ་དང་དྲུག་གོ །མཛོད་ལས་འདི་ལ་ཕྲ་རྒྱས་དྲུག་ཟེར། སྒྲ་བཤད་ནི། འདི་ལ་རྩ་བ་ཟེར་བའི་རྒྱུ་མཚན་ནི་འཁོར་བའི་རྩ་བ་ཡིན་པས་ན་དེ་སྐད་ཅེས་བྱའོ། །མཛོད་རྩ་བ་ལས། སྲིད་པའི་རྩ་བ་ཕྲ་རྒྱས་དྲུག །འདོད་ཆགས་དེ་བཞིན་ཁོང་ཁྲོ་དང༌། ང་རྒྱལ་མ་རིག་ལྟ་བ་དང༌། །ཐེ་ཚོམ་ཡིན་ཏེ་དེ་དྲུག་ཀྱང༌། །འདོད་ཆགས་དབྱེ་བས་བདུན་དུ་བཤད། །ཅེས་གསུངས། +

Dictionaries/sgom sde tshig mdzod chenmo/10259 +

<ཨ་བ་དྷཱུ་ཏཱི> རྩའི་གཙོ་མོ་གསུམ་གྱི་ཡ་གྱལ་ཏེ། མིའི་ལུས་ཀྱི་དབུས་དྲང་པོ་ན་སྒལ་ཚིགས་ལ་ཅུང་ཟད་ཉེ་བར་ཕྱི་སྔོ་ལ་ནང་དམར་བ། མར་སྣ་ཕོ་མོ་གང་ཡིན་གྱི་རྟགས་ཀྱི་རྩེར་ཡོད་ལ། ཡར་སྣེ་ཚངས་བུག་གམ་སྨིན་མཚམས་དང་སྣ་བུག་གི་འཛོམ་མདོར་ཁ་ཕྱེ་ནས་ཡོད་པའོ། །ཚན་པའམ་ཆ་ཤས་རེ་རྐང་མཐིལ་གཉིས་སུའང་ཡོད་པར་རྗེའི་གསུང་ཟིན་བྲིས་ན་གསལ། རྩ་དབུ་མ་དེ་ནི་སྒོམ་པའི་སྐབས་ཁྱད་ཆོས་བཞི་ལྡན་ཞིག་ཏུ་བསྒོམ་དགོས་པ་ཡིན་ཏེ། དྲང་ཞིང་བརྐྱངས་པ་ཆུ་ཤིང་གི་སྡོང་པོ་ལྟ་བུ། ནང་དམར་ཞིང་སྣུམ་པ་རྒྱ་སྐྱེགས་ཀྱི་ཁུ་བ་ལྟ་བུ། གསལ་ལ་དྭངས་པ་ཏིལ་དམར་གྱི་མར་མེ་ལྟ་བུ། འཇམ་ལ་མཉེན་པ་པདྨའི་འདབ་མ་འདྲ་བ་བཅས་ཀྱི་ཁྱད་ཆོས་བཞི་ལྡན་ནོ། །མིང་གི་རྣམ་གྲངས་ནི། ཨ་བ་དྷཱུ་ཏཱི། མ་ནིང་གི་རྩ། མུན་པའི་རྩ། དེའི་ནང་ནས་མུན་པ་དང་ཁུ་ཁྲག་དང་རླུང་འབྱུང་བས་ན་སྙིང་སྟོབས་རྡུལ་མུན་གསུམ་གྱི་ནང་ནས་མུན་པའི་རྩ་དང༌། སྐྱེས་པ་དང་བུད་མེད་མ་ནིང་གསུམ་གྱི་ནང་ནས་མ་ནིང་གི་རྩ་དང༌། ཉི་ཟླ་སྒྲ་གཅན་གསུམ་གྱི་ནང་ནས་སྒྲ་གཅན་གྱི་རྩ་ཞེས་བྱའོ། །ཞེས་རྗེའི་གསུང་ཟིན་བྲིས་མ་རྒྱུད་ཀྱི་རྫོགས་རིམ་དཔྱིད་ཐིག་ལས་གསུངས། སྒྲ་གཅན་གྱི་རྩ། ཀུན་སྤངས་མ། ཀུན་འདར་མ། ཕྲ་མོའི་གཟུགས། སུ་མ་ན། ནང་གི་ཤིང་གཅིག ཚངས་པའི་དབྱུག་པ་རྣམས་མིང་གི་རྣམ་གྲངས་ཡིན། གཞན་ཡང༌། རྩ་དབུ་མ་ལ་གནས་ཚོད་ཀྱི་རྩ་དབུ་མ་དང༌། སྒོམ་དོན་གྱི་རྩ་དབུ་མ་གཉིས་ཡོད། +

Dictionaries/sgom sde tshig mdzod chenmo/1026 +

(འདུལ་བ) འབའ་ཞིག་པ་དགུ་བཅུའི་བདུན་པ། གནས་ངན་ལེན་བརྗོད་པའི་ལྟུང་བྱེད་ཀྱི་ངོ་ཏི་ནི། བཅས་ལྡན་དགེ་སློང་གིས་ཡུལ་བསྙེན་པར་མ་རྫོགས་པ་ལ་དགེ་སློང་གཞན་གྱི་ཕམ་པའམ་ལྷག་མའི་ལྟུང་བ་བརྗོད་ཅིང་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །གླེང་གཞི་ནི། མཉན་ཡོད་དུ་དྲུག་སྡེས་བསྙེན་པར་མ་རྫོགས་པ་ལ་དགེ་སློང་གཞན་གྱི་གནས་ངན་ལེན་བརྗོད་པ་ལས་ལྟུང་བྱེད་དུ་བཅས་སོ། །དགག་བྱ་ནི། ངན་པ་མགོ་གཅིག་ཏུ་བསྒྲེ་བའི་སྒོ་ནས་རང་རིགས་ལ་མ་དད་པར་འགྱུར་བའོ། ། +

Dictionaries/sgom sde tshig mdzod chenmo/10260 +

རྩ་དབུ་མ་ཁ་ཕྱེ་བའི་དོན། དེ་སྐོར་ཞིབ་པ་རྗེའི་ཞལ་ཤེས་གནད་ཀྱི་ཐིམ་ཡིག་ཟིན་བྲིས་དང་མཁས་གྲུབ་ཆོས་རྗེའི་གསང་འདུས་ཡིག་ཆུང་ཉེར་གཅིག་སོགས་ལས་ཤེས་པར་བྱའོ། ། +

Dictionaries/sgom sde tshig mdzod chenmo/10261 +

སྐྱེས་པའི་རྩ་དབུ་མའི་མར་སྣེ་ནི། ནོར་བུའམ་ཕོ་རྟགས་ཀྱི་རྩེ་ནས་ཡར་སོ་གང་ངམ། སོར་ཕྱེད་དང་དོའི་མཚམས་ན་ཡོད་དེ། རྗེའི་ཞལ་ཤེས་ཟིན་བྲིས་ལས། རྩ་དེའི་རྩེ་མོ་ནོར་བུའི་དབུས་ཀྱི་རྩ་འཁོར་གྱི་དྷཱུ་ཏཱིའི་ནང་ན་བཞུགས་པས། ཞེས་གསུངས་པ་ལྟར་རོ། །བུད་མེད་ཀྱི་རྩ་དབུ་མའི་མར་སྣེ་ནི། བྱ་རོག་གདོང་ངམ་ཕལ་སྐད་ལ་བྱ་ལེ་ཟེར་བ་དེའི་རྩེ་མོ་ན་ཡོད་པར་བཤད་དེ། རྗེའི་ཞལ་ཤེས་ཟིན་བྲིས་ལས། བྱ་རོག་གདོང་ཞེས་པ་ནི་འཇིག་རྟེན་པ་ལ་བྱ་ལེར་གྲགས་པ་དེ་ལ་ཟེར་ཞིང༌། དབུ་མའི་མར་སྣ་རྩ་འདིའི་དབུས་ནས་འབྱུང་ངོ༌། །ཞེས་གསུངས་པ་ལྟར་རོ། །དེ་ཡང་སྐྱེས་པའི་དྷཱུ་ཏཱིའམ་རྩ་དབུ་མ་སྦོམ་ཞིང་ཐུང་བར་གནས་པས་ནོར་བུ་ལས་ཕྱིར་འོང་བ་མི་སྲིད་ལ། བུད་མེད་ཀྱི་དྷཱུ་ཏཱི་ཕྲ་ཞིང་རིང་བས་ཆགས་པ་ལྷག་པར་རྒྱས་པའི་ཚེ་བྱ་རོག་གདོང་ལས་ཕྱིར་ནར་ནས་འོང་ངོ༌། །རྩ་དབུ་མའི་མར་སྣ་ཞེས་འགྲེང་བུ་མེད་ཀྱང་འཐད། སྤྱིར་བཏང་རྩ་དབུ་མའི་མར་སྣེ་འདོད་ཚུལ་ལ། གསང་གནས་ན་ཡོད་པར་བཤད་པ་དང༌། རྐང་མཐིལ་གཉིས་སུ་ཡོད་པར་བཤད་པ་དང༌། ཕོ་མོའི་རྟགས་ཀྱི་རྩེར་ཡོད་པར་བཤད་པའི་ཚུལ་ཡོད་ཀྱང༌། གསང་འདུས་ཀྱི་སྐབས་གོང་དུ་བཤད་པ་ལྟར་ཕོ་མོའི་རྟགས་ཀྱི་རྩེར་ཡོད་པར་ཤེས་པར་བྱའོ། །གསང་གནས་ཞེས་པ་ལྟེ་བའི་འོག་སོར་གསུམ་མམ་སོར་བཞིའི་མཚམས་ལ་ཟེར། +

Dictionaries/sgom sde tshig mdzod chenmo/10262 +

རྩ་དབུ་མའི་ཡར་སྣེ་དང་འདྲ། +

Dictionaries/sgom sde tshig mdzod chenmo/10263 +

1 སྤྱི་བོའི་ཚངས་པའི་བུ་ག +

Dictionaries/sgom sde tshig mdzod chenmo/10264 +

2 ཡང་སྐབས་རེར་སྨིན་མཚམས་ལའང་བཤད་འཇུག འོ་ན་གཞུང་འགའ་ཞིག་ཏུ་རྩ་དབུ་མའི་ཡར་སྣེ་སྨིན་མཚམས་སུ་ཡོད་པར་བཤད་ལ། གཞན་དུ་སྤྱི་གཙུག་ཏུ་ཡོད་པར་བཤད་པ་ཇི་ལྟར་ཡིན་ཞེ་ན། དེ་ནི་སྤྱི་བོའི་རྩ་འཁོར་གྱི་རྩ་དབུ་མ་ལས་གྱེས་ཏེ་དེའི་ཚན་པ་གཅིག་སྤྱི་བོའི་ཚངས་པའི་བུ་ག་དང༌། དེའི་ཚན་པ་གཅིག་སྨིན་མཚམས་སུ་ཡོད་པར་བཤད་ཀྱང་འགལ་བ་མེད་དེ། དཔེར་ན་རོ་རྐྱང་དབུ་མ་གསུམ་སྤྱི་བོ་ནས་གསང་གནས་ཀྱི་སུམ་མདོའི་བར་དུ་ཡོད་ལ། དེ་ནས་གསུམ་དུ་གྱེས་ཏེ་ཚན་པ་གཉིས་རྐང་མཐིལ་གཉིས་དང༌། ཚན་པ་གཅིག་རྟགས་ཀྱི་རྩེར་ཡོད་པར་རྗེའི་གསུང་ཟིན་བྲིས་མ་རྒྱུད་ཀྱི་རྫོགས་རིམ་དཔྱིད་ཐིག་ལས་གསུངས་པ་དང་མཐུན་ནོ། །ཡང་ན། དེ་ནི་རྩ་དབུ་མ་ཚངས་བུག་ནས་སྨིན་མཚམས་སུ་ཁ་ཕྱོགས་ཏེ་ཡོད་པས་དེ་ལྟར་དུ་བཤད་པའོ། །རྩ་དབུ་མའི་ཡར་སྣ་ཞེས་འགྲེང་བུ་མེད་པར་བྱས་ཀྱང་འཐད། +

Dictionaries/sgom sde tshig mdzod chenmo/10265 +

རྩ་བའི་རླུང་ལྔ་དང་ཡན་ལག་གི་རླུང་ལྔ་སྟེ་བཅུའོ། །སྲོག་འཛིན། ཐུར་སེལ། མེ་མཉམ། གྱེན་རྒྱུ། ཁྱབ་བྱེད་ཀྱི་རླུང་ལྔ་སྟེ་རྩ་བའི་རླུང་ལྔ་དང༌། ཀླུའི་རླུང༌། རུས་སྦལ་གྱི་རླུང༌། རྩངས་པའི་རླུང༌། ལྷས་སྦྱིན་གྱི་རླུང༌། ནོར་ལས་རྒྱལ་ལམ་གཞུ་ལས་རྒྱལ་གྱི་རླུང་སྟེ་བཅུའོ། ། +

Dictionaries/sgom sde tshig mdzod chenmo/10266 +

(འདུལ་བ) སྲོག་གཅོད་པ། མ་བྱིན་པར་ལེན་པ། མི་ཚངས་པར་སྤྱོད་པ། མི་ཆོས་བླ་མའི་རྫུན་དང་བཞིའོ། །སྒྲ་བཤད་ནི། སྡོམ་པ་ཉམས་པར་བྱེད་པའི་ཉེས་སྤྱོད་མཐར་ཐུག་ཡིན་པས་ན་རྩ་བ་ཞེས་བྱའོ། ། +

Dictionaries/sgom sde tshig mdzod chenmo/10267 +

(འདུལ་བ) འབའ་ཞིག་པ་དགུ་བཅུའི་བཅོ་བརྒྱད་པ། རྩ་བ་འབྱུང་བ་ལ་འདུག་པའི་ལྟུང་བྱེད་ཀྱི་ངོ་ཏི་ནི། བཅས་ལྡན་དགེ་སློང་གིས་དགེ་འདུན་དབང་བའི་གནས་མཚན་ཉིད་དང་ལྡན་པའི་སྟེང་གི་ཐོག་རྩ་བ་འབྱུང་བའི་གནས་སྐབས་དང་བཅས་པར་མནན་པར་འོས་པའི་རྩ་བ་ཕུར་བུ་ལྟ་བུའི་སྟེང་དུ་འདུག་པའམ་ཉལ་བ་ལས་གྱུར་བའི་ལྟུང་བ་དངོས་གཞིའོ། །གླེང་གཞི་ནི། མཉན་ཡོད་ནས་ཉེ་དགའ་ལྗོངས་རྒྱུ་ཞིང་སོང་ནས། རི་བྲག་གི་གཙུག་ལག་ཁང་གི་སྟེང་གི་ཐོག་ལ་ཁྲི་རྐང་གཙུགས་ཏེ། ཤུགས་དྲག་པོས་མནན་ཏེ་འདུག་པས་ཁྲི་རྐང་གིས་ཁང་ཐོག་བརྟོལ་བ་ལས་སོ། །དགག་བྱ་ནི་དགེ་འདུན་གྱི་གཙུག་ལག་ཁང་གི་སྟེང་གི་ཐོག་བུག་རྡོལ་དུ་འགྱུར་བའོ། །འདི་རྩ་བ་ཞེས་པ་ནི། ཁྲི་རྐང་གི་རྩ་བའམ་རྩེ་མོ་ཞེས་པ་ཡིན་ལ། འབྱུང་བ་ནི་འབུག་པའམ་འབིགས་པའི་དོན་ནོ། །ཁྲི་རྐང་གིས་ཁུང་འབིགས་པའི་སྟེང་དུ་མནན་ནས་འདུག་པ་ཞེས་བྱ་བའི་དོན་ནོ། ། +

Dictionaries/sgom sde tshig mdzod chenmo/10268 +

འཕགས་པ་ཀླུ་སྒྲུབ་ཀྱིས་མཛད། བསྟན་འགྱུར་༼ ཙ་པར ༽བཞུགས། ཞིབ་པར་བཤད་ན། དབུ་མ་རྩ་བའི་ཚིག་ལེའུར་བྱས་པ་ཤེས་རབ་ཅེས་བྱ་བ་སློབ་དཔོན་བདག་ཉིད་ཆེན་པོ་འཕགས་པ་ཀླུ་སྒྲུབ་མི་འཕྲོགས་པའི་མཁྱེན་རབ་དང་ཐུགས་རྗེ་ལྡན་པ་དེ་བཞིན་གཤེགས་པའི་ཐེག་པ་བླ་ན་མེད་པའི་ཚུལ་གསལ་བར་བྱེད་པ་རབ་ཏུ་དགའ་བའི་ས་བསྒྲུབས་ནས་བདེ་བ་ཅན་དུ་གཤེགས་པས་མཛད་པ། རྒྱ་གར་གྱི་མཁན་པོ་ཆེན་པོ་དབུ་མ་པ་ཛྙཱ་ན་གརྦྷ་དང་། ཞུ་ཆེན་གྱི་ལོ་ཙཱ་བ་དགེ་སློང་ཅོག་རོ་ཀླུའི་རྒྱལ་མཚན་གྱི་འགྱུར། འདི་ལ་རབ་ཏུ་བྱེད་པ་ཉི་ཤུ་རྩ་བདུན། ཤློ་ཀ་བཞི་བརྒྱ་བཞི་བཅུ་རྩ་དགུ། བམ་པོ་ཕྱེད་དང་གཉིས་སུ་བྱས་སོ། །སླད་ཀྱིས་གྲོང་ཁྱེར་དཔེ་མེད་ཀྱི་དབུས་གཙུག་ལག་ཁང་རིན་ཆེན་སྦས་པའི་དབུས་སུ་ཁ་ཆེའི་མཁན་པོ་ཧ་སུ་མ་ཏི་དང་། བོད་ཀྱི་སྒྲ་སྒྱུར་གྱི་ལོ་ཙཱ་བ་པ་ཚབ་ཉི་མ་གྲགས་ཀྱིས་འགྲེལ་པ་ཚིག་གསལ་དང་བསྟུན་ནས་བཅོས་པ་དང་། སླད་ཀྱིས་ར་ས་འཕྲུལ་སྣང་གི་གཙུག་ལག་ཁང་དུ་ལོ་ཙཱ་བ་དེ་ཉིད་ཀྱིས་ཞུ་ཆེན་བགྱིས་པའོ། ། +

Dictionaries/sgom sde tshig mdzod chenmo/10269 +

རྩ་ཤེའི་རྒྱ་འགྲེལ་གྲགས་ཅན་བརྒྱད་ཅེས་པའི་ཐད་དུ་གཟིགས། +

Dictionaries/sgom sde tshig mdzod chenmo/1027 +

(འདུལ་བ) འབའ་ཞིག་པ་དགུ་བཅུའི་ལྔ་བཅུ་པ། གནས་ངན་ལེན་འཆབ་པའི་ལྟུང་བྱེད་ཀྱི་ངོ་ཏི་ནི། བཅས་ལྡན་དགེ་སློང་གིས་མཐོལ་ཡུལ་མཚན་ཉིད་དང་ལྡན་པ་ཡོད་པའི་གནས་སུ་དགེ་སློང་གཞན་གྱིས་ཕམ་པའམ་དགེ་འདུན་ལྷག་མ་བཅབས་ཏེ་མཚན་མོ་འདས་པ་ལས་གྱུར་པའི་ལྟུང་བ་དངོས་གཞིའོ། །གླེང་གཞི་ནི། མཉན་ཡོད་དུ་ཉེ་དགས་གནས་ངན་ལེན་བཅབས་པ་ལས་ལྟུང་བྱེད་དུ་བཅས་སོ། །དགག་བྱ་ནི་རང་རིགས་ཀྱི་ཚུལ་ཁྲིམས་ལ་གནོད་པའོ། །འདིའི་གནས་ངན་ལེན་ཞེས་པ་ཕམ་ལྷག་གི་ལྟུང་བ་ལ་ཟེར། +

Dictionaries/sgom sde tshig mdzod chenmo/10270 +

རྩ་སྟོང་ཕྲག་བདུན་ཅུ་རྩ་གཉིས་ལ་གཟིགས། +

Dictionaries/sgom sde tshig mdzod chenmo/10271 +

སྤྱི་བོར་རྩ་མི་ཕྱེད་མ་ནས། ཕྱོགས་བཞིར་རྩ་བཞི་གྱེས། དེ་བཞིའི་རྩེ་མོ་གཉིས་གཉིས་སུ་གྱེས་པས་ཕྱོགས་མཚམས་ཀྱི་རྩ་བརྒྱད་དོ། །བརྒྱད་པོ་རེ་རེ་ལ་གསུམ་གསུམ་དུ་གྱེས་པས། རྩ་ཉེར་བཞི། ཉེར་བཞི་པོ་རེ་རེ་ལ། རྩེ་མོ་གསུམ་གསུམ་དུ་གྱེས་པས། རྩ་བདུན་ཅུ་རྩ་གཉིས་སོ། ། +

Dictionaries/sgom sde tshig mdzod chenmo/10272 +

ཡན་ལག་གི་ཁ་དོག་རྣམས་ཀྱི་རྩ་བའམ་འབྱུང་གཞིའི་ཁ་དོག དེ་ལ་དབྱེ་ན། སྔོ་སེར་དཀར་དམར་བཞིའོ། །ཁ་ཅིགསྔོ་སེར་དཀར་དམར་ནག་པོ་དང་ལྔ་རུ་བཞེད། ནུབ་ཕྱོགས་པ་རྣམས་ཀྱིས སྔོན་སེར་དམར་གསུམ་ལ་འདོད། ཀམ་པུའི་ཀྲར་རིག་པ་སྨྲ་བས ལྗང་ཁུ། སྔོན་པོ། དམར་པོ་དང་གསུམ་ལ་བརྟེན་ནས་གློག་འོད་ཀྱི་ཁ་དོག་ཐམས་ཅད་འབྱུང་བར་འདོད་པས་དེ་གསུམ་རྩ་བའི་ཁ་དོག་ཏུ་འདོད། ཀམ་པུའི་ཀྲར་རིག་པའི་ཁ་དོག་དེ་གློག་འོད་ཀྱི་ཁ་དོག་ལ་བརྩི་བ་རེད། +

Dictionaries/sgom sde tshig mdzod chenmo/10273 +

འདུལ་བ་ནས་བཤད་པའི་བཅའ་བ་ལྔའི་ནང་གསེས་ལ་ཕུག་དང་ཉུང་མ་ལྟ་བུ་ལ་ཟེར། +

Dictionaries/sgom sde tshig mdzod chenmo/10274 +

1 རང་གི་སེམས་ལ་ཕན་ཐོགས་ཆེ་ཤོས་ཀྱི་བླ་མ་དེ་ལ་འཇོག ཅེས་རྒྱལ་དབང་ཐམས་ཅད་མཁྱེན་པ་བསྟན་འཛིན་རྒྱ་མཚོ་གསུང༌། དོགས་གཅོད། རྩ་བ་བླ་མ་ཞེས་པ་གཅིག་ཁོ་ན་ཡིན་དགོས་སམ། འོན་ཏེ་གཉིས་གསུམ་ཡང་ཡོད་ཆོག་ཅེ་ན། མཁས་གྲུབ་ཆོས་རྗེའི་གསུང་ཐོར་བུ་ན་མཁས་གྲུབ་རིན་པོ་ཆེ་ཉིད་ལ་རྩ་བའི་བླ་མ་གསུམ་ཡོད་ཅེས་གསུངས་ཡོད། +

Dictionaries/sgom sde tshig mdzod chenmo/10275 +

2 རང་ལ་ཆོས་ཀྱི་སྒོ་ནས་བཀའ་དྲིན་ཆེ་ཤོས་ཀྱི་བླ་མ་དེ་ལ་བཞག་ཀྱང་རུང༌། དཔེར་ན་རང་ལ་མི་ཚེ་གང་པོ་དཔེ་ཁྲིད་གནང་མཁན་གྱི་གྲྭ་སའི་དགེ་རྒན་ལྟ་བུ། +

Dictionaries/sgom sde tshig mdzod chenmo/10276 +

3 (བཀའ་བརྒྱུད) ཕྱག་རྒྱ་ཆེན་པོའི་རྟོགས་པ་གང་ལས་བརྙེས་པའི་བླ་མ་དེ་ལ་བཞེད། +

Dictionaries/sgom sde tshig mdzod chenmo/10277 +

(འདུལ་བ) དགེ་སློང་ཕ་མའི་སོ་ཐར་གྱི་མདོ། +

Dictionaries/sgom sde tshig mdzod chenmo/10278 +

སྲོག་འཛིན། (སྲོག་འཛིན་ཁ་དོག་དཀར་པོ) ཐུར་སེལ། (ཐུར་སེལ་སེར་པོ) མེ་མཉམ་མམ་མཉམ་གནས། (མཉམ་གནས་ནག་པོ) གྱེན་རྒྱུ། (གྱེན་རྒྱུ་དམར་པོ) ཁྱབ་བྱེད་ཀྱི་རླུང་དང་ལྔའོ། ། (ཁྱབ་བྱེད་ཀྱི་རླུང་ལ་ཁ་དོག་གི་གསལ་ཁ་མེད་ཀྱང༌། རྗེ་འགོས་སྔོ་སངས་སུ་བཞེད་པ་ལྟར་བྱའོ། །ཞེས་རྗེའི་རིམ་ལྔ་གསལ་སྒྲོན་ན་གསལ) རྒྱུད་རྡོ་རྗེ་ཕྲེང་བ་ལས། སྲོག་འཛིན་རླུང་ནི་སྙིང་གར་གནས། །མི་བསྐྱོད་བྱེ་བྲག་རིགས་ལ་སྐྱེས། །འདོམས་ན་གནས་པའི་ཐུར་སེལ་ནི། །རིན་ཆེན་འབྱུང་ལྡན་བྱེ་བྲག་སྐྱེས། །སྟོད་དུ་རྒྱུ་བ་ལྐོག་མར་གནས། །འོད་དཔག་མེད་ཀྱི་རང་བཞིན་ནི། །མཉམ་གནས་ལྟེ་བའི་པདྨར་གནས། །དོན་ཡོད་གྲུབ་པའི་རང་བཞིན་ནོ། །ཁྱབ་བྱེད་ཡན་ལག་ཀུན་ལ་གནས། །རྣམ་སྣང་མཛད་ཀྱི་ངོ་བོའོ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10279 +

རྗེའི་དགེ་འདུན་གྲུབ་པའི་སྒྲོལ་མ་ཉེར་གཅིག་ཊཱིཀ་རིན་པོ་ཆེའི་ཕྲེང་བ་༢ན་ལས། རྩ་བའི་སྔགས་ཀྱི་བསྟོད་པ་ནི། ན་མ་སརྦ་ཏཱ་ཐཱ་ག་ཏཱ་ནཱཾ། ཏ་དྱ་ཐཱ། ༀ་ན་མོ་སུ་ཀ་ས་ན་མ་ཏཱ་རེ་པཱ་ར་མི་ཏ་ཞེས་པ་འདི་ཡིན་ཞེས་འགའ་ཞིག་གསུང་ལ། སྤང་ལོ་ཆེན་པོ་ནི། ༀ། ཕྱག་འཚལ་སྒྲོལ་མ་ཏཱ་རེ་དཔའ་མོ། །ཏུཏྟཱ་ར་ཡི་འཇིགས་པ་ཀུན་སེལ། །ཏུ་རེས་དོན་རྣམས་ཐམས་ཅད་རབ་སྟེར། །སྭཱ་ཧཱ་ཡི་གེར་བཅས་ལ་རབ་འདུད། །ཅེས་པ་རྒྱ་དཔེ་ལ་ཡོད་པ་སྤང་ལོས་བསྒྱུར་བ་འདི་ཡིན་གསུང་ཡང་། རྩ་བའི་སྔགས་ཀྱི་བསྟོད་པ་ནི། འདིར་བསྟན་སྔགས་དང་སྤེལ་བའི་བསྟོད་ཚིག་ཉི་ཤུ་པོ་འདི་ཡིན་ལ། ཕྱག་འཚལ་ཉི་ཤུ་རྩ་གཅིག་ནི། དེ་སྤེལ་བའི་ཕྱག་འཚལ་ཉི་ཤུ་རྩ་གཅིག་པོ་ཡིན་ཞེས་བླ་མ་རྣམས་གསུང་ངོ་། །ཞེས་གསུངས་སོ། །རྗེའི་དགེ་འདུན་རྒྱ་མཚོའི་སྒྲོལ་མའི་རྣམ་བཤད་ལས། རྩ་བའི་སྔགས་ནི། སྔར་ཞི་ཁྲོའི་སྔགས་བསྟན་པ་རྣམས་ལ་རྗེ་བཙུན་གྲགས་རྒྱལ་འཆད་ཅིང་། ཁ་ཅིག་སྒྲོལ་མའི་རྩ་སྔགས་རྐང་པ་བཞི་པ་ཞིག་སྣང་བ་ཡིན་ཟེར་ལ། འདི་དང་ཞེས་པའི་ཉེ་ཚིག་ལ་དཔགས་ན་སྔ་མ་ལྟར་ཡིན་ནམ་སྙམ་མོ། །ཞེས་གསུངས་སོ། ། +

Dictionaries/sgom sde tshig mdzod chenmo/1028 +

མཁས་སློབ་ཆོས་གསུམ་གྱིས་བསམ་ཡས་བསྲུང་བར་བཞག་པའི་སྲུང་མའི་ཡ་གྱལ་ཞིག་སྟེ། ཡོངས་གྲགས་སུ་གནས་ཆུང་རྡོ་རྗེ་གྲགས་ལྡན་ཟེར། སྲུང་མ་དམར་ནག་གཉིས་ཀྱི་ཡ་གྱལ་ཡང་ཡིན། མཁན་སློབ་ཆོས་གསུམ་གྱིས་བསམ་ཡས་བསྲུང་བར་བཞག་པའི་སྲུང་མ་ལ། རྒྱལ་པོ་སྐུ་ལྔ། ཡུམ་ལྔ། བློན་པོ་ལྔ། རུ་འདྲེན་ལྔ། བཤན་པ་ཡང་ལེ་ཝེར་རམ་གནོད་སྦྱིན་ཙིའུ་དམར་པོ་བཅས་ཡོད་པའི་ནང་ནས། བློན་པོ་ལྔའི་ཡ་གྱལ་ཞིག་སྟེ། སྐུ་བྱ་ཁྲིད་མིག་གཅིག (འདི་བྱ་རུ) གསུང་རྡོ་རྗེ་གྲགས་ལྡན། (འདི་གནས་ཆུང) ཐུགས་བཀའ་ཡི་བྱ་ར་བ། ཡོན་ཏན་བྱ་རྒོད་ཐང་ནག (འདི་སྐྱོར་ལུང་ཆོས་སྐྱོང) འཕྲིན་ལས་པུ་ཏྲ་ནག་པོ། (འདི་ཐ་འོག་ཡིན་ཟེར་བས་བརྟག་པར་བྱ) ཀློང་རྡོལ་བླ་མ་གསུང་ལ་གཞི་བྱས། གནས་ཆུང་གི་ལོ་རྒྱུས་ནི། ལྕོག་བྱང་ཆུབ་དཔལ་ལྡན་པའི་རྣམ་ཐར་ནང་གནས་ཆུང་དང་ཆོས་སྐྱོང་གི་ལོ་རྒྱུས་ཡོད། ཅེས་ཞྭ་སྒབ་པའི་རྒྱལ་རབས་དེབ་དང་པོ་༨༥ན་གསལ། +

Dictionaries/sgom sde tshig mdzod chenmo/10280 +

(འདུལ་བ) ཉན་ཐོས་རྩ་བའི་སྡེ་པ་བཞི་ལ་གཟིགས། +

Dictionaries/sgom sde tshig mdzod chenmo/10281 +

སྤྱི་བོར་རྩ་འདབ་སོ་གཉིས། མགྲིན་པར་བཅུ་དྲུག སྙིང་གར་བརྒྱད། ལྟེ་བར་དྲུག་ཅུ་རྩ་བཞི་སྟེ་བསྡོམས་བརྒྱ་དང་ཉི་ཤུའོ། ། +

Dictionaries/sgom sde tshig mdzod chenmo/10282 +

ལུས་ཀྱི་གཡས་གཡོན་གཉིས། མདུན་རྒྱབ་གཉིས་ཏེ་བཞིར་རྩ་ཉི་ཁྲི་ཉི་ཁྲི་སྟེ། ལུས་ལ་རྩ་བརྒྱད་ཁྲི་ཡོད་པར། མཚན་ཉིད་ཐེག་པ་ནས་དགའ་བོ་མངལ་འཇུག་གི་མདོར་གསུངས་ཞེས། རྗེའི་གསུང་ཟིན་བྲིས་ན་གསལ། +

Dictionaries/sgom sde tshig mdzod chenmo/10283 +

1 རྩ་རྒྱུད་དང་། བཤད་རྒྱུད། +

Dictionaries/sgom sde tshig mdzod chenmo/10284 +

2 (འདུལ་བ) རྩ་བའི་མདོ་སོ་ཐར་གྱི་མདོ་ལྟ་བུ། དེའི་འགྲེལ་པའི་མདོ་འདུལ་བ་ལུང་སྡེ་བཞི་ལྟ་བུའོ། ། +

Dictionaries/sgom sde tshig mdzod chenmo/10285 +

(འདུལ་བ) དགེ་སློང་ཕ་མའི་སོ་ཐར་གྱི་མདོ་ནི་རྩ་བའི་མདོ། འདུལ་བ་ལུང་སྡེ་བཞི་ནི་བཤད་པ་སྟེ་དེའི་འགྲེལ་པའི་མདོ་གཉིས་སོ། ། +

Dictionaries/sgom sde tshig mdzod chenmo/10286 +

(འདུལ་བ) དགེ་སློང་ཕ་མའི་སོ་ཐར་གྱི་མདོ་ནི་རྩ་བའི་མདོ། འདུལ་བ་ལུང་སྡེ་བཞི་ནི་བཤད་པ་སྟེ་དེའི་འགྲེལ་པའི་མདོ། དེ་གཉིས་དང་བརྗོད་བྱ་ཕྱོགས་ཙམ་འདྲ་ཡང་དེ་གཉིས་གང་གི་ཡང་ཁོངས་སུ་མ་གཏོགས་པའི་མདོ་རྣམས་ནི་ཕྱོགས་མཐུན་གྱི་མདོ་ཡིན་ནོ། ། +

Dictionaries/sgom sde tshig mdzod chenmo/10287 +

མི་ཕྱེད་མ་དང་དོན་འདྲ། དེའི་ཐད་དུ་གཟིགས། +

Dictionaries/sgom sde tshig mdzod chenmo/10288 +

ཤིང་ཐོག་ཀུ་ཤུ། +

Dictionaries/sgom sde tshig mdzod chenmo/10289 +

དབུས་ཞལ། ཞལ་གྱི་གཙོ་བོ། སྒྲ་བཤད་ནི། རྩ་ནི་རྩ་བ་སྟེ་འདིར་གཙོ་བོའི་དོན་ཡིན་པས་ཞལ་གྱི་གཙོ་བོ་ཞེས་པའོ། ། +

Dictionaries/sgom sde tshig mdzod chenmo/1029 +

མདོ་ལས་གསུངས་པའི་སངས་རྒྱས་ཀྱི་གནས་ཆེན་བཞི་ནི། རྡོ་རྗེ་གདན་ནི་བདག་ཅག་གི་སྟོན་པ་མངོན་པར་སངས་རྒྱས་པའི་གནས་ཡིན་ལ། ལུམྦི་ནི་སྐུའཁྲུངས་པ། ཝཱ་རཱ་ཎ་སཱི་ཆོས་འཁོར་བསྐོར་བ། རྩྭ་མཆོག་གྲོང་མྱ་ངན་ལས་འདས་པའི་གནས་ཡིན་པ་བཅས་སོ། །སྟོན་པ་མྱ་ངན་ལས་འདའ་ཁར་ཞལ་ཆེམས་ཀྱི་ཚུལ་དུ་འདི་ལྟར་གསུངས་ཏེ། འདུལ་བ་ལུང་ཕྲན་ཚེགས་ལས། དགེ་སློང་དག ང་འདས་པའི་འོག་ཏུ་གནས་བཞི་པོ་འདི་དག་ནི་རིགས་ཀྱི་བུ་དང་བུ་མོ་དད་པ་ཅན་རྣམས་ཀྱིས་ཇི་སྲིད་འཚོའི་བར་དུ་འགྲོ་བར་བྱ་ཞིང༌། དྲན་པར་འགྱུར་བར་བྱའོ། །བཞི་གང་ཞེ་ན། འདིར་ནི་བཅོམ་ལྡན་འདས་འཁྲུངས་སོ། །འདིར་ནི་བཅོམ་ལྡན་འདས་མངོན་པར་རྫོགས་པར་སངས་རྒྱས་སོ། །འདིར་ནི་བཅོམ་ལྡན་འདས་ཀྱིས་ཆོས་ཀྱི་འཁོར་ལོ་རྣམ་པ་བཅུ་གཉིས་བསྐོར་ཏོ། །འདིར་ནི་བཅོམ་ལྡན་འདས་ཡོངས་སུ་མྱ་ངན་ལས་འདས་པ་སྟེ། དགེ་སློང་དག་ང་འདས་པའི་འོག་ཏུ་འདིར་མཆོད་རྟེན་བསྐོར་བ་དང༌། མཆོད་རྟེན་ལ་ཕྱག་འཚལ་བ་དང་དག་འོང་གི། དེ་དག་ལ་འདི་སྐད་ཅེས་བརྗོད་པར་བྱ་སྟེ། ཞེས་པ་ནས་ང་ལ་དད་པས་དུས་བྱས་པ་དེ་ཐམས་ཅད་ཀྱང་བདེ་འགྲོ་མཐོ་རིས་ཀྱི་འཇིག་རྟེན་དུ་འགྲོའོ། །སོགས་རྒྱས་པར་གསུངས་སོ། །གཞན་ཡང༌། རྟོག་གེ་འབར་བར་མདོ་དྲངས་པ་ལས་ཀྱང༌། གནས་བཞི་པོ་འདི་དག་བསྐོར་བས་མཚམས་མེད་པའི་སྡིག་པ་ཡང་འབྱང་བར་གསུངས་སོ། །ཞེས་འབྱུང་ངོ༌། ། +

Dictionaries/sgom sde tshig mdzod chenmo/10290 +

ལུས་ཀྱི་རྩ་གནས་སྡེ་ཚན། སྒྲ་བཤད་ནི། རྩ་འདབ་ཀྱི་དབྱིབས་འཁོར་ལོ་ལྟ་བུར་ཡོད་པས་སམ་གནད་བཅིངས་ནས་དེ་ལ་གནད་དུ་བསྣུན་པས་གནས་སྐབས་སད་གཉིད་རྨི་ལམ་སྙོམས་འཇུག་གི་གནས་སྐབསབཞིའི་འཁྲུལ་པ་གཅོད་པས། རིམ་བཞིན་སད་པ་སྤྲུལ་སྐུའི་དགོངས་པ་འཆར། གཉིད་མཐུག་འོད་གསལ་ཆོས་སྐུའི་དགོངས་པ་འཆར། རྨི་ལམ་ལོངས་སྐུའི་དགོངས་པ་འཆར། སྙོམས་འཇུག་བདེ་བ་ཆེན་པོའི་སྐུའི་དགོངས་པ་འཆར། འཁོར་ལོས་མི་མཐུན་ཕྱོགས་གཅོད་པ་དང་བྱེད་ལས་ཆོས་མཚུངས་པའི་དོན་གྱིས་འཁོར་ལོ་ཞེས་བརྗོད་པ་ཡིན་པར་གསུངས་སོ། ། +

Dictionaries/sgom sde tshig mdzod chenmo/10291 +

༡ སྤྱི་བོ། ༢ མགྲིན་པ། ༣ སྙིང་ག ༤ ལྟེ་བ། ༥ གསང་གནས། ༦ ནོར་བུའི་དབུས་ཀྱི་རྩ་འཁོར་དང་དྲུག་གོ། དེ་ཡང་སྤྱི་བོར་སོ་གཉིས། མགྲིན་པར་བཅུ་དྲུག སྙིང་གར་བརྒྱད། ལྟེ་བར་དྲུག་ཅུ་རྩ་བཞི། གསང་གནས་སུ་སོ་གཉིས། ནོར་བུའི་དབུས་སུ་རྩ་འདབ་བརྒྱད་བཅས་སོ། །རྩ་འཁོར་དྲུག་གི་རྣམ་གཞག་འདི་བཤད་རྒྱུད་རྡོ་རྗེ་འཕྲེང་བ་ལས་བཤད་ཅེས། རྗེའི་གསུང་ཟིན་བྲིས་རྫོགས་རིམ་དཔྱིད་ཀྱི་ཐིག་ལེར་གསུངས་སོ། ། +

Dictionaries/sgom sde tshig mdzod chenmo/10292 +

༡ གཙུག་ཏོར། ༢ སྤྱི་བོ། ༣ མགྲིན་པ། ༤ སྙིང་ག ༥ ལྟེ་བ། ༦ གསང་གནས། ༧ ནོར་བུའི་དབུས་ཀྱི་རྩ་འཁོར་དང་བདུན་ནོ། །གཙུག་ཏོར་ན་རྩ་འདབ་བཞི། སྐབས་འདིར་གཙུག་ཏོར་ཞེས་པ་མགོའི་སྐྲ་འཁྱིལ་ཡོད་ས་དེ་ལ་ཟེར་གྱི། སངས་རྒྱས་ཀྱི་དབུའི་གཙུག་ཏོར་ལྟ་བུར་གོ་རྒྱུ་མིན་ནོ། །སྤྱི་བོར་རྩ་འདབ་སོ་གཉིས། འདིའི་སྤྱི་བོ་ཞེས་པ་དཔྲལ་བའི་ཐད་ལ་གོ་དགོས། མགྲིན་པར་བཅུ་དྲུག སྙིང་གར་བརྒྱད། ལྟེ་བར་དྲུག་ཅུ་རྩ་བཞི། གསང་གནས་སུ་སོ་གཉིས། ནོར་བུའི་དབུས་སུ་རྩ་འདབ་བརྒྱད་དེ་བདུན་ནོ། །རྗེའི་གསུང་ཟིན་བྲིས་མ་རྒྱུད་ཀྱི་རྫོགས་རིམ་དཔྱིད་ཀྱི་ཐིག་ལེར་གསུངས་པ་ལ་གཞི་བྱས་ཏེ་བཀོད། སྦྱོར་བ་ཡན་ལག་དྲུག་གི་ཁྲིད་ཟབ་མོའི་དམིགས་རིམ་གྱི་ལག་རྗེས་ཞེས་བྱ་བ་ལས་ཀྱང་དེ་བཞིན་དུ་གསུངས། རྩ་འཁོར་བདུན་མ་འདི་མན་ངག་སྙེ་མ་ལས་བཤད་ཅེས། རྗེའི་གསུང་ཟིན་བྲིས་རྫོགས་རིམ་དཔྱིད་ཀྱི་ཐིག་ལེར་གསུངས་སོ། ། +

Dictionaries/sgom sde tshig mdzod chenmo/10293 +

༡ སྤྱི་བོ། ༢ མགྲིན་པ། ༣ སྙིང་ག ༤ ལྟེ་བ་བཅས་ཀྱི་རྩ་འཁོར་དང་བཞིའོ། །དེ་ཡང་སྤྱི་བོ་བདེ་ཆེན་གྱི་འཁོར་ལོ་རྩ་འདབ་སོ་གཉིས། མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད། ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི་བཅས་སོ། ། +

Dictionaries/sgom sde tshig mdzod chenmo/10294 +

༡ སྤྱི་བོ། ༢ མགྲིན་པ། ༣ སྙིང་ག ༤ ལྟེ་བ། ༥ གསང་གནས་བཅས་ཀྱི་རྩ་འཁོར་ལྔའོ། །དེ་ཡང་སྤྱི་བོ་བདེ་ཆེན་གྱི་འཁོར་ལོ་རྩ་འདབ་སོ་གཉིས། མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག སྙིང་ག་ཆོས་ཀྱི་འཁོར་ལོ་རྩ་འདབ་བརྒྱད། ལྟེ་བ་སྤྲུལ་པའི་འཁོར་ལོ་རྩ་འདབ་དྲུག་ཅུ་རྩ་བཞི། གསང་གནས་བདེ་སྐྱོང་གི་འཁོར་ལོ་རྩ་འདབ་སོ་གཉིས་བཅས་སོ། ། +

Dictionaries/sgom sde tshig mdzod chenmo/10295 +

ཉེ་འབྲེལ། +

Dictionaries/sgom sde tshig mdzod chenmo/10296 +

རྗེ་ཙོང་ཁ་པ་ཆེན་པོའི་རྩ་ཤེའི་ཊཱིཀ་ཆེན་དང་འཇུག་པའི་ཊཱིཀ་ཆེན་གཉིས་ལ་ཟེར། རྩ་བ་ཤེས་རབ་དང་དབུ་མ་ལ་འཇུག་པའི་འགྲེལ་པ། +

Dictionaries/sgom sde tshig mdzod chenmo/10297 +

<ར་ས་ནཱ> རྩའི་གཙོ་མོ་གསུམ་གྱི་ཡ་གྱལ་ཞིག་སྟེ། དེ་ནི་ཁ་དོག་དམར་པོ། ལྟེ་བ་ཡན་དུ་རྩ་དབུ་མའི་གཡས་ན་གནས་ཀྱང༌། ལྟེ་འོག་ནས་དབུ་མའི་གཡོན་དུ་འཁྱོགས་ཏེ་བཤང་བ་འཕེན་འཛིན་བྱེད་ལ་ཁྲག་གཙོ་བོར་འབབ་པའི་རྩ་ཞིག མིང་གི་རྣམ་གྲངས་ནི། རོ་མ། ར་ས་ནཱ། འཛིན་པའི་རྩ། ངག་གི་རྩ། གཡས་ཀྱི་རྩ། བུད་མེད་ཀྱི་རྩ། ཉི་མའི་རྩ། ཤེས་རབ་ཀྱི་རྩ། རྡུལ་གྱི་རྩ་རྣམས་སོ། །རོ་མ་ལ་བུད་མེད་ཀྱི་རྩ། ཉི་མའི་རྩ། ཤེས་རབ་ཀྱི་རྩ། རྡུལ་གྱི་རྩ་ཞེས་བརྗོད་པའི་རྒྱུ་མཚན་ནི། ཁྲག་གཙོ་བོར་འབབ་པའི་སྒོ་ནས་ཡིན་པ་འདྲའོ། །ཞེས་རྗེའི་གསུང་ཟིན་བྲིས་མ་རྒྱུད་ཀྱི་རྫོགས་རིམ་དཔྱིད་ཐིག་ལས་གསུངས། རྩ་རོ་མ་ཁ་དོག་དམར་པོ་ཡིན་པའི་རྒྱུ་མཚན་ནི། རྩ་དེའི་ནང་ནས་ཁྲག་གཙོ་བོར་འབབ་པའི་རྒྱུ་མཚན་གྱིས་ཡིན་ནོ། །རོ་མ་ཞེས་པ་ནི་རོ་བཅུད་དང་ལྡན་པའམ་ལྡན་མ་ཞེས་པའི་དོན་ཡིན། +

Dictionaries/sgom sde tshig mdzod chenmo/10298 +

<ལ་ལཱ་ན> རྩའི་གཙོ་མོ་གསུམ་གྱི་ཡ་གྱལ་ཞིག དེ་ནི་ཁ་དོག་དཀར་པོ། ལྟེ་བ་ཡན་དུ་རྩ་དབུ་མའི་གཡོན་དུ་གནས་ཤིང༌། ལྟེ་འོག་ནས་དབུ་མའི་གཡས་སུ་འཁྱོགས་ཏེ་ཕོ་མོ་གང་ཡིན་གྱི་རྟགས་ཀྱི་རྩེར་སོང་ནས་དྲི་ཆུ་དང་ཁུ་ཁྲག་འཕེན་འཛིན་བྱེད་ཅིང༌། གཙོ་བོར་ཁྲག་དང་ཅུང་ཟད་འདྲེས་པའི་ཁུ་བ་ཤས་ཆེར་འབབ་པའི་རྩ་ཞིག་གོ། མིང་གི་རྣམ་གྲངས་ནི། རྩ་རྐྱང་མ། ལ་ལཱ་ན། གཟུང་བའི་རྩ། སྐུ་ཡི་རྩ། གཡོན་གྱི་རྩ། སྐྱེས་པའི་རྩ། ཟླ་བའི་རྩ། ཐབས་ཀྱི་རྩ། སྙིང་སྟོབས་ཀྱི་རྩ་རྣམས་སོ། །རྩ་རྐྱང་མ་ལ། སྐྱེས་པའི་རྩ་དང༌། ཟླ་བའི་རྩ། ཐབས་ཀྱི་རྩ། སྙིང་སྟོབས་ཀྱི་རྩ་ཞེས་བརྗོད་པའི་རྒྱུ་མཚན་ནི། ཁུ་བ་གཙོ་བོར་འབབ་པའི་ཆ་ནས་ཡིན་པ་འདྲའོ། །ཞེས་རྗེའི་གསུང་ཟིན་བྲིས་མ་རྒྱུད་ཀྱི་རྫོགས་རིམ་དཔྱིད་ཀྱི་ཐིག་ལེ་ལས་གསུངས། རྐྱང་མ་ཁ་དོག་དཀར་པོ་ཡིན་པའི་རྒྱུ་མཚན་ནི། དེའི་ནང་ནས་ཁུ་བ་གཙོ་བོར་འབབ་པའི་རྒྱུ་མཚན་གྱིས་ཡིན་ནོ། ། +

Dictionaries/sgom sde tshig mdzod chenmo/10299 +

རང་ཉིད་རྒྱུད་གཞན་འཆད་པའི་འགྲེལ་པ་ལྟ་བུར་གནས་པ་མ་ཡིན་པར་རང་ཉིད་འགྲེལ་པ་ལྟ་བུའི་རྒྱུད་གཞན་གྱིས་བཤད་པར་བྱ་བའི་གཞིར་གནས་པའི་རྒྱུད། དེ་ལ་བཤད་རྒྱུད་ལ་ལྟོས་པའི་རྩ་རྒྱུད་ཟེར། དཔེར་ན་གསང་འདུས་དང་བདེ་མཆོག་ལ་སོགས་པའི་རྩ་རྒྱུད་རྣམས་ལྟ་བུ། ཐོག་མར་སྟོན་པས་རྒྱས་པར་གསུངས་པའི་རྒྱུད་གང་ཞིག་ཕྱིས་དེ་ལས་བཏུས་པའི་བསྡུས་རྒྱུད་གང་ལས་འཐུ་བའི་གཞིར་གྱུར་ཅིང༌། རང་ཉིད་གང་ལ་ལྟོས་པའི་རྩ་རྒྱུད་གཞན་གྱི་འཆད་བྱེད་དུ་མ་སོང་བའི་རྒྱུད། དེ་ལ་བསྡུས་རྒྱུད་ལ་ལྟོས་པའི་རྩ་རྒྱུད་ཟེར། དཔེར་ན་དུས་འཁོར་རྩ་རྒྱུད་ལྟ་བུའོ། །མཁས་གྲུབ་ཆོས་རྗེའི་གསུང་ལ་གཞི་བྱས། རྩ་རྒྱུད་ལ་དབྱེ་ན། རྒྱུད་རྒྱས་པ་དང་། ཉུང་ངུའི་རྒྱུད་དམ་བསྡུས་རྒྱུད་གཉིས་ཡོད་དེ། རྗེའི་རིམ་ལྔ་གསལ་སྒྲོན་ལས། འདིར་རྩ་བའི་རྒྱུད་དང་རྒྱུད་ཕྱི་མ་དང་བཤད་པའི་རྒྱུད་ཅེས་གྲགས་པའི་དོན་གང་ཡིན་སྙམ་ན། རྩ་བའི་རྒྱུད་ཀྱི་དབྱེ་བ་ནི་རྒྱུད་རྒྱས་པ་དང༌། ཉུང་ངུའི་རྒྱུད་དམ་བསྡུས་པའི་རྒྱུད་ཅེས་པ་གཉིས་ཡིན་ཏེ། དང་པོར་རྒྱུད་ཤིན་ཏུ་རྒྱས་པར་གསུངས་པ་ཕྱིས་ཀྱི་གདུལ་བྱ་སྔ་མ་ལ་བལྟོས་ན་ཚེ་དང་ཤེས་རབ་སོགས་དམན་པས་བདེ་བླག་ཏུ་ཁོང་དུ་ཆུད་མི་ནུས་པའི་དོན་དུ་སྔ་མ་ལས་བསྡུས་ནས་བསྟན་པའོ། །དེ་གཉིས་ནི་རྒྱུད་ཀྱི་ཚིག་རྒྱས་བསྡུས་ཀྱི་དབྱེ་བ་ཙམ་མ་གཏོགས་པ་གཉིས་ཀ་རྩ་རྒྱུད་ཡིན་པས་སྔ་མ་ཕྱི་མའི་རྩ་རྒྱུད་དུ་འགྲོ་བ་མིན་ནོ། །ཞེས་གསུངས་པ་ལྟར་རོ། །རྩ་རྒྱུད་ཅེས་པའི་རྩ་བའི་དོན་ལ། ཡན་ལག་ལ་བལྟོས་ནས་བཞག་པ་དང༌། དུས་སྔ་ཕྱིའི་རིམ་པས་བཞག་པ། རྩ་འགྲེལ་གྱི་སྒོ་ནས་བཞག་པ་དང་གསུམ་ཡོད་དེ། རྗེའི་རིམ་ལྔ་གསལ་སྒྲོན་ལས། ཡལ་ག་ལ་བལྟོས་ནས་ཤིང་སྡོང་པོའི་རྩ་བའི་ཐ་སྙད་བྱེད་པ་ལྟར་ཡན་ལག་ལ་བལྟོས་ནས་བཞག་པ་གཅིག་དང༌། དང་པོའི་བདག་པོ་ལ་རྩ་བའི་བདག་པོ་ཞེས་བརྗོད་པ་ལྟར་གྱི་དུས་ཀྱི་དབང་དུ་བྱས་པ་རྒྱུད་ཕྱི་མ་ལ་བལྟོས་ནས་བཞག་པ་གཅིག་དང༌། རྩ་བ་དང་འགྲེལ་པ་ཞེས་བརྗོད་པ་ལྟར་བཤད་རྒྱུད་ལ་བལྟོས་ནས་བཞག་པ་གཅིག་སྟེ་གསུམ་སྣང་ངོ༌། །ཞིབ་པ་རྗེའི་རིམ་ལྔ་གསལ་སྒྲོན་ལས་ཤེས་པར་བྱའོ། ། +

Dictionaries/sgom sde tshig mdzod chenmo/103 +

(ལེགས་སྦྱར) བཞུགས་སྒར་དྷ་རམ་ས་ལའི་ཉེ་འཁྲིས་ཀྱི་གྲོང་ཁྱེར་ཞིག ཀཱང་རའམ། ཀཱཾ་ཌ། कांगड़ा kangra ཧཱི་མ་ཅཱལ་མངའ་ཁོངས་ཀཱང་ར་ཞེས་བྱ་བ་གནས་ཆེན་ཉེར་བཞིའི་ནང་གི་ནུབ་ཕྱོགས་ཛཱ་ལནྡྷཱ་ར་བྱ་བའི་གྲགས་ཅན་དེ་ཡིན་པར། དགེ་འདུན་ཆོས་འཕེལ་གྱི་རྒྱ་གར་གནས་ཡིག་ན་གསལ། ཛཱ་ལནྡྷཱ་ར་ལ་གཟིགས། +

Dictionaries/sgom sde tshig mdzod chenmo/1030 +

རྡོ་རྗེ་གདན་ནི་བདག་ཅག་གི་སྟོན་པ་མངོན་པར་སངས་རྒྱས་པའི་གནས་ཡིན་ལ། ལུམྦི་ནི་སྐུ་འཁྲུངས་པ། ཝཱ་རཱ་ཎ་སཱི་ཆོས་འཁོར་བསྐོར་བ། རྩྭ་མཆོག་གྲོང་མྱ་ངན་ལས་འདས་པ། ནཱ་ལེནྡྲ་སྐུ་ཚེ་བྱིན་གྱིས་བརླབས་པ། མཉན་ཡོད་དུ་བདུད་བཏུལ་བ། ཤང་ཁ་ས་ལྷ་ལས་བབས་པ། རྒྱལ་པོའི་ཁབ་དབྱེན་ཟླུམ་པའི་གནས་ཏེ། བརྒྱད་པོ་དེ་དག་ལ་གནས་ཆེན་བརྒྱད་ཅེས་གྲགས། བདེ་གཤེགས་མཆོད་རྟེན་བརྒྱད་ཅེས་གྲགས་པ་དག་ཀྱང༌། སྔར་གནས་ཆེན་འདི་དག་ན་བཞུགས་པ་ཡིན་ནོ། །ཞེས་མཁས་དབང་དགེ་འདུན་ཆོས་འཕེལ་གསུང༌ངོ་། ། +

Dictionaries/sgom sde tshig mdzod chenmo/10300 +

རྩ་བ་དང་རྩེ་མོའི་བསྡུས་ཚིག གཟུངས་འབུལ་ཤེལ་དཀར་མེ་ལོང་ལས། སྲོག་ཤིང་རྒྱུ་ཙན་དན་དཀར་དམར་ཤུག་པ་སོགས། དབྱིབས་གྲུ་བཞི་འམ་ཟླུམ་པོ། །རིང་ཐུང་རྟེན་དང་འཚམས་པ་རྩ་རྩེ་མ་ལོག་པ་ལ་སྲོག་ཤིང་བརྟེན་པའི་སྔགས་ཅི་མང་འབྲི་བའམ་དཀྲི། ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10301 +

རྩ་གསུམ་འཁོར་ལོ་བཞིའམ་དྲུག་གསལ་བཏབ་ནས། དེ་ལ་གསལ་སྣང་འདོན་པ་རྩའི་རྣལ་འབྱོར། རླུང་བུམ་པ་ཅན་ནམ། ངག་དབེན་གྱི་སྐབས་ལྟ་བུར་རྡོ་རྗེ་བཟླས་པ་སོགས་བསྒོམ་པ་རླུང་གི་རྣལ་འབྱོར། གདོང་དང༌། མགྲིན་པ། སྙིང་ག ལྟེ་བ། གསང་གནས། ནོར་བུའི་དབུས་ཀྱི་ཐིག་ལེ་བཅས་ལ་གནད་དུ་བསྣུན་ནས་བསྒོམ་པ་ཐིག་ལེའི་རྣལ་འབྱོར་རོ། ། +

Dictionaries/sgom sde tshig mdzod chenmo/10302 +

<བནྡྷུ> 1 གཉེན་དང་ཉེ་དུའི་མིང༌། རྒྱ་ཆེར་རོལ་པའི་མདོ་ལས། ལྷ་ཚངས་པས། བཅོམ་ལྡན་འདས་ལ་ཆོས་འཁོར་བསྐོར་བར་བསྐུལ་བ་ནི། སྲོག་ཆགས་བྱེ་བ་མང་པོ་དབུགས་ཕྱུང་མཛད་ནས་ནི། །གང་སླད་མི་གསུང་འགྲོ་ལ་བཏང་སྙོམས་མཛད་པ་འདི། །འཇིག་རྟེན་རྩ་ལག་ཁྱོད་ལ་རིགས་པ་མ་ལགས་སོ། །ཞེས་གསུངས་པ་ལྟར་རོ། །སྒྲ་བཤད་ནི། རྩ་བ་དང་ཡན་ལག་ལྟར་ཕན་ཚུན་དམ་པོར་འབྲེལ་བས་ན་རྩ་ལག་ཅེས་བྱའོ། །ཡང་ན་རྩ་ནི་རྩ་བ་སྟེ་མེས་པོའོ། །ལག་ནི་ཡན་ལག་སྟེ་དེའི་བུ་དང་བུ་མོ། ཡང་བུ་ལ་སོགས་པའོ། །ལུང་གཞི་རྒྱ་ཆེར་འགྲེལ་ལས། རྩ་ལག་ཅེས་བྱ་བ་ནི་མེས་པོ་ཞེས་བྱ་བ་ལ་སོགས་པ་ཉེ་དུའོ། །ཞེས་གསུངས་སོ། །2 མགོན་སྐྱབས། ཁུ་ནུ་བླ་མ་བསྟན་འཛིན་རྒྱལ་མཚན་གྱི་ངག་སྒྲོན་འགྲེལ་པར། རྒྱབ་དཔུང་གཉེན་པ་རྩ་ལག་སྟེ་མགོན་སྐྱབས་ཞེས་གསུངས། 3 རྩ་བ་དང་ཡན་ལག གཙོ་འཁོར། +

Dictionaries/sgom sde tshig mdzod chenmo/10303 +

རྩ་ལམ་རྣག་ཁྲག་ཆུ་སེར་ནད་ཚང་ཚིང་ལྗན་ལྗིན་སོགས་ཀྱིས་འགགས་པ་སེལ་བའི་རྫོགས་རིམ་གྱི་རྣལ་འབྱོར་ཞིག དེ་བསྒོམ་པའི་ཚུལ་ནི། རང་གི་ཤིན་ཏུ་ཕྲ་བའི་རླུང་སེམས་བླ་མ་ཡི་དམ་ངོ་བོ་དབྱེར་མེད་ཀྱི་ཐིག་ལེ་དཀར་དམར་སྲན་མ་འབྲིང་པོའམ། ཡུངས་འབྲུ་ཙམ་སྙིང་གར་ཡོད་པ་དེས་སྤྱི་བོའི་རྩ་འཁོར་ཆགས་ལུགས་སོགས་ལ་བལྟ་བར་བྱའོ་སྙམ་པའི་འཕེན་པ་དང་ལྡན་པས་འོད་ཀྱི་གོང་བུར་འདྲིལ་ནས་དབུ་མའི་ནང་བརྒྱུད་དེ་སྤྱི་བོའི་རྩ་འཁོར་གྱི་དབུས་སུ་སོང༌། ལུས་དང་དེ་ལ་བརྟེན་པའི་རྩ་རླུང་ཐིག་ལེའི་གནས་ཚུལ་སྤྱི་དང༌། ཁྱད་པར་སྤྱི་བོའི་རྩ་འཁོར་གྱི་གནས་ཚུལ་ལ་བལྟ་རྟོག་དང་དཔྱད་པ་བྱས་པས་གསལ་བར་མཐོང༌། ཞིབ་ཏུ་དཔྱོད་པའི་ཕྱིར་ཤར་གྱི་རྩ་འདབ་ཀྱི་སྐྱོན་སྦྱང་བར་བྱའོ་སྙམ་པའི་འཕེན་པ་དང་ལྡན་པས། དེའི་རྩེ་མོའི་བར་ཕྲི་ལི་ལི་འདྲིལ་ནས་རྩེ་མོར་སླེབས་པ་ན་ཅུང་ཟད་བསྡད། སླར་ཡང་དབུས་སུ་འོང་ནས་ངལ་བསོས། དེ་འདྲ་ཡང་ཡང་བྱས་པས་ཤར་གྱི་རྩ་ཆད་པ་མཐུད། ཡོ་བ་བསྲངས། ཞར་བ་བསལ། འཁུམ་པ་རེངས། རྣག་ཁྲག་ཆུ་སེར་ནད་ཚང་ཚིང་ལྗན་ལྗིན་སོགས་འགགས་པ་བསལ། གྱོང་བ་མཉེན། ཁུམ་པ་ཐར་བཅད་ནས་ཆུ་ཤིང་གི་སྡོང་པོ་ལྟར་འདྲོང་བར་བྱས་ཏེ་རྩ་འདབ་ནས་རླུང་ཅི་ལྟར་བསྡུ་འདོད་ཀྱང་ཚེགས་མེད་པར་བསྡུས་ཆོག་སྙམ་པ་བྱས། དེ་ལྟར་རྩ་འཁོར་སོ་གཉིས་ལ་འགྲོ་འོང་སོ་གཉིས་ཀྱིས་སྤྱི་བོའི་རྩ་འཁོར་སྦྱངས། དེ་ནས་མགྲིན་པ། སྙིང་ག ལྟེ་བ། གསང་གནས། ནོར་བུའི་དབུས་ཀྱི་རྩ་འཁོར་རྣམས་ལའང་སྔར་ལྟར་སྦྱངས། རྫོགས་རིམ་རྩལ་དུ་འདོན་ན་ཞག་གྲངས་མང་པོར་རྩའི་གསལ་སྣང་སྒྲུབ་སྟེ། དབུ་མའི་ཡར་སྣེ་ནས་རླུང་བུས་ན་རྩ་འཁོར་ཐམས་ཅད་ཀྱི་རྩེ་མོ་ནས་རླུང་སི་རི་རི་འབྱུང་བའི་ཚོད་ལྟ་བུ་དང༌། རྩ་གནས་ཐམས་ཅད་བུ་ག་ཧ་རེ་གསལ་བར་མཐོང་བ་ལྟ་བུའི་དོན་སྤྱི་ཡིད་ངོར་འཆར་ངེས་ཀྱི་བར་སྦྱངས་ན་ལེགས་པར་གསུང་ངོ༌། ། +

Dictionaries/sgom sde tshig mdzod chenmo/10304 +

(གསང་སྔགས) སྔགས་བླ་མེད་ཀྱི་རྩ་བའི་ལྟུང་བ་བཅུ་བཞི་ནི། བླ་མར་བརྙས་སྨོད་བསླབ་བྱར་ཁྱད་གསོད་བྱེད། །སྤུན་ལ་སྐྱོན་བརྗོད་འགྲོ་ལ་བྱམས་པ་སྤོང༌། །སྨོན་འཇུག་སེམས་གཏོང་མདོ་སྔགས་ཆོས་ལ་སྨོད། །མ་སྨིན་གསང་སྒྲོག་རང་གི་ཕུང་པོར་བརྙས། །སྟོང་པ་ཉིད་སྤོང་གདུག་ཅན་མཛའ་བོར་བསྟེན། །ལྟ་བ་མ་དྲན་དད་ལྡན་སེམས་སུན་འབྱིན། །རྩ་ལྟུང་བཅུ་བཞི་སྲོག་དང་བསྡོས་ཏེ་བསྲུང༌། །ཞེས་གསུངས་པ་ལྟར་བཅུ་བཞིའོ། །སྒྲ་བཤད་ནི། འདི་ལས་ལྕི་བའི་སྔགས་ཀྱི་ལྟུང་བ་མེད་པས་ན་རྩ་བ་དང༌། མ་བཤགས་ན་རྡོ་རྗེ་དམྱལ་བར་ལྟུང་བར་བྱེད་པའི་ཕྱིར་ལྟུང་བ་ཞེས་བྱའོ། ། +

Dictionaries/sgom sde tshig mdzod chenmo/10305 +

(དབུ་མ) བྱང་སེམས་ཀྱི་རྩ་ལྟུང་བཅོ་བརྒྱད་ནི། ༡ བདག་བསྟོད་གཞན་སྨོད་ཀྱི་རྩ་ལྟུང༌། ༢ ཆོས་ནོར་མི་སྟེར་བའི་རྩ་ལྟུང༌། ༣ སེམས་ཅན་ལ་འཚོག་པ་(རྡེག་པ)དང་ཤད་སྦྱང་མི་ལེན་པའི་རྩ་ལྟུང་། ༤ དམ་པའི་ཆོས་སྤོང་བ་དང་ཆོས་ལྟར་སྣང་སྟོན་པའི་རྩ་ལྟུང་། ༥ དཀོན་མཆོག་གི་དཀོར་མ་བྱིན་པར་ལེན་པའི་རྩ་ལྟུང་། ༦ དམ་ཆོས་སྤོང་བའི་རྩ་ལྟུང་། ༧ རབ་བྱུང་ལ་འཚེ་བའི་རྩ་ལྟུང་། ༨ མཚམས་མེད་བྱེད་པའི་རྩ་ལྟུང་། ༩ ལོག་ལྟ་འཛིན་པའི་རྩ་ལྟུང་། ༡༠ གནས་འཇིག་པའི་རྩ་ལྟུང་། ༡༡ སྣོད་མིན་ལ་ཟབ་མོ་བཤད་པའི་རྩ་ལྟུང་། ༡༢ ཐེག་ཆེན་ལས་བཟློག་པའི་རྩ་ལྟུང་། ༡༣ སོ་ཐར་སྤོང་བའི་རྩ་ལྟུང་། ༡༤ ཉན་ཐོས་ཀྱི་ཐེག་པ་ལ་སྐུར་བ་འདེབས་པའི་རྩ་ལྟུང་། ༡༥ (བརྫུན་གྱིས) བདག་བསྟོད་གཞན་སྨོད་ཀྱི་རྩ་ལྟུང་། ༡༦ མི་ཆོས་བླ་མ་བརྫུན་སྨྲའི་རྩ་ལྟུང་། ༡༧ དཀོན་མཆོག་གི་དཀོར་ལེན་པའི་རྩ་ལྟུང་། ༡༨ ཁྲིམས་ངན་འཆའ་བའི་རྩ་ལྟུང་དང་བཅོ་བརྒྱད་དོ། །འདི་ནི་སྡོམ་པ་ཉི་ཤུ་པ་དང་། རྗེའི་བྱང་ཆུབ་སེམས་དཔའི་ཚུལ་ཁྲིམས་ཀྱི་རྣམ་བཤད་བྱང་ཆུབ་གཞུང་ལམ་༤༧བ༦ལས་གསུངས་པ་ལྟར་བཀོད་དོ། །དོགས་གཅོད། འདིར་རྩ་ལྟུང་ཞེས་ཐ་སྙད་བྱེད་ཀྱང་རྗེའི་བྱང་ཆུབ་གཞུང་ལམ་ལས་ཕམ་པའི་ཐ་སྙད་མཛད་ཡོད་དོ། །ཅུང་ཟད་ཞིབ་ཏུ་བཤད་ན།༡ བདག་ལ་བསྟོད་པ་དང་གཞན་ལ་སྨོད་པ། རྙེད་དང་བཀུར་སྟི་ལ་ལྷག་པར་ཞེན་ཏེ་བདག་ལ་བསྟོད་པ་དང་གཞན་ལ་སྨོད་པ་བྱང་སེམས་ཀྱི་ཕམ་པ་ལྟ་བུའི་གནས་དང་པོའོ། །༢ ཆོས་མི་སྟེར་བ་དང་ནོར་མི་སྟེར་བ། ལོངས་སྤྱོད་དག་ཡོད་དེ་བདོག་བཞིན་དུ་ཆགས་པའི་རང་བཞིན་ཅན་གྱིས་སྡུག་བསྔལ་བ་དང་བཀྲེན་པ་དང་མགོན་མེད་པ་དང་། རྟེན་མེད་པའི་སློང་བ་པོ་ལེགས་པར་འོངས་པ་རྣམས་ལ་སྙིང་སྲ་བས་ཟང་ཟིང་མི་གཏོང་བ་དང་སེར་སྣ་བྱེད་པའི་ཕྱིར་དོན་དུ་གཉེར་བ་ལེགས་པར་འོངས་པ་རྣམས་ལ་ཆོས་ཀྱི་བགོ་བཤའ་མི་བྱེད་པ་བྱང་སེམས་ཀྱི་ཕམ་པའི་གནས་ལྟ་བུའི་ཆོས་གཉིས་པའོ། །༣ སེམས་ཅན་ལ་འཚོག་པ་དང་ཤད་སྦྱང་མི་ལེན་པ། གང་གིས་བྱང་ཆུབ་སེམས་དཔའི་ཚིག་རྩུབ་མོ་སྨྲས་པ་ཙམ་གྱིས་གཏོང་བར་མི་བྱེད་དེ་ཁྲོ་བའི་ཀུན་ནས་དཀྲིས་པ་དེ་ལྟ་བུ་འཕེལ་བར་བྱེད་ལ་ཁྲོ་བས་ཟིལ་གྱིས་ནོན་ནས་ལག་པའམ་བོང་བའམ་དབྱུགས་པས་སེམས་ཅན་རྣམས་ལ་རྡེག་པར་བྱེད་རྣམ་པར་འཚེ་བར་བྱེད་རྣམ་པར་མཐོ་འཚམ་པར་བྱེད་ཅིང་། ཁྲོ་བའི་བསམ་པ་བདོ་བ་ཁོན་ཞེ་ལ་བཟུང་སྟེ་གཞན་དག་གིས་ཤད་ཀྱིས་སྦྱངས་ཀྱང་མི་ཉན་ཞིང་མི་བཟོད་ལ་བསམ་པས་མི་གཏོང་བ་འདི་ཡང་བྱང་སེམས་ཀྱི་ཕམ་པའི་གནས་ལྟ་བུའི་ཆོས་གསུམ་པའོ། །༤ དམ་པའི་ཆོས་སྤོང་བ་དང་ཆོས་ལྟར་སྣང་སྟོན་པ། བྱང་སེམས་ཀྱི་སྡེ་སྣོད་ལ་སྐུར་བ་འདེབས་པ་དང་བདག་ཉིད་དམ་གཞན་དག་གི་གཡམ་ལ་དམ་པའི་ཆོས་ལྟར་བཅོས་པ་ལ་མོས་ནས་དེ་ལ་དགའ་བ་དང་སྟོན་པ་དང་འཇོག་པ་ནི་བྱང་སེམས་ཀྱི་ཕམ་པའི་གནས་ལྟ་བུའི་ཆོས་བཞི་པའོ། །སྡོམ་པ་ཉི་ཤུ་པ་ལས། ༡ རྙེད་དང་བཀུར་སྟིར་ཆགས་པ་ཡིས། །བདག་བསྟོད་གཞན་ལ་སྨོད་པ་དང་། །༢ སྡུག་བསྔལ་མགོན་མེད་འགྱུར་བ་ལ། །སེར་སྣས་ཆོས་ནོར་མི་སྟེར་དང་། །༣ གཞན་གྱིས་བཤགས་ཀྱང་མི་ཉན་པར། །ཁྲོས་ནས་གཞན་ལ་འཚོག་པ་དང་། །ཐེག་པ་ཆེན་པོ་སྤོང་བྱེད་ཅིང་། །དམ་ཆོས་འདྲར་སྣང་སྟོན་པའོ། །ཞེས་གསུངས་སོ། །སྡོམ་ནི། བདག་བསྟོད་གཞན་སྨོད་ཆོས་ནོར་མི་སྟེར་ཞིང་། །གཞན་ལ་རྡེག་ཅིང་བཤགས་ཀྱང་མི་ཉན་དང་། །ཐེག་ཆེན་སྤོང་དང་ལྟར་སྣང་ཆོས་སྟོན་པ། །བཞི་པོ་འདི་དག་ཕམ་འདྲའི་ཆོས་བཞི་ཡིན། །ཞེས་འབྱུང་བ་ལྟར་རྩ་ལྟུང་བཞི་པོ་རྣམས་སོ་སོར་ཕྲལ་ན་བདག་ལ་བསྟོད་པ་དང་གཞན་ལ་སྨོད་པ་སོགས་བརྒྱད་དུ་འགྱུར་བ་ཡིན་ནོ། །སྡོམ་པ་ཉི་ཤུ་པ་དང་རྗེའི་བྱང་ཆུབ་གཞུང་ལམ་གཉིས་ཀར་དེ་ལྟར་གསུངས་སོ། །༥ དཀོན་མཆོག་གི་དཀོར་མ་བྱིན་པར་ལེན་པའི་ཕམ་པ།(འདིའི་དཀོན་མཆོག་ནི་དཀོན་མཆོག་གསུམ་ག་དང་། དེ་ཡང་སངས་རྒྱས་ནི་སངས་རྒྱས་དངོས་སམ་སྐུ་གཟུགས་སོགས་གང་རུང་། ཆོས་ནི་ལུང་རྟོགས་གཉིས། དགེ་འདུན་ནི་ཕྱོགས་བཅུའི་དགེ་འདུན་ནོ) ༦ དམ་ཆོས་སྤོང་བའི་ཕམ་པ། (འདིའི་དམ་ཆོས་ནི། རྗེའི་བྱང་ཆུབ་གཞུང་ལམ་༥༨བ༢ལས། ཐེག་པ་གསུམ་དང་ལྡན་པའི་མདོ་སྡེ་གང་རུང་ངོ་། །ཞེས་གསུངས་པ་ལྟར་རོ། །སྤོང་ཚུལ་ནི། དེ་བཞིན་གཤེགས་པས་གསུངས་པ་མ་ཡིན་ནོ། །ཞེས་སྐུར་བ་འདེབས་པའོ) ༧ རབ་བྱུང་ལ་འཚེ་བའི་ཕམ་པ། (རྗེའི་བྱང་ཆུབ་གཞུང་ལམ་༥༩ན༥ལས། འཚེ་བའི་ཡུལ་ནི། མདོ་ལས་སངས་རྒྱས་ཀྱི་རྗེས་སུ་རབ་ཏུ་བྱུང་བ་བྱས་པ་བསླབ་པའི་གཞི་བཟུང་མ་བཟུང་དང་ཚུལ་ཁྲིམས་འཆལ་བ་དང་ཚུལ་ལྡན་གང་རུང་ལ་གསུངས་ཤིང་། ཚིགས་བཅད་དེ་ལའང་འང་གི་སྒྲ་ཡོད་པས་ཚུལ་ཁྲིམས་འཆལ་བའི་དགེ་སློང་ཞེས་པ་མཚོན་པ་ཙམ་མོ། །འཚེ་བ་ཇི་ལྟར་བྱས་པ་ལ་ཀུན་སློང་ནི། ཡུལ་དེ་ལ་གནོད་ཅིང་འཚེ་བའི་བསམ་པ་སྟེ་ཉོན་མོངས་ཅན་ནོ། །སྦྱོར་བ་ནི། གོས་ངུར་སྨྲིག་འཕྲོག་པ་དང་རབ་བྱུང་ལས་ཕབ་སྟེ་ཁྱིམ་ན་གནས་པ་བྱེད་དུ་འཇུག་པ་གང་རུང་བྱས་པའོ། །ཞེས་གསུངས་སོ) ༨ མཚམས་མེད་བྱེད་པའི་ཕམ་པ། ༩ ལོག་ལྟ་འཛིན་པའི་ཕམ་པ། ༡༠ གནས་འཇིག་པའི་ཕམ་པ། ༡༡ སྣོད་མིན་ལ་ཟབ་མོ་བཤད་པའི་ཕམ་པ། ༡༢ ཐེག་ཆེན་ལས་བཟློག་པའི་ཕམ་པ། (ཐེག་ཆེན་ལ་ཞུགས་པ་ལ་ཁྱོད་ཀྱིས་ཕྱིན་དྲུག་སྤྱད་པར་མི་ནུས་ཤིང་འཚང་རྒྱ་བར་མི་ནུས་ཀྱིས་ཉན་རང་ལ་གཞུག་པར་རིགས་སོ་ཞེས་སེམས་ཤུགས་ཉམས་སུ་བཅུག་སྟེ་ཐེག་ཆེན་ལས་བཟློག་ཏུ་འཇུག་པའོ) ༡༣ སོ་ཐར་སྤོང་བའི་ཕམ་པ། (རྗེའི་བྱང་ཆུབ་གཞུང་ལམ་༦༠བ༣ལས། འདུལ་བའི་ཚུལ་ཁྲིམས་དག་པས་ཅི་ཞིག་བྱ་རྫོགས་བྱང་དུ་སེམས་བསྐྱེད་ལ་ཐེག་ཆེན་ལྷོགས་ཤིག་དང་ཉོན་མོངས་པའི་རྐྱེན་གྱིས་བྱུང་བའི་སྒོ་གསུམ་གྱི་ཉེས་སྤྱོད་ཐམས་ཅད་དག་པར་འགྱུར་རོ་ཞེས་སེམས་བསྐྱེད་དང་ཐེག་ཆེན་བཀླགས་པ་ཙམ་གྱིས་འདག་པར་སྨྲ་བའོ། །ཞེས་གསུངས) ༡༤ ཉན་ཐོས་ཀྱི་ཐེག་པ་ལ་སྐུར་བ་འདེབས་པའི་ཕམ་པ། (རྗེའི་བྱང་ཆུབ་གཞུང་ལམ་༦༡ན༢ལས། སྐུར་བ་འདེབས་པའི་ཚུལ་ནི། ཐེག་པ་དེ་དག་ལ་ཇི་ཙམ་བསླབས་ཀྱང་ཉོན་མོངས་པ་མཐར་འབྱིན་པའམ་མ་ལུས་པར་སྤོང་མི་ནུས་སོ་ཞེས་བསམ་པ་ཐག་པ་ནས་སྐུར་བ་འདེབས་པའོ། །ཞེས་དང་། ཡང་དེ་ཉིད་ལས། ཕམ་པ་འདི་དང་ཕམ་པ་གཉིས་པའི་ཉན་རང་གི་ཆོས་སྤངས་པ་གཉིས་ནི་མི་འདྲ་སྟེ། སྔ་མ་ལུང་ཡིན་ལ་འདི་རྟོགས་པ་ཡིན་པ་དང་སྔ་མ་ནི་རྒྱལ་བས་མ་གསུངས་ཞེས་སྤོང་ལ་འདི་ནི་སྲིད་པའི་རྩ་བ་གཅོད་མི་ནུས་པས་འཁོར་བ་ལས་འབྱུང་བར་མི་ནུས་ཞེས་སྤོང་བའི་ཕྱིར་རོ། །ཞེས་གསུངས) ༡༥ (བརྫུན་གྱིས)བདག་བསྟོད་གཞན་སྨོད་ཀྱི་ཕམ་པ། (བྱང་ཆུབ་གཞུང་ལམ་༥༡བ༤ལས། རྙེད་བཀུར་དང་ཚིགས་བཅད་ཀྱི་ཆེད་དུ་ཐེག་ཆེན་འདོན་པ་དང་ཀློག་པ་དང་སྟོན་པ་སོགས་བྱེད་བཞིན་དུ་བདག་ནི་རྙེད་བཀུར་སོགས་ལ་མི་ལྟ་བའི་ཐེག་ཆེན་པ་ཡིན་གྱི་གཞན་ནི་མིན་ནོ་ཞེས་ལྕེ་གཉིས་བྱེད་པའོ། །ཞེས་གསུངས།) ༡༦ མི་ཆོས་བླ་མ་བརྫུན་སྨྲའི་ཕམ་པ།(བྱང་ཆུབ་གཞུང་ལམ་༦༢ན༦ལས། སྟོང་པ་ཉིད་ཀྱི་ཆོས་བསྟན་ནས་འདི་ནི་ཁོ་བོས་མངོན་སུམ་དུ་བྱས་ནས་ཁྱོད་ལ་སྙིང་བརྩེ་བས་བསྟན་གྱི་ཁྱོད་ཀྱིས་ཀྱང་འདི་མངོན་སུམ་དུ་འགྱུར་བ་དེ་ལྟར་སྒོམས་ཤིག་དང་ཁོ་བོ་དང་འདྲ་བར་འགྱུར་རོ། །ཞེས་སྨྲ་བའོ། །ཞེས་གསུངས་པ་ལྟར་རོ) ༡༧ དཀོན་མཆོག་གི་དཀོར་ལེན་པའི་ཕམ་པ། (རྗེའི་བྱང་ཆུབ་གཞུང་ལམ་༦༦བ༣ལས། འདི་ནི་མདུན་ན་འདོན་དང་བློན་པོ་སོགས་ཀྱིས་རྒྱལ་རིགས་རྣམས་ལ་བརྟེན་ནས་དགེ་སྦྱོང་ལ་ནོར་གྱི་ཆད་པས་གཅོད་ལ། དེ་ལྟར་བྱས་པ་ན་དེ་དག་གིས་གང་ཟག་གིའམ་དགེ་འདུན་གྱིའམ་ཕྱོགས་བཞིའི་དགེ་འདུན་གྱིའམ་མཆོད་རྟེན་གྱི་ཡོ་བྱད་དག་རྐུར་བཅུག་ནས་དེ་དག་ལ་གསུག་ཏུ་འབུལ་ལོ། །དེ་དག་གིས་ཀྱང་རྒྱལ་རིགས་ལ་འབུལ་ཏེ་རྒྱལ་པོ་དང་བློན་པོ་སོགས་ལ་རྩ་ལྟུང་ངོ་། །ཞེས་གསུངས) ༡༨ ཁྲིམས་ངན་འཆའ་བའི་ཕམ་པ། (རྗེའི་བྱང་ཆུབ་གཞུང་ལམ་༦༧ན༡ལས། ཁྲིམས་འཆའ་བའི་ཡུལ་ནི། ཆོས་སྤྱོད་པའི་དགེ་སློང་རྣམས་སོ། །ཁྲིམས་ཇི་ལྟར་བཅས་པ་ནི། དེ་དག་རྣམས་ལ་བརྩེ་བའི་བསམ་པས་(འདིའི་བརྩེ་བ་ནི་བྱམས་སྙིང་རྗེའི་བརྩེ་བ་ལ་མི་གོ་བར་མི་བཟོད་པའམ་འཚེ་བའི་བསམ་པ་ལ་གོ་དགོས)ཞི་གནས་དང་ལྷག་མཐོང་དང་མཐུན་པའི་ཡིད་བྱེད་འདོར་བ་དང་ཉོན་མོངས་པ་མང་དུ་འགྱུར་བའི་ཁྲིམས་བཅས་པའོ། །ཞེས་གསུངས) ༧སྐྱབས་རྗེ་ཕ་བོང་ཁ་རིན་པོ་ཆེའི་ཐུན་དྲུག་བླ་མའི་རྣལ་འབྱོར་ལས། བྱང་སེམས་ཀྱི་རྩ་ལྟུང་བཅོ་བརྒྱད་ལ་བསྔོ་བགྲང་བྱ་བ་ནི། བདག་བསྟོད་གཞན་སྨོད་༡ཆོས་ནོར་མི་སྟེར་༢ཞིང༌། །བཤགས་ཀྱང་མི་ཉན་༣ཐེག་ཆེན་སྤོང་བ་༤དང༌། (དོགས་གཅོད། བྱང་སེམས་ཀྱི་རྩ་ལྟུང་བཅོ་བརྒྱད་ལས་དང་པོ་བཞི་ལ་ཕྱེ་ན་བརྒྱད་དུ་འགྱུར་དགོས་པས། སྐྱབས་རྗེ་ཕ་བོང་ཁ་རིན་པོ་ཆེའི་ཐུན་དྲུག་བླ་མའི་རྣལ་འབྱོར་ལས། གཞན་ལ་འཚོག་པ་དང་། དམ་ཆོས་འདྲར་སྣང་སྟོན་པ་གཉིས་མི་འབྱུང་བས། སྡོམ་པ་ཉི་ཤུ་པ་དང་རྗེའི་བྱང་ཆུབ་གཞུང་ལམ་གཉིས་ཀ་དང་མི་མཐུན་པས་ནོར་བའི་སྐྱོན་དུ་མཐོང་ངོ་། །དེ་ཡང་སྡོམ་པ་ཉི་ཤུ་པ་ལས། གཞན་གྱིས་བཤགས་ཀྱང་མི་ཉན་པར། །ཁྲོས་ནས་གཞན་ལ་འཚོག་པ་དང་། །ཐེག་པ་ཆེན་པོ་སྤོང་བྱེད་ཅིང་། །དམ་ཆོས་འདྲར་སྣང་སྟོན་པའོ། །ཞེས་གསལ་བར་གསུངས་སོ། །དེས་ན། བདག་བསྟོད་གཞན་སྨོད་ཆོས་ནོར་མི་སྟེར་ཞིང་། །བཤགས་ཀྱང་མི་ཉན་གཞན་ལ་རྡེག་པ་དང་། །ཐེག་ཆེན་སྤོང་དང་ལྟར་སྣང་ཆོས་སྟོན་པའོ། །ཞེས་འདོན་དགོས་སོ) །དཀོན་མཆོག་དཀོར་འཕྲོག་༥ཆོས་སྤོང་༦ངུར་སྨྲིག་འཕྲོག ༧།མཚམས་མེད་ལྔ་༨་དང་ལོག་ལྟ་༩གྲོང་སོགས་འཇོམས་༡༠། །མ་སྦྱངས་སྟོང་ཉིད་་བསྟན་༡༡དང་རྫོགས་བྱང་བཟློག༡༢ །སོ་ཐར་སྤོང་༡༣དང་ཉན་སྨོད་༡༤ཟབ་བརྫུན་སྨྲ༡༥། །མཆོག་གསུམ་དཀོར་ལེན་༡༦ཁྲིམས་ངན་འཆའ་༡༧སེམས་གཏོང༌༡༨། །(གོང་དུ་བཤད་པའི་རྩ་ལྟུང་བཅོ་བརྒྱད་ལས། ལོག་ལྟ་དང་སེམས་གཏོང་བ་གཉིས་མ་གཏོགས་པ། གཞན་བཅུ་དྲུག་ལ་ཀུན་དཀྲིས་བཞི་པོ་གང་རུང་ཞིག་ཚང་དགོས་སོ) ཉེས་དམིགས་མི་བལྟ་༡སྤྱོད་འདོད་མ་ལོག་༢དང༌། །དགའ་མགུ་༣ངོ་ཚ་ཁྲེལ་མེད་༤ ཀུན་དཀྲིས་བཞི། །ཚང་དགོས་བཅུ་དྲུག་མི་དགོས་ལོག་ལྟ་དང༌། །སེམས་འདོར་གཉིས་བཅས་རྩ་ལྟུང་བཅོ་བརྒྱད་བསྲུང༌། །(རྩ་ལྟུང་བཅོ་བརྒྱད་ཀྱི་གྲངས་འདྲེན་ལ་དོགས་གཅོད) སློབ་དཔོན་ཙནྡྲ་གོ་མིའི་སྡོམ་པ་ཉི་ཤུ་པ་དང་རྗེའི་བྱང་སེམས་ཀྱི་རྩ་ལྟུང་གི་རྣམ་བཤད་ལས་རྩ་ལྟུང་བཅོ་བརྒྱད་འདྲེན་པའི་ཚེ་བྱང་སེམས་འདོར་བ་མི་འབྱུང་བར་དེའི་དོད་ལ་བདག་བསྟོད་གཞན་སྨོད་གོང་འོག་ཏུ་ལན་གཉིས་འབྱུང་ལ། འོན་ཀྱང་སྐྱབས་རྗེ་ཕ་བོང་ཁ་པའི་ཐུན་དྲུག་བླ་མའི་རྣལ་འབྱོར་དུ། བདག་བསྟོད་གཞན་སྨོད་དང་པོ་དང་བཅུ་བཞི་པ་གཉིས་ཀར་འབྱུང་བ་དེ་གཉིས་ཟློས་སྐྱོན་ལྟ་བུར་གཟིགས་ནས། དེ་གཉིས་ལས་གཅིག་དོར་ནས། བྱང་སེམས་འདོར་བ་བསྣན་ཏོ། །དེ་ཡང་ཁུངས་མེད་པ་མ་ཡིན་པར་ཐབས་ལ་མཁས་པའི་མདོ་ལས་འདི་རྩ་ལྟུང་དུ་གསུངས་པས་དེ་ལ་བསམས་ནས་བཀོད་པར་སེམས་སོ། །(ཀུན་དཀྲིས་གསུམ་གྱི་ཁྱད་པར) ཀུན་དཀྲིས་ཆེ་འབྲིང་ཆུང་གསུམ་གྱི་ཁྱད་པར་ནི། ཉེས་དམིགས་མི་བལྟ་བ། སྤྱོད་འདོད་མ་ལོག་པ། དགའ་ཞིང་མགུ་བ། ངོ་ཚ་ཁྲེལ་མེད་བཅས་བཞི་པོ་ཐམས་ཅད་ཚང་ན། ཀུན་དཀྲིས་ཆེན་པོ། ཉེས་དམིགས་སུ་མི་བལྟ་བ་འདི་ཀུན་དཀྲིས་བཞི་ལས་ཚབས་ཆེ་ཤོས་ཡིན་པས་འདི་ཡོད་ན། གཞན་གསུམ་ག་མེད་ཀྱང་། ཀུན་དཀྲིས་འབྲིང་། ཉེས་དམིགས་སུ་བལྟ་བ་མེད་ན། གཞན་གསུམ་ག་ཚང་ཡང་། ཀུན་དཀྲིས་ཆུང་ངུ་ཞེས་བྱའོ། །རྗེའི་བྱང་སེམས་ཀྱི་རྩ་ལྟུང་གི་རྣམ་བཤད་༦༥ན༣ལས། ཀུན་དཀྲིས་ཆེན་པོ་ངོས་གཟུང་བ་ནི་ཕམ་པའི་གནས་ལྟ་བུའི་ཆོས་བཞི་པོ་འདི་དག་རྒྱུན་མ་ཆད་པར་ཀུན་ཏུ་སྤྱོད་པ་དང་ངོ་ཚ་ཤེས་པ་དང་ཁྲེལ་ཡོད་པ་ཆུང་ངུ་ཙམ་ཡང་མི་སྐྱེད་པ་དང་དེས་མགུ་བར་བྱེད་ཅིང་དེ་ལ་དགའ་བ་དང་དེ་ཉིད་ལ་ཡོན་ཏན་དུ་ལྟ་བ་ཅན་དུ་གྱུར་པ་འདི་ནི་ཀུན་ནས་དཀྲིས་པ་ཆེན་པོ་ཡིན་པར་རིག་པར་བྱའོ། །ཞེས་དང་། ཡང་དེ་ཉིད་༧༢ན༡ལས། དེས་ན་ཀུན་དཀྲིས་ཆེན་པོའི་ཡན་ལག་མ་ཚང་བའི་ཉེས་དམིགས་སུ་ལྟ་བ་འདུག་ན་ལྷག་མ་ཐམས་ཅད་ཚང་ཡང་ཆུང་ངུར་ཤེས་པར་བྱ་ལ་ཉེས་དམིགས་སུ་ལྟ་བ་མི་འདུག་ན་འབྲིང་དུ་ཤེས་པར་བྱའོ། །ཞེས་གསུངས་སོ། །

Dictionaries/sgom sde tshig mdzod chenmo/10306 +

(གསང་སྔགས) ལུས་ཀྱི་རྩའི་ཉག་མ་རིང་པོ་ལ། རྩ་ཤད་ཟེར། དཔེར་ན་སྐྲའི་ཉག་མ་རིང་པོ་ལ། སྐྲ་ཤད་ཟེར་བ་བཞིན་ནོ། ། +

Dictionaries/sgom sde tshig mdzod chenmo/10307 +

(གསང་སྔགས) ནཱ་རོ་པའི་མཚན་གྱི་རྣམ་གྲངས་ཤིག འགྲེལ་བཤད་ཞིབ་པར་ནཱ་རོ་པ་ཞེས་པའི་ཐད་དུ་གཟིགས། +

Dictionaries/sgom sde tshig mdzod chenmo/10308 +

(དབུ་མ) ༡ ག་ལས་འཇིགས་མེད། (བུ་སྟོན་རིན་པོ་ཆེས་འདི་རྩ་ཤེའི་རང་འགྲེལ་དུ་གསུངས་ཀྱང༌། རྗེ་ཙོང་ཁ་པ་ཆེན་པོས་ལེགས་བཤད་སྙིང་པོར་དེ་མིན་པར་གསུངས། འདིའི་དོགས་གཅོད་སྟོང་ཐུན་སྐལ་བཟང་མིག་འབྱེད་༣༨བ༢ན་གསལ) ༢ དེ་བ་ཤརྨ༌། (ལྷའི་དགེ་སྦྱོང་ངམ་དགེ་བའི་ལྷ། སློབ་དཔོན་ཆོས་སྐྱོང་གི་སློབ་མ་དེ་བ་ཤརྨས་ཟླ་གྲགས་འགོག་པར་བསམས་ནས་རྩ་ཤེའི་འགྲེལ་པ་དཀར་པོ་རྣམ་པར་འཆར་བ་བརྩམས་པར་ཏཱ་ར་ནཱ་ཐའི་ཆོས་ཆོས་འབྱུང་ན་༡༨༠གསལ) ༣ གུ་ཎ་མ་ཏི། (ཡོན་ཏན་བློ་གྲོས) ༤ གུ་ཎ་ཤྲཱི། (ཡོན་ཏན་དཔལ) ༥ སྠི་ར་མ་ཏི། (བློ་གྲོས་བརྟན་པ) ༦ སངས་རྒྱས་བསྐྱངས་ཀྱི་བུདྡྷཱ་པཱ་ལི་ཏ། ༧ ལེགས་ལྡན་འབྱེད་ཀྱི་ཤེས་རབ་སྒྲོན་མེ། (ལེགས་ལྡན་འབྱེད་ནི་དེ་བ་ཤརྨའི་འགྲེལ་པ་དཀར་པོ་རྣམ་པར་འཆར་བའི་རྗེས་སུ་འབྲང་བར་སྤྱན་རས་གཟིགས་བརྟུལ་ཞུགས་ཀྱིས་བཤད་དོ། །ཞེས་རྗེའི་ལེགས་བཤད་སྙིང་པོར་གསུངས) ༨ ཟླ་བ་གྲགས་པའི་ཚིག་གསལ་དང་བརྒྱད་དོ། །འགྲེལ་པ་བརྒྱད་པོ་དེ་དག་ལས། ག་ལས་འཇིགས་མེད། བུདྡྷཱ་པཱ་ལི་ཏ། ཤེས་རབ་སྒྲོན་མེ། ཚིག་གསལ་དང་བཞི་ལས་གཞན་རྣམས་བོད་དུ་མ་འགྱུར། +

Dictionaries/sgom sde tshig mdzod chenmo/10309 +

(གསང་སྔགས) རྩ་ཁ་ཕྱེ་བའི་དོན་ཡིན། སྤྱིར་སད་པ་ནི་གཉིད་སད་པ་དང༌། བརྟག་དཔྱད་དམ་ཚོད་ལྟ་བྱེད་པ། རྒྱས་པའི་དོན་བཅས་ལ་འཇུག་པ་ལས་འདིར་ཕྱི་མའོ། །རྗེའི་ཞལ་ཤེས་གནད་ཀྱི་ཐིམ་ཡིག་ལས། དེ་ལྟར་རྩ་དབུ་མ་སད་པའི་ཕྱག་རྒྱ་དང་ཐབས་སྙོམས་པར་ཞུགས་པས་ན་ཕྱག་རྒྱའི་རྩ་སད་པའི་རྐྱེན་དེས་ཐབས་ཀྱི་རྩ་ཨ་བ་དྷཱུ་ཏཱི་སད་པར་འགྱུར་ལ། དེ་སད་ན་རོ་རྐྱང་གཉིས་ཁ་ཟུམ་པ་ཆོས་ཉིད་ཡིན་ཅིང༌། ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/1031 +

འཛམ་གླིང་འདི་ན་བྱིན་རླབས་ཅན་གྱི་གནས་ཁྱད་པར་དུ་འཕགས་པ་ལྔ་ཡོད་པར་གྲགས་ཏེ། དབུས་ན་རྒྱ་གར་རྡོ་རྗེ་གདན། ཤར་ན་རྒྱ་ནག་རི་བོ་རྩེ་ལྔ། ལྷོ་ན་རི་བོ་པོ་ཏ་ལ། ནུབ་ན་ཡོ་ཊི་ཡ་ན་མཁའ་འགྲོའི་གནས། བྱང་ན་རིགས་ལྡན་གྱི་གནས་ཤམྦྷ་ལ་རྣམས་སོ། ། +

Dictionaries/sgom sde tshig mdzod chenmo/10310 +

སྤྱི་བོར་རྩ་མི་ཕྱེད་མ་ནས། ཕྱོགས་བཞིར་རྩ་བཞི་གྱེས། དེ་བཞིའི་རྩེ་མོ་གཉིས་གཉིས་སུ་གྱེས་པས་ཕྱོགས་མཚམས་ཀྱི་རྩ་བརྒྱད་དོ། །བརྒྱད་པོ་རེ་རེ་ལ་གསུམ་གསུམ་དུ་གྱེས་པས། རྩ་ཉེར་བཞི། ཉེར་བཞི་པོ་རེ་རེ་ལ། རྩེ་མོ་གསུམ་གསུམ་དུ་གྱེས་པས། རྩ་བདུན་ཅུ་རྩ་གཉིས། དེ་རེ་རེ་ལ་སྟོང་ཕྲག་གྱེས་པས་རྩ་བདུན་ཁྲི་ཉིས་སྟོང་ངོ༌། ། +

Dictionaries/sgom sde tshig mdzod chenmo/10311 +

(གསང་སྔགས) རྩ་དབུ་མ་ཁ་ཕྱེ་བའི་དོན། +

Dictionaries/sgom sde tshig mdzod chenmo/10312 +

(འདུལ་བ) རྩངས་ནན་དང་འདྲ། རྒྱལ་རབས་དེབ་ཐེར་དཀར་པོ་ཤོག་གྲགས་༢༧ནང༌། རྩང་ནན་ཡམ་གསུམ་དང་རན་ཁུར་གཅིག (དེའི་དོན་ནི) ཆང་བྲེ་གསུམ་དང་རྩྭ་ཁུར་གཅིག་ཅེས་གསལ། “རྩང་ནན” དང་འོག་གི་ “རྩངས་ནན” གཉིས་དོན་གཅིག་ཡིན་མིན་དང་ཡི་གེ་དག་མིན་བཅས་ལ་དཔྱད། +

Dictionaries/sgom sde tshig mdzod chenmo/10313 +

1 འབྲུ། +

Dictionaries/sgom sde tshig mdzod chenmo/10314 +

2 ནས། +

Dictionaries/sgom sde tshig mdzod chenmo/10315 +

3 ཆུ་ཀླུང་ཆེན་པོ། +

Dictionaries/sgom sde tshig mdzod chenmo/10316 +

4 ཕུ། +

Dictionaries/sgom sde tshig mdzod chenmo/10317 +

5 གཙོ་བོ་སོགས་ཀྱི་དོན་ལ་འཇུག་པར་བཤད། +

Dictionaries/sgom sde tshig mdzod chenmo/10318 +

6 ཡང༌། བོད་རྒྱ་ཚིག་མཛོད་མོར། ཚེར་མ། +

Dictionaries/sgom sde tshig mdzod chenmo/10319 +

7 ཤིང་སྐྱེར་པ་ཕྲ་མོར་བཤགས་ནས་གཏོར་མའི་མཐའ་སྐོར་དུ་ཁྲ་མ་ལྟ་བུར་བཙུགས་པའི་ཐུར་མ་རྣམས་ཀྱི་མིང༌། +

Dictionaries/sgom sde tshig mdzod chenmo/1032 +

སྐྲ་མཚམས། སྤྱི་བོ། རྣ་བ་གཡས་གཡོན་གཉིས། ལྟག་པ། སྨིན་མཚམས་མིག་གཉིས་དང༌། ཕྲག་པ་གཉིས་དང་བརྒྱད་ནི་ཐུགས་ཀྱི་གནས་སོ། །མཆན་ཁུང་གཉིས། ནུ་མ་གཉིས། ལྟེ་བ། སྣ་རྩེ། ཁ། མགྲིན་པ། སྙིང་ཁ། འབྲས་བུ་གཉིས་དང་བརྒྱད་གསུང་གི་གནས་སོ། །རྟགས་ཀྱི་རྩེ། བཤང་ལམ། བརླ་གཉིས། མཐེ་བོང་བཞི། པུས་མོ་གཉིས་དང་བཞི་སྟེ་བརྒྱད་ནི་སྐུའི་གནས་སོ། །དེ་དག་ལ་སྙིང་ཁའི་རྩ་འདབ་བརྒྱད་ལས་རྩ་གྱེས་ཏེ་གནས་དེ་དག་ཏུ་ཟུག་པས་གནས་ཉེར་བཞིའི་རྩ་ཞེས་ཟེར་རོ། །ཉེར་བཞི་པོ་དེ་རེ་རེ་ལ་སྐུ་གསུང་ཐུགས་ཀྱི་རྩ་གསུམ་གསུམ་སྟེ་ཉེར་བཞི་ཚན་པ་གསུམ་དུ་ཕྱེ་བས་རྩ་བདུན་ཅུ་དོན་གཉིས། དོན་གཉིས་པོ་རེ་རེ་ལའང་སྟོང་ཕྲག་རེ་རེ་ཕྱེ་བས་རྩ་སྟོང་ཕྲག་བདུན་ཅུ་དོན་གཉིས་སོ། ། +

Dictionaries/sgom sde tshig mdzod chenmo/10320 +

8 རྙི། +

Dictionaries/sgom sde tshig mdzod chenmo/10321 +

9 ཆང༌། བཅས་ཀྱི་མིང་ཡིན་པར་བཤད་དོ། ། +

Dictionaries/sgom sde tshig mdzod chenmo/10322 +

(འདུལ་བ) ཤིང་ཕྲ་སྦོམ་རན་པ་སྲིད་དུ་འདོམ་དོ་པ་མང་པོ་ཕྲེང་དུ་བསྒྲིགས་པ་ལྕགས་རིའི་ཕྱི་རོལ་གྱི་ཁོར་ཡུག་ཏུ་བཙུགས་པ་ནི་རྩངས་ཞེས་བྱ་སྟེ། ཞེས་མཚོ་ཊཱིཀ་ལས་གསུངས། རྩངས་ནི་ཕ་རོལ་པོའི་དགྲའི་གནོད་པ་ལས་སྐྱོབ་བྱེད་ཅིག་ཡིན་པར་སེམས། +

Dictionaries/sgom sde tshig mdzod chenmo/10323 +

(འདུལ་བ) རབ་བྱུང་གི་བཏུང་བའི་བྱེ་བྲག་ཅིག འདུལ་བ་ལས། ཚེ་དང་ལྡན་པ་རྩངས་ནན་གསོལ་ཅིག་ཅེས་པ་ལྟ་བུའོ། ། +

Dictionaries/sgom sde tshig mdzod chenmo/10324 +

(གསང་སྔགས) ཡན་ལག་གི་རླུང་ལྔའི་ཡ་གྱལ་ཞིག་སྟེ། སྣ་ལ་གནས་ཤིང་བྱེད་ལས་དྲི་འཛིན་པ་དང་ཁྲོ་བ་དང་འཁྲུགས་པ་སོགས་ཀྱི་བྱ་བ་བྱེད་པའི་རླུང་ཞིག སྒྲ་བཤད་ནི། རླུང་དེ་གློ་བ་རྩངས་པ་སྒལ་རལ་གྱི་དབྱིབས་དང་འདྲ་བ་དེ་ལས་བྱུང་བས་དེ་སྐད་ཅེས་བཏགས། +

Dictionaries/sgom sde tshig mdzod chenmo/10325 +

(འདུལ་བ) འཐབ་ཀྲོལ། +

Dictionaries/sgom sde tshig mdzod chenmo/10326 +

(འདུལ་བ) འཐབ་ཀྲོལ་ཅན་དང་དོན་གཅིག རང་གི་རྣམ་བཤད་ལས། རྣམ་པར་འབྱེད་པ་ལས་ཙབ་ཀྲོལ་ཅན་ཞེས་བྱ་བ་ནི་བུད་མེད་མ་རུངས་མའོ་ཞེས་བྱ་བ་གསུངས་པ་ཡིན་ནོ། །གླེང་གཞི་ལས་ཀྱང་བུད་མེད་གཞན་དེ་མཐོང་བ་ནི་མ་རུངས་པ་ཁྲོ་བ་རྩུབ་པོ་སྨྲ་བ། ཞེས་གསུངས་སོ། །མཚོ་ཊཱིཀ་སྨད་ཆ་དང་བུད་མེད་རིན་པོ་ཆེའི་མའི་རྣམ་འབྱེད་འགྲེལ་སོགས་ལས་ཀྱང་གོང་བཞིན་བཤད་དོ། ། +

Dictionaries/sgom sde tshig mdzod chenmo/10327 +

1 (འདུལ་བ) དུག་སློག་རལ་ནས་རྩབ་ཧྲལ་དུ་སོང་བ་ལྟར་བཙུན་ཚུགས་ཉམས་ནས་འདོད་ཆགས་ཀྱི་ཚིག་བྱུང་རྒྱལ་དུ་སྨྲ་བ་ལ་ཟེར་རོ། །ཕལ་སྐད་དུ་འཕྲུལ་བཤད་ཅེས་པ་དེའོ། །དབྱིན་ཇིས་ flirt ཟེར་བ་དང་ཕྱོགས་ཙམ་འདྲའོ། །ཀརྨ་པ་མི་བསྐྱོད་རྡོ་རྗེའི་འདུལ་ཊཱིཀ་ལས་ཀྱང་། རྩབ་ཧྲལ་ནི་བཙུན་བུ་ཉམས་ཤིང་འཁྲིག་པ་བསྟེན་པའི་ཕྱིར་གཞོལ་ལ་ངོ་ཚ་མེད་པར་ཞུགས་ཤིང་ཟེ་ལངས་པར་གྱུར་ནས་མགོ་འདར་བ་དང་ཚིགས་འགུལ་བ་དང་ཚིག་འཁྲུལ་པ་ཉིད་ལ་སོགས་པ་ལུས་དང་ངག་གི་ལས་སོ་ཞེས་སོ། །བཙུན་བུ་ཉམས་པ་ནི་ཁྲེལ་ཡོད་ཀྱི་བག་ཤོར་བའོ། །ཞེས་གསུངས་པ་ལྟར་རོ། །ལུང་ཕྲན་ཚེགས་ཀྱི་འགྲེལ་པ་ལས། རྩབ་ཧྲལ་ནི་འདོད་པ་དང་རྗེས་སུ་མཐུན་པའི་སྐད་གསང་མཐོ་ལ་མི་གསལ་སྒྲོག་པར་བྱེད་པའོ། །ཞེས་གསུངས། ཊཱི་ཀ་ལས། གཞོགས་སྟེགས་ཀྱི་རྒྱུར་འགྱུར་བ་ནི་ཐོ་འཚམས་པའོ། །འཕྱར་གཡེང་གི་རྒྱུར་འགྱུར་བ་ནི་ཀུན་ཏུ་རྩེ་བའོ། །རྩབ་ཧྲལ་གྱི་རྒྱུར་འགྱུར་བ་ནི་ཀུན་ཏུ་ཅ་ཅོ་འདོན་པའོ་ཞེས་བཤད་དོ། །ཞེས་གསུངས། མཚོ་ཊཱིཀ་སོགས་སུ་ཙབ་ཧྲལ་ཞེས་སྣང་། +

Dictionaries/sgom sde tshig mdzod chenmo/10328 +

2 རྙིང་ཧྲུལ། རྙིང་རུལ། རྙིང་རལ། ཧྲུལ་པོ། རལ་པོ། དཔེར་ན་གྱོན་པ་རྩབ་ཧྲལ། དུག་སློག་རྩབ་ཧྲལ་ཞེས་པ་ལྟ་བུ། +

Dictionaries/sgom sde tshig mdzod chenmo/10329 +

རྩམ་པའི་བསོད་སྙོམས། ཚིག་འདི་ལམ་རིམ་བླ་མ་བརྒྱུད་པའི་རྣམ་ཐར་ནང་གསལ། +

Dictionaries/sgom sde tshig mdzod chenmo/1033 +

1 རིགས་པ་དང་མི་རིགས་པ། འཐད་པ་དང་མི་འཐད་པ། འོས་པ་དང་མི་འོས་པ། གཞོན་ནུ་ཟླ་མེད་ཀྱི་གཏམ་རྒྱུད་ལས། འོན་ཏང་བརླང་པོར་སྤྱོད་པ་རྣམས་ནི་གནས་དང་གནས་མ་ཡིན་པའི་ངང་ཚུལ་མི་ཤེས་པ་སྟེ། ཞེས་པ་ལྟ་བུ། +

Dictionaries/sgom sde tshig mdzod chenmo/10330 +

1 ནུས་པའམ་སྟོབས་ཀྱི་དོན། +

Dictionaries/sgom sde tshig mdzod chenmo/10331 +

2 བཅུག་པའམ་འཇུག་པའི་དོན། ཏུན་ཧོང་གི་ཡིག་རྙིང་ལས། ཟགས (ཟངས) ཁ་སྦྱར་གྱི་ནང་དུ་རྩལ་ཏེ་ཆུར་བསྐུར་བ། ཞེས་པ་ལྟ་བུ། +

Dictionaries/sgom sde tshig mdzod chenmo/10332 +

ནུས་པ་འདོན་པ། (དེ་ཡང་རྩལ་ནི་ནུས་པའི་དོན་ཡིན་པས་བྱ་བ་གང་ཞིག་ནུས་པ་བཏོན་ནས་བྱེད་པ་ལ་རྩལ་དུ་བཏོན་ཟེར) གཙོ་འདོན་བྱེད་པ། གལ་འགངས་ཆེན་པོར་བརྩིས་པ་དང་དམིགས་སུ་བཀར་བ་བཅས་ཀྱི་དོན། སྒྱུ་ལུས་རྩལ་དུ་བཏོན་ལྟ་བུ། ཡང་དཔེ་གཞན་ལ་རྩལ་ཏུ་བཏོན་ཞེས་ཀྱང་འབྱུང་མོད། དེ་ནི་ད་དྲག་ཡོད་མེད་ཀྱི་ཁྱད་པར་ཙམ་ལས་དོན་ལ་གཉིས་ཀའང་འཐད་པར་སེམས་སོ། ། +

Dictionaries/sgom sde tshig mdzod chenmo/10333 +

ནུས་པ་བཏོན་ནས། དམིགས་སུ་བཀར་ནས། དཔེར་ན་རྩལ་དུ་བཏོན་ནས་བཤད་ཅེས་པ་ལྟ་བུ། +

Dictionaries/sgom sde tshig mdzod chenmo/10334 +

རྩལ་དུ་བཏོན་དོན་འདྲ། +

Dictionaries/sgom sde tshig mdzod chenmo/10335 +

(བརྡ་རྙིང) 1 བཅུག་པའམ་འཇུག་པའི་དོན། ཏུན་ཧོང་གི་ཡིག་རྙིང་ལས། ཟགས (ཟངས) ཁ་སྦྱར་གྱི་ནང་དུ་རྩལ་ཏེ་ཆུར་བསྐུར་བ། ཞེས་པ་ལྟ་བུ། 2 བྱིན་པའི་དོན་དུ། ལྕང་སྐྱ་རོལ་པའི་རྡོ་རྗེ་གསུང་། རྩོལ་བ་ལ་གཟིགས། +

Dictionaries/sgom sde tshig mdzod chenmo/10336 +

རྩལ་དུ་བཏོན་ནས་བཤད་པ། +

Dictionaries/sgom sde tshig mdzod chenmo/10337 +

1 ཁ་དོག +

Dictionaries/sgom sde tshig mdzod chenmo/10338 +

2 སྙིང་པོ། +

Dictionaries/sgom sde tshig mdzod chenmo/10339 +

3 བཅུད། +

Dictionaries/sgom sde tshig mdzod chenmo/1034 +

2 རྒྱུ་དང་རྒྱུ་མ་ཡིན་པ། སྲིད་པ་དང་མི་སྲིད་པ། དཔེར་ན་དགེ་བ་ནི་བདེ་བའི་གནས་ཡིན་ཀྱང་སྡུག་བསྔལ་གྱི་གནས་མ་ཡིན། མི་དགེ་བ་ནི་སྡུག་བསྔལ་གྱི་གནས་ཡིན་ཀྱང་བདེ་བའི་གནས་མིན་པ་ལྟ་བུའོ། །རྗེ་ཙོང་ཁ་པ་ཆེན་པོའི་འཇམ་དབྱངས་བསྟོད་སྤྲིན་རྒྱ་མཚོ་ལས། སྦྱིན་ལས་འབྱོར་ལྡན་གནས་ཡིན་དབུལ་པོ་མིན། །སེར་སྣས་དབུལ་པོའི་གནས་ཡིན་འབྱོར་ལྡན་མིན། །དེ་སོགས་རྟེན་འབྲེལ་མི་སླུའི་གནས་ཀུན་མཁྱེན། །དེ་ཕྱིར་ཁྱོད་ནི་སྨྲ་བའི་གཙོ་བོ་ལགས། །ཞེས་གསུངས་པ་ལྟར་དང༌། ས་སྐྱའི་མཁས་པ་གཡག་སྟོན་སངས་རྒྱས་དཔལ་གྱིས། དཔེར་ན་སེར་སྣ་ནི་དབུལ་བའི་གནས་དང་ལོངས་སྤྱོད་ཆེ་བའི་གནས་མ་ཡིན། སྦྱིན་པ་ནི་ལོངས་སྤྱོད་ཆེ་བའི་གནས་དང་དབུལ་བའི་གནས་མ་ཡིན་པ་དེ་ལྟ་བུའོ། །གནས་ནི་རྒྱུའོ། །ཞེས་གསུངས་པ་ལྟར་རོ། །སྒྲ་བཤད་ནི། གནས་ནི་རྒྱུ་དང༌། གནས་མིན་པ་ནི་རྒྱུ་མིན་པའོ། །ཡང་ན་གནས་ནི་སྲིད་པ་དང་། གནས་མིན་པ་ནི་མི་སྲིད་པའི་དོན་ཏོ། །བསྟན་འགྱུར་སྣ་ཚོགས་༼ ཉོ་པ ༽༡༧༨བ་སོགས་གཞུང་མང་པོར་གསལ་ལོ། ། +

Dictionaries/sgom sde tshig mdzod chenmo/10340 +

4 སྨན་ལའང་འཇུག་པར་བཤད། +

Dictionaries/sgom sde tshig mdzod chenmo/10341 +

རྩི་རྐྱང་ལ་གཟིགས། +

Dictionaries/sgom sde tshig mdzod chenmo/10342 +

རེག་བྱ་རྩུབ་པའི་རྫས་བ་ཚྭ་ལྟ་བུ་ལ་བཤད་དོ། ། +

Dictionaries/sgom sde tshig mdzod chenmo/10343 +

1 སྦྲང་རྩི། +

Dictionaries/sgom sde tshig mdzod chenmo/10344 +

2 བཅུད་ཀྱི་དྭངས་མ། +

Dictionaries/sgom sde tshig mdzod chenmo/10345 +

3 མར། +

Dictionaries/sgom sde tshig mdzod chenmo/10346 +

(གསོ་རིག) རྩི་མ་གྷི་དང་འདྲ། +

Dictionaries/sgom sde tshig mdzod chenmo/10347 +

(གསོ་རིག) 1 གླ་རྩིའི་མིང་། བརྒྱད་སྟོང་པ་དང་བློ་སྦྱོང་ཉི་མའི་འོད་ཟེར་སོགས་སུ་རྩི་མ་གྷི་ཞེས་བྲིས། གཞན་དུ་རྩི་མ་གི་ཞེས་ཀྱང་བྲིས་སྣང་། སྨན་གཞུང་ལས། གླ་རྩི་ལ་མ་གི་ཏ་ཞེས་འབྱུང་བས་ཕལ་ཆེར་གྱིས་རྩི་མ་གི་ཏ་གླ་རྩི་ཡིན་ཟེར། སྨན་གཞུང་དྲི་མེད་ཤེལ་ཕྲེང་ལས་གླ་རྩིའི་མིང་གི་རྣམ་གྲངས་ལ། མྲྀ་ག་མ། ཟེར་བ་ཞིག་འདུག་པ་དེ་ཡིན་ནམ་སྙམ། འཕགས་པ་བརྒྱད་སྟོང་པ་ལས། ཀཽ་ཤི་ཀ་རིགས་ཀྱི་བུའམ་རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་་འདི་འཛིན་པ་དང་འཆང་བ་དང་ཀློག་པ་དང་ཀུན་ཆུབ་པར་བྱེད་པ་དང་རབ་ཏུ་འདོན་པ་དང་སྟོན་པ་དང་ཉེ་བར་སྟོན་པ་དང་ལུང་འབོགས་པ་དང་ཁ་ཏོན་དུ་བྱེད་པ་དེ་ཚེ་འདི་ལ་ཡོན་ཏན་འདི་དག་ཀྱང་ཡོངས་སུ་འཛིན་པར་འགྱུར་རོ། །ཀཽ་ཤི་ཀ་འདི་ལྟ་སྟེ་དཔེར་ན་རྩི་མ་གྷི་ཞེས་བྱ་བ་དུག་ཐམས་ཅད་རབ་ཏུ་ཞི་བར་བྱེད་པ་ཞིག་ཡོད་དེ་དེར་སྐྱེ་བོ་སྤྲུལ་གདུག་པ་བཀྲེས་ཤིང་ཟས་འདོད་དེ་ཟས་ཚོལ་བ་ཞིག་གིས་སྲོག་ཆགས་སུ་གྱུར་པ་འགའ་ཞིག་མཐོང་སྟེ་སྐྱེ་བོ་སྦྲུལ་གདུག་པ་དེས་ཟས་ཀྱི་ཕྱིར་བཟའ་བར་འདོད་ནས་སྲོག་ཆགས་སུ་གྱུར་པ་དེའི་དྲིའི་ཕྱོགས་སུ་འབྲང་ཞིང་བསྙགས་པ་དག་དེ་ནས་སྲོག་ཆགས་སུ་གྱུར་པ་དེ་རྩི་མ་གྷི་གང་ན་ཡོད་པ་དེར་སོང་ནས་ཕྱིན་ཏེ་འདུག་པ་དང་དེ་ནས་སྤྲུལ་དེ་རྩི་དེའི་དྲི་ཙམ་གྱིས་ཕྱིར་ལྡོག་གོ། །དེ་ཅིའི་ཕྱིར་ཞེ་ན། དེ་ལྟར་སྦྲུལ་གྱི་གདུག་པ་ཟིལ་གྱིས་གནོན་པ་དེ་ནི་རྩི་དེའི་སྨན་གྱི་ཡོན་ཏམ་དུ་བལྟ་བར་བྱ་སྟེ་རྩི་དེ་ནི་དེ་ལྟར་མཐུ་ཆེའོ། །ཞེས་གསུངས་པ་ལྟར་རོ། །དེའི་ཐད་ཀྱི་བརྒྱད་སྟོང་པའི་འགྲེལ་པ་སྙིང་པོ་མཆོག་ལས། རྩི་ཞེས་བྱ་བ་ལ་ཨུ་ཤ་ནི་བུས་པའོ། །དེ་འཛིན་པ་ནི་བུས་བ་འཛིན་པ་སྟེ་རྩི་མ་གིའོ། །ཞེས་གསུངས། 2 རྒྱ་གར་ལྷོ་ཕྱོགས་ན་སྦྲུལ་སྲུང་བྱེད་ཀྱི་སྔོ་ལྡུམ་དྲི་ཤིན་ཏུ་ངན་པ་རིང་ཐུང་ཁྲུ་གང་མ་ལོངས་ཙམ་པ་ཞིག་འདུག་པ་དེ་ཡིན་ཡང་སྲིད། སེ་རར་དུག་སྦྲུལ་ཤིན་ཏུ་མང་བས་ཁོ་བོས་ཀྱང་སྔོ་ལྡུམ་དེ་ཉོས་ཏེ་ཚལ་ཤིང་ནང་བཙུགས་ཤིང་། ཉིན་ཞིག་དུག་སྦྲུལ་ཞིག་གིས་སྦལ་པ་ཞིག་ཟོས་ཏེ་རྡོ་ཞིག་གི་འོག་ཏུ་སོང་། ངེད་ཅག་གིས་རྩེ་མཚར་གྱི་ཚུལ་དུ་སྔོ་ལྡུམ་དེ་དུག་སྦྲུལ་གྱི་སྣར་སུབ་སུབ་བྱས་པས་ཁོ་བཟི་སྟེ་གང་འཚམས་ཤིག་ནས་སྦལ་པ་དེ་ཡར་བསྐྱུགས་སོང་། ཕལ་ཆེར་སྔོ་ལྡུམ་དེ་ཡིན་ཤས་ཆེ། དབྱངས་ཅན་དགའ་བློའི་བློ་སྦྱོང་ཉི་མའི་འོད་ཟེར་གྱི་བརྡ་བཀྲོལ་ལས་ཀྱང་། ཡང་རྩང་དང་སྙག་ཟེར་བའི་སྔོ་སྨན་མ་གི་ཏ་སྐྱེས་སར་དུག་མི་སྐྱེ་ཞིང་སྦྲུལ་མི་འབྱུང་བར་བཤད་ཅིང་། སྡོང་པོ་བཀོད་པའི་མདོ་ལས། མཆུ་ཞེས་བྱ་བའི་རྩི་ཡོད་དེ། དེ་འཆང་ན་དྲི་ཚོར་བ་ཙམ་གྱིས་སྦྲུལ་ཐམས་ཅད་འབྱེར་རོ། །ཞེས་གསུངས་པའི་རྩི་མ་གི་ནི་དེ་འདྲའི་རྩི་སྨན་ཞིག་ཡིན་ནམ་སྙམ། ཞེས་གསུངས་སོ། །

Dictionaries/sgom sde tshig mdzod chenmo/10348 +

རྩི་ཐོ་རྐྱང་པ་ཞེས་པའི་ཕྱགས་མ་བཟོ་རྒྱུའི་རྒྱུ་ཆ་ཞིག་གི་མིང་ཡིན་པར་སྣང་། ས་སྐྱ་ལེགས་བཤད་ལས། བློ་ཆུང་མང་དུ་འདུས་ན་ཡང༌། །བྱ་བ་ཆེན་པོ་བསྒྲུབ་མི་ནུས། །རྩི་རྐྱང་མང་དུ་བསྡམས་ན་ཡང༌། །ཁང་པའི་གདུང་མ་བཟོད་པར་དཀའ། །ཞེས་གསུངས། +

Dictionaries/sgom sde tshig mdzod chenmo/10349 +

རྩིག་པའི་རྩ་བའམ་ཉེ་འགྲམ། +

Dictionaries/sgom sde tshig mdzod chenmo/1035 +

1 དཔའ་བོ་མཁའ་འགྲོ་བཞུགས་པའི་གནས་ལ་གནས་དང༌། ལྷག་པར་བཞུགས་པ་ལ་ཉེ་བའི་གནས་སུ་བྱ་སྟེ། ཉེ་ཚིག་གི་སྒྲ་ལྷག་པའི་དོན་དུ་སྦྱར་བ་ནི། སྔགས་ཀྱི་ཉེ་སྙིང་སོགས་དང་མཚུངས་སོ། ། +

Dictionaries/sgom sde tshig mdzod chenmo/10350 +

རྩིག་པའི་སེར་ག +

Dictionaries/sgom sde tshig mdzod chenmo/10351 +

བཅིར་བཅིར། བེའུ་བུམ་སྔོན་པོའི་མིང་བརྡ་གོ་དཀའ་བ་འགའ་ཞིག་བཤད་པ་སོམ་ཉིའི་མུན་སེལ་ལས་བཤད། བེའུ་འགྲེལ་ལས། རྒས་མོས་བུ་ཁོ་ན་རེ་སྡུག་ཟེར་ནས་མཆི་མ་རྩིད་རྩིད་བྱས། ཞེས་པ་ལྟ་བུའོ། ། +

Dictionaries/sgom sde tshig mdzod chenmo/10352 +

ཤུགས་རྐྱེན་ཐེབས་པ། ཤུགས་ཀྱིས་ཟིན་པ། དཔེར་ན་བུ་སྡུག་པ་ཤི་བའི་མྱ་ངན་གྱིས་མནར་བའི་མ་དེ་གཞན་དང་སྨྲ་བ་ལ་སོགས་པ་ལ་འཇུག་པའི་ཚེ་བློ་ཅི་སྐྱེས་ཀྱང་མྱ་ངན་གྱི་ཤུགས་དེས་མ་བཏང་བ་ལྟ་བུ་ལ། རྩིས་ཟིན་པའམ་ཤུགས་ཀྱིས་ཟིན་པ་ཟེར། རྗེའི་ལམ་རིམ་ཆེན་མོ་ལས། དེས་ན་ལྟ་བས་ཟིན་པའི་སྤྱོད་པ་དང་ཐབས་ཀྱིས་ཟིན་པའི་ཤེས་རབ་ནི། དཔེར་ན། བུ་སྡུག་པ་ཤི་བའི་མྱ་ངན་གྱིས་མནར་བའི་མ་དེ་གཞན་དང་སྨྲ་བ་ལ་སོགས་པ་ལ་འཇུག་པའི་ཚེ་བློ་ཅི་སྐྱེས་ཀྱང་མྱ་ངན་གྱི་ཤུགས་དེས་མ་བཏང་ཡང་བློ་དེ་རྣམས་ཐམས་ཅད་མྱ་ངན་གྱི་བློ་ཡིན་མི་དགོས་པ་བཞིན་དུ། སྟོང་པ་ཉིད་རྟོགས་པའི་ཤེས་རབ་ཤུགས་དྲག་ན་སྦྱིན་པ་གཏོང་བ་དང་ཕྱག་དང་སྐོར་བ་དང་བཟླས་རྗོད་བྱེད་པའི་ཚེ་དེ་དག་ལ་དམིགས་པའི་བློ་དེ་རྣམས་སྟོང་ཉིད་རྟོགས་པ་མ་ཡིན་ཀྱང་དེའི་རྩིའམ་ཤུགས་དང་ལྡན་པར་འཇུག་པ་མི་འགལ་ལ། ཐུན་འགོ་ལྟ་བུ་ལ་བྱང་ཆུབ་ཀྱི་སེམས་ཤུགས་དྲག་པ་སྔོན་དུ་བཏང་ན་སྟོང་པ་ཉིད་ཀྱི་ཏིང་ངེ་འཛིན་ལ་བཞག་པའི་ཚེ་བྱང་ཆུབ་ཀྱི་སེམས་དེ་དངོས་སུ་མེད་ཀྱང་དེའི་རྩིས་ཟིན་པ་མི་འགལ་ལོ། །དེས་ན་དེ་འདྲ་བ་ལ་དམིགས་པ་མེད་པའི་སྦྱིན་པ་ཞེས་བྱ་ཡི། གཏོང་བའི་སེམས་པ་གཏན་མེད་པ་ལ་སྦྱིན་པ་མི་བཏུབ་ལ་དེ་བཞིན་དུ་ལྷག་མ་ལའང་ཤེས་པར་བྱའོ། །ཞེས་གསུངས་སོ། ། +

Dictionaries/sgom sde tshig mdzod chenmo/10353 +

རྩང་ཆུང་ཆོས་གྲགས་རྒྱ་མཚོ། ཕུག་པ་ལྷུན་གྲུབ་རྒྱ་མཚོ། མཁས་གྲུབ་ནོར་བཟང་རྒྱ་མཚོ་དང་གསུམ་མོ། །འདི་བསྟན་དར་ལྷ་རམས་པའི་ཤེར་སྙིང་འགྲེལ་པར་སྣང་། +

Dictionaries/sgom sde tshig mdzod chenmo/10354 +

(བཀའ་བརྒྱུད) ཕྱག་ཆེན་གྱི་རྣལ་འབྱོར་བཞིའི་ཡ་གྱལ། རང་སེམས་གནས་ལུགས་ཀྱི་དོན་ལ་མ་གཡེངས་པའི་དྲན་པ་རྩེ་གཅིག་པས་སམ། གནས་འགྱུ་འདྲེས་པའི་རིག་པ་རྩེ་གཅིག་པས་ན་རྩེ་གཅིག་པ་ཞེས་བྱའོ། །དེ་ལ་དབྱེ་ན། མ་གོམས་པ་དང༌། གོམས་པ་དང༌། ཤིན་ཏུ་གོམས་པའི་དབང་གིས་ཆུང་འབྲིང་ཆེན་པོ་གསུམ་ཡོད། +

Dictionaries/sgom sde tshig mdzod chenmo/10355 +

མགོ་གནོན་པའམ་ནུས་པ་ཉམས་པར་བྱེད་པའི་དོན་དུ་བཤད། +

Dictionaries/sgom sde tshig mdzod chenmo/10356 +

དབུ་རྒྱན། པྲོག་ཞུ། +

Dictionaries/sgom sde tshig mdzod chenmo/10357 +

(བྱེད་འབྲེལ་ལས་ཚིག) 1 གཅིག་ཐོག་གཅིག་འཇོག་པའི་དོན། དོ་པོ་རྩེག་ཅེས་པ་ལྟ་བུ། རྩེག་པ། བརྩེགས་པ། བརྩེག་པ། རྩེགས། 2 འཛེམ་པ། གཙིགས་ཆེན་པོ་བྱེད་པ། བརྩི་བ། རྩི་བ། བརྩིས་པ། དངུལ་ལ་མ་བརྩེགས་པར་དངོས་ཆས་སྤུས་དག་ཉོ་དགོས་ལྟ་བུ། ཕལ་སྐད་དུ་དངུལ་ལ་མ་རྩག། དངུལ་ལ་རྩག་རྩག་མ་བྱེད་ཟེར་བ་དེའོ། །ལམ་རིམ་མཆན་བཞི་སྦྲགས་༼ ག་པ ༽༣བ༣ལས། སློབ་མ་ལ་སྤྲིངས་པ་ལས། (ཐེག་མི་ཐེག་ཅེས) ཁུར་ལ་མི་རྩེག་ (པའམ་མི་རྩེག་པར) ས་ཡིས་འཇིག་རྟེན་འདེགས་པ་གང་ཡིན་དེ། །རང་དོན་འགའ་མེད་ཆེན་པོ་རྣམས་ཀྱི་རང་བཞིན་དེ་འདྲ་སྟེ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10358 +

རྩ་ཕྲ་མོའམ། རྩ་ལམ་ཕྲ་མོ། +

Dictionaries/sgom sde tshig mdzod chenmo/10359 +

<ཀ་ལི་ཡུག> རྩོད་དུས། རྩོད་ལྡན་དུས། སྙིགས་དུས། སྙིགས་མའི་དུས། སྙིགས་མ་ལྔའི་དུས་རྣམས་དོན་འདྲའོ། །རྩོད་ལྡན་དུས་ལ་གཟིགས། +

Dictionaries/sgom sde tshig mdzod chenmo/1036 +

2 མཁའ་འགྲོ་གནས་པས་གནས་དང༌། དེ་དང་ཆ་མཐུན་པས་ཉེ་གནས་ཁ་ཅིག་ཟེར། +

Dictionaries/sgom sde tshig mdzod chenmo/10360 +

རྩོད་བཟློག་ལ་གཟིགས། +

Dictionaries/sgom sde tshig mdzod chenmo/10361 +

མཚན་ཉིད་རིག་པ་ཞེས་པའི་ཐད་དུ་གཟིགས། +

Dictionaries/sgom sde tshig mdzod chenmo/10362 +

འཕགས་པ་ཀླུ་སྒྲུབ་ཀྱིས་མཛད། བསྟན་འགྱུར་༼ ཙ་པར ༽བཞུགས། རྩོད་པ་བཟློག་པའི་ཚིག་ལེའུར་བྱས་པ་ཞེས་བྱ་བ་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། རྒྱ་གར་གྱི་མཁན་པོ་ཛྙཱ་ན་གརྦྷ་དང་། བོད་ཀྱི་ལོ་ཙཱ་བ་སྐ་བ་དཔལ་བརྩེགས་ཀྱིས་བསྒྱུར་བ་ལས། སླད་ཀྱི་ཁ་ཆེའི་པཎྜི་ཏ་ཛ་ཡ་ཨཱ་ནནྡ་དང་ལོ་ཙཱ་བ་ཁུ་མདོ་སྡེ་དཔལ་གྱིས་བཅོས་པའོ། ། +

Dictionaries/sgom sde tshig mdzod chenmo/10363 +

<ཀ་ལི་ཡུ་གཾ> མ་ཧཱ་བྷཱ་ར་ཏའི་གཏམ་རྒྱུད ( Mahābhārata महाभारत ) ཀྱི་སྐབས་སུ་བྱུང་བའི་ཀུ་རུའི་ཡུལ་གྱི་གཡུལ་འཐབ་ ( कुरुक्षेत्र युद्ध Kurukshetra War ཀུ་རུཀྵེ་ཏྲ། ཡུདྡྷ) བྱུང་བ་ནས་བཟུང་། རྩོད་དུས་འགོ་ཚུགས་སོ། །འདི་ལ་ལེགས་སྦྱར་དུ་ “ཀ་ལི་ཡུག” ཟེར། དམག་འཐབ་དེ་ཡང་ “ཀཱཽ་ར་ཝ” (कौरव ) འམ་དམག་བརྒྱ་པའི་བུ་དང་། “པཱཎ་ཌཝ” ( पाण्डव ) འམ་སྐྱ་སེང་བུ་ལྔ་སྟེ། བུ་སྤུན་རྒན་གཞོན་གྱི་བུ་ཕྲུག་cousinsགྱི་དབར་རྒྱལ་སྲིད་ཀྱི་དོན་དུ་ཁ་མ་འཆམས་པར་རྩོད་པ་བྱུང་བ་ལ་བརྟེན་ནས་རྩོད་ལྡན་གྱི་དུས་བྱུང་བ་ཡིན་ནོ། །རྩོད་ལྡན་ལ་༤༣༢༠༠༠བཞི་འབུམ་སུམ་ཁྲི་ཉིས་སྟོང་ཡོད་པར་དུས་འཁོར་ལས་གསུངས། ཞེས་མངོན་བརྗོད་མཁས་པའི་རྣ་རྒྱན་ལས་གསུངས་མོད། འདི་ནི་ཧིནྡཱུའི་གཞུང་ལུགས་སུ་འབྱུང་བའི་ཐ་སྙད་དེ་རང་ནང་པས་ཚུར་བླངས་པའོ། །ཀུ་རུའི་ཡུལ་ (ཀུ་རུཀྵེ་ཏྲ) ཞེས་པ་ནི། དེང་སང་རྒྱ་གར་གྱི་མངའ་སྡེ་ “ཧ་རི་ཡཱ་ཎཱ” हरियाणा Haryana ཟེར་བ་དེ་ཡིན་པར་བཤད་དོ། །མདོར་ན་རྩོད་དུས་ནི་བདག་ཅག་གི་སྟོན་པ་མཉམ་མེད་ཤཱཀྱའི་རྒྱལ་པོ་མ་བྱོན་གོང་ལོ་ཉིས་སྟོང་ལྔ་བརྒྱ་ཙམ་གྱི་སྔོན་རོལ་ནས་བྱུང་ངོ་། །རྩོད་ལྡན་དུས། རྩོད་དུས། སྙིགས་དུས། སྙིགས་མའི་དུས། སྙིགས་མ་ལྔའི་དུས། སྙིགས་མ་ལྔ་བདོའི་དུས་རྣམས་དོན་འདྲའོ། ། +

Dictionaries/sgom sde tshig mdzod chenmo/10364 +

(བྱེད་འབྲེལ་ལས་ཚིག) རྩོམ་པ་ནི་ད་ལྟ་བ། བརྩམས་པ་ནི་འདས་པ། བརྩམ་ནི་མ་འོངས་པ། རྩོམས་ནི་སྐུལ་ཚིག 1 རང་གི་བློ་ངོར་ཡོད་པ་རྣམས་ཡིག་ཐོག་ཏུ་བཀོད་ནས་སྒྲིག་པའི་དོན། བསྟན་བཅོས་རྩོམ་ལྟ་བུ། 2 (མིང་ཚིག) རྩོམ་པའི་མིང་ཙམ། དཔེར་ན་རྩོམ་པ་ལེགས་པོ་འདུག་ལྟ་བུ་དང་། གཞན་ཡང་། མཁས་དབང་ཚེ་ཏན་ཞབས་དྲུང་གིས། འཆད་པ་སྐལ་བཟང་ཐོས་པའི་བང་མཛོད་འཛིན། །རྩོད་པ་ཕྲ་ཞིབ་རིགས་པའི་རྒྱ་མཚོ་ཡངས། ། “རྩོམ་པ” དབྱངས་ཅན་པི་ཝང་འཇེབས་ཤིང་སྙན། །མཁས་པའི་བྱ་བ་རྣམ་གསུམ་ཨ་ཧོ་རྨད། །ཅེས་གསུངས་པ་ལྟར་རོ། །3 ལས་ལ་འཇུག་པ། འཇུག་པ། འཛུགས་པའམ། འགོ་འཛུགས་པའི་དོན། ལས་ལ་འཇུག་པའི་དཔེར་བརྗོད་ནི། བྱ་བ་རྩོམ་ཞེས་པ་ལྟ་བུ། འཇུག་པའི་དཔེ་ནི། བརྩོན་འགྲུས་རྩོམ་ཞེས་པ་ལྟ་བུ། འཛུགས་པའི་དཔེ་ནི། འགོ་རྩོམ་ཞེས་པ་ལྟ་བུ། 4 གྲབས་བྱེད་པའམ། ཆས་པའི་དོན། འབྲོས་པར་རྩོམ་ཞེས་པ་ལྟ་བུ། +

Dictionaries/sgom sde tshig mdzod chenmo/10365 +

1 འབད་པ། བརྩོན་འགྲུས། +

Dictionaries/sgom sde tshig mdzod chenmo/10366 +

2 (འདུལ་བ) མཉེད་པ་དང་འཕུར་འཕུར་གཏོང་བ་བཅས་ཀྱི་དོན། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༨༣ན༥ལས། རྩོལ་བར་བྱེད་ཅེས་བྱ་བ་ནི་རེག་པའི་བྱ་བ་འདྲུད་པ་ལ་སོགས་པ་བྱེད་པའོ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10367 +

1 (བྱེད་འབྲེལ་ལས་ཚིག) འབད་པ། འབད་བརྩོན་བྱེད་པ། འགྲུས་པ། བརྩོན་འགྲུས་བྱེད་པ། དཔེར་ན་ལས་དོན་ལ་རྩོལ་བ་ཞེས་པ་ལྟ་བུ། རྩོལ་བ། བརྩལ་བ། བརྩལ་བ། རྩོལ། +

Dictionaries/sgom sde tshig mdzod chenmo/10368 +

2 (མིང་ཚིག) འབད་པ། བརྩོན་འགྲུས། སྡུག་རུས། སྙིང་རུས། དཔེར་ན་རྩོལ་བ་བྱ་དགོས་ཞེས་དང་། རྩོལ་བ་ཤུགས་དྲག་ཅེས་པ་ལྟ་བུའོ། ། +

Dictionaries/sgom sde tshig mdzod chenmo/10369 +

3 (འདུལ་བ) (བྱེད་འབྲེལ་ལས་ཚིག) མཉེད་པ་དང་འཕུར་འཕུར་གཏོང་བ་སོགས་ཀྱི་དོན། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽ ༨༣ན༥ལས། རྩོལ་བར་བྱེད་ཅེས་བྱ་བ་ནི་རེག་པའི་བྱ་བ་འདྲུད་པ་ལ་སོགས་པ་བྱེད་པའོ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/1037 +

3 མཁའ་འགྲོ་རྟག་ཏུ་གནས་པས་གནས་དང༌། རེས་འགའ་ཙམ་གནས་པས་ཉེ་གནས་སུ་གཞན་དག་གིས་འཆད་དོ། ། +

Dictionaries/sgom sde tshig mdzod chenmo/10370 +

4 མི་ཚངས་པར་སྤྱོད་པའི་དོན་ཡིན། འདུལ་བ་གཞི་རྒྱ་ཆེར་འགྲེལ་པ་༼ ཙུ་པ ༽༢༩༣ན༥ལས། རྩོལ་བ་ཞེས་བྱ་བ་ནི་མི་ཚངས་པར་ (མ་དཔེར། མི་ཚངས་པར་མི་སྤྱོད་པའོ། །ཞེས་འབྱུང་ཡང་། མི་ཡིག་ལྷག་པའི་ཡིག་ནོར་དུ་ངེས་སོ) སྤྱོད་པའོ། ། +

Dictionaries/sgom sde tshig mdzod chenmo/10371 +

ཡིད་བྱེད་བཞིའི་ཐ་མའོ། །སྒྲ་བཤད་ནི། སེམས་གནས་དགུ་པ་ལ་ནི་བྱིང་རྒོད་ཀྱིས་བར་ཡང་མི་ཆད་ཅིང་རྩོལ་བ་ཡང་རྒྱུན་པར་བསྟེན་མི་དགོས་པས། རྩོལ་བ་མེད་པར་འཇུག་པའི་ཡིད་བྱེད་ཅེས་བྱའོ། ། +

Dictionaries/sgom sde tshig mdzod chenmo/10372 +

ཀུ་ཤ་ཞེས་པ་ནི་ལེགས་སྦྱར་གྱི་སྐད་དེ། དེ་ཡང་“ཀུ” ནི་ངན་པ་དང་། ཤ་ཞི་བའམ་སེལ་བའི་དོན་ཏོ། །ཞེས་མངོན་བརྗོད་འཆི་མེད་མཛོད་ཀྱི་འགྲེལ་པ་འདོད་འཇོ་བ་མོ་༼ མདོ་སྡེ་སེ་པ ༽༣༠༨ན༦ལས་གསུངས། འདི་ལ་ངན་སེལ་དང་། རྩྭ་མཆོག་ཅེས་ཀྱང་བསྒྱུར་བར་སྣང་། བུམ་པའི་ཁ་རྒྱན་བྱེད་པའི་རྩྭ་གྲ་མ་ཅན་ཞིག འདི་སྔོན་རྩྭ་འཚོང་བཀྲ་ཤིས་ཀྱིས་བཅོམ་ལྡན་འདས་ཀྱིས་ལོ་དྲུག་དཀའ་སྤྱད་མཛད་ཚེ་ཕུལ་ཏེ་གདན་དུ་བཏིང་བར་མཛད། འདིས་གྲིབ་སེལ་ཞེས་ཟེར་ཏེ། རྒྱ་གར་དུ་གྲིབ་བྱུང་ན་ཀུ་ཤའི་ཚལ་དུ་ཉལ་བའི་ལུགས་སྲོལ་ཡོད་དོ། ། +

Dictionaries/sgom sde tshig mdzod chenmo/10373 +

རྩྭ་ཀུ་ཤའི་འབྱུང་གནས། +

Dictionaries/sgom sde tshig mdzod chenmo/10374 +

རྩྭའི་ཆག་པ། རྩྭའི་བམ་པོ། རྩྭའི་ཁྲེས་པོ་ཞེས་ཀྱང་བྱ། +

Dictionaries/sgom sde tshig mdzod chenmo/10375 +

རྩྭ་སྒྲུག་མཁན། རྩྭ་འཐུ་མཁན། སྒྲ་བཤད་ནི། ཐུན་ཞེས་པ་འདིར་འཐུ་བའི་དོན་ཡིན། དཔེར་ན་ཤིང་འཐུ་མཁན་ལ། ཤིང་ཐུན་ཟེར་བ་ལྟ་བུ། ལུང་རྣམ་འབྱེད་༼ ཅ ༽༥༡བ༦ལས། རྒྱལ་པོའི་ཁབ་ཀྱི་མི་བ་ལང་རྫི་དག་དང་། ཕྱུགས་རྫི་དག་དང་། རྩྭ་ཐུན་དག་དང་། ཤིང་ཐུན་དག་དང་། ཞེས་གསུངས་པ་ལྟ་བུའོ། ། +

Dictionaries/sgom sde tshig mdzod chenmo/10376 +

(འདུལ་བ) རྩྭ་རམ་པ། སྦྱིན་སྲེག་ལ་འབུལ་རྒྱུའི་རྩྭ་དེའོ། །བསམ་གཏན་པ་རྣམས་ཀྱིས་སྟན་འོག་ཏུ་རྩྭ་དུར་བ་འདིང་བའི་དགོས་པ་ནི། བྱང་ཆུབ་སེམས་དཔའ་ (བདག་ཅག་གི་སྟོན་པ) འཚང་རྒྱ་ཁར་རྩྭ་ཚོང་གི་ཁྱེའུ་བཀྲ་ཤིས་ལ། བཀྲ་ཤིས་རྩྭ་ནི་ང་ལ་མྱུར་དུ་བྱིན། །དེ་རིང་ང་ལ་རྩྭ་ནི་དོན་ཆེན་འགྱུར། །དཔུང་དང་བཅས་པའི་བདུད་ནི་བཅོམ་ནས་སུ། །བྱང་ཆུབ་དམ་པ་ཞི་བར་རེག་པར་འགྱུར། །ཞེས་དང་། སྟན་འདིར་བདག་ནི་ལུས་ནི་བསྐམས་ཀྱང་རུང་། །པགས་པ་རུས་པ་ཤ་རྣམས་ཞིག་ཀྱང་རུང་། །བསྐལ་མང་རྙེད་དཀའི་བྱང་ཆུབ་མ་ཐོབ་པར། །སྟན་འདི་ལས་ནི་ལུས་བསྐྱོད་མི་བྱའོ། །ཞེས་གསུངས་ནས་རྩྭ་བཞེས་ཏེ་འདིང་བར་མཛད་ནས་ཡི་དམ་བརྟན་པོས་བྱང་ཆུབ་མངོན་དུ་མཛད་པའི་རྣམ་ཐར་དྲན་པའི་ཆེད་དུ་ཡིན། རྩྭ་འདིང་ཚུལ་ནི། རྩྭའི་རྩེ་མོ་ནང་དང་རྩ་བ་ཕྱིར་བསྟན་ནས་དགྲམ་མོ། ། +

Dictionaries/sgom sde tshig mdzod chenmo/10377 +

རྩྭའི་རྩེ་མོ་རྣམས་ཕྱོགས་གཅིག་ཏུ་བསྟན་ནས་བཞག་པ་ལ་ཟེར། ལུང་གཞི་རྒྱ་ཆེར་འགྲེལ་ལས། རྩྭ་མ་འཁྲུགས་པ་ཞེས་བྱ་བ་ནི་རྩྭའི་ཁ་ཕྱོགས་གཅིག་ཏུ་བལྟ་བའོ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10378 +

1 རྩྭ་ཀུ་ཤ། +

Dictionaries/sgom sde tshig mdzod chenmo/10379 +

2 རྩྭ་ཡི་མཆོག་མའི་བསྡུས་ཚིག དཔེར་ན་འོད་ལྡན་ལས། མྱོས་འགྱུར་རྩྭ་མཆོག་གིས་ཀྱང་མི་བཏུང་ངོ༌། །ཞེས་གསུངས་པ་ལྟ་བུའོ། ། +

Dictionaries/sgom sde tshig mdzod chenmo/1038 +

1 ས་བརྒྱད་པར་ཡང་དག་མཐའ་ལ་སྙོམས་པར་འཇུག་ཀྱང་དེ་མངོན་དུ་བྱེད་པ་ལས་འདའ་བ་ལྟ་བུ་ལ་གནས་ནས་འདའ་བ་ཟེར། རྗེ་གུང་ཐང་པའི་གསུང་ལ་གཞི་བྱས། +

Dictionaries/sgom sde tshig mdzod chenmo/10380 +

2 རྩྭ་ཀུ་ཤའི་གྲོང༌། 2 བདག་ཅག་གི་སྟོན་པ་ཤཱཀྱ་ཐུབ་པ་མྱ་ངན་ལས་འདས་སའི་གནས། +

Dictionaries/sgom sde tshig mdzod chenmo/10381 +

རྩྭའི་མཆོག་མ་དང་འདྲ། +

Dictionaries/sgom sde tshig mdzod chenmo/10382 +

རྩིས་མེད་རྡོག་རོལ་ཏུ་གཏོང་བ། སྣང་མེད་བྱེད་པ། ཞེ་རྩིས་མི་བྱེད་པ་བཅས་ཀྱི་དཔེ། སྒྲ་བཤད་ནི། དཔེར་ན་ལམ་གྱི་བཞི་མདོར་ལུས་པའི་རྩྭ་སྙིགས་ལྟ་བུར་སུས་ཀྱང་བདག་སྤྲོད་དང་རྩ་ཆེར་མི་འཛིན་པར་རྐང་པས་རྡོག་རོལ་དུ་བཏང་སྟེ་འགྲོ་བས་དེ་ལྟར་བཏགས། རྗེ་ཙོང་ཁ་པ་ཆེན་པོས་དགེ་བཤེས་ཤེར་བཟང་ལ་གནང་བའི་ཆབ་ཤོག་ཏུ། དབུས་གཙང་དག་པའི་ཞིང་ཞེས་གྲགས་མོད་ཀྱི། །ལེགས་པར་བརྟགས་ན་བསྟན་པའི་གཟུགས་བརྙན་ཙམ། །འདི་ཡང་སྣུམ་ཟད་མར་མེ་ཇི་བཞིན་གྱུར། །ཐུབ་པའི་གཅེས་མཛོད་གང་ཡིན་རྩྭ་ལྟར་འདོར། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10383 +

(གསང་སྔགས) རྩྭ་དེ་ཟོས་ན་ར་ལུག་གིས་ཀྱང་རྡོ་ལ་རྨིག་རྗེས་འཇོག་ཐུབ་པར་བཤད། གུང་ཐང་པའི་རྗེའི་བསྟོད་འགྲེལ་ན་གསལ། +

Dictionaries/sgom sde tshig mdzod chenmo/10384 +

(འདུལ་བ) རྩྭའི་ཆག་པ་དང་འདྲ། ལུང་ཕྲན་ཚེགས་ཀྱི་འགྲེལ་པར་སྣང་། +

Dictionaries/sgom sde tshig mdzod chenmo/10385 +

རྩྭའི་ཕུང་པོ། རྩྭའི་ཆུན་པོ། རྩྭའི་ཁྲེས་པོ་ཞེས་ཀྱང་བྱ། +

Dictionaries/sgom sde tshig mdzod chenmo/10386 +

རྩྭའི་རྩེ་མོ། རྩྭའི་ཐོག་མའམ་རྩེ་མོའི་དོན། འདི་རྣམ་བཤད་རིགས་པ་ལས་མཆོག་གི་སྒྲ་འཇུག་ཡུལ་བདུན་གསུངས་པའི་ “རྩེ་མོ” ལ་འཇུག་པའི་དབང་དུ་བྱས་སོ། །རྒྱས་པར་ “མཆོག” ཅེས་པའི་ཐད་དུ་གཟིགས། +

Dictionaries/sgom sde tshig mdzod chenmo/10387 +

(འདུལ་བ) རྫ་མ་ཆེན་པོ། ལུང་རྣམ་འབྱེད་ཀྱི་འགྲེལ་པ་༼ ཚུ ༽༤༠བ༢ན་གསལ་ལོ། ། +

Dictionaries/sgom sde tshig mdzod chenmo/10388 +

ཁམས་དཀར་དམར་གའུ་ཁ་སྦྱོར་གྱི་ཚུལ་དུ་གནས་པ་ཆེ་ཆུང་ཡུངས་འབྲུ་ཙམ་པ་དེའོ། ། +

Dictionaries/sgom sde tshig mdzod chenmo/10389 +

རྡུལ་རྫས་བརྒྱད་ལ་གཟིགས། +

Dictionaries/sgom sde tshig mdzod chenmo/1039 +

2 ཡང་དག་མཐའ་ལ་གནས་ཀྱང་དེ་མངོན་དུ་བྱེད་པ་ལས་འདའ་བས་གནས་ནས་འདའ་བ་ཞེས་བྱ། དེ་ནི་ཆང་བཏུངས་ཀྱང་ར་མ་བཟི་བ་དང་འདྲ་བ་ཡིན་པར་བཤད། +

Dictionaries/sgom sde tshig mdzod chenmo/10390 +

རྫས་རེ་རེ་བར་མཚུངས་པ་ཞེས་པའི་དོན་ཡིན། དེ་ཡང་གཙོ་སེམས་གཅིག་གི་འཁོར་དུ་ཚོར་བ་ལྟ་བུ་གཅིག་ཁོ་ན་འབྱུང་གི་རིགས་མཐུན་གཉིས་མི་འབྱུང་བའི་དོན་ནོ། །དེ་ཡང་དམིགས་པ་གཅིག་རྟོགས་པ་ལ་གཙོ་འཁོར་རིགས་མཐུན་རེ་རེ་ཁོ་ནས་འགྲུབ་ཀྱི་གཞན་མི་དགོས་པས་གནད་ཀྱིས་ཡིན། མཆིམས་མཛོད་༢༠༤ལས། འདིར་རྫས་མཚུངས་པའི་ཕྱིར་མཚུངས་པ་ཞེས་རྣམ་པར་ཤེས་པ་གཅིག་གི་དེ་མ་ཐག་ཏུ་རྣམ་པར་ཤེས་པ་གཅིག་དང༌། ཚོར་བ་གཅིག་གི་དེ་མ་ཐག་ཏུ་ཚོར་བ་གཅིག་འབྱུང་བལ་སོགས་པའོ། །ཞེས་གསུངས་པ་ལྟར་རོ། །ཡང་ན་རྫས་མཚུངས་པ་ནི། རིགས་འདྲ་གྲངས་མཉམ་པ་སྟེ་མིག་ཤེས་རྫསགཅིག་ཡིན་པ་བཞིན་དུ་དེའི་འཁོར་ཚོར་བའང་རྫསགཅིག་ཁོ་ན་ཡིན་པར་མཚུངས་པའི་དོན་ནོ། །བཤད་ཚུལ་གཉིས་ཀའང་དོན་ལ་འདྲ་བར་སྣང་ངོ༌། ། +

Dictionaries/sgom sde tshig mdzod chenmo/10391 +

ཚུགས་ཐུབ་ཏུ་གནས་ཐུབ་པའི་ཆོས་ཤིག་ལ་ཟེར། (ཐལ་འགྱུར་བ་ལྟར་ན་ཚུགས་ཐུབ་ཀྱི་ཆོས་དང་རྫས་ཡོད་མི་འདོད) རྫས་ཡོད་ལ་དབྱེ་ན། ༡ རང་སྐྱ་ཐུབ་པའི་རྫས་ཡོད། དེ་ནི་རང་ཉིད་བློ་ཡུལ་དུ་བཟུང་བ་ལ་ཆོས་གཞན་བློ་ཡུལ་དུ་འཆར་བ་ལ་མི་ལྟོས་པའི་རྫས་ཡོད། ༢ ཡོད་པ་ཙམ་གྱི་རྫས་ཡོད། དཔེར་ན་ཡོད་ན་ནི་ཐམས་ཅད་རྫས་སུ་ཡོད་པ་ཁོ་ནའོ། །ཞེས་པ་ལྟ་བུ། ༣ དོན་བྱེད་ནུས་པའི་རྫས་ཡོད། དངོས་པ་དང་བྱས་མི་རྟག་ལྟ་བུ། ༤ བརྟན་པ་མི་འགྱུར་བའི་རྫས་ཡོད། འདུས་མ་བྱས་ཀྱི་ནམ་མཁའ་དང་འགོག་པ་གཉིས་ལྟ་བུ། རྫས་ཡོད་ལ་མང་དུ་ཡོད་ཀྱང་རྫས་ཡོད་དང་པོ་ཉིད་གྲགས་ཆེའོ། །ལྕང་སྐྱ་རོལ་པའི་རྡོ་རྗེའི་དབུ་མའི་སྐབས་ཀྱི་དག་ཡིག་མཁས་པའི་འབྱུང་གནས་༤༡༢ལས། རྫས་ཡོད་ལ། སྒྲས་བརྗོད་རིགས་ཀྱི་སྒོ་ནས་དབྱེ་ན། རིགས་པས་གྲུབ་པའི་རྫས་ཡོད། བརྟན་པའི་རྫས་ཡོད། དོན་བྱེད་ནུས་པའི་རྫས་ཡོད། རང་སྐྱ་ཐུབ་པའི་རྫས་ཡོད། ཚུགས་ཐུབ་ཀྱི་རྫས་ཡོད། བདེན་གྲུབ་ཀྱི་རྫས་ཡོད་དང་དྲུག་གསུངས་སོ། །གྲུབ་མཐའ་ཆེན་མོའི་མཆན་འགྲེལ་ལས། རྫས་ཡོད་ལ་འཇོག་ཚུལ་མང་པོ་ཡོད་ཀྱང༌། ཐལ་འགྱུར་བའིསྐབས་འདིའི་རྫས་ཡོད་ཀྱི་དོན་ནི། ཐ་སྙད་ཀྱི་དབང་གིས་བཞག་པའི་ཡོད་པ་མ་ཡིན་པར་རང་དབང་ཡོད་པའི་དོན་ཡིན་ནམ་སྙམ་མོ། །ཚུགས་ཐུབ་ཀྱི་དོན་ཡང་བརྡ་དང་ཐ་སྙད་ཀྱི་དབང་གིས་བཞག་པ་མིན་པར་རང་གི་ངོ་བོའི་སྒོ་ནས་ཡུལ་གྱི་སྟེང་དུ་གྲུབ་པའི་དོན་ནོ། །ཞེས་གསུངས། +

Dictionaries/sgom sde tshig mdzod chenmo/10392 +

ཉེར་ལེན་གཅིག་ལས་སྐྱེས་པའི་དངོས་པོ་ཐ་དད་པ་ལ་རྫས་རིགས་གཅིག་པ་ལ་ཟེར། མཁས་གྲུབ་ཆོས་རྗེའི་སྡེ་བདུན་ཡིད་ཀྱི་མུན་སེལ་ལས། རྫས་རིགས་མཐུན་པ་སོགས་སུ་འཇོག་པ་ནི། ཉེར་ལེན་གཅིག་ལས་སྐྱེས་པས་འཇོག་པ་ཡིན་པས། ཉེར་ལེན་གཅིག་ལས་སྐྱེས་པའི་དངོས་པོ་ཐ་དད་པ་རྣམས་ཕན་ཚུན་རྫས་ཀྱི་རིགས་མཐུན་པ་དང་གཅིག་པ་དང་འདྲ་བ་ཞེས་བྱའོ། །དེའི་ཕྱིར་ནས་ཀྱི་ས་བོན་འབྲུ་གཅིག་གིས་བསྐྲུན་པའི་སྡོང་བུ་ལས་འོངས་པའི་ནས་འབྲུ་ཐ་དད་དག་ལྟ་བུ་ནི་ཉེར་ལེན་གཅིག་ལས་སྐྱེས་པའི་ཕྱིར་དང་། ཕན་ཚུན་ཐ་དད་པའི་ཕྱིར། རྫས་རིགས་མཐུན་པ་ཞེས་བྱ་ལ། ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10393 +

རྫས་རིགས་གཅིག་དང་འདྲ། +

Dictionaries/sgom sde tshig mdzod chenmo/10394 +

རིགས་མཚུངས་ཀྱང་ཉེར་ལེན་ཐ་དད་ལས་སྐྱེས་པའི་དངོས་པོ་རྣམས་ལ་ཟེར། མཁས་གྲུབ་ཆོས་རྗེའི་སྡེ་བདུན་ཡིད་ཀྱི་མུན་སེལ་ལས། བ་ལང་དཀར་ཟལ་དང་ནག་སྒུར་ལྟ་བུ་ནི་བ་ལང་དུ་མཚུངས་ཀྱང་ཉེར་ལེན་ཐ་དད་ལས་སྐྱེས་པའི་ཕྱིར། རྫས་རིགས་མི་མཐུན་པ་ཞེས་བྱའོ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10395 +

རྫས་རིགས་གཅིག་དང་འདྲ། +

Dictionaries/sgom sde tshig mdzod chenmo/10396 +

(བརྡ་རྙིང) རླུང་གི་བརྡ་རྙིང་དུ་བཤད། +

Dictionaries/sgom sde tshig mdzod chenmo/10397 +

ཆར་རླུང་འདྲེས་མ་ལ་ཟེར། སྒྲ་བཤད་ནི། རྫི་ནི་རླུང་གི་དོན་དང་ཆར་ནི་ཆར་པའོ། ། +

Dictionaries/sgom sde tshig mdzod chenmo/10398 +

རླུང་འགྲོ་བའི་ཕྱོགས། རླུང་གང་དུ་འགྲོ་བའི་ཕྱོགས། +

Dictionaries/sgom sde tshig mdzod chenmo/10399 +

མིག་ལྤགས་ཀྱི་མཐའ་ལ་ཡོད་པའི་སྤུ། དགེ་འདུན་ཆོས་འཕེལ་གྱིས། ད་ལྟ་བོད་ཀྱི་ཡུལ་མང་པོར་རྫི་མ་སྨིན་མའི་མིང་དུ་བྱེད་ཀྱིན་འདུག་པ་ལ་མ་ནོར་བ་དགོས། ཞེས་གསུངས། རྫི་མ་དང་སྨིན་མའི་ཁྱད་པར་སོགས་ཞིབ་པ་སྨིན་མ་དང་རྫི་མ་ཞེས་པའི་ཐད་དུ་གཟིགས། +

Dictionaries/sgom sde tshig mdzod chenmo/104 +

(ལེགས་སྦྱར) 1 (འདུལ་བ) འགྲོན་བུའི་མིང་། སཾ་བོད་སྐད་གཉིས་ཤན་སྦྱར་རྣམས་སུ་བཤད། 2 དངུལ་ལས་བྱས་པའི་པ་ཎའམ་དོང་ཙེའི་བྱེ་བྲག་ཅིག འདི་ལ་འགྲོན་བུ་ཆིག་སྟོང་དྲུག་རྒྱའི་རིན་ཐང་གི་ཚད་ཡོད། ཀཱརྵཱ་པ་ཎ་ཞེས་པ་དངུལ་ལས་བྱས་པའི་དོང་ཙེ་ལ་གྲགས་ཆེ་ཞིང་། ལྷག་པར་འདུལ་བའི་རྐུ་ཕམ་གྱི་སྐབས་སུ་ཀཱརྵཱ་པ་ཎ་བཞི་ཆས་ཕམ་ཞེས་པའི། ཀཱརྵཱ་པ་ཎ་ནི་ངེས་པར་དངུལ་ལས་བྱས་པར་ངེས་སོ། །ལུང་ཞུ་བའི་འགྲེལ་པ་ལས། ཀཱརྵཱ་པ་ཎ་ནི་ཟོང་གི་ཁྱད་པར་ཏེ། དངུལ་ལས་བྱས་པ་གཟུགས་ (རི་མོ) དོད་པ་བཙོང་དུ་རུང་བ་ཡིན་ནོ། །ཞེས་གསུངས་སོ། །འདི་ལ་དབྱིབས་གོར་མོ་དང་ནར་མོ་ཡང་སྣང་། ཕྱི་ལོའི་སྔོན་གྱི་དུས་རབས་གསུམ་པའི་ནང་གི་ཀཱརྵཱ་པ་ཎའམ་དངུལ་གྱི་དོང་ཙེ་མང་པོའི་སྤར་རིས་ལོན་ཌོན་དབྱིང་ལེན་གྱི་འགྲེམས་སྟོན་ཁང་དང་དྲ་རྒྱ་སོགས་སུའང་མཐོང་རྒྱུ་འདུག གཤམ་གྱི་དྲ་རྒྱར་གཟིགས། ཡང་། ཀཱརྵཱ་པ་ཎ་ལ་ཟངས་དང་རག་དང་གསེར་བཅས་ལས་བྱས་པའང་ཡོད། མཚོ་ཊཱིཀ་སྟོད་ཆ་ལས། འོ་ན་ཀར་ཤ་པ་ན་དེ་ཇི་ལྟ་བུ་ཡིན་ཞེ་ན། ཀར་ཤ་པ་ན་མཚན་ཉིད་པ་དང་བཏགས་པ་བ་གཉིས་ལས། དང་པོ་ནི། དངུལ་ལ་བྱས་པ་དོང་ཙེའི་རྣམ་པ་འདྲ་བའི་རི་མོའི་ཁྱད་པར་དང་དབྱིབས་སུ་བྱས་པ་སྟེ། ཞུ་འགྲེལ་ལས། ཀར་ཤ་པ་ན་ནི་ཟོང་གི་ཁྱད་པར་སྟེ་དངུལ་ལས་བྱས་པ་གཟུགས་དོད་པ་བཙོང་དུ་རུང་བ་ཡིན་ནོ་ཞེས་བཤད་ཅིང། ལུང་ཞུ་བ་ཆེ་ཤོས་ལས་ཀ་ར་ཤ་པ་ཎ་ནི་ཇི་ལྟ་བུ་རྒྱན་ཐམས་ཅད་ཀྱིས་བརྒྱན་པའོ་ཞེས་གསུངས་སོ། །དེའང་སྔོན་རྒྱལ་པོ་རྨ་བྱ་བ་ཞེས་བྱ་བའི་ཁྲིམས་ལུགས་ལས་བྱུང་བ་སྟེ། ལུང་ཞུ་བ་ཆུང་ཤོས་ལས་ཀར་ཤ་པ་ན་ཇི་ལྟ་བུ་ལགས། རྒྱལ་པོ་རྨ་བྱ་བས་བྱས་པའོ་ཞེས་གསུངས་ཤིང་། ༼ ཞེས་པ་ནས༽གཉིས་པ་ཀར་ཤ་པ་ན་བཏགས་པ་བ་ནི་དེ་དང་རིན་མཉམ་པའི་མགྲོན་བུ་ལ་སོགས་པའི་དངོས་པོ་རྣམས་ཡིན་ནོ། །ཞེས་གསུངས་སོ། །མཚོ་ཊཱིཀ་ལས་ཀཱརྵཱ་པ་ན་ལ་དངོས་བཏགས་ཀྱི་ཁྱད་པར་གསུངས་པ་ལྟར་སྒྲ་ཇི་བཞིན་པར་ཁས་བླངས་ན་གནོད་བྱེད་ཕྲན་བུ་མཐོང་སྟེ། ཀཱརྵཱ་པ་ནའི་མིང་ཐོག་མར་འཇུག་ཡུལ་ནི། འགྲོན་བུ་ཉིད་དུ་ངེས་ཏེ། མི་ལོ་སུམ་སྟོང་བཞི་སྟོང་གོང་ཆེས་གནའ་སྔ་བོའི་དུས་སུ་འཚོང་སྒྱུར་བྱེད་པའི་ཚེ་ན། དངུལ་གྱི་ཚབ་ཏུ་ཀཱརྵཱ་པ་ན་སྟེ་འགྲོན་བུ་བེད་སྤྱོད་བྱེད་ཀྱི་ཡོད་ཅིང་། དེ་ནས་རིམ་གྱིས་ཕྱིས་སུ་མིའི་རྣམ་དཔྱོད་དང་དཔལ་འབྱོར་ཡར་རྒྱས་དང་བསྟུན་ནས་དངུལ་སོགས་ཀྱིས་བཟོས་པའི་དོང་ཙེ་བེད་སྤྱོད་བྱེད་མགོ་ཚུགས། དེ་ནས་གཞི་ནས་དངུལ་གྱི་དོང་ཙེ་ལ་ཀཱརྵཱ་པ་ནའི་མིང་དེ་ཐོགས་པ་རེད། དེར་བརྟེན་མཚོ་ཊཱིཀ་ཀྱི་དངོས་བཏགས་ཀྱི་ཁྱད་པར་དེ་གོ་ལྡོག་སྟེ་གསུངས་པར་སྣང་བས་ལེགས་པར་མི་སྣང་ངོ་། །འགྲོན་བུ་ནི་ཀཱརྵཱ་པ་ན་དངོས་དང་། དངུལ་གྱི་དོང་ཙེའམ་མངོན་མཚན་ཅན་ནི་ཀཱརྵཱ་པ་ན་བཏགས་པ་བར་ཁས་བླང་དགོས་སོ་སྙམ་མོ། །གཞན་ཡང་མཚོ་ཊཱིཀ་ཏུ་༼ རྒྱལ་པོ་རྨ་བྱ་བས ༽ཞེས་འཁོད་པ་ནི་ཡིག་ནོར་ཏེ། ༼རྒྱལ་པོ་རྨ་བྱ་བྱ་བས༽དག་བཅོས་དགོས་ཏེ། ཕྱི་ལོའི་སྔོན་གྱི་དུས་རབས་གསུམ་པའི་ནང་གི་རྒྱ་གར་གྱི་རྒྱལ་བརྒྱུད་ Mauryan Empire ༼ མ་ཡུར ༽मयूरःཏེ་རྨ་བྱ་ཞེས་བྱ་བའི་དུས་སུ་ཀཱརྵཱ་པ་ནའི་རིགས་འགའ་ཞིག་གསར་དུ་བཟོ་སྐྲུན་བྱས་པར་བཤད་དོ། །མ་ཡུར་ནི་ལེགས་སྦྱར་གྱི་རྨ་བྱའི་སྐད་དོད་དོ། །ཚིག་མཛོད་རྣམས་སུ་ཀཱརྵཱ་པ་ཎའི་གོ་དོན་དཔྱིས་ཕྱིན་པ་ཞིག་བཤད་པར་མི་སྣང་བས་འདིར་བྲིས་སོ། ། མངོན་མཚན་ཅན་ཞེས་པའི་ཐད་དུ་གཟིགས། http://www.britishmuseum.org/explore/highlights/highlight_objects/cm/s/silver_karshapana_of_the_maury.aspx

Dictionaries/sgom sde tshig mdzod chenmo/1040 +

1 བརྟེན་པ། +

Dictionaries/sgom sde tshig mdzod chenmo/10400 +

སྨིན་མ་དང་རྫི་མ་ལ་གཟིགས། +

Dictionaries/sgom sde tshig mdzod chenmo/10401 +

བའི་རྫི་མ་ལྟ་བུ་ཞེས་པའི་ཐད་དུ་གཟིགས། +

Dictionaries/sgom sde tshig mdzod chenmo/10402 +

རྫེའུ་དང་དོན་གཅིག 1 ཕྱུགས་རྫི། 2 རྫ་སྣོད་ཆུང་ངུའི་མིང་། འདུལ་བ་ལུང་གཞི་གླེགས་བམ་༼ ང་པ ༽ལས། འཕགས་པ་ནང་དུ་སྤྱོན་ཅིག །བཞིན་བཟང་དག་ནང་དུ་སྤྱོན་ཅིག །ཕྲུ་བ་འདི་རྣམས་ན་བཤོས་དྲོན་པོ་དང༌། རྫེའུ་ན་སྲན་ཚོད་མཆིས་མོད་ཀྱི་ཁྱོད་ལ་བསྙེན་བཀུར་བགྱིད་པ་ནི་སླད་རོལ་དུ་མཆིས་ལགས་ཀྱིས། གལ་ཏེ་བཞེད་ན་ཉིད་ཀྱིས་བཞེས་ཏེ་ཡོངས་སུ་ལོངས་སྤྱད་དུ་གསོལ། ཞེས་གསུངས་པ་ལྟར་རོ། །3 ཉའི་མཇུག་མ་དང་གཤོག་པ་ལ་ཟེར་བར་སྙམ། ཉའི་མཇུག་རྫིའུ། ཉའི་ལོག་རྫིའུ་ལྟ་བུ་ཞེས་དག་ཡིག་རྣམས་སུ་གསལ་ལོ། །འདི་ལ་རྫིའུ་དང་། རྫེའུ་ཞེས་འབྲི་ཚུལ་མི་འདྲ་བ་གཉིས་སྣང་ཡང་། གོང་དུ་དྲངས་པ་ལྟར་འདུལ་བ་ལུང་གཞི་སོགས་སུ་རྫེའུ་ཞེས་སྣང་ངོ་། ། +

Dictionaries/sgom sde tshig mdzod chenmo/10403 +

1 རྫ་མ་ཆུང་ངུའི་ནང་གཟབ་གཟབ་བྱས་ཏེ་བཙོས་པའི་རྣམ་གྲངས་མང་ལ་ཟས་བཅུད་ཆེ་བའི་ཁ་ཟས་ཀྱི་མིང་། རིན་ཆེན་ཕྲེང་བ་ལས། རྫིའུ་ཚོས་སུམ་བརྒྱའི་ཁ་ཟས་དག །ཉིན་རེ་དུས་གསུམ་བྱིན་པས་ཀྱང་། །བྱམས་པ་ཡུད་ཙམ་ཐང་ཅིག་གི །བསོད་ནམས་དག་ལ་ཆར་མི་ཕོད། །ཅེས་གསུངས། དེའི་ཐད་ཀྱི་རྒྱལ་ཚབ་ཆོས་རྗེའི་རིན་ཆེན་དར་ཊཱིཀ་༥༠བ༦ལས། འབྲས་ཐུག་གི་ཕྲུ་བ་བྲེ་བཅུ་ལྷག་བཙོར་བཏུབ་པ་སུམ་བརྒྱ་བཙོས་པ་དེ་ལ་ཚོད་མའི་སྣ་གྲངས་ཀྱང་དྲུག་ཅུ་དང་ལྡན་པའི་རྫིའུ་ཚོས་སུམ་བརྒྱའི་ཁ་ཟས་དག་ཉིན་རེ་དུས་གསུམ་དུ་བྱིན་པས་ཀྱང་སེམས་ཅན་བདེ་བ་དང་ལྡན་འདོད་ཀྱི་བྱམས་པ་ཡུད་ཙམ་དང་ཐང་གཅིག་གི་བསོད་ནམས་དག་ནི་ཆར་མི་ཕོད་དོ། །ཞེས་གསུངས་སོ། ། +

Dictionaries/sgom sde tshig mdzod chenmo/10404 +

2 དཔོན་པོ་ལྟ་བུའི་བཞེས་རྒྱུའི་ཟས་ཉུང་ངུ་ཟུར་དུ་གཡོས་པ་ལ་ཟེར། ཀློང་རྡོལ་བླ་མ་གསུང་། +

Dictionaries/sgom sde tshig mdzod chenmo/10405 +

3 འབྲས་ཐུག་ཞིམ་པོའི་མིང་། དངུལ་ཆུའི་གསུང་ལ་གཞི་བྱས། འདི་རྫིའུའམ་རྫེའུ་ཞེས་པ་རྫ་སྣོད་ཆུང་ངུའི་དོན་ལ་བསམས་ནས་འགྲེལ་བཤད་བྱས་པར་སྣང་ངོ་། །འདི་ལ་རྫིའུ་ཚོས་དང་། རྫེའུ་ཚོས་ཞེས་དག་ཆ་མི་འདྲ་བ་གཉིས་འབྱུང་ཡང་། གཞུང་ཆེན་མོ་ཕལ་ཆེ་མོ་ཆེར་རྫིའུ་ཚོས་ཞེས་འབྱུང་ངོ་། ། +

Dictionaries/sgom sde tshig mdzod chenmo/10406 +

འབྲས་བྲེ་བཅུ་ལྷག་བཤོང་བའི་ཕྲུ་བ་སུམ་བརྒྱའི་ནང་བཙོས་པའི་ཁ་ཟས་ལ་ཟེར། རིན་ཆེན་ཕྲེང་བའི་དར་ཊཱིཀ་དང་། དངུལ་ཆུའི་གསུང་དམར་ཁྲིད་སོགས་ཀྱི་བརྡ་རྙིང་གི་བཤད་པའི་ནང་གསལ། རིན་ཆེན་འཕྲེང་བ་རྗེའི་ལམ་རིམ་ཆེན་མོར་དྲངས་པ་ལས། རྫིའུ་ཚོས་སུམ་བརྒྱའི་ཁ་ཟས་དག །ཉིན་རེ་དུས་གསུམ་སྦྱིན་པས་ཀྱང༌། །བྱམས་པ་ཡུད་ཙམ་ཐང་ཅིག་གི །བསོད་ནམས་དག་ལ་ཆར་མི་ཕོད། །ཅེས་གསུངས། +

Dictionaries/sgom sde tshig mdzod chenmo/10407 +

ཏིང་ངེ་འཛིན་གྱི་མཐུས་སྤྲུལ་སྒྱུར་སྣ་ཚོགས་སུ་སྣང་བའི་ཆོས་ལ་རྫུ་འཕྲུལ་ཟེར། ཡང་ན། ས་གཡོ་བ་དང་གཅིག་ཏུ་སྒྱུར་ཞིང་མང་པོར་སྤྲུལ་པ་ལ་སོགས་པ་བྱེད་པར་ནུས་པའི་རིག་པ་ལ། རྫུ་འཕྲུལ་ལམ་རྫུ་འཕྲུལ་གྱི་མངོན་ཤེས་ཡང་ཟེར། སྒྲ་བཤད་ནི། ༡ རྫུ་འཕྲུལ་ལ་སྒྲ་བཤད་ཚུལ་གཉིས་ལས་དང་པོ་ནི། རང་གི་ལུས་ལྟ་བུ་སྔར་ཡོད་ཀྱི་ཆོས་ཤིག་སྤྲུལ་པའི་སྟག་སོགས་སུ་སྒྱུར་བར་བྱེད་པ་ལ་རྫུ་བ་ཞེས་བྱ་ལ། སྔར་མེད་གསར་དུ་སྤྲུལ་པ་ལ་འཕྲུལ་བ་ཞེས་བྱ་སྟེ། མཆིམས་མཛོད་ལས། རྫུ་འཕྲུལ་ནི་མེད་པ་འཕྲུལ་བ་དང་ཡོད་པ་བསྒྱུར་བ་ལ་སོགས་པ་ཡིན་ལ། ཞེས་གསུངས་པ་ལྟར་རོ། །དེ་ཡང་རྫུ་ཞེས་པའི་ཚིག་ལ་རྫུན་པའི་དོན་ཡང་ཚང་བས། རང་གི་ལུས་སྟག་གཟིགས་སོགས་ཀྱི་ལུས་དངོས་མིན་ཡང་དེར་སྒྱུར་བར་བྱེད་པ་ལྟ་བུ་ལ་རྫུ་ཞེས་བྱ་ལ། འཕྲུལ་ནི་སྤྲུལ་པའི་དོན་ཡིན་པས། རྒྱ་མཚོའི་དབུས་སུ་རི་གླིང་སྤྲུལ་པ་དང༌། གཅིག་ལས་མང་པོ་དང་མང་པོ་གཅིག་ཏུ་སྤྲུལ་པ་ལྟ་བུ་ལ་འཕྲུལ་ཞེས་བྱ་སྟེ། སྔོན་མཽ་གལ་གྱི་བུ་མུ་སྟེགས་ཅན་ཀུན་ཏུ་རྒྱུ་དབྱུག་ཐོགས་སྤྱི་ཕུད་རྣམས་ཀྱིས་དབྱུག་པས་བརྡུངས་ཏེ་འཆི་བ་ལ་ཉེ་སྐབས། ཤཱ་རིའི་བུས་ཁྱེད་རྫུ་འཕྲུལ་ལ་མཆོག་ཏུ་མངའ་བས་རྫུ་འཕྲུལ་མི་སྟོན་པ་ཅི་ཡིན་ཞུས་པར། ལས་ཀྱིས་ནོན་པས་རྫུ་བ་ཙམ་ཡང་མ་དྲན་ན། འཕྲུལ་བ་ལྟ་ཡང་ཅི་སྨོས་ཞེས་གསུངས་པ་ཡང་དེ་དང་མཐུན་ནོ། །༢ སྒྲ་བཤད་ཚུལ་གཉིས་པ་ནི། མཚོ་ཊཱིཀ་མཆན་བུ་ལས། རྫུ་བ་ལུས་ཀྱི་ཆོས། འཕྲུལ་བ་སེམས་ཀྱི་ཆོས་ཞེས་ཀྱང་སྣང་བས། རྫུ་བ་ལུས་ཀྱི་ཆོས་ཞེས་པའི་དོན་ནི། རང་གི་ལུས་སྤྲུལ་སྟག་སོགས་སུ་སྒྱུར་བར་བྱེད་པ་ནི་ལུས་ཀྱི་ཆོས་ཏེ་ལུས་ཀྱི་བྱེད་ལས་སམ་ཁྱད་ཆོས་ཡིན་ལ། འཕྲུལ་བ་ནི་དེ་ལྟ་བུའི་སྤྲུལ་སྒྱུར་སྣ་ཚོགས་སྟོན་ནུས་པའི་སེམས་ཀྱི་ཁྱད་ཆོས་ཏིང་ངེ་འཛིན་ནམ། ཡང་ན་གཞན་གྱི་སེམས་ལ་ཡ་མཚན་སྟེར་བར་བྱེད་པས་སེམས་ཀྱི་ཆོས་ཞེས་ཟེར་བ་ཡིན་ནམ་སྙམ། ཡང་ཀླུ་སྒྲུབ་ཀྱི་བཟང་སྤྱོད་སྨོན་ལམ་གྱི་འགྲེལ་པ་༡༧༤ན་ལས། ཀུན་ཏུ་མྱུར་བའི་རྫུ་འཕྲུལ་སྟོབས་རྣམས་དང་། །ཞེས་བྱ་བ་ལ་སོགས་པ་གང་གསུངས་པ་ཡིན་ནོ། །གྲུབ་པས་ན་རྫུ་འཕྲུལ་ཏེ་ཡང་དག་པར་གྲུབ་ཅིང་འདོད་པ་ཇི་ལྟ་བ་བཞིན་རྫོགས་པར་བྱེད་པའི་ཆོ་འཕྲུལ་ཞེས་བྱ་བའི་དོན་ཏོ། །ཞེས་གསུངས་སོ། །རྫུ་འཕྲུལ་ཆོ་འཕྲུལ་ཡིན་ནོ་ཞེས་ཇི་ལྟར་རྟོགས་ཤེ་ན། སེམས་ཅན་སོ་སོ་བ་རྣམས་ཀྱི་ཡིད་འཕྲོག་ཅིང་མགུ་བར་བྱེད་པས་ན་ཆོ་འཕྲུལ་ཡིན་ནོ། །ཞེས་གསུངས་པ་ལའང་བརྟག་རྒྱུ་ཡོད་པར་སྙམ་མོ། །དེ་ལྟ་བུའི་རྫུ་འཕྲུལ་དེ་འཐོབ་པའི་རྒྱུ་ནི། སྡེ་དགེ་བསྟན་འགྱུར་༼ གེ་པའི ༽ནང་བཞུགས་དབུ་མ་རིན་ཆེན་ཕྲེང་བ་༡༡༨ན༣ལས། ལྷམ་དང་བཞོན་པ་བྱིན་པ་དང་། །ཉམ་ཆུང་བཀུར་བ་བྱས་པ་དང་། །བཞོན་པས་བླ་མ་བཀུར་བ་ཡིས། །མཁས་པས་རྫུ་འཕྲུལ་འཐོབ་པར་འགྱུར། །ཞེས་གསུངས་པ་ལྟར་རོ། །

Dictionaries/sgom sde tshig mdzod chenmo/10408 +

(ཕར་ཕྱིན) སྐུ་རྫུ་འཕྲུལ་གྱི་ཆོ་འཕྲུལ་ལ་གཟིགས། +

Dictionaries/sgom sde tshig mdzod chenmo/10409 +

(ཕར་ཕྱིན) མངོན་ཤེས་དྲུག་གི་ནང་ཚན་གང་ཞིག ས་གཡོ་བ་དང་གཅིག་ཏུ་སྒྱུར་ཞིང་མང་པོར་སྤྲུལ་པ་ལ་སོགས་པ་བྱེད་པར་ནུས་པའི་རིག་པ། རྫུ་འཕྲུལ་གྱི་མངོན་ཤེས་ཀྱི་མཚན་ཉིད། རྫུ་འཕྲུལ་ཙམ་ལ་དབྱེ་ན་བཞི་ལས། དང་པོ་ལས་ལས་བྱུང་བ་ནི། མིའི་རྫུ་འཕྲུལ་དང༌། འཁོར་ལོས་སྒྱུར་བའི་རྒྱལ་པོ་དང༌། སྲིན་པོ་དང༌། ཤ་ཟ་འགའ་ཞིག་ལ་ཡོད་པའི་རྫུ་འཕྲུལ་ལྟ་བུ། གཉིས་པ་སྔགས་ལས་བྱུང་བ་ནི། སྔགས་འགའ་ཞིག་བགྲངས་པའི་མཐུས་རྫུ་འཕྲུལ་སྟོན་ནུས་པ་ལྟ་བུ། གསུམ་པ་སྨན་ལས་བྱུང་བ་ནི། སྨན་འགའ་ཞིག་བཅངས་པ་ཙམ་གྱིས་རྫུ་འཕྲུལ་སྟོན་ནུས་པ་ལྟ་བུ། བཞི་པ་ཏིང་ངེ་འཛིན་བསྒོམས་པ་ལས་བྱུང་བ་ནི། སྐབས་འདིར་དངོས་སུ་བསྟན་པའི་རྫུ་འཕྲུལ་གྱི་མངོན་ཤེས་ལྟ་བུ། +

Dictionaries/sgom sde tshig mdzod chenmo/1041 +

2 འབྲས་བུ་ལ་ཟེར། འཕགས་པ་ཐོགས་མེད་ཀྱི་གཏན་ལ་དབབ་པ་བསྡུ་བ་༤༩ན༧ལས། འབྱུང་བ་ཆེན་པོ་རྣམས་ནི་གནས་ཡིན་ལ། རྒྱུར་བྱས་པའི་གཟུགས་རྣམས་ནི་གནས་ཡིན་ནོ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10410 +

ཏིང་ངེ་འཛིན་ལ་ཟེར། སྒྲ་བཤད་ནི། མེད་པ་འཕྲུལ་བ་དང་ཡོད་པ་བསྒྱུར་བ་སོགས་ལ་རྫུ་འཕྲུལ་ཞེས་ཟེར་ལ། རྐང་པ་ནི་ཏིང་ངེ་འཛིན་ཏེ་དེའི་རྟེན་ནོ། ། +

Dictionaries/sgom sde tshig mdzod chenmo/10411 +

བྱང་ཕྱོགས་སྡེ་ཚན་བདུན་གྱི་གསུམ་པ་རྫུ་འཕྲུལ་གྱི་རྐང་པ་བཞི་ནི། འདུན་པའི་རྫུ་འཕྲུལ་གྱི་རྐང་པ། བརྩོན་འགྲུས་ཀྱི་རྫུ་འཕྲུལ་གྱི་རྐང་པ། སེམས་པའི་རྫུ་འཕྲུལ་གྱི་རྐང་པ། དཔྱོད་པའི་རྫུ་འཕྲུལ་གྱི་རྐང་པ་དང་བཞིའོ། །འདུན་པའི་རྫུ་འཕྲུལ་གྱི་རྐང་པ་དང༌། འདུན་པའི་ཏིང་ངེ་འཛིན་གཉིས་དོན་གཅིག འདུན་པའི་རྫུ་འཕྲུལ་གྱི་རྐང་པའམ། འདུན་པའི་ཏིང་ངེ་འཛིན་ཞེས་བྱ་བ་ནི། འདུན་པ་ལ་བརྟེན་ནས་བྱུང་བའི་ཏིང་ངེ་འཛིན་ལ་ཟེར་ཏེ། དཔེར་ན་རྔ་ལས་བྱུང་བའི་སྒྲ་ལ་རྔ་སྒྲ་དང༌། ནས་ལས་བྱུང་བའི་མྱུ་གུ་ལ་ནས་ཀྱི་མྱུ་གུ་ཞེས་བརྗོད་པ་བཞིན་ནོ། །ཡང་ན། འདུན་པ་དང་མཚུངས་པར་ལྡན་པའི་ཏིང་ངེ་འཛིན་ལ་འདུན་པའི་ཏིང་ངེ་འཛིན་ཞེས་བྱ་སྟེ། དཔེར་ན་བ་ལང་དང་ལྡན་པའི་ཤིང་རྟ་ལ་བ་ལང་གི་ཤིང་རྟ་ཞེས་ཟེར་བ་བཞིན་ནོ། །དེས་གཞན་རྣམས་ལའང་རིགས་འགྲེའོ། །སྒྲ་བཤད་ནི། རྫུ་འཕྲུལ་གྱི་སྒོ་ནས་སངས་རྒྱས་ཀྱི་ཞིང་རབ་འབྱམས་སུ་འགྲོ་བར་ནུས་པའི་རྐང་པ་དང་ལྡན་པས་ན་རྫུ་འཕྲུལ་གྱི་རྐང་པ་ཞེས་བྱ་བའམ། ཡང་ན་མེད་པ་འཕྲུལ་བ་དང་ཡོད་པ་བསྒྱུར་བ་སོགས་ལ་རྫུ་འཕྲུལ་ཞེས་བྱ་ལ། རྐང་པ་ནི་ཏིང་ངེ་འཛིན་ཏེ་དེའི་རྟེན་ནོ། ། +

Dictionaries/sgom sde tshig mdzod chenmo/10412 +

བྱ་བ་བྱེད་པའི་ནུས་པ་མེད་པ། +

Dictionaries/sgom sde tshig mdzod chenmo/10413 +

(ཕར་ཕྱིན) སླུ་འབྲིད་ཀྱི་བསམ་པས་ཕ་རོལ་པོ་ལ་མི་བདེན་པའི་གཏམ་ལུས་ངག་གི་རྣམ་འགྱུར་རམ་འཕྲིན་ཡིག་ཚུན་གྱིས་སྤྲིངས་པ་ལ་རྫུན་ཟེར། རྫུན་དང་རྫུན་ཚིག་གཉིས་ལ་ཁྱད་པར་འབྱེད་དགོས་སམ་སྙམ་མོ། །བརྫུན་སྨྲ་བ་ལ་གཟིགས། +

Dictionaries/sgom sde tshig mdzod chenmo/10414 +

(འདུལ་བ) རྫུན་དུ་སྨྲ་བའི་ཕམ་པའི་ངོ་ཏི་ནི། བཅས་ལྡན་དགེ་སློང་གིས་རང་ལ་མིའི་ཆོས་བླ་མའི་ཡོན་ཏན་མི་ལྡན་པ་ལས་འདུ་ཤེས་བསྒྱུར་ཏེ་རང་ལ་ཡོན་ཏན་དེ་དང་ལྡན་པར་སྨྲས་ཤིང་དོན་གོ་བ་ལས་གྱུར་པའི་ལྟུང་བ་དངོས་གཞི་རྫོགས་པའོ། །གླེང་གཞི་ནི། ཉ་པའི་གྲོང་དུ་དགེ་སློང་ལྔ་བརྒྱས་མི་ཆོས་བླ་མ་རྫུན་དུ་སྨྲས་ནས། འོད་མ་ཅན་གྱི་གྲོང་དུ་ཕམ་པ་འདི་བཅས་སོ། །དགག་བྱ་ནི་རང་ཆོམ་རྐུན་པའི་གྲངས་སུ་ཚུད་པ་དང་། གཞན་བསླུས་པའི་སྒོ་ནས་གནོད་པའོ། ། +

Dictionaries/sgom sde tshig mdzod chenmo/10415 +

(འདུལ་བ) ལྟུང་བྱེད་འབའ་ཞིག་པ་དགུ་བཅུའི་དང་པོ། རྫུན་དུ་སྨྲ་བའི་ལྟུང་བྱེད་ཀྱི་ངོ་ཏི་ནི། བཅས་ལྡན་དགེ་སློང་གིས་རྫུན་བཞི་ལས་གཞན་པ་ཤེས་བཞིན་གྱིས་རྫུན་ངག་ཏུ་སྨྲས་ཏེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །གླེང་གཞི་ལ་གཉིས་ལས། བྱུང་ལ་མ་བཅས་པའི་གླེང་གཞི་ནི། སྒྲ་གཅན་ཟིན་གྱིས་ཤེས་བཞིན་དུ་རྫུན་དུ་སྨྲས་པའི་བྱུང་བ་སྟེ་བཅས་པ་མ་མཛད་དོ། །བྱུང་ལ་བཅས་པའི་གླེང་གཞི་ནི་མཉན་ཡོད་དུ་ཤཱཀྱའི་བུ་དགེ་སློང་ལག་བརྒྱུད་ཀྱིས་ཤེས་བཞིན་དུ་རྫུན་དུ་སྨྲས་པ་ལས་ལྟུང་བྱེད་དུ་བཅས་སོ། །དགག་བྱ་ནི་གཞན་བསླུས་པའི་སྒོ་ནས་གཞན་ལ་གནོད་པའོ། །རྫུན་བཞི་ནི། ཕམ་པའི་རྫུན། ལྷག་མའི་རྫུན། སྦོམ་པོའི་རྫུན། ཉེས་བྱས་ཀྱི་རྫུན་དང་བཞིའོ། ། +

Dictionaries/sgom sde tshig mdzod chenmo/10416 +

(ཕར་ཕྱིན) འདུ་བྱེད་ཀྱི་ཆོས། འདུ་བྱེད་ཀྱི་ཆོས་རྣམས་རང་མཚན་གྱིས་མེད་བཞིན་དུ་རང་མཚན་གྱིས་གྲུབ་པར་སྣང་ནས་སོ་སྐྱེ་རྣམས་གནས་ལུགས་ཀྱི་དོན་མཐོང་བ་ལ་སྒྲིབ་པའི་སྒོ་ནས་སླུ་བས་རྫུན་པའམ་སླུ་བ་ཟེར། དེ་ནི་འཇིག་རྟེན་གྱི་སླུ་འབྲིད་བཞིན་ནོ། །དེ་ལ་སྣང་གནས་མི་མཐུན་པ་ཡང་ཟེར། +

Dictionaries/sgom sde tshig mdzod chenmo/10417 +

(འདུལ་བ) ཕམ་པའི་རྫུན། ལྷག་མའི་རྫུན། སྦོམ་པོའི་རྫུན། ཉེས་བྱས་ཀྱི་རྫུན་དང་བཞིའོ། ། +

Dictionaries/sgom sde tshig mdzod chenmo/10418 +

(ཕར་ཕྱིན) སླུ་འབྲིད་ཀྱི་བསམ་པས་མི་བདེན་པར་སྨྲས་པའི་ཚིག སྤྱིར་སྨྲ་རྒྱུའི་ཚིག་དེ་བདེན་པ་ཡིན་ཀྱང་ཀུན་སློང་གི་དབང་གིས་རྫུན་དུ་འགྲོ་བ་ཡོད་དེ། རྗེའི་ལམ་རིམ་ཆེན་མོ་ལས། ནོར་བརྐུས་པའི་མི་ཞིག་ལ་གཅིག་གིས་ནི་དེས་བརྐུས་པར་མི་ཤེས་བཞིན་དུ་འདིས་བརྐུས་སོ་ཞེས་བརྫུན་གྱི་སྒོ་ནས་སྨྲ་ལ། གཅིག་གིས་ནི་རྐུན་མ་དེས་ནོར་རྐུ་བ་མཐོང་ནས་འདིས་བརྐུས་སོ་ཞེས་སྨྲ་བ་ན་དེ་གཉིས་ཀས་ནོར་འདི་བརྐུས་སོ་ཞེས་པ་ལྟར་དུ་རྐུན་མ་དེས་ཀྱང་མོད་ཀྱང་གཅིག་ནི་བརྫུན་སྨྲ་ལ་ཅིག་ཤོས་ནི་བདེན་པར་སྨྲ་བས་མི་མཚུངས་པ་བཞིན་ནོ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10419 +

(འདུལ་བ) རྫུན་དུ་སྨྲ་བའི་ལྟུང་བྱེད་དང་འདྲ། +

Dictionaries/sgom sde tshig mdzod chenmo/1042 +

ལུས་ཀྱི་རྩ། སྒྲ་བཤད་ནི། གནས་པ་ནི་འདིར་རྟེན་ལ་ཟེར་ཏེ། རླུང་དང་རྣམ་ཤེས་ཀྱི་རྟེན་བྱེད་པའི་ཕྱིར་རོ། ། +

Dictionaries/sgom sde tshig mdzod chenmo/10420 +

(ཕར་ཕྱིན) 1 སྐྱེ་གནས་བཞིའི་ཡ་གྱལ། ཁུ་ཁྲག་སོགས་རྒྱུར་མ་བྱས་པར་ཡན་ལག་དང་དབང་པོ་སོགས་ཅིག་ཅར་དུ་སྐྱེ་བའི་སྐྱེ་གནས་ཤིག 2 བར་དོ་བ། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༤༩བ༡ལས། རྫུས་ཏེ་སྐྱེ་བའི་སེམས་ཅན་ཞེས་བྱ་བ་ནི་བར་མ་དོའི་སྲིད་པའི་སེམས་ཅན་ནོ། །ཞེས་གསུངས་པ་ལྟར་རོ། ། +

Dictionaries/sgom sde tshig mdzod chenmo/10421 +

(ཕར་ཕྱིན) 1 སྐྱེ་གནས་བཞིའི་ཡ་གྱལ། ཁུ་ཁྲག་སོགས་རྒྱུར་མ་བྱས་པར་ཡན་ལག་དང་དབང་པོ་སོགས་ཅིག་ཅར་དུ་སྐྱེ་བའི་སྐྱེ་གནས་ཤིག 2 བར་དོ་བ། རྫུས་ཏེ་སྐྱེ་བའི་སེམས་ཅན་ལ་གཟིགས། +

Dictionaries/sgom sde tshig mdzod chenmo/10422 +

རྫིའུ་དང་དོན་འདྲ། +

Dictionaries/sgom sde tshig mdzod chenmo/10423 +

རྫིའུ་ཚོས་ལ་གཟིགས། +

Dictionaries/sgom sde tshig mdzod chenmo/10424 +

རྫིའུ་ཚོས་སུམ་བརྒྱའི་ཁ་ཟས་ཞེས་པའི་ཐད་དུ་གཟིགས། +

Dictionaries/sgom sde tshig mdzod chenmo/10425 +

1 རྡུང་བ། འཐག་པ། ཞིབ་མོར་བཟོ་བ། སྒོག་པ་རྫོག་ཅེས་པ་ལྟ་བུ། +

Dictionaries/sgom sde tshig mdzod chenmo/10426 +

2 ཉེས་རྡུང་གཏོང་བ། རྡུང་རྡེག་གཏོང་བ་ལ་གོ། པོ་ཏོ་བའི་དཔེ་ཆོས་རྩ་བར། ཁྱི་རྫོག་འདྲ། ཞེས་པའི་ཐད་ཀྱི་དཔེ་ཆོས་རིན་ཆེན་སྤུངས་པའི་འབུམ་འགྲེལ་ལས། མི་གཤིས་ངན་ཅིག་ལ་གཞན་གྱིས་ཁྱིས་རྨུགས་པ་ན། རང་གི་སྒོ་རྩར་སླེབ་པ་དང༌། རང་གི་སྒོ་ཁྱི་ལ་རྫོག་གིན། ཁྱེད་ཀྱི་རིགས་ཀྱིས་དེ་རིང་ང་ལ་ཅི་མ་བྱས་ཟེར་ལོ། ཞེས་གསུངས་པ་ལྟར་རོ། །ཏྲེ་བོ་ཁམས་པའི་ཡུལ་སྐད་ལའང་ཡོད། +

Dictionaries/sgom sde tshig mdzod chenmo/10427 +

དྲི་མ་ཐམས་ཅད་དང་བྲལ་བའི་ད་ལྟའི་རིག་པ་གསལ་སྟོང་རྗེན་པ་འདི་ལ་རྫོགས་པ་ཆེན་པོ་ཟེར། སྒྲ་བཤད་ནི། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་རིག་པ་སྟོང་པ་འདིའི་ནང་དུ་རྫོགས་པས་ན་རྫོགས་པ་དང༌། དེ་ལས་ལྷག་པའི་འཁོར་བ་ལས་གྲོལ་བའི་ཐབས་གཞན་མཆོག་ཏུ་གྱུར་པ་མེད་པས་ན་ཆེན་པོ་ཟེར། ཕྱག་ཆེན་སྨོན་ལམ་གྱི་འགྲེལ་པ་སི་ཏུ་བསྟན་པའི་ཉིན་བྱེད་ཀྱིས་མཛད་པ་ལས། འདི་ལ་དགོངས་ནས་བདེ་གཤེགས་ཕག་མོ་གྲུ་པས། འཁོར་དང་མྱ་ངན་འདས་པའི་ཆོས། །སེམས་སུ་རྫོགས་པས་རྫོགས་ཆེན་ཡིན། །ཞེས་གསུངས་པ་བཞིན་ནོ། །ཞེས་གསུངས་སོ། །ཀརྨ་པ་མི་བསྐྱོད་རྡོ་རྗེའི་རྩོད་ཡིག་ལས། སྤྱིར་བསྟན་པ་རིན་པོ་ཆེ་འདི་ལ་ཐེག་དམན་ཉན་རང་གཉིས། ཐེག་ཆེན་བྱང་སེམས། ཁྱད་པར་རྣལ་འབྱོར་གྱི་ཐེག་པ་དང་བཅས་པས་ཐུབ་པའི་གཙུག་ལག་མཐའ་དག་བསྡུས་པར་བསྟན་ལ། འདི་དག་ཏུ་མ་འདུས་པའི་རྒྱལ་བ་བསྟན་པ་གཞན་འགའ་ཡང་མ་མཆིས་ཤིང་། ཐུབ་པའི་དབང་པོའི་སྐྱེས་རབས་ཕལ་ཆེར་བསྟན་པ་འདུལ་བ་ལུང་དང་། ཐུགས་བསྐྱེད་ཚུལ་སྟོན་པ་བསྐལ་བ་བཟང་པོ་དང་། མཛད་པ་བཅུ་གཉིས་བྱེ་བྲག་ཏུ་སྟོན་པ་མངོན་འབྱུང་གི་མདོ་ལ་སོགས་པ་མདོ་སྡེ་རྒྱུད་སྡེ་མཐའ་དག་ལས་ཀྱང་ཐུབ་པས་རྫོགས་ཆེན་ཐེག་པའི་ཆོས་འཁོར་བསྐོར་ཅེས་ཅུང་ཟད་ཙམ་ཡང་མི་སྣང་བ་དང་། ཁྱད་པར་འཕགས་པའི་ཡུལ་ལ་རྫོགས་ཆེན་མི་སྣང་ཞེས་ལོ་ཆེན་རིན་བཟང་དང་། འགོས་ལོ། རྔོག་ལོ་སོགས་ཕལ་མོ་ཆེའི་བསྟན་བཅོས་ལས་བྱུང་བས་དེང་སང་བོད་ན་གསང་སྔགས་སྔ་འགྱུར་དུ་གྲགས་པའི་བཀའ་མ་མང་པོ་ཞིག་དང་། གཏེར་སྟོན་གྱིས་བཏོན་པར་གྲགས་པའི་ཆོས་ལུགས་བགྲང་གིས་མི་ལང་བ་ཤིན་ཏུ་མང་བ་ཅིག་འདུག་པས། རྙིང་མ་རྒྱ་གར་ན་ཡོད་པའི་གཏན་ཚིགས་ངེས་པ་ཅན་སྨྲ་རྒྱུ་ཅི་ཡོད། ཅེས་སོགས་གསུངས་པ་དེ་དག་དོན་ལ་གནས་མི་གནས་སོགས་དཔྱད་པར་འོས་སོ། །དཔྱད་པ་ནི་རང་གཞན་སུའི་ལུགས་ལའང་བྱ་དགོས་ཤིང་གལ་ཡང་ཤིན་ཏུ་ཆེ་བས། སྟག་ཚང་པས་རྗེ་རིན་པོ་ཆེར་འགལ་བའི་ཁུར་ཆེན་བཅོ་བརྒྱད་ཡོད་ཚུལ་གྱི་རྩོད་ཡིག་ཀྱང་བློ་སྐྱེད་ཀྱི་གཞིར་འདིར་བཀོད་ཡོད་དོ། །རང་ལ་ཆོས་མཐུན་གྱིས་རྒོལ་བ་དག་ལ་བློ་སྐྱེད་སྦྱིན་པའི་ཆོས་གྲོགས་སུ་བལྟ་རྒྱུ་ལྟ་ཞོག་དགྲ་བོའི་དྭངས་མར་བལྟ་བའི་ངང་ཚུལ་འདི་ནི་ཤིན་ཏུ་ཡིད་མུག་པའི་གནས་སོ། ། +

Dictionaries/sgom sde tshig mdzod chenmo/10428 +

(འདུལ་བ) བསྙེན་པར་རྫོགས་པ་དང་དོན་འདྲ། ལོ་ཙཱ་བ་འགའ་ཞིག་གིས་བསྙེན་རྫོགས་ལ་རྫོགས་པར་བསྙེན་པ་ཞེས་བསྒྱུར་ཡོད། དཔེར་ན་སློབ་དཔོན་ཆོས་བཤེས་ཀྱི་འདུལ་བ་མདོ་རྩའི་རྒྱ་ཆེར་འགྲེལ་པར་བསྙེན་རྫོགས་ལ་རྫོགས་པར་བསྙེན་པ་ཞེས་བསྒྱུར་ཡོད་དེ། དེ་ཡང་དེའི་སྟོད་ཆ་༤ན༡ལས། རྫོགས་པར་བསྙེན་པ་དེའི་ཕྱིར་དགེ་སློང་འགའ་ཞིག་ལ་མཁན་པ་ཉིད་དུ་གནས་པ་ལའོ་ཞེས་བྱ་བ་དེ་བརྗོད་ནས། ཞེས་སོགས་མང་དུ་གསུངས་པ་ལྟར་རོ། ། +

Dictionaries/sgom sde tshig mdzod chenmo/10429 +

(མཛོད) རྟེན་དེ་ལ་ཡན་ལག་དང་ཉིང་ལག་དབང་པོ་རྣམས་ཚང་མ་ཚང༌། བདེ་སྡུག་དབུལ་ཕྱུག་སོགས་སོ་སོར་འབྱིན་པར་བྱེད་པའི་ལས། +

Dictionaries/sgom sde tshig mdzod chenmo/1043 +

ཆོས་ཉིད་ཀྱི་རིགས་པ་གསུམ་གྱི་ཡ་གྱལ་ཏེ། ཤེས་བྱ་ཐམས་ཅད་བདེན་གྲུབ་ཀྱིས་སྟོང་པ་ལྟ་བུའོ། །རྗེའི་ལམ་རིམ་ཆེན་མོ་ལ་གཞི་བྱས། +

Dictionaries/sgom sde tshig mdzod chenmo/10430 +

(གསང་སྔགས) <ཨུཏྤནྣ་ཀྲ་མ> བསྒོམས་སྟོབས་ཀྱིས་རླུང་དབུ་མར་ཞུགས་གནས་ཐིམ་གསུམ་བྱས་པ་ལས་བྱུང་བའི་སློབ་པའི་རྒྱུད་ཀྱི་རྣལ་འབྱོར་དེ། རྫོགས་རིམ་གྱི་མཚན་ཉིད་དུ་པཎ་ཆེན་བློ་བཟང་ཆོས་ཀྱི་རྒྱན་མཚན་གསུང༌། དེ་ལ་དཔལ་ལྡན་ཆོས་རྗེས་དེ་བླ་མེད་སྤྱིའི་རྫོགས་རིམ་གྱི་དབང་དུ་བྱས་སམ་སྙམ་སྟེ། སྤྱིར་རྫོགས་རིམ་ཡིན་ན་རླུང་དབུ་མར་ཞུགས་གནས་ཐིམ་གསུམ་བྱས་པ་ལས་བྱུང་བས་མ་ཁྱབ་པའི་ཕྱིར་ཏེ། དུས་འཁོར་གྱི་ལུགས་ཀྱི་སོ་བསམ་གཉིས་རླུང་དབུ་མར་འཛུད་པའི་སྔོན་འགྲོ་ཡིན་པའི་ཕྱིར། ཞེས་གསུངས། སྒྲ་བཤད་ནི། རྫོགས་པ་ནི་གྲུབ་པ། རིམ་པ་ནི་རྣམ་པ་དང་ཆ་དང་ཕྱོགས་ཞེས་བྱ་བའི་མིང་གི་རྣམ་གྲངས་ཡིན་པར། ཤཱནྟི་པས་གསུངས་ཞེས་རྗེའི་སྔགས་རིམ་ཆེན་མོར་གསལ། དེས་ན་བློས་མ་བཅོས་པར་གྲུབ་པའི་རྣམ་པ་ཡིན་པས་རྫོགས་རིམ་ཞེས་བྱ་སྟེ། དེ་ཡང་བསྐྱེད་རིམ་ལྟར་བློས་བཅོས་ནས་བསྐྱེད་པ་ཙམ་མིན་པར་དངོས་གནས་ལ་རླུང་སེམས་ཙམ་ལས་རང་ཉིད་ལྷའི་སྐུར་རྫོགས་པའམ་གྲུབ་པའི་རྣམ་པ་ཡིན་པས་དེ་སྐད་ཅེས་བྱའོ། །རྒྱས་པ་སྔགས་རིམ་ཆེན་མོ་ལས་ཤེས་པར་བྱའོ། །མིང་གི་རྣམ་གྲངས་ནི། རིམ་པ་གཉིས་པ། རྫོགས་པའི་རིམ་པ། མ་བརྟགས་པའི་རིམ་པ། རྣལ་མའི་རྣལ་འབྱོར་ཞེས་བྱའོ། །རྗེའི་སྔགས་རིམ་ཆེན་མོ་ལྟར་བཀོད། +

Dictionaries/sgom sde tshig mdzod chenmo/10431 +

(གསང་སྔགས) ༡ གསང་བ་འདུས་པའི་རྫོགས་རིམ་རིམ་ལྔ་གདན་རྫོགས་ཀྱི་དམར་ཁྲིད། ༢ སྦྱོར་བ་ཡན་ལག་དྲུག་གི་ཁྲིད་ཡིག ༣ ནཱ་རོ་ཆོས་དྲུག་གི་ཁྲིད་ཡིག ༤ འཁོར་ལོ་སྡོམ་པའི་རྫོགས་རིམ་རྣལ་འབྱོར་ཆེན་པོའི་ཁྲིད་ཡིག ༥ འཁོར་ལོ་སྡོམ་པའི་རྫོགས་རིམ་རིམ་ལྔའི་ཁྲིད་ཡིག ༦ རྡོ་རྗེ་འཇིགས་བྱེད་ཀྱི་རྫོགས་རིམ་རྣལ་འབྱོར་བཞིའི་ཁྲིད་ཡིག་བཅས་སོ། །སྤྱིར་བཏང་རྫོགས་རིམ་ཁྲིད་ཆེན་བརྒྱད་ཅེས་པ་གྲགས་ཆེ་བ་ཡིན་ནོ། །རྒྱུད་སྨད་གྲྭ་ཚང་ཞེས་པའི་ཐད་ཀྱི་དུང་དཀར་བློ་བཟང་འཕྲིན་ལས་ལགས་ཀྱི་ཚིག་མཛོད་ཆེན་མོར་བཞུགས། +

Dictionaries/sgom sde tshig mdzod chenmo/10432 +

(གསང་སྔགས) རྗེ་ཙོང་ཁ་པ་ཆེན་པོའི་ཐུགས་ཀྱི་ཉིང་ཁུ་རྫོགས་རིམ་ཁྲིད་ཆེན་བརྒྱད་དུ་གྲགས་པ་ནི། ༡ འདུས་པ་འཕགས་ལུགས་ཀྱི་རྫོགས་རིམ་རིམ་ལྔ་རིམ་ལྔ་གསལ་སྒྲོན། ༢ གསང་འདུས་འཇམ་རྡོར་རམ་ཡེ་ཤེས་ཞབས་ལུགས་ཀྱི་རྫོགས་རིམ་གྲོལ་བའི་ཐིག་ལེའམ་ཐིག་ལེ་བཞི་ལྡན། ༣ བདེ་མཆོག་ལཱུ་ཧི་པའི་རྫོགས་རིམ་རྣལ་འབྱོར་ཆེན་པོ། ༤ བདེ་མཆོག་དྲིལ་བུ་ལུས་དཀྱིལ་གྱི་རྫོགས་རིམ་དྲིལ་བུ་རིམ་ལྔ། ༥ དཔལ་དང་པོའི་སངས་རྒྱས་དུས་ཀྱི་འཁོར་ལོའི་རྫོགས་རིམ་སྦྱོར་བ་ཡན་ལག་དྲུག ༦ རྡོ་རྗེ་འཇིགས་བྱེད་ཀྱི་རྫོགས་རིམ་རྣལ་འབྱོར་བཞི། ༧ ཕྱག་རྡོར་འཁོར་ཆེན་གྱི་རྫོགས་རིམ་བྱིན་རླབས་བཞི་ལྡན། ༨ བླ་མེད་སྤྱི་འགྲོའི་རྫོགས་རིམ་དང་ཁྱད་པར་མ་རྒྱུད་ལ་སྦྱར་ཆོག་པ་ནཱ་རོ་ཆོས་དྲུག་སྟེ་བརྒྱད་དོ། ། +

Dictionaries/sgom sde tshig mdzod chenmo/10433 +

(གསང་སྔགས) སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་པའི་གསང་སྔགས་ཀྱི་བསྟན་བཅོས་ཤིག གྲོལ་བའི་ཐིག་ལེ་ཡང་ཟེར། +

Dictionaries/sgom sde tshig mdzod chenmo/10434 +

(གསང་སྔགས) རླུང་དབུ་མར་ཞུགས་གནས་ཐིམ་གསུམ་བྱས་པ་ལས་བྱུང་བའི་བདེ་སྟོང་སྦྱར་བའི་སྒོ་ནས་རང་གི་ཕུང་སོགས་ལྷར་སྒོམ་པ། རྗེའི་རིམ་ལྔ་གསལ་སྒྲོན་ལ་གཞི་བྱས། +

Dictionaries/sgom sde tshig mdzod chenmo/10435 +

(གསང་སྔགས) ལུས་དབེན། ངག་དབེན། སེམས་དབེན། སྒྱུ་ལུས། འོད་གསལ། ཟུང་འཇུག་གི་རིམ་པ་དྲུག (རྫོགས་རིམ་རིམ་ལྔ་འདྲེན་ཚེ་ལུས་དབེན་མ་དྲངས་ལ། འདིར་དྲངས་པ་ནི་རྫོགས་རིམ་དུ་གྱུར་པའི་ལུས་དབེན་ནོ) +

Dictionaries/sgom sde tshig mdzod chenmo/10436 +

(གསང་སྔགས) ༡ ངག་དབེན་གྱི་རིམ་པ། ༢ སེམས་དབེན་གྱི་རིམ་པ། ༣ སྒྱུ་ལུས་ཀྱི་རིམ་པ། ༤ འོད་གསལ་གྱི་རིམ་པ། ༥ ཟུང་འཇུག་གི་རིམ་པ་དང་ལྔའོ། །ལུས་དབེན་ལ་བསྐྱེད་རིམ་གྱི་ཆ་ཡང་ཡོད་པས་མ་དྲངས ཡང་ན། ༡ རྡོར་བཟླས་ཀྱི་རིམ་པ། ༢ དགོངས་པ་བླ་ན་མེད་པའི་རིམ་པ། ༣ བདག་བྱིན་རླབས་ཀྱི་རིམ་པ། ༤ མངོན་པར་བྱང་ཆུབ་པའི་རིམ་པ། ༥ ཟུང་འཇུག་གི་རིམ་པ་དང་ལྔའོ། །རྫོགས་རིམ་རིམ་པ་ལྔའི་ཐ་སྙད་འདི་གསང་འདུས་ཀྱི་ལུགས་ཡིན་ཞིང༌། །འཇིགས་བྱེད་ལྷ་བཅུ་གསུམ་མ་དང༌། དཔའ་པོ་གཅིག་པ། དགྲ་ནག གཤེད་དམར། རོ་ལངས་བརྒྱད་སྐོར། ཞེ་དགུ་མ་རྣམས་ལ་རྫོགས་རྣལ་འབྱོར་བཞིའི་ཐ་སྙད་བྱེད་པར་གསུངས་སོ། །རྫོགས་རིམ་རྣལ་འབྱོར་བཞི་ལ་གཟིགས། +

Dictionaries/sgom sde tshig mdzod chenmo/10437 +

(གསང་སྔགས) རིམ་པ་ལྔ་པ་ཡང་ཟེར། སློབ་དཔོན་ཀླུ་སྒྲུབ་ཀྱིས་མཛད། +

Dictionaries/sgom sde tshig mdzod chenmo/10438 +

(གསང་སྔགས) དཔལ་རྡོ་རྗེ་འཇིགས་བྱེད་ཀྱི་རྫོགས་རིམ་གྱི་ལམ་བགྲོད་པའི་རིམ་པ་ལ་རྣལ་འབྱོར་བཞིའི་ཐ་སྙད་བྱེད་དེ། ༡ སྔགས་ཀྱི་རྣལ་འབྱོར། (འདི་གསང་འདུས་ཀྱི་ལུས་དབེན་ངག་དབེན་གཉིས་ཀྱི་དོན་ཐུབ་ཡིན) ༢ དམ་ཚིག་གི་རྣལ་འབྱོར། (སེམས་དབེན་གྱི་དོད་ཐུབ) ༣ དབྱིབས་ཀྱི་རྣལ་འབྱོར། (དག་མ་དག་གི་སྒྱུ་ལུས་ཀྱི་དོད་ཐུབ) ༤ རྣམ་དག་ཡེ་ཤེས་ཀྱི་རྣལ་འབྱོར། (སེམས་དབེན་མཐར་ཐུག་དཔེ་ཡི་འོད་གསལ་དང༌། རིམ་པ་བཞི་པའི་དོན་གྱི་འོད་གསལ་གྱི་དོད་ཐུབ་ཡིན་པར་བཤད) དང་བཞིའོ། །འཇིགས་བྱེད་ལྷ་བཅུ་གསུམ་མ། དཔའ་གཅིག དགྲ་ནག གཤེད་དམར། རོ་ལངས་བརྒྱད་སྐོར། ཞེ་དགུ་མ་རྣམས་ལ་རྫོགས་རྣལ་འབྱོར་བཞིའི་ཐ་སྙད་བྱེད་པར་གསུངས། གསང་འདུས་ཀྱི་རྫོགས་རིམ་གྱི་ལམ་བགྲོད་པའི་རིམ་པ་ལ། དབེན་པ་གསུམ་གྱི་རྣལ་འབྱོར། སྒྱུ་ལུས་དང་འོད་གསལ་ཟུང་འཇུག་སྟེ་རྫོགས་རིམ་རིམ་པ་ལྔའམ་དྲུག་གི་ཐ་སྙད་བྱེད། +

Dictionaries/sgom sde tshig mdzod chenmo/10439 +

(མཛོད) 1 རྫོགས་པར་ལྡན་པ། ཆ་ཚང་བར་ལྡན་པ། 2 རྫོགས་ལྡན་དུས་ལ་གཟིགས། +

Dictionaries/sgom sde tshig mdzod chenmo/1044 +

(མཛོད) གནས་པའི་བསྐལ་པ་ནི། བར་གྱི་བསྐལ་པ་ཉི་ཤུར་གནས་པ་ཡིན་ནོ། །དེ་ཡང་དམྱལ་བ་མནར་མེད་དུ་སེམས་ཅན་ནམ་སྐྱེས་པ་དེའི་ཚེ་འཇིག་རྟེན་གྱི་ཁམས་ཆགས་ཟིན་ནས། གནས་པའི་བསྐལ་པའི་འགོ་བརྩམ་པ་ཡིན་ནོ། །མཛོད་རྩ་བ་ལས། དེ་ལྟར་འཇིག་རྟེན་ཆགས་པ་འདི། །བར་གྱི་བསྐལ་པ་ཉི་ཤུར་གནས།། ཞེས་གསུངས་སོ། ། +

Dictionaries/sgom sde tshig mdzod chenmo/10440 +

(མཛོད) བསྐལ་པ་དང་པོའི་མིང༌། རྫོགས་ལྡན་གྱི་དུས་ལ་གཟིགས། དེའི་དུས་ཀྱི་མི་རྣམས་ནི་གཟུགས་ཀྱི་ལྷ་བཞིན་དུ་རྫུས་ཏེ་སྐྱེས་པ། དབང་པོ་ཚང་བ། མཛེས་ཤིང་མདོག་བཟང་བ། ལུས་ལ་འོད་དང་ལྡན་པ། རྫུ་འཕྲུལ་གྱིས་ནམ་མཁའ་ལ་འགྲོ་བ། བསམ་གཏན་གྱི་དགའ་བ་ཟས་སུ་ཟ་བ། ཚེ་ལོ་དཔག་མེད་དང་ལྡན་པ་ཞིག་གོ། རྫོགས་ལྡན་ཞེས་པའི་སྒྲ་བཤད་ནི། དགེ་བ་བཅུ་ཀ་རྫོགས་པར་སྤྱོད་པའམ་ཉམས་སུ་ལེན་པ་དང་ལྡན་པས་རྫོགས་ལྡན་ཞེས་པའམ། ཡང་ན་དེའི་དུས་སུ་དགེ་བཅུ་རྫོགས་པར་སྤྱོད་པས་སྣོད་བཅུད་ཀྱི་དཔལ་ལམ་ཡོན་ཏན་རྣམས་མ་ཉམས་པར་རྫོགས་པར་ལྡན་པས་ན་རྫོགས་ལྡན་ཞེས་བྱའོ། །འཁྲིག་པ་སྤྱོད་ཅིང་མ་བྱིན་པར་བླངས་པས་སྣོད་བཅུད་ཀྱི་དཔལ་ཆ་བཞིར་བགོས་པའི་གཅིག་བྲི་བས་གསུམ་ལྡན། རྫུན་སྨྲས་པས་དཔལ་འབྱོར་ཆ་གཉིས་བྲི་བས་གཉིས་ལྡན། སྲོག་གཅོད་བཅས་མི་དགེ་བའི་ལས་ལམ་ཡོངས་སུ་རྫོགས་པ་སྤྱད་པས་ཆ་གཅིག་པོ་ཡང་རིམ་གྱིས་བྲི་སྟེ་རྩོད་ལྡན་དུ་གྱུར་ཏོ། ། +

Dictionaries/sgom sde tshig mdzod chenmo/10441 +

(མཛོད) <ཀྲྀ་ཏ་ཡུ་གཾ> བསྐལ་པ་དང་པོའི་དུས་སུ། དེར་དགེ་བཅུ་རྫོགས་པར་སྤྱོད་ཅིང་སྣོད་བཅུད་ཀྱི་དཔལ་ཆ་ཙམ་ཡང་མ་ཉམས་པར་གནས་པས་རྫོགས་ལྡན་ཞེས་བྱའོ། །དེའི་ཡུན་ཚད་ལ་མི་ལོ་༡༧༢༨༠༠༠ས་ཡ་གཅིག་དང་བདུན་འབུམ་ཉི་ཁྲི་བརྒྱད་སྟོང་པར་དུས་འཁོར་ལས་གསུངས། ཞེས་མངོན་བརྗོད་མཁས་པའི་རྣ་རྒྱན་ལས་བཤད། དེའི་དུས་ཀྱི་མི་རྣམས་ནི་གཟུགས་ཀྱི་ལྷ་བཞིན་དུ་རྫུས་ཏེ་སྐྱེས་པ། དབང་པོ་ཚང་བ། མཛེས་ཤིང་མདོག་བཟང་བ། ལུས་ལ་འོད་དང་ལྡན་པ། རྫུ་འཕྲུལ་གྱིས་ནམ་མཁའ་ལ་འགྲོ་བ། བསམ་གཏན་གྱི་དགའ་བ་ཟས་སུ་ཟ་བ། ཚེ་ལོ་དཔག་མེད་དང་ལྡན་པ་ཞིག་གོ། རྫོགས་ལྡན་ཞེས་པའི་སྒྲ་བཤད་ནི། དགེ་བ་བཅུ་ཀ་རྫོགས་པར་སྤྱོད་པའམ་ཉམས་སུ་ལེན་པ་དང་ལྡན་པས་རྫོགས་ལྡན་ཞེས་པའམ། ཡང་ན་དེའི་དུས་སུ་དགེ་བཅུ་རྫོགས་པར་སྤྱོད་པས་སྣོད་བཅུད་ཀྱི་དཔལ་ལམ་ཡོན་ཏན་རྣམས་མ་ཉམས་པར་རྫོགས་པར་ལྡན་པས་ན་རྫོགས་ལྡན་ཞེས་བྱའོ། །འཁྲིག་པ་སྤྱོད་ཅིང་མ་བྱིན་པར་བླངས་པས་སྣོད་བཅུད་ཀྱི་དཔལ་ཆ་བཞིར་བགོས་པའི་གཅིག་བྲི་བས་གསུམ་ལྡན། རྫུན་སྨྲས་པས་དཔལ་འབྱོར་ཆ་གཉིས་བྲི་བས་གཉིས་ལྡན། སྲོག་གཅོད་བཅས་མི་དགེ་བའི་ལས་ལམ་ཡོངས་སུ་རྫོགས་པ་སྤྱད་པས་ཆ་གཅིག་པོ་ཡང་རིམ་གྱིས་བྲི་སྟེ་རྩོད་ལྡན་དུ་གྱུར་ཏོ། །གོང་དུ་བཤད་པའི་ལོ་ཚད་དེ་ནི་རྒྱ་གར་གྱི་ཧིནྡཱུའི་ཆོས་ལུགས་ནང་ཡང་ཇི་མ་ཇི་བཞིན་འབྱུང་བས། ཐ་སྙད་དེ་དག་ནང་པས་ཕྱི་རོལ་པའི་གཞུང་ནས་ཚུར་བླངས་པར་ངེས་སོ། །རྫོགས་ལྡན་གྱི་བསྐལ་པ་དང་དོན་གཅིག རྫོགས་ལྡན་གྱི་བསྐལ་པ་ལ་གཟིགས། གཞན་ཡང་། རྫོགས་ལྡན། གསུམ་ལྡན། གཉིས་ལྡན། རྩོད་ལྡན་བཅས་དུས་བཞི་སོ་སོ་ལ་མི་ལོ་གྲངས་ཀྱི་ཁྱད་པར་སྐོར། མངོན་བརྗོད་མཁས་པའི་རྣ་རྒྱན་༤༠ན་གསལ་བའི་དེར་གཟིགས། +

Dictionaries/sgom sde tshig mdzod chenmo/10442 +

ར་ས་དང་དོན་འདྲ། མཁས་དབང་དགེ་འདུན་ཆོས་འཕེལ་གྱིས་རྭ་ས་ཞེས་ཝ་ཟུར་བཏགས་པ་བྲིས་འདུག ཝ་ཟུར་ཡོད་མེད་ཇི་ལྟར་ཡང་དོན་ནི་འདྲའོ། ། +

Dictionaries/sgom sde tshig mdzod chenmo/10443 +

<བཱཤྤ> འཁོར་ལྔ་སྡེའི་ཡ་གྱལ་ཞིག Vāşpa वाष्प +

Dictionaries/sgom sde tshig mdzod chenmo/10444 +

ཧམ་ཁྱེར་གྱི་དོན་དུ། ལི་ཤིའི་གུར་ཁང་གསུང་། ཚེ་ཏན་ཞབས་དྲུང་གི་དག་ཡིག་ཐོན་མིའི་དགོངས་རྒྱན་ལས། རླམ་ཁྱེར་ནི་ཧམ་ཁྱེར་གྱི་བརྡ་རྙིང་དུ་བཤད་མོད། བརྡ་བཀྲོལ་སོགས་སུ་རླན་གྱིས་ཟིན་པ་ལ་བཤད། ཅེས་གསུངས་སོ། ། +

Dictionaries/sgom sde tshig mdzod chenmo/10445 +

ཕྱིང་པའི་རྣམ་པ་ལྟ་བུའི་གདན་ཞིག་ལ་ཟེར། འདི་ལ་བླིངས་པ་ཞེས་ཀྱང་འབྲི་སྟེ། འདུལ་བ་རྣམ་པར་འབྱེད་པའི་ཚིག་རྣམ་པར་བཤད་པ་༼ ཚུ ༽༡༢༠ན༢ལས། བླིངས་པ་ཞེས་བྱ་བ་ནི་ཕྱིང་པའི་རྣམ་པ་ལྟ་བུའོ། །ཞེས་གསུངས། དེའི་ཐད་ཀྱི་ལུང་རྣམ་འབྱེད་༼ ཆ ༽༡༢༧ན༦ལས། སྲིན་བལ་གྱི་སྟན་ཞེས་བྱ་བ་ནི་སྟན་གཉིས་ཏེ། ནང་ཚངས་ཅན་དང་། རླིངས་པ་སྟེ། དོན་འདིར་ན་གཉིས་ཀ་ཡིན་པར་དགོངས་སོ། །ཞེས་གསུངས་སོ། ། +

Dictionaries/sgom sde tshig mdzod chenmo/10446 +

1 བཤིག་པ། དཔེར་ན་མངལ་རླུགས་པ་ཞེས་པ་ལྟ་བུ། +

Dictionaries/sgom sde tshig mdzod chenmo/10447 +

2 (འདུལ་བ) ལུགས་པ། དཔེར་ན་རླིག་རླུགས་ཞེས་པ་ལྟ་བུ། +

Property:TibetanDefinition

Navigation menu

Search